News @ M-Media

Tag: Myanmar-Thai

  • ကိုဗစ်ကူးစက်မှုအတွက် မြန်မာများကို အပြစ်တင်ခြင်းမှာ မှားယွင်းသည်ဟု ဘန်ကောက်ပို့စ်ရေး

    ကိုဗစ်ကူးစက်မှုအတွက် မြန်မာများကို အပြစ်တင်ခြင်းမှာ မှားယွင်းသည်ဟု ဘန်ကောက်ပို့စ်ရေး

    ဒီဇင်ဘာ ၂၉၊ ၂၀၂၀
    M-Media

    ဒီဇင်ဘာ ၂၀ ရက်နေ့က မဟာချိုင်တွင်တွေ့ရသည့် မြန်မာလုပ်သားများ

    -မဟာချိုင်က လတ်တလော ကိုဗစ်အကြီးအကျယ်ကူးစက်မှုအတွက် မြန်မာ ရွှေ့ပြောင်းလုပ်သားတွေကို အပြစ်တင်နေတာမျိုးဟာ ဘယ်သူ့အတွက်မှ အကျိုးရှိမှာမဟုတ်ဘဲ၊ ရ​ွှေ့ပြောင်းလုပ်သားတွေ အန္တရာယ်မကင်းသ၍ ထိုင်းပြည်သူတွေလည်း အန္တရာယ်ကင်းမှာမဟုတ်ဘူးလို့ ဘန်ကောက်ပို့စ်က ဆောင်းပါးတစ်ခုမှာ ထိုင်းအာဏာပိုင်တွေကို ထောက်ပြထားပါတယ်။

    မြန်မာနိုင်ငံသား အများအပြား အလုပ်လုပ်တဲ့ မဟာချိုင်က ပင်လယ်စာစျေးမှာ ကိုဗစ်ကူးစက်မှု အကြီးအကျယ်ဖြစ်နေတာကို ပြီးခဲ့တဲ့တစ်ပတ်မှာ တွေ့ခဲ့ရတာပါ။ အဲဒီနောက် ထိုင်းဝန်ကြီးချုပ် ပရာယွတ်ချန်အိုချာက မြန်မာရွှေ့ပြောင်းလုပ်သားတွေကို ပြစ်တင်ပြောဆိုခဲ့သလို၊ ထိုင်းဆိုရှယ်မီဒီယာမှာလည်း မြန်မာနိုင်ငံသားတွေကို ပစ်မှတ်ထားတဲ့ အမုန်းစကားတွေ ပြန့်နှံခဲ့ပါတယ်။

    မြေပြင်မှာ မြန်မာနိုင်ငံသားတွေကို ကားပေးမစီးတာ၊ အလုပ်ပေးမလာတာလို ခွဲခြားဆက်ဆံမှုတစ်ချို့ ဖြစ်ခဲ့ပါတယ်။

    နိုဝင်ဘာလတုန်းက မဟာချိုင်မှာရှိတဲ့ ရွှေ့ပြောင်းလုပ်သားတွေကို အင်တာဗျူးရာမှာ အလုပ်သမားတွေ နေထိုင်ရာနေရာနဲ့ လုပ်ငန်းခွင်မှာ ကိုဗစ်အန္တရာယ်ကင်းရှင်းရေးကို ဘယ်သူကမှ အလေးထားလုပ်ပေးတာမျိုး မရှိတာကို တွေ့ရကြောင်း ဘန်ကောက်ပို့စ်က ဆောင်းပါးမှာ ထောက်ပြထားပါတယ်။

    အလုပ်သမားတွေမှာ အကာကွယ်ဝတ်စုံတွေ ဝတ်စရာမရှိသလို၊ အလုပ်လုပ်ရတဲ့နေရာ ကျဉ်းတဲ့အတွက် ခပ်ခွာခွာနေထိုင်ရေး စည်းမျဉ်းလည်း မလိုက်နာနိုင်ကြပါဘူး။

    မဟာချိုင်မှာ ဒီဇင်ဘာ ၁၅ ရက်နေ့အထိ ရွေ့ပြောင်းလုပ်သား ၂၇၅၇၈၂ ဦးရှိပြီး မြန်မာနိုင်ငံက ၂၄၃၆၁၇ ဦး၊ လာအိုက ၁၃၂၀၀ ဦး၊ ကမ္ဘောဒီးယားက ၉၆၄၀ ဦးနဲ့ အခြားနိုင်ငံတွေက ၉၃၁၇ ဦး ရှိနေပါတယ်။ ကိုဗစ်ကူးစက်မှုတွေ့ပြီး ဇန်နဝါရီ ၃ ရက်နေ့အထိ မြို့ကို လော့ဒေါင်းလုပ်ထားတာကြောင့် ရွှေ့ပြောင်းလုပ်သားတွေကို လူသားချင်းစာနာထောက်ထားမှုဆိုင်ရာ အကူအညီတွေပေးဖို့ ဆောင်းပါးမှာ တိုက်တွန်းထားပါတယ်။

    လော့ဒေါင်းကြောင့် မြန်မာရွှေ့ပြောင်းလုပ်သား တော်တော်များများဟာ အစားအသောက်နဲ့ နေ့စဉ် အခြေခံလိုအပ်ချက်တွေရဖို့ အခက်အခဲရှိနေပြီး နှစ်နိုင်ငံစလုံးက အကူအညီပေးရေးအဖွဲ့တွေ၊ အလုပ်သမားအဖွဲ့တွေနဲ့ မြန်မာအစိုးရတို့က အကူအညီတွေ ပေးနေပါတယ်။ အလုပ်မရှိ၊ ဝင်ငွေမရှိတာကြောင့် အလုပ်သမားတွေမှာ စိတ်ဖိစီးမှုတွေလည်း ရှိနေပါတယ်။

    ထိုင်းအစိုးရက မြေပြင်ဆေးရုံနှစ်ခု ဆောက်နေပေမယ့် နေထိုင်၊ အလုပ်လုပ်ခွင့်အထောက်အထား မရှိတဲ့အတွက် ကိုဗစ်စစ်ဆေးတာ၊ သွားရောက်ကုသတာတွေလုပ်ရင် အဖမ်းခံရမှာကို မြန်မာလုပ်သားတွေက စိုးရိမ်နေပါတယ်။ ဆမွတ်ဆာခွန်ပြည်နယ် အုပ်ချုပ်ရေးမှူးက ဒီလို ဖမ်းဆီးထိန်းသိမ်းတာမျိုး မလုပ်ဘူးလို့ ထုတ်ပြန်ထားပါတယ်။

    မဟာချိုင်က ဒီကူးစက်မှုဟာ ထိုင်းနိုင်ငံတစ်ဝှမ်းကို ပြန့်နှံ့သွားပါတယ်။ ဒီကိစ္စမှာ မြန်မာရွှေ့ပြောင်းလုပ်သားတွေကို ပြစ်တင်ပြောဆိုခဲ့တဲ့ ပရာယွတ်က နောက်ပိုင်းမှာ လေသံပြောင်းသွားခဲ့ပြီး လတ်တလောဝင်လာတဲ့ ရွှေ့ပြောင်းလုပ်သားတွေကနေ ကူးစက်မှုဖြစ်တယ်လို့ ပြောခဲ့ပါတယ်။

    ဘန်ကောက်ပို့စ်က ဆောင်းပါးမှာ တိုင်းပြည်ထဲကိုဝင်လာတဲ့ နိုင်ငံခြားသားတွေတင်မဟုတ်ဘဲ၊ နိုင်ငံရပ်ခြားက ပြန်လာတဲ့ ထိုင်းတွေလည်း ကိုဗစ်သယ်လာတာကို ထောက်ပြထားပါတယ်။

    မဟာချိုင်က ရွှေ့ပြောင်းလုပ်သားတွေရဲ့ နေထိုင်ခွင့်၊ အလုပ်လုပ်ခွင့်တွေကို စနစ်တကျ ပြန်လုပ်ပေးပြီး၊ မသမာမှုတွေကို အရေးယူအပြစ်ပေးဖို့ ထိုင်းအစိုးရက စီစဉ်ဆောင်​ရွက်နေပေမယ့် မြန်မာလုပ်သားတွေရဲ့ နေထိုင်မှုနဲ့ အလုပ်လုပ်ကိုင်မှု အခြေအနေတွေကို ပိုပြီး အန္တရာယ်ကင်းအောင် လုပ်ပေးဖို့၊ မြန်မာလုပ်သားတွေ ထိုင်းကျန်းမာရေးစနစ်ကို လက်လှမ်းမီအောင် လုပ်ဆောင်ပေးဖို့ အလွန်အရေးကြီးတယ်လို့လည်း ဒီဆောင်းပါးမှာ အာဏာပိုင်တွေကို တိုက်တွန်းခဲ့ပါတယ်။

    ရွှေ့ပြောင်းလုပ်သားတွေ အန္တရာယ်ကင်းမှ ထိုင်းပြည်သူတွေ အန္တရာယ်ကင်းနိုင်မယ်လို့လည်း ထည့်သွင်း သတိပေးထားပါတယ်။

    Ref : Bangkok Post

  • တင်းမာမှုကြောင့် ဘုရားသုံးဆူရှိ နယ်စပ်ဂိတ်ပေါက်ကို မြန်မာဖက်က ပိတ်ထား

    တင်းမာမှုကြောင့် ဘုရားသုံးဆူရှိ နယ်စပ်ဂိတ်ပေါက်ကို မြန်မာဖက်က ပိတ်ထား

    ဖေဖော်ရီ ၂၉၊ ၂၀၂၀
    M-Media

    ပုံ – ဧရာ၀တီ

    -ကရင်ပြည်နယ် ဘုရားသုံးဆူက နယ်စပ်ထွက်ပေါက်ဂိတ်ကို မြန်မာအာဏာပိုင်တွေက ပိတ်လိုက်တာကြောင့် မြန်မာဖက်က ထောင်နဲ့ချီတဲ့ အထည်ချုပ်အလုပ်သမားတွေ ထိုင်းနိုင်ငံဘက်ကို မသွားနိုင်ဘဲ ပိတ်မိနေတယ်လို့ သိရပါတယ်။

    ထိုင်းနယ်စပ် အာဏာပိုင်တွေနဲ့ မြန်မာဖက်က ကရင်နယ်ခြားစောင့်တပ်ဖွဲ့ (BGF) တို့အကြား အင်္ဂါနေ့ကပြုလုပ်တဲ့ အစည်းအဝေးမှာ မကျေမလည်ဖြစ်ရာကနေ ဒီလိုဖြစ်လာတာလို့ ဒေသတွင်းရင်းမြစ်တွေက ပြောပါတယ်။

    ကရင်နယ်ခြားစောင့်တပ်ဖွဲ့က တစ်ချို့ကုန်စည်တွေကို ထိုင်းနိုင်ငံဖက် တင်ပို့ခွင့်ပေးမှုနဲ့ပတ်သက်ပြီး ထိုင်းအာဏာပိုင်တွေက ကန့်ကွက်ခဲ့ကြတာပါ။ ဘုရားသုံးဆူ နယ်စပ်ဂိတ်ပေါက်ကို ၂၀၀၇ ခုနှစ်ကတည်းက ပိတ်ထားတာဖြစ်ပေမယ့် တစ်ရက်တာ အလုပ်သွားလုပ်ခွင့်ကိုတော့ နှစ်ဖက်စလုံးက ခွင့်ပြုထားပါတယ်။ ဒေသခံတွေအနေနဲ့ ကိုယ့်ကားနဲ့ကိုယ် စားသောက်ကုန် ပို့ဆောင်တာကိုလည်း လုပ်ဆောင်လို့ ရပါတယ်။

    BGF ဟာ မကြာသေးခင်က နောက်ထပ် နယ်ခြားဂိတ် ၂ ခုကို ဖွင့်လှစ်လိုက်ပြီး၊ ဒီကနေ မူးယစ်ဆေးဝါးတွေ မှောင်ခိုဝင်ရောက်လာမှာကို စိုးရိမ်တယ်လို့ ထိုင်းနယ်စပ် အာဏာပိုင်တွေက ပြောကြားဖူးပါတယ်။ ထိုင်းဖက်က သူတို့ပိုင်တယ်လို့ပြောနေတဲ့ နေရာတစ်ခုမှာ BGF က ခရစ်ယာန်ဘုရားကျောင်းတစ်ခု ဆောက်လုပ်နေပြီး ဒီအတွက် မကျေမလည်ဖြစ်နေတာလည်း ရှိပါတယ်။

    အင်္ဂါနေ့ကအစည်းအဝေးမှာ တင်းမာမှုတွေရှိခဲ့ပြီးတဲ့နောက် ထိုင်းအာဏာပိုင်တွေက ‌နယ်စပ်ကို ခေတ္တပိတ်ခဲ့ပေမယ့် ညနေပိုင်းမှာ ပြန်ဖွင့်ပေးခဲ့ပါတယ်။ မြန်မာဖက်ကတော့ ဗုဒ္ဓဟူးနေ့အထိ နယ်စပ်ကိုပိတ်တာ မရှိဘူးလို့ ဒေသခံတွေ ပြောပါတယ်။

    မြန်မာစစ်တပ်ရဲ့ ပြောရေးဆိုခွင့်ရှိသူ ဗိုလ်မှူးချုပ် ဇော်မင်းထွန်းက ဒီကိစ္စနဲ့ပတ်သက်ပြီး တိတိကျကျပြောလို့မရပေမယ့် ဒါဟာ ထိုင်းနဲ့ မြန်မာစစ်တပ်တို့အကြားဖြစ်တဲ့ ပြဿနာမျိုးမဟုတ်ဘူးလို့ ဧရာ၀တီသတင်းဌာနကို ပြောကြားခဲ့ပါတယ်။

    ထိုင်းဘက်က စက်ရုံတွေမှာ မနက်အလုပ်သွားလုပ်ပြီး ညနေ‌ဖက်ပြန်လာတဲ့ ရွှေ့ပြောင်းလုပ်သား အနည်းဆုံး ၅ ထောင်လောက် ဘုရားသုံးဆူမှာ နေထိုင်နေတာပါ။ ထိုင်းဖက်ကို နေ့စဉ် ကျောင်းသွားတက်တဲ့ ကလေးငယ်အရေအတွက်ကလည်း ၁၀၀ ကျော်လောက် ရှိနေပါတယ်။

    သောကြာနေ့မှာ ကျောင်းသားတွေအတွက် နယ်စပ်ဂိတ်ကို မြန်မာအာဏာပိုင်တွေက ဖွင့်ပေးခဲ့ပေမယ့် အခြားသူတွေကိုတော့ မဖွင့်ပေးဘူးလို့လည်း ဒေသခံတွေက ဆိုပါတယ်။

    Ref: Irrawaddy

  • ထုိင္းႏုိင္ငံတြင္ ယာဥ္မေတာ္တဆမႈေၾကာင့္ ၂ ပတ္အတြင္း ျမန္မာ ၂၆ ဦး ေသဆံုး

    ထုိင္းႏုိင္ငံတြင္ ယာဥ္မေတာ္တဆမႈေၾကာင့္ ၂ ပတ္အတြင္း ျမန္မာ ၂၆ ဦး ေသဆံုး

    ဧၿပီ ၁၂၊ ၂၀၁၈
    M-Media

    တနလၤာေန႔က ဘတ္စ္ကားတိမ္းေမွာက္မႈျမင္ကြင္း

    – ထုိင္းႏုိင္ငံ တက္ခ႐ုိင္မွာ ခရီးသည္တင္ဘတ္စ္ကားတစ္စီး တနလၤာေန႔က တိမ္းေမွာက္မႈအတြင္း ျမန္မာေရႊ႕ေျပာင္းလုပ္သား ၆ ဦးေသဆံုးကာ ၃၀ ေက်ာ္ေလာက္ ဒဏ္ရာရရွိခဲ့တယ္လုိ႔ သိရပါတယ္။

    ျမန္မာအလုပ္သမား ၅၁ ဦးကုိ တင္ေဆာင္လာတဲ့ အဲဒီဘတ္စ္ကားဟာ ဘန္ေကာက္ကုိအလာမွာ လမ္းေဘးေရေျမာင္းထဲ ထုိးက်တိမ္းေမွာက္ခဲ့တာပါ။

    ဘန္ေကာက္ၿမိဳ႕ ျမန္မာသံ႐ံုးက အလုပ္သမားေရးဆုိင္ရာ တာ၀န္ရွိသူ ဦးဆန္းေမာင္ဦးက ဒဏ္ရာရရွိတဲ့သူေတြဟာ အသက္အႏၱရာယ္ စိုးရိမ္ရမႈ မရွိဘူးလို႔ အဂၤါေန႔မွာ ေျပာၾကားခဲ့ပါတယ္။

    ယာဥ္မေတာ္တဆျဖစ္ခဲ့တဲ့ ျမန္မာအလုပ္သမားေတြဟာ ျမန္မာႏုိင္ငံက အလုပ္အကိုင္ရွာေဖြေရးေအဂ်င္စီတစ္ခုျဖစ္တဲ့ Golden Royal Mandalay Overseas Employment Agency ကေန ဘန္ေကာက္က လွ်စ္စစ္စက္႐ံုတစ္ခုမွာ အလုပ္လုပ္ဖုိ႔အတြက္ ေစလႊတ္ခဲ့တဲ့ အလုပ္သမား ၂၀၀ ထဲက ျဖစ္ပါတယ္။

    ဘန္ေကာက္က ျမန္မာသံ႐ံုးကေတာ့ အခင္းျဖစ္ရာေနရာကို တာ၀န္ရွိသူ ၂ ဦး ေစလႊတ္ထားတယ္လုိ႔ ေျပာၾကားခဲ့ပါတယ္။

    ဘတ္စ္ကားအာမခံထားတဲ့ ကုမၸဏီက အခင္းျဖစ္ပြားစဥ္ ေသဆံုးသြားသူေတြရဲ႕ မိသားစုတစ္စုစီကုိ ဘတ္ ၇ သိန္း (ျမန္မာေငြ သိန္း ၃၀ နီးပါး) နစ္နာေၾကးေပးသြားဖုိ႔ ရွိေနတယ္လုိ႔ ထုိင္းႏုိင္ငံက ေရႊ႕ေျပာင္းအလုပ္သမားအေရး ေဆာင္ရြက္ေနတဲ့အဖြဲ႕ေတြနဲ႔ ျမန္မာသံ႐ံုး တာ၀န္ရွိသူေတြက ေျပာၾကားခဲ့ပါတယ္။

    ဦးဆန္းေမာင္ဦးက ဒီလုိအျဖစ္အပ်က္မ်ိဳးေတြ ထပ္မျဖစ္ေအာင္ အလုပ္သမားပုိ႔တာေတြ ဆုိင္းငံ့ထားမွာျဖစ္ေၾကာင္း၊ မဲေဆာက္ကေန ဘန္ေကာက္ကုိသြားတဲ့ ကားေတြဟာ လုိအပ္တဲ့ စစ္ေဆးမႈေတြ ျပဳလုပ္ထားျခင္းမရွိေၾကာင္း၊ တက္ခ႐ုိင္မွာ အခုတစ္ေလာ အနည္းဆံုး ေမာ္ေတာ္ယာဥ္မေတာ္တဆမႈ ၄ ခု ျဖစ္ပြားခဲ့ၿပီး သႀကၤန္အတြက္ အိမ္ျပန္လာတဲ့ ျမန္မာအလုပ္သမား ၁၄ ဦးဟာ တနလၤာေန႔က ဗန္ကားတစ္စီး မီးေလာင္မႈအတြင္း သီသီေလး လြတ္ေျမာက္ခဲ့ေၾကာင္း ေျပာၾကားခဲ့ပါတယ္။

    မတ္လ ၃၀ ရက္ေန႔က တက္ခ႐ုိင္မွာ ဘတ္စ္ကားတစ္စီး မီးေလာင္မႈအတြင္း ျမန္မာအလုပ္သမား ၂၀ ေသဆံုးခဲ့ပါတယ္။

    Ref: mmtimes