News @ M-Media

Tag: MuslimsAid

  • မုန်တိုင်းသင့် ဟေတီပြည်သူများ အတွက် ဒူဘိုင်းဘုရင်ခံက ကိုယ်ပိုင်လေယာဉ်ဖြင့် အကူအညီပေးပို့

    မုန်တိုင်းသင့် ဟေတီပြည်သူများ အတွက် ဒူဘိုင်းဘုရင်ခံက ကိုယ်ပိုင်လေယာဉ်ဖြင့် အကူအညီပေးပို့

    အောက်တိုဘာ ၁၇၊ ၂၀၁၆
    M-Media
    14680763_1222920671083734_8468438631462263758_n
    – ပြီးခဲ့တဲ့ တစ်ပတ်က ဟာရီကိန်းမက်သယူးဒဏ် ခံစားခဲ့ရသည့် ဟေတီပြည်သူများအတွက် အရေးပေါ်အကူအညီများ ပေးအပ်ရန် အာရပ်စော်ဘွားများပြည်ထောင်စု (ယူအေအီး) ရှိ ဒူဘိုင်းဘုရင်ခံမှာ ထောက်ပံ့ရေးပစ္စည်းများကို ၎င်း၏ ကိုယ်ပိုင်လေယာဉ်ဖြင့် သွားရောက်ပို့ဆောင်ခဲ့သည်ဟု သိရသည်။

    ရှိခ် မိုဟာမက် ဘင် ရာရှစ် အလ်-မက်ခ်တွမ်ဖြစ်ပြီး အကူအညီ တန်ပေါင်း ၉၀ ကို တင်ဆောင်သွားခဲ့ခြင်းဖြစ်သည်။

    မုန်တိုင်းကြောင့် ဟေတီတွင် လူပေါင်း ၁၀၀၀ ခန့် သေဆုံးခဲ့ပြီး လူပေါင်း ၃ သိန်းဝန်းကျင်မှာ အိုးအိမ်များ ပျက်ဆီးဆုံးရှုံးမှုနှင့် ရင်ဆိုင်ခဲ့ရသည်။ ဟေတီမှာ ၂၀၁၀ ခုနှစ်က ဖြစ်ပွားခဲ့သည့် ငလျင်ဘေးမှ ပြန်လည်ထူထောင်ရေး ကြိုးစားနေ
    သည့်အချိန်တွင် ယခုကဲ့သို့ မုန်တိုင်ဒဏ် ထပ်ခံရခြင်းဖြစ်သည်။ ငလျင်နောက်ဆက်တွဲ ၀မ်းရောဂါကြောင့် လူပေါင်း တစ်သောင်းဝန်းကျင် သေဆုံးခဲ့သည်။

    ဒူဘိုင်းအစိုးရကမူ ဘုရင်ခံနှင့် ကြင်ရာတော် မင်းသမီး ဟာယာ ဘင်သီ အလ် ဟူစိန်တို့မှာ ထိုကယ်ဆယ်ရေး အကူအညီကို ကိုယ်တိုင်ကြီးကြပ်ခဲ့ခြင်းဖြစ်သည်ဟု ပြောကြားခဲ့သည်။ အဆိုပါပစ္စည်းများတွင် တဲများ၊ ခြင်ထောင်များ၊ ဆေးဝါးများနှင့် ရေသန့်စင်သည့် ပစ္စည်းများ ပါဝင်သည်။

    ကုလကမူ ဟေတီတွင် ပြည်သူပေါင်း ၁.၄ သန်းမှာ အရေးပေါ် အကူအညီများ လိုအပ်နေပြီး ၎င်းတို့ကို ကူညီရန်အတွက် ကန်ဒေါ်လာ သန်း ၁၂၀ တောင်းခံထားသည်။

    14713724_1222921017750366_5110753638038106566_n
    “ဟေတီအကြောင်းစဉ်းစားရင် ပုံရိပ်တစ်ခုက ကျွန်မစိတ်ထဲမှာ အမြဲတမ်း စွဲထင်နေပါတယ်။ အဲဒီ ပုံရိပ်က ၂၀၁၀ ငလျင်တုန်းက ပုံရိပ်ဖြစ်ပြီး IHC (ဒူဘိုင်းဘုရင်ခံ ဦးဆောင်သည့် အကူအညီပေးရေးအဖွဲ့) နဲ့ သွားတုန်းမှာ ကျွန်မ မြင်ခဲ့ရတာဖြစ်ပါတယ်” ဟု မင်းသမီး ဟာယာက Instagram စာမျက်နှာတွင် ရေးသားခဲ့သည်။

    “ဒီ လေယာဉ်နဲ့ပဲ ဒီနေ့ ကျွန်မသွားမှာပါ။ ဒီအချိန်မှာလဲ ဘ၀တွေက ဆုံးပါးခဲ့ရပါတယ်။ ဒါဟာ ဟေတီနိုင်ငံရဲ့ လိုအပ်ချက်အတွက်ဖြစ်ပါတယ်။ ပမာဏအချို့သာဖြစ်ပေမယ့် လှူဒါန်းပေးဖို့အတွက်ပါပဲ”

    ထို့နောက် မင်းသမီးမှာ ခင်ပွန်း၏ လူသားချင်း စာနာထောက်ထားမှုဆိုင်ရာ အကူအညီများအတွက် ချီးကျူးခဲ့သည်။ မင်းသမီးမှာ ဂျော်ဒန်ဘုရင်၏ သမီးတော်လည်းဖြစ်သည်။
    14671151_1222921034417031_6453198675744243620_n
    “အာရပ်တွေဖြစ်တဲ့ ကျွန်မတို့ဟာ ဒေ၀ါလီခံနိုင်ပါတယ်။ ကျွန်မတို့ တိုက်ပွဲတွေဝင်နေရတယ်၊ ကျွေးမွေးဖို့၊ နေရာထိုင်ခင်းတွေပေးဖို့အတွက်လည်း ကျွန်မတို့ကိုယ်တိုင် လုပ်နေရပါတယ်။ ဒါပေမယ့် ကျွန်မသိတဲ့ လူသားဆန်မှုစိတ်ဓာတ်ကိုတော့ ကျွန်မ ပြောပြနိုင်ပါတယ်။ ဘာ့ကြောင့်လည်းဆိုတာ့ ကျွန်မတို့ ယူအေအီးနိုင်ငံက လှူဒါန်းမှုမှာရှိနေပြီး၊ ဂျော်ဒန်ပြည်သူတွေက တိုက်ပွဲဝင်မှုမှာ ရှိနေတာကြောင့် ဖြစ်ပါတယ်” ဟု မင်းသမီးက ထည့်သွင်းရေးသားခဲ့သည်။

    Ref Independent

  • မုန်တိုင်းသင့် ဖိလစ်ပိုင်သို့ ကမ္ဘာတဝှမ်းမှ မွတ်စ်လင်မ်တို့၏ ကယ်ဆယ် ထောက်ပံ့ရေး အကူအညီ

    နိုဝင်ဘာ ၁၂၊ ၂၀၁၃
    M-Media

    Muslims Aid Typhoon-Hit Philippine
    ကိုင်ရို။    ။ ဖိလစ်ပိုင်နိုင်ငံတွင် မကြုံဖူလောက်အောင်ဆိုးဝါးသော သဘာဝဘေးဒဏ်သင့်ပုံရိပ်များကြောင့် ကမ္ဘာ့ မွတ်စ်လင်မ်တို့သည် ရှင်သန်ကျန်ရစ်နေသူများအား အမြန်ဆုံးကူညီနိုင်ရေး အတွက်စီစဉ်လျက်ရှိကာ၊ လူသားချင်း စာနာ ကူညီရေးအဖွဲ့အစည်း များစွာသို့လည်း အလှူအဒါန်းများပေးပို့ကြရန် တိုက်တွန်းလိုက်သည်။

    “ အစ္စလာမ် ကယ်ဆယ်ရေးအဖွဲ့ Islamic Relief က ပေါင်စတာလင် ငါးသောင်းကို မဆိုင်းမတွ ပေးပို့လိုက်ပြီး၊ ပြင်းပြင်းထန်ထန် ကပ်ဆိုးသင့်ခံရလို့ အသက်ဆက်နိုင်အောင် ရုန်းကန်နေရတဲ့ ဖိလစ်ပိုင်ပြည်သူများ အတွက် စားဝတ်နေရေးနှင့်  အခြား လိုအပ်ချက်တွေရရှိဖို့ အရေးပေါ် အလှူခံအဖွဲ့ တစ်ရပ်ကို ထူထောင်လိုက်ပါပြီ ” ဟု Islamic Relief မှ ၄င်း၏ ၀က်ဘ်ဆိုက်တွင် သောကြာနေ့က ဖော်ပြခဲ့သည်။

    မိုးလေ၀သ အစီရင်ခံချက်၏နောက် မရှေးမနှောင်းမှာပင် မုန်တိုင်းမှာ ကြောက်ခမန်းလိလိ ၀င်ရောက်လာခဲ့ခြင်းဖြစ်သည်။  ၃၆ ခရိုင်ရှိ လူပေါင်း ၄.၃ သန်း မုန်တိုင်း ဒဏ်သင့်ရသည်ဟု ကုလသမဂ္ဂ အစီရင်ခံချက်၌ဖော်ပြသည်။

    ပြီးခဲ့သည့် သောကြာနေ့တွင် ဖိလစ်ပိုင်နိုင်ငံသည် အလွန်အားကောင်းသော တိုင်ဖွန်းမုန်တိုင်း ၀င်ရောက်လာခဲ့ရာ ၄၁ ခရိုင်ရှိ လူပေါင်း ၂ သန်းကျော် ဘေးဒဏ်သင့်၍ အိုးအိမ်ပေါင်း နှစ်သောင်း သုံးထောင် အနည်းဆုံး ပျက်စီးဆုံးရှုံးခဲ့သည်။

    ပင်လယ်ကမ်းခြေဒေသကြီးတစ်လျှောက် အပျက်အစီးများစုပြုံခြင်း၊ လမ်းပိတ်ခြင်း၊ နှုန်းထဲမြုပ်ဝင်နေသောလူသေ အလောင်းများဖြင့် မြင် မကောင်းအောင် ဖြစ်သွားခဲ့သည်။

    လှေသင်္ဘောများမှာ ကုန်းတွင်းပိုင်းအထိ လွင့်စင်လာသည်။ ကားကြီးကားငယ်များမှာ ပင်လယ်ထဲသို့ မျောကုန်သည်။ လမ်းတံတားနှင့် ဆိပ်ခံဗော တံတားတို့မှာလည်း ရေနှင့်အတူ ပါသွားကြသည်။

    သောကြာနေ့မုန်တိုင်းကြောင့် လူ တစ်သောင်း သို့မဟုတ် ၄င်းထက် ပိုလွန်သော လူဦးရေမှာ အသေအပျောက်ရှိခဲ့သည်ဟု တနင်္ဂနွေနေ့က သတင်းဌာနနှစ်ခုမှ ဆိုခဲ့သော်လည်း ဆက်လက်ထွက်လာသော သတင်းများက ထိုအရေအတွက်ထက် လျော့နည်းနိုင်သည်ဟု ဖော်ပြသည်။

    သေဆုံးသူများမှာ ၉၄၂ ဦးဟု ဖိလစ်ပိုင် တပ်မတော်မှ အတည်ပြုခဲ့သည်။ သို့သော် ဆက်သွယ်ရေးနှင့်သယ်ယူပို့ဆောင်ရေး အချိတ်အဆက်ပြတ်တောက်နေမှုကြောင့် အဆုံးသတ်ဦးရေ သိရှိနိုင်ရန် အလှမ်းကွာဝေးသေးကြောင်း ဒေသခံအာဏာပိုင်များက ပြောကြားသည်။

    သောကြာနေ့ မုန်တိုင်းဒဏ် အလူးအလဲခံရသည့် Tacloban ၌ သေဆုံးသူဦးရေ ၃၀၀ မှ ၅၀၀ အတွင်း စုပုံတွေ့ရကြောင်း ကုလသမဂ္ဂမှ ဆိုသည်။

    “ မုန်တိုင်းလမ်းကြောင်းထဲ ရောက်ရှိနေသူ အများအပြားက ဆင်းရဲနွမ်းပါးသူများဖြစ်ကြတယ်။ သူတို့အိုးအိမ်များဟာ ရစရာ မရှိသလောက်ပျက်စီး ဆုံးရှုံးသွားတော့ သူတို့အနေနဲ့ ဘ၀ပြန်လည်ထူထောင်ရေး အထောက်အပံ့လိုနေမှာ အမှန်ဘဲ။ ကျွန်တော်တို့ Islamic Relief  ရဲ့ Philippines Typhoon Appeal အစီအစဉ်မှာ တတ်စွမ်းသမျှ ထည့်ဝင် လှူဒါန်းခြင်းဖြင့် ကူညီနိုင်ပါလိမ့်မယ် ” ဟု Islamic Relief မှ ဖိတ်ခေါ်ထား၏။

    Tacloban တွင် မာရှယ်လော သို့မဟုတ် အရေးပေါ် အခြေအနေကြေငြာရန် စဉ်းစားနေကြောင် ဖိလစ်ပိုင်သမ္မတ Benigno Aquino III က ပြောသည်။

    အရေးပေါ်အခြေအနေကြေငြာခံရသောဒေသအဖို့ ကာဖျူးအမိန့်၊ စားရေရိက္ခာနှင့်ဈေးနှုန်း ထိန်းချုပ်မှု၊ စစ်တပ် သို့မဟုတ် ရဲကင်းဌာနများ၊ လုံခြုံရေးစောင့်ကြပ်မှု တိုးမြင့်ခြင်း စသည်တို့ လိုအပ်သည်။

    ကြောက်မက်ဖွယ်မုန်တိုင်းဒဏ်ခံလိုက်ရသော ဖိလစ်ပိုင်ပြည်သူများ အတွက် အမေရိကန် မွတ်စ်လင်မ်တို့ကလည်း မိမိတို့နှင့် မိုင်ပေါင်းထောင်ချီဝေးကွာနေလင့်ကစား အကူအညီပေးနိုင်ရန် စီစဉ်လျက်ရှိသည်။

    အမေရိကန်နိုင်ငံ ဇကာ့သ် ဖောင်ဒေးရှင်း Zakat Foundation of America နှင့် တွဲကူလက်များအဖွဲ့ Helping Hand USA တို့မှ ကူညီကယ်ဆယ်ရေးအဖွဲ့တစ်ရပ်ကို အမြန်ဆုံး စီစဉ်နေကြသည်။

    ကက်သလစ်(ခရစ်ယာန်)ဘာသာဝင်အများစုရှိသည့် ဖိလစ်ပိုင်နိုင်ငံ၏ လူဦးရေ စုစုပေါင်းမှ ၈ ရာခိုင်နှုန်းသည် မွတ်စ်လင်မ်များဖြစ်ကြသည်။ ၀တ်ပြုရေးဖိတ်ခေါ်မျှော်စင်အများအပြားရှိသည့် တောင်ပိုင်းဒေသ မင်ဒါနော Mindanao မှာ ဖိလစ်ပိုင်၌ အစ္စလာမ်မွေးဖွားရာနယ်မြေဖြစ်ပြီး၊ မွတ်စ်လင်မ်ပေါင်း ၅ သန်း အခြေစိုက်နေထိုင်ကြသည်။ အစ္စလာမ် သာသနာသည် ၁၃ ရာစုအတွင်း ခရစ်ယာန်သာသနာ မ၀င်ရောက်မီ နှစ် ၂၀၀ ကပင် ဖိလစ်ပိုင်သို့ ရောက်နှင့်ပြီးဖြစ်သည်။

    Ref: OnIslam
    ————————————————-
    ** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
    စီးပွားဖြစ် ထုတ်ဝေသော Print Media များတွင် အသုံးပြုလိုသူများ M-Media သို့ ခွင့်ပြုချက်တောင်းရန် လိုအပ်ပါမည်။
    ဆက်သွယ်ရန် [email protected]