News @ M-Media

Tag: myanmarmuslim_author

  • ဆရာကြီး ဝမ်းအိုဝမ်း ကျော်ဝင်းမောင်၏ ဈာပန

    ဆရာကြီး ဝမ်းအိုဝမ်း ကျော်ဝင်းမောင်၏ ဈာပန

    စက်တင်ဘာ၊ ၂၄ ၊ ၂၀၁၂
    M-Media

    ဆရာကြီး ရဲ့ ဈာပနကို လိုက်လံပို့ဆောင်သူများ
    ဓါတ်ပုံ ( ဗမာမွတ်စလမ် လူငယ်များ ကွန်ယက်)

    ရန်ကုန်။     ။ မြန်မာ့လွတ်လပ်ရေး ကြိုးပမ်းစဉ်က လေထီးတပ်သားတဦးအဖြစ် ပါဝင်ခဲ့သူ စာရေးဆရာကြီး ၀မ်းအိုဝမ်း ကျော်ဝင်းမောင် (၉၃) နှစ်သည် ၂၃ ရက်ည ၁၀ နာရီ ၄၅ မိနစ်ခန့်တွင် သာကေတ နေအိမ်၌ ကွယ်လွန်သွားရာ အစ္စလာမ်ဘာသာ ထုံးတမ်းစဉ်လာနှင့်အညီ၂၄ ရက် နေ့လည် ၃ နာရီတွင် သံလျင်မြို့ ဒါရ်ဂါ သူတော်စင်ဗိမ္မာန်တွင် သင်္ဂြိုလ်သည်။

    အဆိုပါ ဈာပနအခမ်းနားသို့ မြန်မာမွတ်စလင်မ်ကွန်ယက်မှ မြန်မာမွတ်စလင်မ် ခေါင်းဆောင်တဦး ဖြစ်သူ ဒေါက်တာမြင့်သိန်း (ငြိမ်းချမ်းလုလင်) ၊ ရွှေဝါရောင် သံဃာအရေးလှုပ်ရှားမှု ဦးဆောင်ခဲ့သော သံဃာတော်များ၊ အမိမြေ ငြိမ်းချမ်းရေး မစ်ရှင်မှ ကိုမိုးသီးဇွန်နှင့် အဖွဲ့ဝင်များ၊ NLD ပါတီဝင်များ၊ နှင့်  ဆရာကြီး၏ သားတပည့်များ၊ အစ္စလာမ်ဘာသာဝင်များ၊ ဆရာကြီး၏ လုပ်ဖော်ကိုင်ဘက် နိုင်ငံရေးသားများ က ဆရာကြီး၏ နောက်ဆုံးခရီးကို လိုက်လံ နှုတ်ဆက်ပို့ဆောင်ခဲ့ကြပါသညည်။

    ဆရာကြိး ဝမ်းအိုဝမ်း ကျော်ဝင်းမောင် ဈာပနာအခမ်းအနားသို့ လိုက်လံပို့ဆောင်ခဲ့ကျသည့် သံဃာတော်များ၊ ဧည့်ပရိတ်သတ်များ
    ဓါတ်ပုံ ( ဗမာမွတ်စလမ် လူငယ်များ ကွန်ယက်)

    ဆရာကြိးဝမ်းအိုဝမ်း ကျော်ဝင်းမောင်နှင့် ဂျပန်ခေတ် ဗိုလ်သင်တန်းကို အတူတူ တက်ရောက်ခဲ့သည့် အမျိုးသား ဒီမိုကရေးစီ အဖွဲ့ချူပ် နာယက သူရ ဦးတင်ဦး ( ကာကွယ်ရေး ဦးစီးချူပ်ဟောင်း) မှ ယနေ့နံနက်တွင် ကျန်ရစ်သူ မိသားစုကို သွားရောက်အားပေးစကားပြော ကြားခဲ့ကြောင်း သတင်းရရှိပါသည်။

    ဆရာကြိးဝမ်းအိုဝမ်း ဦးကျော်ဝင်းမောင်သည် ဂျပန်ခေတ် မင်္ဂလာဒုံစစ်တက္ကသိုလ် တတိယပတ် ဗိုလ်သင်တန်းဆင်း၊ လွတ်လပ်ရေးမော်ကွန်းဝင် (ဒုတိယအဆင့်)၊ နိုင်ငံ့ဂုဏ်ရည်ဘွဲ့ (ဒုတိယအဆင့်)၊ သက်ကြီးကန်တော့ခံ စာပေပညာရှင် တစ်ယောက်ဖြစ်သည်။

     

     

    ဆရာကြိး ဝမ်းအိုဝမ်း ကျော်ဝင်းမောင် ဈာပနာအခမ်းအနားတွင် ဒေါက်တာမြင့်သိန်း( မြန်မာမွတ်စလင်မ် ကွန်ယက်) မှ ဝမ်းနည်းကြောင်း ပြောကြားစဉ်
    ဓါတ်ပုံ ( ဗမာမွတ်စလမ် လူငယ်များ ကွန်ယက်)
  • ဘိုးတော်မင်းတရား လက်ထက် ရမ္မာဝတီ မြို့ဝန် စာဆိုတော် ဆရာကြီး ဦးနု

    ဘိုးတော်မင်းတရား လက်ထက် ရမ္မာဝတီ မြို့ဝန် စာဆိုတော် ဆရာကြီး ဦးနု

    စက်တင်ဘာ၊ ၂၂၊ ၂၀၁၂

    M-Media

    တက္ကသိုလ်စိုးလွင် (ရွှေမန်းတက္ကသိုလ်) တင်ပြသည်။

    ဆရာကြီးဦးနုသည် မြန်မာနိုင်ငံတော်ကို တတိယအကြိမ်တည်ထောင်တော်မူခဲ့သော အလောင်းမင်းတရားကြီး၏ သားတော်ကြီး အိမ်ရှေ့ဥပရာဇာသည် ဖခမည်းတော်၏ ရွှေနန်းစည်းစိမ်ကို ဆက်ခံစိုးစံစဉ် မြန်မာသက္ကရာဇ် ၁၁၄၂-ခုတွင် ရတနာ သိင်္ဃ မင်းနေပြည်တော်ကြီးတွင် ဖွားမြင်ခဲ့သည်။

    ဆရာကြီးဦးနု၏ မွေးသက္ကရာဇ်ကို မည်ကဲ့သို့ သိရှိရသနည်းဟူမူ ဆရာကြီးဦးနု ပြုစုရေးသားခဲ့သော သုံးခန်းကျမ်း အပြီးတွင် ကျမ်းပြီးသက္ကရာဇ် ၁၁၅၆-ခုဟူ၍ ပြဆိုထားပေသည် ဆရာကြီး ဦးနု မိမိအသက် ၃၂- နှစ်ရှိသောအခါ သုံးခဏ်းကျမ်း ပြုစုကြောင်း သုံးခဏ်းအစ စာမျက်နှာတွင် ရေးသားထားလေသည် ထိုကြောင့် ကျမ်းပြီးသက္ကရာဇ် နှင့်တွက်စစ်သည်ရှိသော် ဆရာကြီး၏ မွေးသက္ကရာဇ်ကိုရှိပေသည် ဟစ်ဂျရီ သက္ကရာဇ်အားဖြင့် ၁၁၇၈ ခုဖွား ဖြစ်ပေသည်။

    ဆရာကြီးဦးနု၏ ငယ်နာမည်ကား မုဟမ္မဒ်ကာစင်မ် ဟူ၏ ဆရာကြီးသည် ကျမ်းပြုတိုင်း ကျမ်းပြုသူ၏ အမည်နာမကို အထူးသိစေရန် စကားဝှက်များဖြင့်ရေးသားလေ့ရှိ၏ သုံးဆယ့် ငါးခန်းကျမ်းအဆုံးတွင် ရေးသားထားသည်မှာ စာပြုသူမှာ ခြောက်စစွာ၊ မ-မှာ ဆွဲအစ်လျှင်၊ င-ကိုသတ္ထိဆွဲပြီးမှ၊ န-မှာလေးအောက်တွင်၊ သည်တွင် နာမ၊ ပုံသေကျ၊ တွေးယူပေရှင်ဟူ၍ ၎င်းခြောက်ခန်း ကျမ်းအဆုံးတွင်လည်း ရေးသားသည်မှာ ဤစာပြုသူ၊ လွယ်တကူ၊ တွေးယူသိစရာ၊ သဝေအစ၊ မ-ကိုချ၊ င-တွင်အစုံပါ၊ နကိုအချောင်းငင်၍ပေါင်း၊ စာကောင်းပြုဆရာ ဟူ၍၎င်း ပညတ်ခွဲတန်း ဆယ်ခြောက်ပိုဒ် ကျမ်းအဆုံးတွင်လည်း ကျွန်နာမကား၊ အစခြောက်တည်၊ ရေးသည်-မမှာ၊ အစ်ဆွဲကာပင်၊ င-တွင်သတ်တ၊ ဆွဲမှတသွယ်၊ နငယ်ကိုမှာ၊ လေးဆွဲပါလော့သည်ကားနာမ၊ ပုံသေကြ၏။ ဟူ၍ အသီးသီး တွေ့ရှိရပေသည်။

    ဆရာကြီးဦးနု၏ ဘိုးဘွား မိဘတို့သည် အင်းဝဇာတိဖြစ်ပေသည် ထိုကြောင့်ဆရာကြီး ဦးနုသည် မြန်မာမွတ်စလင်မ် အဆက်အနွယ်လေးရပ်ဖြစ်သော အင်းဝဆက်၊ သုံးထောင့်ငါးရာဆက်၊ ရခိုင်ဆက်၊ ကသည်းဆက်ဟူ၍ရှိရာ ဆရာကြီးဦးနု၏ အဆက် အနွယ်သည် အင်းဝဆက် ဖြစ်ပေသည်။ သက်သေသာဓက အထောက်အထားကို ပြဆိုရလျှင် ဆရာကြီး ဦးနုပြုစုသော ဆယ့်ငါးခန်းကျမ်း နိဂုံးတွင် မိမိ၏ အဆက်အနွယ်ကိုစာရှုသူတို့ သိစေရန် ရေးသားထားသည် လျှောက်ဟံဆိုဘွယ်၊ အကြောင်းဝယ်ကား၊ မွေးမယ်မိဘ၊ ဘိုးဘေးစသည် အင်းဝဇာတိ၊ ဖြစ်ဘိမှန်စွာ ကျွန်ုပ်မှာကား၊ ရတနာ သိင်္ဃ၊ ပြည်မကုန်းဘောင်၊ တည်ထောင်သာသနာ၊ ထွန်းသောခါဝယ်၊ ရာဇာဋ္ဌါနီ ဖြစ်ပြီးမှန်ငြား၊ ရွှေဘိုသားရှင့်၊… ထို့ကြောင့် ဆရာကြီး ဦးနုသည် အဆက်အနွယ်အားဖြင့် အင်းဝဆက်ကဖြစ်၍ ဇာတိအားဖြင့် ရတနာသိင်္ဃ၊ ရွှေဘိုမြို့ပေတည်း။

    ဆရာကြီးဦးနု၏ မိဘတို့သည် မြန်မာသက္ကရာဇ် ၁၁၁၃ – ခုနှစ်တွင် ဟံသာဝတီ မွန်ဘုရင်က အ၀မြို့တော်ကြီးကို တိုက်ခိုက်ရာ အ၀မြို့တော်ကြီး ပျက်သည်တွင် ဦးအောင်ဇေယျသည် မုဆိုးဖို အရပ်မှ ခြားနား၍ တထီးတနန်း တည်ထောင်ရာတွင် မြန်မာတို့သည် ဦးအောင်ဇေယျ ၏ဘုန်းတော်ရိပ်ကို ခိုလှုံရန် ၀င်လာကြလေသည်။ ထိုသို့ ၀င်လာသူများ အထဲတွင် ဆရာကြီး ဦးနု၏ မိဘတို့သည်လည်း အင်းဝပျက်၍ ပြည်ရွှေဘိုသို့ တိမ်းရှောင် ကြပေလိမ့်မည်။ ထိုကြောင့်ဆရာကြီးဦးနုသည်အလောင်းမင်းတရားကြီးဦးအောင်ဇေယျ နတ်ရွာစံပြီးနောက် နှစ်နှစ်မြောက်တွင် ရွှေဘိုမြို့တော်တွင် မွေးဖွားရခြင်း ဖြစ်တန်ရာသည်။

    ဆရာကြီးဦးနု၏နောင်တ

    ဆရာကြီးဦးနု  ပြုစုသော  သုံးခဏ်းကျမ်းစာမျက်နှာ (၂၆၉)  တွင်ရေးသားထားသည်မှာ  အသက်  လေးငါးနှစ်အရွယ် အကျောက်ပေါက်သဖြင့်  အရက်ကို  ဆေးဖြင့်သုံးဘူးသည်ကို  အသက်  ၃၂  နှစ်တွင်  ပြုစုသော  သုံးခဏ်းကျမ်းကို ပြုစုစဉ်  သတိရသဖြင့်  ပူမိကြောင်း  ရေးသားထားပေသည်။ထိုအချိန်ကစ၍  မထိပါ  ဟူ၍မိမိ၏  အကျင့်သီလကို ဖော်ပြထားသည်  ဆရာကြီးဦးနုသည်  ခြောက်ခဏ်းကျမ်း  စာမျက်နှာ  ၂၂၀  တွင်မိမိသည်  ဆယ့်သုံးနှစ်သားကပင် အရွယ်သို့ရောက်သည် ဆယ်ကိုးနှစ်မှစ၍နမာဇ် ၀တ်ပြုမှုကိုပြုရခြင်းကြောင့် ခြောက်နှစ်အတွက် ကသွာ မိမိအပေါ်တွင်တင်ရှိနေခြင်းကြောင့် ပူပန်သောကရှိကြောင်းကိုသုံးခဏ်းကျမ်း အစတွင်ရေးသားသည်မှာ ထိုခြောက်နှစ်ကို ရက်ပေါင်း နှစ်ထောင့်တရာခြောက်ဆယ်  ရှိသည်။  ဖွရတ်သွ  နမာဇ်ပေါင်း  သုံးသောင်းခြောက်ထောင်ခုနှစ်ရာနှစ်ဆယ်သော
    ရကအတ်  လစ်ဟင်းလေသည်။ဟူ၍  ထိုကသွာများအတွက်  ထောက်ရှုတိုင်း  ပူပန်သောကရှိကဲ့သည်  ဟူ၍ ဆရာကြီးသည် ငြီးငြူထားပေသည်။

    ဆရာကြီးဦးနု၏ဆရာ

    ဆရာကြီးဦးနု၏  ဆရာကား  အီဂျစ်ပြည်သားဖြစ်၍  ကိုယ်တော်မြတ်  မုဟမ္မဒ်သခင် (ချမ်းမြေ့  သာယာခြင်း  အပေါင်း ကိုယ်တော့်  အပေါ်  သက်ရောက်  ပါစေသတည်း၏ ) သာကီဝင်  စိုင်ယစ်ဒ်  အနွယ်တော်လည်းဖြစ်ပေသည်  အမည်ကား စိုင်ယစ်ဒ်မုဟမ္မဒ်ဖြစ်လေသည်  မိမိဆရာ၏  ဂုဏ်ကိုအထူးသိစေရန်  သုံးခန်း ကျမ်းဦးအစတွင်  ရေးသားထားသည်မှာ ဖန်ဆင်း  မွေးမြူတော်မူသော  ကျေးဇူးတော်မြတ်ကို  ထောက်ထားသဖြင့်  တရားတော်နှင့်အညီ  ကျင့်ဆောင်ဆောက် တည်ကောင်းလျက်  မပြုမိုက်များမေ့လျော့၍  ခြောက်နှစ်ကျော်  ခုနှစ်နှစ်  ခန့်နေချေသည်  အသက်တဆယ့်ကိုးနှစ် ရောက်သောကာလ ရာဇဋ္ဌာနီရှာမ် အမည်ရှိသောပြည်က ငါတို့သခင် မုဟမ္မဒ် အနွယ်တော်ဖြစ်သော စိုင်ယစ်ဒ် မုဟမ္မဒ် ရန်ကုန်မြို့သို့  ဆိုက်ရောက်သည်တွင်  ထံတော်နီးစပ်  ချဉ်းကပ်သည်နှင့်။ တဆယ့်ကိုးနှစ်အရွယ်က  တွာအပ်ဗန္ဒဂီကို။ အစဉ်  အစဉ်  အတိုင်းမပြတ်  မပျက်စေရ။  ၀ိရိယနှင့်တကွ ကျင့်ဆောင်၍  ယခုငါ့အသက်သုံးဆယ့်နှစ်နှစ်ရှိပြီ။  စိုင်ယစ်ဒ် သခင်ကိုမတွေ့ရမှီ  မသိမမြင်မေ့လျော့  မိုက်မှားအလား  တိရစ္ဆာန်ကဲ့သို့နေသည်  အတွင်းအီဘ  လစ္စညွှတ်ကွင်း တဏှာတွင်းသို့ တစ်ကြိမ်တစ်ခေါက် ရောက်မှားဘူးချေပြီ ဟူ၍ မိမိကိုယ်ကို သံဝေဂဖြစ်စေသည် ထိုအထက်ပါ စာပိုဒ်တွင် ဆရာကြီး ဦးနုသည် အသက်ဆယ်ကိုးနှစ်တွင် ရန်ကုန်မြို့ကို ရောက်ဖူးကြောင်းကိုတွေ့ရသည်။

    အလောင်းမင်းတရားကြီး၏  စတုတ္ထသားတော်ဖြစ်သော  ဘိုးတော်မင်းတရားကြီးသည်မြန်မာ  သက္ကရာဇ်  ၁၁၄၄ ခုနှစ်တွင်  အမရပူရမြို့တော်သစ်ကို  တည်ထောင်တော်မူ၍  သက္ကရာဇ်-၁၁၄၅  နှစ်တွင်  အင်းဝမြို့မှ  ပြောင်းရွှေ့၍ စံတော်မူသည်။ ထိုအခါ  တိုင်းသူပြည်သားအပေါင်းတို့သည်  မင်းနေပြည်တော်သို့  ပြောင်းရွှေ့ကြလေသည်။  ဆရာကြီး ဦးနုသည်လည်း  အမရပူရ  လင်းဇင်းကုန်းဒေသတွင်  ပြောင်းရွှေ့နေထိုင်သည်။  ထိုသို့နေထိုင်စဉ်  စာပေကျမ်းဂန်များကို ပြုစုလေသည်။

    ကဲ့ရဲ့ခြင်းနှင့်ချီးမွမ်းခြင်း

    ဆရာကြီးဦးနုသည်  အသက်  နှစ်ဆယ်ကိုးနှစ်သားအရွယ်ကစ၍  ကျမ်းစာများကို  စတင်၍ရေးသားသည်။ ထိုသို့ပြုစုသောအခါ  အာရဗီစာကို  မြန်မာဘာသာသို့  ပြန်ရပါမည်လောဟူ၍  ဆရာကြီးအား  အချို့သော ဥာဏ်နည်းသူတို့က  ကဲ့ရဲ့ကြလေသည်။ ဆရာကြီးဦးနုသည်  မိမိအား  ကျမ်းဂန်များ  ပြုစုသဖြင့်  ကဲ့ရဲ့ခြင်းခံရကြောင်းကို သိစေရန်  ခြောက်ခန်း  ကျမ်းစာမျက်နှာ (၂၀၅)  တွင်  ရေးသားသည်မှာ  အသက်မှာနှစ်ဆယ်  ကိုးနှစ်ရွယ်က မကျယ်မ၀န်း။ ဆဲ့တခဏ်းဖြင့်၊ ရွှင်လမ်းတခါ။ သုံးဆယ်သာ၍။ စမ္မာစွန်းလစ်။
    ထိုသည့်နှစ်လည်း။ အစ်နှင့်ဒွေးရော။ သုံးခဏ်းဟောရှင့်။  ချောမောမှတ်ရာ။  ပြုစုပါသည်။  ထိုခါသော်က  လူ့ဗာလတို့။ သူများဘာသာ  တို့ကျမ်းစာကို။  ပညာဆင့်။  မပြန်သင့်ဟု။  မရင့်ဂုဏ်ယူ။  ကဲ့ရဲ့မူ၏  ဆရာကြီးဦးနု  ပြုစုသော ကျမ်းဂန်များကို  လူအပေါင်းတို့  ဖတ်ရှုရသဖြင့်  အကျိုးကျေးဇူးများစွာ  ဖြစ်ထွန်းကြောင်းကို  သိလာသောအခါ ထိုအထက်ပါ  ကဲ့ရဲ့သော  သူများသည်  ဆရာကြီးဦးနုအား  တဖန်ချီးမွမ်း ကြပြန်လေသည်။ ထိုအကြောင်းကို ဆရာကြီးဦးနုက  သိစေရန်  ခြောက်ခန်းကျမ်းအစတွင်  ရေးသားသည်မှာ  လူ (ဂျာဟေလီ)။ နည်းမှီ မှတ်သားပွားများကျင့်ဆောင်၊  နောင်ရေး ကြောက်ကြသံဝေရမှ။  ကောင်းစွာတဘန်။  ချီးမွမ်းပြခဲ့ ဟူ၍ တွေ့ရလေသည်။  ဆရာကြီးအား  ကဲ့ရဲ့သောလူများ  ရှိသလို  ချီးမွမ်းသူများလည်း  ရှိပေသည်  ဆရာကြီးအား ကျမ်းပြရန်။  အတန်တန်တောင်းပန်သောသူတို့တွင်  ထိုခေတ်အခါက  အမရပူရနေပြည်တော်တွင်  ခုံမင်းအရာဖြင့် အမှု့တော်ကို  ထမ်းခဲ့သော  ခုံမင်းမောင်ဥ  ဖြစ်သည်။ ခုံမင်းမောင်ဥ  တောင်းပန်ကြောင်းကို  ခြောက်ခန်းကျမ်းအစတွင် ဆရာကြီးရေးသားသည်မှာ  အရ်ဗီဘာသာကို  မြန်မာဘာသာ  သို့ပြန်ဆိုပါမည်။  စိတ်၌  အကြံရှိသည်မှာ  နှစ်၊  လ  များ လှပြီ။  ခုံမင်းမောင်ဥ  တောင်းပန်သည်လည်း  ရှစ်နှစ်ကျော်ရှိပြီ  ထို့အပြင်အရ်ဗိဘာသာ  နက်နဲစွာကို  မြန်မာပြန်မည်။ စိတ်ကရည်လျက်  ကြံစည်သည်မှာ  ကြာတောင်းကြာခဲမှုမှာ  တောင်လောက်။ ပို၍မောက်ရှင့်။  မခေါက်မအား။ သို့ဖြစ်ငြားလည်း  ရွယ်ကားမငယ်  ငါးဆယ်ပြည့်ပြီ။  မသေမှီက ကြိုးလုလ္လမှာ  စိတ်ကကြံစည်ပြီး လိမ့်မည်ဟု ရသည်အကြောင်း အထူးမှတ်သားရန်ကား ဆရာကြီးဦးနု ခြောက်ခန်းပြုသောအခါ အသက်ငါးဆယ်ပြည့်နေလေပြီ။

    ဆရာကြီးဦးနုနှင့် ကြွေး

    ဆရာကြီးဦးနုသည်  သုံးဆယ့်ငါးခဏ်း  ၀ိနည်းကျမ်းတော်ကြီးကို  ပြုစုနေစဉ်  ဆရာကြီးဦးနုတွင်  သူတပါးအား ပေးဆပ်ရန်  ကြွေးငွေများတင်ရှိနေပေသည်။  ဆရာကြီးသည်  ကြွေးငွေများကို  ဆောလျှင်စွာ ဆပ်နိုင်လောက်အောင်ငွေမရှိသဖြင့်  ဆရာကြီးသည်  လူမြင်မခံဝံ့ဘဲ  ဆယ်လတိုင်တိုင်တိမ်းရှောင်နေရပေသည်။  ထိုသို့တိမ်းရှောင်နေစဉ် သုံးဆယ့်ငါးခဏ်း  ကျမ်းတော်ကြီးကို  အပြီးတိုင်  ပြုစုပြီးလျှင်  ရရှိသော  ကြေးငွေများကို  ကြွေးရှင်များအား အသီးသီးပေးဆပ်နိုင်သောကြောင့်  ဆရာကြီးဦးနုသည်  ထိုသောအခါမှသာလျှင်  ယခုရောနောင်ပါ  သာယာတော့မည် ဟူ၍  သုံးဆယ့်ငါးခန်း  နောက်ဆုံးတွင်ရေးသည်မှာ မောင်နုတွင်မည်၊  ကျွန်ုပ်သည်ကား၊  မတည်ရပ်ပါ၊  ကြွေးများစွာကြောင့်၊  အိမ်မှာလျှင်မျှ၊  မနေရတည့်၊  ခေတ္တဟိုသည်  တိမ်းရှောင်လည်  ၍နေ့ရှည်လှစွာ၊ကြာတောင်းကြာခဲ့၊ ရက်မှာတဆယ်၊  ပြီးလောက်ဘွယ်ကို  ကိုယ်ဝယ်သောက၊  ဤဒုက္ခကြောင့်  ဆယ်လမြောက်ပင်၊ နေ့ရက်မြင်ခဲ့။ မရွှင်ညှိုးပူ၊  စိတ်မဖြူလည်၊  လူဟူသမျှ၊  နစ္စမရှိ၊  ရှုမိပြန်က၊  အစများလာ၊  မထားပေကောင်း၊  ပြီးကြောင်း ကြံစည်၊စိတ်ရည်မှတ်ခါ၊ ဤကျမ်းစာသည်၊ ဘက်ခါဝယ်တည့်သာတော့၏။

    ဆရာကြီးသည် အမှားကိုဝန်ခံခြင်း

    ဆရာကြီးဦးနုသည်  အသက်သုံးဆယ်နှစ်နှစ်တွင်  ဉပစုသော  သုံးခဏ်ကျမ်းစာမျက်နှာ  ၃၆၉-တွင်  ဆရာပညာရှိတို့က (ကသွာ)  မထိုက်(ကသွာ)မပြုသင့်ဟု  ဟောပြောကြသည်ကို  အမှန်ထင်မှတ်၍  သုံးခဏ်ကျမ်းတွင် (ကသွာ) မပြုသင့်ဟူ၍ ရေးသားမိခဲ့လေသည်။ သက္ကရာဇ် ၁၁၇၁-ခုနှစ်တွင် ဘင်္ဂလားမြို့သို့ရောက်သောအခါ ထိုမြို့တွင်ဖွေကာ မစအူဒီတွင်သော  အလွန်ခိုင်မာသောဝိနည်းကျမ်းတော်ကြီးကို  ဖတ်ရှုရာ  ကသွာပြုရမည်ဟူ၍  တွေ့သဖြင့် အသက်လေးဆယ်ခုနှစ်နှစ်မှ  မိမိအမှားကိုသိရှိရသဖြင့် အသက်ငါးဆယ်အရွယ်တွင်  ပြုစုသော  ခြောက်ခဏ်ကျမ်းတွင် မိမိအထက်က  ရေးခဲ့ဘူးသော  အမှားကို  ၀န်ခံထားသည်မှာ ကျွန်ုပ်ဆယ်သုံးနှစ်က (ဗာလစ်ဂ)  အရွယ်ရောက်သည် ဆယ်ကိုးနှစ်မှစ၍ (နမတ်ဇ်) ကို  ပြုရ၏။ခြောက်နှစ်တွက်  ကသွာကို  ဆရာပညာရှိတို့က  ကသွာမထိုက်  ကသွာမပြုသင့် ဟောပြောကြသည်ကို  အမှန်ထင်၍  အသက်သုံးဆယ်နှစ်နှစ်တွင်  ပြုစုသည့်  သုံးခန်းနှင့်  အခြားစာတစောင်မှာ ခြောက်နှစ်ပျက် (နမာဇ်) ကို ကသွာမပြုသင့်ဟု တရားတော်တွင် ရှိကြောင်း ရေးသားဖေါ်ပြမိခဲ့၏ ထိုမှားယွင်းမှုကြောင့် ဗျာပါဒုက္ခ ရှိကြောင်း စာသားဖြင့် ရေးသားလေသည်။

    ထောင့်တစ်ရာခုနှစ်ဆယ့်တစ်ခုနှစ်  ဘင်္ဂလားမြို့တွင်  ဖွေကာမစအူဒီကျမ်းကို ကြည့်၍  ထိုကျမ်းတွင်  ကသွာပြုရမည် ပါသည်တွင်  အထက်ဆိုမိသော  စကားမှားကြောင်းသိသာရ၏  ကျွန်ုပ်ခြောက်နှစ်ကသွာ ထိုက်ချေပြီ ထိုပျက်သည့်ခြောက်နှစ်  ကသွာတွက် ဒုက္ခဗျာပါ ကြီးစွာရှိချေ၏  ယာအေလာဟီအကျွန်ုပ်ကို  ခြောက်နှစ် ပျက်သည်ကသွာ (နမတ်ဇ) ကိုဖြည့်နိုင်အောင်  စွမ်းအားပေးသနားတော်မူပါ။ ဆရာကြီးဦးနုသည်  ကျမ်းဂန်များကို လေ့လာရာ၌  စာသင်ဟူက  ကျမ်းထိုမျှကို  တွေ့ကမရှောင်၊  ကြောင်ပုဇွန်စား၊ ကျွတ်ကျွတ်ဝါးသို့၊ ဟူသောလင်္ကာနှင့်အညီ အိန္ဒိယပြည်  ဘင်္ဂလားမြို့သို့  ရောက်သွားအချိန်တွင်  စာပေကျမ်းဂန်များကို  လေ့လာခဲ့သောကြောင့်  တွေ့ရပေသည်။ ထို့ကြောင့်  ဆရာကြီးဦးနုသည်  ဒေသန္တရဗဟုသုတနှင့်လည်း  ပြည့်စုံပေ၏။  ပညာရှိသတိဖြစ်ဆိုသလို  မိမိအမှားကို ၀န်ခံခြင်း၌လည်း နှောင့်နှေးခြင်းမရှိ ဤကားပညာရှင်တို့၏ ဓမ္မတာတည်း။

    ဆရာကြီးဦးနုနှင့် ဗေဒင်

    ဆရာကြီးဦးနု  ပြုစုသော  ကျမ်းဂန်များကို  လေ့လာဘတ်ရှုခြင်းအားဖြင့်  ဆရာကြီးဦးနုသည်  အာရဗီဖွာရစီအူရဒူ အစရှိသော  အစ္စလာမ်ဘာသာ  စာပေလေ့လာသူတိုင်း  တက်မြောက်အပ်သော  ဘာသာရပ်များကို  လုံးဝ တက်မြောက်သည့်အပြင်  တိုင်းရင်းအမိဘာသာဖြစ်သော  ပါဠိမြန်မာအစရှိသည်တို့ကိုလည်း  တတ်မြောက်ကြောင်းတွေ့ရသည်။  ဆရာကြီးသည်  ထိုခေတ်အခါကအထူးလိုက်စားသော  ပညာရပ်ဖြစ်သော  ဗေဒင်ပညာကိုလည်း ငယ်စဉ်ကတည်းက  တတ်မြောက်ကြောင်းကို  သုံးဆယ့်ငါးခန်း ကျမ်းစာမျက်နှာ (၁၁၄)  ဇကာတ်ခန်းတွင် ရေးသည်မှာ  အကျွန်ုပ်ဗေဒင်လက်ရိုး  အကုန်တွက်ဖူးသည်ဖြစ်၍ အတွက် မတိမ်ပါ ဟူသော စာပုဒ်ကို  တွေ့ရပေသည်။ ဆရာကြီးဦးနုသည်  မိမိငယ်ရွယ်စဉ်က  တတ်မြောက်ခဲ့သော  ပညာပင်ဖြစ်လင့်ကစား  အစ္စလာမ်တရားတော်နှင့် လွန်စွာဆန်ကျင်သော  ပညာရပ်ဖြစ်သောကြောင့်  သုံးဆယ့်ငါးခန်းကျမ်း  စာမျက်နှာ (၃၇) တွင်  ရေးသားသည်မှာ နတ်မိစ္ဆာတို့၏  မန္တရား  မန္တ  အကွယ်အကာတို့ကိုလည်း  မယုံအပ်  ဗေဒင်မမေးအပ်  ယတြာယာယီပရောဂ အမှုဟူသမျှကိုလည်း  မဉပအပ်ဗေဒင်တွက်ရှိရာကိုလည်း  မယုံအပ်။  ထိုတူလည်းကောင်ှးရစ်က်အမှုဟူသမျှတို့ကို ဝေးစွာကြဉ်ရာ ၏။ ဟူ၍ တရားလာသည့်အတိုင်း မိမိအလိုသို့ မလိုက်ကောင်းစွာ ကြဉ်အပ်ကြောင်း ဆုံးမထားပေသည်။

    ဆရာကြီးဦးနုနှင့်စာပေ

    ဆရာကြီးဦးနုပြုစုခဲ့သော  ကျမ်းများကား  အသက်နှစ်ဆယ်ကိုးနှစ်  ၂၉  အရွယ်တွင်  ဆယ်တစ်ခန်းကျမ်း ဖွရတ်တရားသုံးဆယ်၊ လင်္ကာတို့ကို ရေးသားသည် အသက်သုံးဆယ်နှစ်နှစ်အရွယ်တွင် သုံးခန်းကျမ်းကို ပြုစုခဲ့သည်။ ကျမ်းပြီးသက္ကရာဇ်ကား  ၁၁၅၆ ခု  နတ်တော်လဆန်းလေးရက်  ညဥ့်တစ်ချက်တီးကျော်တွင်ဖြစ်၏။  ဟစ်ဂျရီသက္ကရာဇ်အား  ဖြင့်  ၁၂၁၀  တစ်ထောင့်နှစ်ရာတဆယ်  ဂျမာဒေလ်  အောင်ဝလ်လဆန်း  နှစ်ရက်နေ့ ညဥ့်အေရှာပြီးချိန်တွင်  ကျမ်းပြီးစီးသည်။ အသက်ငါးဆယ်တွင်  ပြုစုသော်  ခြောက်ခဏ်းကျမ်းကို ပြုစုသည်ကျမ်းပြီး သက္ကရာဇ်ကား  တစ်ထောင့်တစ်ရာခုနှစ်ဆယ်လေးနှစ်  ၁၁၇၄  တော်သလင်းလဆန်းသုံးရက်  အင်္ဂါနေ့တွင် အပြီးတိုင်ရောက်သည်။

    အသက်ငါးဆယ်တနှစ် ၅၁တွင် ဆယ့်ခြောက်ပုဒ်

    ပညတ်ခွဲတန်းကျမ်းကို ပြုစုသည်  ကျမ်းပြီးသက္ကရာဇ်ကား  တစ်ထောင့်တစ်ရာခုနှစ်ဆယ် ငါးခုဖြစ်သည်  ၁၁၇၅ ဆရာကြီးဦးနုသည်  ခုနှစ်ပိုဒ်လင်္ကာ  ဆုံးမစာကိုလည်း  ရေသားခဲ့သည်။  ထို့အပြင်  အလွန်ထင်ရှားကျော်စောသော သုံးဆယ့် ငါးခဏ်းဝိနည်း ကျမ်းတော်ကြီးကိုလည်း  ဘိုးတော်မင်းတရား  လက်ထက်တွင်  ရေးသားခဲ့သည်။ သုံးဆယ့်ငါးခဏ်းဟူ၍  အမည်တူ  အခြားကျမ်းများလည်း  ရှိသေးသည်။  မော်လမြိုင်ဇာတိ  မုဟမ္မဒ်ယူစွထ်၏သား ဆရာရှိတ်ခ်  မုဟမ္မဒ်ရှမ္မဆွဒီန်  ကနဆီဟတွလ်အစ္စလာမ်  အမည်ရှိသော  သုံးဆယ့်ငါးခဏ်းကျမ်းကို  မြန်မာသက္ကရာဇ် တထောင့်နှစ်ရာငါးဆယ်ငါးခု  ၁၂၅၅ ၀ါဆိုလဆန်း  ၁၂ရက်။ အင်္ဂလိပ်သက္ကရာဇ် ၂၄-၇-၁၈၉၃တွင် ရန်ကုန်ဟံသာဝတီ စာပုံနှိပ်တိုက်တွင်  ရိုက်နှိပ်ထားခဲ့သည်။  ထို့အပြင်  တရားငါးခဏ်းကျမ်းဟာ  တင်တာယီဝတ္ထုတော်ကြီးအစရှိသော စာပေများကိုလည်း ရေးသားခဲ့သည်။

    ဆရာကြီးဦးနုနှင့်ဘိုးတော်မင်းတရားကြီး

    ဆရာကြီးဦးနုသည်  ဘိုးတော်မင်းတရားကြီးနှင့်  ငယ်စဉ်အခါက  ဘုန်းကြီးကျောင်းတွင်  အတူစာပေသင်ကြားဘူး၍ သူငယ်ချင်းလည်းဖြစ်သည်ဟူ၍  မြန်မာ-မွတ်စလင်မ်  ပညာရှိတို့က  ဆိုကြသည်  ဘိုးတော်မင်းတရားကြီးသည် မြန်မာသက္ကရာဇ်  တစ်ထောင့်တစ်ရာ ခုနှစ်ဆယ့်ရှစ်ခုနှစ်တွင်  ကျက်ထောင့်ကို  ထွက်တော်မူရာ  ထိုအရပ်တွင် ကမ္ဘာ့ဘာသာကြီး လေးရပ်ကို  လျှောက်တင်ခိုင်းရာ  ဆရာကြီးဦးနုသည် (၁၁၇၈) နှစ်တွင်  အစ္စလာမ်တရားတော်၏ အခြေအမြစ်တရားများကို  အသေးစိပ်ရေးသား၍  ဘိုးတော်မင်းတရားကြီးအား  ဆက်သွင်းဖတ်ပြစေ၏။ ထိုကျမ်းအမည်ကား  သံတော်ဦးတင်လွှာကျမ်းမည်၏။  ဘိုးတော်မင်းတရားကြီးသည်  နှစ်သက်တော်မူ၍ မွတ်စလင်မ်များကို မြှောက်စားတော်မူလေသည်။

    ကုန်းဘောင်ခေတ် ဘိုးတော်မင်းတရား လက်ထက် ရမ္မာဝတီ မြို့ဝန် စာဆိုတော် ရွှေတောင်သာဂသူ သခင်ကြီး ဦးနု ရဲ့ ကဗရ်အုတ်ဂူ (တောင်သမန်အင်းအနီး လင့်ဇင်းကုန်း)

    အနိစ္စရောက်ခြင်း

    မြန်မာမွတ်စလင်မ်  အပေါင်းတို၏  ဆီမီးတန်ဆောင်သဘွယ်ဖြစ်သော  ကျေးဇူးရှင်ဆရာကြီး  ဦးနုသည်  သက်တော် ခြောက်ဆယ်ကျော်တွင်  မမြဲသောသင်္ခါရလောကကြီးကို  စွန့်ခွာသွားသဖြင့်  အမရပူရရှိ  လင်းဇင်းကုန်းသင်္ချိုင်းတွင် မြှုပ်နှံလေသည်။

     

    မြန်မာစာပေနယ်ပယ်တွင် မှတ်တမ်းတစ်စောင်တစ်ဖွဲ့အနေဖြင့် အစောဆုံးခရီးသွားမှတ်တမ်းရေးသူ ဆရာကြီးဦးနုရဲ့ ဘင်္ဂလားသွားခရီးစဉ် ခန့်မှန်းမြေပုံ
  • ပသီစာဆို ( ရွှေတောင်သာဂသူဘွဲ့ခံ ဆရာကြီးဦးနု)

    ပသီစာဆို ( ရွှေတောင်သာဂသူဘွဲ့ခံ ဆရာကြီးဦးနု)

    ရေးသားသူ – တင်နိုင်တိုး

    ကုန်းဘောင်ခေတ်ဦးကာလက မြန်မာစာပေနယ်မှာ အစ္စလာမ်ဘာသာဝင် ပသီစာဆိုတော်တစ်ဦး ပေါ်ပေါက်ခဲ့ဖူးပါတယ်။ သူကတော့ ရမ္မာဝတီမြို့ဝယ် ရွှေတောင်သာဂသူဘွဲ့ခံ ဆရာကြီးဦးနုပါပဲ။ စာဆိုတော်ကြီး ဦးနုဟာ ဘိုးတော်ဘုရားလက်ထက်မှာ မဇ္ဈိမဒေသက ကျမ်းပေါင်းများစွာကို ဆောင်ယူပေးခဲ့သဖြစ်လို့ မြန်မာစာပေသမိုင်းမှာ တစ်ထောင့်တစ်နေရာက ကျေးဇူးပြုခဲ့သူလို့ ဆိုနိုင်ပါတယ်။

    ပသီစာဆိုကြီးဦးနုကို နောင်တော်ကြီးမင်းလက်ထက် ၁၇၊ ဇူလိုင်၊ ၁၇၆၂ မှာ ရွှေဘိုမြို့မှာ ဖွားမြင်ပါတယ်။ မိဘတွေကတော့ ကုန်သည်တော် ရှိုက်ခ်ဒါဝူးဒ်နဲ့ ဒေါ်ငြိမ်းတို့ပါပဲ။ မိခင်ဒေါ်ငြိမ်းဟာ သွေးသောက်ကြီး ဦးပွင့်နဲ့ ဒေါ်မြတ်နှင်းတို့ရဲ့ သမီးဖြစ်တာမို့ စာဆိုတော်ဦးနုဟာ ငယ်စဉ်ကတည်းက နန်းတွင်းအသိုင်းအ၀ိုင်းနဲ့ နီးစပ်သူလို့ ဆိုနိုင်ပါတယ်။ အစ္စလာမ်ဘာသာဝင် ဆရာကြီးဦးနုရဲ့ မွတ်ဆလင်အမည်ကတော့ မုဟမ္မဒ်ကာစင်မ်ဖြစ်ပါတယ်။ ဆရာကြီးဟာ ရွှေဘိုဇာတိဆိုပေမယ့် ငယ်စဉ်ကတည်းက အင်းဝတောင်ဘလူရပ်မှာ နေထိုင်ခဲ့ပါတယ်။

    စာဆိုတော်အဖြစ် ထင်ရှားလာမည့် ဦးနုဟာ အသက်(၇)နှစ်အရွယ်မှာ အင်းဝ နန်းဦးကျောင်းတိုက်မှာ ပါဠိ၊ မြန်မာစာပေတွေ စတင်ဆည်းပူးခဲ့တယ်။ အသက်(၁၉)နှစ်အရွယ်ရောက်တော့ ရန်ကုန်ဆင်းလာပြီး ဆီးရီးယားက ကြွရောက်လာတဲ့ ဆရာကြီးစိုင်ယဒ်မူဟာမ္မာဒ်ဆီမှာ အစ္စလာမ်ဘာသာစာပေ၊ အာရဗီ၊ အူရဒူ၊ ဖာရစီဘာသာတွေ သင်ယူတယ်။

    တစ်ဖက်ကလည်း မြန်မာဘာသာ၊ ပါဠိဘာသာကို ကျွမ်းကျင်နိုင်နင်းအောင်ကြိုးစားလေ့လာပါတယ်။ ဒါကြောင့်လည်း နောင်မှာ စာဆိုတစ်ဦးအဖြစ် ထင်ရှားခဲ့တာပါ။

    ဦးနုဟာ အသက်(၂၆)အရွယ်မှာ သွေးသောက်ကြီး ဦးသာဒွန်း၊ ဒေါ်မိုးသူတို့ရဲ့သမီး မမယ်မနဲ့ အိမ်ထောင်ကျတယ်။ သား ‘အဗ်ဒွလ်ကရင်’လို့ခေါ်တဲ့ နာခံတော် မောင်ပြည့်နဲ့ သမီး မမကြီး(ဒေါ်မြတ်လှ)၊ မမထွေး(ဒေါ်မြတ်ထွန်း)တို့ကို ဖွားမြင်တယ်။

    ၃၀ နိုဝင်ဘာ၊ ၁၈၀၅ မှာ ဦးနုဟာ ဘိုးတော်ဘုရား အမိန့်တော်အရ အိန္ဒိယကို သွားရောက်ရတယ်။ ဘင်္ဂလားမှာ နှစ်ထပ်တိုက်တစ်လုံးငှားပြီး ကွမ်းသီးရောင်းရင်း နယ်ချဲ့အင်္ဂလိပ်ရဲ့အခြေအနေကို ထောက်လှမ်းရတယ်။ တစ်ဖက်ကလည်း ကျမ်းစာအုပ်တွေ ရှာဖွေစုဆောင်းရပါတယ်။

    ၁၅ ဧပြီ ၁၈၀၆ မှာ ဦးနု အမရပူရကိုပြန်ရောက်လာတော့ ဘိုးတော်ဘုရားက နှစ်ထောင်းအားရတော်မူလို့ ရမ္မာဝတီမြို့ဝန်ရာထူး ခန့်အပ်လိုက်တယ်။

    ‘ရွှေတောင်သာဂသူ’ဘွဲ့ခံ ရမ္မာဝတီမြို့ဝန်ဦးနုဟာ အိန္ဒိယကို နောက်ထပ် နှစ်ကြိမ်ထက်မနည်းသွားရောက်ခဲ့ရပြီး ပေမူ ၁၀၀၊ ကျမ်းစာအုပ် ၁၇၇ အုပ်ကို သယ်ဆောင်လာခဲ့နိုင်တယ်။ မောင်းထောင်ဆရာတော်ကြီး ဘာသာပြန်ဆိုခဲ့တဲ့ ကျမ်းတချို့ဟာ ‘ရွှေတောင်သာဂသူ’အိန္ဒိယက သယ်ဆောင်လာတဲ့ကျမ်းတွေ ဖြစ်တယ်။

    ‘ရွှေတောင်သာဂသူ’ဘွဲ့ခံ ဆရာကြီးဦးနုဟာ အသက်(၆၈)နှစ်အရွယ် ၁၈၂၂-ခုနှစ်မှာ အမရပူရမြို့မှာ ကွယ်လွန်ခဲ့ပါတယ်။ စာဆိုတော်ဦးနုဟာ ၃၅-ခန်းလို့ခေါ်တဲ့ သာသာရေးဆိုင်ရာ ‘ရှရာကျမ်း’အပါအ၀င် ကျမ်းပေါင်း (၆၀)ကျော် ရေးသားပြုစုခဲ့တဲ့ စာဆိုတော်ကြီးတစ်ဦဖြစ်ပါတယ်။ အဲဒီ (၃၅)ခန်း မူရင်းကျမ်းကြီးကို မကြာမီက ပြုလုပ်ခဲ့တဲ့ လောကနတ်ရှားပါးစာအုပ်ပြပွဲမှာ တွေ့မြင်ခဲ့ရပါသေးတယ်။

     

    ဆရာကြီး၏ ဘင်္ဂလားသွားခရီးစဉ် ခန့်မှန်းမြေပုံ

    စာဆိုဦးနုရဲ့ စာပေလက်ရာတွေထဲမှာ ခရီးစဉ်မှတ်တမ်း လင်္ကာ(၅၅)ပိုဒ်ကလည်း ထင်ရှားလှပါတယ်။ ဆရာကြီး ဒေါက်တာလှတိုးရဲ့ ကျေးဇူးကြောင့် အဲဒီ (၅၅)ပိုဒ်လင်္ကာကို ပုံနှိပ်စာလုံးနဲ့ မြင်တွေ့နိုင်ပြီဖြစ်ပါတယ်။ အဲဒီလင်္ကာရှည်ထဲမှာ အမရပူရကနေ ဘင်္ဂလားအရောက် အကြောင်းအရာတွေကို ရေးဖွဲ့ထားတာမို့ စိတ်ဝင်စားစရာကောင်းတဲ့ ခရီးသွားမှတ်တမ်းကြီးတစ်စောင်ပါပဲ။ ဘင်္ဂလားအသွားလမ်းမှာ လကြတ်တာနဲ့ ကြုံခဲ့ရသေးတယ်။ ‘ဟင်းရာဝ’လို့ အမည်ရတဲ့စခန်းမှာ ညအိပ်ရပ်နားစဉ်အခါဖြစ်ပါတယ်။ လကြတ်စဉ် ကောင်းကင်ဂြိုဟ်အနေအထားကို လင်္ကာထဲမှာ အသေးစိတ်ရေးဖွဲ့ထားတော့ စာဆိုဦးနုဟာ မြန်မာနက္ခတ္တဗေဒင်ကို တတ်ကျွမ်းသူလို့လည်း ဆိုနိုင်ပါတယ်။

    စာဆိုတော်ဦးနုရဲ့ ရှားပါးလက်ရာ ရတုကဗျာအချို့ကိုလည်း ရှေးဟောင်းစာပေအတွဲ(၂၄)မှာ ဖယောင်းလှိမ့် လက်ရေးမူအဖြစ် ဖတ်ရှုရပါတယ်။ အဲဒီအထဲမှာ စာဆိုတော်ဦးနု ကြွေးမြီပြဿနာကြောင့် တိမ်းရှောင်နေရပုံကို ‘မောင်နုတွင်မည်၊ ကျွနုပ်သည်ကား၊ မတည်ရပ်ပါ၊ ကြွေးများစွာကြောင့်၊ အိမ်မှာလျှင်မျှ၊ မနေရတည့်၊ ခေတ္တ ဟိုသည်၊ တိမ်းရှောင်လည်၍’လို့ ဖတ်ရှုရပါတယ်။

    မှတ်တမ်းမှတ်ရာတွေအရ ရမ္မာဝတီမြို့ဝန် ‘ရွှေတောင်သာဂသူ’ကို ကံ့ကော်ရွာသူကြီးနဲ့ မြို့ချောင်းရွာသူကြီးတွေက တိုင်ကြားခဲ့တဲ့အမှုဖြစ်ဟန်ရှိပါတယ်။

    စာဆိုတော်ဦးနုဟာ သရဒွေးကျမ်း၊ အဘိဓါန်ကျမ်းတွေအပြင် ဆေးကျမ်းများစွာကို ဆောင်ယူလာခဲ့သူလည်းဖြစ်လို့ မြန်မာ့ဆေးပညာသမိုင်းမှာလည်း အသိအမှတ်ပြုသင့်လှပါတယ်။ ဒီဆောင်းပါးကို ဆရာမကြီးစောမုံညင်းရဲ့ ဦးနု၏ ဘင်္ဂလားသွားမှတ်တမ်းလင်္ကာဆောင်းပါး(ငွေတာရီ ၁၉၈၈၊ ဇွန်)နဲ့ မောင်မောင်ကြီး(မန်း)ရဲ့ စာဆိုတော်သခင်ကြီး ဦးနု (အစ္စလာမ်သုတ ၁၉၈၈၊ မေ)တို့ကို အခြေပြုရေးသားထားပါတယ်။

     

    (နံနက်ခင်းသတင်းဂျာနယ်၊ အတွဲ-၃၊ အမှတ်-၃၅၊ သြဂုတ် ၂၀၀၈၊ စာမျက်နှာ-၂၃ မှ ကူးယူဖော်ပြပါသည်။)

     

    Posted By-ဝိုင်း

    * * မူရင်းဂျာနယ်ထဲကအတိုင်း စာလုံးပေါင်းသတ်ပုံများကို မပြင်ပဲ ပြန်ကူးထားပါတယ်။ * *

  • ကျားဘညိမ်း၏ ဟာသများ

    ကျွန်တော် ကျားဘညိမ်း ဆိုတဲ့ နာမည်နဲ့ စတင် ရင်းနှီးတာ ၁၉၆၀ ခုနှစ်ဝန်းကျင် လူပျိုပေါက် အရွယ်မှာပါ။ ကျားဘညိမ်းက လက်ဝှေ့ ထိုးသတ်ရာမှာ ဘယ်လိုတော်တာ၊ အရှောင်အတိမ်းမှာလည်း သိပ်လှတာ၊ သူလက်ဝှေ့ထိုးဖို့ စင်ပေါ်တက်လာတဲ့ အခါ ကျားခေါင်းပုံ ပါတဲ့ ၀တ်ရုံကြီး ခြုံတက်လာတာ၊ မြန်မာနိုင်ငံရဲ့ အတော်ဆုံး လက်ဝှေ့သမား စသဖြင့် ကျွန်တော်တို့ လူငယ် အချင်းချင်း အားပါးတရ ပြောဆိုလေ့ ရှိကြတယ်။ ခုလို ပြောဆိုနေကြ ပေမယ့် ကျွန်တော်တို့တစ်တွေ တစ်ယောက်မှ ကျားဘညိမ်း လက်ဝှေ့ထိုးသတ်တာ မမြင်ဖူးကြပါ။ ဒါပေမယ့် ကျားဘညိမ်းရဲ့ ဂုဏ်သတင်းဟာ မြန်မာနိုင်ငံ အ၀န်း ထင်ရှားကျော်ကြား လွန်းလှလို့ ကျွန်တော်တို့လို လူငယ်တွေ ကြားမှာ ရေပန်းစားပြီး စံပြပုံရိပ် ဖြစ်နေတာပါ။

    ဒီရှေ့ပိုင်းမှာတော့ ၁၉၅၁ ခုနှစ်မှာ ကျားဘညိမ်းဟာ ဖလိုင်းဝိတ်တန်း၊ ဘင်တန် ၀ိတ်တန်းနဲ့ ဖယ်သာ ၀ိတ်တန်းတွေမှာ ချန်ပီယံဘွဲ့ ရယူနိုင်ခဲ့ပြီး မြန်မာနိုင်ငံရဲ့အကောင်းဆုံး လက်ဝှေ့သမား အဖြစ် သတ်မှတ်ခြင်းခံခဲ့ရ ပါတယ်။ ၁၉၅၂ ခုနှစ် ဖင်လန်နိုင်ငံ၊ ဟယ်လ်ဆင်ကီးမြို့မှာ ကျင်းပတဲ့ ကမ္ဘာ့ အိုလံပစ် ပွဲတော်မှာ မြန်မာနိုင်ငံကို ကိုယ်စားပြု ယှဉ်ပြိုင်ခဲ့တဲ့ ဂုဏ်ယူလောက်စရာ လက်ဝှေ့ကျော်လည်း ဖြစ်ပါတယ်။ ၁၉၅၇ ခုနှစ်မှာ လက်ဝှေ့ ထိုးသတ်ခြင်းမှ အနားယူပြီး၊ အားကစားနှင့် ကာယပညာ ဦးစီးဌာနမှာ လက်ဝှေ့နည်း စနစ်မှူး၊ မြန်မာနိုင်ငံလက်ဝှေ့ အဖွဲ့ချုပ် အတွင်းရေးမှူးစတဲ့ တာဝန်တွေကို ၈.၇.၁၉၇၉ နေ့ ကွယ်လွန်ချိန် အထိ ထမ်းဆောင်ခဲ့ကြောင်း သိရပါတယ်။

    ဆရာကျားဘညိမ်းက လက်ဝှေ့ထိုးတဲ့ အပြင် စာလည်း ရေးပါတယ်။ ဆရာ ကျားဘညိမ်း ရေးတဲ့ လုံးချင်းစာအုပ် တစ်အုပ် ဖတ်ဖူးတယ်။ နှင်းဦး၊ ချစ်ညိုတို့နဲ့ ခေတ်ပြိုင်ပေါ့။ ရှုမ၀၊ မြ၀တီ၊ ငွေတာရီ မဂ္ဂဇင်းတွေနဲ့၊ နောက်ပိုင်း တံခွန်သတင်း ဂျာနယ်ထဲမှာလည်း ဆောင်းပါးတွေ ရေးခဲ့တယ်။ ဆရာကျားဘညိမ်းဟာ အားကစား နယ်ကော၊ စာပေနယ်မှာပါ လူချစ်လူခင် အတော်များတဲ့ သူပါ။

    ၁၉၇၁ ခုနှစ် ကျွန်တော် ဆရာ စိန်ခင်မောင်ရီရဲ့ ဖြူနီညိုပြာ မဂ္ဂဇင်းမှာ အယ်ဒီတာ အဖွဲ့ဝင် အဖြစ် ၀င်လုပ်နေချိန်မှာ ဆရာ ကျားဘညိမ်းကို စတင်တွေ့ဖူးပါတယ်။ ဆရာ ကျားဘညိမ်းက ရုံးဆင်းချိန် ညနေ လေးနာရီ နောက်ပိုင်းဆို ရေကျော် ၄၇ လမ်း ချင်းတွင်း ပုံနှိပ်တိုက်မှာ ရှိတဲ့ ကျွန်တော်တို့ရဲ့ ဖြူနီညိုပြာ မဂ္ဂဇင်းဆီကို ရောက်ရောက် လာတတ်တယ်။ ဆရာ စိန်ခင်မောင်ရီ၊ ဆရာဦးကိုကိုလေးတို့နဲ့ တစ်အောင့်တစ်နား စကားပြောပြီးမှ ပြန်သွားတတ်တယ်။

    ဖြူနီညိုပြာမှာ ဆရာ စိန်ခင်မောင် ရီက အယ်ဒီတာချုပ်၊ ဦးကိုကိုလေးက တာဝန်ခံ အယ်ဒီတာ အဖြစ် တာဝန်ယူကြတယ်။ ဦးကိုကိုလေးဟာ န၀ဒေး မဂ္ဂဇင်း မှာ ဆရာတက္ကသိုလ် နန္ဒမိတ်တို့နဲ့ အတူ လုပ်ခဲ့ပြီး၊ မောင်ဌေးကြွယ်၊ ထွန်းသစ် နာမည်တွေနဲ့ စာရေးသားသူ ဖြစ်တယ်။ ရဲကြေးမုံ၊ မှုခင်း မဂ္ဂဇင်းတွေကနေ ဖြူနီညိုပြာမှာ လုပ်နေရင်း၊ ပရုဖတ်၊ စာ ဖောင်ဖွဲ့၊ ကာလာဖောင်ဖွဲ့၊ ဖောင်ကိုင်၊ ဒမ်ဘီချ၊ ဆလစ်ထိုးစတဲ့ မဂ္ဂဇင်း အယ်ဒီတာ တစ်ယောက် တတ်အပ်တဲ့ စာနယ် ဇင်းပညာတွေ ကျွန်တော့်ကို သင်ပေး ခဲ့တဲ့ ဆရာတစ်ဦးလည်း ဖြစ်ပါတယ်။

    တစ်နေ့ညနေ ဖြူနီညိုပြာကို ဆရာ ကျားဘညိမ်း ရောက်လာခိုက် ဦးကိုကို လေးက “မောင်ငွေကြည် ကိုဘညိမ်းက မင်းကို အကူအညီ တစ်ခုတောင်း ချင်လို့”ဆိုပြီး ဒီဇိုင်းတစ်ခု ဆွဲပေးဖို့ အပ်တယ်။ မှတ်မှတ်ရရ အလေးမအဖွဲ့ တံဆိပ်တုံး ဒီဇိုင်းပါ။ အဲဒီ အချိန်က ခုလို ကွန်ပျူတာ မပေါ်သေးတော့ တံဆိပ် အ၀ိုင်းထဲမှာ စာလုံးတွေ ကွန်ပါနဲ့ လှည့်ပြီး ဆွဲရတယ်။ အတော် လက်ဝင်တယ်။ ဒီဇိုင်းပြီးတော့ ဆရာညိမ်းက ကျွန်တော့်ကို ဒီဇိုင်းခ သုံးဆယ်ကျပ် ပေးပါတယ်။ (အဲဒီ အချိန်တုန်းက အဖုံး ၁၅၀ ကျပ်၊ ၀တ္ထု သရုပ်ဖော် ၆၀ ကျပ်၊ ခေါင်းစီးဒီဇိုင်း ၃၀ ကျပ်နှုန်း ရှိတယ်) နောက်တစ်ပတ် အကြာမှာ ကျွမ်းဘားအသင်းအမှတ် တံဆိပ် လိုဂိုပုံ အပ်ပြန်ပါတယ်။ ဒါလည်း ၃၀ ကျပ် ထပ်ပေးပါတယ်။ ကျွန်တော့် အဖို့တော့ ကျွန်တော် လေးစားချစ်ခင်တဲ့ လက်ဝှေ့ကျော် စာရေးဆရာကြီးနဲ့ ခုလို သိကျွမ်း ရင်းနှီးခွင့်ရတာ အမှတ်တရပါ။

    ကျွန်တော်က တိုက်ပေါင်းစုံမှာ ကာတွန်း ဆွဲနေတာမို့ အဲဒီလို နေရာတွေမှာ ဆရာ ကျားဘညိမ်းနဲ့ မကြာခဏ ဆုံတယ်။ တစ်နေ့ မြ၀တီတိုက်မှာ ပန်းချီ ကာတွန်း ဦးစိန်နဲ့ဆုံတော့ “ကိုဘညိမ်း (ကျားဘညိမ်း) နေရာကို လူသစ် တစ်ယောက် ခန့်ထားလိုက်တယ်တဲ့။ ရာထူးက လက်ဝှေ့ နည်းစနစ်မှူးပေမယ့် အဲဒီလူက လက်ဝှေ့ မထိုးတတ်ဘူးတဲ့” လို့ ပြောပါတယ်။ ကြားရသူ အပေါင်းက ဒါမျိုးလည်း ရှိသကိုးလို့ ရေရွတ်မိကြတယ်။

    နောက်လထုတ် မဂ္ဂဇင်းထဲမှာ ဦးစိန်ရဲ့ ကာတွန်း တစ်ပုံပါလာပါတယ်။ လူနှစ်ယောက် လက်ဝှေ့ ထိုးကြရာမှာ တစ်ယောက်က ကင်းမြီးကောက်ထောင် ထားပြီး ခြေထောက်နှစ်ချောင်းမှာ လက်ဝှေ့အိတ် စွပ်ထားကာ၊ ကျုပ်က လက်နဲ့ မထိုးတတ်တော့ ခြေနဲ့ ထိုးမယ်လို့ ပြောနေတဲ့ပုံပါ။ ဒါဟာ ဆရာကျားဘညိမ်း ရဲ့အဖြစ်ကို အခြေပြု ပေါ်ထွက်လာတဲ့ ကာတွန်းဖြစ်ပါတယ်။

    ဆရာ ကျားဘညိမ်းနဲ့ ဆုံပါများတော့ သူ့ရဲ့ထူးခြားချက် တစ်ခုကို သတိ ထားမိလာတယ်။ အဲဒါကတော့ ဆရာ ကျားဘညိမ်းဟာ စကားဝိုင်းတွေကို ကောင်းကောင်းထိန်းထားနိုင်ပြီး သူပါတဲ့ စကားဝိုင်းဟာ ပွဲစည်တယ် ဆိုတာပါပဲ။ ဘာကြောင့်ထိန်းထားနိုင်လဲ၊ ပွဲစည်လဲလို့ ဆန်းစစ်ကြည့်တော့ စကား ၀ိုင်းတွေမှာ ဟာသတွေ ပြောတတ်လွန်း လို့ပါ။ ပြုံးပြုံးရွှင်ရွှင် မျက်နှာထား ရှိပေမယ့် လူပုံက ရိုးရိုးအေးအေးကြီးမို့ ဆရာ ကျားဘညိမ်းဆီက ဒီလိုဟာသတွေ ကြားရလိမ့်မယ်လို့ မထင်မှတ်စရာပါ။

    ဆရာ ကျားဘညိမ်းဟာ မြန်မာ့ လက်ဝှေ့ကျော် ဘ၀နဲ့ နိုင်ငံတကာကို အတော်များများ ရောက်ဖူးပါတယ်။သူ့ရဲ့ (အိန္ဒိယ၊ မြန်မာ)ချစ်ကြည်ရေး ခရီးစဉ်နဲ့ ပတ်သက်တဲ့ ဟာသ တစ်ခုကို သတင်း ဂျာနယ်တိုက်မှာ ခုလိုပြောပြပါတယ်။ “ကျွန်တော်တို့ မြန်မာလက်ဝှေ့ အဖွဲ့နဲ့ အိန္ဒိယ လက်ဝှေ့အဖွဲ့ ချစ်ကြည်ရေး လက်ဝှေ့ ယှဉ်ပြိုင်ကြတာ နိုင်သူနိုင်၊ ရှုံးသူရှုံးပေါ့။ ပွဲအစီအစဉ်တွေပြီးလို့ ဈေးထွက်ဝယ်တဲ့ အချိန်က ခဏပဲရတယ်။ အိမ်ပြန် အမှတ်တရ ပစ္စည်းလေးတွေ ၀ယ်ဖို့ ကိုယ်ပါတဲ့ ငွေနဲ့ချိန်ရတယ်။ တစ်နေရာရောက်တော့ ဖော့ဦးထုပ်တွေ ရောင်းတဲ့ ဆိုင်တွေ့တယ်။

    “အတော်ပဲ ဖော့ဦးထုပ်က တို့ဆီမှာလည်း ဆောင်းကြတယ်ဆိုပြီး ဈေး မေးကြည့်တယ်။ ဈေးသင့်တာနဲ့ ဦးထုပ် အလုံးနှစ်ဆယ် ၀ယ်လိုက်တယ်။ မွန်ဘိုင်းလိုမြို့တစ်မြို့က ထုတ်တဲ့ ဖော့ ဦးထုပ်တွေ။ ရန်ကုန်ပြန်ရောက်တဲ့ အခါ မိတ်ဆွေတွေကို ဖော့ဦးထုပ်တွေ အမှတ်တရပေးလိုက်တယ်။
    “အဲဒီမှာ တစ်ယောက်က ကိုဘညိမ်းရယ် ဒီဦးထုပ်တွေ ဟိုက ၀ယ်လာတာမှ ဟုတ်ရဲ့လား၊ ဒီရောက်မှ ၀ယ်ပေးတာ မဟုတ်လားလို့ ပြောတယ်။ တကယ် ဟိုက ၀ယ်လာတာပါလို့ ပြောတော့ ကိုယ့်လူ ရွှီးမနေနဲ့။ ဟောဒီ ဦးထုပ်က စာဟာ သက်သေပဲလို့ ပြောပြောဆိုဆို ဦးထုပ်ကို ပြတယ်။

    “ဦးထုပ်ကို အသေအချာ ကြည့်လိုက်တော့ မွန်ဘိုင်းလို အိန္ဒိယမြို့တစ်မြို့က လုပ်တယ် ထင်ထားခဲ့တာ၊ စာတန်း ထိုးထားတာက မိတ်အင် မုံရွာတဲ့ဗျား။ သေရော”

    ဆရာ ကျားဘညိမ်းဟာ လက်ဝှေ့ ထိုးသတ်ရာမှာ ကျားတစ်ကောင်လို ရဲရဲရင့်ရင့် ထိုးသတ်တတ်ခြင်း၊ ရွှေကျား လက်ဝှေ့ကလပ် ထောင်ပြီး လူငယ် လက်ဝှေ့သမားတွေ မွေးဖွားပေးခြင်း အပြင်၊ အင်္ဂလိပ် ၁၂ ကောင်ကျားထိုး ရာမှာလည်း ကျွမ်းကျင်ခြင်းတွေကြောင့် ကျားဘညိမ်းလို့ ခေါ်ကြတာ ဖြစ်ပါတယ်။ ဒီဟာသက ကျားထိုးခြင်းနဲ့ ပတ်သက်တဲ့ ဟာသပါ။

    “တစ်နေ့တော့ ပဲခူးက လူတွေနဲ့ ကျားထိုးဖို့ ချိန်းထားလို့ ဆိုင်ကယ်စီး ပြီးထွက်ခဲ့တယ်။ ကျုပ်ဆိုင်ကယ်က ဟာလေဒီဗက်ဆင် ဆိုင်ကယ်ကြီး၊ စိတ်တိုင်းကျ ရွေးဝယ်ထားတာ၊ အင်ဂျင်မာတယ်၊ အရမ်းမြန်တယ်။ မြန်သမှ ၃ နာရီလောက်ခရီးကို ၁ နာရီခွဲလောက်နဲ့ ရောက်တယ်”

    စကားခဏရပ်ပြီး ဆရာကျား ဘညိမ်းက ပြုံးတုံးတုံးလုပ်နေပါတယ်။ ပြီးမှ စကားဆက်တယ်။ “ဒီလိုနဲ့ ပဲခူး ရောက်ရော။ ပဲခူးက ကျားချန်ပီယံတွေ ကျွန်တော်နဲ့ လက်ရည်စမ်းတယ်။ တစ်ယောက်ပြီး တစ်ယောက် နောက်ကောက်ကျ ကုန်တယ်။ ပွဲစဉ်တွေများတော့ ညနေ ၅ နာရီမှ ပြီးတယ်။ နေကလည်း ၀င်တော့မှာမို့ အိမ်အတွက် ခေါက်ဆွဲထုပ် ၀ယ်ပြီး ဆိုင်ကယ်ကို တရကြမ်းမောင်း ပြန်ခဲ့တယ်။ ဘယ်နှ မိုင်နှုန်းနဲ့ မောင်းခဲ့လဲတောင် မသိဘူး။ အိမ်လည်း ရောက်ရော ခေါက်ဆွဲထုပ်ကို မိန်းမ လက်ထဲပေးလိုက်တယ်။ ခေါက် ဆွဲထုပ်က ပူနွေးနေတုန်းပဲ”

    စကားဝိုင်းက လူတွေအဖို့ မိုင် ငါး ဆယ်လောက်ဝေးတဲ့ ခရီးကိုပြန်ရောက်တဲ့ အထိ ခေါက်ဆွဲထုပ်က ပူနွေးနေအောင် သူ့ဆိုင်ကယ် ဘယ်လောက်တောင် မြန်လဲလို့ စဉ်းစားစရာဖြစ်ကုန် ပါတယ်။ ပြီးတော့
    “ဒါတော့ လွန်ပြီဗျာ၊ ခင်ဗျားဆိုင်ကယ် ဘယ်လောက်မြန်မြန် မိုင်ငါးဆယ် ခရီးကို လေထုထဲဖြတ်မောင်းလာရ တာ၊ ခေါက်ဆွဲထုပ် အေးသွားမှာ သေချာတယ်။ ပူစရာ အကြောင်းမရှိဘူး”

    ဒီအခါ ဆရာကျားဘညိမ်း ပြောလိုက်တာက “ပူပါတယ်ဗျ၊ ပူဆို ကျုပ် က ခေါက်ဆွဲထုပ်ကို ဆိုင်ကယ်အိပ်ဇော ပိုက်မှာ ချည်ပြီး မောင်းလာတာဗျ”တဲ့။ အားလုံးဝေါခနဲ ပွဲကျ သွားကြပါတယ်။
    ဒါတွေကတော့ ကျွန်တော် မှတ်မိ သမျှ ဆရာကျားဘညိမ်း ဟာသတွေပါ။ ဆရာက လူချစ်လူခင် များပြီး၊ စကားဝိုင်းတွေလည်း အများကြီး ပြောခဲ့ တာမို့ ကျားဘညိမ်းရဲ့ဟာသတွေ အများကြီး ရှိနေဦးမှာပါပဲ ခင်ဗျား။
    ဆရာကျားဘညိမ်းသို့ အမှတ်တရ

    ရွှေအမြုတေ ကနေကူးပါသည်။

  • တက္ကသိုလ်နန္ဒမိတ် (အစောဆုံး စစ်မှတ်တမ်း ဘာသာပြန်စာအုပ်ရေးသူ)

    မူရင်းစာအုပ်အမည်မှာDefeat into victory ဖြစ်သည်။ ဖီးလ်မာရှယ် ဗိုလ်ချုပ်ကြီး ဆာဝီလျံဆလင်း၏ အတွေ့ အကြုံမှတ်တမ်းဖြစ်သည်။ ဒုတိယကမ္ဘာစစ်အတွင်း မဟာမိတ်တို့ တိုက်ခိုက်သော မြန်မာပြည် စစ်မြေပြင်နှင့် ပတ်သက်၍ အပြည့်စုံဆုံးစာအုပ်ပင်ဖြစ်သည်။ ဤစာအုပ်တွင် ဆလင်းသည်မြန်မာနိုင်ငံတော်လှန်ရေး အင်အားစုများအကြောင်း၊ ဗိုလ်ချုပ်အောင်ဆန်းအကြောင်းတို့ကိုလည်း ဖြည့်သွင်းရေးသားထားသည်။

    တက္ကသိုလ်နန္ဒမိတ်သည် ဤစာအုပ်ကို ပြန်ဆိုရာတွင် အတော်ပင် အကျဉ်းချုံး၍ ပြန်ဆိုထားသော်လည်း ဤစာအုပ် အလျင်က ဤမျှပြည့်စုံသော စစ်မှတ်တမ်းဘာသာပြန်စာအုပ် မရှိခဲ့သဖြင့် အထူးပင်အောင်မြင်မှုရရှိသည်။ ဤစာအုပ်ကြောင့် ပင် နောက်ပိုင်းတွင် မြန်မာနိုင်ငံနှင့်ပတ်သက်သော စစ်ဘာသာပြန်စာအုပ်များ အများအပြားပေါ် ထွက်လာခဲ့ခြင်းဖြစ်သည်။ တက္ကသိုလ်နန္ဒိမိတ်ကိုယ်တိုင်လည်း နောက်ထပ် စစ်စာအုပ်များစွာ ပြန်ဆိုခဲ့သည်။[ဘာသာပြန်စာပေစာတမ်းများ -ဒုတိယတွဲ၊ ဘာသာပြန် သုတ(ဝိဇ္ဇာ)စာပေ၊ နတ်နွယ်၊ လှသမိန်၊ ရန်ကုန်၊ စာပေဗိမာန်၊ ၁၉၉၀၊ စာ-၄၅-၄၆]

    တက္ကသိုလ်နန္ဒမိတ် ( ၈ မတ် ၁၉၂၂ – ၁၅ နိုဝင်ဘာ ၁၉၆၈) သည် သံတွဲခရိုင် တောင်ကုတ်ဇာတိဖြစ်သည်။ အဖ မြို့ပိုင် ဦးမောင်မောင်ကြီး အမိဒေါ်ရွှေတို့၏ သားဖြစ်သည်။ အမည်ရင်းမှာ မုဟမ္မဒ်အလီခေါ် ဦးတင်အောင်ဖြစ်သည်။ ၁၉၄၆ တွင် သံတွဲ အစိုးရအထက်တန်းကျောင်းမှ အင်္ဂလိပ်စာဂုဏ်ထူးဖြင့် ဆယ်တန်းအောင်သည်။ ရန်ကုန်တက္ကသိုလ်တွင် ဆက်လက် ပညာသင်ခဲ့သည်။ ဂျပန်ခေတ်အတွင်း ဖက်ဆစ်ဆန့်ကျင်ရေးလုပ်ငန်းများတွင် ကထိကဦးကျော်ရင်နှင့် အတူပါဝင်ခဲ့သည်။ တိုးတက်ရေးသတင်းစာ၊ ရောင်ခြည်ဂျာနယ်၊ ရုင်ရှင်ပဒေသာမဂ္ဂဇင်း၊ နဝဒေးမဂ္ဂဇင်း၊ စုံထောက်မဂ္ဂဇင်း၊ စစ်ပြန်မဂ္ဂဇင်းတို့တွင် အယ်ဒီတာအဖြစ် မြဝတီမဂ္ဂဇင်းတွင် အယ်ဒီတာချုပ်အဖြစ် ဆောင်ရွက်ခဲ့သည်။

    ဒေါက်တာသန်းဝင်း (မောင်သန်းဝင်း- ရန်ကုန်တက္ကသိုလ်)

    တက္ကသိုလ်နန္ဒမိတ် (၁၉၂၂-၁၉၈၆)

    ရခိုင်ပြည်နယ်၊ သံတွဲခရိုင်၊ တောင်ကုတ်မြို့၌ အဖမြို့ပိုင် ဦးမောင်မောင်ကြီး၊ အမိဒေါ်ရွှေတို့က ၁၉၂၂-ခု၊ မတ် လ (၈)ရက်၊ကြာသပတေးနေ့တွင်မွေးဖွားသည်။ အမြွှာညီအစ်ကိုနှစ်ဦးအနက် ပထမဖွားမြင်သော သားဖြစ်သည်။ မွေးချင်း (၃)ဦးတွင် အကြီးဆုံးဖြစ်သည်။ ငယ်စဉ်က ကိုကိုဟုခေါ်ခဲ့ကြသည်။ အမည်ရင်းမှာ ဦးတင်အောင်ဖြစ် သည်။ တောင်ကုတ်မြို့၊တိုင်းရင်းမြန်မာ အလယ်တန်းကျောင်းတွင် ပဥမတန်းအထိ ပညာသင်ကြားခဲ့။
    ၁၉၄၂ – သံတွဲမြို့ ကျောင်းသားသမဂ္ဂအမှုဆောင်အဖြစ် ဆောင်ရွက်ခဲ့။ နယ်ချဲ့မောင်းထုတ်ရေး ကျောင်းသားလှုပ် ရှားမှုတွင် ပါဝင်ခဲ့။
    ၁၉၄၅ – ၄၆ – သံတွဲမြို့၊ အစိုးရအထက်တန်းကျောင်းမှ တက္ကသိုလ်ဝင်စာမေးပွဲကို အင်္ဂလိပ်စာဂုဏ်ထူးဖြင့် အောင်မြင်ခဲ့။
    ၁၉၄၆ – ရန်ကုန်တက္ကသိုလ်တွင် တက်ရောက်ပညာသင်ကြားခဲ့။
    ၁၉၄၇ – ဒီဇင်ဘာလထုတ် ဂျာနယ်ကျော် (တွဲ-၁၁၊ အမှတ်-၃)ပါ ”မောင်တို့ရခိုင်ပြည်” ကဗျာသည် အစောဆုံး စာပေလက်ရာဖြစ်သည်။
    ၁၉၄၉ – ၅၀ – ရန်ကုန်တက္ကသိုလ် နှစ်ပတ်လည်စာစောင်၊ မြန်မာစာကဏ္ဍတွဲဖက်စာတည်း။ ရန်ကုန်တက္ကသိုလ် ရခိုင်ကျောင်းသူ၊ ကျောင်းသားများအသင်း ဒု-ဥက္ကဌ။ ရန်ကုန်တက္ကသိုလ် ရခိုင်ကျောင်းသူ ကျောင်းသားများအသင်း မဂ္ဂဇင်းအယ်ဒီတာ၊ ရန်ကုန်တက္ကသိုလ် ဗမာမွတ်စလင်ကျောင်းသူ၊ ကျောင်းသားများအသင်း မဂ္ဂဇင်းအယ်ဒီ တာ။ ရန်ကုန်တက္ကသိုလ် ရခိုင်အသင်းကြီးမှ ကြီးမှူးကျင်းပသော ၀တ္ထုတိုပြိုင်ပွဲတွင် ”မောင်တင်အောင်(၀ိဇ္ဇာ- အထက်တန်း)” အမည်ဖြင့်”ကဗျာတကျော့” ၀တ္ထုတို ပထမဆုရခဲ့။ ထိုနှစ်မှာပင် ရန်ကုန်တက္ကသိုလ်နှစ်လည်စာ စောင် (တွဲ-၁၊ အမှတ်-၃)၌ ”ကိုယ်ပျောက်ဆေးလုံး
    ပြဇာတ်”။ တော်ဝင်မဂ္ဂဇင်း၊ ရခိုင်ကျောင်းသူ၊ ကျောင်းသားများအသင်း မဂ္ဂဇင်းတို့တွင် ‘ခေတ်၏ကြေးမုံ’ (တေးကြို)ကဗျာကို ရေးသားခဲ့။
    ၁၉၅၀ – ပြည့်နှစ်တွင် ၀ိဇ္ဇာတန်းနောက်ဆုံးနှစ်စာမေးပွဲ မဖြေတော့ဘဲ ကျောင်းထွက်ခဲ့။ ပထမဆုံးလုံးချင်း ”နန္ဒာပုလဲ” ၀တ္ထုကို ရေးသားထုတ်ဝေ။(ဂျပန်ခေတ်တွင် ဂျပန်တော်လှန်ရေးလုပ်ငန်းကို မန္တလေးတက္ကသိုလ် ပါမောက္ခချုပ်ဦးကျော်ရင်နှင့်အတူ လက်တွဲလုပ်ဆောင်ခဲ့။)
    တက္ကသိုလ်မှထွက်ပြီးနောက်တိုးတက်ရေးသတင်းစာ တွင် လက်ထောက်အယ်ဒီတာ။
    ၁၉၅၃ – ၀ါးခယ်မမြို့ အစိုးရအထက်တန်းကျောင်း၌ အထက်တန်းပြဆရာ။
    ၁၉၅၄ – မြ၀တီမဂ္ဂဇင်းတိုက်ထုတ် ”ရောင်ခြည်ဂျာနယ်” အယ်ဒီတာ။ ထိုနှစ်မှာပင် မြ၀တီမဂ္ဂဇင်း တာဝန်ခံ စာတည်း၊ စာတည်းချုပ်တာဝန်များကို (၁၉၆၀)ပြည့်နှစ်အထိဆောင်ရွက်ခဲ့။ ”မောင်ကြီးလာပါဟေ့” လုံးချင်းဝတ္ထုထွက်။
    ၁၉၅၆ – ”ပန်းတိုင်းမွှေးပါစေ” ၀တ္ထုထွက်။
    ၁၉၆၀ -ရုပ်ရှင်ပဒေသာမဂ္ဂဇင်း အယ်ဒီတာ၊ န၀ဒေးမဂ္ဂဇင်း စာတည်းချုပ်၊ စာရေးဆရာမိုးဝေနှင့်အတူ ”စုံထောက်မဂ္ဂဇင်း”ကို အယ်ဒီတာအဖြစ်ကိုယ်တိုင်ဦးစီးထုတ်ဝေခဲ့။ ”ရွှေပြည်ကြီး” မြန်မာရာဇ၀င်နောက်ခံဝတ္ထုနှင့်”ပန်းဖွက်တမ်း” ရခိုင်ဓလေ့ရိုးရာအချစ်ဝတ္ထုတို့ကို ရေးသားထုတ်ဝေခဲ့။
    ၁၉၆၁ – သွေးသစ္စတာ၊ စောကြိုလှဲ့ပါ၊ ချစ်သောနီနီ၊ အချစ်လမ်းကလေးဝင်္ကပါ၊ မိုးတိမ်ကိုမျှော်၊ မိုးတိမ်ကိုမှာ စသော ပင်ကိုယ်ရေးဝတ္ထုများအပြင် စာပေဆောင်းပါများကို စုစည်းကာ ”စာရေးချင်သောသူများသို့” စာပေဆိုင်ရာ စာအုပ်များထုတ်ဝေခဲ့။
    ၁၉၆၃ – ”စစ်ကြောင်းချီသော်” စစ်ဝတ္ထုထုတ်ဝေ။ ”နန္ဒာပုလဲ” ဒု အကြိမ်ထွက်။ ”စာရေးချင်သောသူများသို့” ဒု အကြိမ်ထွက်။
    ၁၉၆၄ – ချင်းတွင်းကျော်လျှင်၊ သွေးကိုလမ်းခင်း၍၊ သင်ကြားပေးပါလေဦးဆရာ စာအုပ်များထွက်။ ”မောင်ကြီး လာပါဟေ့” ၀တ္ထု ဒုတိယအကြိမ်ထွက်။
    ၁၉၆၅- ဂျပန်တော်လှန်ရေးတိုက်ပွဲ။ အသက်ကိုဖက်ရွက်ပမာ၊ အင်ဖာတိုက်ပွဲ၊ ကလိန်စေ့ငြမ်းဆင်၊ မြန်မာ ပြည်စစ်မြေပြင်၊ မန္တလေးကိုဖြတ်၍တိုက်ပွဲအဆင့်ဆင့်စသော ဘာသာပြန်လုံးချင်း စာအုပ်များထွက်ရှိ။
    ၁၉၆၆- သွေးချောင်းစီးတိုက်ပွဲ၊ သံလွင်မြစ်ကမ်းတိုက်ပွဲ၊ လက်တကမ်းတိုက်ပွဲ၊တတိယမီးကျည်၊ စစ်ပြေး။ စင်ရယ် စနစ်ရယ် လူသားရယ်။ ဇက်တပ်ဖွဲ့စသောဘာသာပြန်လုံးချင်းများထွက်ခဲ့။ ”ရွှေပြည်ကြီးနှင့်အခြားဝတ္ထုတိုများ”စာအုပ်ထွက် ”စာရေးချင်သောသူများသို့” (တ)အကြိမ်ထွက်။
    ၁၉၆၇ -အသေခံတပ်စု၊ ဆိုက်ပန်ကျွန်းတိုက်ပွဲ၊ ထောင့်ကိုးရာလေးဆယ့်နှစ်၊ပန်းပါစစ်ကြောင်း၊ မြ၀တီစစ်ကြောင်း၊မြစ်ကြီးနားတိုက်ပွဲ၊ မိန်းမသုတေသန(၁၊၂)၊ ယုံကြည်ချက်အတွက် အသက်စွန့်သူများ စသောလုံးချင်းစာအုပ်များထွက်ရှိခဲ့။
    ၁၉၆၈ – ဗန္ဓုလခံတပ်၊ စောနန္ဒာ၊ မိုးတိမ်ကိုစေ စသောစာအုပ်များထွက်။
    ၁၉၆၉ – သိပ္ပံစုံထောက်၊ သုံးရောင်ခြယ်တစ္ဆေသင်္ဘော ဘာသာပြန်လုံးချင်းများထွက်။
    ၁၉၇၁ – ဘ၀သစ္စာမေတ္တာလှိုင်း၊ တသိမ့်သိမ့်ဒွန် စာအုပ်များ ထွက်။ ‘မြန်မာပြည်စစ်မြေပြင်’ ဒုအကြိမ်ထွက်။
    ၁၉၇၇ – ဆယ်ပြည်ထောင်ချော့တော့မပြုံး၊ တောင်တကာ့တော ဆန်ကောနဲ့ကျားထောင် ၀တ္ထုများထွက်။
    ၁၉၈၁ – သေမင်းနောက်သို့ ခြေရာကောက်သော် (၂-တွဲ)ထွက်။
    ၁၉၈၂ – တိုင်တန်းနစ် (၂-တွဲ)၊ သွေးစက်ခြေရာ(၂-တွဲ) ဘာသာပြန် စာအုပ်များထွက်။
    ၁၉၈၃ – တစ်သောင်းမှာတစ်ယောက်၊ သန်းခေါင်ယံခုနှစ်မီးနစ် စာအုပ်များထွက်။
    ၁၉၈၄ – မဟာခရီးရှည်၊ မိုးပြိုမပြို၊ အတွေ့စိမ်းစိမ်း၊ ဟစ်တလာ့ အမွေ၊ စသောစာအုပ်များထွက်။
    ၁၉၈၅ – တိုက်ဖွန်၊ နောင်ဥဒါန်းဘယ်မကြေစရာ၊ ဘီလူးစည်းလူ့စည်း (၂တွဲ) စသောဘာသာပြန်လုံးချင်းများ ထွက်။
    ၁၉၈၆ – သံမဏိသစ္စာ၊ ၃၄-အရှေ့၊ ဘာသာပြန်လုံးချင်းများထွက်။
    ၁၉၈၆ – နိုဝင်ဘာ (၁၅)ရက်၊ စနေနေ့ ည (၁၀း၀၅)နာရီအချိန်တွင် အင်းစိန်မြို့ရွာမအရှေ့၊ အောင်မင်္ဂလာလမ်း သွယ်၊ အိမ်အမှတ် (၉၉၁)တွင် ကွယ်လွန်၊ကွယ်လွန်ချိန်တွင် ဇနီးဒေါ်သန်းနုနှင့် သမီးစောသီတာနန္ဒမိတ်၊ စောစန္ဒာနန္ဒမိတ်၊ သား ဇေယျာနန္ဒမိတ်၊ စိန္တာနန္ဒမိတ်၊ ဥက္ကနန္ဒမိတ်တို့ကျန်ရစ်ခဲ့။

    ထင်ရှားသောစာအုပ်အချို့
    (၁) နန္ဒာပုလဲ၊
    (၂) မြ၀တီစစ်ကြောင်း
    (၃) ပန်းပါစစ်ကြောင်း
    (၄) ရွှေပြည်ကြီး
    (၅) ယုံကြည်ချက်အတွက် အသက်စွန့်သူများ
    (၆) ဗန္ဓုလခံတပ်
    (၇) မြန်မာပြည်စစ်မြေပြင်
    (၈) သံလွင်တိုက်ပွဲ
    (၉) မြစ်ကြီးနားတိုက်ပွဲ
    (၁၀) မန္တလေးကိုဖြတ်၍
    (၁၁) စာရေးချင်သောသူများသို့
    (၁၂) တတိယမီးကျည်
    (၁၃) သန်းခေါင်ယံခုနှစ်မီးနှစ်
    (၁၄) အင်ဖာတိုက်ပွဲ
    (၁၅) တိုင်တန်းနစ် (၂-တွဲ)
    (၁၆) သုံးရောင်ခြယ်တစ္ဆေသင်္ဘော

    စာညွှန်း ။ ။
    1. မလိခ။ မြန်မာ ဝတ္ထု အညွှန်း (၁)။ စာ ၁၉၈ – ၂ဝ၉။
    2. မလိခ။ မြန်မာ စာပေ အဘိဓာန် (၂)။ စာ ၃ဝ၉။
    3. မောင်ကျော်သာ။ တစေ့ တစောင်း စာရေး ဆရာ တို့၏ အကြောင်း။ စာ ၁ဝ၉ – ၁၂၄။
    4. နတ်နွယ်။ မိမိနှင့် စာရေး ဆရာများ။ စာ ၃၃၈ – ၃၄ဝ။
    5. စာရေး ဆရာများ။ တက္ကသိုလ် နန္ဒမိတ် သို့မဟုတ် ကောင်းကင်နှင့် မြေကြီးကို တောင်းခံသူ (၂ဝဝ၄)။
    6. မြန်မာ့ စွယ်စုံကျမ်း နှစ်ချုပ် (၁၉၈၇)။ စာ ၁၇၁ – ၁၇၂။]

    copy from http://www.myanmarbookshop.com/Authors/Biography.aspx?intAuthorID=1466