News @ M-Media

Tag: Myanmar women

  • တရုတ်မယားအဖြစ် ရောင်းစားခံရသည့် မြန်မာအမျိုးသမီးအရေအတွက် ၇ ထောင်ကျော် ရှိလာ

    တရုတ်မယားအဖြစ် ရောင်းစားခံရသည့် မြန်မာအမျိုးသမီးအရေအတွက် ၇ ထောင်ကျော် ရှိလာ

    ဒီဇင်ဘာ ၉၊ ၂၀၁၈
    M-Media

    – တရုတ်နိုင်ငံက အမျိုးသမီးလိုအပ်ချက်ကို ဖြည့်ဆည်းပေးဖို့အတွက် မြန်မာနိုင်ငံက အမျိုးသမီးထောင်ချီ လူကုန်ကူးခံနေရပြီး၊ တစ်ဆင့်တစ်ဆင့် ရာင်းစားခံရတာတွေလည်း ရှိနေတယ်လို့ Johns Hopkins Bloomberg School of Public Health က ထုတ်ပြန်တဲ့ အစီရင်ခံစာမှာ ဖော်ပြထားပါတယ်။

    ဆယ်စုနှစ်များစွာကြာ ရှိခဲ့တဲ့ တစ်အိမ်ထောင် ကလေးတစ်ယောက် ပေါ်လစီကြောင့် တရုတ်နိုင်ငံမှာ အမျိုးသမီးအရေအတွက် ၃၃ သန်းလောက် လိုအပ်နေတာ ဖြစ်ပါတယ်။

    ဒီကွာဟချက်ကို ဖြည့်ဆည်းပေးဖို့အတွက် ကမ္ဘောဒီးယား၊ လာအိုနဲ့၊ မြန်မာနဲ့ ဗီယက်နမ်တို့က ဆင်းရဲတဲ့အမျိုးသမီးတွေဟာ ပစ်မှတ်ဖြစ်လာခဲ့ပြီး တရုတ်ဇနီးလုပ်ဖို့ ရောင်းစားခံရတာတွေလည်း ရှိလာခဲ့ပါတယ်။

    ဒီကိစ္စနဲ့ပတ်သက်လို့ Johns Hopkins Bloomberg School of Public Health က ပထမဆုံး လေ့လာပြီး သောကြာနေ့က ထုတ်ပြန်တဲ့ အစီရင်ခံစာမှာ မြန်မာနိုင်ငံမြောက်ပိုင်း စစ်ပွဲတွေ ဖြစ်ပွားနေတဲ့ ကချင်ပြည်နယ်နဲ့ ရှမ်းပြည်နယ်တို့က အမျိုးသမီး ၇၅၀၀ လောက်ဟာ တရုတ်မယားအဖြစ် အဓမ္မ ရောင်းစားခံခဲ့ရတယ်လို့ ဖော်ပြထားပါတယ်။

    ဒီလိုရောင်းစားခံရပြီး မြန်မာနိုင်ငံကို ပြန်လည်ရောက်ရှိလာသူတွေ၊ လူကုန်ကူးခံရမှုကနေ လွတ်မြောက်လာသူတွေ၊ တရုတ်နိုင်ငံမှာ လက်ရှိ ရှိနေဆဲသူတွေကို လေ့လာမှုအတွင်းမှာ တွေ့ဆုံမေးမြန်းခဲ့တာ ဖြစ်ပါတယ်။

    မြန်မာနိုင်ငံကနေ ရောင်းစားခံရတဲ့ အမျိုးသမီးအများစုဟာ သူတို့ ယောက်ျားတွေအတွက် ကိုယ်ဝန်ဆောင်ပေးဖို့ အဓမ္မ ဖိအားပေး ခံခဲ့ရတယ်ဆိုတာကိုလည်း တွေ့ရှိခဲ့ပါတယ်။

    အစီရင်ခံစာကိုရေးသားသူ ဒဗလျူ ကော့လန်း ရော်ဘင်ဆင်က ‘ပဋိပက္ခ၊ ထွက်ပြေးရမှုနဲ့ ဆင်းရဲမွဲတေမှုတွေ’ ကြောင့် မြန်မာနိုင်ငံကအမျိုးသမီးတွေဟာ ထွက်ပြေးနေရပြီး၊ ‘တရုတ်နိုင်ငံ – အထူးသဖြင့် ကျေးလက်ဒေသတွေက အမျိုးသား-အမျိုးသမီး အရေအတွက် ကွာဟချက်ကလည်း’ နိုင်ငံရပ်ခြားက အမျိုးသမီးဝယ်လိုအားကို မြင့်တက်စေတယ်လို့ ပြောကြားခဲ့ပါတယ်။

    မြန်မာနိုင်ငံက အမျိုးသမီးတစ်ဦးက သူမဟာ တရုတ်နိုင်ငံကို ၃ ကြိမ်တိုင်တိုင် ရောင်းစားခံခဲ့ရပြီး အကြိမ်တိုင်းမှာ ‘ကလေးမွေးဖို့’ ဖိအားပေး ခံခဲ့ရတယ်လို့ ကချင်ပြည်နယ်နဲ့ ရှမ်းပြည်နယ်တို့မှာ မြေပြင်လေ့လာမှုတွေလုပ်ခဲ့တဲ့ ထိုင်းအမျိုးသမီးအသင်းက တာဝန်ရှိသူ မွန်နေလီကို ပြောကြားခဲ့ပါတယ်။

    “နိုင်ငံရေးမတည်ငြိမ်မှု၊ ပဋိပက္ခတွေနဲ့ မြေယာသိမ်းမှုတွေကြောင့် မြန်မာနိုင်ငံက အမျိုးသမီးတွေရဲ့ လုံခြုံရေးဟာ  စိန်ခေါ်မှုတစ်ခု ဖြစ်နေပါတယ်” လို့ မွန်နေလီက ပြောပါတယ်။

    တရုတ်အမျိုးသားတွေနဲ့ အဓမ္မလက်ထက်မှုကို မိသားစုဝင်တွေထဲကသူတွေ၊ ရပ်မိရပ်ဖတွေက ပွဲစားအဖြစ် စီစဉ်ပေးတာကြောင့် အမျိုးသမီးတွေဖက်က ငြင်းလို့မရဘဲ အသက်အရွယ်ကိုလိုက်ပြီး ကန်ဒေါ်လာ တစ်သောင်းကနေ၊ ၁၅၀၀၀ အထိ ဈေးပေါက်တယ်လို့ ဆိုပါတယ်။

    တရုတ်နိုင်ငံက လူများစုဖြစ်တဲ့ ဟန်တရုတ်တွေ သဘောမကျတဲ့ ကျေးလက်ဒေသက အဖိုးကြီးတွေ၊ နေထိုင်မကောင်းသူတွေ၊ မသန်စွမ်းသူတွေနဲ့ လက်ထက်ရလေ့ရှိပြီး အမျိုးသမီးတွေက လက်ထပ်ရလေ့ရှိပြီး၊ ကလေးယူပြီးတဲ့နောက် ပိုက်ဆံပြန်ဖော်ဖို့အတွက် တစ်ဆင့် ပြန်လည်ရောင်းစားခံရတာတွေလည်း ရှိနေပါတယ်။

    ရော်ဘင်ဆင်က တစ်ချို့အမျိုးသမီးတွေဟာ ကိုယ့်သဘောဆန္ဒနဲ့ လက်ထပ်တာတွေ ရှိပေမယ့် ကိစ္စတစ်ခုနဲ့တစ်ခု အခြေအနေတွေ မတူညီကြဘူးလို့လည်း ပြောပါတယ်။ မိဘတွေ ငွေရတဲ့အတွက် အမျိုးသမီးတွေဟာ တရုတ်ဇနီးအဖြစ် မလုပ်ချင်ဘဲ လုပ်ရတာတွေ ရှိနေပြီး ခံစားခဲ့ရတဲ့ ဒုက္ခတွေကို မိဘတွေ စိတ်မကောင်းဖြစ်မှာ စိုးရိမ်တဲ့အတွက် ပြန်မပြောကြဘူးလို့ အစီရင်ခံစာမှာ ဖော်ပြထားပါတယ်။

    ဒီလို အမျိုးသမီးတွေ တရုတ်မယားအဖြစ် ရောင်းစားခံရမှုကို တားဆီးနိုင်ရေးအတွက် ကချင်ပြည်နယ်နဲ့ ရှမ်းပြည်နယ်တို့မှာ ပဋိပက္ခတွေရပ်တန့်ရေး ဆောင်ရွက်ဖို့၊ လူကုန်ကူးမှုတိုက်ဖျက်ရေး တာဝန်ရှိသူတွေအနေနဲ့ ဥပဒေအတိုင်း လိုက်နာဆောင်ရွက်ပြီး အမျိုးသမီးတွေ သားကောင်းဖြစ်နေတယ်ဆိုတာကို သိရှိရေး ပညာပေးဖို့ မြန်မာအစိုးရကို အစီရင်ခံစာမှာ တိုက်တွန်းထားပါတယ်။

    Ref: CNA

  • စင်ကာပူမှ မြန်မာအိမ်အကူတို့၏ ဘ၀များ (မြန်မာစာတမ်းထိုး)

    စင်ကာပူမှ မြန်မာအိမ်အကူတို့၏ ဘ၀များ (မြန်မာစာတမ်းထိုး)

    ဖေဖော်ဝါရီ ၁၆၊ ၂၀၁၈
    M-Media

    – ဤမှတ်တမ်းရုပ်ရှင်တွင် ပါဝင်သည့် အကြောင်းအရာများမှာ ၂၀၁၆ ခုနှစ်တွင် ဖြစ်ပွားခဲ့သည့် ကိစ္စများ ဖြစ်ပါသည်။

    Source : Aljazeera

  • စင်ကာပူမှာ ဒုက္ခရောက်နေတဲ့ အိမ်အကူ မြန်မာအမျိုးသမီးငယ်တွေကို ဘယ်သူကူညီပေးမှာလဲ

    စင်ကာပူမှာ ဒုက္ခရောက်နေတဲ့ အိမ်အကူ မြန်မာအမျိုးသမီးငယ်တွေကို ဘယ်သူကူညီပေးမှာလဲ

    သြဂုတ် ၇၊ ၂၀၁၇
    M-Media

    – စင်ကာပူနဲ့ မြန်မာတို့က တရားမ၀င် အိမ်အကူလုပ်သား ပို့ဆောင်မှု၊ ခိုင်းစေမှုတို့ကို ပိတ်ပင်ထားပေမယ့် စင်ကာပူနိုင်ငံမှာ အသက် ၁၅ နှစ်လောက်ရှိတဲ့ အသက်မပြည့်သေးသူ မြန်မာမိန်းကလေးတွေဟာ အိမ်အကူအလုပ် လုပ်နေရတယ်လို့ NGO တစ်ခုက ဖော်ထုတ်လိုက်ပါတယ်။

    ၂၀၁၄ ခုနှစ်ကတည်းက စင်ကာပူနိုင်ငံဆီ အိမ်အကူလုပ်သား ပို့ဆောင်မှုကို မြန်မာအစိုးရက တားမြစ် ပိတ်ပင်ခဲ့တာပါ။

    ဒါပေမယ့် စင်ကာပူက အိမ်အကူလုပ်သား ကူညီရေးအဖွဲ့တစ်ခုက သူတို့ဆီမှာ အကူအညီတောင်းလာကြတဲ့ မြန်မာအမျိုးသမီး အရေအတွက်ဟာ တိုးလာတယ်လို့ ဆိုပါတယ်။ သူတို့ထဲက အချို့တွေဟာ ဆယ်ကျော်သက်တွေဖြစ်ပြီး စင်ကာပူဥပဒေအရ နိုင်ငံရပ်ခြားက အိမ်အကူအမျိုးသမီးတွေဟာ အသက် ၂၃ နှစ်ပြည့်ဖို့ လိုအပ်ပါတယ်။

    “ပျမ်းမျှ တစ်ပတ်ကို ပြဿနာတစ်ခုလောက် ကျွန်မတို့ တွေ့နေရတယ်” လို့ စင်ကာပူနိုင်ငံက ရွှေ့ပြောင်းလုပ်သားတွေကို ကူညီဖေးမနေတဲ့ HOME အဖွဲ့က စတီဖနီ ချော့က်က အသက်မပြည့်သေးတဲ့ မြန်မာအမျိုးသမီး အိမ်အကူတွေကို ရည်ညွှန်းပြီး ပြောကြားခဲ့ပါတယ်။

    ပြီးခဲ့တဲ့နှစ်တုန်းကဆိုရင် သူတို့ဆီမှာ မြန်မာအိမ်အကူ ၂၇၂ ဦးလောက် လာရောက်အကူအညီတောင်းခံခဲ့ပြီး ၂၀၁၅ ခုနှစ်မှာ ၁၅၅ ဦး ရှိခဲ့ပါတယ်။

    “အကူအညီတောင်းတဲ့ မြန်မာအိမ်အကူတွေ ပိုများလာတာကို ကျွန်မတို့ တွေ့လာရပါတယ်။ အရင်က ဖိလစ်ပိုင်တွေ၊ အင်ဒိုတွေက များတာပါ။ တစ်ချို့သီတင်းပတ်တွေမှာဆိုရင် အကူအညီလာတောင်းတဲ့သူ ၄၀ ရာခိုင်နှုန်းလောက်က မြန်မာနိုင်ငံက ဖြစ်နေတာတွေ ရှိပါတယ်” လို့ သူမက ထည့်သွင်းပြောဆိုခဲ့ပါတယ်။

    အလ်-ဂျာဇီးရားသတင်းဌာနရဲ့ စုံစမ်းဖော်ထုတ်မှုအစီအစဉ် 101 East မှာ မြန်မာနိုင်ငံက အေးဂျင့်တွေဟာ အသက်လိမ်ထားတဲ့ နိုင်ငံကူးလက်မှတ်အတုတွေနဲ့ မြန်မာနိုင်ငံက အမျိုးသမီးငယ်တွေကို စင်ကာပူမှာ အလုပ်အလုပ်ဖို့ ပို့ဆောင်ခဲ့တယ်ဆိုတဲ့အကြောင်း ဖော်ထုတ်ထားပါတယ်။

    အသက် ၁၅ နှစ်အရွယ် အမျိုးသမီးတစ်ဦးက အေးဂျင့်တွေဟာ သူ့ကို စာရွက်စာတမ်းအတုတွေပေးပြီး သူမရဲ့ အသက်ကို လိမ်ခိုင်းကြောင်း၊ ပြီးတဲ့နောက်မှာ စင်ကာပူကို ရောက်လာခဲ့ကြောင်း 101 East ကို ပြောကြားခဲ့ပါတယ်။ စင်ကာပူရောက်တဲ့အခါမှာတော့ သူမဟာ ကလေးငယ်နှစ်ဦးကို ထိန်းကျောင်းရပြီး ညပိုင်းအထိ အိမ်အလုပ်တွေလုပ်ဖို့ အတင်းအဓမ္မ ခိုင်းစေခြင်း ခံနေရပါတယ်။

    စင်ကာပူအစိုးရအဖွဲ့တစ်ခုဖြစ်တဲ့ Transient Workers Count Too က ပြီးခဲ့တဲ့နှစ်အတွင်း ပြုလုပ်တဲ့ စစ်တမ်းမှာ သူတို့ အင်တာဗျူးခဲ့တဲ့ မြန်မာအိမ်အကူအမျိုးသမီး ၅၅ ဦးမှာ ၁၆ ဦးက စင်ကာပူကိုရာက်ရှိစဉ်မှာ ၂၃ နှစ်အောက် အသက်မပြည့်သေးသူ ဖြစ်နေတယ်ဆိုတာ တွေ့ခဲ့ရပါတယ်။

    “အသက် ၁၈ နှစ်အောက် အလုပ်သမားတွေတောင် ရှိပါတယ်။ မြန်မာအမျိုးသမီးတွေအတွက် ဒါဟာ ပုံမှန်ပြဿနာတစ်ခုလို ဖြစ်နေတာပါ” လို့ အဖွဲ့က ဂျွန်ဂီးဆိုသူက ပြောကြားခဲ့ပါတယ်။

    အလုပ်မဖြစ်သည့် လုပ်ငန်းစဉ်များ

    စင်ကာပူမှာ အိမ်အကူအဖြစ် အလုပ်လုပ်နေရတဲ့ မြန်မာမိန်းကလေးငယ်တွေရဲ့ ပြဿနာတော်တော်များများကို ပြီးခဲ့လတွေအတွင်းမှာ မြန်မာမီဒီယာတွေက ဖော်ပြခဲ့ဖူးပါတယ်။

    ဇွန်လတုန်းက အသက် ၂၅ နှစ်အရွယ် မြန်မာအမျိုးသမီးတစ်ဦးဟာ စင်ကာပူအဆောက်အဦးတစ်ခုရဲ့ ၁၈ လွှာကနေ ခုန်ချသေဆုံးခဲ့ပါတယ်။

    နောက်ထပ်အဖြစ်အပျက်တစ်ခုက အသက် ၁၅ နှစ်အရွယ် အိမ်အကူအမျိုးသမီးတစ်ဦးဟာ သူအလုပ်လုပ်နေတဲ့ ၉ လွှာအိမ်က ပြုတ်ကျပြီး အာရုံကြောဒဏ်ရာ ရရှိသွားတာပါ။

    ချော့က်က ပြီးခဲ့တဲ့ ၃ နှစ်မှာ မြန်မာအစိုးရက စင်ကာပူကို အိမ်အကူပို့ဆောင်မှုလုပ်ငန်းကို ပိတ်ပင်ခဲ့ပေမယ့် ပြောင်းလဲမှု သိပ်မရှိဘူးလို့ ဆိုပါတယ်။

    “အိမ်အကူလုပ်သားတွေက စင်ကာပူကို ၀င်ရောက်ခွင့်ရနေတဲ့အတွက် ဒီပိတ်ပင်မှုဟာ မြေပြင်မှာ တကယ် သက်ရောက်မှုမရှိဘူးဆိုတာ ကျွန်မတို့ တွေ့ရပါတယ်။ ကျွန်မတို့အတွက် ဒါဟာ နေ့စဉ်ပုံမှန်ကိစ္စလို ဖြစ်နေပါတယ်”

    စင်ကာပူနိုင်ငံက မြန်မာသံရုံးကတော့ အလ်ဂျာဇီးရားရဲ့ မေးမြန်းမှုကို ပြန်လည်ဖြေကြားခြင်း မရှိပါဘူး။

    ဒါပေမယ့် စင်ကာပူအစိုးရရဲ့ လူ့စွမ်းအားဝန်ကြီးဌာနက ပြောရေးဆိုခွင့်ရှိသူက နိုင်ငံအတွင်း အသက်မပြည့်သေးတဲ့ အိမ်အကူအရေအတွက်ဟာ ကျဆင်းသွားတယ်လို့ ဆိုပါတယ်။

    ၀န်ကြီးဌာနက ထုတ်ပြန်တဲ့ကြေငြာချက်မှာ ပြောရေးဆိုခွင့်ရှိသူတစ်ဦးက နိုင်ငံခြား အိမ်အကူလုပ်သားတွေရဲ့ အသေးစိတ်အချက်အလက်ကို နိုင်ငံကူးလက်မှတ်မှာ ဖော်ပြဖို့ဆိုတာ မူရင်းနိုင်ငံက အာဏာပိုင်တွေ အရေးတစ်ကြီးဆောင်ရွက်ရမယ့် ကိစ္စဖြစ်တယ်လို့ ဆိုပါတယ်။

    အလုပ်ရှာပေးတဲ့ အေဂျင်စီတွေအနေနဲ့ အလုပ်သမားတွေရဲ့ စာရွက်စာတမ်းတွေနဲ့ပတ်သက်ပြီး စစ်ဆေးဖို့၊ တွေ့ဆုံမေးမြန်းဖို့ စင်ကာပူအစိုးရက မျှော်လင့်နေပါတယ်။

    ချမှတ်ထားတဲ့စည်းကမ်းတွေ မလိုက်နာမှုအတွက်ကြောင့် ၂၀၁၂ ခုနှစ်ကနေ ၂၀၁၆ ခုနှစ်အတွင်း အလုပ်အကိုင်အေဂျင်စီ ၉ ခုကို ၀န်ကြီးဌာနက အရေးယူခဲ့ပါတယ်။

    ဒါပေမယ့် ဘယ်လိုအရေးယူမှုတွေ လုပ်ခဲ့လဲဆိုတာကိုတော့ ကြေငြာချက်မှာ ဖော်ပြမထားပါဘူး။ အေဂျင်စီတွေဟာ ဒဏ်ငွေ စင်ကာပူဒေါ်လာ ၅၀၀၀၊ ဒါမှမဟုတ် ထောင်ဒဏ်တွေ ကျခံရနိုင်သလို၊ သူတို့ရဲ့ လိုင်စင်တွေလည်း အသိမ်းခံရနိုင်ပါတယ်။

    အသက်မပြည့်သေးတဲ့သူတွေကို ခိုင်းစေနေလားဆိုတာကို သိရှိစေဖို့အတွက် စင်ကာပူအစိုးရက ဆောင်ရွက်နေတဲ့ အခြားနည်းလမ်းတွေမှာ အရမ်းငယ်ပုံပေါက်နေတဲ့သူတွေကို တွေ့ဆုံမေးမြန်းတာ၊ အသက်သတ်မှတ်ချက်ကို အိမ်အကူတွေ သိရှိစေဖို့အတွက် အသိပညာပေး အစီအစဉ်တွေကို မဖြစ်မနေ တက်ရောက်ရတာတွေလည်း ပါဝင်ပါတယ်။

    ဒဏ်ငွေ သို့မဟုတ် ထောင်ဒဏ်

    စင်ကာပူကအိမ်တွေမှာ အလုပ်လုပ်နေတဲ့ အိမ်အကူအရေအတွက်ဟာ ၂၄၀၀၀၀ လောက်ရှိနေပြီး အများစုက ဖိလစ်ပိုင်၊ အင်ဒိုနီးရှားတို့က လာတာဖြစ်ပေမယ့် မြန်မာနိုင်ငံက လာရောက်သူတွေဟာ အချို့တဲ့ဆုံးသူတွေဖြစ်တယ်လို့ NGO အဖွဲ့မှာ လုပ်ကိုနေတဲ့သူတွေက ပြောကြားခဲ့ပါတယ်။

    ချော့က်ကတော့ မြန်မာနိုင်ငံက အိမ်အကူလုပ်သားတွေဟာ အင်္ဂလိပ်စကား သိပ်မပြောတတ်ဘဲ သူတို့စာချုပ်မှာ သတ်မှတ်ထားသလိုမျိုး ပိတ်ရက်လည်း မရဘူးလို့ ဆိုပါတယ်။

    “ဒါက သူတို့ကို ပိုပြီး အထီးကျန်စေပါတယ်”

    စင်ကာပူက ကူညီကယ်ဆယ်ရေး NGO တွေကို ရောက်လာကြတဲ့ မြန်မာအမျိုးသမီးတွေရဲ့ ပြဿနာတွေထဲမှာ လုပ်ခလစာ မရတာကနေ၊ အိမ်ရှင်တွေက နှုတ်နဲ့စော်ကားတာ၊ ကိုယ်ထိလက်ရောက် ရိုက်နှက်တာ၊ လိင်ပိုင်းဆိုင်ရာ စော်ကားတာတွေ ပါဝင်ပါတယ်။

    အိမ်ရှင်တွေက အစားအသောက် ၀အောင်မကျွေးတာ၊ ပေါင်မုန့်လောက်ပဲ ကျွေးတာတွေ ရှိတယ်လို့လည်း တစ်ချို့တွေက ပြောပါတယ်။

    “‘ဗိုက်စာပြေအောင် သမီးတို့ ဘာစားလဲ’ လို့ ကျွန်မ သူတို့ကို မေးတဲ့အခါ။ သူတို့က ရေသောက်တယ်လို့ ပြောပါတယ်” လို့ ချော့က်က ပြောကြားခဲ့ပါတယ်။

    Transient Workers Count Too အဖွဲ့က ဂျွန်ဂီးက မြန်မာအိမ်အကူလုပ်သားတွေဟာ အိမ်ရှင်တွေရဲ့ ပိတ်လှောင်ခံရမှုမျိုး ရှိနေပြီး ဖုန်းဆက်ခွင့်လည်း မရဘူးလို့ ဆိုပါတယ်။

    “အကူအညီအများဆုံးလိုအပ်တဲ့ အမျိုးသမီးတွေဟာ ဒီလို အခွင့်အလမ်းမျိုးကို အနည်းဆုံးရသူတွေ ဖြစ်နေပါတယ်”

    စင်ကာပူ လူ့စွမ်းအားဝန်ကြီးဌာနက အိမ်အကူတွေကို နှိပ်စက်တဲ့ အိမ်ရှင်တွေအနေနဲ့ ဒဏ်ငွေအများအပြား၊ ဒါမှမဟုတ် ထောင်ဒဏ်တွေ ကျခံရမယ်လို့ ဆိုပါတယ်။

    “နိုင်ငံခြား အိမ်အကူလုပ်သားတွေကို ညှင်းပမ်းသူတွေဟာ ပြစ်ဒဏ်ရဲ့ တစ်ဆခွဲလောက် ပြင်းထန်တဲ့ အရေးယူမှုကို ခံရနိုင်ပြီး နိုင်ငံရပ်ခြား အိမ်အကူတွေကို နောက်ထပ် အလုပ်ခန့်ထားခွင့်လည်း ပိတ်ပင်ခံရနိုင်ပါတယ်” လို့ ၀န်ကြီးဌာနရဲ့ ကြေငြာချက်မှာ ဖော်ပြထားပါတယ်။

    HOME က စီစဉ်ပေးထားတဲ့ နေရာမှာတော့ အကူအညီတောင်းလာတဲ့ အမျိုးသမီးတွေအားလုံးကို နေရာပေးဖို့ မဆန့်တော့ဘူးလို့ ချော့က်က ဆိုပါတယ်။

    “အခန်းက အမြဲတမ်းပြည့်နေတာရှင့်”

    Ref: Aljazeera

    (Aljazeera သတင်းဌာနတွင် ဖော်ပြထားသည့် Underage maids from Myanmar seek help in Singapore ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)