News @ M-Media

Tag: Nigeria

  • နိုက်ဂျီးရီးယား ကျေးရွာတခု သို့ နွားခိုးဂိုဏ်းမှ ၀င်ရောက် ပစ်ခတ်မှုကြောင့် လူအများအပြားသေဆုံး

    ဧပြီ ၇ ၊ ၂၀၁၄
    M-Media

    – နိုက်ဂျီးရီးယား အနောက်မြောက်ပိုင်း ရွာတစ်ရွာတွင် နွားခိုးဂိုဏ်းအား ကာကွယ်ရန်အတွက် အစည်းအဝေးပြုလုပ်နေစဉ် သေနတ်ဖြင့် ပစ်ခတ်မှုတစ်ခုဖြစ်ပွားခဲ့ပြီး ၇၉ ဦးသေဆုံးခဲ့သည်ဟု သိရသည်။

    201261120170971734_20

    ဇမ်ဖာရာပြည်နယ် ဂါလာဒီမာရွာတွင် လက်နက်ကိုင် ဓားပြများနှင့် ကျွဲ၊ နွား ခိုးယူသူများအား ဟန့်တားနှိမ်နင်းရန် ရွာသူကြီးများနှင့် စေတနာ့ဝန်ထမ်း ကင်းအဖွဲ့မှ ကိုယ်စားလှယ်များ ယမန်နေ့က အစည်းအဝေးပြုလုပ်နေစဉ် ဖြစ်ပွားခဲ့ခြင်းဖြစ်ပြီး၊ ဖူလာနီအမည်ရသည့် နွားခိုးဂိုဏ်းမှဖြစ်မည်ဟု ပြည်နယ်ရဲတပ်ဖွဲ့က သတင်းထုတ်ပြန်ခဲ့သည်။

    ထို့ပြင် ထိုရွာတစ်ဝိုက်တွင် လုံခြုံရေးတပ်ဖွဲ့ဝင်များက တပ်ဖြန့်ချထားပြီးပြီဟု အဆိုပါ ထုတ်ပြန်ချက်တွင်ဖော်ပြခဲ့သည်။ ထွက်ပြေးလွတ်မြောက်လာသူ တစ်ဦးကမူ မိမိတို့အနေဖြင့် သေဆုံးသူများအား ရေတွက်ခဲ့ရာ ၆၁ ဦးရှိပြီး အများအပြား ဒဏ်ရာရခဲ့ကြောင်း ဆိုသည်။

    နိုက်ဂျီးရီးယား နိုင်ငံအလယ်ပိုင်းတွင် လယ်သမားများနှင့် ဖူလာနီ နွားခိုးဂိုဏ်းတို့အကြား လယ်မြေကိစ္စ အငြင်းပွားမှုများရှိခဲ့ပြီး ပြည်နယ်အများအပြားတွင် ဖြေရှင်းပေးခဲ့သော်လည်း ဆယ်စုနှစ် တစ်ခုကျော်ကြာ ယခုအချိန်အထိ ပြေလည်မှု မရသေးပေ။
    Ref: Agencies

  • တမန်တော် မုဟမ္မဒ် မွေးနေ့ အခမ်းအနား ပြုလုပ်ရန် နိုက်ဂျီးရီးယား မွတ်စလင်များပြင်ဆင်

    ဇန်နဝါရီ ၁၂၊ ၂၀၁၄
    M-Media

    တမန်တော် မုဟမ္မဒ်သခင်(ငြိမ်းချမ်း သာယာမှု သက်ရောက်ပါစေ) ဖွားမြင်ခြင်း အထိမ်းအမှတ် အခမ်းအနားများအား ကျင်းပရန် နိုက်ဂျီးရီးယား မွတ်စလင်များပြင်ဆင်
    Festive-Mood-as-Nigerians-Mark-Prophet-Birthday-
    – မကြာမီကျရောက်တော့မည့် တမန်တော်မုဟမ္မဒ်သခင် ဖွားမြင်ရာနေ့ အထိမ်းအမှတ်အဖြစ် အခမ်းအနားများ ကျင်းပရန် နိုက်ဂျီးရီယား မွတ်စလင်များက ပြင်ဆင်နေကြသည်ဟု သိရသည်။

    ထိုကဲ့သို့ အခမ်းအနားများတွင် တမန်တော်မြတ်၏ သွန်သင်မှုများကို အလေးထား ပြောကြားသွားမည်ဖြစ်ပြီး နိုင်ငံငြိမ်းချမ်းရေး အတွက်လည်း ဆုတောင်း သွားမည်ဟု သိရသည်။

    “အခုအချိန်ဟာ တမန်တော်ရဲ့ ဂုဏ်ကျေးဇူးကို ကျူးရင့်တဲ့ အချိန်ပါ။ ရဗီအွလ်အောင်ဝလ်လ (အစ္စလာမ့် ပြက္ခဒိန်တွင် တတိမြောက်လ) ၁ ရက်နေ့ကစပြီး တမန်တော်မြတ်ကြီးရဲ့ ဂုဏ်ကျေးဇူးကို ချီးကျူးတဲ့ ဓမ္မတေးတွေကို စုပေါင်း သီကြူးကြပြီး၊ တမန်တော်မြတ် ဖွားမြင်တဲ့ ၁၂ ရက်နေ့ကျရင်တော့ တစ်နိုင်ငံလုံးက မွတ်စလင်တွေက အခမ်းအနားတွေ ပြုလုပ်မှာပါ” ဟု ကွယ်လွန်သွားခဲ့သည့် နိုက်ဂျီးရီးယားရှိ မွဖ်သီဟောင်း ရှိခ် မုဟမ္မဒ် အောင်ဝဲလ်၏ သားဖြစ်သူ တီဂျန်နီယာက OnIslam.net သို့ ပြောကြားခဲ့သည်။

    ကမ္ဘာတစ်ဝှမ်းမှ အစ္စလာမ်ဘာသာဝင်များမှာ လာမည့် တနင်္လာ၊ အင်္ဂါနေ့များတွင် တမန်တော် မုဟမ္မဒ်သခင် ဖွားမြင်ရာနေ့ အထိမ်းအမှတ်အဖြစ် အခမ်းအနားများ ပြုလုပ်ကြမည်ဖြစ်ပြီး နိုက်ဂျီးရီးယားနိုင်ငံတွင်လည်း လာမည့် အင်္ဂါနေ့အား ရုံးပိတ်ရက်အဖြစ် သတ်မှတ်ထားသည်။

    ထို့ပြင် နိုက်ဂျီးရီးယားနိုင်ငံတွင် တမန်တော်မြတ်မွေးဖွားရာနေ့တွင် ထိမ်းမြား လက်ထပ်ခြင်းများ ကုရ်အာန်ကျမ်းတော်မြတ် ရွတ်ဖတ်သရဇ္ဈာယ်မှု ပြိုင်ပွဲများ ကျင်းပပြုလုပ်လေ့ရှိကြသည်။
    Ref: OnIslam

  • နိုက်ဂျီးရီယား လက်ရွေးစင် ဘောလုံးသမားဟောင်း တစ်ဦး အစ္စလာမ်သို့ ကူးပြောင်း

    ဇန်နဝါရီ ၁၁ ၊ ၂၀၁၄
    M-Media
    Nigerian-Footballer-Reverts-to-Islam
    – နိုက်ဂျီးရီယားလက်ရွေးစင် ဘောလုံးကစားသမားဟောင်းဖြစ်သူ အီမဲကာ အက်ဇယူဂိုမှာ အစ္စလာမ် သာသနာသို့ပြောင်းလဲ သက်ဝင်လာသည်ဟု သိရသည်။

    အသက် ၄၆ နှစ်အရွယ်ရှိ ဇယူဂိုမှာ ၁၉၉၄ ခုနှစ် ကမ္ဘာ့ဖလားပြိုင်ပွဲဝင် နိုက်ဂျီးရီးယားအသင်းတွင်ပါဝင်ခဲ့သူဖြစ်ပြီး၊ တမန်တော် မုဟမ္မဒ်သခင်၏ အထုပတ္တိအား ဖတ်ရှုပြီးနောက် အစ္စလာမ်သာသနာအား လက်ခံခဲ့ခြင်းဖြစ်သည်ဟု ပြောကြားခဲ့သည်။

    “ကျွန်တော်ဟာ စူးစမ်းလေ့လာချင်တဲ့လူတစ်ယောက်ဖြစ်ပြီး ဘာသာအယူဝါဒ အများအပြားကိုလည်း လေ့လာခဲ့ပါတယ်။ မုဟမ္မဒ်သခင်ရဲ့ ထေရုပ္ပတ္တိကို လေ့လာပြီးတဲ့နောက်မှာတော့ အရမ်းလေးစား အားကျခဲ့ပြီး အစ္စလာမ်ကို လက်ခံလာခဲ့တာပါ” ဟု အက်ဇယူဂိုက ယခုသီတင်းပတ် အစောပိုင်းက သတင်းထောက်များအား ပြောကြားခဲ့သည်။

    ဇယူဂိုမှာ အိန္ဒိယ I လိဂ်တွင် ပါဝင်ယှဉ်ပြိုင်နေသည့် Mohammedan Sporting Club ဘောလုံးအသင်းတွင် ဆယ်စုနှစ်တစ်ခုနီးပါး ကစားခဲ့သူဖြစ်ပြီး၊ မုဟမ္မဒ်သခင်၏ နောက်လိုက်ဖြစ်ရခြင်းကို ဂုဏ်ယူကြောင်း၊ မုဟမ္မဒ်သခင်မှာ အလ္လာဟ်အရှင်မြတ် စေလွှတ်ခဲ့သည့် တမန်တော်များတွင် အကြီးကျယ်ဆုံး တမန်တော်တစ်ပါးဖြစ်ကြောင်း ပြောကြားခဲ့သည်။

    အက်ဇယူဂို အစ္စလာမ်သာသနာသို့ ပြောင်းလဲသက်ဝင်ကြောင်း သတင်းမှာ ပြီးခဲ့သည့် ၂၀၁၂ ခုနှစ် ဖေဖော်ဝါရီလ ကတည်းက ထွက်ပေါ်ခဲ့သော်လည်း ယခုသီတင်းပတ်တွင်မှ အက်ဇယူဂိုက သတင်းမီဒီယာများအား တရားဝင် ပြောကြားခဲ့ခြင်းဖြစ်သည်။ အစ္စလာမ်သာသနာသို့ ပြောင်းလဲ သက်ဝင်ကြောင်း သက်သေခံချက် (ရှဟာဒါ) ကို ပြီးခဲ့သည့်တစ်ပါတ်က အစ္စလာမ် ဓမ္မပညာရှင်ဖြစ်သူ Mohammedan အသင်း မန်နေဂျာ အမီရရုလ် အစ္စလာမ်ထံတွင် ထွက်ဆိုခဲ့ခြင်းဖြစ်ပြီး သက်သေခံချက် ထွက်ဆိုချိန်တွင် အသင်းဖော်များဖြစ်သည့် ကိုင်စာဟာမစ်၊ အမီရ်ဖိုင်ဆယ်နှင့် အသင်းတာဝန်ရှိသူ အဘူဟာဆန် ပရင့်စ်တို့ ရှိနေကြသည်။ အစ္စလာမ်သို့ ပြောင်းလဲသက်ဝင်ခဲ့ပြီးနောက် အက်ဇယူဂိုမှာ ၎င်း၏ နာမည်အား မွတ်စတာဖာ မိုဟမ္မဒ်အဖြစ် ပြောင်းလဲခဲ့သည်။

    ထိုကဲ့သို့ ဆုံးဖြတ်ခဲ့ခြင် မိမိကိုယ်မိမိ ပိုမိုယုံကြည်လာစေပြီး၊ အစ္စလာမ်က ပြဌာန်ထားသည့် ၀တ်ပြုမှုများ၊ ဆောင်ရန်၊ ရှောင်ရန်များကို လိုက်နာကျင့်ကြံခဲ့ပြီးနောက် မိမိ၏ ဘ၀မှာ ပိုမိုစည်းကမ်းရှိလာသည်ဟု ခံစားရကြောင်း ၎င်းက ပြောကြားခဲ့သည်။

    “ကျွန်တော် သစ်စေ့တစ်စေ့ကို စတင်စိုက်ပျိုးခဲ့ပြီး သစ်ပင်တစ်ပင်ကြီးဖြစ်လာအောင် ရေလာင်း၊ ပေါင်းသင်ပြီး အာဟာရဖြည့်ပေးရပါမယ်။ ကျွန်တော့်ရဲ့ ဒီဆုံးဖြတ်ချက်က အချိန်နဲ့အမျှ ကောင်းမွန်တဲ့အရာတွေ တွေ့ရလိမ့်မယ်ဆိုတာ ကျွန်တော်သိပါတယ်။ အခုလောလောဆယ်တော့ အစ္စလာမ်ဟာ ကျွန်တော်ဘ၀ကို ပိုပြီးစည်းကမ်းရှိအောင် ပြုလုပ်လိုက်တယ်ဆိုတာကို ကျွန်တော်ပြောနိုင်ပါတယ်”

    နိုက်ဂျီးရီးယားနိုင်ငံတွင် အစ္စလာမ်ဘသာသို့ ပြောင်းလဲ သက်ဝင်လာမှုများရှိနေပြီး ပြီးခဲ့သည်နိုဝင်ဘာလကလည်း  Igbo လူမျိုး ၁၈ ဦးမှာ နိုက်ဂျီးရီးယားမြို့တော် အဘူဂျာရှိ ဗလီဝတ်ကျောင်းတော်တွင် အစ္စလာမ် သာသနာအား လက်ခံခဲ့သည်။ နိုက်ဂျီးရီးယားနိုင်ငံ၏ ပြည်သူ သန်း ၁၄၀တွင် ခရစ်ယာ န်ဘာသာဝင်များမှာ ၅၅ ရာခိုင်နှုန်းရှိပြီး အစ္စလာမ်ဘာသာဝင်များမှာ ၄၀ ရာခိုင်နှုန်းရှိသည်။

    Ref: OnIsalm

  • နိုင်ဂျီးရီးယားနွယ်ဖွား မွတ်စ်လင်မ် မိန်းကလေးတစ်ဦး ကမ္ဘာ့အထူးချွန်ဆုံး ဆယ်ကျော်သက်စာရင်းမှာ မှတ်တမ်းဝင်

    အောက်တိုဘာ-၂၄
    M-Media

    Muslim-In-World’s-Smartest-Teenagers-List1

    နယူးဂျာစီ။        ။ နိုင်ဂျီးရီးယား မွတ်စ်လင်မ်မိန်းကလေး တစ်ဦးသည် “ကမ္ဘာ့အထူးချွန်ဆုံးဆယ်ကျော်သက် ၅၀” စာရင်း၌ သတ်မှတ်ခံရသည်။

    ယင်းမိန်းကလေးမှာ နယူးဂျာစီပြည်နယ်၊ အက်ဒီဆင်မြို့နေ အသက် ၁၆ နှစ်အရွယ် စဟီးလား အီဗ်ရာဟီမ် (Saheela Ibraheem) ဖြစ်ပြီး၊ ယခုနှစ်အစောပိုင်းတွင် အသက်အငယ်ဆုံး ဟားဗတ်တက္ကသိုလ်ရောက်လာသူကျောင်းသား အဖြစ် စာရင်းဝင်ခဲ့သည်။ သူမသည် သင်္ချာနှင့်သိပ္ပံဘာသာရပ်ကို အထူးစိတ်ပါဝင်စားသည်ဟု သူမ၏အမည်စာရင်းကြေငြာသည့် The Best Schools ၀က်ဘ်ဆိုက်မှ ဖော်ပြသည်။

    ဂုဏ်ထူးဆောင်တက္ကသိုလ်ဖြစ်သော MIT အပါအ၀င် ပဲန်စီလ်ဗေးနီးယား၊ ကော်နဲလ်၊ ဘရောင်း၊ ပရင့်စ်တန်၊ ကိုလံဘီယာ၊ ရှီကာဂို စသည့် တက္ကသိုလ်ကောလိပ် ၁၂ ခုမှ သူမအား လက်ခံခဲ့သော မှတ်တမ်းဝင်ခဲ့သည်။

    နောက်ဆုံးတွင် ဟားဗတ်တက္ကသိုလ်တက်လိုသော သူမ၏ ၇ နှစ်အရွယ်မောင်ငယ်၏အကြံပြုချက်အရ သူမက ဟားဗတ်တက္ကသိုလ်ကိုသာ ရွေးချယ်ခဲ့သည်ဟုဆိုသည်။

    စဟီးလားသည် အောင်မြင်ခြင်း၏သော့ချက်မှာ အသိပညာဖြစ်ပြီး မိမိနှစ်သက်သည်ကို တတ်နိုင်သမျှ စောစီးစွာ သင်ယူလေ့လာရမည်ဟု မိမိအသက်ငါးနှစ်အရွယ်ကပင် သိရှိယုံကြည်ခဲ့သည်ဟု ပြောပြသည်။

    ယဉ်ကျေးသိမ်မွေ့သည်ဟုလူသိများသော ပါရမီရှင်မိန်းကလေးအား ပညာရေးအားပေးသည့် သူမ၏မိဘများက ကျောင်းစာသင်ခန်းမှမသင်ကြားသော ဘာသာရပ်များကို ရံဖန်ရံခါသင်ကြားပေးလေ့ရှိခဲ့သည်။ သူမသည် အရဗီ၊ စပိန်၊ လက်တင်၊ အင်္ဂလိပ် စသည့် ဘာသာစကားများကိုလည်း စိတ်ဝင်စား၏။ အစ္စလာမ့်ဦးခေါင်းခြုံလွှာ(ဟိဂျာ့ဗ်)ကို ၀တ်ဆင်ထားလေ့ရှိပြီး ကျောင်းတွင်းလှုပ်ရှားမှုများ၊ အားကစားများ၌လည်း ဦးဆောင်ပါဝင်သော စံပြကျောင်းသူတစ်ဦးဖြစ်သည်။

    သူမသည် အဏုဇီဝသိပ္ပံဘာသာရပ်ကို အထူးပြုယူရန် ရည်ရွယ်ထားကာ ဦးနှောက်ယန္တရားဖြစ်စဉ်ကိုလေ့လာသည့် သိပ္ပံပညာရှင်တစ်ဦးဖြစ်လာဖို့ ရည်ရွယ်ထားသည်။ ထိုအချက်များမှအပ သူမအတွက် ပထမဦးစားပေးမှာ သူမ၏ မိသားစု ဖြစ်သည်ဟုလည်း ဆို၏။

    သူမ၏ဦးနှောက်မှတ်ဥာဏ်မှာ ထူးထူးခြားမဟုတ်လေသည့်အကြောင်း စဟီးလားက ဤသို့ပြောပြသည်။

    “ ကျွန်မလုပ်သမျှအရာတိုင်းကို အကောင်းဆုံးဖြစ်အောင် ကြိုးစားပါတယ်။ စိတ်ဆန္ဒကြီးမားပြင်းထန်သူ ဘယ်သူမဆို ထူးထူးခြားခြား လုပ်ဆောင်နိုင်တာချည်းပါပဲရှင် ”။

    Ref: OnIslam

  • နိုက်ဂျီးယားမှ ၃ နှစ်သမီး ကမ္ဘာ့ အသက်အငယ်ဆုံး ကုရ်အာန်ကျမ်း အာဂုံဆောင် နိုင်သူဖြစ်လာ

    ဖေဖော်ဝါရီ ၁၀ ၊ ၂၀၁၃
    M-Media

    Nigerian Girl Memorizes Qur’an at Three
    အသက် ၃ နှစ်နှင့် ၈ လ အရွယ်မှာ ကုရ်အာန်ကျမ်းတော်မြတ် တစ်အုပ်လုံး အလွတ်အာဂုံဆောင်နိုင်သူ သမိးငယ်အား မိခင်နှင့် အတူတွေ့ရစဉ်

    ကိုင်ရို။ ။နိုက်ဂျီးရီးယားမှ အသက် ၃ နှစ်အရွယ်ရှိ သမီးငယ်တစ်ဥိးသည် ကုရ်အာန်ကျမ်းတော်မြတ် တစ်အုပ်လုံးကို ကျက်မှတ်နိုင်ခဲ့ကာ နိုက်ဂျီးရီးယားနိုင်ငံကို အံအားသင့်စေခဲ့ပြီး ကမ္ဘာ့အငယ်ဆုံး ကုရ်အာန်ကျမ်းတော်မြတ် အာဂုံဆောင်နိုင်သူ တစ်ယောက်ဖြစ်လာခဲ့သည်။

    “ရိုးရိုးသားသားဆိုရရင် ကျမ အများကြီးမပြောတတ်ပါဘူး။ ဒါပေမယ့် ဒီ(အာဂုံဆောင်နိုင်မှု)အတွက် အလ္လာဟ်အရှင်မြတ်ကို အထူးကျေးဇူးတင်မိပါတယ်။ တကယ်တော့ ဒါဟာ အလ္လာဟ်အရှင်မြတ်ထံပါးမှ ကောင်းချီးမင်္ဂလာဖြစ်ပါတယ်။ ဒီအတွက် အလ္လာဟ်အရှင်မြတ်ကို ကျေးဇူးတင်ပါတယ်။” ဟု ကလေးငယ်၏ မိခင်ဖြစ်သူ ဆိုက်ယဒါ မိုင်မွန်နာသု ရှိခ် ဒါဟီရု (Sayyada Maimunatu Sheikh Dahiru) က ဖေဖော်ဝါရီ ၁၀ရက်နေ့၌ Sunday Tribune  သတင်းစာသို့ ပြောကြားခဲ့သည်။

    သူမ၏ သမီးဖြစ်သူ ရွတ်ကယာသု ဖာသာဟု အူမာရ် (Rukkayatu Fatahu Umar) မှာ အသက် ၃ နှစ်နှင့် ၈ လ အရွယ်မှာပင် ကုရ်အာန်ကျမ်းတော်မြတ် တစ်အုပ်လုံးကို အာဂုံဆောင်နိုင်ခဲ့သည်။

    ထိုကလေးငယ်သည် ကုရ်အာန်ကျမ်းတော်မြတ် သင်ယူမှုကို ထင်ရှားသော အစ္စလာမ့် ဓမ္မပညာရှင်ဖြစ်သည့် ရှိခ် ဒါဟီရူ အွတ်စမန်း ဘောချီ (Sheikh Dahiru Usman Bauchi) တည်ထောင်သည့် အစ္စလာမ့် ဓမ္မသင်တန်းကျောင်းတွင် စတင်ခဲ့သည်။

    “ကုရ်အာန်ကျမ်းတော်မြတ် သင်ယူဖို့အတွက် အတန်းများစွာ ခွဲထားတဲ့ ခန်းမကြီးတစ်ခုကို ကျမတို့ အသုံးပြုခဲ့ပါတယ်။ ကျမ စာသင်နေတဲ့အချိန်မှာ သူမ(ကလေး)ကို တစ်ချိန်လုံး ကျမရဲ့ ကျောမှာ ပိုးထားပါတယ်။ အဲဒီအချိန်ကစလို့ သူမဟာ သင်တန်းသားတွေနဲ့အတူ ကုန်အာန်ကျမ်းတော်မြတ်ကို စတင် ရွတ်ဆိုခဲ့ပါတယ်။ မကြာခင်မှာပဲ သူမဟာ အချို့ ပါဒတော်တွေကို အလွတ်ရနေခဲ့ပါပြီ။ ဒီလိုပုံစံနဲ့ သူမဟာ ကျမ်တော်မြတ်ကျတ်မှတ်မှုသင်တန်းကို စတင်တက်ရောက်ခဲ့တာပါ။ အခုဆိုရင် သူမဟာ ကုရ်အာန်ကျမ်းတော်မြတ်တစ်အုပ်လုံးကို အာဂုံဆောင်နိုင်ခဲ့ပါပြီ။” ဟု ထို သင်တန်းကျောင်းတွင် သင်ကြားပေးသူ ဆရာမဖြစ်တစ်ဦးပြီး ကလေးငယ်၏ မိခင်ဖြစ်သူ မိုင်မွန်နာသု (Maimunatu) က ဂုဏ်ယူစွာဖြင့် ပြောကြားသည်။

    ကုရ်အာန်ကျမ်းတော်မြတ်တွင် ကဏ္ဍပေါင်း ၁၁၄ ခုပါဝင်လေသည်။ ထိုသင်တန်းကျောင်းသို့ နံနက် ၇ နာရီမှ ညနေ ၆ နာရီအထိ နေ့စဉ် သွားရောက်ရခြင်းကြောင့် ကလေးငယ်မှာ သက်တူရွယ်တူများနှင့် ကစားချိန် အနည်းငယ်သာရရှိလေသည်။

    “သူမရဲ့ သူငယ်ချင်းတွေနဲ့ မကစားဘဲနေတာမဟုတ်ပါဘူး။ ကစားပါတယ်။ အထူးသဖြင့် ကုန်အာန်ကျမ်းတော်မြတ်ကို ကျက်မှတ်ကြတဲ့ သူမလို ကလေးမျိုးတွေနဲ့ပါ။ ကုရ်အာန်ကျမ်းတော်မြတ် အာဂုံဆောင်နိုင်ရေးဆိုတဲ့ တူညီတဲ့ရည်ရွယ်ချက်ပန်းတိုင်ကို သူတို့ရဲ့ အာရုံစူးစိုက်မှု၊ ရည်ရွယ်ချက်တွေဟာ တိုက်ရိုက် ဦးတည်နေတဲ့အတွက် ဒါဟာ  ကလေးတွေအားလုံးကို ပိုပြီး လွယ်ကူသက်သာစေပါတယ်။ ” ဟု သူမက ဆိုသည်။

    ပညာရေး

    ကာယကံရှင် ကလေးငယ်မှာ ထိုကဲ့သို့ ငယ်ရွယ်သောအချိန်၌ ကုရ်အာန်ကျမ်းတော်မြတ်တစ်အုပ်လုံးကို အာဂုံဆောင် မှတ်သားနိုင်မည်ဟု မယုံကြည်ခဲ့ပေ။

    “ကျမ အလ္လာဟ်အရှင်မြတ်ကို ကျေးဇူးတင်ပါတယ်။” ဟု သူမကဆိုသည်။

    မိသားစု၏ ရိုးရာဓလေ့ထုံးစံဖြစ်သည့် မိန်းကလေးများအား အသက် ၁၀ နှစ်အရွယ်တွင်မှ ပညာသင်ယူရန် စေလွှတ်မှုကို ချိုးဖျက်ကာ မကြာခင်အချိန်အတွင်း ထိုကလေးငယ်အား ကျောင်းသို့ပို့နိုင်ရန် အတွက် ပြင်ဆင်လျက်ရှိသည်။

    “ကမ္ဘာကြီးဟာ ပြောင်းလဲနေတယ်၊ နေရာတိုင်းမှာ ယဉ်ကျေးတဲ့ လူ့အဖွဲ့အစည်းတွေ ရှိနေတယ်လို့ ကျမအမျိုးသားက ပြောဖူးပါတယ်။ သူပြောသလိုပါပဲ။ ကျမတို့ရဲ့ သမီးကလေးဟာ အသက်ခြောက်နှစ်ပြည့်တဲ့အခါ ကျောင်းတက်ရောက်ဖို့အတွက် အခွင့်အရေး ရမှာပါ။” ဟု မိခင်ဖြစ်သူက ဆိုသည်။ သူမကိုယ်တိုင်မှာလည်း အသက် ၁၂ နှစ်အရွယ်တွင် ကုရ်အာန်ကျမ်းတော်မြတ် တစ်အုပ်လုံးကို အာဂုံဆောင်နိုင်ခဲ့သည်။

    ၎င်းအပြင် သူမ၏ကလေးအား ယခုကဲ့သို့ ငယ်ရွယ်သော အသက်အရွယ်တွင် ကုန်အာန်ကျမ်းတော်မြတ်ကို ကျက်မှတ်ရန် အခွင့်အရေးပေးခဲ့သော သူမ၏ ဖခင်ဖြစ်သူကို ချီးမွမ်းပြောဆိုခဲ့လေသည်။

    “ရှိခ် ဒါဟီရူ အွတ်စမန်း ဘောချီ လို ဖခင်တစ်ယောက်မျိုးရှိတာ ကျမ အရမ်းဂုဏ်ယူမိပါတယ်။ အခြားလူတွေကို အစ္စလာမ့်သာသနာ့ လမ်းကြောင်းပေါ်မှာမြဲမြံစေခဲ့သလို အဖေက ကျမရဲ့ ခြေအစုံကိုလည်း သာသနာ့ လမ်းကြောင်းပေါ်မှာ မြဲမြံစေခဲ့ပါတယ်။  အလ္လာဟ်အရှင်မြတ် ကျမရဲ့ဖခင်ကို အသက်ရှည်စေတော်မူပါ…၊ ဒါမှသာ အလ္လာဟ်အရှင်မြတ်ရဲ့ တာဝန်ကို ဆက်လက်ထမ်းဆောင်နိုင်မယ်၊ အစ္စလာမ်သာသနာတော်အတွက်၊  လူသားမျိုးနွယ်အတွက် ဆက်လက်အသုံးဝင်နေမှာပါ” ဟု သူမက ဆိုသည်။

    ကလေးငယ်များအား ငယ်ရွယ်သောအချိန်ကပင် ကုရ်အာန်ကျမ်းတော်မြတ် သင်ကြားပေးခြင်း၊ အစ္စလာမ်၏ စည်းမျဉ်းစည်းကမ်းများကို သင်ကြားပေးခြင်းမှာ မွတ်စလင်မိဘတိုင်း၏ တာဝန်ပင်ဖြစ်သည်။ အစ္စလာမ်က သွန်သင်ထားသည့် လူမှုကျင့်ဝတ်များကို သင်ကြားပေးရန်အတွက် ငယ်ရွယ်သောအချိန်သည် အကောင်းဆုံးသော အချိန်ကာလပင်ဖြစ်သည်။

    ကုရ်အာန်ကျမ်းတော်မြတ်ကို အာဂုံဆောင်ထားခြင်းမှာ အလ္လာဟ်အရှင်မြတ်၏ အမိန့်တော်များ၊ သတင်းစကားများကို ထိန်းသိမ်းရန် အရေးအကြီးဆုံး နည်းလမ်းမှာထဲမှ တစ်ခုပင်ဖြစ်သည်။

    တမန်တော်မြတ် မုဟမ္မဒ်သခင်(ငြိမ်းချမ်းမှုသက်ရောက်ပါစေ)က “အသင်တို့ထဲမှ အကောင်းဆုံးသောသူမှာ ကုရ်အာန်ကျမ်းတော်မြတ်ကို သင်ယူလေ့လာပြီးသကာလ အခြားသူများကို ပြန်လည် သင်ကြားပေးသူသာဖြစ်သည်” ဟု မိန့်ကြားတော်မူခဲ့လေသည်။

    Ref:http://www.onislam.net/