Tag: Myanmar Army

နိုဝင်ဘာ ၃၀၊ ၂၀၁၅
M-Media

– ကလေးစစ်သားများကို စစ်တပ်မှ ဖယ်ရှားသည့် ကြိုးပမ်းမှု အစိတ်အပိုင်းအဖြစ် မြန်မာအစိုးရစစ်တပ်မှာ ယနေ့တွင် ကလေးငယ်နှင့် လူငယ် ၅၃ ဦးကို လွှတ်ပေးခဲ့သည်ဟု ကုလသမဂ္ဂက ပြောကြားလိုက်သည်။

မြန်မာ့တပ်မတော်မှာ ကလေးစစ်သားများ အသုံးပြုခြင်း၊ အတင်းအဓမ္မ လူသစ်စုဆောင်းခြင်းနှင့် လယ်မြေများ သိမ်းယူခြင်းတို့အပါအ၀င် ကျူးလွန်ဖောက်ဖျက်မှုများ ရှိသည်ဟု လူ့အခွင့်အရေးအဖွဲ့များက အချိန်အတော်ကြာတည်းက စွပ်စွဲခဲ့ကြသည်။

၂၀၁၁ ခုနှစ်တွင် စစ်တပ်က အရပ်သားတစ်ပိုင်းအစိုးရအား အာဏာလွှဲပြောင်းပေးပြီးကတည်းက တပ်မတော်ကို ပရော်ဖက်ရှင်နယ်ကျစေရန်အတွက် ဆောင်ရွက်မှုများ ပြုလုပ်ခဲ့ပြီး ထိုအထဲတွင် အသက် ၁၈ နှစ်အောက် စစ်သားများအား ပြန်လွှတ်ပေးခြင်းလည်း ပါဝင်ခဲ့သည်။

“ဒီနေ့ ဒီလိုပြန်လွှတ်ပေးတာဟာ ကလေးငယ်တွေကို လူသစ်စုဆောင်းမှုနဲ့ အသုံးပြုမှုအလေ့အထ အဆုံးသတ်ဖို့အတွက် မြန်မာအစိုးရနဲ့ တပ်မတော်တို့ရဲ့ ဆက်လက်ကြိုးပမ်းဆောင်ရွက်မှုကနေ ပေါ်ထွက်လာတဲ့ ရလဒ်ပါပဲ။ လူငယ်လေးတွေ၊ ကလေးတွေဟာ သူတို့ရဲ့ အိမ်၊ သူတို့ရဲ့ မိသားစုတွေဆီ ပြန်သွားတာ မြင်ရတာကို ကျွန်တော် ကြည်နူးမိပါတယ်။ လက်ရှိဆောင်ရွက်နေတဲ့ အသင်းအဖွဲ့အလိုက် စစ်ဆေးမှုနဲ့ ဆက်လက်လုပ်ဆောင်သွားမယ့် ဆောင်ရွက်မှုဟာ ကလေးငယ်တွေကို လူသစ်စုဆောင်းတာမျိုး လုံးဝမရှိတာမျိုးအထိ
ဖြစ်သွားဖို့ မျှော်လင့်ပါတယ်” ဟု ကုလမှ တာဝန်ရှိသူ ရီနာတာ လော့က်-ဒက်ဆဲလီယန်က ပြောကြားခဲ့သည်။

ယခုနှစ်အတွင်း မြန်မာစစ်တပ်က လွှတ်ပေးခဲ့သည့် ကလေးစစ်သားအရေအတွက်မှာ ၁၄၆ ဦးရှိပြီး စစ်တပ်တွင် ကလေးများအသုံးပြမှုကို အဆုံးသတ်ရေး ၂၀၁၂ ခုနှစ် ကုလနှင့် လက်မှတ်ရေးထိုးခဲ့သည့် ပူးပေါင်းဆောင်ရွက်ရေး အစီအစဉ်အပြီးနောက်ပိုင်း ၆၉၉ ဦးအထိ ရှိလာပြီဖြစ်သည်။

Ref: Channelnewsasia

ဇွန် ၂၉၊ ၂၀၁၅
M-Media

– မြန်မာ့လေတပ်မှ အဆင့်မြင့် အရာရှိတစ်ဦးကို ဖယ်ရှားကာ အစားထိုးလိုက်ပြီဟု တာဝန်ရှိသူများက ယနေ့တွင် ပြောကြားခဲ့ပြီး ထိုသို့ အစားထိုးရခြင်းမှာ လွန်ခဲ့သည့် ၃ လက လေတပ်မှ ကြဲချသည့်ဗုံးများ တရုတ်နိုင်ငံအတွင်းသို့ ကျရောက်ခဲ့ကာ လယ်သမား ၄ ဦး သေဆုံးခဲ့ရသည့်အတွက် တရုတ်နိုင်ငံ၏ အမျက်ထွက်မှုကို တုံ့ပြန်ခြင်းဖြစ်သည်ဟု ရှုမြင်ကြသည်။

လေတပ်စစ်ဦးစီး အရာရှိချူပ် ဗိုလ်ချုပ်လွင်ဦး၏ နေရာအား  ဗိုလ်မှူးချူပ် မောင်မောင်ကျော်နှင့် အစားထိုးခဲ့ခြင်းဖြစ်သည်ဟု သမ္မတရုံးမှ အကြီးတန်း တာဝန်ရှိသူ တစ်ဦးက Reuters သတင်းဌာသို့ ပြောကြားခဲ့သည်။ သို့သော်လည်း အဆိုပါ အပြောင်းအရွှေ့မှာ မည်သည့်အချိန်က ဖြစ်ခဲ့သည်ကို ရှင်းရှင်းလင်း သိရခြင်းမရှိပေ။

၄၉ နှစ်ကြာ စစ်အာဏာရှင်စနစ် မှ ၂၀၁၁ ခုနှစ်တွင် ပြုပြင်ပြောင်းလဲရေးလုပ်ခဲ့သည့် မြန်မာနိုင်ငံမှာ ယခုအချိန်တွင် အရပ်သားတစ်ပိုင်း အစိုးရ ဖြစ်နေပြီဖြစ်သည်။ သို့သော်လည်း စစ်တပ်အတွင်း အဆင့်မြင့်အရာရှိများ အပြောင်းအရွှေ့များတွင် လျှို့ဝှက်ဖုံးကွယ်မှုများ ဆက်လက်ရှိနေဆဲ ဖြစ်သည်။ ယခုကိစ္စမှာလည်း အထိအခိုက်မခံသည့် ကိစ္စဖြစ်သည့်အတွက်ကြောင့် တာဝန်ရှိသူများက Reuters သတင်းဌာနအား အမည်ဖေါ်လိုသည့် အခြေအနေတွင် ပြောကြားခဲ့သည်။

လေတပ်တာဝန်ရှိသူတစ်ဦးကမူ ဗိုလ်ချုပ်လွင်ဦးမှာ ယခုနှစ်အစောပိုင်းတွင် မြန်မာအမျိုးသားဒီမိုကရက်တစ် မဟာမိတ်တပ်မတော် MNDAA အား တိုက်ခိုက်သည့်တိုက်ပွဲတွင် တရုတ်နိုင်ငံဘက်သို့ ဗုံးဆံ ကျရောက်မှုကြောင့် ထိုကဲ့သို့ ရာထူးဆုံးရှုံးရကြောင်း ယုံကြည်ရသည်ဟု ဆိုသည်။

“ကျွန်တော်တို့နားလည်သလောက်တော့ သူဟာ လေတပ်က တရုတ်ပိုင်နက်အတွင်းကို ဗုံးဆံချော်ပြီး ကျသွားတဲ့အတွက် အပြစ်ပေးခံရတဲ့အနေနဲ့ ဖယ်ရှားခံရတာပါပဲ” ဟု အဆိုပါ တာဝန်ရှိသူက ပြောကြားခဲ့သည်။

မြန်မာစစ်တပ်မှာ တရုတ်နိုင်ငံအတွင်းသို့ ဗုံးဆံကျရောက်မှုအတွက် စောစောပိုင်းတွင် ငြင်းဆိုခဲ့သော်လည်း နောက်ပိုင်းတွင် လက်ခံခဲ့ကာ ပြန်လည်တောင်းပန်ခဲ့သည်။

Ref: Channelnewsasia