မတ် ၆၊ ၂၀၂၁
M-Media
-မြန်မာနိုင်ငံဖက်က ၀င်ရောက်ခိုလှုံတာတွေကို တားဆီးဖို့အတွက် နယ်စပ်မှာ ရဲနဲ့စစ်သားတွေ လှည့်လည်စောင့်ကြပ်မှုကို တိုးမြှင့်ထားတယ်လို့ အိန္ဒိယက ထုတ်ပြန်ပါတယ်။
ပြီးခဲ့တဲ့ရက်ပိုင်းအတွင်း အာဏာသိမ်းစစ်အစိုးရလက်အောက်မှာ တာ၀န်မထမ်းဆောင်လိုတဲ့ ရဲတပ်ဖွဲ့၀င်တွေနဲ့ မိသားစု၀င် စုစုပေါင်း ၃၀ ကျော်လောက် အိန္ဒိယဖက်က မီဇိုရမ်ပြည်နယ်ကို ထွက်ပြေးခိုလှုံခဲ့တာပါ။
“အခုအချိန်ကစပြီး ကျွန်တော်တို့ ဘယ်သူ့ကိုမှ ၀င်ခွင့်မပေးတော့ပါဘူး” လို့ မီဇိုရမ်ပြည်နယ်အစိုးရ တာ၀န်ရှိသူ မာရီယာ ဇွာလီက ပြောပါတယ်။
မြန်မာ-အိန္ဒိယနယ်စပ်မှာ အရင်ကတည်းက ကင်းလှည့်စောင့်ကြပ်မှုတွေ ခပ်စိပ်စိပ်လုပ်ပေမယ့် နယ်စပ်ထိစပ်မှုက ရှည်လျားတာကြောင့် လက်လှမ်းမမီတဲ့ လမ်းကြောင်းတွေကနေ ၀င်ရောက်လာကြတယ်လို့ မီဇိုရမ် ရဲတပ်ဖွဲ့ရဲ့ အကြီးတန်းတာ၀န်ရှိသူတစ်ဦးက ဆိုပါတယ်။
မတ်လ ၄ ရက်နေ့အထိ မြန်မာဖက်က ၀င်ရောက်လာတာတွေ ရှိနေပြီး နောက်ထပ်လည်း ၀င်လာမယ်လို့ မျှော်လင့်ထားတာကြောင့် နယ်စပ်က တစ်ချို့နေရာတွေမှာ လူ ၃၀-၄၀ လောက် နေထိုင်နိုင်ဖို့ စီစဥ်ထားတယ်လို့လည်း ပြည်နယ်အာဏာပိုင်တွေက ပြောပါတယ်။
အိန္ဒိယဟာ မြန်မာစစ်တပ်နဲ့ ကောင်းမွန်တဲ့ ဆက်ဆံရေးရှိနေပြီး ရဲတပ်ဖွဲ့၀င်တွေ ၀င်ရောက်ခိုလှုံလာတာက ဒီဆက်ဆံရေးကို ထိခိုက်စေနိုင်တာကြောင့် နယ်စပ်ကို ပိုမို တင်းတင်းကြပ်ကြပ် စောင့်ကြည့်ဖို့ ကြိုးစားလာတာလို့ ကျွမ်းကျင်သူတွေက သုံးသပ်ပါတယ်။
မြန်မာနိုင်ငံမှာ အခြေစိုက်ပြီး ခွဲထွက်ရေးလှုပ်ရှားနေတဲ့ အိန္ဒိယက တိုင်းရင်းသားလက်နက်ကိုင်အဖွဲ့တွေကို အိန္ဒိယအစိုးရရဲ့ ပန်ကြားမှုကြောင့် ပြီးခဲ့တဲ့နှစ်ပိုင်းမှာ မြန်မာစစ်တပ်က ရှင်းလင်းပေးထားတာ ဖြစ်ပါတယ်။
Ref: Times of India
မြန်မာနိုင်ငံမှာ အခြေစိုက်ပြီး ခွဲထွက်ရေးလှုပ်ရှားနေတဲ့ အိန္ဒိယက တိုင်းရင်းသားလက်နက်ကိုင်အဖွဲ့တွေကို အိန္ဒိယအစိုးရရဲ့ ပန်ကြားမှုကြောင့် ပြီးခဲ့တဲ့နှစ်ပိုင်းမှာ မြန်မာစစ်တပ်က ရှင်းလင်းပေးထားတာ ဖြစ်ပါတယ်။
Ref: Times of India
