ဖေဖော်ဝါရီ ၁၅၊ ၂၀၁၆
M-Media
သတင်း-ဖြူလေး
မန္တလေး။ ။ Muslim Medical Family (မန္တလေး) မှ ဦးဆောင်၍ နှစ်စဉ် ကျင်းပသည့် မန္တလေးမြို့မှ မွတ်စလင်မ် သက်ကြီး ဆရာဝန်များအား ဂုဏ်ပြုပွဲ၊ မောင်မယ်သစ်လွင်ကြိုဆိုပွဲနှင့် ထူးချွန်ကျောင်းသားများအား ဆုချီးမြှင့်ပွဲ အခမ်းအနားကို မန္တလေးမြို့ ပန်းသေးဗလီ ခန်းမတွင် ဖေဖော်ဝါရီလ ၁၄ ရက်နေ့က ပြုလုပ်ကျင်းပခဲ့ကြပါတယ်။
အဆိုပါ အခမ်းအနားတွင် သက်ကြီး ဆရာဝန်ကြီးများ၊ ဆေးတက္ကသိုလ်၊ သွားဆေး တက္ကသိုလ်၊ဆေးဝါးကျွမ်းကျင်၊ ဆေးဘက်ဆိုင်ရာ၊ သူနာပြု တက္ကသိုလ် အစရှိသည့် ဆေးနှင့် ပတ်သက်သည့် တက္ကသိုလ်အသီးသီးက ကျောင်းသား ကျောင်းသူများ ၊ဆေးကုမ္ပဏီများမှ ဧည့်သည်တော်များ၊ ဖိတ်ကြားထားသော ဧည့်သည်တော်များ စုစုပေါင်း ၁၀၀ကျော်ခန် တက်ရောက်ခဲ့ကြပါတယ်။
ရှေးဦးစွာ ကုရ်အာန်ကျမ်းစာ ရွတ်ဖတ်ကာ အခမ်းအနားကို ဖွင့်လှစ်ပြီး သက်ကြီးဆရာဝန်ကြီးများနှင့် ဧည့်သည်တော်များမှ မိတ်ဆက်ခြင်း၊ ပထမနှစ်မောင်မယ်သစ်လွင်များမှ မိတ်ဆက်ခြင်း၊ နောက်ဆုံးနှစ် ကျောင်းသားသူများမှ မိတ်ဆက်ခြင်းကြပါတယ်။
သက်ကြီးဆရာဝန်များကိုလည်း မျိုးဆက်သစ် ဆရာဝန်လောင်းများက ပြန်လည်ပြီး ဂုဏ်ပြုလက်ဆောင်များ ပေးအပ်ခဲ့ကြောင်းလည်း သိရပါတယ်။။ ဆရာဝန်ကြီးများမှလည်း အနာဂတ်ဆရာဝန်လောင်းများကို အမှတ်တရ ဂုဏ်ပြုစကားများ ပြောဆိုခဲ့ကြပါတယ်။
အဲဒီနောက် သက်ကြီးဆရာဝန်များကိုယ်စား အရေပြားအထူးကုဆရာဝန်ကြီး ဒေါက်တာနူရ်းစလင်းမှ အမှာစကားပြောကြားပြီးနောက် နှလုံးအထူးကု ဆရာဝန်ကြီး ဒေါက်တာ ခင်မောင်ထွေးမှ အသင်း၏ လုပ်ငန်းစဉ်များကို ဆွေးနွေး တင်ပြခြင်း၊ ဆေးတက္ကသိုလ် Final part 2 မှ ကိုရှင်းသန့်မှ အသင်း၏ လုပ်ငန်းဆောင်တာများကို တင်ပြခဲ့ပါတယ်။
ယခုကဲ့သို့ အခမ်းအနားမျိုး ကျင်းပရခြင်းနှင့် ပတ်သက်ပြီး EC တစ်ဦးဖြစ်သူ ကိုမိုးကိုကိုလွင်က “ဒီဆေးလောကမှပေါ့ လူကြီးတွေကနေ အငယ်တွေအထိ တစ်ဦးနဲ့တစ်ဦး သိနေစေဖို့အတွက်ရယ် လူကြီး လူငယ်အချင်းချင်း ရင်းနှီးချစ်ကြည်စေဖို့အတွက် ရည်ရွယ်ပြီး ပြုလုပ်ရခြင်းဖြစ်ပါတယ်။ ကိုယ့်မြို့မဟုတ်တဲ့ တခြားတစ်မြို့ကို ရောက်သွားရင်လည်း အချင်းချင်းသိနေကြပြီးတော့ လိုအပ်ချက်တွေကို အကူအညီရဖို့အတွက်လည်း ရည်ရွယ်ပါတယ်” M-Media ကိုပြောပါတယ်။
အစီအစဉ် ဒုတိယအပိုင်းအနေဖြင့် မောင်မယ်သစ်လွင်ကြိုဆိုပွဲ ပျော်ရွှင်ဖွယ် အစီအစဉ်များကို ဆက်လက်ကျင်းပခဲ့ကြောင်း သိရှိရပါတယ်။
