News @ M-Media

Tag: MyanmarMuslim History

  • ဘုရင့်နောင် မင်းတရားကြီးနှင့် မဂိုဧကရာဇ် အက္ကဘရ် သံတမန် ဆက်သွယ်မှု

    ဘုရင့်နောင် မင်းတရားကြီးနှင့် မဂိုဧကရာဇ် အက္ကဘရ် သံတမန် ဆက်သွယ်မှု

    Ba Yint Naung and Akaba
    ရတနာပုံမောင်မောင်ခင် ရေးသည်။

    (၁) “သံတမန်အစ ပုဂံခေတ်က”
    ——————————-
    တာတာဧကရာဇ် ကုဗလေ့ခန်မင်းကြီးလက်ထက် ပုဂံပြည်ရှင် တရုတ်ပြေးမင်းထံ သံတမန်များ ရောက်ရှိခဲ့သည်။ မောင်ဂိုစစ်ကြီး ပြီးဆုံးပြီးနောက် ပုဂံပြည်ရှင်က ရှင်ဒီသာပါမောက္ခကို သံအမတ်ကြီးအဖြစ် ခန့်အပ်ပြီး ကုဗလေခန်မင်းကြီးထံ စေလွတ်ခဲ့သည်။

    သံတမန်အပြန်ပြန် အလှန်လှန်စေလွတ်မှုသည် ပုဂံခေတ်အခါသမယကပင် ရှိခဲ့ကြောင်း ထင်ရှားနေပေသည်။ ခရစ်သက္ကရာဇ် (၁၅၃၈)ခု မဂိုလ်ဧကရာဇ်အက္ကဘာရ်၏ ခမည်းတော် တူမားရွန်းသည် (Gaur) ဂေါ်မြို့၌ စိုးစံနေသော (Gori Pathan) ဂိုရီပထန်မင်း
    ဆက်များနှင့် စစ်တိုက်ခိုက်ခဲ့ရာ နောက်ဆုံး ဂိုရီပထန် (Gori Pathan) ဘုရင်များ အရေးနိမ့်ပြီး၊ ဂေါ်မြို့မှ တိမ်းရှောင် ထွက်ပြေးကြ ရလေသည်။ ဂိုရီပထန်စစ်သည်တော်များ (Parsi) ပါရ်စီစစ်သည်တော်များ၊ (Raiput) ရာဂ်ျပွတ်စစ်သည်တော်များသည်

    နောက်ကထပ်ကြပ်မကွာ လိုက်လံတိုက်ခိုက်နေမှုကြောင့် နီးစပ်ရာ အိမ်နီးနားချင်းနိုင်ငံသို့ စစ်ပြေးဒုက္ခသည်များအဖြစ် ခိုလှုံကြရလေသည်။ ဂိုရီပထန်ပါရ်စီခေါ် ပသီစစ်ပြေးများသည် ရခိုင်ဘုရင်ထံ၌လည်းကောင်း၊ ဟံသာဝတီ တပင်ရွှေထီးဘုရင်ထံ၌ လည်းကောင်း၊
    ဘုရင့်နောင်ကျော်ထင်မင်းတရားကြီးထံတော်ပါး သို့လည်းကောင်း၊ ထိုင်းနိုင်ငံ၊ မလေးရှားနိုင်ငံ၊ အင်ဒိုနီးရှား နိုင်ငံများသို့လည်းကောင်း တစ်သုတ်ပြီးတစ်သုတ်တိမ်းရှောင် ခဲ့ကြလေသည်။ ထိုင်းနိုင်ငံတွင် ဂိုရီပထန်စစ် ပြေးများ နေထိုင်ရာ၊ ပထန်နီနယ် သို့မဟုတ် ပတာနီနယ်ကြီး ယခုတိုင်တည်ရှိ နေပေသေးသည်။ မဂိုလ် အက္ကဘာရ်ဘုရင်သည် ပထန်မင်းဆက်များကို အပြီး အပြတ်အောင်နိုင်တော်မူပြီး ဒေလီမြို့တော်၌ အိန္ဒိယ နိုင်ငံတစ်ခုလုံး၏ ဧကရာဇ်အဖြစ် နန်းတက်ခဲ့လေသည်။

    အက္ကဘာရ်ဘုရင်လက်ထက်တော်၌ နောက်ဆုံး ဂိုရီပထန်မင်းဆက်သစ္စာခံတော်များသည် ဘုရင့်နောင် မင်းတရားကြီးထံတော်ပါးသို့ ခိုလှုံဝင်ရောက်ခဲ့ပေသည်။ ခရစ်သက္ကရာဇ် (၁၅၄၅) ခုနှစ် တပင်ရွှေထီး ရခိုင်သို့ ချီတက်စဉ် မဂိုလ်မင်းများ အကြောင်းကို ကြားသိသောကြောင့် ဆက်သွယ် ခဲ့သည်။

    (၂)”ဘုရင့်နောင်ထံခိုလှုံပြန်”
    ——————————-
    ဟံသာဝတီပြည့်ရှင် တပင်ရွှေထီးလက်ထက်တော် အခါသမယကပင် ပသီတပ်မတော်နှင့် ပေါ်တူဂီဘုရင်ဂျီတပ်မတော်များရှိခဲ့သည်။ ခရစ်သက္ကရာဇ်(၁၅၄၃) ခု မြန်မာသက္ကရာဇ် ၉၀၅ ခု တပင်ရွှေထီး၊ ပြည်မြို့သို့စစ်ချီတက်တော်မူစဉ် ပသီကုလား ပန်းသေး တပ်မတော်သားများ ပါဝင်ခဲ့ပေသည်။ ကုလားပန်းသေးတို့ကိုလည်း အထူးထူးသော ဦးရစ်ဘောင်းဘီတို့ဖြင့် တန်ဆာဆင်ယင် ၀တ်စားစေ၍ စိန်ပြောင်းမြတပူစွဲစေ၍ လိုက်ရသည်။

    ဦးကုလားမဟာရာဇ၀င်ကြီး၊ ဒုတိယတွဲ စာမျက်နှာ ၂၀၃

    ဦးကုလားနှင့် မှန်နန်းရာဇ၀င်ကြီးများ၌ ပေါ်တူဂီဘုရင်ဂျီနှင့် ပသီပန်းသေးကုလားများကို ခွဲခြားပြီးရေးလေ့ရှိသောကြောင့် မှားယွင်းရန်မရှိပေ။

    ဘုရင့်နောင်သည် ဒုတိယမြန်မာနိုင်ငံတော်ကြီး တည်ဆောက်ရန်အတွက် စစ်သည်ရဲမက်အင်အား လိုအပ်နေပေရာ ဘုရင့်နောင်မင်းတရားကြီးသည် ရဲမက်စစ်သည်တို့ကို စုဆောင်းလျက်ရှိပေသည်။ အိန္ဒိယနိုင်ငံဂေါမြို့တော်ကို ဟူမာယွန်းဘုရင်နှင့် အက္ကဘာရ်ဘုရင်တို့၏ တိုက်ခိုက်မှုကြောင့် စစ်ရှုံးဂိုရီပထန်များ၊ ပါစီခေါ် ပသီလူမျိုးများ ပဲခူးသို့ ခိုဝင်လာမှုကို လက်ခံခဲ့ပေသည်။ ဘုရင့်နောင်သည် မိမိ၏ကိုယ်ရံတော် တပ်မဟာကြီးတွင် ပစီ သို့မဟုတ် ပသီစစ်သား လေးထောင်တို့ကို မိမိ၏ကိုယ်ရံတော်အဖြစ် ခန့်အပ်တော်မူခဲ့သည်။ ယင်းလူမျိုးများထံမှ အက္ကဘာရ်ဘုရင်၏ သတင်းများကို ကြားသိခဲ့ရလေသည်။

    ဘုရင့်နောင်မင်းတရားကြီးသည် မိမိကဲ့သို့ ဘုန်းတန်ခိုးကြီးမားသော အက္ကဘာရ် ဧကရာဇ်ထံ သံတမန်များဆက်သွယ်ရန် ရည်ရွယ်ချက် ထားတော်မူသည်။ ဒုတိယမြန်မာနိုင်ငံတော်ကို တည်ထောင်ပြီးနောက်ဖာရီစီစကား၊ ဟင်ဒီစကားတတ်ကျွမ်းသောပသီများကို ဆင့်ခေါ်တော်မူပြီး သံကြီး၊ တမန်ကြီးများအဖြစ်ခန့်အပ်တော်မူသည်။ ရေလမ်းဖြင့် ပင်လယ်ကိုဖြတ်ကျော်ပြီး ဘင်္ဂလားပြည်သို့ သွားခဲ့သည်။ ဂင်္ဂါမြစ်များအတိုင်း လှော်တက်ပြီး ဒေလီမြို့တော်သို့ရောက်ရှိပြီး အက္ကဘာရ်ဘုရင်နှင့် ဆက်သွယ်ခဲ့ပေသည်။ စစ်ရဲမက်
    အင်အား ပြည့်စုံသောအခါ ဟံသာဝတီ ပဲခူးနေပြည်နေပြည်တော်တွင် စိုးစံနေသော ဘုရင့်နောင်မင်းတရားကြီးသည်လည်း မဏိပူရပြည်၊ ထိုင်းနိုင်ငံ၊ ဇင်းမယ်ပြည်၊ ကမ္ဘောဒီးယားပြည်၊ အင်ဒိုချိုင်းနားပြည်၊ လောပြည်၊ တနင်္သာရီနယ်တို့ကို တိုက်ခိုက် သိမ်းယူတော်မူပြီး ဧကရာဇ်ဘွဲ့ကို ခံယူတော်မူသည်။

    (၃) ပသီအစပါစီက
    ——————-
    ဘုရင်နောင်လက်ထက်မှစ၍ မြန်မာမင်းတို့သည် အမြောက်ပြောင်းချ သေနတ်များကို အသုံးပြုကြသည်။ အမြောက်ကိုင် စစ်သား၊ သေနတ်ကိုင် စစ်သားတို့သည် အများအားဖြင့် သုံပန်းများဖြစကြသော ပေါ်တူဂီ ပသီ သို့မဟုတ် ယင်းတို့မှ ဆင်းသက်လာသူများ  ဖြစ်ကြသည်။

    ဇမ္ဗူဒ်ီပဥဆောင်းကျမ်းနိဒါန်း

    ခရစ်သက္ကရာဇ် (၁၅၆၈) ခု၊ မြန်မာသက္ကရာဇ် (၉၃၀) ခု ဘုရင်နောင်မင်းတရားကြီး ထိုင်းနိုင်ငံသို့ ချီတက်ရာတွင် ပသီကိုယ်ရံတော် အသေခံတပ်မတော်သားပေါင်း လေးထောင်ခြံရံတော်မူလျက် ချီတက်တိုက်ခိုက်တော်မူခဲ့လေသည်။ ကုလားဘရင်ဂျီလေးရာ တို့ကိုလည်း  ရွှေဦးထုပ်၊ ဘောင်းဘီဝတ်စေလျက် လက်ဝဲ၊လက်ယာ၊ ရှေ့နောက် တစ်ရာစီ စိန်ပြောင်းစွဲစေလျက် လိုက်ရသည်။ ကုလားပသီလေးထောင်တို့ကိုလည်း သံပေါက် ဘောင်းဘီဝတ်စေပြီးလျှင် သေနတ်စွဲစေ၍ ရှေ့နောက်၊ လက်ဝဲလကျာ်တစ်ထောင်စီ လိုက်ရသည်။

    အပိုဒ် ၃၃၅၊ ဦးကုလား မဟာရာဇ၀င်ကြီး ဒုတိယတွဲ၊ စာမျက်နှာ ၄၀၁

    ပုဂံခေတ်အခါသမယက ယင်းအရိယန်လူမျိုး အစ္စလာမ်ဘာသာဝင်များသည် ကံရာဇာကြီး၊ ကံရာဇာငယ် အာသံမှမြန်မာနိုင်ငံသို့ ၀င်ရောက်လာသော ပိုးလမ်းမကြီးအတိုင်း ၀င်ရောက်လာကြပြီး အနော်ရထာမင်းထံတော်တွင် အလုပ်အကျွေး ကုလားခြေလျင်ရှစ်ကျိပ် အဖြစ် အမှုထမ်းခဲ့ကြသည်။ တရုတ်ပြေးမင်းလက်ထက် ကုဗလေခန်မင်းကြီး၏ စစ်သူကြီး နဇရွဒ်ဒင်နှင့်အတူ ပါစီများ၊ တူရကီများ၊ ပန်းသေးများ၊ မဂိုလ်များပုဂံနေပြည်တော်သို့ ၀င်ရောက်ခဲ့ကြသည်။

    ပုဂံခေတ်ကစပြီး မြန်မာနိုင်ငံအတွင်း နေထိုင်ခဲ့သော ပသီပေါင်းမြောက်မြားစွာရှိသည့်အနက် စစ်ကျွမ်းကျင်သော ပသီ လေးထောင်ကျော်ကိုရွေးထုတ်တော်မူပြီး အသေခံပသီ လေးထောင် ကိုယ်ရံတော်တပ်မဟာကို ဖွဲ့စည်းခဲ့လေသည်။ ပသီဟူသည်ကား ဖာရစီစကား၊ ပါစီစကားမှဆင်းသက်လာပြီး ပါစီမှပသီအဖြစ်သို့ ပြောင်းလဲခဲ့ပေသည်။ ပါရ်စီ အဓိပ္ပာယ်ကား မြင်းစီးသူရဲကောင်းဟူ၍ အဓိပ္ပာယ်ရရှိသည်။ ထို့ကြောင့်ပသီ၏ အဓိပ္ပာယ်သည် မြင်းစီးသူရဲကောင်းဟူ၍ အနက်ထွက်သည်။ ပါစီစကားပြော အမျိုးအနွယ်စုဝင်များကား ပထန်၊ တူရီဂီ၊ ဘိုခါရာလူ၊ တာတာ၊ မဂိုလ်၊ စီကိုင်းပန်း သေးများ၊ ရုရှားနိုင်ငံရှိ မွတ်စလင်လူမျိုးစုဝင်များဖြစ်ကြ၏။ ယင်းလူမျိုးများသည် စစ်တိုက်ဝါသနာ ထုံသူများဖြစ်ကြသောကြောင့် ရောက်လေ ရာနိုင်ငံများတွင် စစ်မှုထမ်းကြကုန်လျက် အခြေချနေထိုင်ကြလေ သည်။ ပါစီစကားပြော လူမျိုးအားလုံးသည် မူရင်းပါစီလူမျိုးများက ဆင်းသက်သူများ ဖြစ်ကြ၏။ ပါရှားနိုင်ငံသည် မူလစွန္နီဘာသာဝင်များဖြစ်ကြသည်။ ပါစီတို့ သာသနာပြုမှုကြောင့် လည်းကောင်း၊ သွေးသားနှီးနှောမှုကြောင့်လည်းကောင်း၊ ပထန်များ၊ ပန်းသေးများ၊ မဂိုလ်များ၊ တာတာများ၊ တူရဂီများ အစ္စလာမ်ဖြစ်လာရပေသည်။ နတ်ရှင်နောင် စပ်ဆိုသောရတုများတွင် ပိုလို(Polo) ကစားခြင်းအကြောင်းများ ပါရှိနေပေသည်။ ပိုလိုကစားမည့် သူများသည် အုပ်စုနှစ်စုခွဲပြီး၊ မြင်းများစီးရလေသည်။ သုံးပေကျော်ခန့် တုပ်တန်းထိပ်တွင်တူ(သို့မဟုတ်) တင်းပုတ်ပုံသဏ္ဍန်ရှိ အသားစလေးဆွတ်ပြီး မြင်းများပေါ်မှ ဂေါ်လီလုံးကို တုတ်တန်းနှင့်ရိုက်ပြီး ဂိုးသွင်းကစားနည်းဖြစ်သည်။ ယင်းကစားနည်းကို ပါစီ၊ မဂိုလ်၊ တာတာတူရကီ လူမျိုးများက ကမ္ဘာပေါ်တွင်စတင်တီထွင်ပြီး ကစားခဲ့လေသည်။ ဘုရင့်နောင်လက်ထက်တွင် ယင်းလူမျိုးများရှိနေ ကြောင်း ထင်ရှားနေပေသည်။ ပသီ အားလုံးတို့၏ ဘေးဘိုးများဖြစ်ပေသည်။ ပသီကိုယ်ရံတော် တပ်မတော်သားများသည် စစ်ရေးလေ့ကျင့်ရင်း ပိုလိုကစားနည်းကို ကစားကြသည်။ မြင်းစီး ကစားရသောကြောင့် ထိုခေတ်က မင်းဆွေမင်းမျိုးများ နှစ်သက်သောကစားနည်း ဖြစ်လာခဲ့ပေသည်။ စာဆိုတော်နတ်ရှင်နောင် ကိုယ်တိုင်ပိုလို ကစားခဲ့လေသည်။ ပါစီများသည် ကုဗလေခန်မင်းကြီး၏ မြင်း တပ်မတော်တွင် အမှုထမ်းခဲ့ကြသည်။ မြင်းစီးရင်း မြားပစ်လှံထိုး၊ ဓားခုတ်၊ ဂေါက်သီးရိုက် ကစားနည်းအားလုံးသည် တာတာများ၊ တူရကီများ၊ မဂိုလ်များ၊ ပါစီလူမျိုးတို့မွေးရာပါ ကစားနည်းများဖြစ်ကြကုန်၏။

    (၄) “ဘုရင့်နောင်လက်အောက် ကသည်းရောက်”
    ————————————————-
    “ဘုရင့်နောင် အိန္ဒိယနိုင်ငံနယ်စပ်ကသည်းပြည်သို့ ချီတက်သိမ်းပိုက်စေခြင်းအကြောင်း”

    ခရစ်သက္ကရာဇ် (၁၅၅၉) ခု၊ မြန်မာသက္ကရာဇ် (၉၂၁) ခု ရတနာပူရအ၀ ကျေးလက်မြောက်ဘက် မင်းခင်းအောက်ကျေးရွာများကို ကသည်းစော်ဘွားက ထိပါးကျူးကျော်လာရာ စစ်သည်ငါးသောင်းနှင့် ဘုရင့်နောင်ကသည်းပြည်သို့ ချီတက်သိမ်းပိုက်စေခဲ့သည်။

    အင်းဝညောင်ရမ်းမင်းဆက်များထိ မြန်မာမင်းများ၏ လက်အောက်ခံနိုင်ငံ ဖြစ်ခဲ့ရသည်။ အိန္ဒိယနိုင်ငံအစွန်း ကသည်းပြည်သည် မြန်မာနိုင်ငံပိုင် ပြည်နယ်ဖြစ်လာခဲ့ရာ မဂိုလ်ဧကရာဇ် အက္ကသရ်ဘုရင်ပိုင်နိုင်ငံနှင့် နယ်နိမိတ်ချင်း ထိစပ်လာခဲ့သည်။ ထိုအချက်သည်လည်း သံတမန်ဆက်သွယ်ရသော အကြောင်းရင်းများတွင် ပါသည်။ ကသည်းပြည်ရှိ ကသည်းပုဏ္ဏားများနှင့် ကသည်းပသီများသည် ဘုရင့်နောင်လက်ထက်ကစပြီး ဟံသာဝတီသို့ ရောက်ရှိခဲ့လေသည်။

    ဦးကုလား မဟာရာဇ၀င်ကြီး၊ ဒုတိယတွဲ အပိုဒ်(၂၈၃)၊ စာမျက်နှာ(၃၂၇)။

    (၅) ပသီစစ်ကူ ပို့ပြီးကူ
    ————————–
    သီဟိုဠ်ကျွန်းသို့ စစ်ကူပို့သော သူရဲကောင်းများတွင် ပသီများပါရှိခြင်းအကြောင်း။

    ခရစ်သက္ကရာဇ် (၁၅၇၆) ခု မြန်မာသက္ကရာဇ် (၉၃၈) ခုနှစ်၌ သီဟိုဠ်ကျွန်းတွင် အုပ်စိုးသော ဓမ္မပါလမင်းက ဘုရင့်နောင် မင်းတရားကြီးအား စစ်ကူတောင်းရာ သင်္ဘောငါးစင်းတွင် စစ်သည်ရဲမက်နှစ်ထောင့်ငါးရာတင်ပြီး သီဟိုဠ်ကျွန်းသို့ စစ်ကူပို့ခဲ့သည်။

    ဟင်ဒူဘာသာဝင်တို့နှင့် ဗုဒ္ဓဘာသာဝင်တို့သည် ကျွဲ၊ နွား၊ ဆိတ်၊ ကြက်တို့ကို အရှင်လတ်လတ်သတ်ဖြတ်ပြီး စားသောက်လေ့မရှိပေ။ သီဟိုဠ်ကျွန်းသို့ ပို့လိုက်သောသူရဲကောင်းများသည် သီဟိုဠ်ကျွန်းသို့ရောက်သောအခါ ကျွဲ၊ နွား၊ ဆိတ်၊ ကြက်တို့ကို အရှင်လတ်လတ် သတ် ဖြတ်ချက်ပြုတ်စားကြကြောင်းကို သီဟိုဠ်သားတို့မြင်လျှင် ဤသူတို့သည်ကား လူသားမဟုတ်၊ ဘီလူးများ ပင်တည်းဟု ဆိုကြလျက် ထိတ်လန့်ကြကုန်၏။ ကျွဲနွားတို့ကိုသတ်၍ အစ်ိမ်းစားသောက်သည်ကိုမြင်လျှင် ဤသည်ကား လူမဟုတ်၊  ဘီလူးပင်ဖြစ်သည်။

    ဦးကုလား မဟာရာဇ၀င်ကြီး၊ တတိယတွဲ၊ စာမျက်နှာ (၄၀)။

    သို့ရှိရာ ဘုရင့်နောင် သီဟိုဠ်ကျွန်းသို့ ပို့လိုက်သောစစ်သည်နှစ်ထောင်ငါးရာတွင် ကျွဲနွားတို့ကိုစားသောက် သော ပသီလူမျိုးများ ပါဝင်လျက်ရှိကြောင်း သိရပေသည်။ သီဟိုဠ်ရောက် ပသီစစ်သည်တော်များထံမှ အက္ကဘာရ်ဘုရင်၏ သတင်းကိုကြားသိရပြီးနောက် ဟံသာဝတီသို့ပြန်ကြသော အခါ ဘုရင့်နောင်မင်းတရား ကြီးအား ပသီစစ်သည်တော်များ လျှောက်ထားမှုကြောင့် သံတမန် ဆက်သွယ်ခြင်း ဖြစ်နိုင်ပေသည်။

    (၆) ဘုရင့်နောင်သံမှူး အက္ကဘာရ်ချီးကျူး
    ———————————————
    ဟံသာဝတီပြည့်ရှင် ဘုရင့်နောင်မင်းတရားကြီးက ပသီအမျိုးသား ဖာရစီစကားတက်သူ စွန္ဒရာသီ ငါးဆယ် ရွာစားနှင့် ခွေးလင်း ရွာစားနှစ်ဦးတို့ကို သံကြီး တမန်ကြီး ခန့်အပ်တော်မူပြီး ဒေလီမြို့တော်ရှိ အက္ကဘာရ် ဘုရင်ထံ စေလွှတ်တော်မူခဲ့သည်။ ဒေလီဘုရင် အက္ကဘာရ် မင်းကြီးသည် ဘုရင့်နောင်၏သံတမန်များကို ထွက်တော်မူပြီး ကြိုယူတော်မူသည်။ ပသီသံမှူးများ အထူးအဆန်းဖြစ်သော ဆင်ယင်ထုံးဖွဲ့မှုတို့ဖြင့် ၀တ်စားဆင်ယင်ပြီးသော် မင်းကြီးနားသို့ ချဉ်းကပ်ပြီး ဘုရင့်နောင်မင်းတရားကြီး၏ လက်ဆောင်တော်များကို ဆက်သလေသည်။ အထူးအဆန်း ဆံမြိတ်နှင့် ၀တ်ဆင်ထားမှုကို အက္ကဘာရ်ဘုရင်ကမေးတော်မူသည်။

    ဘုရင့်နောင်အကြောင်းကို အက္ကဘာရ်ဘုရင်က မေးတော်မူရာ ပသီသံတော်ကြီးများကတစ်ဆင့် ဆင်ဖြူရှင် ဘုရင့်နောင် ထွက်တော်မူလျှင် ရွှေဘုန်းတော်ကြောင့် ရေနေသတ္တ၀ါဖြစ်ကြကုန်သော မိကျောင်း၊ လိပ် ဂဏန်း၊ လပိုင်တို့ ကခုန်မြူး တူးကြကြောင်းပါ လျှောက်ထားခဲ့သည်။ အက္ကဘာရ်ဘုရင်ကြီးလည်း ကုလား သံတော်ကြီးများ ခန့်တော်မူပြီး ဘုရင့်နောင်ထံစေ လွှတ်တော်မူမည်ဟု မိန့်တော်မူသည်။ အက္ကဘာရ်ဧက္ကရာဇ်က မြန်မာ သံအမတ်တို့အား ဧည့်ခံကျွေးမွေးရာ ငါးတစ်ကောင်ကို တစ်ခြမ်းကအကြော်၊ တစ်ခြမ်းကအကင် ပြုလုပ်ကျွေးမွေးခဲ့သည်။ မြန်မာနိုင်ငံ ဟံသာဝတီမြို့သို့ရောက်သောအခါ ဘုရင့်နောင်မင်းတရားကြီး အား လျှောက်ထားရာ ကြားတော်မူပြီး အက္ကဘာရ်ဘုရင်ကြီး၏သံတမန်တော်များ ဟံသာဝတီနေပြည်တော်သို့ ရောက်ရှိလာပါက ပြသနိုင်ရန် ထမင်းဟင်းချက်တက်သော ကုလားပသီတို့ကိုခေါ်တော်မူပြီး ကြိုတင်စီမံတော်မူသည်။ အက္ကဘာရ်ဘုရင်ကြီး၏သံကြီး တမန်ကြီးများ ဟံသာဝတီနေပြည်တော်သို့ ရောက်ရှိလာသောအခါ စီမံသည်ကား “ကြက်ဖို၊ ကြက်မတို့ကို သန့်စင်အောင်ဆေးကြော၍ ငရုတ်၊ ကြက်သွန်၊ ချင်းစိမ်းအမွှေးမျိုးစုံသွတ်ပြီးမှ ကျောကိုခွဲပြန်၍ ၀မ်းဘဲဥနှစ်လုံးစီသွတ်ပြီးမှ ကုလားတို့ကိုခေါ်၍ ထောပတ်ဆီဥ နွားနို့ လူးပြီးမှကြော်ရ၏”

    သုသောဓိက မဟာရာဇ၀င်ကြီး၊ တတိယတွဲ၊ စာမျက်နှာ ၄၃။

    “စည်တော်သံ၊ တံပိုးခရာသံ၊ ဗုံသံ၊ မောင်းသံနှင့် ဒီရေကိုလိုက်၍ သားတက်ခိုက်ဖြစ်သောကြောင့်  မိကျောင်း၊ လပိုင်၊ မကန်း၊ လိပ်၊ ငမန်းတို့သည် စည်သံ၊ ဗုံသံ၊ မောင်းသံ၊ တပိုးသံ ကြားလျှင်ထိတ်လန့်၍ မြစ်ရေပြည့်မျှ ခုန်လွှားကုန်၏”

    သုသောဓိက မဟာ ရာဇ၀င်ကြီး၊ တတိယတွဲ၊ စာမျက်နှာ ၄၅။

    ဟံသာဝတီရောက် အက္ကဘာရ်မင်း သံတမန်တို့သည်လည်း မမြင်စဖူး ထူးကဲသောကြောင့် အံ့ဩချီးမွမ်းကြကုန်၏။ ဘုရင့်နောင်မင်းတရားကြီးစေလွှတ်တော်မူသော ပသီသံကြီး၊ တမန်ကြီးများ ဒေလီမြို့တော် သို့ရောက်စဉ် ကြိုဆိုဧည့်ခံသော အစီအစဉ်နှင့် ဘုရင့်နောင်မင်းတရားကြီးက အက္ကဘာရ်ဘုရင် သံတော်ကြီးများကို ကြိုဆိုဧည့်ခံသော အစီအစဉ်ကား- အက္ကဘာရ်မင်း ကလည်း လက်ဆောင်ပဏ္ဏာရအထူးထူး၊ ပုဆိုးကောင်း၊ သက္ကလပ်ကောင်း၊ စော်တရက်ရမထီး၊ မူရီခါသာပင်ကာသာလူ၊ ပတ္တူနီစိန်မြပုလဲတို့ကို များစွာစီရင်၍ သင်္ဘောသားတို့တွင် သာယာချေငံ သောစကားဖြင့် လျှောက်ဆက်လာ၏။ အက္ကဘာရ်သို့ ဗညားကျန်တော တူစွန္ဒရာသီနှင့်ငါးဆယ်စားခွေး လင်းတို့ကို ဆင်ဖြူရှင်မင်းတရားကြီးက သံဆက်တော်မူလိုက်၏။ သံတော်ပါသည်ဟုကြားလျှင် အက္ကဘာရ်သည် အမှူးအမတ်အပေါင်းနှင့် သင်္ဘောကတ္တူလွန်းကြင်အများနှင့် ကြိုရ၏။ မြို့သို့ရောက်လျှင် တဲကြီးကနားဆောက်၍ ပေး၏။ လက်ဆောင်ပဏ္ဏာများလည်း ဆက်သလေ၏။ များမကြာလျှင် အက္ကဘာရ်မင်းထွက်၍ မင်းသံတော်တို့ကိုခေါ်ရ၏။ မင်းသံတော်လည်း အဆန်းတကြယ်သော အ၀တ်တန်ဆာတို့ကိုဝတ်၍ စန္ဒရာသီလည်း ဦးခေါင်းမအုပ်ဘဲ ရမန်ဆံဆီစက်စက်နှင့် ထူးဆန်းလှသောနားတောင်းကိုဝတ်၍ ခွေးလင်းစားလည်း ကောင်းမွန်စွာ အ၀တ်တန်ဆာဝတ်၍ ပုတီးခေါင်းထုပ်နှင့် ပန်းမန်ထူးစွာပန်၍ အမွှေးအထုံလိမ်း၍တက်၏။ ခရီးတွင်များစွာသော ပြည်သူပြည်သားတို့သည် မမြင်စဖူးဖြစ်သောကြောင့် အံ့ဩသရဲဟူ၍ စွန္ဒရာသီအစားဦးဆံအသွားအလာ ဟန်ပန်ကိုလည်းကောင်း၊ ခွေးလင်းစားအထုံးအမြိတ် မင်းသေ့ခါးကိုလည်းကောင်း အံ့ဩကြကုန်၏။ အက္ကဘာရ်မင်းထွက်တော်မူသောအခါ နီးစွာချည်းနေရ၏။ ဆံမြိတ်အကြောင်း၊ မင်းသေ့ခါးအကြောင်းကို မေးတော်မူ၏။ ဆင်ဖြူများသခင် ကျန်းမာတော်မူစဟုမေးတော်မူ၏။ ဘုန်းတော် အလွန်ကြီးမြတ်တော်မူစဟူ၍လည်း မေးတော်မူ၏။

    ဘုန်းတော်အလွန်ကြီးမြတ်တော်မူလှသော မင်းတရား ကြီးဘုရားသည် ရတနာသုံးပါး၊ ဂုဏ်တော်ကြောင့်ကျန်းခံ့သာ၏ ဟူ၍လျှောက်ပေ၏။ ဆင်ဖြူရှင်ရွှေနန်းနှင့် ငါ့နန်းနှင့်တူ၏လော မေး၏။ အက္ကဘာရ်မင်းနေသော နန်းကအုဌ်ရွှေနန်းတွင် ရွှေဇန်ခံကပ်၍ ရတနာအတိနှင့် ပြီး၏။ မင်းသံတော်တို့လည်း ကျွန်ုပ်တို့ သခင်အရှင် ဘ၀ရှင်ဆင်ဖြူများသခင် မင်းတရားကြီး ရွှေနန်း တော်သည်၊ သည်နန်းတော်ကဲ့သို့ မဟုတ်၊ များလှစွာသော ရွှေပြာသာဒ် ငါးဆင့်ရှိသောပြာသာဒ်၊ ကိုးဆင့်ရှိသောပြာသာဒ်၊ ခုနစ်ဆင့်ရှိသော ရွှေပြာသာဒ်တို့၌ မြေကြီးကသည်အထက်ဖျားတိုင်အောင် ရတနာကွန်ရက်တွင် ရတနာပုလဲ ဆိုင်း၊ ရတနာပတ္တမြားဆိုင်းတို့ကို ဆွဲလျက် ရတနာမှန်ကင်း၊ ရတနာ တံခွန်ဆောက်လျက် ရောင်ခြည် တစ်ထောင်ဆောင်သော နေမင်း ကဲ့သို့ပြိုးပြိုးပြက်ပြက် ရှိ၏။ ထိုသို့သော ရွှေနန်းပြာသာဒ် တို့သည် နေရည်သောက်ခြင်း၊ မိုးရည် ထိခြင်း၊ လေပြင်းခပ်ခြင်းကြောင့် ရွှေတို့သည် လွင့်လေကုန်သော်တစ်ရာ့တစ်ပါးသောမင်းတို့သည် တစ်နှစ်ကိုတစ်ကြိမ်လျှင် ရွှေကို ပါးလှအောင်ခပ်ပြီးမှ ထိုရွှေနန်းပြာသာဒ်တို့ကို အသစ်ဖြစ်လျှင်းအောင် မွမ်းမံရသည်ဟုလျှောက်၏။

    အက္ကဘာရ်မင်းလည်း ဆင်ဖြူရှင်မှာ ငါ့ထက်ရွှေ များပလေဟုဆို၏။ တစ်ရာ့တစ်ပါးသောမင်းတို့ကား၊ ပဇာမင်းတို့နည်းမေးပြန်၏။ မင်းသံတို့ကလည်း ယိုးဒယား(ထိုင်း) မင်း၊ ဇင်းမယ်မင်း၊ တောင်ငူမင်း၊ အင်းဝမင်း၊ ပြည်မင်း၊ ကုန်းဘောင်မင်း၊ သီပေါမင်း၊ မိုးကောင်းရပ်၊ ညောင်ရွှေ၊ မိုးညှင်း၊ မိုးမိတ်၊ ဗန်းမော်၊ မိုးနဲ၊ သိန္နီ၊ ခုံ၊ မုတ္တမ၊ မော်လမြိုင်၊ သန်လျင်၊ ဒဂုန်၊ တနင်္သာရီ၊ ထားဝယ်စသော နိုင်ငံတော် အလုံးအစုံကို လျှောက်၏။ အက္ကဘာရ်မင်းလည်း မင်းတကာတို့၏ အရှင်ဖြစ်ကြောင်းကိုသော်ကား ငါသိရပြီ၊ဘုန်းအလွန်ကြီးတော်မူ၏ ဟူ၍ မင်းသံတော်တို့လည်း ငါ့ကိုလျှောက်သည်၊ အဘယ်သို့ ဘုန်းကြီးမြတ်သနည်းဟူ၍ မေးမြန်း၏။ မင်းသံတော်တို့လည်း ဘုန်းတော် အလွန်ကြီးမြတ်တော်မူလှသော ဆင်ဖြူများသခင် ဘ၀ရှင်မင်းတရားကြီး  ထွက်တော်မူသည်ကို ခပ်သိမ်းသော မင်းအပေါင်းတို့ကိုထား၍ ရေနေ သတ္တ၀ါဖြစ်သော မိကျောင်း၊ လပိုင်၊ ငါးဆင်၊ ငါးမန်း၊ လိပ် ငါးတို့သော်လည်း ထွက်တော်မူသော အခါ စည်တော်သံကိုကြားလျှင် ရေထက်မြူးတူးခုန်တင်လျက် မြစ်လုံးပြည့်မျှ ကျွန်ုပ်တို့သခင်အရှင် ဘ၀ရှင်မင်းတရားကြီး ဘုရားကိုခစားကြကုန်၏။ ယင်းသို့ဖြစ်သောကြောင့် ဘုန်းတော်အလွန်ကြီးမြတ်တော်မူ၏ဟု ကျွန်ုပ်တို့လျှောက်ဝံ့သည်ဟူ၍ဆို၏။ အက္ကဘာရ်မင်းလည်း သည်အတိုင်းမှန်ပေမူကား အံ့ဖွယ်သရဲဟုဆို၏။ ယင်းသို့မှ မင်းသံတော်တဲသို့ပြန်ရ၏။ များမကြာလျှင်သေနာပတိကခေါ်၍ အက္ကဘာရ်မင်း နန်းဦးတွင် မရေတွက်နိုင်သော အမှူးအမတ်တို့၏ အလယ်၌ရွှေလင်ပန်းနှင့် ထမင်းအဖြိုးအပြည့်ထည့်ပြီးလျှင်မှ အထူးထူးသော အမြိန်အရသာ၊ စားဖွယ်သောက်ဖွယ်အထပ်ထပ်ဖြင့် ထမင်းကျွေး၏။ မင်းသံတော်နှစ်ယောက်လည်း အပေါင်းအကျစ်၊ အကြော်အကင်စသည်တို့ကို နည်းတံများလျှောက် အနှံ့စားပြီးမှ ပြောဟော၍နေ၏။ ထမင်းပွဲကိုယူ၍ကြည့်သော် အလုံးအစုံကိုမြင်ပြီးမှ အက္ကဘာရ်မင်း သေနာပတိလည်း အဘယ်ကြောင့်မင်းဧကရာဇ်သံတမန်ဖြစ်လျက် ခပ်သိမ်းသောအရသာတို့ကို အနှံ့စားတော် မူသနည်းဟု ပွဲအလယ်၌မေး၏။ မင်းသံတော်တို့လည်း အက္ကဘာရ်မင်း၏သားကင်တို့သည်ခပ်သိမ်းသောအရသာတို့ကို အချက်အပြုတ်ကောင်းမွန်စွာ တတ်သလော၊ မတတ်သလောဟု စုံစမ်းလိုသောကြောင့် နှံ့အောင်စားသည်ဟူ၍ဆို၏။ သေနာပတိလည်း ငါတို့ အက္ကဘာရ်ပြည်ကြီး၌ သည်သားကင်သည်ကဲ့သို့ တတ်သောသူ မရှိပြီ၊ ဆင်ဖြူရှင်မင်းတရားကြီး သားကင်သည်တို့သည် ငါတို့အရပ်ဝယ် သားကင်သည်ကဲ့သို့ တတ်သလော၊ မတတ်လောမေးပြန်၏။ မင်းသံတော်တို့လည်း ဆင်ဖြူများသခင်ဘ၀ရှင် မင်းတရားကြီး ဘုရား သားကင်သည်တို့သည် အံ့ဖွယ် သရဲတတ်လေသည်။ တစ်ခြမ်းကအကြော်၊ တစ်ခြမ်းကားအကင်၊ တစ်ခြမ်းကား အပေါင်း၊ ငါးတစ်ကောင်လျှင် တစ်ပိုင်းကား အကင်၊ တစ်ပိုင်းကားအဖုတ်၊ တစ်ခြမ်းကားအကျစ်၊ တစ်ခြမ်းကားအကြော် ဤသို့အထူးထူးတတ်သည်ဟူ၍ဆို၏။ အက္ကဘာရ်မင်းကလည်းသည် အတိုင်းမှန်ပေမူကား အံ့ဖွယ်သရဲ ငါကလည်းသံဆက်လိုက်မည် ဟုဆို၏။ များမကြာလျှင် ဆုလာဘ် များစွာပေးပြီးမှ ဘ၀ရှင်မင်းတရားကြီး သံတော်တို့ကိုလွှတ်လိုက်၏။

    သုသောဓိက မဟာရာဇ၀င်ကြီး၊ တတိယတွဲ၊ စာမျက်နှာ ၄၀-၄၂ ။

    (၇)”အက္ကဘာရ်ဘုရင်သံ ရောက်ပြန်”
    ———————————–
    “အက္ကဘာရ်ဘုရင်ဧကရာဇ် သံတမန်တော်ကြီးများ ဟံသာဝတီ ဘုရင့်နောင်ထံရောက်ရှိခြင်း”

    ဘုရင့်နောင်မင်းတရားကြီး၏သံမှူးကြီးများ ဒေလီမြို့တော်မှမြန်မာနိုင်ငံ ဟံသာဝတီ ပဲခူးမြို့တော်သို့ ပြန်ရန် စီစဉ်ကြကုန်၏။ မြန်မာ သံတမန်ကြီးများနှင့်အတူ အက္ကဘာရ်ဘုရင်မင်းကြီးကလည်း မဂိုလ်သံတမန်ကြီးများကို ခန့်အပ်တော်မူပြီး ထည့်တော်မူလိုက်၏ မဂိုလ်သံတမန်ကြီးများနှင့်အတူ လက်ဆောင်တော်များကို သံတမန်တော်များနှင့် ဆက်သလိုက်ပေသည်။ မြန်မာနိုင်ငံသို့ မဂိုလ်သံအမတ်ကြီးများ ပဲခူးနေပြည်တော်သို့ ကြွရောက်လာသောအခါ ပသီစားတော်ကဲများကိုခေါ်ယူပြီး ဧည့်ခံကျွေးမွေးရန် အထူးအံ့ဩဖွယ်ရာ စီမံသည်ကား သံလည်းဆက်လိုက်၏။ များစွာသော လက်ဆောင် ပဏ္ဏာနှင့်ဆက်သွယ် ကပ်ဖွယ်ပါ၏။ ရွှေဖ၀ါးတော်အောက်သို့ ရောက်လျှင်လည်း တဲကြီးကနားကြီးပေး၍နေရ၏။ မင်းသံတော်တို့ လွန်ကျူးမိလေသောအကြောင်းမျိုးကို ဗညားဒလသေနာပတိသံတော်ဦးတင်၍ ဆင်ဖြူမင်းတရားကြီးလည်း လွန်သောစကားနှင့် ညီအောင်ကို ဗညားဒလစီရင်မှ ကောင်းမည်ဟူ၍ မိန့်တော်မူ၏။ သံတော်ဦးတင်ပါပြီ ဘုရားဆိုသည်ထက် လွန်အောင်ကို ကျွန်ုပ်စီရင်မည်ဟူ၍ တင်လျှောက်၏။သံတော်ဦးတင်ပြန်၏။ ဘုန်းကြီးသော ဘ၀ရှင်ထွက် တော်မူလျှင်သော်လည်း ရွှေနန်းတော်ဝယ် မထွက်ဘဲ၊ သံတို့ကိုခေါ်၍ နန်းတော်မှထွက်တော်မူမှသင့်မည် ဟူ၍ သံတော်ဦးတင်၏။

    များမကြာလျှင်ဗညားဒလအိမ်သို့ တတ်လှစွာသော သားကင်သည်တို့ကိုခေါ်၍ အထူးထူးသော အမဲပေါင်း၊ အမဲကျစ်၊ အမဲကြော်၊ အကင်အဖုတ် စသည်တို့ကို တစ်ပိုင်းကားအပေါင်း၊ တစ်ပိုင်းကားအကျစ်၊ တစ်ပိုင်း ကားအကြော်၊ တစ်ဖက်ကားအကင်၊ တစ်ဖက်ကားအဖုတ်၊ ငါးစသည်တို့ကိုလည်း ဤဆိုသည်အတိုင်း စီရင်ပြီးမှ၊ ကြက်ဖိုကြက်မကို သန့်စင်အောင်ဆေးကြော၍ ငရုတ်၊ ကြက်သွန် ချင်းစိမ်း၊ အမွေးမျိုးသွတ်ပြီးမှကျောကိုခွဲပြန်၍ ၀မ်းဘဲဥနှစ်လုံးစီသွတ်ပြီးမှ ကုလားကိုခေါ် ၍ ထောပတ်ဆီဦး နွားနို့လူးပြီးမှကြော်ရ၏။

    ကြက်ပြီးလျှင် ၀မ်းဘဲဥ အရာဝယ် စာသငယ်နှစ်ခုကို အရှင်သွတ်ပြီးလျှင် ချည်ကိုမမြင်ရအောင်ချုပ်၍ နွား နို့ထောပတ် လှူပြီးမှ ရွှေလင်ပန်း၊ ရွှေသံတေးဖလား အစရှိတို့၌ ကောင်းမွန်စွာပြင်ပြီးမှ အက္ကဘာရ်သံကို ခေါ်၍ ရွှေလွတ်တော်တွင် မှူးစုံမတ်ပေါင်းတို့အလယ်၌ ထမင်းကျွေး၏။ အမဲသား အကျစ်အကြော်အလုံးစုံကိုမြင်လျှင်အလွန်အံ့ဩ၏။ သားကင်သည် ထိုကြက်ကိုကျောကချုပ်ရာ အသားကိုယူရာဝယ် စာသူငယ် များထွက်၍ပျံသည်ကိုမြင်လျှင် ရင်ကိုသပ်၍ လူ့ပြည်ဝယ်မမြင်ဖူးတကား အဘယ်သို့လျှင် သားကင်သည်တို့သည် စီရင်လေသနည်းဟု အံ့ဩကြကုန်၏။

    စားသောက်ပြီးလျှင် ပြောဟော၍နေပြီးမှမင်းသံတော်တို့သည် တဲသို့ပြန်ရ၏။ အကြောင်းခပ်သိမ်းစုံကို ဘ၀ရှင်တရာကြီးအား ဗညားဒလသံတော်ဦးတင်၏။ များမကြာလျှင် သံကိုရွှေနန်းသဘင်ဝယ် ခပ်သိမ်းသော ထီးဆောင်မင်းအပေါင်း၊ အမှူးကြီး အမတ်ကြီးဒေါဗညားအပေါင်းနှင့် ခင်းကျင်း သပ္ပာယ်လျက် ဒီရေ အပြည့်တက်မည်ကို ငံ့လင့်တော်မူ၏။ မြစ်ကလည်းသင်္ဘောကတ္တူ လွန်းကြင်သံလှေလှော်ကား ကိုးနရားစာမရိ၊ မိကျောင်းရဲလောင်းအပြည့် ခင်းကျင်းစံပယ်လျှက် ကချေသဘင်၊ စည်ပတ်နရည်း ခရာနှဲ ပြွေ ဗုံမောင်း ကြေးစည် တံပိုး အရာတို့ကို တီးမှုတ်စေလျက် သဘင်ကြီးစွာစီရင်တော်မူ၏။ အက္ကဘာရ်မင်းသံတော်တို့လည်းကြည့်ရ၏။ ဒီရေပြည့်လျှင် အရှင်ဘ၀ရှင်မင်းတရားကြီး ထွက်တော်မူ၏။ စည်တော်သံ တံပိုး ခရာသံ၊ ဗုံသံမောင်းသံနှင့် ဒီရေကိုလိုက်၍ ငါးသား တက်ခိုက်ဖြစ်သောကြောင့် မိကျောင်း၊ လပိုင်၊မကန်း၊ လိပ်၊ ငါးမန်း၊ ငါးတို့သည် စည်သံ၊ ဗုံသံ၊ မောင်းသံ၊ တံပိုး ခရာသံကြားလျှင် ထိတ်လန့်၍ မြစ်လုံးပြည့်မျှ ခုန်လွှားကုန်၏။ အက္ကဘာရ်မင်းသံတော်တို့လည်း ဤကဲ့သို့ ဘုန်းတော်ကို ဇမ္ဗူဒီပါမြေအပြင်၌ မြင်ဖူးမည်ထား၍ ကြားဖူးမည်လောဟူ၍ အံ့ဩမူးတူး မှိုင်းထိုင်းရှိလျက် အက္ကဘာရ်မင်းကဆက်လိုက်သော လက်ဆောင်ပဏ္ဏာတို့ကိုဆက်၏။ အရှင်ဘ၀ရှင်မင်းတရားကြီးဝင်တော်မူလျှင်၊ မင်းသံတို့လည်းပြန်လေကုန်၏။ များမကြာလျှင် အက္ကဘာရ်မင်းသံတို့ကို ဆုလာဘ်များစွာ ပေးပြီးမှ သင်္ဘောကူး၍ လွှတ်တော်မူ၏။ အက္ကဘာရ်မြို့သို့ရောက်လျှင် ဘုန်းအာဏာ စက်ကြီးကြောင်း သားကင်သည် တက်ခဲ့ကြောင်း၊ပြည်ထဲရေးလေး မျက်နှာသာယာဝပြောကြောင်း၊ ထွက်တော်မူလျှင် ရေနေသတ္တ၀ါ အပေါင်းတို့သည် ခုန်လွှားမြူးတူးလျက်ခစားကြောင်း၊ အခြင်းအရာအလုံးစုံကို လျှောက်လေ၏။ ကြားလျှင် အက္ကဘာရ်မင်းသည်လည်း အဆက်ဆက်ဝယ်သည်ကဲ့သို့ ဘုန်းအာဏာစက်ကြီးသောမင်းသည် ရှိဘူးလိမ့်မည်လော။ စင်စစ်လျင် ဘုရားအလောင်းတော် ဟုတ်၏။ ၀မ်းမြောက်ဝမ်းသာ ရှိတော်မူ၏။ ငါသွား၍ ဆင်ဖြူများသခင်ဘ၀ရှင် မင်းတရားကြီး ဘုရားကိုခြေတော် ဦးတင်မည်ဟူ၍ အထူးထူးသော အဆန်းတကြယ်သော လက်ဆောင်ပဏ္ဏာတို့ကို များစွာစုရုံး၍ ကြီးလှစွာသောသင်္ဘောကို အက္ကဘာရ်မင်းစီးစရာ သင်္ဘောကတ္တူ လွန်းကြင်စီရင်၍ မင်းဧကရာဇ်နှင့် ထိုက်တန်အောင်စီရင်၍ ခြေဖ၀ါးတော်အောက်သို့ ခြေတော်ဦး တင်ရောက်အံ့သောငှာသင်္ဘောနှင့် ကူးတော့အံ့ဆဲဆဲတွင် ဆင်ဖြူဆင်နီတို့၏သခင်အရှင် ဘ၀ရှင်မင်းတရားကြီးသည် လူပြည်ငြီး၍ နတ်ပြည်စံတော်မူသောကြောင့် အက္ကဘာရ်မင်းသည် ရွှေဖ၀ါးတော်အောက်မရောက်ခင် ပြန်ရလေ၏။

    သုသောဓိက မဟာရာဇ၀င်ကြီး၊ တတိယတွဲ၊ စာမျက်နှာ ၄၂-၄၄။

    ဤသို့ အစ္စလာမ်ဘာသာဝင်ပြည်ရှင်မင်းသားနှင့် ဘုရင့်နောင်မင်းတရားကြီး သံတမန်ဆက်ဆံမှုရှိကြောင်း ကို ထောက်ရှုခြင်းအားဖြင့် အစ္စလာမ်ဘာသာဝင်ကုန်သည်သင်္ဘောများ အစ္စလာမ်ဘာသာဝင်များ ပဲခူးနေပြည်တော်တွင် ၀င်ထွက် အခြေစိုက်ဖောက်ကားရောင်းဝယ်မှု ရှိနေကြောင်း ထင်ရှားနေပေတော့သတည်း။

    (ရတနာပုံ) မောင်မောင်ခင်
    ဘီအက်စီ၊ ဒစ်အီးဒီ

    ၁၉၉၄ ထုတ် လပြည့်ဝန်း စာစောင် စာမျက်နှာ-၁၁၂-၁၁၇ မှ ကူးယူဖော်ပြသည်။

    *စာစောင် Hard copy ကို ဦးခင်မောင်ချို ထံမှ ရရှိပါသည်။

     

  • ပထမ မြန်မာမွတ်စလင်မ်များ

    ပထမ မြန်မာမွတ်စလင်မ်များ

    အောက်တိုဘာ ၅ ၊ ၂၀၁၅
    M-Media

    photo-collage-1024x640
    ၁။ စာဆိုတော် ရွှေတောင်သာဂသူ သခင်ကြီး ဦးနု (ကုန်းဘောင်ခေတ် ဘိုးတော်ဘုရားလက်ထက်)
    မြန်မာစာပေနယ်ပယ်တွင် မှတ်တမ်းတစ်စောင်တစ်ဖွဲ့အနေဖြင့် အစောဆုံးခရီးသွားမှတ်တမ်းရေးသူ၊
    ကျမ်းမြတ်ကုရ်အာန်ကို အစောဆုံးမြန်မာပြန်သူ၊
    အစ္စလာမ်ဘာသာရေးအယူအဆကို မြန်မာစာပေသို့ စတင်မိတ်ဆက်ပေးသူ၊

    ၂။အမရပူရမြို့ စာရေးဦးပိန်
    မြန်မာ့အရှည်ဆုံး အကြီးဆုံး သစ်သားတံတား ဦးပိန်တံတား တည်ဆောက်သူ –

    ၃။  အာဇာနည်ခေါင်းဆောင်ကြီး ဆရာကြီးဦးရာဇတ် (၂၀ ဇန်နဝါရီ ၁၈၉၈- ၁၉ ဇူလိုင် ၁၉၄၇)
    အမျိုးသားကောလိပ်မှ ပထမဆုံး ဝိဇ္ဇာဘွဲ့ရသူ

    ၄။လွတ်လပ်ရေးခေါင်းဆောင် ဦးရာရှစ် (B.Sc., B.L)
    ဗမာနိုင်ငံလုံး ဆိုင်ရာကျောင်းသားများသမဂ္ဂ ၏ ပထမဆုံး ဥက္ကဋ္ဌ (၁၉၃၆)
    ရန်ကုန်တက္ကသိုလ် ကျောင်းသား သမဂ္ဂ၏ ပထမဆုံးအထွေထွေ အတွင်းရေးမှုးချုပ်၊

    ၅။သံအမတ်ကြီး မဟာသရေစည်သူ ဦးဖေခင်   (၂၇ ဩဂုတ် ၁၉၁၂- ၂၅ ဖေဖော်ဝါရီ ၂၀ဝ၄)
    ပင်လုံစာချုပ်ဖြစ်မြောက်ရေးအတွက် ကြိုးပမ်းခဲ့သူ    (နိုင်ငံ့ဂုဏ်ရည် ပထမ အဆင့်)

    ၆။ကိုထွန်းစိန်
    ရန်ကုန်တက္ကသိုလ်၏ ပထမဆုံး ကျောင်းသားသမဂ္ဂ ဥက္ကဌ

    ၇။ကာတွန်းဆရာကြီး ဦးဘကလေး(ခ) ရွှေတလေး (၉ ဖေဖော်ဝါရီ ၁၈၉၃ – ၅ ဇွန် ၁၉၄၅)
    မြန်မာရုပ်ရှင်လောကတွင် ပထဆုံးလူရွှင်တော် ဟာသသရုပ်ဆောင်
    ဦးရွှေရိုးအက ကို စတင်တီထွင်ခဲ့သူ၊
    မြန်မာကာတွန်းလောက၌ ရုပ်ပြောင်ပုံတူရေးနည်း (Caricature) စတင်ခဲ့သူ၊

    ၈။ဒေါက်တာ ရှိတ် အဗ္ဗဒူရာမန် (ခေါ်) ဦးဘိုးသာဇံ     (၁ ဇန်နဝါရီ ၁၈၇၀ – ၂၉ ဇူလိုင် ၁၉၁၆) L.R.C.P & L.R.C.S (Edin) L.F.P.S ( Glas)
    ဗြိတိသျှနိုင်ငံမှ ဆေးပညာဒီဂရီကို ပထမဆုံးသွားရောက်ဆွတ်ခူးခဲ့သူ
    တစ်ထောင့်တစ်ည ပသီပုံပြင်ဝတ္ထုကြီး ကို ပထမဆုံး ဘာသာပြန်သူ

    ၉။ပါဋ္ဌိပါမောက္ခဆရာကြီး အဟ်မဒ်ကာစင်မ်(B.A., B.Es.) (၁၈၈၉-၂၂ နိုဝင်ဘာ ၁၉၅၄)
    တက္ကသိုလ်သုံးဝေါဟာရများကို ပထမဆုံး မြန်မာပြန်ဆိုသူများအနက် ပါဝင်ခဲ့သူ၊

    ၁၀။ မြန်မာနိုင်ငံ၏ ပထမဆုံး သကြားစက် (၁၉၆၁)

    ၁၁။ ပဉ္စရူပံ ဦးခ (ဖေဖော်ဝါရီ ၁၈၈၅-၁၀ စက်တင်ဘာ ၁၉၆၀)
    မြန်မာစာပေလောက၌ ခေတ်မီစာအုပ်ထုတ်မှုကို အစောဆုံး စတင်သူ
    နံရံကပ်ဆောင်ပုဒ်ကတ်ပြားများကို တီထွင် ပုံနှိပ်ထုပ်ဝေခဲ့သူ

    ၁၂။ ဗုံတီးဆရာ အဗ္ဗဒူလာ
    မြန်မာ့ရုပ်ရှင်သမိုင်းတွင် အသံထွက်အပြော စတင်သူ

    ၁၃။ ဟာဂျီမ ပျဉ်းမနားဒေါ်ပု (လူမှု ထူးချွန် ပထမဆင့်)  (၁၉၀၆- ၁ ဖေဖေါ်ဝါရီ ၁၉၈၂)
    လူမှုထုးချွန်ပထမအဆင့်ကို ပထမဆုံးရရှိသူ အမျိုးသမီး

    ၁၄။ဇေယျကျော်ထင် ဗိုလ်မှူးဘရှင် (၂၇ ဒီဇင်ဘာ ၁၉၁၅ – ၇ ဇန်နဝါရီ ၁၉၇၀)
    မြန်မာရာဇဝင်ဟူသော ဝေါဟာရအစား မြန်မာသမိုင်းဟူသော စကားကို ပထမဆုံးအသုံးပြုသည့် သမိုင်းပညာရပ်စာအုပ် ပြုစုသူ
    လောကထိပ်ပန်မင်စာကို ရှာဖွေဖော်ထုတ် သုတေသနပြုတင်ပြသူ

    ၁၅။ ပါမောက္ခဦးအောင်ခင်   ( ၂၁ ဧပြီ ၁၉၁၈- ၈ မေ ၁၉၈၇ )
    ရန်ကုန်တက္ကသိုလ်တွင် ကုန်ထုတ်ဓာတုဗေဒဌာနပေါ်ပေါက်လာအောင် ဦးဆောင်ကြိုးပမ်းခဲ့သူ

    ၁၆။ဒေါက်တာတင်မောင် (၁ ဖေဖော်ဝါရီ ၁၉၃၄ – ၁၄ နိုဝင်ဘာ ၂၀ဝ၁)
    ကွန်ပျူတာတက္ကသိုလ် ပထမဦးဆုံး ပါမောက္ခချုပ်

    ၁၇။ ဆရာဝန်ကြီး ဝဏ္ဏကျော်ထင် ဒေါက်တာဦးဘခက်  (ဆမ-၃၅) ( ၂၉ မေ ၁၉၀၈- ၂၂ ဇန်နဝါရီ ၂၀ဝ၄ )
    ကျန်းမာရေးမှူးသင်တန်းကျောင်း    စတင်တည်ထောင်သူများတွင် တစ်ဦးအပါအဝင်ဖြစ်သည်

    ၁၈။ ဒေါ်နီနီအေး (၂၅ မတ် ၁၉၆၄- )
    မြန်မာနိုင်ငံ၏ ခြေလျင်နှင့် တောင်တက်အားကစားသမိုင်းတစ်လျှောက်တွင် ပထမဆုံး ရေခဲတောင်တက်အမျိုးသမီးအဖွဲ့ခေါင်းဆောင်

    ၁၉။တက္ကသိုလ်နန္ဒမိတ်
    အစောဆုံး စစ်မှတ်တမ်းဘာသာပြန်စာအုပ်ရေးသူ တက္ကသိုလ်နန္ဒမိတ်၏ မြန်မာပြည်စစ်မြေပြင် (၁၉၆၅)

    ၂၀။စာရေးဆရာ တက္ကသိုလ်မောင်မောင်ခင်
    အမျိုးသားစာပေဆု ပထမဆုံး ပြဇာတ်စာပေဆုရသူ

    ၂၁။ စာရေးဆရာချစ်ညို(ခ) ဦးဘသိန်း (ကျားဘညိမ်း၏ညီ)
    ကျားကစားနည်းစာအုပ်ကို ပထမဆုံးရေးခဲ့သူ

    ၂၂။ မင်းသား၊ ဒါရိုက်တာ၊ ဗိုလ်ကြီး ဒေါက်တာ မောင်မောင်တာ (Ph.d ,M.A.,FDMU(Dublin) ,DJ(Yangon)
    ပထမဆုံး မြင်ကွင်းကျယ် ရုပ်ရှင်ကားမှ ရုပ်ရှင်မင်းသား

    ၂၃။ ဦးဘရှင် (သံတွဲ) ဘီအက်စ်စီ အထက်တန်း
    ပထမကျောင်းသား သပိတ်ခေါင်းဆောင်

    ၂၄။ ကိုအောင်ထွန်း (ကျောင်းသားခေါင်းဆောင်ဟောင်း)
    မြန်မာနိုင်ငံ ကျောင်းသား လှုပ်ရှားမှု သမိုင်း စာအုပ်ရေးခဲ့သူ

    ၂၅။ မောင်လူငယ်(DVB)
    မြန်မာနိုင်ငံတွင် TV ၌ လက်ဟန်ဖြင့် ပထမဆုံး သတင်း တင်ဆက်သူ

    ဆက်စပ် ဓါတ်ပုံများ http://www.m-mediagroup.com/news/2340 တွင် ကြည့်ရှုနိုင်ပါသည်။

    ကိုးကား
    ဒေါက်တာသန်းဝင်း (မောင်သန်းဝင်း- ရန်ကုန်တက္ကသိုလ်) B.A.(Honours), M.A., H.G.P., Ph.D. ပြုစုသော အစ္စလာမ်ဓမ္မဗိမာန် သင်ခန်းစာများစာအုပ်

    M-Media  သတင်းအချက်အလက်စုဆောင်းရေး အဖွဲ့မှ ရရှိသော သမိုင်းအချက်အလက်များကို စုစည်းတင်ပြသည်။

  • သတင်းစာဆရာ ဘာတေးလင်နာရေးတဲ့ ” မြန်မာ့မြေပေါ်မှ အစ္စလာမ် သာသနာဝင်များ” အကြောင်း

    သတင်းစာဆရာ ဘာတေးလင်နာရေးတဲ့ ” မြန်မာ့မြေပေါ်မှ အစ္စလာမ် သာသနာဝင်များ” အကြောင်း

    အောက်တိုဘာ ၁၅ ၊ ၂၀၁၄
    M-Media

    S.A. Ginwalla
    ၁၉၈၈ အရေးတော်ပုံအပြီး ရန်ကုန်ရှိ နွမ်းပါးသူတို့အား ရိက္ခာဝေငှ ကူညီခဲ့သည့် မြန်မာ့ဘာသာပေါင်းစုံ ကူညီရေးကော်မတီ BIRC – Burma Interfaith Relief Committee ၏ ခေါင်းဆောင်များဖြစ်သော ဦးဘိုနှင့် S.A. Ginwalla (ဓာတ်ပုံ – Gaye Paterson)

    အလ်ကိုင်ဒါခေါင်းဆောင် အေမန် အလ်-ဇ၀ါဟီရီ က ဂျိဟာ့ဒ် အလံကို တောင်အာရှ တစ်ခွင်မှာ လွှင့်ထူတော့မယ်ဆိုပြီး စက်တင်ဘာလ ဆန်းပိုင်းမှာ အသံဟစ်လိုက်ပါတယ်။ ဒါပေမယ့် ဒီဟစ်သံက မြန်မာ့မြေပေါ်က အစ္စလာမ်သာသနာဝင်များအပေါ် ကြီးကြီးမားမား လှုပ်ခါထိခိုက်မှု မဖြစ်စေခဲ့ပါဘူး။ အဲ့ဒီလှုပ်ရှားမှုထဲ မြန်မာ၊ ဘင်္ဂလားဒေ့ရ်ှနဲ့ အိန္ဒိယပြည်နယ်တွေဖြစ်တဲ့ အာသံ၊ ဂူဂျာရတ်၊ ဂျမ်မူး၊ ကက်ရှမီးယားတို့လည်း ပါဝင်မယ်လို့ သူက ဆိုပါတယ်။ ဒီလိုအသံဟစ်ပြီး မရှေးမနှောင်းလေးတင်မှာပဲ လန်ဒန်အခြေစိုက် မြန်မာမွတ်စ်လင်မ်အဖွဲ့အစည်းက “ သိက္ခာမရှိတဲ့ အပြင် ရုန့်ရင်းကြမ်းတမ်းမှုပေါ် အခြေပြုထားတဲ့ အကြမ်းဖက်အဖွဲ့အစည်း တစ်ခုဆီက အကူအညီကို မြန်မာမွတ်စ်လင်မ်တွေ ဘယ်တော့မှ လက်သင့်ခံမှာ မဟုတ်ပါဘူး” လို့ ထုတ်ပြန်လိုက်ပါတယ်။

    အီဂျစ်နိုင်ငံသား မျက်စေ့ခွဲစိပ် ဆရာဝန်ဟောင်း အသက် ၆၃ နှစ်အရွယ် မစ္စတာ ဇ၀ါဟီရီဟာ ရှည်လျားထွေပြား စကားပြော ဗီဒီယိုကလစ်တွေ တင်နေတတ်သူမို့ လူသိများပေမယ့် လက်ရှိသူ ဦးဆောင်နေတဲ့ အလ်ကိုင်ဒါ အဖွဲ့ဟာဆိုရင် ၂၀၁၁ ခုနှစ်၊ မေလ ၂ ရက်၊ အမေရိကန်အထူး ကမ်းတက်တပ်ဖွဲ့ဝင်တွေရဲ့လက်ချက်နဲ့ ပါကစ္စတန်နေအိမ်ထဲ အလ်ကိုင်ဒါ တည်ထောင်သူနဲ့ ခေါင်းဆောင်ဟောင်း အိုစာမာ ဘင်န် လာဒင် သေဆုံးပြီးကတည်းက အင်အားချည့်နဲ့ပြိုလဲသွားခဲ့ပြီး အနည်းနဲ့အများ မှေးမှိန်သွားခဲ့ပါတယ်။ ယခုလို သူ့ကြေငြာချက်တွေဟာ သူတို့အုပ်စုအနေနဲ့ ရှင်သန်ဆဲ၊ လှုပ်ရှားဆဲ ဆိုပြီး အရဲစွန့်လူလုံးထွက်ပြခြင်းရယ်ပါ။ အထူးသဖြင့် ဒါက ဆီးရီးယားနဲ့ အီရတ်က IS အရှိန်မြင့်မားလာတဲ့ဖက်က အမြင်ဖြစ်တယ်။ တစ်ချိန်က ကြောက်စရာ အကြမ်းဖက်အုပ်စုဖြစ်တဲ့ အလ်ကိုင်ဒါဟာ ISIS အဖွဲ့ အဖက်ဖက်က ကြီးထွားလာတာနဲ့ အမျှ  လှုပ်လေမြုပ်လေ ဖြစ်နေတယ်လို့ BBC က စက်တင်ဘာ ၄ ရက်မှာ အစီရင်ခံတင်ပြခဲ့တယ်။

    အဲ့ဒီနယ်အတွင်း ရိုက်ကူးထားတဲ့ ဗီဒီယိုခွေဖြစ်နေတဲ့ အပြင် RSO တိုက်ခိုက်ရေးသမားတွေလို့ ပုံမှားရိုက်ထားသူတွေက Jamaat-e-Islami ရဲ့အဖွဲ့ခွဲ Islami Chhatra Shibir ဘင်္ဂလားဒေ့ရ်ှအစွန်းရောက်အဖွဲ့သား စစ်သွေးကြွတွေ ဖြစ်နေတာ တွေ့ရပါတော့တယ်။

    ပါကစ္စတန်ရဲ့ လုံခြုံတဲ့ တစ်နေရာရာမှာ ပုန်းအောင်းနေတယ်လို့ ယူဆစရာရှိတဲ့ မစ္စတာ ဇ၀ါဟီရီဟာ သူ့ခြိမ်းခြောက်မှုအတိုင်း အကောင်အထည်ဖော်နိုင်လိမ့်မယ်လို့ ဘယ်လိုမှ မတွေးယူနိုင်ပါဘူး။ အလ်ကိုင်ဒါနဲ့ မြန်မာပြည်က မွတ်စ်လင်မ်တစ်ချို့ အကြား ၁၉၉၀ နှစ်များအစောပိုင်း ကာလလောက်ကပဲ အဆက်အသွယ်ရှိတာကို ထုတ်ပြနိုင်ပါလိမ့်မယ်။ အဲ့ဒါကတော့ ဘင်္ဂလားဒေ့ရှ် အရှေ့တောင်ပိုင်း Cox’s Bazar နဲ့ Teknaf အကြား Ukhia ဒေသထဲ RSO အဖွဲ့ စခန်းချခဲ့စဉ်ကပါပဲ။ အဲ့ဒီအချိန်တုန်းက အာဖဂန် စစ်သွေးကြွတွေဟာ စခန်းကို ရောက်လာတယ်။ RSO ဖက်ကလည်း တာလီဘန် အတွက် တိုက်ပွဲဝင်ဖို့ ရခိုင်ပြည်နယ်က ဒုက္ခသည် တစ်ချို့ကို အဖဂန်နစ္စတန်ဆီ ပို့ဆောင်ရေး စီစဉ်ခဲ့ကြတယ်။ ၂၀၀၂ ခုနှစ် သြဂုတ်လမှာ အာဖဂန်နစ္စတန်ကနေ CNN ရရှိတဲ့ အလ်ကိုင်ဒါမှတ်တမ်း ဗီဒီယိုခွေ ၆၀ ကျော်ထဲ လက်နက်ကိုင်လေ့ကျင့်ရေး သင်တန်းဝင်နေတဲ့ မွတ်စ်လင်မ် မဟာမိတ်တွေအကြား မြန်မာ(Burma) လည်း ပါဝင်တယ်လို့ ပြသထားတယ်ဆိုပြီး ပြောနေကြတယ်။ ဒါပေမယ့် RSO အဖွဲ့ဟာ မြန်မာပြည်ထဲ စခန်း တစ်ခုတောင် မရှိခဲ့ပဲ တစ်ဖက်ကမ်းက ဘင်္ဂလားဒေ့ရ်ှနယ်စပ်ထဲမှာသာ ရှိခဲ့တာဖြစ်တယ်။ အဲ့ဒီနယ်အတွင်း ရိုက်ကူးထားတဲ့ ဗီဒီယိုခွေဖြစ်နေတဲ့ အပြင် RSO တိုက်ခိုက်ရေးသမားတွေလို့ ပုံမှားရိုက်ထားသူတွေက Jamaat-e-Islami ရဲ့အဖွဲ့ခွဲ Islami Chhatra Shibir ဘင်္ဂလားဒေ့ရ်ှအစွန်းရောက်အဖွဲ့သား စစ်သွေးကြွတွေ ဖြစ်နေတာ တွေ့ရပါတော့တယ်။ ယခုချိန်မှာ ပိတ်သိမ်းထားပြီးတဲ့စခန်းက လှုပ်ရှားမှုတွေဟာ မြန်မာပြည်က ဘယ်လူမျိုးစုနဲ့မှ မပတ်သက်ပါဘူး၊ မည်သည့် ဘာသာရေး ပဋိပက္ခနဲ့လည်း မပတ်သက်ပါဘူး၊ ဘင်္ဂလားဒေ့ရ်ှနိုင်ငံရေးနဲ့သာ အဓိက သက်ဆိုင်နေတာပါ။

    လက်ရှိနှစ်များအတွင်း အဗ်ဒုလ် ကုဒ္ဒူးစ် အလ်ဗရ်မီလို့ မိမိကိုယ်ကို အမည်ပေးထားတဲ့ တို့မီးရှို့မီးလုပ်နေသူ မွတ်စ်လင်မ်တစ်ဦး ရှိပါတယ်။ သူ့ကိုယ်သူ မြန်မာနိုင်ငံကလို့ပြောပြီး မြန်မာစကားနဲ့ ရိုက်ကူးထားတဲ့ ဗီဒီယိုကလစ်တွေ ထုတ်ပါတယ်။ လက်နက် တပ်ဆင်ပြီး တန်းစီထားတဲ့ မွတ်စ်လင်မ် တိုက်ခိုက်ရေးသမားတွေကို နောက်ခံထား ရိုက်ကူးထားပါတယ်။ တကယ်တမ်းကျတော့ သူဟာ ပါကစ္စတန်၊ ကရာချိက မဒ်ရဆာစာသင်ကျောင်း တစ်ခုမှာ ခြေကုပ်ယူထားတာပါ။ အဲ့ဒီဗီဒီယို အတိုအစလေးဟာ ၁၉၉၀ အစောပိုင်းနှစ်များက Ukhia ထဲ (သို့မဟုတ်) Sulawesi ကျွန်းပေါ် ပိုဆိုဒေသ Gunung Biru (တောင်ပြာတန်း)ပေါ်ရှိတဲ့ Jamaah Ansharut Tauhid အဖွဲ့ထဲက အင်ဒိုနီးရှား စစ်သွေးကြွတွေရဲ့စခန်းထဲ ရိုက်ကူးထားချက် ဖြစ်နေတယ်။ အဲ့ဒီ အင်ဒိုစခန်းက မြန်မာနိုင်ငံနဲ့သော် လည်းကောင်း၊ ဘင်္ဂလားဒေ့ရ်ှနဲ့သော်လည်း ကီလိုမီတာ ထောင်ချီဝေးကွာတဲ့ အရပ်ဒေသမှာ တည်ရှိလုိ့နေပါတယ်။

    အဲ့ဒီလိုလူစားမျိုးနဲ့ လားလားမျှ မဆိုင်စွာ မြန်မာမွတ်စ်လင်မ်တွေအဖို့ ဘာသာရေးအခြေခံ ပုန်ကန်မှုရယ်လို့ လုံးဝ မရှိခဲ့ဖူးပါဘူး။ အစ္စရေးလူမျိုးပညာရှင်နဲ့ သံတမန်ဟောင်း မိုရှေး ယေဂါက ဒီလိုဆိုထားပါတယ်။ အာရဗ်ကမ္ဘာက မွတ်စ်လင်မ် သင်္ဘောသားတွေဟာ မြန်မာနိုင်ငံထဲ ၉ ရာစုအတွင်း ပထမဆုံး ရောက်ခဲ့ကြတယ်။ အချို့က ကုန်သည်တွေ ဖြစ်ပြီး အချို့ကတော့ အနော်ရထာ အပါအ၀င် မြန်မာဘုရင်များလက်အောက်မှာ မြင်းသည်တော်တွေအဖြစ် အမှုထမ်းခဲ့ကြတယ်။ အများစုဟာ အမျိုးသားတွေဖြစ်တဲ့အတွက်  လူ့သဘာဝအရ ဒေသခံအမျိုးသမီးတွေနဲ့ အိမ်ထောင်ကျပြီး လူ့အဖွဲ့အစည်းဝင်တွေအဖြစ် တစ်သွေးတစ်သားတည်း ဖြစ်လာခဲ့ကြတယ်။ ၁၉ ရာစုမှာ မင်းတုန်းမင်းတရားကြီးက မိမိရဲ့ မွတ်စ်လင်မ်စစ်သည်များအတွက် နေပြည်တော်သစ် မန္တလေးမှာ (အစ္စလာမ်ထုံးတမ်းနဲ့ ညီညွတ်သော) ဟလာလ်အစားအစာတွေ စီစဉ်ပေးယုံမက အိမ်ရာတွေ တည်ဆောက်ဖို့ နေရာချမြေရှင်းစေခဲ့တယ်။ ဒါ့အပြင် မွတ်စ်လင်မ်ရေးရာ စီမံခန့်ခွဲရေးအတွက် အာဖဂနစ္စတန် ကာဘူးလ် မှ မော်လဝီကြီး တစ်ဦးကို တရားသူကြီး (သာသနာပိုင်) အဖြစ် ခန့်အပ်ခဲ့ပါသေးတယ်။ စစ်သည် ရဲမက်ဖြစ်နေသူတွေမှ အပ ကျန်တဲ့ မွတ်စ်လင်မ်အများစုဟာ ကုန်သည်တွေ၊ ဈေးသည်တွေသာ ဖြစ်ကြတယ်။

    ဗြိတိသျှခေတ်အတွင်း ဗြိတိသျှလက်အောက်ခံ အိန္ဒိယကနေ မွတ်စ်လင်မ် အများအပြား ပြောင်းရွှေ့ဝင်ရောက်လာတယ်။ သို့ပေမယ့် မြန်မာ့လွတ်လပ်ရေးလှုပ်ရှားမှုမှာ သူတို့ တစ်တပ်တအား ပါဝင်ခဲ့ကြတယ်။ အဲ့ဒီထဲက အထင်ရှားဆုံးကတော့ ဗိုလ်ချုပ်အောင်ဆန်းရဲ့ အရင်းနှီးဆုံးမိတ်ဆွေ M.A ရာရှစ် ဖြစ်တယ်။ သူဟာ အိန္ဒိယ၊ အလာဟဘတ်မှာ မွေးဖွားခဲ့ပေမယ့် မြန်မာပြည်ထဲ ကြီးပြင်းလာသူ၊ ပညာသင်ကြားခဲ့သူ ဖြစ်တယ်။ ၁၉၃၆ ခုနှစ်မှာ ရန်ကုန်တက္ကသိုလ်ကျောင်းသားသမဂ္ဂရဲ့ ပထမဆုံး အတွင်းရေးမှူးချုပ်၊ အဲ့ဒီနောက် ဥက္ကဌ ဖြစ်ခဲ့သူပါ။ ၁၉၄၈-၁၉၆၂ ပါလီမန်ခေတ်ကာလ ၀န်ကြီးချုပ်ဦးနုလက်ထက်မှာ ဦးရာရှစ်အနေနဲ့ ၀န်ကြီးဌာနများစွာထဲ တာဝန်ထမ်းဆောင်ခဲ့တယ်။ အခြားတိုင်းပြည်ခေါင်းဆောင်များလိုပဲ ၁၉၆၂ အာဏာသိမ်းမှု နောက်ပိုင်း နိုင်ငံရေးအကျဉ်းသားဘ၀ ရောက်ခဲ့ရပါတယ်။ ဒါတင်မကသေးပါဘူး။ ၁၉၄၇ ခုနှစ် ဇူလိုင်လ ၁၉ ရက် ဗိုလ်ချုပ်အောင်ဆန်းနဲ့အတူ လုပ်ကြံခံရတဲ့ အာဇာနည်ခေါင်းဆောင်များထဲမှာ မွတ်စ်လင်မ် ၂ ဦးပါဝင်ပါတယ်။ တစ်ဦးက မိတ္ထီလာနယ်သား ကက်ဘိနက်ဝန်ကြီး ဦးအဗ်ဒူ ရာဇတ်၊ နောက်တစ်ဦးက သူ့ရဲ့ အပါးတော်မြဲ ရဲဘော်ကိုထွေး ဖြစ်ကြပါတယ်။ ရန်ကုန်မွတ်စ်လင်မ် အသိုင်းအ၀ိုင်းမှာ ထင်ရှားသူနောက်တစ်ဦးကတော့ ၁၉၅၀ နှစ်များမှာ ပညာရေးဝန်ကြီးအဖြစ် တာဝန်ထမ်းဆောင်ခဲ့တဲ့ “ဦးကာ” ဖြစ်ပါတယ်။

    မမေ့နိုင်ကြသူတစ်ဦး ရှိပါသေးတယ်။ ရေတပ်အရာရှိဟောင်းကနေ ထင်ရှားတဲ့ စာဆို၊ စာရေးဆရာ ဖြစ်ခဲ့တဲ့ မောင်သော်က ပါ။ သူဟာ အမျိုးသားဒီမိုကရေစီအဖွဲ့ချုပ် NLD ကို လက်ဦးတည်ထောင်ခဲ့သူများအနက် အပါအ၀င်တစ်ဦးဖြစ်ပါတယ်။ ၁၉၈၉ ခုနှစ်မှာ ဖမ်းဆီးခံရတယ်။ ရိုက်နှက်နှိပ်စက်ခံရခြင်းကြောင့် ၁၉၉၁ ခုနှစ် ဇွန်လ ၁၁ ရက်၊ အင်းစိန်ထောင်ထဲမှာ ကွယ်လွန်ခဲ့ပါတယ်။ ရန်ကုန်စွန္နီသုဿာန်ထဲက မြန်မာစစ်ဗိုလ်တစ်ဦးဖြစ်ခဲ့တဲ့ သူ့အစ်ကို ဦးဘဇော် (ဦး ဂိုလန်အာမက်) လဲလျောင်းရာနံဘေးမှာ မြုပ်နှံသင်္ဂြိုလ်ခဲ့ကြတယ်။

    ၁၉၈၈ ခုနှစ် သြဂုတ်နဲ့ စက်တင်ဘာလ တအုံတကျင်းသတ်ဖြတ်ပွဲ ပြီးတဲ့နောက် အမှောင်ဖုံးနေ့ရက်များအတွင်း ဘာသာပေါင်းစုံက အမြင်တူသူများ စုပေါင်းပြီး BIRC “မြန်မာ့ဘာသာပေါင်းစုံ ကူညီရေးကော်မတီ” ကို ဖွဲ့စည်းခဲ့ကြတယ်။ ရန်ကုန်မြို့ ဆင်းရဲသားရပ်ဝန်းတွေဆီ အစာရေစာ လိုက်လံဝေငှကြတယ်။ ဘာသာပေါင်းစုံ သင့်မြတ်ညီညွတ်မှုကို ပြသတဲ့အနေနဲ့ ဒုတိယကမ္ဘာစစ်သုံးကားစုတ်လေးမှာ ဗုဒ္ဓဘာသာဝင်များရဲ့ ဓမ္မစကြာပုံ၊ မွတ်စ်လင်မ်တွေရဲ့ ဆန်းဦးစလပုံ၊ ခရစ်ယာန်တွေရဲ့ လက်ဝါးကပ်တိုင်ပုံ၊ ဟိန္ဒူတွေရဲ့ သင်္ကေတ စတဲ့ သက်ဆိုင်ရာ ဘာသာရေးအမှတ်အသားတွေ ပါဝင်ပုံဖော်ထားတဲ့ တံခွန်ကိုလည်း လွှင့်ထူလို့ရယ်ပေါ့။ အဲ့ဒီအဖွဲ့ဟာ အဖွဲ့အစည်းမှတ်ပုံတင် မရခဲ့သော်လည်း  မြန်မာနိုင်ငံရဲ့ လူ့အဖွဲ့အစည်းအခြေပြု ပထမဆုံး ခေတ်သစ် NGO အုပ်စုတစ်ခု ဖြစ်ခဲ့တယ်။ ခေါင်းဆောင်တွေထဲမှာ မွတ်စ်လင်မ်ဖြစ်တဲ့ S.A. Ginwalla နဲ့ ဗုဒ္ဓဘာသာကလျာဏယုဝ အသင်းက ဦးဘိုတို့လည်း ပါဝင်ခဲ့ကြတယ်။ ထိုစဉ်က မြန်မာနိုင်ငံဆိုင်ရာ သြစတေးလျ သံအမတ်ကြီးဖြစ်သူ Chris Lamb က ဒီလိုပြောပါတယ်။
    “သူတို့ဟာ သက်ဆိုင်ရာဘာသာတရားခေါင်းစဉ်နဲ့ ထွက်လာခဲ့ကြတာ မဟုတ်ဘူး။ BIRC အဖွဲ့ဝင်တိုင်းက ဘာသာရေး သို့မဟုတ် အခြားရှုထောင့်တစ်ရပ်ရပ်ကနေ အပစ်ပယ်ခံရဆုံးသူတွေဆီ အရောက်လှမ်းနိုင်စွမ်း ဖော်ဆောင်ခဲ့ကြပေတယ်”။

    အဲ့ဒီ စွန့်ဦး NGO ပုဂ္ဂိုလ်များရဲ့လမ်းညွှန်စည်းမျဉ်းကတော့ – အထင်ကြီးလေးစားခံရဖို့ မလိုဘူး၊ သာသနာ့ကိုင်းရှိုင်းမှုပဲ လိုအပ်တယ် – ဆိုတာပါပဲ။

    ရွှင်မြူးစရာရှုထောင့်ဖက်က ကြည့်မယ် ဆိုရင်လည်း မြန်မာနိုင်ငံသားတိုင်း ဦးရွှေရိုးအကကို နှစ်သက်ကြတယ်။ ထီးကျိုးတစ်ချောင်းကိုင်၊ ပုဆိုးကို  ပုံပန်းမကျ ၀တ်ဆင်ပြီး ကပြ အသုံးတော်ခံတဲ့ ပုံဟန်ဟာ မြန်မာ့ ပွဲလမ်းတိုင်းလိုလိုမှာ ရာစုနှစ် တစ်ခုလောက် စိုးမိုးနေရာယူထားပါတယ်။ အဲ့ဒီဇာတ်ရုပ်ကို တီထွင်ခဲ့သူဟာ ကျော်ကြားတဲ့ သရုပ်ဆောင်၊ လူရွှင်တော်နဲ့ ကာတွန်းပညာရှင် ဦးဘကလေး ဖြစ်ပါတယ်။ ဦးဘကလေးက မြန်မာမွတ်စ်လင်မ်တစ်ဦးပါ။ ပုသိမ်မှာမွေးဖွားပြီး မွတ်စ်လင်မ် အမည်ကတော့ မုဟမ္မဒ် ဘရှီးရ် ဖြစ်ပါတယ်။ ဦးရွှေရိုးဟာ ဂျိဟာ့ဒ်ဝါဒီ သို့မဟုတ် ယှရီအဟ် ဥပဒေဘက်တော်သားပါလို့ အသည်းအသန် တံဆိပ်တပ်မယ့်သူ ဘယ်သူတစ်ဦးရှိနိုင်မှာလဲ ?  စက်တင်ဘာလဆန်းပိုင်းမှာ ဇ၀ါဟီရီအနေနဲ့ ပါကစ္စတန်က သူ့လျှို့ဝှက်ပုန်းခိုရာကနေ အဲ့ဒီလို အူကြောင်ကြောင် ဗီဒီယို ရိုက်ထုတ်လိုက်ခြင်းဟာ သူ့ကိုယ်သူ အရူးဖြစ်အောင် လုပ်နေခြင်းပါပဲ။ ဘယ်သူမှ လိုက်အရူးထမှာ မဟုတ်ပါဘူး။ ဘာကြောင့်လဲဆိုတော့ မြန်မာပြည်မှာ အဲ့ဒီလိုကဏ္ဍမျိုး အတွက် ဘယ်သူမှ မစဉ်းစားကြပါလို့ပဲ ဆိုချင်ပါတယ်။

    xxxxxxxxxxxxxxxxxx

    THE IRRAWADDY မဂ္ဂဇင်းတွင်ဖော်ပြသည့် BERTIL LINTNER ရေးသားသော “The Muslims of Myanmar” ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုရေးသားသည်။

  • မြန်မာနိုင်ငံ တောင်ဖျားပိုင်းရှိ အစ္စလာမ် ဘာသာဝင် ပသျှူးလူမျိုး

    ဒီဇင်ဘာ ၂၆၊ ၂၀၁၃
    စာတမ်းရှင်- သုတေသီ ဦးမောင်မောင်ကြီး(မန်း) ၁၉၈၅ ခုနှစ်က ရေးသားထားသော စာတမ်းတိုဖြစ်ပါသည်။

    မြန်မာနိုင်ငံတောင်ဖျားပိုင်း၊ တနင်္သာရီကမ်းမြောင်ဒေသ၏ ပင်လယ်ကမ်းရိုးတန်းတွင် ပသျှူးလူမျိုး များအစုအဝေး လိုက်နေထိုင်ကြသည်။ ဒေသ နယ်ပယ်အားဖြင့် မြောက်ဘက်တွင် ကရင်ပြည်နယ်နှင့် မွန်ပြည်နယ်၊ တောင်ဘက်တွင် မလေးရှားပြည်ထောင်စု၊ အနောက်ဘက်တွင် ကပ္ပလီပင်လယ်တို့ဖြင့် ဆက်စပ်လျက် တိုင်းရင်းသား ပသျှူးလူမျိုးတို့၏ ဒေသအဖြစ် တည်ရှိနေသည်။

    ပသျှူးလူမျိုးတို့မှာ မြန်မာနိုင်ငံ၏ (Racial Gene)မူလ လူမျိုးနွယ်ရင်းများဖြစ်သည်။ (Primitive man)ရှေးလူမျိုးများ လည်းဖြစ်၍ မြန်မာ စာပေလောကတွင် ဘီလူးဟု ခေါ်တွင်ပြီး ရက္ခပူရတိုင်းသား၊ ရေဘီလူးဟု ဓမ္မစေတီကျောက်စာ၊ မွန်တို့၏ ကလျာဏီကျောက်စာ တို့တွင် ရေးထိုးထားကြသည်။

    သမိုင်းသုတေသီများမှ လေ့လာရာတွင် ပသျှူးလူမျိုးနှင့် ဆလုံလူမျိုးတို့မှာ သြစတြေးလွိုက်(Australoid)လူ့အနွယ်ဝင်တို့၏ အသွင်အပြင်လက္ခဏာ၊ ယဉ်ကျေးမှုအကြွင်းများကို တွေ့ ရပြီး ပင်ကိုယ်အရည်အသွေး၊အရည်အချင်းရှိပြီး ရိုးသားမှုအပြည့်အ၀ရှိကြောင်း မှတ်ချက်ချကြသည်။
    ရှေးအခါက မြန်မာနိုင်ငံတောတောင်များနှင့် မြစ်ချောင်းများတွင် နေထိုင်ကြသော်လည်း မွန်ဂို ကုန်းမြင့်မှ အဆင့်ဆင့်ရွှေ့လာသောမွန်ဂိုအနွယ် (၁)မွန်ခမာလူမျိုးစုကြီးမှ ၁၂-မျိုး၊ (၂)တိဘက်-မြန်မာ လူမျိုးစုကြီးမှ (၃၂)မျိုး၊ (၃)ထိုင်း-တရုတ်လူမျိုးနွယ်ကြီးမှ (၁၁)မျိုးတို့ဝင်ရောက်လာမှုကြောင့် သဘာဝ တရားအရ ရောနှောဆက်ဆံထွေးရောယှက်တင်ကာ နေထိုင်ကြသကဲ့သို့ အချို့မှာ အုပ်စုလိုက် တကောင်း၊ ပခုက္ကူ၊ စစ်ကိုင်းတောင်ရိုး၊ မြင်းခြံ၊ ပုံတောင်ပုံညာ၊ မကွေး၊ ချောက်၊ စလေ၊ ပုပ္ပါး၊ မင်းဘူး၊ တောင်ငူ၊ မုတ္တမ၊ သထုံ၊ ဘီးလင်း၊ ဘီလူးကျွန်များသို့ အဆင့်ဆင့်ပြောင်းရွှေ့နေထိုင်ခြင်းဖြင့် ပင်လယ်ကမ်းမြောင်ဒေသနှင့် ကျွန်းများသို့ အခြေစိုက်နေထိုင်ခဲ့ကြခြင်းဖြစ်သည်။

    ပသျှူးလူမျိုးများနေထိုင်ရာဒေသအား ကွင်းဆင်းစာရင်းပြုစုရာတွင် ကျေးရွာအုပ်စု(၃၀)ကျော်တွင် အိမ်ခြေဦးရေ(၇၁၇၄)အိမ်ရှိသည်ဟု သိရပေသည်။

    ပသျှူးလူမျိုးတို့မှာ မိမိတို့တူညီသူအချင်းချင်းစုရုံးကာ သံ၊ သစ်၊ ၀ါး၊ တိုက်အိမ်အဆောက်အဦး တို့နှင့် အတည်တကျ အခိုင်အမာအိမ်များဆောက်လုပ်နေထိုင်လျက်ရှိကြသည်။

    ကော့သောင်းမြို့နယ်

      အိမ်ခြေ ဆူရောင်း(၀တ်ကျောင်း)
    (၁)ကော့သောင်းမြို့တွင်    ၄၂၈   ၄
    (၂)(၇)မိုင်၊(၈)မိုင်၊(၉)မိုင်   ၂၁၄
    (၃)ရခိုင်ချောင်းပ   ၁၉၂
    (၄)ပလုံတုံကျွန်း ၂၉၆
    (၅)(၁၀)မိုင် ၁၅၈  ၃
    (၆)ပါဆယ်ပါညန်း ၂၈၇  ၁
    (၇)ဟားမက်တိုက်ရွာ    ၂၀
    (၈)မာဖူတေး    ၁၆၃
    (၉)ကွာလာရှမ်ဖန်ဘာနွမ်း ၁၇၁  ၁
    (၁၀)ပရိုနိမ်-ဘန်ခွမ်း  ၂၂၅  ၁
    (၁၁)၀ါလန်-ကမ်းနား    ၁၀၁   ၁
    (၁၂)အောက်ကျင်းဘွန်ပန်   ၁၇၇   ၁
    (၁၃)အထက်အောက်ကြပ  ၅၃  ၁
    (၁၄)အောက်အောက်ကြပ် ၁၆၀  ၁
    (၁၅)ဘန်ဒွန်  ၁၅၁  ၁
    (၁၆)စိုင်းဒင်ကျေးရွာ  ၁၅၅  ၁
    (၁၇)ဆူမာဘာလိုင်ကျွန်း  ၁၀၅
    (၁၈)ပလောကလိုင်ကျွန်း ၁၅၆  ၁
    (၁၉)အောင်ဘာကျွန်းသူကြီးကမ်း  ၂၀၁  ၁

    ဘုတ်ပြင်းမြို့နယ်

    အိမ်ခြေ ဆူရောင်း(၀တ်ကျောင်း)
    (၁)ဘုတ်မြင်းမြို့  ၄၅၁  ၂
    (၂)ဘုန်းတောကမ်း ၁၈၉
    (၃)နီပါး ၁၁၈
    (၄)စတိမ် ၁၅၂၅
    (၅)အလယ်မာကျွန်း ၂၁၂
    (၆)ကြယ်နီတောင်ကျွန်း ၁၄၀
    (၇)နူငွာကျွန်း ၁၀၆
    (၈)ရေကန်တောင်ကျွန်း ၁၉၉
    (၉)ချောင်းကဖီးကျွန်း  ၅၇

    အသက်မွေးဝမ်းကြောင်း

    ရှေးအခါက သစ်ခုတ်၊ အမဲလိုက်၊ ရေလုပ်ငန်းများလုပ်ခဲ့ကြပြီး၊ တောင်ယာစပါးစိုက်ပျိုးခြင်း၊ ဥယျာဉ်ခြံမြေများတွင် ငရုတ်ကောင်း၊ ဘူး၊ ဖရုံ၊ သခွားစသောသီးနှံများစိုက်ပျိုးကြသည်။ ရသမျှသီးနှံများကို လဲလှယ်ရောင်းချစားသုံးကြသည်။

    အုန်းလုပ်ငန်းနှင့် ရေလုပ်ငန်းများသည် ယခုအချိန်တွင် အဓိကလုပ်ငန်းအဖြစ် ဆောင်ရွက်လာ ကြသည်။

    ကမ်းရိုးတန်းသွားရောင်းဝယ်မှုများလည်း ရွက်လှေ၊ စက်လှေအသုံးပြုကာ စီးပွားရေးလုပ်ကိုင်မှု များပင် ပြုလုပ်လျက်ရှိကြသည်။

    ၀တ်စားဆင်ယင်မှု

    အမျိုးသားများမှာ ဦးထုပ်ဆောင်းလျက် ပုဆိုးကို အပြင်လိပ်ဝတ်ကြသည်။ အင်္ကျီမှာ စွပ်ကျယ် အင်္ကျီပုံစံဘေးကွဲလည်ဟိုက်ဝတ်ဆင်ကြပြီး၊ အမျိုးသမီးများမှာ ဦးခေါင်းတွင် ပ၀ါခြုံ၍ ခတောင်အင်္ကျီရင်စေ့ လက်ရှည်၊ ထဘီခြေမျက်စေ့ဖုံးဝတ်ဆင်ကြသည်။ ရှေးနန်းတွင်းအပျိုတော်များ၊ လူပျိုတော်များကဲ့သို့ သဏ္ဍာန်တူသည်။

    PaShu2

    နေထိုင်ရာအဆောက်အဦး

    အိမ်များမှာ အများစုမြေစိုက်အိမ်များဖြစ်သည်။ ခြေတံရှည်အိမ်များရှိကြသည်။ သဲကျောက်အသုံးပြု သည့် ခေတ်မီနေအိမ် တိုက်တာ အဆောက်အဦးများလည်း တစ်စ တစ်စဆောက်လုပ်နေထိုင်လျက်ရှိ ကြသည်။

    အိမ်သစ်ကို မင်္ဂလာယူ၍ အိမ်တက်မင်္ဂလာ“ဖာတေဟာ”၊ မော်လွဒ်၊ ကျမ်းတော်မြတ်ကုရ်အာန် ဖတ်ရွတ်မှုများပြုလုပ်ကြသည်။ ခွေးလုံးဝမမွေးကြပေ။

    အုပ်ချုပ်ရေး

    ဖားစည်သည် ညီအစ်ကိုတော်ကရင်၊ ကယား၊ မွန်၊ ပလောင်၊ မြန်မာတို့ကဲ့သို့ အထူးအမြတ် ထားကာ သာရေး၊နာရေး၊ လူမှုရေးတို့တွင် သင်္ကေတ အချက်ပေး၍ လူစုဝေးရန် အသုံးပြုသည်။

    သူကြီးများဖြင့် အဆင့်ဆင့်အုပ်ချုပ်မှုများဆောင်ရွက်ကြပြီး ခေါင်းဆောင်အကြီးအကဲတို့၏ အမိန့်ကို တသွေမတိမ်းနာခံကြသည်။

    အကျင့်သီလသိက္ခာထိန်းသိမ်းရန်နှင့် စိတ်ဓာတ်ကို တည်ကြည်ဖြူစင်စေရန် အသေးအဖွဲကိစ္စ များကိုပင် မျက်ခြေမပြတ်ဆောင်ရွက် တည့်မတ်ကြသည်။

    ကာသွီတရားသူကြီး(ဓမ္မသတ်မှုး)များက စည်းကမ်းကျူးလွန်ဖောက်ဖျက်မိသူကို တရားရေးရာ အဆုံးအဖြတ်ပြုရာတွင် ကျူးလွန်မိသူ အပြစ်ဒဏ်ခံရရေး ထက် နောင်နောင်ဤကဲ့သို့မကျူးလွန်ရန် အသိဖြင့် နောင်ကြဉ်ရန် ဆောင်ရွက်ကြသည်။

    ပသျှူးအမျိုးသား၊အမျိုးသမီးတိုင်း ခံယူသည်မှာ “မိမိတို့၏ အသက်အိုးအိမ်စည်းစိမ်ကာကွယ်ရန်မှာ မိမိတို့ တာဝန်သာဖြစ်ကြောင်း” အဆင့်ဆင့်သောဘ၀ပေး အသိက တပ်လှန့်ထားသည်။

    PaShu

    ပညာရေး

    ပညာသင်ကြားရေးသည် အမျိုးသား၊ အမျိုးသမီးတိုင်းနှစ်သက်မြတ်နိုးကြသည်။ ဂျာဝီစာပေ၊ အာရဗီစာပေ၊ မြန်မာစာပေများကို အရေးအဖတ် ကျွမ်းကျင်စွာ သင်ယူကြသည်။ ဆရာသမားများကို “သုခုမ”ဟု ခေါ်ကြသည်။

    ခေတ်ပညာသင်ကြားတတ်မြောက်၍ ဘွဲ့ရရှိသူများစွာရှိသည်။

    အဆင့်မြင့်အာရဗီ ပညာသင်ကြားရေးကို ဘာလှိုင်း စာသင်ဌာနတွင် သင်ကြားလိုသူတိုင်း မိမိစရိတ် ဖြင့် မိမိကျော်င်းပတ်ဝန်းကျင်နှင့် ကိုယ်ထူကိုယ်ထအခြေစိုက်တစ်ယောက်နေ၊ နေအိမ်များဆောက်လုပ် နေထိုင်ကာ ပညာသင်ယူကြသည်။

    အမျိုးသား၊အမျိုးသမီးတိုင်း တဂျဝီးဒ်နှင့် သဒ္ဒါနည်းကျကျကျွမ်းကျင်စွာဖြင့် ကျမ်းတော်မြတ် ကုရ်အာန်ကို ဖတ်ရွတ်နိုင်ကြသည်။

    ယဉ်ကျေးမှု

    ပသျှူးတို့ဒေသသို့ အစ္စလာမ်သာသနာသည် အေဒီ(၈-၁)ခုတွင် စတင်ဝင်ရောက်သည်။ ရခိုင် ပြည်နယ်မြောက်ပိုင်း(ကွီယာပူဟနီဖာတောင်)Conni Bol ကာနီဘော်တို့ဒေသသို့ မောင်လာအလီသခင်၏ သားတော်မုဟမ္မဒ်ဟနီးဖ်၏ စစ်သည်များဝင်ရောက်လာမှုထက် နှစ် (၁၀၀)ကျော်နောက်ကျပြီး မလက္ကာ ကျွန်းသို့ အစ္စလာမ်သာသနာရောက်သည့်နှစ်ထက် နှစ်(၂၀၀)နောက်ကျသည်ဟု အစ္စလာမ်သာသနာပြု သမိုင်းသုတေသီ စိုလိုင်မံနှင့် အေဒီ(၉၀၂)တွင် ရောက်ရှိလာသည့် ပထ၀ီသမိုင်းပညာရှင် အိဗ်နုဖာကီးရ်တို့၏ မှတ်တမ်းတွင် ဖော်ပြထားသည်။ မော်ရိုကိုပြည်သား ကမ္ဘာလှည့်သုတေသီအိဗ်နေ့ ဘတူတာ(Ibni Batuta) ၏ အေဒီ(၁၃၄၅)ခု၊ မှတ်တမ်းတွင် အာရပ်နွယ်ဝင်(Al Malik ul Zahir Ibni Gomol)အုပ်ချုပ်လျက် ရှိကြောင်းဖော်ပြထားသည်။ ပသျှူးအမျိုးသားများမှာ မိမိတို့ရိုးရာဓလေ့ယဉ်ကျေးမှုများကို မြတ်မြတ်နိုးနိုး၊ တန်ဖိုးထား ကျင့်သုံးသည့်ကောင်းမြတ်သော အမွေအနှစ်အဖြစ် ထိန်းသိမ်းဆောင်ရွက်လျက်ရှိကြသည်။

    မဟာတမန်တော်နေ့

    အီးဒ်-မီလာဒွန်နဗီ၊ မဟာတမန်တော်နေ့အခမ်းအနားများကို သိုက်မြိုက်ခမ်းနားစွာမေတ္တာပို့သခြင်း၊ စုပေါင်းဖာတေဟာရွတ်ဖတ်ခြင်း၊ ကဗျာ ကဆွီဒါလင်္ကာများ ရွတ်ဖတ်ခြင်းနှင့် ကလေးငယ်များ စာပေပြိုင်ပွဲ ပြုလုပ်ခြင်း၊ ကေရာအသ်ရွတ်ဖတ်ပြိုင်ပွဲများပြုလုပ်ကျင်းပကြသည်။ ရှာဖေအီ မဇ်ဟဗ်များပင်ဖြစ်သည်။

    အီးဒ်-အီးဒုလ်အဒ်ွဟာတွင် ကျွဲများကို စွန့်လွှတ်လှုဒါန်းကြပြီး ကျွေးမွေးဧည့်ခံကြသည်။

    လမြတ်ရမ်သွာန်တွင် နေ့ညဥ့်မပြတ် အမျိုးသား၊အမျိုးသမီးတိုင်း ဆူရောင်းဗလီဝတ်ကျောင်းတော် အတွင်း ကျမ်းတော်မြတ်ကုရ်အာန်ကို ဖတ်ရွတ်ကြသည်။ ဆွလားတ် ၀တ်ပြုမှုကို ၀တ်ကျောင်းတော်များတွင် အမျိုးသား၊အမျိုးသမီး၊ ကလေးသူငယ်များ စုပေါင်း၍ နေ့စဉ်(၅)ကြိမ် ၀တ်ပြကြသည်။ ပသျှူးဟာဂျီနှင့် ဟာဂျီမများစွာရှိသည်။

    အီးဒ်-အီးဒုလ်ဖိသီရ်တွင် ၀ါကျွတ်အထိမ်းအမှတ်တက္ကဗီရ်တိုင်ဟစ်ကြွေးလျက် ဆူရောင်း ၀တ်ကျောင်းတော်သို့ လာရောက်ကြပြီး ဆွလာတ် ၀တ်ပြုကြသည်။ တစ်ဦးနှင့်တစ်ဦးစိတ်ရောကိုယ်ပါ ဖက်လှဲတကင်းနှုတ်ဆက်ကြရင်း မိမိက ကိုယ်နှုတ်နှလုံး သုံးပါးဖြင့် ပြောဆိုပြုမူခဲ့သော အပြစ်ရှိက ခွင့်လွှတ် ရန် တစ်ဦးက တစ်ဦးကို တောင်းပန်ခြင်း၊ ခွင့်လွှတ်ခြင်းပြုကြသည်။ ထူးခြားသည်က လိုင်လတွရ်ကဒရ်နှင့် ရှဗေဘရအတ်နေ့များကို အီးဒ်နေ့များဟု သတ်မှတ်ကြသည့်ဂျွန်မာနေ့တွင် ခွတ်သ်ဗာ(သြ၀ါဒတော်ကို ဂျမအတ်အတွင်းမှ မည်သူမဆိုတက်ရောက်တင်ပြပြောဆိုခွင့်ရှိသည်။)

    တစ်အိမ်နှင့်တစ်အိမ်၊ တစ်မိသားစုနှင့် တစ်မိသားစုသွားရောက်လည်ပတ်ကြသည်။ အမျိုးသား၊ အမျိုးသမီးတိုင်း ကွယ်လွန်သူများ၏ သင်္ချိုင်းသို့ သွား၍ မေတ္တာပို့ကြသည်။

    ကျွေးမွေးဧည့်ခံမှုများကိုလည်း အိမ်တိုင်းကောက်ညှင်း၊ အုန်းသီး၊ နွားနို့ဖြင့် ပြုလုပ်သောအာဟာရ များ၊ မုန့်လုံးများကျွေးမွေးကြသည်။

    ရှဗေဘရာအတ်ညဥ့်မြတ်မင်္ဂလာတွင် ကျမ်းမြတ်ကုရ်အာန်ဖတ်ရွတ်ကာ စားသုံးကြသကဲ့သို့ ကောက်သစ်ပေါ်ချိန်၌ ဖာတေဟာ ဖတ်ရွတ်ပွဲများကျင်းပကြသည်။ ငရုတ်ကောင်၊ အသီးအနှံမျိုးစုံတို့ဖြင့် မုန့်ဟင်းခါးများချက်ပြုတ်ကျွေးမွေးကြသည်။ နာရေးတွင် အထူးသဖြင့် ဒဖနာမြေမြှုပ်သဂြိုဟ်နောက် မြေပုံ ပေါ်တွင် တဲထိုး၍ အသံမစဲ ကုရ်အာန်ဖတ်ရွတ်ပွဲများကို (၇)ရက်(၇)လီပြုလုပ်ကြသည်။ သို့မဟုတ် လပေါက် ပြုလုပ်ကြသည်။ အမျိုးသားအမျိုးသမီးတိုင်းဖ တ်ရွတ်ကြသည်။ ထိုနေရာမှာပင် ဧည့်ခံကျွေးမွေးကြသည်။

    ကလေးမွေးဖွားသန့်စင်ပြီး အမည်ပေးကင်ပွန်းတပ်တွင် ကလေးငယ်အား အလယ်တွင်ထား၍ အေမာမ်ရှေ့ဆောင်ဆရာများက ၀ိုင်းဖွဲ့လျက် “ဆွလ၀တ်မေတ္တာတော်”ချီးမြှင့်ရွတ်ဆိုကြသည်။ နောက် မိမိတို့ရပ်ရွာရှိ အေမာမ်ရှေ့ဆောင်ဆရာများမှ ကလေးငယ်၏ လျှာဖျားတွင် ပျားရည်(၃)ကြိမ် (၃)စက်ချ၍ ကလေး၏ ဘွဲ့အမည်ကို ရေရွတ်လိုက်ရာ အားလုံးမှ (၃)ကြိမ်(၃)ခါ လပ်ဗိုက်ထူးကြရသည်။ ပြီးလျှင် ကလေးအား ပုခက်အတွင်းထည့်၍ လွှဲကာ ကောင်းချီးသြဘာပေးကြသည်။ အမည်ပညတ်ရာတွင် အမျိုး သားဆိုလျှင် ကာလီ၊ ဆာလီ၊ ကူလေးမန်း၊ နော်ဒင်၊ လာရန်ဟူ၍လည်းကောင်း၊ အမျိုးသမီးဆိုလျှင် စာရဟား၊ မီရှား၊ ခေ၀ရီဇာ၊ ဖရီဒါ၊ ရမ်းမလာဟူ၍ ခေါ်ဝေါ်ကြသည်။

    အိမ်ထောင်ရေးနှင့်ပတ်သက်၍ မိဘများမှ သင့်တော်သူနှင့် အိမ်ထောင်ဖက်ပြုလုပ်ပေးလေ့ရှိ သကဲ့သို့ မိမိတို့အောင်သွယ်တော် လူကြီးသူမများ၏ စေ့စပ်မှုလည်းရှိသည်။ အချင်းချင်းနှစ်သက်မြတ်နိုး၍ လူကြီးမိဘတို့အား ဖွင့်ဟတောင်းခိုင်းမှုလည်းရှိသည်။

    အမျိုးသမီးက စ၍ အမျိုးသားအား နှစ်သက်မြတ်နိုးလျှင် အမျိုးသား၏ ခြေရာမှုန့်ကို ယူ၍ လက်ကိုင် ပ၀ါထောင့်တွင် ထုပ်ပြီး ဓိဋ္ဌာန်ပြီး “မင်း၏ အသည်းနှလုံး ခေါင်းအုံးလိုက်ပြီ”ဟု ရွတ်ဆိုကာ ခေါင်းအောက် တွင် ထား၍ အိပ်လိုက်လျှင် သူမနှစ်သက်သောအမျိုးသားအညှို့ခံရသကဲ့သို့ ဘယ်ဒေသကိုမျှ မသွားနိုင် တော့ဟု ဆိုစမှတ်ပြုကြသည်။

    မဟာရ်အကြွေးဟူ၍ မရှိ၊ တတ်နိုင်သမျှအပြတ်တင်ကြသည်။ သမီးရှင်မှ ဧည့်ခ့ကျွေးမွေးမှုများ ဆောင်ရွက်ကြသည်။ မဟာရ်သည် တစ်သက်တစ်ခါ အမျိုးသမီးအား ဂုဏ်ပေးသောအရာဖြစ်၍ လျှောက်ပတ်သောဂုဏ်ပေးမှုဖြစ်ရမည်ဟု ခံယူကြသည်။

    သတို့သား၊သတို့သမီး အခန်းဝတွင် ထိုင်၍ လူပျိုအပျိုများဝိုင်းရံထားချိန်တွင် ဧည့်သည်မှ သတို့သားအား ဆေးလိပ်တိုက်လျှင် သတို့သမီးက မီးညှိပေးသောအလေ့မှာ မောင်အတွက် မယ်ကူညီရန် အသင့်ဖြစ်နေကြောင်းသရုပ်သဏ္ဍာန်ကို နိမိတ်ပုံပြကြော်ငြာမှုဖြစ်၍ အားလုံးသြဘာပေးကြသည်။ ကောင်းချီးပေးကြသည်။

    မင်္ဂလာပွဲအကြာင်းပြု၍ ပြဇာတ်နှင် ကောင်ဝါလီပွဲများစည်ကားလှပြီး မုန့်ဆိုင်များပင် ဖွင့်လှစ် ရောင်းချကြသည်။ အရက်ဆိုင်နှင့် မူးယစ်ဆေးဝါး လုံးဝမရှိ၊ ကြီးလေးစွာတားမြစ်ထားသည်။ အားကစားတွင် မြန်မာ့လက်ဝှေ့ပညာ၌ ထူးချွန်ကြသည်။

    ချစ်စရာတိုင်းရင်းသားပသျှူးအမျိုးသားအစုအဝေး၏ ကောင်းမြတ်သောဓလေ့ထုံးစံနှင့် ယဉ်ကျေးမှု များမကွယ်ပျောက်ရေး နိုင်ငံတော်တွင် လုံးဝ တာဝန်ရှိပေသည်။ အမိမြေပေါ်၌ နေထိုင်ကြသည့်ထိုထိုသော သွေးချင်းများသည် မိမိတို့ညီနောင်များ၏ ဇစ်မြစ်ရိုးရာဓလေ့ယဉ်ကျေးမှုတို့ကို သိရှိထားကြရမည်။ ကာလတစ်ကန့်မှ ပျူလူမျိုးတို့ကွယ်ပျောက်သွားခဲ့သည်။ ယဉ်ကျေးမှုပျောက်လျှင် လူမျိုးပျောက်ကွယ် မည်မှာ အမှန်ဖြစ်၍ ပသျှူးလူမျိုးများမပျောက်ကွယ်ရေးကို တိုင်းရင်းသားညီနောင်များဝိုင်းဝန်းထိန်းသိမ်း သွားကြရမည်သာဖြစ်ပါသည်။

    ၁၉၈၅ ခုနှစ်ထုတ် အစ္စလာမ်သုတ စာစောင်တွင် သုတေသီ ဦးမောင်မောင်ကြီး(မန်း) ရေးသားထားသော စာတမ်းတိုဖြစ်ပါသည်

  • မြန်မာဘုရင်များ လက်ထက်က မြန်မာမွတ်စလင်မ်တို့၏ ဗိသုကာ လက်ရာများ- သမိုင်းထဲက ပုံရိပ် (၅)

    အမရပူရခေတ်နှင့် မန္တလေးရတနာပုံခေတ် အစ္စလာမ်ဝတ်ကျောင်းတော်များ (ဗလီများ) နှင့် မင်ဘာရ်(တရားဟောစင်မြင့်) များ၊ ဗလီဝတ်ကျောင်း အတွင်းဘက်များကို မြန်မာရိုးရာ ပန်းဆယ်မျိုးမှ ကနုတ်ပန်းများဖြင့် တပ်ဆင်ထားပါသည်။

    ဦးမောင်မောင်ကြီး(မန်း) စာရေးဆရာနှင့် သမိုင်းသုတေသီထံမှ ရရှိပါသည်။

    via- Yongni Oo FB
    art
    ဦးမောင်မောင်ကြီး(မန်း)ထံမှရရှိပါသည်။

    via- Yongni Oo