News @ M-Media

Tag: MuslimScientist

  • ပါရှန်း ပညာရှင်ကြီး အလ်-ဘီရူနီ (သို့) အလယ်ခေတ်ရဲ့  စွယ်စုံရ မွတ်စလင် သိပ္ပံ ပညာရှင်များမှ တဦး

    ပါရှန်း ပညာရှင်ကြီး အလ်-ဘီရူနီ (သို့) အလယ်ခေတ်ရဲ့ စွယ်စုံရ မွတ်စလင် သိပ္ပံ ပညာရှင်များမှ တဦး

    ဒီဇင်ဘာ ၆၊ ၂၀၁၄
    M-Media
    ကိုလေး စုစည်းတင်ဆက်သည်။

    albiruni (1)

    – တမန်တော် မုဟမ္မဒ်သခင်ဟာ သူရဲ့နောက်လိုက်တွေကို အသိပညာကို ရှာဖွေဖို့ အမြဲတမ်းတိုက်တွန်းခဲ့ပါတယ်။ ကိုယ်တော့်ရဲ့ အဆိုအမိန့်တစ်ခုမှာ “ပုခက်အတွင်းမှ သင်္ချိုင်းအတွင်းအထိ ပညာရှာဖွေကြ” လို့ ပြောခဲ့တာကိုကြည့်ရင် ကိုယ်တော်ဟာ ပညာရေးကို ဘယ်လောက်ဦးစားပေးလဲဆိုတာ တွေ့နိုင်မှာပါ။

    ဒီလိုသင်ကြားမှုက စောစောပိုင်း မွတ်စလင်လူ့အဖွဲ့အစည်းကို ထင်ထင်ရှားရှား အကျိုးသက်ရောက်မှုတွေရှိခဲ့ပါတယ်။ ပြန်ကျဲနေတဲ့အာရပ်လူ့အဖွဲ့အစည်းဟာ စုစည်းမှုရှိလာပြီး နယ်မြေတွေချဲ့ထွင်နိုင်ခဲ့သလို ၀ိဇ္ဇာသိပ္ပံ ပညာရပ်တွေကို စိတ်ဝင်စားမှု စူးစမ်းရှာဖွေမှုတွေ လုပ်ဆောင်ခဲ့ပြီး ထင်ရှားတဲ့ မွတ်စလင် တွေးခေါ်ပညာရှင်တွေ၊ ၀ိဇ္ဇာသိပ္ပံပညာရှင်တွေလည်း အများအပြား ပေါ်ထွက်လာခဲ့ပါတယ်။

    အဲဒီပညာရှင်တွေထဲက စွယ်စုံရပညာရှင်ကြီးတစ်ပါးဖြစ်ပြီး အိန္ဒိယနိုင်ငံရဲ့ ထူးခြားတဲ့ ၀ိဇ္ဇာသိပ္ပံပညာရပ်တွေနဲ့ ဆေးပညာရပ်တွေကို ပထမဆုံး ကမ္ဘာသိအောင် ချပြခဲ့တဲ့ ပါရှန်း ပညာရှင်ကြီး အလ်-ဘီရူနီ ရဲ့ အကြောင်းကို ဖော်ပြလိုက်ပါတယ်။

    ငယ်ဘ၀
    ———-
    အမည်အရင်း အဘူရီဟန် မိုဟာမက် အစ်ဗနေ့ အလ်-ဘီရူနီကို ထိပ်ထိပ်ကြဲ မွတ်စလင် ပညာရှင်အချို့ မွေးဖွားခဲ့ရာ အလယ်အာရှက ခူရာဆန်ပြည်နယ် ခ၀ါရီဇမ်မြို့နားမှာ သက္ကရာဇ် ၉၇၃ ခုနှစ် စက်တင်ဘာလမှာ မွေးဖွားခဲ့ပါတယ်။ ခူရာဆန်ဟာ အဲဒီအချိန်အခါက ကြီးမားကျယ်ပြန်တဲ့ ပြည်နယ်တစ်ခုပါ။ ၀ိဇ္ဇာသိပ္ပံပညာရပ်တွေ ထွန်းကားတဲ့ အသိုင်းအ၀ိုင်းကမွေးလာတဲ့ ဘီရူနီဟာ စောစောပိုင်း ၂၅ နှစ်ကို ခ၀ါရီဇမ်မှာပဲ ကုန်ဆုံးခဲ့ပြီး  အာရဗီနဲ့ ပါရှန်းဘာသာရပ်တွေ၊ အစ္စလာမ့်တရားဥပဒေ၊ ဘာသာသာရေး၊ သဒ္ဒါ၊ သင်္ချာ၊ နက္ခတဗေဒ၊ ဆေးပညာနဲ့ အခြားသိပ္ပံဘာသာရပ်တွေကို လေ့လာခဲ့ပါတယ်။ နောက်ပိုင်းမှာတော့ အစ္စလာမ့်သိပ္ပံ၊ ဂန္တ၀င်စာပေနဲ့ ရိုးရိုးသိပ္ပံ ပညာရပ်တွေကို ဆက်လက် သင်ယူခဲ့ပါတယ်။

    ဘီရူနီဟာ သင်္ချာပညာရပ်ကို အဲဒီအချိန်က ထင်ရှားတဲ့ နက္ခတ္တဗေဒနဲ့ သင်္ချာပညာရှင် အဘူနာဆာရန် အလ်-မန်ဆူရ်ရဲ့ ကြီးကြပ်မှုအောက်မှာ နှစ်ပေါင်း များစွာကြာ လေ့လာခဲ့ပါတယ်။ နောက်ပြီး အလ်-မန်ဆူရ်ရဲ့ ဆရာဖြစ်တဲ့ အဘူ ၀ါဖာ အလ်-ဘူဂျာဇ်နီရဲ့ လက်အောက်မှာလည်း ပညာဆည်းပူးခဲ့တယ်လို့ အချို့သမိုင်းပညာရှင်တွေက ဆိုပါတယ်။ ဒီအဆိုကို ပညာရှင်အများစုကတော့ လက်ခံခြင်း မရှိပါဘူး။

    ဘူခါရာမြို့သို့တစ်ခေါက်
    —————————-
    သက္ကရာဇ် ၉၉၅ ခုနှစ်လောက်မှာ ဘီရူနီဟာ ဘူခါရာမြို့ကို သွားရောက်ပညာဆည်းပူးခဲ့ပြီး အလယ်အာရှမှာ ထင်ရှားတဲ့ သင်ကြားရေးစင်တာတွေကိုလည်း ရောက်ခဲ့ပါတယ်။ ၉၉၈ ခုနှစ်မှာတော့ ဘီရူနီဟာ ပါရှန်း မြို့တစ်မြို့ဖြစ်တဲ့ ဂျာဂျန်မြို့မှာ အခြေချခဲ့ပြီး ဘုရင် ရှမ်စ် အလ်-မာအလီ ကွာဘက်စ် အစ်ဗနေ့ ၀က်စ်ဟမ်ဂီရန်ထံမှာ တာဝန်ထမ်းဆောင်ခဲ့ပါတယ်။ ဂျာဂျန်မှာ ဘီရူနီဟာ ၁၀ စုနှစ် တစ်ခုကျော်လောက် နေထိုင်ခဲ့ပြီး အဲဒီ့အချိန်က အဆင့်မြင့် သိပ္ပံပညာရပ်အားလုံးနဲ့ သင်္ချာပညာရပ်တွေကို  လေ့လာခဲ့ပါတယ်။

    ပထမဆုံးကျမ်း
    —————–
    အသက် ၂၇ နှစ်အရွယ်မှာတော့ ဘီရူနီဟာ သူရဲ့ ကျော်ကြားတဲ့ Kitab al-Athar al-Baqiyah an al-Quran al-Khaliyab (ရှေးခတ်နိုင်ငံများ၏ သမိုင်းစဉ်မှတ်တမ်း) စာအုပ်ကို ရေးသားပြုစုခဲ့ပါတယ်။ ဒီစာအုပ်မှာ သူဟာ သမိုင်းကြောင်းဆိုင်ရာ အဆင့်ဆင့် ပြောင်းလဲမှုတွေကြောင့် ဖြစ်ပေါ်လာတဲ့ သဘာဝနဲ့ ခေတ်ကာလအကြောင်းတွေကို ဖော်ပြခဲ့ပြီး၊ ရှေးခေတ် ပြည်သူတွေရဲ့ သဘာဝ၊ ကာလနဲ့ သူတို့ရဲ့ ကံကြမ္မာတို့ကိုလည်း အလေးထား ဖော်ပြခဲ့ပါတယ်။

    သမိုင်းကြောင်းဆိုင်ရာ တိုးတက်မှုနဲ့ ပထ၀ီဗေဒဆိုင်ရာ ပြောင်းလဲမှုတွေကို စိတ်ဝင်တစား ရှင်းရှင်းလင်းလင်း ခွဲခြမ်းစိတ်ဖြာရာကနေ အဲဒီလိုပြောင်းလဲမှုတွေက ရှေးခေတ်လူသားတွေရဲ့ ဘ၀တွေမှာ ဘယ်လိုသက်ရောက်ခဲ့သလဲဆိုတာကို ဘီရူနီက ထုတ်ဖော်ပြသနိုင်ခဲ့ပါတယ်။ ဒီစာအုပ်မှာပဲ ဘီရူနီဟာ သူ့အရင်က ပညာရှင်တွေရဲ့ အချိန်နဲ့ ဖြစ်တည်မှုအပေါ် ထင်မြင်မှုတွေကိုလည်း ချေပရေးသားခဲ့ပါသေးတယ်။

    မွေးရပ်မြေသို့တစ်ခေါက်
    ————————–
    ၁၀၁၂ ခုနှစ်မှာ ဘီရူနီဟာ မွေးရပ်မြေ ခ၀ါရီဇမ်ကို ပြန်လည်သွားရောက်ခဲ့ပြီး အဲဒီခေတ်ကာလက ကျော်ကြားတဲ့ ပညာရှင်တစ်ဦးဖြစ်တဲ့ အဘ်ဒူ အလ်-စမဒ် အလ်-အောင်ဝလ်ရဲ့ လက်အောက်မှာ အခြားသော ကဏ္ဍတွေကို ဆက်လက် လေ့လာခဲ့ပါတယ်။
    အဲဒီအချိန်လောက်မှာပဲ အလယ်အာရှရဲ့ နိုင်ငံရေးစနစ်ဟာ ရုတ်ချည်း ပြောင်းလဲသွားခဲ့ပြီး ဒေသတော်တော်များများဟာလည်း ဘုရင်သစ် ဆူလ်တန် မဟ်မူးဒ်ရဲ့ လက်အောက်ကို ရောက်ရှိခဲ့ပါတယ်။ ဘီရူနီရဲ့မွေးရပ်မြေ ခ၀ါရီဇမ်ဒေသကို ဆူလ်တန် မဟ်မူးဒ်ရဲ့တပ်တွေက ၁၀၁၇ ခုနှစ်မှာ သိမ်းပိုက်ခဲ့ပြီး ဘီရူနီနဲ့ ဆရာဖြစ်သူ အလ်-အောင်ဝလ်တို့နှစ်ဦးကို သုံ့ပန်းတွေအဖြစ် ဂါဇနာကို ခေါ်ဆောင်သွားခဲ့ပါတယ်။ အဲဒီနောက်မှာတော့ အမြင်မတူမှုနဲ့ စွဲချက်တင်ခံခဲ့ရပြီး ဘီရူနီဟာ သေဒဏ်ပေးခြင်း ခံခဲ့ရပါတယ်။

    ဒါပေမယ့် ဘီရူနီရဲ့ အစွမ်းအစကိုသိရှိပြီး သူ့ကိုလေးစားအားကျတဲ့ ဆူလ်တန်ရဲ့ ထိပ်တန်း အကြံပေးတစ်ဦးရဲ့ ကြားဝင်အသနားခံပေးမှုကြောင့် ဘီရူနီဟာ အသက်ဘေးက လွတ်မြောက်ခဲ့ပြီး အကြီးတန်း နက္ခတဗေဒနဲ့ သိပ္ပံဆိုင်ရာ အကြံပေးအဖြစ် ခန့်အပ်ခြင်း ခံခဲ့ရပါတယ်။

    အဲဒီနောက်မှာတော့ ဘီရူနီဟာ ဆူလ်တန် မဟ်မူးဒ် ခရီးထွက်ရာနေရာတိုင်းနဲ့ တိုင်းပြည်ချဲ့ထွင်ရာ နေရာတွေကို လိုက်ခဲ့ရပါတော့တယ်။

    ဘီရူနီဟာ ကျော်ကြားတဲ့ သိပ္ပံပညာရှင်တစ်ယောက် ဖြစ်ရုံသာမက မတူညီတဲ့ ဘာသာစကားတွေ၊ ယဉ်ကျေးမှုတွေ၊ ရိုးရာဓလေ့ ထုံးတမ်းတွေ ကိုလည်း နှစ်သက် မြတ်နိုးသူ တစ်ယောက်ပါ။ ဒါ့ကြောင့် ဆူလ်တန် မဟ်မူးဒ် အိန္ဒိယကို သိမ်းပိုက်ပြီး နောက်ပိုင်းမှာ ဘီရူနီဟာ အိန္ဒိယရဲ့ ရှေးဟောင်းသမိုင်းဝင် အမွေအနှစ်တွေကို ရှာဖွေဖော်ထုတ် ထိန်းသိမ်းဖို့ ကြိုစားခဲ့ပါတော့တယ်။

    အိန္ဒိယဗေဒရဲ့ ဖခင်
    ————————–
    ဘီရူနီဟာ အိန္ဒိယမှာ သက္ကရာဇ် ၁၀၂၁ ခုနှစ်နေ ၁၀၃၁ ခုနှစ်အထိ ဆယ်စုနှစ်တစ်ခုကြာ နေထိုင်ခဲ့ပြီး အဲဒီအချိန်အတောအတွင်းမှာ သူရဲ့ အားလပ်ချိန်တွေအားလုံးနဲ့ စွမ်းရည်တွေကို အိန္ဒိယရဲ့ ရှေးဟောင်း ယဉ်ကျေးမှုအမွေအနှစ်တွေကို ဖော်ထုတ်ဖို့ ကြိုးပမ်းခဲ့ပါတယ်။ အဲဒီအချိန်က အိန္ဒိယမှာအသုံးပြုတဲ့ သက္ကတ ဘာသာစကားကို ဘီရူနီဟာ ထဲထဲဝင်ဝင် လေ့လာခဲ့ပြီး အဲဒီလေ့လာမှုကပဲ အိန္ဒိယရဲ့ တန်းဖိုးမဖြတ်နိုင်တဲ့ ယဉ်ကျေးမှုအမွေအနှစ်တွေကို ဖော်ထုတ်ဖို့ အထောက်အကူဖြစ်ခဲ့ပါတယ်။

    ဘီရူနီဟာ အိန္ဒိယကို ပထမဆုံးရောက်ရှိခဲ့တဲ့ မွတ်စလင်ပညာရှင်တစ်ဦးဖြစ်ပြီး သူရဲ့ ပတ်ဝန်းကျင်မှာရှိတဲ့ လက်လှမ်းမီရာ အသိပညာတွေကို အကုန်လုံး လေ့လာခဲ့ပါတယ်။ အိန္ဒိယမှာရှိတဲ့ ရှေးဟောင်းဘာသာစကားတွေ၊ ယဉ်ကျေးမှု၊ သမိုင်း၊ ဘာသာတရား၊ ပထ၀ီရေးရာ၊ အနုပညာနဲ့ ဒဿနိကဗေဒဆိုင်ရာ ကဏ္ဍစုံကို ဘီရူနီက လေ့လာရှာဖွေ ဖော်ထုတ်ခဲ့ပါတယ်။ နောက်ပိုင်းမှာ သူရဲ့ လေ့လာတွေ့ရှိချက်တွေ အားလုံးကို ဖော်ပြထားတဲ့ ကီသဗ် တာရစ်က် အလ်-ဟင်ဒ်(အိန္ဒိယသမိုင်း) ကို ဘီရူနီက ရေးသားပြုစုခဲ့ပါတယ်။ ဒီစာအုပ်ဟာ သူ့ရဲ့ ကျော်ကြားဆုံး စာအုပ်တွေထဲက တစ်အုပ်လည်း ဖြစ်ပါတယ်။

    ဒီစာအုပ်ထဲမှာ ဘီရူနီဟာ သူတွေ့ရှိခဲ့တဲ့ အိန္ဒိယက ဘာသာတရား၊ သမိုင်း၊ ပထ၀ီအနေအထား၊ ဘူမိဗေဒ၊ သိပ္ပံနဲ့ သင်္ချာပညာရပ်တွေကို ဖော်ထုတ်တင်ပြထားပါတယ်။
    ဒီစာအုပ်ဟာ ရှေးဟောင်းအိန္ဒိယနဲ့ ပတ်သက်တဲ့ စာအုပ်သမိုင်းမှာ ယနေ့အချိန်အထိ ပြိုင်ဘက်ကင်းတဲ့ စာအုပ်တစ်အုပ်ဖြစ်ပြီး၊ လူ့ယဉ်ကျေးမှုကို လေ့လာတဲ့နေရာမှာ ရှေ့ဆောင်ကျမ်းတစ်ဆူလို့လည်း ပညာရှင်တွေက သတ်မှတ်ကြပါတယ်။

    ဘီရူနီဟာ အိန္ဒိယမှာရှိတဲ့ ရာသီဥတုအခြေအနေတွေ၊ လူတွေရဲ့ မွေးဖွားသေဆုံးမှု အခြေအနေတွေကို လေ့လာကောက်ယူခဲ့ပြီး အိန္ဒိယမှာရှိတဲ့ အဓိက မြို့ကြီးတွေ၊ မြို့ငယ်တွေ၊ မြစ်ချောင်းအင်းအိုင်တွေရဲ့ အကျယ်အ၀န်း အလျားအနံကို၊ တိုင်းတာခဲ့ပါတယ်။ ခေတ်မီပစ္စည်းကိရိယာတွေမရှိဘဲ လွန်ခဲ့တဲ့နှစ်ပေါင်း ၁၀၀၀ ကျော်က တိုင်းတာခဲ့မှုဟာ ဒီနေ့ခေတ် တိုင်းတာမှုတွေနဲ့ အံသြလောက်အောင် နီးစပ်နေပါတယ်။

    နိုင်ငံခြားသားတွေကို မယုံကြည်ကြတဲ့ အိန္ဒိယတိုက်ငယ်ရဲ့ ဓလေ့ကြောင့် ဘီရူနီကို အစပိုင်းမှာ အနည်းငယ် သံသယ၀င်ခဲ့ကြပေမယ့် နောက်ပိုင်းမှာ ဟိန္ဒိူပညာရှင်တွေက ကြိုဆိုခဲ့ကြပါတယ်။ ဘီရူနီဟာ ဟိန္ဒိူပညာရှင်တွေဆီက စာအုပ်တွေကိုစုဆောင်းကာ လေ့လာခဲ့ပြီး နောက်ပိုင်းမှာတော့ ၁၁ ရာစု အိန္ဒိရဲ့ သိပ္ပံ၊ သင်္ချာ၊ ဆေးပညာ၊ နက္ခတဗေဒပညာနဲ့ အခြားသော ပညာရပ်တွေကို အာရဗီဘာသာသို့ ပြန်ဆိုခဲ့ပါတယ်။

    အိန္ဒိယနဲ့ ပတ်သက်ပြီး ပြောင်မြောက်တဲ့ စွမ်းဆောင်ချက်တွေကြောင့် ဘီရူနီကို အိန္ဒိယဗေဒဘာသာရပ်ကို တည်ထောင်သူလုိ့ သတ်မှတ်ကြပါတယ်။

    Аль-Бируни
    တာဂျစ်ကစ္စတန်နိုင်ငံ အမျိုးသား စာကြည့်တိုက်တွင်ရုပ်တု ထုပြီး ဂုဏ်ပြုထားပုံ

    အရေးသွက်သူ ဘီရူနီ
    ————————
    ဗဟုသုတ နှံ့စပ်သူတစ်ဦးဖြစ်တဲ့ ဘီရူနီဟာ နက္ခတဗေဒ၊ သိပ္ပံ၊ သင်္ချာနဲ့ဆိုင်တဲ့ ကျမ်းပေါင်းများစွာနဲ့ စာအုပ်ပေါင်းများစွာကိုလည်း ရေးသားခဲ့ပါတယ်။ အချို့သော စာအုပ်တွေဟာ အခုအချိန်မှာ မရှိတော့တာကြောင့် ဘီရူနီရေးခဲ့တဲ့ စာအုပ်အရေအတွက်ကို အတိအကျ မပြောနိုင်ပေမယ့် အချို့သမိုင်းပညာရှင်တွေကတော့ ဘီရူနီဟာ သိပ္ပံဆိုင်ရာ ကျမ်းပေါင်း ၁၈၀ လောက်ကို ရေးသားခဲ့တယ်လို့ဆိုပြီး၊ အချို့ကတော့ ၂၀၀ လောက်ရှိတယ်လို့ ဆိုကြပါတယ်။

    အဓိကအားဖြင့် နက္ခတဗေဒအကြောင်းကို ရေးသားခဲ့တာဖြစ်ပြီး ကမ္ဘာကြီး လည်ပတ်နေမှုအကြောင်းကိုလည်း ဘီရူနီက ခန့်မှန်းရှင်းလင်းခဲ့ပါတယ်။ နေကြတ်တာနဲ့ ပတ်သက်ပြီးတော့လည်း ဘီရူနီက လေ့လာမှုတွေပြုလုပ်ခဲ့ပြီး သူရဲ့မှတ်တမ်းတွေက ရူပဘူမိဗေဒနဲ့ နက္ခတ္တဗေဒတို့မှာ ယနေ့အချိန်အထိ အသုံးဝင်နေဆဲပါ။

    800px-Lunar_eclipse_al-Biruni
    An illustration from al-Biruni’s astronomical works, explains the different phases of the moon.

    ရူပဗေဒ
    ———
    ရူပဗေဒ နယ်ပယ်မှာတော့ ဘီရူနီဟာ မက်ကဲနစ်နဲ့ ပတ်သက်တဲ့ သိပ္ပံဆိုင်ရာ စမ်းသပ်လေ့လာမှုကို မိတ်ဆက်ပေးခဲ့ပြီး၊ တည်ငြိမ်မှုနဲ့ ရွေ့လျားမှုနိယာမကိုလည်း မက်ကဲနစ်ပညာရပ်ထဲကို ထည့်သွင်းပေးခဲ့ပါတယ်။ နောက်ပြီး တည်ငြိမ်ရေအားကို ရွေ့လျားမှုနဲ့ ပေါင်းစပ်ပေးခဲ့ပြီး ရေအားနဲ့ဆိုင်တဲ့ ရွေ့လျားမှုနိယာမတစ်ခုကိုလည်းဖန်တီးပေးခဲ့ပါတယ်။

    ပထ၀ီ
    ——
    ကမ္ဘာကြီးရဲ့ အချင်းကိုတိုင်းတာဖို့ ဘီရူနီဟာ တောင်တွေရဲ့ အမြင့်ကို တိုင်းတာခြင်း၊ လူများနေထိုင်မှု၊ ဖွားနှုန်းသေနှုန်းတို့ကိုတွက်ချက်ခြင်း စတဲ့ ကိုယ်ပိုင်နည်းလမ်းတစ်ခုကို တီထွင်ခဲ့ပါတယ်။

    တွင်းထွက်သတ္ထုဗေဒ
    ———————-
    သူကိုယ်တိုင်ဖန်တီးခဲ့တဲ့ ကိရိယာနဲ့ ဘီရူနီဟာ သတ္ထုအချို့နဲ့ တွင်းထွက်ကျောက်တွေရဲ့ အလေးချိန် သိပ်သည်းဆတွေကို အံသြဖွယ်ကောင်းလောက်အောင် တိကျစွာ တိုင်းတာနိုင်ခဲ့ပါတယ်။

    ဘာသာတရားများ၏ သမိုင်း
    ——————————–
    220px-Biruni-russianဘီရူနီဟာ ဘာသာရေးသမိုင်းမှာ အရေးပါတဲ့ ပုဂ္ဂိုလ်တွေထဲက တစ်ဦးဖြစ်ပါတယ်။ ဘာသာရေးဆိုင်ရာ နှိုင်းယှဉ်လေ့လာမှုကို ဘီရူနီက စွန့်ဦးလုပ်ဆောင်ခဲ့တာပါ။ ဇိုရိုအက်စတာ၊ ဂျူး၊ ဟိန္ဒူ၊ ခရစ်ယာန်၊ ဗုဒ္ဓဘာသာ၊ အစ္စလာမ်နဲ့ အခြားသော ဘာသာတရားတွေကို ဘီရူနီက ဓမ္မဓိဌာန်ကျကျ လေ့လာခဲ့ပါတယ်။ အဲဒီဘာသာတရားတွေကို မှားနေတယ်လို့ သက်သေပြတာမျိုးမဟုတ်ဘဲ သူတို့ရဲ့ ကိုယ်ပိုင်ပုံစံကိုသာ သဘောပေါက်အောင် လေ့လာခဲ့တာပါ။

    စာအုပ်များ
    ———–
    ဘီရူနီရဲ့ ကျော်ကြားတဲ့ စာအုပ်တွေကတော့ အလ်-ကွာနန် အလ်-မတ်စ်အူဒီ (မတ်စ်အုဒ်နိယာမကျမ်း)၊ ကီသဗ် တာရစ်က် အလ်-ဟင်ဒ် (အိန္ဒိယသမိုင်းကျမ်း)၊ ကီသဗ် အလ်-ရှာမီလ် (အထွေထွေဗဟုသုတကျမ်း)၊ ကီသဗ် အလ်-သဖ်ဟင် (ပေါက်မြောက်မှုကျမ်း)၊ ကီသဗ် သဟ်ဒီဒ် နီဟာယသ် အလ်-အမာကင် (ကိုသြဒိနိတ်မျဉ်းများနှင့် မြို့များ၏ နယ်နမိတ် သတ်မှတ်ရေးကျမ်း)၊ ကီသဗ် အလ်-အသ်ဟာရ် အလ်-ဘာကွီယာ (ရှေးဟောင်းနိုင်ငံများ သမိုင်းကျမ်း) တွေဖြစ်ပါတယ်။

    ဒီစာအုပ်တွေအားလုံးမှာ ဘာသာရပ်တစ်ခုချင်းစီအတွက် စနစ်ကျပြီး ကျယ်ပြန့်တဲ့ ဆန်းစစ်လေ့လာမှုတွေကနေ ရရှိခဲ့တဲ့ ရလဒ်တွေကို ဘီရူနီက ရှင်းရှင်းလင်းလင်း ဖော်ပြခဲ့ပါတယ်။ သူရဲ့ ထက်မြက်တဲ့ဥာဏ်၊ ရင့်သန်တဲ့တွေးခေါ်မှု၊ ထူးခြားတဲ့ ဘာသာစကားဆိုင်ရာကျွမ်းကျင်မှု စတာတွေက မတူညီတဲ့ ရင်းမြစ်တွေကနေ မတူညီတဲ့ အသိပညာတွေကို ရရှိစေခဲ့ပြီး သူ့ခေတ်သူ့အခါက သိပ္ပံပညာရပ်အားလုံးနဲ့ သက်ဆိုင်တဲ့ စာအုပ်စာတမ်းတွေကို ပြုစုရေးသားနိုင်ခဲ့ပါတယ်။

    ဒါ့ကြောင့် ဘီရူနီကို ပညာရပ်တစ်ခုတည်း လေ့လာသူ၊ ပို့ချသူအဖြစ် သတ်မှတ်လို့မရပါဘူး။ တိုတောင်းလှတဲ့ သူရဲ့ဘ၀သက်တမ်းတစ်လျှောက်မှာ အသိပညာရပ်တွေအများကြီးကို ရှာဖွေဆည်းပူးနိုင်ခဲ့တာကိုက သူ့ရဲ့ ထူးခြားပြောက်မြောက်တဲ့ စွမ်းရည်တစ်ခုဖြစ်ပြီး အခုအချိန်အထိ သူ့လို ဘယ်သူမှ မအောင်မြင်သေးပါဘူး။

    နောက်ပြီး ဘီရူနီရဲ့ ထူးခြားတဲ့စွမ်းရည်တစ်ခုကတော့ ဘာသာစကားတော်တော်များများကို တစ်ဖက်ကမ်းခတ် တက်မြောက်တာပါပဲ။ ပါရှန်း၊ အာရဗီနဲ့ သက္ကတဘာသာစကားတွေကို ဘီရူနီဟာ ရေလည်အောင် ပြောနိုင်သလို၊ ကျွမ်းကျင်စွာလည်း ရေးတတ်၊ ဖတ်တတ်ပါတယ်။ သူ့ခေတ်သူ့အခါမှာတော့ ဘီရူနီဟာ ဘာသာစကားဆိုင်ရာ ဘုရင်တစ်ဆူပါပဲ။

    လက်တွေ့ကျတဲ့ မွတ်စလင်
    ——————————
    ဘီရူနီဟာ အစ္စလာမ့်ရဲ့ ယုံကြည်ချက်တွေ၊ သွန်သင်ချက်တွေကို လက်တွေ့ကျကျ လိုက်နာကျင့်သုံးသူတစ်ဦးပါ။ အဲဒီခေတ်အခါက ဖြစ်ပွားနေခဲ့တဲ့ စွန်နီ၊ ရှီယာ အားပြိုင်မှုတွေမှာလည်း ဘီရူနီဟာ မပါဝင်ခဲ့ဘဲ၊ သူရဲ့ အသိပညာရှာဖွေဖော်ထုတ်မှုကိုသာ တစ်စိုက်မတ်မတ် ဇောက်ချလုပ်ကိုင်ခဲ့သူ ဖြစ်ပါတယ်။

    အစ္စလာမ့်ရှရီအသ်ဥပဒေကို ဘီရူနီဟာ ကျနစွာ နားလည် သဘောပေါက်ပေမယ့် သီအိုရီပိုင်းဆိုင်ရာ အကျိုးမရှိတဲ့ ငြင်းခုံမှုတွေမှာလည်း ပါဝင်ခြင်းမရှိခဲ့ဘဲ ခပ်ကင်းကင်းသာ နေခဲ့ပါတယ်။ သမိုင်းပညာရှင်တွေကတော့ ဘီရူနီဟာ စွန်နီတစ်ယောက်ဖြစ်တယ်လို့ ဖော်ပြကြပါတယ်။

    ဘ၀နိဂုံး
    ———-
    အိန္ဒိယမှာ ဆယ်စုနှစ်တစ်ခုအထိ ကျင်လည်ပြီးတဲ့နောက်ပိုင်း အသက် ၅၈ နှစ်အရွယ် ၁၀၃၁ ခုနှစ်မှာတော့ ဘီရူနီဟာ ဂါဇနာကို ပြန်ခဲ့ပါတယ်။ ဆူလ်တန် မဟ်မူဒ်ရဲ့ အရိုက်အရာကို  ဆက်ခံသူ ဘုရင် ဆူလ်တန် မတ်စ်အူးဒ်က ဘီရူနီကို နွေးနွေးထွေးထွေးနဲ့ ကြိုဆိုခဲ့ပါတယ်။

    ဒီဘုရင်လက်အောက်မှာ ဘီရူနီဟာ သိပ္ပံဆိုင်ရာ စာအုပ်တွေနဲ့ ကျမ်းတော်တော် များများကို ပြုစုခဲ့ပါတယ်။ နက္ခတဗေဒဆိုင်ရာ ကျမ်းတစ်ဆူဖြစ်တဲ့ အလ်-ကွမ်နန် အလ်-မတ်စ်အူဒီကို ဆူလ်တန်မတ်စ်အူးဒ်က အကြိုက်တွေ့ခဲ့တာကြောင့် ဘီရူနီဆီကို ငွေဒင်္ဂါး ဆင်တစ်စီးတိုက် ပို့ပေးခဲ့ပေမယ့် ဘီရူနီကတော့ အသိပညာ ရှာဖွေဖော်ထုတ်မှုကို နှစ်သက်မှုတစ်ခုအတွက် လုပ်ခဲ့တာဖြစ်ပြီး ပစ္စည်းဥစ္စာအကျိုးအမြတ်အတွက် မဟုတ်ဘူးလို့ ယဉ်ယဉ်ကျေးကျေးနဲ့ပဲ ငြင်းဆန်ခဲ့ပါတယ်။

    ဂါဇနာမှာ နှစ် ၂၀ လောက်နေထိုင်ခဲ့ပြီးတဲ့နောက် အသက် ၇၈ နှစ်အရွယ်မှာ စွယ်စုံရ သိပ္ပံပညာရှင်ကြီး ဘီရူနီဟာ ကွယ်လွန်အနိစ္စရောက်ခဲ့ပါတယ်။

    အလ်ဘီရူနီဟာ အလယ်ခေတ် အစ္စလာမ့်သမိုင်းမှာ အကျော်ကြားဆုံး ပညာရှင်တွေထဲက တစ်ဦးအဖြစ် သတ်မှတ်ခြင်းခံခဲ့ရပြီး ရူပဗေဒ၊ သင်္ချာ၊ နက္ခတဗေဒနဲ့ သမိုင်းပညာရပ်တို့ကို တစ်ဖက်ကမ်းခတ် ကျွမ်းကျင်တတ်မြောက်သူလည်းဖြစ်ပါတယ်။ ပြီးတော့ ဘီရူနီဟာ ဘာသာ စကားဆိုင်ရာမှာလည်း ပါရမီရှိသူတစ်ဦးပါတယ်။ ခ၀ါရက်ဇ်မီယမ် ဘာသာစကား၊ ပါရှန်း၊ အာရဗီ၊ သက္ကတ ဘာသာစကားတို့ကို ကျွမ်းကျင်ပိုင်နိုင်စွာ ရေးသားပြောဆိုနိုင်ပြီး ဟီဘရူး၊ ဂရိနဲ့ ဆီရီအက် ဘာသာစကားကိုလည်း တတ်ကျွမ်းပါသေးတယ်။

    အလ်ကင်ဒီ၊ အလ်-ရာဇီ၊ အလ်-ဖာရာဘီ၊ အစ်ဗနေ့ဆီနာ၊ အလ်-ဂါဇာလီနဲ့ မတူတဲ့ အချက်ကတော့ ဘီရူနီရဲ့ သိပ္ပံဆိုင်ရာ လေ့လာတွေ့ရှိချက်တွေကို မကြာခင်အချိန်ကအထိ ဥရောပဘာသာသို့ ပြန်ဆိုနိုင်ခဲ့ခြင်း မရှိခဲ့တာပါပဲ။ ဒါ့ကြောင့် သူရဲ့ အတွေးအခေါ် ယူဆချက်တွေဟာ အလယ်ဥရောပကို လွှမ်းမိုးခဲ့ခြင်း မရှိပေမယ့် အရှေ့ပိုင်းတစ်ခွင်မှာတော့ ဘီရူနီဟာ လွှမ်းမိုးမှုရှိတဲ့ မွတ်စလင် စွယ်စုံရ ပညာရှင်ကြီးတွေထဲက တစ်ဦးပဲ ဖြစ်ပါတော့တယ်။

    ကိုးကား – Wiki၊ The Muslim 100 by Muhammad Mojlum Khan

  • သင်္ချာနှင့် နက္ခတ္တဗေဒ ပညာရှင်ကြီး အူမာရ် အလ်-ခေယမ်(Umar Al-Khayyam)

    သင်္ချာနှင့် နက္ခတ္တဗေဒ ပညာရှင်ကြီး အူမာရ် အလ်-ခေယမ်(Umar Al-Khayyam)

    ဇန်နဝါရီ ၁၁၊ ၂၀၁၄
    M-Media
    စုစည်းတင်ဆက်သူ- ကိုလေး

    Umar_al-Khayyam_1

    အူမာရ် အလ်-ခေယမ်(Umar Al-Khayyam) ဟာ အစ္စလာမ် သိပ္ပံပညာ သမိုင်း၏ အကြီးကျယ်ဆုံးသော သင်္ချာနှင့် နက္ခတ္တဗေဒ ပညာရှင်များထဲမှ တစ်ဦးဖြစ်ပါတယ်။ ထို့ပြင် ကဗျာအရေးကောင်းသူတစ်ဦဖြစ်ပြီး ကျော်ကြားတဲ့ အတွေးအခေါ်နဲ့ ပက်သက်တဲ့ ကဗျာတစ်ပုဒ်ဖြစ်တဲ့ လေးကြောင်းတစ်ပိုဒ် ရူဘိုင်ယတ် (Rubaiyat) ကဗျာကို ရေးသားခဲ့သူလည်းဖြစ်ပါတယ်။ ခေယမ်ဟာ သင်္ချာ နယ်ပယ်ကိုလည်း အကျိုးပြုခဲ့သူဖြစ်ပြီး သူရေးသားခဲ့ အလ်ဂျီဘရာကျမ်းတွေနဲ့ ဖြေရှင်းချက်တွေမှာ ကုဗတုံးနဲ့ ပက်သက်တဲ့ ရှင်းလင်းတဲ့ ညီမျှခြင်းတွေ၊ သက်သေပြချက်တွေလည်း ပါဝင်ပါတယ်။ ခေယမ်ဟာ အတွေးအခေါ်ပညာရှင်၊ သင်္ချာပညာရှင်နှင့် ကဗျာဆရာတစ်ဦးဖြစ်ပြီး မက္ကင်းနစ်၊ ပထ၀ီ၊ တွင်းထွက်ဓာတ်သတ္တု၊ ဂီတနှင့် အစ္စလာမ့် အတွေးအခေါ်ပိုင်းဆိုင်ရာ ကျမ်းပေါင်းများစွာကိုလည်း ပြုစုခဲ့သူဖြစ်ပါသေးတယ်။

    ပါရှန်းလူမျိုးတစ်ဦးဖြစ်တဲ့ အလ် ခေယမ်ကို ၁၀၄၈ခုနှစ် မေလမှာ နီရှာဘူရ်းမြို့(ယခု အီရန်နိုင်ငံ အရှေ့မြောက်ပိုင်း) ရှိ လက်မှုပညာသည် မိသားစုမှ မွေးဖွားခဲ့တာပါ။ ‘အလ်ခေယမ်’ ဆိုသည်မှာ ‘တဲဆောက်သူ’ လို့ အမည်ရပါတယ်။ ခေယမ်ဟာ မူလတန်းပညာကို နီရှာဘူးရ်နှင့် ဘော့ခ်မြို့တို့တွင် သင်ယူခဲ့ပြီး အစ္စဖာဟန် (ယခုအီရန်တောင်ပိုင်း) နှင် စမာကန် (ယခုဥဇဘက်ကစ္စတန် အရှေ့ပိုင်း) တို့တွင် အလုပ် လုပ်ခဲ့ပါတယ်။ စမာကန်တွင် ရှိစဉ်အခါက ထိုဒေသ၏ အမြင့်ဆုံး အစိုးရအရာရှိဖြစ်သူ အဘူတာဟီရ် (Abū Tāhir) က ခေယမ်အား ၎င်းလက်အောက်တွင်ခေါ်ကာ အမှုထမ်းခိုင်းခဲ့ပါတယ်။

    ခေယမ်ကို ဂုဏ်ပြုသောအားဖြင့် ၁၈၉၂ ခုနှစ်မှာတော့ ခေယမ်၏ နာမည်ဖြင့် စင်တာတစ်ခုကို လန်ဒန်တွင် တည်ထောင်ခဲ့ပြီး၊ လပေါ်မှ ချိုင့်ခွက် တစ်ခုကိုလည်း ၁၉၇၀ တွင် ခေယမ်ဟု အမည်ပေးခဲ့ပါတယ်။ ထို့ပြင် ၁၉၈၀ ခုနှစ်က သင်္ချာနယ်ပယ်တွင် တီထွင်နိုင်ခဲ့သည့် cone တစ်ခုကိုလည်း ခေယမ်၏ နာမည်မှည့်ပေးခဲ့ပြီး၊ ၁၉၃၄ ခုနှစ်တွင် နီရှာဘူးရ်ရှိ ၎င်း၏ ဂူဗိမာန်တွင် ၎င်းရဲ့ ပုံတူရုပ်ထုတစ်ခုကိုလည်း ပြုလုပ်ပေးခဲ့ပါတယ်။

    ခေယမ်၏ ကဗျာစာပေဆိုင်ရာ ထူးချွန်မှုမှာ အရှေ့တိုင်းတွင် ပြောစမှတ်ပြုကြသော်လည်း၊ ဥရောပတိုင်းပြည်များမှာ သူရဲ့ကျော်ကြားမှုဟာ သိပ်မကြာသေးခင်က စခဲ့တာပါ။ အနောက်နိုင်ငံများမှာတော့ ခေယမ်ကို အရှေ့တိုင်း ကဗျာဆရာနှင့် ပညာရှင်အဖြစ်လူသိများပါတယ်။ ၁၈၉၅ ခုနှစ်မှာ အင်္ဂလိပ် ကဗျာဆရာတစ်ယောက်ဖြစ်တဲ့ အက်ဒ၀ပ် ဖစ်ဇ်ဂျရဲလ်(Edward Fitzgerald) က ခေယမ်၏ လေကြောင်း တစ်ပိုဒ်ကဗျာရှည်မှ ၇၅ ပိုဒ်ကို ဘာသာပြန်ဖော်ပြခဲ့ပြီး ယခုတိုင် လူကြိုက်များ လျက်ရှိပါတယ်။

    442px-Khayyam-paper-1stpage
    Cubic equation and intersection of conic sections” the first page of two-chaptered manuscript kept in Tehran University

    ၁၈၉၅ ခုနှစ်မတိုင်ခင် နှစ်အနည်းငယ်ကလည်း ခေယမ်၏ အလ်ဂျီဘရာတွေ့ရှိချက်များကို ဂျာမန်လူမျိုး သင်္ချာပညာရှင် ဖရန့်ဖ် ၀ပ်ကီ(Woepcke) က ပြန်လည်ဖော်ထုတ်ကာ အနောက်တိုင်း ပညာရှင်များထံသို့ ပို့ဆောင်ပေးခဲ့ပါတယ်။ ထို့ပြင် ခေယမ်၏ အခြား ကဗျာ မြောက်များစွာကိုလည်း ဥရောပရှိ ဘာသာစကားမျိုးစုံဖြင့် ပြန်ဆိုကာ ပုံနှိပ်ထုတ်ဝေခဲ့ကြပါသေးတယ်။

    ခေယမ်၏ ကျော်ကြားသော ကဗျာကတော့ အတွေးအခေါ်ပိုင်းဆိုင်ရာနဲ့ ရသပိုင်းကို ပေါင်းစပ်ရေးဖွဲ့ထားတဲ့ ရူဘိုင်ယတ် ကဗျာဖြစ်ပြီး၊ ထိုကဗျာထဲတွင် လွတ်လပ်တဲ့ အတွေးအခေါ်များ၊ လူသားဝါဒ၊ ပြင်းပြသော တရားမျှတမှု၊ ကံကြမ္မာ၏  လှည့်ကွက်နှင့် အယုံအကြည်ကင်းဝါဒတို့ကိုလည်း ထည့်သွင်းရေးထားပါတယ်။

    ခေယမ်၏ အားထုတ်မှုမှာာ အရှေ့တိုင်းနှင့် အနောက်တိုင်းရှိ ပညာရှင်များအပေါ် ကြီးမားသော လွှမ်းမိုးမှုများလည်း ရှိခဲ့ပါတယ်။ ဒါ့အပြင် သင်္ချာ ပညာရပ်တွင် ခေယမ်၏ အားထုတ်မှုများမှာ အစ္စလာမ် သင်္ချာလောက ရှာရက်ဖ် အလ်-ဒင် အလ်-တူစီ (Sharaf al-Din al-Tusi) မပေါ်ခင် ၁၂၁၃ ခုနှစ်အထိနှင့် အနောက်တိုင်း သင်္ချာလောကတွင် ဒက်စ်ကာတီ (Descarte) မပေါ်ခင် ၁၆၅၀ ခုနှစ်အထိ ကျော်ဖြတ်နိုင်သူမရှိခဲ့ပါဘူး။

    ခေယမ်မှာ ဆေးဆရာတစ်ဦးလည်းဖြစ်ပြီး ဘုရင်မာလစ်ရှား၏ သားများဖြစ်သည့် ဘာ့က်ယာရူက်၊(Berkyaruk) မိုဟာမက် (Muhammad)နှင့် ဆန်ဂျာ(Sanjar) တို့ကို ဆေးကုသပေးခဲ့ပါတယ်။ စွယ်စုံရ သိပ္ပံပညာရှင် အစ်ဗနေ့ ဆီနာ၏ အတွေးများကို ဆက်ခံသူဖြစ်ပြီး ရူပဗေဒနှင့် ဆေးပညာတို့ကို လေ့လာခဲ့ကာ ဂီတဘက်တွင်လည်း ခေယမ်ဟာ အကျိုးပြုခဲ့ပါသေးတယ်။

    ၁၀၇၀ ခုနှစ်လောက်မှာ ခေယမ်ဟာ စမာကန်ကို ရောက်လာပါတယ်။ အဲဒီဒေသရဲ့ အုပ်ချုပ်သူဖြစ်တဲ့ တရားသူကြီးအဘူတာဟီရ် (Abū Tāhir) ၏ ထောက်ပံ့မှုကိုရခဲ့သည့် ခေယမ်မှာ နှစ်များစွာအရင်ကတည်းက စီစဉ်ထားသည့် ကုဗတုံး ညီမျှခြင်းနှင့် ပက်သက်သည့် ဂဏန်းသင်္ချာဆိုင်ရာ ကျမ်းတစ်စောင် ရီစာလာ (Risala) ကို ပြုစုခဲ့ပါတယ်။ ထိုကျမ်း၏ နောက်ဆက်တွဲကိုလည်း ခေယမ်ဟာ ဘူခါရာမြို့၏ ဘုရင် ရှမ်အလ်မူလူက်(Shams al-Muluk) ရဲ့ နန်းတော်မှာ ဆက်လက်ပြုစုခဲ့ပါတယ်။

    ၁၀၇၄-၇၅ ခုနှစ်များမှာတော့ ဆဲလ်ဂျုက် ဆူလ်တန် ဂျလာလ် အလ် ဒေါင်လာ မာလစ်က်ရှား (Jalāl al-Dawla Malik-shāh) ရဲ့ ဖိတ်ကြားမှုကြောင့် အစ္စဖာဟန်၏ မြို့တော်သို့ ရောက်ရှိလာခဲ့ပြီး နက္ခတဗေဒဆိုင်ရာ စူးစမ်းလေ့လာမှုကို ဦးဆောင် စီမံခန့်ခွဲရပါတယ်။ ပါရှန်းတွေရဲ့ နေပြက္ခဒိန် ကို ပြင်ဆင်ခဲ့ရပြီး ၁၀၇၉ ခု မတ်လ ၁၆ ရက် (ဟစ်ဂျရီ သက္ကရာဇ် ၄၇၁ ခု ရမ်ဇာန် ၁၀ ရက်) နေ့မှာ အပြီးသတ်ခဲ့ ပါတယ်။ ခေယမ်ပြင်ဆင်ခဲ့တဲ့ ပြက္ခဒိန် သစ်ဟာ နှစ်ပါင်း ၃၃ နှစ်အတွင်း ရက်ထပ်နှစ် ၈ နှစ် ပါဝင်ပြီး ယခု သုံးနေတဲ့ ဂရီဂိုရီယန် ပြက္ခဒိန်ထက်လည်း ပိုမိုတိကျပါတယ်။ ဂရီဂိုရီယန် ပြက္ခဒိန်ဟာ နှစ် ပေါင်း ၃၃၃၀ ရောက်တဲ့အခါ ၁ ရက်ပိုပေမယ့်၊ ခေယမ်ပြင်ဆင်ခဲ့တဲ့ ပါရှန်းတို့ရဲ့ နေပြက္ခဒိန် ကတော့ နှစ်ပေါင်း ၅၀၀၀ ကျော်မှ တစ်ရက်သာ ပိုတာပါ။

    ခေယမ်ဟာ အစ္စဖာဟန်မြို့မှာ ၁၈ နှစ်ကြာနေထိုင်ခဲ့ပြီး ထိုနှစ်များကတော့ ၎င်းရဲ့ သိပ္ပံဆိုင်ရာ အသီးအပွင့်တွေ ဝေဆာခဲ့တဲ့နှစ်တွေပါပဲ။  အစ္စဖာဟန်မြို့မှာရှိတဲ့ သိပ္ပံဆိုင်ရာ သုသေသနစင်တာကို ထိုခေတ်အခါက အတော်ဆုံး နက္ခတဗေဒ ပညာရှင်တွေ စုရုံးရောက်ရှိခဲ့ပြီး ခေယမ်က ၎င်းတို့အားလုံးကို စီမံခန့်ခွဲပေးရကာ၊ ၎င်းတို့အားလုံးရဲ့ ကြိုးပမ်းအားထုတ်မှုနဲ့ ‘မာလစ်ရှား နက္ခတဗေဒ ဇယား’ ကို တီထွင်နိုင်ခဲ့ပါတယ်။

    မာလစ်က်ရှား ကွယ်လွန်ခဲ့ပြီး သူ့ရဲ့အရာရှိ နစ်ဇမ် အလ်-မွလ်က် အသတ်ခံခဲ့ရတဲ့ ၁၀၉၂ ခုနှစ်နောက်ပိုင်းမှာတော့ ခေယမ်ရဲ့ အခြေအနေဟာ အဆိုးဘက်ရောက်ခဲ့ပြီး မာလစ်က်ရှား လက်ထက်က ရရှိခဲ့တဲ့ သုသေသနဆိုင်ရာ ထောက်ပံ့မှုတွေ အားလုံး ဆုံးရှုံးခဲ့ရပါတယ်။ မာလစ်က်ရှားရဲ့သား ဆန်ဂျာနန်းတက်တဲ့ ၁၁၁၈ ခုနှစ်မှာတော့ ခေယမ်ဟာ အစ္စဖာဟန်မြို့ကို စွန့်ခွာခဲ့ပြီး ခူရာဆန်မြို့ကို ပြန်လာခဲ့ကာ ကျန်ရှိတဲ့ ဘ၀သက်တမ်းကို မော်ရ်နဲ့ နီရှာပူးရ်မြို့မှာ ကုန်ဆုံးခဲ့ပြီး ၁၁၃၁ ခုနှစ်မှာ ကွယ်လွန်ခဲ့ပါတယ်။ ခေယာမ်ရဲ့ ရုပ်အလောင်းကို နီရှာပူးရ်မြို့မှာရှိတဲ့ သိပ္ပံနယ်ပယ်မှာ ခေယမ်ရဲ့ အထောက်အကူပြုမှုတွေကတော့ သင်္ချာ၊ နက္ခတဗေဒတို့နဲ့ ဆက်စပ်နေပြီး အက်ဘ်ဒဲလ်-ရဟ်မာန် အလ်-ခါဇီနီ (Abd al-Rahmān al- Khāzinī) ရေးတဲ့ ကီသာဗ့် မီဇာန် အလ်-ဟစ်ကမာ (Kitāb Mīzān alhikma) စာအုပ်ရဲ့ သက္ကရာဇ် ၅၁၅ မှ ၁၁၂၁ အထိကာလအတွင်း မှတ်တမ်းများမှာ ခေယမ်ရဲ့ ကြိုးပမ်းမှုတွေကို မကြာခဏ ဖော်ပြညွှန်းဆိုထားပါတယ်။

    အလ်ခေယမ်ရဲ့ ကြိုးပမ်းချက်များကတော့ အောက်ပါအတိုင်းဖြစ်ပါတယ်။

    ၁။ ရူဘိုင်ယတ် (Rubaiyat)။ ။ လေးကြောင်းတစ်ပိုဒ်ကဗျာဖြစ်ပြီး ရသနဲ့၊ အတွေးအခေါ်ပိုင်းဆိုင်ရာကို ပေါင်းစပ်ရေးဖွဲ့ထားတဲ့ ကဗျာဖြစ်ကာ ခေယမ်ရဲ့ လက်ရာတွေထဲက အလွန်ကျော်ကြားတဲ့ လက်ရာတစ်ခုပဲဖြစ်ပါတယ်။ ၁၈၅၉ ခုနှစ်က အင်္ဂလိပ်ကဗျာဆရာ အက်ဒ၀ပ် ဖစ်ဇ်ဂျရဲလ်က အင်္ဂလိပ်ဘာသာသို့ ပြန်ဆိုခဲ့ပြီး၊ ဂန္တ၀င်စာပေတွေထဲမှာ လူကြိုက်အများဆုံး ဖြစ်ခဲ့ပါတယ်။

    ၂။ ရီစာလာ ဖီ တက်ဆင်မ် ရုဘ် အလ်-ဒါအီရာ (Risala fi taksim rub al-daira)။ ။ စက်ဝိုင်းစိတ်တစ်ခုအား ပိုင်းခြားခြင်းကျမ်း လို့ အမည်ရပြီး မျဉ်းဖြောင့်၊ စက်ဝိုင်းစိတ်၊ ကုဗတုံး ညီမျှခြင်းတွေကို အပြည့်စုံဆုံး အရှင်းအလင်းဆုံး ဖော်ပြထားတဲ့ ကျမ်းဖြစ်ပါတယ်။ ညီမျှခြင်းများကို ကိန်းဂဏန်းတွေနဲ့ ဖြေရှင်းပြထားတဲ့ ဒီကျမ်းကို ကမ္ဘာ့ဘာသာ စကားပေါင်း များစွာကို ပြန်ဆိုထားပြီး ဖြစ်ပါတယ်။ ထို့ပြင် သင်္ချာ၊ ပထ၀ီဝင်နဲ့ ပက်သက်တဲ့ အခြားကျမ်း သုံးကျမ်းကိုလည်း ပြုစုခဲ့ပါတယ်။ ရီစာလာ ဖီလ် ဘာရာဟင် အာလာ မာစာအီလ် အလ်-ဂျဘာရ် ၀ါလ်မူကာဘာလာ (Risala fil-barahin ala masail al-jabar wal-muqabala) ဆိုတဲ့ အလ်ဂျီဘရာကျမ်းကတော့ ခေတ်သစ် အလ်ဂျီဘရာ ပညာရပ်တွေ မပေါ်လာမီက သင်္ချာပညာနယ်ပယ်မှာ အရေးပါဆုံးဖြစ်ခဲ့ပါတယ်။

    ၃။ နောင်ရူဇ် နာမ (Nawruz-nama)။ ။ ပါရှန်းလူမျိုးများရဲ့ နှစ်သစ်ကျမ်းဖြစ်ပြီး အီရန်တို့ရဲ့ ပြက္ခဒိန်ကို ပြင်ဆင်ဖွဲ့စည်းထားတဲ့ ကျမ်းဖြစ်ကာ အစ္စဖာဟန်မြို့မှာရှိတဲ့ ခေယမ်ရဲ့ နက္ခတဗေဒ သုသေသနစင်တာ ဖြိုဖျက်ခံခဲ့ရပြီးတဲ့နောက် ရေးသားခဲ့တာပါ။

    ဒါ့အပြင် မက်ကန်းနစ်၊ ပထ၀ီနဲ့ အတွေးအခေါ်ပိုင်းဆိုင်ရာ ကျမ်းပေါင်း ၉ ကျမ်းကို ရေးသားပြုစုခဲ့ပါသေးတယ်။ ထူးခြားတာကတော့ အလ်ခေယမ်ဟာ ဂီတနဲ့ ပက်သက်တဲ့ စာအုပ်နှစ်အုပ်ကိုလည်း ပြုစုခဲ့တာပါပဲ……

    —————————————-
    ** M-Media ၏ မူပိုင် သတင်း/ဆောင်းပါးများ၊ ဘာသာပြန် များကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။

    M-Media ၏ ခွင့်ပြုချက်မရှိဘဲ စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြခြင်းများ လုံးဝ ခွင့်မပြုပါ။
    ဆက်သွယ်ရန် [email protected]

  • ကမ္ဘာ့ပထမဆုံး သိပ္ပံပညာရှင် – အိဗ်နု အလ် ဟိုင်သမ် (Alhazen)

    မတ်လ ၊ ၁၉ ၊ ၂၀၁၃
    M-Media
    စုစည်းတင်ပြသူ – ဂျူလိုင်ရဲရင့်

    ကမ္ဘာကျော် မွတ်စလင်များ ကဏ္ဍ

    ibn_al-haythamအတိတ်ခေတ်က မွတ်စ်လင်မ်သိပ္ပံပညာရှင်တွေအကြောင်းကို လေ့လာကြည့်လိုက်ပါ။ သူတို့ရဲ့ ထက်မြက်မှု၊ ကျွမ်းကျင်လိမ္မာစွာ အကောင်အထည်ဖော်မှု၊ ပညာမျှဝေပေးမှုတွေက ကမ္ဘာကြီးကို ခေတ်မှီသွားစေတာကို တအံ့တသြကြီး တွေ့ကြရပါလိမ့်မယ်။ သူတို့ တစ်ဦးချင်းစီဟာ ဒီနေ့ခေတ်ကာလ နဲ့ သူတို့ခေတ်ကာလကို ကမ္ဘာ့အပြောင်းအလဲဖြစ်သွားစေတဲ့ အမွေတစ်ရပ်စီ ထားရစ်ပေးခဲ့ကြတယ်။ ဒီလို သမိုင်းမှတ်တိုင်ထူခဲ့ကြတဲ့သူတွေထဲက သိပ္ပံပညာရှင်တစ်ဦးရှိတယ်။ သူကတော့ စူးစမ်းတီထွင်ပညာရှင်ကြီး အိဗ်နု အလ် ဟိုင်သမ် ( ၉၆၅ – ၁၀၄၀) ပါဘဲ။

    အဘ္ဘာစစ် ခလီဖာမင်းဆက်ကာလ၊ အီရတ်နိုင်ငံက ဘဆ်ွရာမြို့မှာ သူ့ကို မွေးဖွားခဲ့တယ်။ ဘဂ္ဂဒက်မြို့မှာ ပညာ့ဗိမာန် တည်ထောင်ပြီး နှစ်ပေါင်း ၁၀၀ နီးပါးမှာပေါ့။ သူ့ဘ၀အစောပိုင်းမှာ အဲ့ဒီအချိန်က မွတ်စ်လင်မ် ကမ္ဘာမှာရှိနေတဲ့ လေ့လာရေး၊ တိုးတက်ရေး ယဉ်ကျေးမှုတွေကို တော်တော် အထင်ကြီးခဲ့တယ်။ အစ္စလာမ့်ရေးရာပညာရပ်တွေသင်ကြားပြီး သိပ်မကြာခင် ဘဆ်ွရာရဲ့ မြို့တော်ဝန် ဖြစ်လာခဲ့တယ်။ မြို့တော်ဝန်ဘ၀မှာလဲ သူဟာ သိပ္ပံနဲ့အခြား လက်တွေ့ကျတဲ့ဒဿနိကဗေဒ ဘာသာရပ်တွေကို လေ့လာ မပျက်ခဲ့ပါဘူး။ ဒါပေမယ့် သူဟာ မွတ်စ်လင်မ်ဒေသ တစ်နေရာရောက်သွားပြီး ပြင်ပလောကနဲ့ခေတ္တ အဆက်ပြတ်သွားရာကနေ ကြီးကျယ်မှုတွေ ပွင့်ထွက်လာပါတော့တယ်။

    အီဂျစ်ပြည်ရောက် အိဗ်နု အလ် ဟိုင်သမ်

    သူ ဘဆ်ွရာမြို့တော်ဝန်ဖြစ်နေချိန် အီဂျစ်ပြည်မှာ ဖာသွိမိုဒ် ခလီဖာ က အလ် ဟကီးမ် ဖြစ်တယ်။ သူဟာ အီရတ်က စွန္နီမွတ်စ်လင်မ် အဘ္ဘာစစ်မင်းတွေရဲ့ ပြိုင်ဖက် အစ္စမာအီလီ ရှီအဟ် ခလီဖာခေါင်းဆောင် ဖြစ်တယ်။ အလ် ဟကီးမ်က အိဗ်နု အလ် ဟိုင်သမ်ဟာ နိုင်းလ်မြစ်ကို ပိတ်ဆို့နိုင်တဲ့ အကြံကောင်း ရှိနေတယ်လို့ ကြားရတယ်။ သူဟာ ရှေ့နောက်မညီ အငြင်းသန်လွန်းသူတစ်ဦး၊ ရှီအဟ်ဝါဒအစဉ်အလာကနေခွဲထွက်လာတဲ့ အစ္စမာအီလီဂိုဏ်းခေါင်းဆောင်တစ်ဦး ဖြစ်ပေမယ့် မိမိနယ်မြေအတွက် အကျိုးပြုသူမှန်သမျှကို လက်ကမ်းကြိုဆိုတတ်သူဖြစ်တယ်။ နိုင်းလ်မြစ်ကို ပိတ်မယ့်အတွေးအမြင်နဲ့ပတ်သက်ပြီး ချဉ်းကပ်ဖို့ အလ် ဟကီးမ်က အိဗ်နု အလ်ဟိုင်သမ်ကို အီဂျစ်လာဖို့ ဖိတ်ခေါ်ခဲ့တယ်။ အလ်ဟိုင်သမ်ဟာ နိုင်းလ်မြစ် တစ်လျှောက် လေ့လာပြီးတဲ့အခါ အဲ့ဒီခေတ်ကာလက နည်းပညာနဲ့ အထမြောက်အောင်ဆောင်ရွက်လို့မဖြစ်နိုင်ကြောင်း ရိပ်စားမိသွားတယ်။ ဒါက ပြဿနာ တက်ရပါပြီ။ အလ် ဟကီးမ်ဟာ အဆင်ခြင်မဲ့ ရက်စက်တတ်သူ ၊ စိတ်မမှန်ဘဲ ရူးသွပ်စွာပြုမူဆက်ဆံတတ်သူလို့ ကျော်ကြားတယ်။ ဒီတော့ သူ့အန္တရာယ်ကလွတ်အောင်
    အလ်ဟိုင်သမ်ဟာ အဲ့ဒီပုဂ္ဂိုလ်ထက် ပိုပြီး ရူးနှမ်းသူအဖြစ် ဟန်ဆောင်ပစ်လိုက်တယ်။ အဲ့ဒီလို ရဲရဲတောက် ရူးချင်ယောင်ဆောင်လိုက်တဲ့အခါ အသက်ဘေးက သီသီလေး လွတ်သွားရပေမယ့် ကိုင်ရိုမြို့မှာ အကျယ်ချုပ်အကျဉ်းစံဘ၀ ရောက်သွားခဲ့တယ်။ အဲ့ဒါ အလ်ဟိုင်သမ်ရဲ့ နောက်ဆုံး ဘ၀သက်တမ်း ၁၀ နှစ်ပါဘဲ။

    ထက်မြက်လှတဲ့ သိပ္ပံပညာရှင်ကြီးဟာ အဲ့ဒီ ၁၀ နှစ်တာကာလကို ဒုက္ခလို့ မမြင်ခဲ့ဘူး။ သူလုပ်ချင်နေတဲ့ သူ့ရဲ့သုတေသနအလုပ်တွေကို ငြိမ်းချမ်းစွာ တိတ်တဆိတ်လုပ်ခွင့် ရသွားလို့လေ။ အဲ့ဒီအတော အတွင်း အလင်းနဲ့ပတ်သက်ပြီး စူးစူးစိုက်စိုက် လေ့လာပါတော့တယ်။ အလင်း /အလင်းရောင်ဆိုတာ ဘာလဲ၊ ဘယ်လို လုပ်ဆောင်ချက်တွေရှိလဲ၊ အရာဝတ္ထုတွေကို လူသားတွေက ဘယ်ပုံဘယ်နည်းနဲ့မြင်တွေ့ရတာလဲ ဆိုပြီး သူ သိချင်ခဲ့တယ်။ သူ့ရဲ့လေ့လာမှုနဲ့ရှာဖွေတွေ့ရှိမှုတွေဟာ အပြောင်းအလဲတစ်ရပ်သာဖြစ်ပေမယ့် သူ သုတေသနပြုလိုက်တဲ့လမ်းကြောင်းဟာ အကြီးမားဆုံး အထောက်အကူပြုပညာရပ်ကြီးတစ်ရပ် ဖြစ်သွားခဲ့ပါတယ်။

    သိပ္ပံနည်းကျ ပညာရပ်

    ဘယ်အရာမဆို သက်သေပြချက်ရှိရမယ်ဆိုတဲ့အချက် ကနေ့သိပ္ပံပညာသင်ကြားသူတိုင်း နားလည်ထားပြီးသားပါ။ လက်တွေ့စမ်းသပ်ချက် မပါဘဲ ယူဆချက်သက်သက်ကိုသာ အခြေခံပြီး သိပ္ပံဆိုင်ရာ သီအိုရီများကို ဖော်ထုတ်တင်ပြလို့ မရနိုင်ပါဘူး။ အိဗ်နု အလ်ဟိုင်သမ်ရဲ့ အလျင်က ဒီအချက်ဟာ အရေးပါအရာရောက်မှု မရှိခဲ့ပါဘူး။ ရှေးခေတ် ဂရိတွေရဲ့ သိပ္ပံအတွေးအခေါ်တွေက အားကောင်းနေခဲ့တယ်။ ဂရိတွေဟာ သိပ္ပံ အချက်အလက်ကို ဆင်ခြင်တုံတရားအားဖြင့် ရှာဖွေနိုင်တယ် သို့တည်းမဟုတ် နတ်ဘုရားတွေရဲ့ ဆောင်ရွက်ပေးမှုလို့ယုံကြည်ခဲ့ကြတယ်။ ဒါကို အိဗ်နု အလ်ဟိုင်သမ် ကောင်းကောင်းနားလည်ထားပါတယ်။ ဒီကြားထဲကနေ အချက်အလက် အသစ်တစ်ရပ်အတွက် သက်သေပြချက်ပေးနိုင်ရမယ် ဆိုတဲ့ သိပ္ပံနည်းကျပညာရပ်အဆိုကို ချပြခဲ့တာကတော့ ရာဇ၀င်မှာ အိဗ်နု အလ်ဟိုင်သမ်က ပထမဆုံးသောသိပ္ပံပညာရှင် ဖြစ်ခဲ့တယ်။

    ဒီလို သိပ္ပံနည်းကျပညာရပ်သမိုင်းနဲ့ပတ်သက်လာယင် ကနေ့ခေတ် အနောက်တိုင်းသင်ရိုးစာအုပ်တွေထဲမှာ မဆိုစလောက်လေးသာဖော်ပြ တတ်ကြတယ်။ ရှေးဂရိ အတွေးအခေါ်တွေကိုသာ ပုံကြီးချဲ့ထားကြတယ်။ ခေတ်သစ်သိပ္ပံဟာ ရော်ဂျာဘေကဲန်၊ ဂလီလီယို ဂါလီလေး နဲ့ အိုင်းဇက် နျူတန် တို့ကြောင့် ဖြစ်လာသယောင်ယောင်နဲ့ပေါ့။ သူတို့မေ့လျော့နေတဲ့ အမှန်တရားတစ်ခုရှိတယ်။

    အဲ့ဒါကတော့ အဲ့ဒီ ဥရောပသားပညာရှင်တွေဟာ အိဗ်နု အလ်ဟိုင်သမ် (နဲ့အခြား မွတ်စ်လင်မ်သိပ္ပံပညာရှင်တွေ)ရဲ့ ပုခုံးပေါ်တက်ရပ်ခြင်းဆိုတဲ့ အကြောင်းပါ။ (တစ်နည်းဆိုရယင် စိန်နားကပ်ရောင်နဲ့ ပါးပြောင်ကြတာပါ)။ တကယ်လို့သာ သက်သေပြနိုင်မှသိပ္ပံသီအိုရီများ ဖြစ်တယ် ဆိုတဲ့ သူ့အိုင်ဒီယာ မရှိလာခဲ့ယင် – အခြေခံသိပ္ပံဆိုတာက ရမ်းတုပ်မှန်းဆမှုတွေ၊ အယူသည်းမှုတွေ၊ သက်သေပြမရတဲ့ဒဏ္ဍာရီတွေဖြစ်နေတဲ့ ခေတ်ဆွေးကြီးထဲ ကျွန်တော်တို့အားလုံး နေထိုင်နေကြရဦးမှာ မလွဲပါဘူး။

    စက္ခုဗေဒကျမ်း

    အိဗ်နု အလ်ဟိုင်သမ်ဟာ သူရဲ့သိပ္ပံဆိုင်ရာတော်လှန်ရေးအမြင်ကို အသုံးပြုပြီး စက္ခုဗေဒပညာရပ်နယ်ပယ်ထဲ တိုးတက်မှုနဲ့ အနားသတ်ပေးနိုင်ခဲ့တယ်။ အလင်းဟာ မျက်စေ့ထဲ ကထွက်ပြီး အရာဝတ္ထုတွေအပေါ်ခုန်ပေါက်ရောက်ရှိသွားတယ်၊ တစ်ခါ မျက်စေ့ထဲ ပြန်ဝင်လာတယ် ဆိုတဲ့ ရှေးဟောင်းဂရိအတွေးအခေါ်ကြီး မှားယွင်းနေကြောင်း သူက ပထမဆုံး သက်သေပြခဲ့သူပါ။ ဒါ့အပြင် မျက်စေ့ရဲ့လုပ်ငန်းစဉ်ကိုလည်း နှိုက်နှိုက်ချွတ်ချွတ် လေ့လာဖော်ထုတ်ခဲ့တယ်။ တစ်ချိန်က ပညာရှင်တို့ရဲ့ဗဟုသုတနဲ့ခွဲခြမ်းစိပ်ဖြာမှုအတတ်ကို အသုံးပြုပြီး မျက်လုံးထဲ အလင်းရောင်ဝင်ရောက်ပုံ၊ အလင်းစုစည်းပုံ၊ မျက်လုံးနောက်ဖက်မှာ ပုံရိပ်ထွက်ပုံကို ပထမဆုံး ရှင်းပြနိုင်ခဲ့တယ်။

    pinhole-camera

    အလားတူစွာဘဲ သူက ကင်မရာရဲ့သဘောသဘာဝကို ပထမဆုံး လေ့လာတင်ပြခဲ့သူလည်း ဖြစ်ပြန်တယ်။ ကင်မရာရဲ့အယူအဆက ရှင်းရှင်းလေးပါ။ ဘူးခွံတစ်ဖက်မှာ အပေါက်သေးသေးလေးဖောက်ထားတယ်။ ဘူးခွံအတွင်းထဲကနေ အပြင်ဖက်အရာတွေကို ခြုံလွှမ်းမြင်တွေ့နိုင်ဖို့သာ ဖြစ်တယ်။ ဒါက ခုခေတ်ကင်မရာတွေရဲ့ အလုပ်လုပ်ဆောင်ပုံ အတိုင်းပါဘဲ။ ခုခေတ်မှာကတော့ မှန်ဘီလူးတွေ ထပ်ဖြည့်ထားတာပဲ ကွာခြားချက် ရှိတာပါ။ ကျွန်တော်တို့သိရှိထားတဲ့ ခေတ်မှီဓါတ်ပုံပညာရပ် မတိုင်မီ နှစ်ရာပေါင်းများစွာကတည်းက ဒီလိုပုံစံမျိုးကို အိဗ်နု အလ်ဟိုင်သမ်က တည်ဆောက်နိုင်ခဲ့ပြီးပါပြီ။

    ဒါတင်မကသေးပါဘူး။ ရေပြင် သို့မဟုတ် ဖန်သား စတဲ့ ကြားခံနယ်တစ်ခုခုထဲ အလင်းဖြတ်သန်းပုံစံနစ် (အလင်းယိုင်ခြင်း) ကိုလည်း လေ့လာဖော်ထုတ်ခဲ့သူပါ။ ဒီတင်ပြချက်ကနေတဆင့် ဆည်းဆာချိန်မှာ ဘာကြောင့်ကောင်းကင်အရောင်ပြောင်းသွားသလဲဆိုတာကို ရှင်းပြသွားနိုင်ခဲ့ပါတယ် ( နေရဲ့အလင်းတန်းက လေထုကို ထောင့်ချိုး တစ်ခုကနေ ထိခတ်တဲ့အခါ ရောင်ခြည်လမ်းလွဲမှု ဖြစ်သွားစေတယ်)။

    ဒီအချက်ကနေထပ်ဆင့်ပြီးတော့ ကမ္ဘာ့လေထုရဲ့ထုထည်ကို တွက်ပြနိုင်ခဲ့တယ်။ ဒါဟာ အာကာသယာဉ်နဲ့ လက်တွေ့မပြနိုင်ခင် နှစ်ပေါင်း ၁၀၀၀ လောက်က ဖြစ်ပါတယ်။ အဲ့ဒီ စက္ခုဗေဒကျမ်းကို ဘာသာပြန်လိုက်တဲ့ခါ ဥရောပတစ်ခွင် ဟိုးလေးတကျော် ဖြစ်သွားတယ်။ နောက်ပိုင်း ဥရောပသားပညာရှင်တွေက ဒီကျမ်းကို အခြေပြုလို့ အလင်းနဲ့စက္ခု အလုပ်လုပ်ဆောင်ချက်၊ သူတီထွင်ချပြခဲ့တဲ့ ကိရိယာများကို ပေါ်ထွက်လာအောင် လုပ်နိုင်ခဲ့ကြတာပါ။

    နောက်တစ်ဆင့်တက်ပြီး မျက်ကပ်မှန်တို့၊ မှန်ဘီလူးတို့၊ အဝေးကြည့်မှန်ပြောင်းတို့၊ ကင်မရာတို့ စသဖြင့် တိုးမြှင့်ပေါ်ပေါက်လာခဲ့တာဖြစ်တယ်။ အလင်း ၏ အလွန် အလင်းအကြောင်း နဲ့ အလင်းဆိုင်ရာပစ္စည်းပစ္စယတွေအကြောင်း နားမလည်ယင်၊ မသုံးယင် ၂၁ ရာစုမှာ ကျွန်တော်တို့ လူဖြစ်ရကျိုးမနပ်သလို ၊ မပြည့်စုံသလို ဖြစ်နေပါပြီ။ အလင်းဆိုင်ရာ အကြောင်းအရာတင် မကသေးဘူး – အိဗ်နု အလ်ဟိုင်သမ်ဟာ တခြားပညာရပ်နယ်ပယ်တွေမှာ စဦး လမ်းဖောက်သူလည်း ဖြစ်ခဲ့တယ်။

    သူဟာ ၁၀၂၀ နဲက ၁၀၃၀ ခုနှစ်များမှာ အာကာသလေ့လာရေးပညာ (Astronomy) ကျမ်းများစွာကိုလည်း ရေးသားခဲ့တယ်။ ကြယ်၊ ဂြိုလ်တွေ ရွေ့လျားမှု ဆိုင်ရာ တော်လမီရဲ့တွေးလုံးတွေ မှားယွင်းကြောင်း သူက ထောက်ပြခဲ့တယ်။ စကြ၀ဠာအလုပ်လုပ်ပုံစံနစ်ကို ယုတ္တိဆန်တဲ့ အမြင် တစ်ရပ်ကိုလည်း  ချပြနိုင်ခဲ့တယ်။  ကမ္ဘာဂြိုလ်ဟာ စကြ၀ဠာရဲ့ဗဟိုချက်မ ဆိုတဲ့ ဂရိအတွေးအခေါ်ကို ရိုက်ချိုးပစ်လိုက်တာပါ။

    GodfreyKneller-IsaacNewton-1689
    စင်စစ်မှာတော့ နျူတန်ပြောတဲ့ ကမ္ဘာ့ဆွဲအားအကြောင်းဟာ သစ်ပင်ပေါ်က ပြုတ်ကျလာတဲ့
    ပန်းသီးကြောင့် မဟုတ်ပါဘူး – အိဗ်နု အလ်ဟိုင်သမ်ရဲ့ ကျမ်းဂန်တွေထဲက အချက်အလက်တွေသာဖြစ်ပါတယ်။

    နက္ခတ္တဗေဒ (Astrology) ဟာ သိပ္ပံပညာရပ် မဟုတ်ကြောင်း ပြတ်ပြတ်သားသား ချေပခဲ့တယ်။ သက်သေပြချက်လိုအပ်တယ်ဆိုတဲ့ သူ့ရဲ့ကိုယ်ပိုင် သိပ္ပံအတွေးအမြင်ကို မြဲမြံစွာ ဆုပ်ကိုင်လို့ နက္ခတ္တဗေဒဟာ မည်သည့်သိပ္ပံဘာသာရပ်နဲ့ ဆက်နွှယ်မှု မရှိကြောင်း၊နက္ခတ္တဗေဒသမားတွေရဲ့ ထင်လုံးနဲ့ခံစားချက်တွေသာဖြစ်ကြောင်း သုံးသပ်ပြခဲ့တယ်။ ဖန်ဆင်းရှင်သာလျှင် ခပ်သိမ်းသောအရာတွေရဲ့ အကြောင်းရင်းခံဖြစ်တယ် – ဂြိုလ်နက္ခတ်သွားလာလှည့်ပတ်မှုအပေါ် အရင်းမခံဘူး ဆိုတဲ့ အစ္စလာမ့်မဏ္ဍိုင် အယူဝါဒတစ်ခုနဲ့ ပြဿားတစ်လမ်းသံတစ်လမ်း ဖီလာဆန့်ကျင်နေကြောင်း နက္ခတ္တဗေဒပညာအပေါ် ဝေဖန်ခဲ့သူဖြစ်တယ်။

    အလ်ဟိုင်သမ်ရဲ့ကျမ်းတွေကို ဖတ်ထားတဲ့ အိုင်းဇက် နျူတန် ဟာ ဒီအတွေးအခေါ်တွေအပေါ် အတော်ဘဲ အားထားခဲ့တယ်။ နျူတန်ဟာ ကနေ့ အသုံးပြုနေတဲ့ အင်ဂျင်နီယာ ဖော်မြူလာနဲ့နည်းစံနစ်ကို ဦးဆောင်မှုပေးမယ့် Calculus သင်္ချာပညာအခြေခံကို လေ့လာခဲ့တယ်။အရာဝတ္ထုတို့ရဲ့ရွေ့လျားမှုနိယာမ ( နောက်ပိုင်း နျူတန်ရဲ့ တတိယနိယာမ လို့ ကျော်ကြားလာတယ်)၊ အရာဝတ္ထုအချင်းချင်းဆွဲငင်အား (ကမ္ဘာ့ဆွဲအား)ကိုလည်း ရေးထုတ်ခဲ့တယ်။ စင်စစ်မှာတော့ နျူတန်ပြောတဲ့ ကမ္ဘာ့ဆွဲအားအကြောင်းဟာ သစ်ပင်ပေါ်က ပြုတ်ကျလာတဲ့ ပန်းသီးကြောင့် မဟုတ်ပါဘူး – အိဗ်နု အလ်ဟိုင်သမ်ရဲ့ ကျမ်းဂန်တွေထဲက အချက်အလက်တွေသာဖြစ်ပါတယ်။

    အလ်ဟိုင်သမ်ဟာ အစ္စလာမ့်ပညာရေးမှာလည်း ခေသူ မဟုတ်ခဲ့ဘူး။ တမန်တော်အတုအယောင်များကို ဖော်ထုတ်နည်း၊ မက္ကဟ်မြို့တော်ဖက် မျက်နှာမူဝတ်ပြုနိုင်အောင် လားရာတွက်ချက်မှု ပညာ စာအုပ်များကိုလည်း ကျမ်းပြုရေးသားနိုင်ခဲ့သူပါ။ ခေတ်သစ်စိတ်ပညာရပ်နဲ့ပတ်သက်လို့ လူနဲ့တိရစ္ဆာန်တွေ အပေါ် တေးဂီတအသုံးချ ကုထုံးအကြောင်းကို ရှေ့ပြေး သုတေသနပြုခဲ့သူလည်း ဖြစ်နေပြန်ပါတယ်။

    အမွေအနှစ်

    အိဗ်နု အလ်ဟိုင်သမ်ရဲ့ ကြိုးပမ်းမှု နဲ့ တင်ပြမှုတွေဟာ ခရီးရှည်ကြီးကို ဖြတ်သန်းနေဆဲပါဘဲ။ သူပြုစုခဲ့တဲ့ကျမ်းဂန်များဟာ ၂၀၀ ကျော်အထိ ရှိခဲ့ပေမယ့် ယနေ့မှာတော့ ကျမ်းပေါင်း ၅၀ ၀န်းကျင်သာ ကျန်ရစ်ခဲ့ပါတယ်။ သူ့ရဲ့ရှာဖွေတွေ့ရှိမှုတွေဟာ ယနေ့ကာလတိုင်အောင် ကျွန်တော်တို့ လက်လှမ်းမမီနိုင်လောက်တဲ့အထိ ရှိခဲ့မှာ အမှန်ပါဘဲ။ ကံမကောင်းအကြောင်း မလှစွာနဲ့ သူကွယ်လွန်ခဲ့ပြီးကတည်းက သူ့ရဲ့တင်ပြချက်တွေဟာ လျစ်လျူရှုခံလိုက်ရတယ်။ သူဟာ ပညာရှင်ကြီးတွေနဲ့တွဲလျက်ရှိတတ်တဲ့ ကျော်ကြားလိုမှု၊ သိက္ခာတင်မှုတွေကို လုံးဝ ဂရုမစိုက်ခဲ့သူ ဖြစ်လို့ပါဘဲ။ ဒါကြောင့်လဲ ယနေ့ကမ္ဘာမှာ သူ့ကျမ်းတွေနဲ့ပတ်သက်ပြီး သတိမထားမိကြတာပါ။ အီဗာရီယန်ကျွန်းဆွယ်က မွတ်စ်လင်မ်နယ်မြေတွေကို စပိန်တွေ ကြီးစိုးတော့ သူ့စာအုပ်တွေကို လက်တင်ဘာသာပြန်ဆိုခဲ့ကြတယ်။ ဒါပေမယ့် သူ့နာမည်ရင်းမဟုတ်ဘဲ Alhazen လို့ ဖော်ပြလိုက်ကြတယ်။ ဥရောပ ပညာနိုးကြားရေးခေတ်အတွင်း ထိပ်တန်းမွတ်စ်လင်မ်ပညာရှင်ကြီးတွေရဲ့ အမည်နာမများဟာ ဥရောပလေယူလေသိမ်းအသွင်နဲ့ ပြောင်းလဲလိုက်တဲ့အစဉ်အလာတစ်ရပ် ဖြစ်ခဲ့တယ်။ ဥရောပတိုက်က ခရစ်ယာန်တွေအကြား မွတ်စ်လင်မ်တွေကို ချိုးနှိမ်လိုတဲ့အတွက် -သူတို့ရဲ့တင်ပြချက်တွေကို ဖျောက်ဖျက်လိုတဲ့အတွက်ကြောင့်ပါဘဲ။

    သူ့ရဲ့ထက်မြက်တောက်ပြောင်လှတဲ့ အသိဥာဏ်စဉ်ကို မရေတွက်နိုင်တဲ့လူတွေက ခုတုံးလုပ်ခဲ့ကြပြီးပါပြီ။ သူ့ရဲ့သုတေသန သာ မရှိခဲ့ယင် ဒီကနေ့ ကျွန်တော်တို့ သိရှိကြတဲ့ ခေတ်သစ် သိပ္ပံပညာရပ် နယ်ပယ်ဆိုတာလည်း ဖြစ်ထွန်းလာစရာအကြောင်း ရှိတော့မှာ မဟုတ်တော့ပါဘူး လို့ဘဲ ဆိုချင်ပါတော့တယ်။

    Sources:
    Morgan, M. (2007). Lost History. Washington D.C. : National Geographic Society.
    Masood, E. (2006). Science and Islam. Icon Books.
    “Ibn al-Haytham.” The Columbia Encyclopedia, 6th ed.. 2012.
    Encyclopedia.com:http://www.encyclopedia.com/doc/1E1-IbnalHay.html
    Steffens, B. (2007). Ibn al-Haytham : first scientist. Greensboro, N.C. : Morgan Reynolds Pub.
    http://lostislamichistory.com/ibn-al-haytham-the-first-scientist/