News @ M-Media

Tag: Muslims

  • မြန်မာမွတ်စ်လင်မ် ဒုက္ခသည်များနဲ့တဒင်္ဂဆုံစည်းမှု (ဘာသာပြန် ဆောင်းပါး)

    စက်တင်ဘာ ၁၆- ၂၀၁၃
    M-Media
    မြင့်မိုရ် မောင်မောင် ဘာသာပြန်ဆိုသည်။

    1
    (ဓာတ်ပုံ- ခရိုင်အားကစားကွင်းရှိ ပြည်တွင်းဒုက္ခသည်ယာယီစခန်း IDP Camp ကို နေအိမ်သဖွယ်သဘောထားနေရသော ဒုက္ခသည်များ)

    ပြီးခဲ့တဲ့လအတွင်း ကုလသမဂ္ဂလူ့အခွင့်အရေးကိုယ်စားလှယ် သောမတ်စ်ကင်တားနားဟာ မိတ္ထီလာမြို့ထဲက မွတ်စ်လင်မ်ဒုက္ခသည်များ စခန်းကိုသွားရောက်နိုင်ဖို့ကြိုးစားစဉ်က လူရမ်းကားတစ်စုရဲ့ဝိုင်းရံမှုကို ခံခဲ့ရတယ်။
    “ လူ ၂၀၀ လောက် ရှိတဲ့ လူအုပ်ကြီးက ကျွန်တော့် ကားကို ၀ိုင်းပြီး ရပ်တန့်စေခဲ့တယ်။ သူတို့က ဆဲဆိုအော်ဟစ်ပြီး ကားရဲ့ပြူတင်းနဲ့တံခါးတွေကို ရိုက်ပုတ် ကန်ကျောက်ခဲ့ကြတယ် ” လို့ ကင်တားနားရဲ့ပြောဆိုချက်မှာ တွေ့ရတယ်။

    ဒါပေမယ့် မြန်မာအစိုးရကတော့ ဒါဟာ အနှောင့်အယှက်ပေးတာ မဟုတ်ပါဘူးတဲ့။ သမ္မတရဲ့ပြောရေးဆိုခွင့်ရှိသူ ဦးရဲထွဋ်က ကင်တားနားဟာ အဲ့ဒီအဖြစ်အပေါ် အမြင်မှားအထင်လွဲတာပါဆိုပြီး မီဒီယာအသိုင်းအ၀ိုင်းကို ပြောကြားခဲ့တယ်။ အဲ့ဒီလူအုပ်ဟာ လူရမ်းကားတွေ လုံးဝ မဟုတ်ပါဘူးတဲ့။ ငြိမ်းချမ်းစွာ ဆန္ဒပြယင်း ကြိုဆိုနေကြတဲ့ လူစုပါတဲ့။ သူတို့က ကင်တားနားကို စာတစ်စောင်ပေးနိုင်ဖို့ ကြိုးစားခဲ့ကြတာပါတဲ့။ အဲ့ဒီဖြစ်ရပ်မတိုင်ခင် ရက်ပိုင်းလောက်မှာ နိုင်ငံရေးကိစ္စ အလျဉ်းမပါဝင်ဘဲ ကျွန်တော် နဲ့ ဓာတ်ပုံဆရာ အင်ဒရူး စတင်းဘရစ်ဂ်ျ တို့က ကင်တားနားသွားချင်ခဲ့တဲ့နေရာနဲ့အနီးတစ်ဝိုက်ကလူတွေဆီ ရောက်ရှိခဲ့တယ်။ ကုလသမဂ္ဂရဲ့နာမည်ကြီးပုဂ္ဂိုလ်တွေမဟုတ်တော့ အဲ့ဒီလိုမျိုး မကြုံဆုံခဲ့ရပါဘူး။ ကားကိုရပ်တန့်စေပြီး ပြူတင်းပေါက်ကတဆင့် စာတွေကမ်းပေးဖို့ ရာဂဏန်းရှိ လူတစ်စုရဲ့နှုတ်ဆက်မှုမျိုး မဖြစ်ခဲ့ကြပါဘူး။

    ဒီနှစ်အတွင်း ဗုဒ္ဓဘာသာဝင်တွေရဲ့အကြမ်းဖက်တိုက်ခိုက်မှုကြောင့် အိုးအိမ်စွန့်ခွာခဲ့ကြတဲ့ မွတ်စ်လင်မ် ၁၆၀၀ လောက်က IDP စခန်းမှာ ဇဝေဇ၀ါနဲ့ နေနေရစဲပါ။ ရွှေဆိုင် ပိုင်ရှင် မွတ်စ်လင်မ်တစ်ဦး နဲ့ ရွှေရောင်းသူဗုဒ္ဓဘာသာဝင် တစ်ဦး အငြင်းပွားပြဿနာဖြစ်ရာကနေ လမ်းအပြင်ဖက်ရောက်လာပြီး မွတ်စ်လင်မ် ဆန့်ကျင်ရေး အကြမ်းဖက်မှု စတင်ခဲ့တာ ဖြစ်တယ်။ အခြေအနေ အလှည့်အပြောင်း မြန်ဆန်လှပါတယ်။ မော်တော်ဆိုင်ကယ်စီးလာတဲ့ ဘုန်းကြီးတစ်ပါးကို မွတ်စ်လင်မ်တွေက ဆွဲချပြီး မီးရှို့သတ်ဖြတ်တယ်ဆိုပြီးတဲ့နောက် ဗုဒ္ဓဘာသာဝင်တွေဟာ လက်စားချေသောအားဖြင့် မွတ်စ်လင်မ်တွေရဲ့ နေအိမ်၊ ဆိုင်ခန်းတွေကို မီးရှို့ဖျက်ဆီးခဲ့ကြကုန်တယ်။ လူတွေကို လိုက်လံဖမ်းဆီးပြီး မီးရှို့သတ်ဖြတ်တဲ့အထိ ဖြစ်ကုန်တယ်။ ရဲတွေကတော့ ကူညီခွင့်မရှိလို့လား ကူညီချင်စိတ်မရှိလို့လား မသိဘူး။ အနီးမှာ ရပ်ကြည့်လျက်သာ ရှိခဲ့ကြတယ်။

    နေရာအနှံ့က အိုးအိမ်စွန့်ခွာထွက်ပြေးရတဲ့သူတွေဟာ ၁၀၀၀၀ ကနေ ၁၈၀၀၀ ကြားမှာရှိပြီး အနည်းဆုံး ၄၃ ဦး သတ်ဖြတ်ခံခဲ့ရတယ်။ မိတ္ထီလာ အာဏာပိုင်များရဲ့အဆိုအရ လက်ရှိ ကယ်ဆယ်ရေး စခန်းတွေမှာ လူ ၄၀၀၀ လောက် ရှိနေကြောင်း၊ မွတ်စ်လင်မ်တွေအတွက် စခန်း ၃ ခု နဲ့ ဗုဒ္ဓဘာသာဝင်တွေအတွက် စခန်း ၁ ခု စီစဉ်ထားပေးထားကြောင်း သိရပါတယ်။

    2(ဓာတ်ပုံ  ဗုဒ္ဓဘာသာဝင်အကြမ်းဖက်အုပ်စုများ ဖျက်ဆီးသွားခဲ့သော မိတ္ထီလာရှိမွတ်စ်လင်မ်နေအိမ်အပျက်အစီးပုံအကြား ထိုင်နေသော လူတစ်ဦး)

    စစ်အုပ်ချုပ်ရေးအပေါ် အုံကြွပေါက်ကွဲခဲ့တဲ့ ရွှေဝါရောင်တော်လှန်ရေးပြီးတဲ့နောက် မြန်မာနိုင်ငံဟာ ဒီမိုကရေစီနဲ့လွတ်လပ်မှုဖက်ကို စတင်ကူးပြောင်းလာခဲ့တယ်။ ဒါပေမယ့် ၂၀၁၂ ခုနှစ်ကတည်းက ဗုဒ္ဓဘာသာဝင်တွေနဲ့ မွတ်စ်လင်မ်တွေအကြား ထိပ်တိုက်တွေ့စေမှုက ပြဿနာတက်လာစေခဲ့တယ်။

    မြန်မာပြည်ရဲ့အနောက်ပိုင်းကမ်းမြှောင်ဒေသတစ်ခုဖြစ်တဲ့ ရခိုင်ပြည်နယ်မှာ ၂၀၁၂ နှစ်လယ်ပိုင်းက ဒေသခံ ဗုဒ္ဓဘာသာဝင်တွေနဲ့ ရိုဟင်ဂျာမွတ်စ်လင်မ်တွေအကြား အကြမ်းဖက်မှု စတင်ဖြစ်ပွားတယ်။ ရိုဟင်ဂျာတွေက လူနည်းစုဝင် တစ်ရပ်ဖြစ်ပြီး ဗုဒ္ဓဘာသာဝင်မြန်မာများက သူတို့ကို နိုင်ငံသားအဖြစ် လက်မခံကြပါဘူး။ ရခိုင်ပြည်နယ်ထဲမှာ ဗုဒ္ဓ ဘာသာဝင်တွေ နဲ့ မွတ်စ်လင်မ်များအကြား ကာလအတန်ကြာအောင် တင်းမာမှုရှိနေခဲ့ကြတယ်။ မိတ္ထီလာကျတော့ လုံးဝကွဲပြားခြားနားနေပြီး မွတ်စ်လင်မ်တွေရဲ့ဆင်းသက်မှု၊ နိုင်ငံသားဖြစ်မှုနဲ့ ပတ်သက်လို့ အငြင်းပွားမှုမရှိသလို သာမန်အသေးအဖွဲလောက်နဲ့ ပဋိပက္ခဖြစ်ရတဲ့ရာဇ၀င်မျိုးလည်း မရှိခဲ့တာ အမှန်ပါ။ အခုလို ရက်စက်မှုတွေ ပွင့်ထွက်လာလိမ့်မယ်လို့ ဘယ်တုန်းကမျှ ထင်မထားဘဲ ဗုဒ္ဒဘာသာဝင်တွေနဲ့ သင့်တင့်မျှတညီညွတ်စွာ အတူနေထိုင်လာခဲ့ကြောင်း ဒေသတွင်း မွတ်စ်လင်မ်များစွာတို့က ဆိုပါတယ်။

    ဒီပြောဆိုချက်တွေအမှန်ဖြစ်ကြောင်း မွတ်စ်လင်မ်ခေါင်းဆောင်နဲ့ရှေ့နေတစ်ဦးဖြစ်တဲ့ ဦးအောင်သိန်းက အတည်ပြုခဲ့ပါတယ်။ သူ့ကို မိတ္ထီလာမြို့ဗလီတွေထဲက အဖျက်ဆီးမခံရပဲကျန်ရစ်နေတဲ့ တစ်ခုတည်းသောဗလီဝတ်ကျောင်းတော်မှာ ကျွန်တော်တို့တွေ့ဆုံခဲ့ကြပါတယ်။ အလားတူ အမည်မဖော်လိုတဲ့ အခြား မွတ်စ်လင်မ်များစွာကလည်း ပြောပြကြပါတယ်။ တိုက်ခိုက်မှုမဖြစ်ပွားခင်က မွတ်စ်လင်မ်နဲ့ဗုဒ္ဓဘာသာဝင်တွေဟာ တော်တော်လေး သင့်မြတ်ပြေလည်မှုရှိကြတယ်၊ အတူ သွားလာစားသောက်စီးပွားလုပ်နေခဲ့ကြတာပါတဲ့။ အာဃာတ တောက်လောင်လာအောင် ကျယ်ကျယ်ပြန့်ပြန့်အမုန်းတရား သွတ်သွင်းဟောပြောနေချက်တွေက ပြစ်တင် ရှုတ်ချစရာပါဘဲ။ ဒီလို အစ္စလာမ်ဆန့်ကျင်ရေး အမျက်သိုမုန်းတီးရေး တရားပွဲများစွာကို ဖန်တီးနေခဲ့သူကတော့ အစွန်းရောက်ဘုန်းကြီး အရှင်ဝီရသူ နဲ့ သူ့နောက်လိုက် ၉၆၉ အဖွဲ့သားတွေဖြစ်ကြတယ်။ ၉၆၉ ဆိုတာ များမကြာသေးတဲ့ကာလတစ်ခုကဖွဲ့စည်းခဲ့တဲ့ ဗုဒ္ဓဘာသာဝင်အမျုိုးသားရေးဝါဒီအုပ်စုပါ။

    3

    ( ဓာတ်ပုံ  –  မန္တလေးမြို့၊ ၉၆၉ အဖွဲ့ဌာနချုပ်ဖြစ်သော မစိုးရိမ်ကျောင်းတိုက်မှ ဦးဝီရသူ )

    သူ့ကျောင်းတိုက်ကို ရောက်ခဲ့စဉ်က မွတ်စ်လင်မ်တွေဟာ ဘာသာရေးအဓိကရုဏ်းတွေကို စတင်ဖန်တီးသူတွေဖြစ်ကြောင်း၊ သူ့နောက်လိုက်တွေကတော့ မိမိကိုယ်ကိုကာကွယ်သူတွေသာဖြစ်ကြောင်း “ မွတ်စ်လင်မ် အများစုဟာ သွေးကြွသူတွေဖြစ်ကြတယ်။ ဒီလူမျိုးရေးပဋိပက္ခရဲ့ အဓိက အကြောင်းရင်းဟာ သူတို့တွေပဲဖြစ်တယ်။ ဗုဒ္ဓဘာသာဝင်မြန်မာလူမျိုးတွေက သည်းညည်းမခံနိုင်တော့လို့ သူတို့ကို တန်ပြန်တိုက်ခိုက်ပြီး ကိုယ်ပိုင်ဥပဒေနဲ့စီရင်လိုက်တာပါဘဲ ” ဆိုပြီး ဦးဝီရသူက ကျွန်တော့်ကိုပြောပါတယ်။

    မွတ်စ်လင်မ်များက မြန်မာပြည်ကို ဒုက္ခရောက်အောင်လုပ်နေတယ်လို့ မကြာခဏဟောပြောနေပေမယ့် “ ဘာသာ အသီးသီးက လူတွေနဲ့ ညီညွတ်မျှတစွာနေထိုင်ဖို့ အားလုံးကိုတိုက်တွန်းနေပါတယ်။ ငြိမ်းချမ်းရေးနဲ့သင့်မြတ်ရေးထဲ နေထိုင်နိုင်မယ့်အစီအစဉ်ကို စတင်ချမှတ်နေပါပြီ ” ဆိုပြီး ပြဿနာ မှန်သမျှကနေ ရှောင်ကြဉ်ဖို့ကြိုးစားနေတယ်လို့ ဦးဝီရသူက ဆိုပါတယ်။

    မိတ္ထီလာမြို့ခံ တစ်ချို့က ဦးဝီရသူရဲ့စကားကို ပယ်ချခဲ့ကြတယ်။ ၉၆၉ ခေါင်းဆောင်ကြီးရဲ့တရားပွဲပြီးတဲ့နောက် မိတ္ထီလာတစ်ခွင်လုံးမှာ မွတ်စ်လင်မ်ဆန့်ကျင်ရေးအတွက် မှိုင်းတိုက်ဝါဒဖြန့်စာစောင်တွေ၊ ဒီဗီဒီတွေကို ပလူပျံအောင် ဖြန့်ဖြူးခဲ့တယ်လို့ ဆိုကြပါတယ်။ “ ရခိုင်ပြည်နယ်အကြမ်းဖက်မှုနောက်ပိုင်း ဒီဖက်မှာ အမုန်းမှိုင်းတိုက် တရားပွဲတွေကို ကျယ်ကျယ်ပြန့်ပြန့်လုပ်လာကြတယ်။ ဒေသတွင်း အာဏာပိုင်တွေကလည်း ဒါကိုရပ်ဆိုင်းစေဖို့ ဘာဆိုဘာမှ မလုပ်ခဲ့ကြပါဘူး ”။

    မြို့ခံရဲတပ်ဖွဲ့ကလည်း မွတ်စ်လင်မ်တွေကို စုရုံးခွင့်မပြုပါဘူး။ “ တကယ်လို့ သူတို့အမိန့်ကို မလိုက်နာယင် နောက်တစ်ကြိမ်ထပ်မံဖြစ်ပွားဦးမယ်လို့ အာဏာပိုင်တွေက ကျွန်တော်တို့ကို အမြဲတစေ ဖိအားပေးနေပါတယ် ” လို့ တွေ့ဆုံခဲ့သူတစ်ဦးက ဆက်လက်ရှင်းပြတယ်။ ဒေါသအုံကြွမှုတွေ ဆုံးခန်းတိုင်သွားပေမယ့် သူကတော့ လုံခြုံပြီလို့ မခံစားရသေးဘူး၊ ယာယီဒုက္ခသည်စခန်းတွေကနေ မိမိနေအိမ်များကို ပြန်ခွင့်မပြုဘဲ အာဏာပိုင်တွေက အကြောင်းပြချက်အမျိုးမျိုးပေးနေပါတယ် ဆိုပြီး ဆိုပါတယ်။

    မြို့ထဲမှာ တင်းမာမှုတွေ ကြွင်းကျန်နေဆဲဖြစ်ပြီး မွတ်စ်လင်မ်တွေအနေနဲ့ အကျဉ်းအကြပ်ထဲရှိနေဆဲဆိုတာတွေ့ရတယ်။ မိမိတို့ရဲ့မိတ်ဆွေတွေ၊ မိသားစုဝင်တွေကို သတ်ဖြတ်တဲ့ထဲမှာ အိမ်နီးချင်းတွေလည်း ပါဝင်တယ်လို့ လူများစွာက ပြောကြားကြတယ်။ “ အကြမ်းဖက်အုပ်စုထဲပါဝင်တဲ့လူတစ်ချို့ဟာ လှည့်ပတ်သွားလာနေဆဲပါဘဲ။ မိမိခင်ပွန်းကို သတ်ဖြတ်လိုက်သူကို သိခဲ့တဲ့ အမျိုးသမီးတစ်ဦးက သက်ဆိုင်ရာကို တိုင်ကြားပေမယ့် အာဏာပိုင်တွေက လုံးဝ အရေးတယူမလုပ်ကြပါဘူး ”။

    မြန်မာမွတ်စ်လင်မ်တွေအပေါ် ဖိနှိပ်ဆက်ဆံမှုတွေနဲ့ပတ်သက်လို့ လူ့အခွင့်အရေးသုံးသပ်ချက်အစီရင်ခံစာတစ်စောင်ကို ပြီးခဲ့တဲ့ လနှောင်းပိုင်းမှာ ထုတ်ပြန်ခဲ့တယ်။ အနာဂတ်ကာလမှာ လူ့အခွင့်အရေးချိုးဖောက်မှု၊ မျိုးတုန်းရှင်းလင်းမှုအပါအ၀င် အကြမ်းဖက်မယ့်လက္ခဏာအစွန်းအစတွေ တွေ့နေရဆဲဖြစ်တယ်လို့ ဖော်ပြထားတယ်။

    ဘက်လိုက်မျက်နှာလွှဲထားမှုတွေ၊ ပြစ်မှုကျူးလွန်ပြီး တရားရုံးမရောက်သူတွေ၊ နှိပ်စက်မှုမှာ အားပေးအားမြှောက်လုပ်တဲ့ ရဲဝန်ထမ်းတွေရှိခဲ့ကြောင်း “ ရဲဝန်ထမ်းတွေဟာ တိုက်ခိုက်မှုတစ်ချို့အတွင်း တိုက်ရိုက်ပါဝင်ပတ်သက်မှု ရှိခဲ့ကြတယ်။ ကဏ္ဍတော်တော်များများမှာလည်း တားဆီးမှုမရှိဘဲ ရပ်ကြည့်နေခဲ့ကြတယ် ” လို့လည်း အစီရင်ခံစာထဲ ပါရှိနေတယ်။

    ဒီအစီရင်ခံစာကို  Bangkok Foreign Correspondents Club မှာထုတ်ပြန်တဲ့အခါ ရေးသားသူ ဘီလ် ဒေးဗစ် (Bill Davis) က “ ခုချိန်မှာ ပြဿနာ ရပ်ဆိုင်းသွားခဲ့ပြီဖြစ်ပေမယ့် အကြမ်းဖက်မှုကိုဖြစ်ပွားစေတဲ့ အခြေခံအချက်ကတော့ ကျန်ရှိနေတုန်းပါဘဲ။ အဲ့ဒါက အမုန်းတရားအစဉ်အလာကိုဖန်တီးပြီး ဆက်လက် မီးစိမ်းပြဦးမယ့် အမျိုးအစားဖြစ်နေပါတယ် ” လို့ ပြောကြားသွားခဲ့ပါတယ်။

    နောက်ဆုံးရ အချက်အလက်များက အဖမ်းခံရသူ ၈၇ ဦးမှာ ဗုဒ္ဓဘာသာဝင် ၃၈ ဦးသာ ပါဝင်နေကြောင်း ပြသနေပါတယ်။ “ ဒီစီမံမှုထဲ အမှန်တကယ် ပါဝင်နေသူ အများစုက လွတ်မြောက်နေဆဲဖြစ်ပါတယ်။ အဖမ်းခံထားရသူတွေက နောက်လိုက် သက်သက်ပါ။ ခေါင်းဆောင်တွေ မဟုတ်ကြပါဘူး ” လို့ ကျွန်တော်တို့ကို IDP က မွတ်စ်လင်မ်တစ်ဦး ပြောပြခဲ့တယ်။

    ဗုဒ္ဓဘာသာဝင်တွေ အုံကြွလာအောင် မှိုင်းတိုက်မှုအတွက် ကန့်လန့်ကာနောက်ကွယ်က တာဝန်အရှိဆုံးသူတွေဟာ ဦးဝီရသူနဲ့သူ့နောက်လိုက်တွေသာဖြစ်တယ်လို့ လက်ခံသူတွေ များစွာရှိနေကြတယ်။ တိုင်းပြည်ကို ဒီမိုကရေစီ လမ်းကြောင်းကနေဖယ်ခွာပြီး စစ်အုပ်ချုပ်ရေးဖက်ပြန်လည်တွန်းပို့လိုတဲ့ အာဏာပိုင်အချို့က ကြံဆောင်မှုဖြစ်တယ် လို့လည်း အမြင်ရှိသူတွေ မနည်းလှပါဘူး။ မိတ္ထီလာရဲ့ဈေးကွက်ဝင်ဧရိယာထဲက မွတ်စ်လင်မ်တွေကို ဖယ်ထုတ်ပြီး ပြန်လည် ဆုပ်ကိုင်ရယူအမြတ်ထုတ်တယ်လို့ သုံးသပ်သူတွေလည်း ရှိနေကြပါတယ်။

    အမြင်နှစ်ရပ်လုံးထဲမှာ စစ်အာဏာရှင်ဟောင်းတွေရဲ့လက်တွဲဖော် ခရိုနီအုပ်စုတွေဆိုတဲ့ စကားလုံးက ၀ိုင်းရံနေပါတယ်။ စစ်အာဏာရှင်အုပ်စုဟောင်းတွေက မိမိတို့ရဲ့အာဏာ ဆက်လက်တည်မြဲဖို့ (သို့တည်းမဟုတ်) စီးပွားရေးတံခါးဖွင့်ချိန်မှာ ပိုမိုကြွယ်ဝလာဖို့ ခုတုံးလုပ်တာ ဖြစ်နိုင်ပါတယ်။ “ ဒီခရိုနီတွေနဲ့အာဏာပိုင်တွေဟာ တိုင်ပြည်ကို နောက်ပြန်ဆုတ်စေချင်ကြတယ်။ ဒီမိတ္ထီလာအကြမ်းဖက်မှုကြီးကို သူတို့က စံနစ်တကျ ကြိုတင်ကြံစည် ဖန်တီးခဲ့ကြတာပါ ” ဆိုပြီး ကုန်သည်တစ်ဦးက ကျွန်တော်တို့ကို ဗလီထဲမှာ ပြောပြခဲ့ပါတယ်။

    5

    ( ဓာတ်ပုံ  – ဗုဒ္ဓဘာသာဝင်အကြမ်းဖက်သမားတို့မှ ဖျက်ဆီးခဲ့သော မိတ္ထီလာရှိ မွတ်စ်လင်မ်တို့၏နေရာတစ်ခု)

    ရွှေဝါရောင်တော်လှန်ရေးဦးဆောင်ဆရာတော်တစ်ဦးဖြစ်တဲ့ ဦးပုည၀ံသ ကလည်း ဒီအကြမ်းဖက်မှုနောက်ကွယ်မှာ ခရိုနီတွေရှိကြောင်း လက်ခံခဲ့တယ်။ ဒါပေမယ့် ငွေကြေးလောဘ ဆိုတာထက် လက်လွှတ်သွားတဲ့စစ်အုပ်ချုပ်ရေးကို ပြန်လည်အသက်သွင်းလိုတာကြောင့် ဒီလိုလုပ်တာလို့ သူက အမြင်ရှိတယ်။ ပြည်တွင်း မွတ်စ်လင်မ်တွေ ဘယ်ပုံဘယ်နည်း နှိပ်စက်ခံရတယ်ဆိုတာကို မပြောကြားမီ သူက “ မြေပိုင်ဆိုင်ရေး နဲ့ အကျင့်ပျက်ခြစားမှု ပြဿနာတွေ ရှိနေကြတယ် ” လို့ ဆိုပါတယ်။ အာဏာပိုင်တွေက မှန်ကန်တဲ့ အထောက်အထားမပြနိုင်ဘူးဆိုတဲ့ အကြောင်းပြချက်နဲ့ မွတ်စ်လင်မ်တွေကို ခုထိ မြေပြန်မပေးသေးတာကတော့ ထင်ထင်ရှားရှားတွေ့နေရတယ်။ နေရာတော်တော် များများအတွက် အထောက်အထားဆိုတာ မကျန်ရှိခဲ့ပါဘူး။ (မီးရှို့ဖျက်ဆီးမှုထဲ ပါသွားပြီလေ)။ မြေနေရာပြန်ပေးဖို့ငြင်းဆန်ခြင်းဟာ အကယ်၍ အဲ့ဒါတွေကို ပြန်လည်ပြုပြင် တည်ဆောက်ယင် မြန်မာအစိုးရဟောင်း အဖွဲ့ဝင်အများအပြားကို အကြီးအကျယ် ချမ်းသာကြွယ်ဝသွားစေမှာဖြစ်ပါတယ်။

    ဒီပြဿနာနဲ့စပ်လျဉ်းပြီး ဘီလ်ဒေးဗစ္စ က “ သူတို့ကို အိမ်ပြန်ခွင့်မပေးဖို့ အမိန့်တွေပေးထားကြတယ်။ သူတို့ဟာ ဒီမြေတွေကို တကယ်ပိုင်ဆိုင်ကြောင်း အထောက်အထားတွေပြရမယ်လို့ ဒီလူတွေက ပြောတယ်။ ဒီလိုပြောဆိုတဲ့ ပထမအကြောင်းက မြန်မာနိုင်ငံမှာ မြေပိုင်ဆိုင်မှုစံနစ်ဆိုတာ မရှိပါဘူး (အားလုံးက နိုင်ငံပိုင်မြေ ဖြစ်တယ်)။ ဒုတိယအချက်က အထောက်အထားပြသနိုင်ယင်တောင်မှ အိမ်တွေဖျက်ဆီးခံလိုက်ရပြီဖြစ်လို့ ဘယ်လိုမှ ရယူပြသလို့မရတော့တာကြောင့်ဖြစ်တယ် ” လို့ပြောတယ်။ သက်သေအချက်အလက်မရှိတဲ့အတွက် ဒီသီအိုရီအတိုင်း အသေအချာဖြစ်တယ်လို့ အတည်ပြုပြောကြားတာမျိုးတော့ မဟုတ်ပါဘူး။ ဒါပေမယ့် “ (အဖျက်ဆီးခံ) မြေနေရာအများစုဟာ စီးပွားရေး နဲ့ ကုန်ကူးသန်းမှုမှာ အရေးပါတဲ့ လမ်းမကြီး တစ်လျှောက်ပေါ် တည်ရှိနေတယ်။ အထူးသဖြင့် စီးပွားရေးလက်ဝါးကြီးအုပ်လိုသူတွေအဖို့ ဒီမြေတွေကို လိုချင်နေတာအမှန်ပါဘဲ။ ကချင်ပြည်နယ် နဲ့ ကရင်ပြည်နယ်လို မြန်မာပြည် အခြားဒေသများမှာလည်း အာဏာပိုင်တွေက အဓမ္မမြေသိမ်းတဲ့ အလားတူအခြေအနေမျိုး ရှိနေပါတယ် ” ဆိုပြီး ဖြည့်စွက်ပြောဆိုသွားခဲ့တယ်။

    ဗလီထဲမှာ တွေ့ဆုံပြောဆိုမှုပြီးစီးတဲ့နောက် ကျွန်တော်တို့ဟာ အကြမ်းဖက်အပျက်အစီးမြင်ကွင်းတွေကို ကြည့်ရှုဖို့ လမ်းသလားခဲ့ကြပါတယ်။ မြို့ရဲ့အချို့အစိပ်အပိုင်းဟာ လေကြောင်းစစ်ဆင်ရေးခံထားရသလိုမျိုးနဲ့ ခပ်ဆင်ဆင် တူနေပါတယ်။ လေလွင့်သူတွေကလည်း အပျက်အစီးပုံထဲက ပစ္စည်းကောင်းတွေကို ရှာဖွေတူးဆွနေကြတယ်။ မီးကျွမ်းပြိုလဲနေတဲ့ အိမ်ဝင်းတစ်ခုထဲမှာတော့ ဆိတ်ကျောင်းသားနဲ့ဆိတ်အုပ်တွေက သွားလာကျက်စားနေကြတယ်။ အဲ့ဒီနေရာဟာ တစ်ချိန်တုန်းက တောက်ပြောင်ခမ်းနားတဲ့ စားသောက်ခန်းတစ်ခု ဖြစ်ချင်ဖြစ်ခဲ့မှာပါဘဲ။ ခုချိန်မှာတော့ ……….။

    6

    ( ဓာတ်ပုံ  – အဖျက်ဆီးခံမွတ်စ်လင်မ်အိမ်များ၌ သွားလာကျက်စားနေသည့် ဆိတ်များ)

    နေ့လည်စာစားပြီးအခိုက်အတန့်မှာ ကျွန်တော်တို့အတွက်စီစဉ်သူက အရပ်သားအသွင်ဆောင်ထားတဲ့ ရဲထောက်လှမ်းရေးအရာရှိတစ်ယောက်ကို ညွှန်ပြပါတယ်။ အဲ့ဒီလူဟာ မြို့လယ်နဲ့အတန်ငယ် လှမ်းတဲ့နေရာတစ်ခုမှာ ကယ်ဆယ်ရေးစခန်းက လူတစ်ချို့နဲ့ကျွန်တော်တို့တွေ့ဆုံဆွေးနွေးမေးမြန်းတာကို နောက်ယောင်ခံ လိုက်ခဲ့တဲ့သူပါ။ အိမ်တစ်အိမ်မှာ IDP  ကလူတစ်ချို့ကို ကျွန်တော်တို့နဲ့တွေ့ဆုံစကားပြောဖို့ ခေါ်ထုတ်လာခဲ့တယ်။ ကျွန်တော်တို့ အင်တာဗျူးလုပ်ကြမယ့်အိမ်ထဲကို စီစဉ်သူက အဲ့ဒီသူကို ၀င်ရောက်စေခဲ့တယ်။ ကျွန်တော်လည်း အဲ့ဒီလူနဲ့အပေးအယူ တစ်ခုလုပ်ခဲ့တယ်။ သူက လက်နှစ်ဖက်လုံးသုံးပြီး အင်ဒရူးက လက်တစ်ဖက်ထဲနဲ့ လက်မောင်းလှဲအားပြိုင်လို့ သူနိုင်ယင် အထဲမှာစောင့်ကြည့်နိုင်တယ်။ တကယ်လို့ အင်ဒရူးကနိုင်သွားခဲ့ယင် သူက ထွက်ခွာသွားပေးရမယ်ဆိုပြီးတော့ပေါ့။ ဆယ်မိနစ်ကျော်ကျော်ကြာလွန် သွားတဲ့နောက် အဲ့ဒီလူက မအီမလည်အောင့်သက်သက်နဲ့ ထွက်ခွာသွားရတယ်လေ။

    သူက အနောက်တိုင်းဂျာနယ်လစ်နှစ်ဦးကို ကိုင်တွယ်ဖို့၊ ခြိမ်းခြောက်မှုလုပ်ဖို့အနေအထား မရှိခဲ့ပါဘူး။ ဒါပေမယ့် ကျွန်တော်တို့ရဲ့အင်တာဗျူးအကြောင်းအရာ နဲ့ စီစဉ်သူကိုတော့ ဒီလို သဘောထားချင်မှ ထားပါလိမ့်မယ်။ “မြန်မာ့နွေဦး” လို့ဆိုရမယ့်အပြောင်းအလဲဖြစ်နေသော်လည်း၊ သမ္မတဦးသိန်းစိန်က နိုင်ငံရေးအကျဉ်းသား အားလုံးကို လွှတ်ပေးမယ်လို့ တစိုက်မတ်မတ်ဆိုနေသော်လည်း မြန်မာနိုင်ငံရဲ့ မွတ်စ်လင်မ်တွေ၊ လူ့အခွင့်အရေးလှုပ်ရှားသူအပေါင်းက အနောက်တိုင်း ဂျာနယ်လစ်များနဲ့တွေ့ဆုံပြောဆိုမှုအပေါ် ရဲထောက်လှမ်းရေးနဲ့သတင်းပေးတွေဖက်က ရှေ့ဆက်ဒုက္ခပေးလာမှာကို စိုးရိမ်မှု ရှိနေတယ်လို့ ပြောပြကြပါတယ်။

    ဇူလိုင်လတုန်းက အာဏာပိုင်တွေကို ထောက်ပြပြောဆိုလေ့ရှိတဲ့ လှုပ်ရှားတက်ကြွသူ ရိုဟင်ဂျာအမျိုးသားကြီးတစ်ဦးကို အရေးယူပြီးထောင်ချခဲ့ကြတယ်။ အဲ့ဒီပုဂ္ဂိုလ်ဟာ ကျန်းမာရေးလည်း မကောင်းသလို ဆေးကုသမှုခံယူခွင့်လည်း ကောင်းကောင်းမရခဲ့ပါဘူး။ ရခိုင်ပြည်နယ်ကယ်ဆယ်ရေးစခန်းက ယာယီတဲတွေကို ဖြိုလှဲနေတဲ့ ရဲဝန်ထမ်းတစ်ယောက်ရဲ့ဓာတ်ပုံကို ဖေ့စ်ဘွတ်ပေါ်တင်လိုက်တဲ့ လူမှုလှုပ်ရှားသူတစ်ဦးဟာလည်း ရက်သတ္တပတ် အနည်းငယ်အတွင်း အဖမ်းခံခဲ့ရပါတယ်။

    7

    ( ဓာတ်ပုံ  – ကျွန်ုပ်တို့အား နောက်ယောင်ခံလိုက်ခဲ့သည့် ထောက်လှမ်းရေးရဲအရာရှိ )

    ကျွန်တော်တို့တွေ့ဆုံခဲ့တဲ့ IDP စခန်းထဲကလူအားလုံးဟာ အကြမ်းဖက်မှုစတင်စဉ်ကတည်းကြုံတွေ့ရမှုကို ပြောပြခဲ့တာ ထပ်တူထပ်မျှဖြစ်နေပါတယ်။ သူတို့ဟာ ဗုဒ္ဓဘာသာဝင်များနဲ့ ကာလရှည်ကြာစွာ ငြိမ်းငြိမ်းချမ်းချမ်း အတူနေထိုင်ခဲ့ကြတယ်။ ဒါပေမယ့် တင်းမာမှုတွေ တဖြည်းဖြည်းမြှင့်တက်လာမှုကိုလည်း သတိထားမိခဲ့ကြတယ်။ မိမိအိမ်ကို မီးတင်ရှို့ခံလိုက်ရတဲ့ အငြိမ်းစားရဲအရာရှိတစ်ဦးက “ ကျွန်တော်တို့ လူ့အဖွဲ့အစည်းက ဘာမှမကျူးလွန်ခဲ့ပဲနဲ့ ဘာကြောင့်ဒီလိုဖြစ်ပျက်ရတယ်ဆိုတာ မသိရပါဘူး ” လို့ ပြောပါတယ်။ မိမိရပ်ကွက်ထဲက ဗုဒ္ဓဘာသာဝင်တွေကို မိမိကိုယ်တိုင်ချက်ပြုတ်ကျွေးမွေးပေးတဲ့အထိ ရင်းနှီးကျွမ်းဝင်ခဲ့ကြတာပါလို့ နောက်တစ်ဦးကလည်း ဆိုပြန်တယ်။

    တိုက်ခိုက်မှုအတွက် သူတို့အားလုံး အပြစ်တင်တာကတော့ ဦးဝီရသူ ပါဘဲ။ စစ်တပ်နဲ့အာဏာပိုင်တွေ ပါဝင် ပတ်သက်မှုရှိတယ်လို့လည်း ပြောကြတယ်။ “ တစ်ချိန်တုန်းက ကျွန်တော်တို့ ငြိမ်းချမ်းသင့်မြတ်နေခဲ့ကြပါတယ်။ ဒါပေမယ့် စံနစ်တကျကြံစည်ထားတဲ့ အမုန်းမီးမွှေးမှု ပျံ့နှံ့လာခဲ့တယ်။ အဲ့ဒီနောက် လူတွေကြားထဲ ဖြည်းဖြည်းချင်း စိမ့်ဝင်သွားခဲ့တာပါဘဲ ” လို့ တစ်ဦးသောသူက ရှင်းပြခဲ့တယ်။

    လူ့အသိုင်းအ၀ိုင်းအချင်းချင်းအကြားမှာ အယုံအကြည်ကင်းမဲ့သွားခဲ့ပါပြီ။ မိမိတို့လုံခြုံမှုကိုအာမခံပေးတဲ့ မူဝါဒတစ်ခုကို အစိုးရဖက်က ပြုလုပ်ဖို့လိုအပ်ကြောင်း ပြောဆိုကြပါတယ်။ အခုလက်ရှိအချိန်မှာတော့ သူတို့အဖို့ IDP စခန်းထဲကနေ ထွက်ခွာနိုင်ဖို့က အရေးအကြီးဆုံးဖြစ်နေပါတယ်။

    8

    ( ဓာတ်ပုံ  – ခရိုင်အားကစားကွင်းထဲရှိ ကယ်ဆယ်ရေးစခန်းအဖြစ်ပြုလုပ်ထားသောအားကစားရုံ )

    ကျွန်တော်တို့ ပထမဆုံးသွားရောက်ခဲ့တဲ့စခန်းက ခရိုင်အားကစားကွင်းဖြစ်ပါတယ်။ သေးငယ်တဲ့အားကစားရုံထဲမှာ လူ ၆၀၀ ကျော် ပြွတ်သိပ်ပြီးနေနေတာကို တွေ့ခဲ့ရပါတယ်။ မတ်လ ၂၁ ရက်နေ့ကစပြီး ဒီပုံစံနဲ့ နေထိုင်လာခဲ့တာ ငါးလ ရှိပါပြီ။ သီးခြားအကန့်မရှိဘဲ ကြမ်းပြင်ပေါ်ဖြစ်သလို ဖျာတွေ၊ စောင်တွေခင်းပြီး အ၀တ်အိတ်နဲ့ပိုင်ဆိုင်မှုတွေ နံဘေးမှာကိုယ်စီချထားလို့ နေအိမ်သဖွယ် နေထိုင်နေရတာပါ။ လူနှစ်ယောက် ပခုံးချင်းယှဉ်ဖြတ်လျှောက်လို့မရတဲ့အထိ ကြမ်းပြင်တစ်ကြော လူတွေပြည့်ကျပ်နေပါတယ်။ မိမိရဲ့ဖျာတစ်ချပ်စာနေရာမှာ သူ့မိသားစု ၇ ဦးနေထိုင်နေရတယ်လို့ လူတစ်ဦးက ပြောပြတယ်။

    မိမိတို့ရဲ့အနာဂတ် ဘာဖြစ်လာမလဲ၊ ဘာကိုရွေးချယ်ရမလဲဆိုတာ ဘယ်သူမှ သေသေချာချာ မပြောနိုင်ပါဘူး။ ဒီမှာမလွတ်လပ်ဘူး၊ ကိုယ့်အိမ်ကိုယ်ပြန်မှဖြစ်မယ်၊ နောက်တစ်နေ့ပြန်ခွင့်ရတာနဲ့ထွက်ခွာမယ် စသဖြင့် ကိုယ်စီ ဆိုနေကြပါတယ်။

    အချို့ကျတော့ လမ်းပြင်ရောက်ယင် လုံခြုံမှု မရှိဘူးလို့ ဆိုကြပြန်တယ်။ “ ကျွန်မတို့ဆီမှာ အနာဂတ် မရှိတော့လို့ အိမ်ကိုလည်း မပြန်ချင်တော့ဘူး ” ဆိုပြီး နေအိမ်တစ်ခုလုံး မီးထဲပါသွားတဲ့ အမျိုးသမီးတစ်ဦးက ပြောဆိုပါတယ်။

    ကျွန်တော်တို့ရောက်ဖူးတဲ့ မြန်မာပြည်အခြားဒေသက IDP စခန်းတွေနဲ့မတူပဲ မိတ္ထီလာမှာ ကျွန်တော်တို့သွားတဲ့နေရာတိုင်း ရဲတစ်စုက လိုက်နေခဲ့ကြတယ်။ အချို့က ယူနီဖောင်းနဲ့၊ တစ်ချို့ကျတော့ အရပ်ဝတ်နဲ့ဖြစ်တယ်။ ရဲအရာရှိတစ်ဦးရှေ့မှာဖြစ်စေ၊ စကားဝိုင်းထဲ သူဝင်ပါတဲ့အခါဖြစ်စေ မေးမြန်းပြောဆိုမှုတွေကို ခက်ခဲသွားစေပါတယ်။ အဲ့လိုဝင်စွက်လိုက်ယင် ရှေ့ဆက်တိုးဖို့ မလွယ်တော့ပါဘူး။

    အားကစားရုံအပြင်ဖက်မှာ ၀ါးတဲထိုးပြီး နေထိုင်နေကြတဲ့ ဒုက္ခသည်တွေလည်းရှိကြတယ်။ တစ်ချို့က ချက်ပြုတ်နေကြတယ်။ တစ်ချို့က ဆိုင်ငယ်လေးတွေခင်းပြီး သွားရေစာနဲ့ဟင်းသီးဟင်းရွက်တွေကို ရောင်းချနေကြတယ်။ အဲ့ဒါက ဘောလုံးကွင်းထဲမှာပါ။ တစ်ချို့ကတော့ အမိုးမိုးဖို့ ကွန်ကရစ်တိုင်သုံးမယ့်အထိ စိတ်ကူးနေကြတယ်။

    9

    ( ဓာတ်ပုံ  – ကယ်ဆယ်ရေးစခန်းတစ်ခု၏ပြင်ပမှ ရဲအရာရှိများ )

    ခရိုင်အားကစားကွင်းကနေထွက်ခွာလာပြီးတဲ့နောက် မြို့ထဲနဲ့နီးတဲ့ ဗုဒ္ဓဘာသာဝင်ဒုက္ခသည်စခန်းတစ်ခုကို ၀င်ပါတယ်။ အဲ့ဒီကအခြေအနေတွေကလည်း သိပ်ပြီးမထူးခြားပါဘူး။ မှောင်ပိန်းညစ်ပတ်တဲ့တဲတွေထဲမှာ လူတွေ နေနေကြရတယ်။ အဲ့ဒီမှာတော့ အာဏာပိုင်တွေ သိပ်မရှိကြပါဘူး။

    ကင်တားနား သွားရောက်ဖို့ရည်ရွယ်ထားတဲ့ နောက်ထပ်စခန်းတစ်ခုကို ကျွန်တော်တို့ရောက်ပြန်တယ်။ ဒုက္ခသည်စခန်း လုပ်ထားတဲ့ ရေပေးဝေရေးစက်ရုံတစ်ခုပါ။ အပြင်ဖက်မှာ လူတစ်ချို့ ၀ိုင်းဖွဲ့ထိုင်နေကြတယ်။ ထင်းခွေသူတွေ ခွေကြ၊ ခြင်းလုံးခတ်သူတွေ ခတ်ကြနဲ့ပေါ့။ ၀ါးတဲများနဲ့ တစ်ထပ်တိုက်အဆောက်အဦထဲမှာ မိသားစုတစ်စုအတွက် ၁၀ ပေ ပတ်လည်ကန့်သတ်နေရာချထားပေးတယ်။ ဒီစခန်းက အခြေအနေတော်တော်ကောင်းပုံရပါတယ်။

    ဒီလိုစခန်းမျိုးထဲမှာတောင် ရဲနဲ့ထောက်လှမ်းရေးအရာရှိတွေက အချင်းချင်းရယ်မောစကားဆိုယင်း ကျွန်တော်တို့နောက်ကို ထပ်ကြပ်မကွာ လိုက်နေခဲ့ကြတယ်။ ဒါကြောင့် အင်တာဗျူးလုပ်ဖို့ကြိုးပမ်းချက်အများစုက သဲထဲရေသွန်ဖြစ်သွားရတယ်လေ။ ခြောက်သွေ့ပူပြင်းတဲ့ဒဏ်၊ ဖရိုဖရဲဝန်းကျင်အခြေအနေတွေ၊ စခန်းပတ်လည်က လုံခြုံရေးအစောင့်တွေကြောင့် ကျွန်တော့်မှာ ပျို့အန်ချင်သလို ခံစားလာခဲ့ရပါတယ်။ အကျဉ်းသဘောလောက်သာ လျှောက်ကြည့်ပြီး ရဲအစောင့်တွေကို ကောင်းမွန်စွာ နှုတ်ဆက်ထွက်ခွာလာကြပါတယ်။

    10

    ( ဓာတ်ပုံ – ရေပေးစက်ရုံစခန်းပတ်လည်မှ ကျွန်ုပ်တို့နောက်လိုက်နေသည့် လုံခြုံရေးအုပ်စုဝင်များ )

    ဒုက္ခသည်တွေကို ဘယ်နေ့ဘယ်ရက်မှာအိမ်ပြန်ခွင့်ပြုမယ်ဆိုတာ ကယ်ဆယ်ရေးစခန်းတွေက တပ်အပ်သေချာ မပြောကြပါဘူး။ လူ့အဖွဲ့အစည်းတွေအကြား ရင်ကြားစေ့ရေးအစီအစဉ်ပြုလုပ်ပေးမယ့်လမ်းလည်း မမြင်ရဘူး။ နောက်ထပ်အကြမ်းဖက်လာနိုင်ချေရှိတဲ့အရာကို ထိန်းချုပ်ထားတဲ့ မူဝါဒစံနစ်တစ်ရပ်ကိုပင် မချမှတ်ထားတာလည်း တွေ့ခဲ့ရတယ်။

    မိတ္ထီလာအကြမ်းဖက်တိုက်ခိုက်မှုနဲ့ပတ်သက်ပြီးတော့ ကင်တားနားက “ အနီးအနားမှာ ရဲတပ်ဖွဲ့ဝင်တွေရှိနေပါလျက် အကာအကွယ်မဲ့နေရတဲ့ ဒီအဖြစ်ကိုကြုံတွေ့လိုက်ရတဲ့အခါ စိုးရိမ်ထိတ်လန့်မှုကို ခံစားလိုက်ရတယ်။ လွန်ခဲ့တဲ့မတ်လ အကြမ်းဖက်မှုကြီးအတွင်း လူရမ်းကားအုပ်စုတွေက လူ ၄၃ ဦးကို သေတဲ့အထိ ရိုက်နှက်၊ ထိုးခုတ်၊ မီးရှို့နေပါလျက် ရဲတွေက စောင့်ဆိုင်းရပ်ကြည့်နေချိန်မှာ မြို့ခံလူတွေရဲ့သောကဝေဒနာကို ကျွန်တော့်ရဲ့ဒီအဖြစ်က ကိုယ်ချင်းစာနားလည်မှု ဖြစ်သွားစေပါတယ် ” လို့ ဖော်ထုတ်ပြောကြားခဲ့ပါပြီ။

    ကုလသမဂ္ဂသံတမန်တစ်ဦးကိုပင်လျှင် အာဏာပိုင်တွေက မကာကွယ်နိုင်ဘူး ဒါမှမဟုတ် ကာကွယ်ပေးလိုစိတ်မရှိဘူး ဖြစ်နေတဲ့အခါ မိတ္ထီလာက မွတ်စ်လင်မ်တွေအတွက် အနာဂတ်အလားအလာကောင်းဖို့ မမြင်တော့ပါဘူးဗျာ။

    ( International Centre For Journalists ထံသို့ Danny Gold ၏  Spending time with the displace muslims of Myanmar ခေါင်းစဉ်ဖြင့်တင်ပြချက်ကို မြင့်မိုရ်မောင်မောင် မှ ဆီလျော်အောင် ပြန်ဆိုရေးသားသည် )

    Photos Credit: Andrew Stanbridge

  • ဆင်းရဲသားများ အတွက် ချီကာကိုမြိုမှ မွတ်စလင်များ၏ လူမှုကူညီရေး လုပ်ဆောင်မှုများ

    IMAN.jpg1.jpg2.jpg3ကိုင်ရို။ ။ ပိုမိုကောင်းမွန်သော ဘ၀တည်ဆောက်ရန် ဘာသာတရားက မောင်းနှင်ပေးခြင်းကြောင့်၊ ချီကာဂိုရှိ မွတ်စလင် စေတနာ့ဝန်ထမ်းများက ဆင်းရဲသော အမေရိကန်များအတွက် လူမှုရေးကူညီရေး လုပ်ငန်းများ ဆောင်ရွက်လျက်ရှိသည်။

    “အလှူဒါနပြုခြင်းဟာ ကျနော်တို့သာသနာရဲ့ အစိတ်အပိုင်းတစ်ခုပါ။” ဟု Inner-City Muslim Action Network (IMAN) အဖွဲ့၏ အဖွဲ့ဝင်ဖြစ်သူ ဒေါက်တာ Adiba Khan က ၀ါရှင်တန်ပို့စ်သတင်းစာသို့ ပြောကြားခဲ့သည်။

    မွတ်စလင် အန်ဂျီအို အဖွဲ့များမှ စေတနာ့ဝန်ထမ်းများက ချီကာဂိုမြို့ရှိ ဆင်းရဲသော အိမ်နီးချင်းများ၏ လူနေမှုဘ၀ တိုးတက်စေရန်အတွက် ကူညီလုပ်ဆောင်လျက်ရှိသည်။

    IMAN မှာ ထို အန်ဂျီအို အဖွဲ့များထဲမှ တစ်ဖွဲ့ဖြစ်ပြီး ဆင်းရဲသောသူများအတွက် ကျန်းမာရေးကူညီစောင့်ရှောက်မှုများ လုပ်ဆောင်ရန် အခမဲ့ဆေးပေးခန်းတစ်ခု ဖွင့်လှစ်ပေးခဲ့သည်။

    “စောင့်ရှောက်မှုလုပ်ငန်းရဲ့ အရည်အသွေးကတော့ အံ့မခန်းပါပဲ။ ဆရာဝန်က သိပ်ကို နားလည်မှုရှိပါတယ်။” ဟု သွေးဖိအား ပြဿနာကြောင့် ဆရာဝန်ပြသရန်စောင့်ဆိုင်းနေသည့် လူနာ Yolanda Voss က ဆိုသည်။

    IMAN အဖွဲ့ကို အသက် ၄၀ အရွယ်ရှိ မွတ်စလင်တက်ကြွလှုပ်ရှားသူတစ်ဦးဖြစ်သူ Rami Nashashibi က ဖွဲ့စည်းခဲ့ပြီး ချီကာဂိုမြို့ရှိ အကျဉ်သားဟောင်းများအတွက် အလုပ်အကိုင်များ၊ နေရာထိုင်ခင်းများ ရရှိအောင်လည်း ကူညီဆောင်ရွက်ပေးလေသည်။ ၎င်းအပြင် မွတ်စလင်များအား အနုပညာ၊ လူမှုရေးကူညီမှုလုပ်ငန်းများနှင့် ဆယ်သွယ်ဆောင်ရွက်နိုင်ရန်အတွက် ကဗျာရွတ်ဆိုပွဲများ၊ မြို့တွင်းဈေးရောင်းပွဲတော်များကိုလည်း ကျင်းပပေးခဲ့သည်။

    အခြား မွတ်စလင်အန်ဂျီအိုအဖွဲ့တစ်ခုဖြစ်သည့် Council for the Advancement of Muslim Professionals (မွတ်စလင် အတတ်ပညာရှင်များ တိုးတက်ရေးကောင်စီ) ကလည်း ထိုကဲ့သို့ ကူညီမှုများကို ဆောင်ရွက်လေသည်။ အဆိုပါကောင်စီမှာ နွေဦးကာလရောက်တိုင်း အီလီနွိုက်စ် ပြည်နယ်လွှတ်တော် အဆောက်အအုံတွင် မွတ်စလင်လူငယ်များ စုရုံကား နိုင်ငံရေးဆွေးနွေးပွဲများ ကျင်းပပြုလုပ်လေ့ရှိကြသည်။

    ချီကာဂိုမြို့တွင် မွတ်စလင်ဦးရေ ၄ သိန်းခန့်ရှိကာ နိုင်ငံအတွင်း အကြီးဆုံးမွတ်စလင် လူ့အဖွဲ့အစည်းဖြစ်ပြီး အမေရိကန်နိုင်ငံရှိ အစ္စလာမ်ဘာသာဝင်ဦးရေမှာ ၆ သန်းမှ ၈ သန်းအထိ ရှိသည်။

    မွတ်စလင် တက်ကြွလှုပ်ရှားသူများ တိုးတက်လာခြင်းမှာ အမေရိကန်နိုင်ငံအတွင်း အစ္စလာမ့်ပုံရိပ် အစစ်အမှန်ကို ရောင်ပြန်ဟပ်စေသည်ဟု လေ့လာစောင့်ကြည့်သူများက ယူဆကြသည်။

    နိုင်ငံတစ်ဝှမ်း ကွန်ယက်ဖွဲ့ထားသည့် လူငယ် တက်ကြွလှုပ်ရှားသူများ ဦးဆောင်သည့် မွတ်စလင် ကူညီစောင့်ရှောက်ရေး အဖွဲ့အစည်းများ တစ်ဟုတ်ထိုး တိုးတက်လာခြင်းက “ယခုလက်ရှိ အမေရိကမှ အစ္စလာမ်သာသနာ၏ အရေးအကြီးဆုံး မှတ်တမ်းပင်ဖြစ်သည်”ဟု ကောလိပ်အခြေပြု Interfaith Youth Core အဖွဲ့ကို ဖွဲ့စည်းတည်ထောင်သူ Eboo Patel က ၀ါရှင်တန်ပို့စ်သတင်းစာသို့ ပြောကြားခဲ့သည်။

    ဟားဗတ် ခရစ်ယာန်ဓမ္မ သင်တန်းကျောင်း၏ ဌာနမှူးဟောင်းဖြစ်သူ Jane I. Smith ကလည်း “နေရာတော်တော်များများမှာ ဒီလို ကောင်းမွန်တဲ့ကိစ္စတွေ ဖြစ်နေပါတယ်။ ဒါပေမယ့် ကျနော့်အနေနဲ့ကတော့ ချီကာဂိုဟာ အမျိုးအစား အားလုံး ရှိနေတဲ့ နေရာလို့ ထင်မိပါတယ်။ ကျောထောက်နောက်ခံ ပေါင်းစုံက ကိုယ်စားပြုတဲ့သူတွေရှိတယ်။ ပြီးတော့ အစ္စလာမ်ကို ချဉ်းကပ်ရာမှာ နည်းလမ်း မျိုးစုံလည်း ရှိပါတယ်။” ဟု ဆိုသည်။

    IMAN နှင့် အခြားမွတ်စလင် အန်ဂျီအို အဖွဲ့များ၏ အောင်မြင်မှုများမှာ မွတ်စလင် တက်ကြွလှုပ်ရှားသူများကို အားကျစေခဲ့ပြီး ဒက်ထရွိုက်၊ အတ္တလန်တာ၊ နယူးယောက်နှင့် ၀ါရှင်တန်ဒီစီမြို့များအပါအ၀င် အခြားမြို့ကြီးများတွင်လည်း ထိုကဲ့သို့ ဆောင်ရွက်မှုများ ပြုလုပ်ခဲ့ကြသည်။

    ချီကာဂိုမြို့ရှိ မွတ်စလင် တက်ကြွလှုပ်ရှားများ၏ အားထုတ်မှုများမှာ လူမှုရေး ဘက်တွင်သာမကဘဲ သာသနာရေးနှင့်ပက်သက်၍ နားလည်မှုလွဲမှားခြင်းအား ဖြေရှင်းမှုများကိုလည်း ချဲ့ထွင်လုပ်ဆောင်ခဲ့ကြသည်။

    မကြာသေးမှီကပင် မွတ်စလင် အများစု သက်ဝင်ယုံကြည်၊ လိုက်နာကြသည့် ဂျီဟာဒ်၏ အဓိပ္ပါယ်အစစ်အမှန်ကို ရှင်းပြသည့် လှုပ်ရှားမှုတစ်ကိုလည်း ပြုလုပ်ခဲ့သည်။ နောက်ပိုင်းတွင် အဆိုပါလှုပ်ရှားမှုမှာ ဆန်ဖရန်စစ္စကို မြို့နှင့် ၀ါရှန်တန်ဒီစီ မြို့များသို့ ပျံနှံသွားခဲ့သည်။

    မကြာသေးမီက ကောက်ယူခဲ့သော မှတ်တမ်းများအရ အမေရိကန်နိုင်ငံသား အများစုမှာ အစ္စလာမ်ဘာသာနှင့် အစ္စလာမ်ဘာသာဝင်များ၏ အကြောင်းကို အနည်းငယ်မျှသာ သိရှိသည်ဟု သိရသည်။ လူထုဆန္ဒကောက်ယူ စစ်ဆေးရာတွင် အမေရိကန်မွတ်စလင် အများစုမှာ တိုင်းပြည်ကိုချစ်သူများ၊ တိုင်းပြည်အပေါ်တွင် သစ္စာစောင့်သိသူများ၊ ၎င်းတို့၏ အနာဂတ်နှင့် ပတ်သက်၍ အကောင်းမြင်သူများဖြစ်သည်ဟု တွေ့ရှိရလေသည်။

    source:onislam.net

  • အကြမ်းဖက်သမားအများစုဟာ အစ္စလာမ္မစ်တွေဆိုတာ မဟုတ်မှန်

    အကြမ်းဖက်သမားအများစုဟာ အစ္စလာမ္မစ်တွေဆိုတာ မဟုတ်မှန်

    99.6 % အကြမ်းဖက်သမားဟာ အစ္စလာမ္မစ် မဟုတ်ကြောင်း ဥရောပရဲတပ်ဖွဲ့   (Europol) ထောက်ပြ 

    ဖိုးသောကြာ
    သြဂုတ် ၁၅၊ ၂၀၁၂

     

    “မွတ်ဆလင်အားလုံးဟာအကြမ်းဖက်သမားမဟုတ်၊ သို့သော် အကြမ်းဖက်သမားအများစုဟာ မွတ်ဆလင်တွေဖြစ်တယ်” ဆိုတဲ့လက်သုံးစကားဟာ အစ္စလာမ်ဘာသာဝင်တွေကို မုန်းတီးသူတွေ သုံးနေကြ ပေါ်ပြူလာစကားလုံးပေါ့။ ရှင်းရှင်းလင်းလင်းပြောရရင်တော့ ဒါဟာ အချက်အလက်တွေအပေါ်တကယ်အခြေခံပြီး ပြောကြားတာနေမဟုတ်ပါဘူး။ FBI ရဲ့ တရားဝင်ထုတ်ပြန်ချက်တွေအရ US မှာဖြစ်တဲ့ အကြမ်းဖက်မှုတွေမှာ ၉၄%သောအကြမ်းဖက်သူတွေမှအပ ကျန်သူတွေသာ မွတ်ဆလင်တွေဖြစ်ကြပါတယ်တဲ့။ အမေရိကန်မြေပေါ်မှာ ဖြစ်ပွါးခဲ့တဲ့ အကြမ်း ဖက်မှုတွေကို  ၁၉၈၀မှ ၂၀၀၅ အထိမှတ်တမ်းပြုစုဖော်ပြချက်တွေအရ  ၆ ရာခိုင်နှုန်းသော အကြမ်းဖက်လုပ်ရပ်တွေသာ မွတ်ဆလင်တွေနဲ့  သက်ဆိုင်ပါတယ်။ ကျန်တဲ့ ၉၄% ထဲမှာတော့ ၄၂% ကို လက်တင်အမေရိကသားတွေ၊ ၂၄% ကိုလက်ဝဲအစွန်းရောက်အဖွဲ့ဝင်တွေ၊ ၇% ကို ဂျူးအစွန်းရောက်တွေ၊ ၅% ကိုကွန်မြူနစ်တွေနှင့် ၁၆% ကိုတော့ အခြားအဖွဲ့တွေကျူးလွန်တာလို့ ခွဲထုတ်နိုင်ပါတယ်။

    တစ်ဖက်ကိုကြည့်ကြည့်ကြရအောင်။ ဥရောပရဲတပ်ဖွဲ့ ဖြစ်တဲ့ ယူရိုပိုလ် (Europol) တရားဝင်ဝဘ်ဆိုက်မှ နှစ်စဉ်ထုတ်ပြန်နေတဲ့ ဥရောပအကြမ်းဖက်မှုအနေအထားနဲ့ ဖြစ်စဉ် အစီရင်ခံစာတွေကို ၂၀၀၇၀၈၀၉ နှစ်အလိုက်ထုတ်ပြန်တာကို လေ့လာရင်လည်း အကြမ်းဖက်သမားအများစုက မွတ်ဆလင်တွေပါလို့ အထောက်အပံ့ဖြစ် တဲ့အနေအထားမရှိပါဘူး။ တစ်စုံတစ်ယောက်က ၂၀၀၇ ထက်အရင် ရီပို့ထ်တွေကို ရှာဖွေနိုင်မယ်ဆိုရင် လေ့လာချက်ထဲမှာထည့်သွင်းဖော်ပြနိုင်အောင် ပေးပို့နိုင်ပါတယ်။

    အထက်ပါရလဒ်တွေက ဘယ်လိုနည်းနဲ့မှ အကြမ်းဖက်သမားအများစုဟာ မွတ်ဆလင်တွေပါလို့ အထောက်အပံ့မဖြစ်ပါ။ အချက်အလက်တွေကိုအနှစ်ချုပ်လိုက်ရင် ဥရောပမှာဖြစ်ပွါးခဲ့တဲ့ ၉၉.၆%သောအကြမ်းဖက်တိုက်ခိုက်ခံရမှုတွေကို မွတ်ဆလင်မဟုတ်သူတွေက ကျူးလွန်ခဲ့တာဖြစ်ပြီး ၈၄.၈%သောတိုက်ခိုက်မှုတွေကို ခွဲထွက်ရေးအုပ်စုတွေက ကျူးလွန်တာဖြစ်ပါတယ်။ လက်ဝဲဝါဒီတွေရဲ့ အကြမ်းဖက်တိုက်ခိုက်မှုတွေဟာဆိုရင် အစ္စလာမ္မစ်အုပ်စု တွေထက် ၁၆ဆပိုများနေပါသေးတယ်။ ၂၀၀၆ ကနေ ၂၀၀၈ အထိ တိုက်ခိုက်ခံရမှုတွေမှာ ၀.၄%သာ အစွန်းရောက်မွတ်ဆလင်တွေပြုလုပ်ခဲ့တာလို့ သတ်မှတ်နိုင်ပါတယ်။

    ဥရောပမှာ ဖြစ်ပွါးတဲ့ အကြမ်းဖက်တိုက်ခိုက်မှုဆိုင်ရာ တရားဝင်စာရင်း ဇယားတွေကို အောက်မှာဆက်လက်ဖော်ပြထားပါတယ်။

    ၂၀၀၆ခုနှစ်စာရင်းဇယား

    ၂၀၀၇ခုနှစ်စာရင်းဇယား

    ၂၀၀၈ခုနှစ်စာရင်းဇယား

    ရီပို့ထ်အရ ၂၀၀၈ခုနှစ်အတွင်းမှာ UK နိုင်ငံအတွင်းမှာ အစ္စလာမ္မစ်တိုက်ခိုက်မှုတစ်ခုရှိတာကို အပေါ်က ၂၀၀၈ခုနှစ်စာရင်းဇယားမှာ ထည့်သွင်းမဖော်ပြထားပေမဲ့ အောက်က ဘားဂရပ်(ဖ)မှာတော့ ထည့်သွင်းတွက်ချက်ဖော်ပြထားပါတယ်။

    အပေါ်က စာရင်းဇယားတွေကို ကြည့်လိုက်တာနဲ့ အကြမ်းသမားအများစုဟာ မွတ်ဆလင်တွေပါလို့ ဝါဒဖြန့်နေတာတွေဟာ ယုတ္တိမတန်ဘူးဆိုတာ လွယ်လွယ်ကူကူကောက်ချက်ချနိုင်ပါတယ်။ ဒါဟာအမှန်တရားစစ်စစ်ပဲဖြစ်ပါတယ်။

    အထက်ပါ ဒေတာတွေကို စုစည်းပြီး ၂၀၀၆ခုနှစ်မှ ၂၀၀၈ခုနှစ်အထိ ဥရောပနိုင်ငံတွေမှာ ဖြစ်ပွါးခဲ့တဲ့ အကြမ်းဖက်တိုက်ခိုက်မှုတွေကို သက်ဆိုင်ရာဂရုပ်အလိုက် ခွဲထုတ်ဖော်ပြချက်ဘားဂရပ်(ဖ)ပါ။

    ၂၀၀၉ခုနှစ်ယူရိုပိုလ်ရီပို့ထ် စာမျက်နှာ(၇)မှာ အောက်ပါအတိုင်းအနှစ်ချုပ်ထားပါတယ်။

    အစ္စလာမ္မစ်အကြမ်းဖက်တွေဟာ ကမ္ဘာနဲ့အဝှမ်းမှာအကြီးအကျယ်ဖြစ်ပွါးနေတယ်ဆိုသော်လည်း အချက်အလက်တွေအရတော့ EU အနေနဲ့ ၂၀၀၈ခုနှစ်အတွင်းမှာ UK မှာဗုံးခွဲတိုက်ခိုက်မှု တစ်ကြိမ်သာတိုက်ခိုက်ခံခဲ့ရပါတယ်။ ခွဲထွက်ရေးအကြမ်းဖက်သမားတွေသာ ဥရောပတစ်လွှားမှာ အဓိကအကြမ်းဖက်သူတွေဖြစ်ပါတယ်။ အဓိကအကြမ်းဖက်သမားတွေကတော့ စပိန်နှင့်ဖရန့်စ်က ဘက်စ်ခွဲထွက်ရေးသမားများ၊ ဖရန့်စ်မှ ကော်ဆီကန်ခွဲထွက်ရေးသမားများဖြစ်ပါတယ်။ ETA(ဘက်စ်ခွဲထွက်ရေးသမားများ) နှင့် FARC(ကိုလံဘီယာခွဲထွက်ရေးသမားများ) ကြားက ဆက်ဆံရေးအနေထားတွေက အီးယူအတွင်းက ခွဲထွက်ရေးသမားတွေဟာ အီးယူပြင်ပမှာ မိတ်ဆွေအဖွဲ့အစည်းတွေနဲ့ ပေါင်းကူးဆက်ဆံမှုပြုလုပ်ရှာဖွေပါတယ်။ UK မှာတော့ အိုင်းရစ်ရ်ှခွဲထွက်ရေးသမားတွေဖြစ်တဲ့ RIRA နဲ့ CIRA တို့ဟာ အခြားလက်နက်ကိုင်အဖွဲ့တွေဟာ ရာဇဝတ်မှုနဲ့ အကြမ်းဖက်မှုတွေကြူးလွန်လျှက်ရှိနေပါတယ်။

    ဒီကနေ့ လက်ယာအစွန်းရောက်တွေရဲ့ လွှမ်းမိုးမှုဝါဒဖြန့်မှုတွေကြောင့် လူအများစုက အစ္စလာမ္မစ်အကြမ်းဖက်သမားဆိုသည်မှာ အနောက်ကမ္ဘာကို အဓိကခြိမ်းခြောက်နေသော အကြမ်းဖက်သမားများအဖြစ်အမြင်ရောက်နေကြတယ်။ တကယ်တမ်းကျတော့ အနောက်ကမ္ဘာက အစ္စလာမ္မစ်ကြမ်းဖက်သမားဆိုတာထက် တခြားသောအဖွဲ့အစည်းတွေက အကြမ်းဖက်မှုတွေပိုပြီးလုပ်ဆောင်နေကြပြီး အစ္စလာမ္မစ်တွေထက် အဆပေါင်းများစွာ ပိုမိုလုပ်ဆောင်နေကြတာပါ။ ဒါကို အခြားအဖွဲ့တွေရဲ့ အကြမ်းဖက်မှုကို မျက်ကွယ်ပြုပြီး အစ္စလာမ္မစ်တွေကို ပိုပြီးအာရုံစိုက်အောင် ရည်ရွယ်ချက်ရှိရှိနဲ့ ဝါဒဖြန့်နေကြတာဖြစ်ပါတယ်။ ဒါမှလည်း အကြမ်းဖက်သမားအများစုဟာ မွတ်ဆလင်တွေဆိုတဲ့ အနေအထားမျိုး ပြောလို့ဆိုလို့ကောင်းမှာဖြစ်ပါတယ်။

    ဒါ့ကြောင့် US မှာအကြမ်းဖက်တိုက်ခိုက်မှုတွေရဲ့ ၆% ဥရောပမှာဆိုရင်တော့ တစ်ရာခိုင်နှုံးရဲ့တစ်ဝက်တောင်မပြည့်တဲ့ အစ္စလာမ္မ္မစ်တွေရဲ့ တိုက်ခိုက်မှုတွေကို မတော်မတရားပုံကြီးချဲ့ပြီး လူထုကိုကြောက်လန့်အောင် ခြောက်လှန့်ပြီး မလိုလားအပ်တဲ့ အကြောက်တရားတွေ ဖြန့်ဝေနေတာဟာ လုံးဝကိုမဖြစ်သင့်တဲ့ကိစ္စတစ်ခုဖြစ်ပြီး လူထုအနေနဲ့လည်း ဒါကိုထုတ်ဖော်ပြီး ပကတိအခြေအနေမှန်ကို သဘောပေါက်နားလည်ရန်ကြိုးစားသင့်ပါတယ်။

    တကယ်တော့ အနောက်ဥရောပရဲ့ လူနည်းစုဖြစ်တဲ့ အစ္စလာမ်ဘာသာဝင်တွေအပေါ်မှာ အကြမ်းဖက်သမားဆိုတဲ့ ခေါင်းစဉ်တစ်ခုတင်ပြီး ဘာသာကွဲတွေရဲ့ အထင်အမြင်လွဲမှားမှု၊ အကြောက်တရားတိုးပွါးမှုနဲ့ ထိရှလွယ်မှုတွေတိုးပွါးစေရုံသက်သက်ပဲဖြစ်ပွါးစေတာပါ။ အစ္စလာမ်ဘာသာဝင်တွေဘက်ကလည်း အဲ့ဒီလိုမျိုး ရူးနှမ်းနှမ်းနဲ့ မဟုတ်မမှန်စွတ်စွဲပြောကြားချက်တွေအပေါ်မှာ အချက်အလက်အမှန်တွေနဲ့ အဖြစ်မှန်တွေကိုအခြေခံပြီး ပြန်လည်ချေပပြောဆိုသင့်ပါတယ်။

     ကိုးကား – Europol Report: All Terrorists are Muslims…Except the 99.6% that Aren’t