News @ M-Media

Tag: NSA

  • ကမ္ဘာတဝှမ်း လျို့ဝှက်ထောက်လှမ်းခဲ့သည့် NSA နှင့် Google တို့ ဆက်ဆံရေး ထင်ထားသည်ထက် နက်နဲ

    မေ- ၈ ၊ ၂၀၁၄
    M-Media
    – အမေရိကန်အမျိုးသာလုံခြုံရေး အေဂျင်စီ NSA နှင့် Google တို့၏ ဆက်ဆံရေးမှ ယခင်က ထင်ထားသည်ထက် ပို၍နက်နဲကြောင်း အပြန်အလှန်ဆက်သွယ်သည့် အီးမေးလ်များမှ သိရသည်ဟု အလ်ဂျာဇီးရား သတင်းဌာနက ဖော်ပြခဲ့သည်။

    361789_NSA-GOOGLE

    NSA ဒါရိုက်တာ ကိသ် အလက်ဇန်းဒါးနှင့် Google အမှုဆောင်အဖွဲ့မှ ဆာဂျီ ဘရင်၊ အဲရစ် ရှမစ်ဒ် ဆက်ဆံရေးမှာ ယခင်က ဖော်ပြခဲ့သည်ထက် ပို၍ရင်းနှီးကြောင်း ရရှိထားသည့် အီးမေးလ်များကို ကိုးကား၍ အလ်-ဂျာဇီးရားက အင်္ဂါနေ့တွင် ဖော်ပြခဲ့သည်။

    အမေရိကန် အီလက်ထရောနစ် ဆက်သွယ်ရေးလုပ်ငန်းများအပေါ် NSA က ကျယ်ကျယ်ပြန့်ပြန့် လျှို့ဝှက်ထောက်လှမ်းနေမှုများနှင့် ပတ်သက်၍ ၀န်ထမ်းဟောင်း စနိုးဒင်မှ ပြီးခဲ့သည့်နှစ်က ဖွင့်ချခဲ့သည်။ နည်းပညာကုမ္ပဏီများ၏ တာဝန်ရှိသူများကမူ ၎င်းတို့မှာ ဥပဒေဖြင့် ဖိအားပေးမှုကို ခံရသောကြောင့် အမေရိကန်အစိုးရနှင့် ပူးပေါင်းဆောင်ရွက်ရခြင်းဖြစ်သည်ဟု ချေပပြောဆိုခဲ့သည်။

    အစိုးရအနေဖြင့် Google ၏ ဆာဗာအတွင်းသို့ ၀င်ရောက်မည်ဆိုလျှင် Google က သိလေ့ မရှိဟု ပြီးခဲ့သည့် နိုဝင်ဘာတွင် Google အမှုဆောင်အရာရှိ ရှမစ်ဒ်က ပြောထားဖူးသည်။

    သို့သော်လည်း လျှို့ဝှက်ထောက်လှမ်းမှု လုပ်ငန်းများကို နည်းပညာကုမ္ပဏီ အားလုံးမှာ ဖိအားပေးမှုကြောင့် လုပ်ဆောင်ခဲ့ရခြင်း မဟုတ်ဟု အလ်-ဂျာဇီးရားက ရရှိထားသည့် ၂၀၁၁ နှင့် ၂၀၁၂ ခုနှစ် ရက်စွဲများဖြင့် အီးမေးလ်များက ဖော်ပြနေသည်။ ထိုအီးမေးလ်များကို လွတ်လပ်သော သတင်းအချက်အလက်များ အက်ဥပဒေ FOIA အရ ရရှိခဲ့ခြင်းဖြစ်သည်။

    ထိုအီးမေးလ် ၂ စောင်မှ တစ်ခုမှာ NSA ဒါရိုက်တာ အလက်ဇန်းဒါးနှင့် Google အမှုဆောင် အရာရှိ ရှမစ်ဒ်တို့ ကယ်လီဖိုးနီးယားပြည်နယ် ဆန်ဂျို့စ် လေဆိပ်အနီး တွေ့ဆုံခဲ့မှုနှင် ဆက်စပ် လျက်ရှိနေသည်။

    AHT/ARA

  • NSA မှ ဖုန်းဆော့ဖ်ဝဲ အသုံးပြု၍ ပြည်သူများ၏ အချက်အလက်များကို ခိုးယူခဲ့၊

    ဇန်နဝါရီ ၂၈၊ ၂၀၁၄
    M-Media

    Facebook အပါအ၀င် အခြားသော ဖုန်းဆော့ဖ်ဝဲများဖြင့်လည်း အချက်အလက်များကို ခိုးယူနိုင်သည်ဟု ထိပ်တန်းလျို့ဝှက် မှတ်တမ်းများအရ သိရ

    348067_nsa spying

    – အမေရိကန် အမျိုးသားလုံခြုံရေးအေဂျင်စီ NSA နှင့် ဗြိတိန်လုံခြုံရေးအေဂျင်စီတစ်ခု တို့ပူးပေါင်း၍ ဖုန်ဆော့ဝဲတစ်ခုကို အသုံးပြုကာ မိုဘိုင်းဖုန်း အသုံးပြုသူများ၏ ကိုယ်ရေးကိုယ်တာ အချက်အလက်များကို တရားမ၀င် ရယူခဲ့သည်ဟု သိရသည်။

    ၂၀၀၇ ခုနှစ်ကတည်းက NSA နှင့် ဗြိတိန်၏ အစိုးရ ဆက်သွယ်ရေး ရုံးချုပ် GCHQ တို့ပူးပေါင်း၍ leaky apps ဟုခေါ်သည့် ဖုန်းဆော့ဖ်ဝဲတစ်ခုအား အသုံးပြုကာ  မိုဘိုင်းဖုန်း အသုံးပြုသူများ၏ တည်နေရာ၊ အသက်၊ လိင်နှင့် အခြားသော ကိုယ်ရေး အချက်အလက်များကို ခိုးယူခဲ့ခြင်းဖြစ်ခြင်းဖြစ်သည်။

    ထိုကိစ္စအား NSA ၀န်ထမ်းဟောင်း စနိုးဒင်၏ ဖွင့်ချမှုမှတစ်ဆင့် New York Times၊ Th Guardian နှင့် ProPublica သတင်းစာတို့က ယမန်နေ့တွင် ဖော်ပြခဲ့ခြင်းဖြစ်သည်။ ထို့ပြင် အဆိုပါ ထောက်လှမ်းရေးအေဂျင်စီများမှာ မိုဘိုင်းဖုန်းများတွင် အသုံးပြုသည့် Angry Bird ဂိမ်း၊ Google Maps၊ Facebook၊ Flickr၊ Linkedln နှင့် Twitter စသည့် ဆော့ဖ်ဝဲများကို အသုံးပြု၍လည်း အချက်အလက်များကို ခိုးယူနိုင်သည်ဟု လျှို့ဝှက် မှတ်တမ်းများအရ သိရသည်။

    သို့သော်လည်း ယမန်နေ့က အိမ်ဖြူတော်တွင်ပြုလုပ်ခဲ့သည့် အစည်းအဝေးတွင် အိမ်ဖြူတော်ပြန်ကြားရေး အရာရှိ ဂျေးကာနီက ထိုသတင်းနှင့် ပတ်သက်၍ မှတ်ချက်ပေးရန် ငြင်းဆိုခဲ့သည်။

    NSA မှ ပြုလုပ်သည့် ထောက်လှမ်းရေးလုပ်ငန်းစဉ်များတွင် ဖုန်းများကို ကြားဖြတ်နားထောင်ခြင်း၊ အွန်လိုင်း Hacking ဆော့ဖ်ဝဲကိုအသုံးပြုခြင်း၊ အင်တာနက်မချိတ်ထားသော ကွန်ပျူတာများအား ရေဒီယိုလှိုင်းဖြင့် ဆက်သွယ်နိုင်သည့် အထူးပြုလုပ်ထားသော Chip တပ်ဆင်ထားခြင်း စသည်တို့ပါဝင်ပြီး ဖုန်းဆော့ဖ်ဝဲကို အသုံးပြု၍ ထောက်လှမ်းခြင်းမှာ ယခုနောက်ဆုံး ပေါ်ထွက်လာခဲ့ခြင်းဖြစ်သည်။

    AHT/AGB

  • သမ္မတဘုရှ် မှ NSA ကို ကြားဖြတ်ထောက်လှမ်း စတင် ခွင့်ပြုခဲ့ပုံကို အမျိုးသား ထောက်လှမ်းရေး ဒါရိုက်တာ ထုတ်ဖော်

    ဒီဇင်ဘာ ၂၃၊ ၂၀၁၃
    M-Media

    8.si
    – ၉/၁၁ တိုက်ခိုက်မှုနောက်ပိုင်း လျှို့ဝှက်ထောက်လှမ်းမှုများ စတင်ပြုလုပ်ရန် သမ္မတ ဘုရ်ှက အမျိုးသားလုံခြုံရေးအေဂျင်စီ NSA အား မည်ကဲ့သို့ ခွင့်ပြုပေးခဲ့သည်ကို ဖော်ပြထားသည့် စာရွက်စာတမ်းများအား အိုဘာမား၏ အမျိုးသားထောက်လှမ်းရေး ဒါရိုက်တာ ဂျိမ်းကလက်ပါက စနေနေ့က ထုတ်ဖော်လိုက်သည်ဟုသိရသည်။

    ထိုကဲ့သို့ ဖွင့်ဟပြောဆိုခြင်းမှာ အကြမ်းဖက်ဝါဒ စောင့်ကြည့်ရေး အစီအစဉ် TSP ၏ တစ်စိတ်တစ်ပိုင်းအဖြစ် အင်တာနက်မှ အချက်အလက်များ ရယူခြင်းများနှင့် ဖုန်းကြားဖြတ်ထောက်လှမ်းခြင်းများအား သမ္မတဘုရှ်၏ ခွင့်ပြုချက်ဖြင့်ပြုလုပ်ခဲ့ကြောင်းကို သမ္မတ အိုဘာမားလက်ထက်တွင် ပထမဆုံးအကြိမ် ပြည်သူအား ချပြခဲ့ခြင်းလည်းဖြစ်သည်။

    ကမ္ဘာတစ်ဝှမ်းရှိခေါင်းဆောင်များအပါအ၀င် နိုင်ငံတကာမှ အစိုးရများအပေါ် လျှို့ဝှက် ထောက်လှမ်းမှုများပြုလုပ်ခဲ့မှုများအား NSA ၀န်ထမ်းဟောင်း စနိုးဒင်က ဖွင့်ချခဲ့ပြီးနောက် အမေရိကန်၏ ထိုလုပ်ရပ်အား တစ်ကမ္ဘာလုံးက ရှုတ်ချခဲ့ကြသည်။
    Ref: RT

  • NSA လုပ်ရပ် အခြေခံဥပဒေနှင့် မညီဟု ဖက်ဒရယ်တရားရုံး ဆုံးဖြတ်

    ဒီဇင်ဘာ ၁၈၊ ၂၀၁၃
    M-Media

    2013121723327230734_20
    – အမေရိကန်၏ လျှို့ဝှက်ထောက်လှမ်းရေးလုပ်ငန်းများမှာ အခြေခံဥပဒေနှင့် မညီဟု ဖက်ဒရယ်တရားရုံးတစ်ခုက ဆုံးဖြတ်ခဲ့ပြီးနောက် အစိုးရ၏ အီလက်ထရောနစ် စောင့်ကြည့်ရေးလုပ်ငန်းများကို ချုပ်ကိုင်ရန် နည်းပညာကုမ္ပဏီ အကြီးအကဲများက သမ္မတ အိုဘားမားအား ယမန်နေ့တွင် ဖိအားပေးခဲ့သည်ဟုသိရသည်။

    Apple၊ Google၊ Facebook နှင့် Twitter  စသည့် နည်းပညာကုမ္ပဏီများစုပေါင်းဖွဲ့စည်း ထားသည့် အဖွဲ့မှ တာဝန်ရှိသူများမှာ သမ္မတအိုဘားမားနှင့် ယမန်နေ့က သီးခြားတွေ့ဆုံခဲ့ကာ အိမ်ဖြူတော်၏ နည်းပညာဆိုင်ရာ ကိစ္စရပ်များကိုဆွေးနွေးခဲ့ကြပြီး ထိုဆွေးနွေးပွဲတွင် CIA ၏ လျှို့ဝှက်ထောက်လှမ်းရေးအကြောင်းသာ လွှမ်းမိုးနေခဲ့သည်။ ဆွေးနွေးပွဲ အပြီးတွင် ထုတ်ပြန်သောကြေညာချက်တွင် အစိုးရ၏ စောင့်ကြည့်ထောက်လှမ်းရေး လုပ်ငန်းများအား နည်းပညာ ကုမ္ပဏီများမှ အာရုံစိုက်သွားမည်ဟု ဖော်ပြထားသည်။

    Ref: aljazeera

  • သူလျှိုလုပ်မှု သြစတေးလျနှင့် အမေရိကန်တို့အား မလေးရှားသတိပေး

    နိုဝင်ဘာ-၃ ၂၀၁၃
    M-Media

    USA

    မလေရှားနိုင်ငံ ကွာလာလမ်ပူမြို့ရှိ သံရုံးများမှ လုပ်ဆောင်နေသည့် သူလျှိုလုပ်ငန်းများအတွက် သြစတေးလျနှင့် အမေရိကန်နိုင်ငံတို့အား မလေးရှားက သတိပေးပြောဆိုလိုသည်။

    ထို့ကဲ့သိုပြောဆိုမှုမှာ ယမန်နေ့က ပြုလုပ်ခဲ့သည့် အိန္ဒိယသမုဒ္ဒရာ ပတ်ဝန်းကျင်နိုင်ငံများ ပူးပေါင်းဆောင်ရွက်ရေးအဖွဲ့၏ ၁၃ ကြိမ်မြောက်ကျင်းပသော ၀န်ကြီးအဆင့်အစည်းအဝေးပွဲတွင် မလေးရှားနိုင်ငံခြားရေး ၀န်ကြီး အန်နီဖာ အေမန်က သြစတေးလျနိုင်ငံခြားရေး ၀န်ကြီး ဂျူလီဘစ်ရှော့အား သီးခြားတွေ့ဆုံကာ ပြောကြားခဲ့ခြင်းဖြစ်သည်ဟု မလေးရှားနိုင်ငံပိုင်မီဒီယာ  Bernama ကဖော်ပြခဲ့သည်။

    ထို့ပြင် မလေးရှားတွင်ပြုလုပ်နေသည့် သြစတေးလျ၏ သူလျှိုလုပ်ငန်းများက မလေးရှားပြည်သူများအား မကျေနပ်မှုကိုဖြစ်ပွားစေပြီး နှစ်နိုင်ငံ ရှိပြီးသား ဆက်ဆံရေးအား ပျက်ဆီးစေနိုင်သည်ဟု အန်နီဖာက ထည့်သွင်းပြောကြားခဲ့သည်။

    အမေရိကန်နှင့် သြစတေးလျတို့က ကွာလာလမ်ပူတွင် သူလျှိုလုပ်ငန်းများ လုပ်ကိုင်နေကြောင်း သတင်းများထွက်ပေါ်လာပြီးနောက် မလေးရှားနိုင်ငံခြားရေးဝန်ကြီးဌာနက အမေရိကန် သံအမတ်နှင့် သြစတေးလျ သံအမတ်တို့ကိုဆင့်ခေါ်ကာ ထိုသူလျှိုလုပ်ငန်းများအား ကန့်ကွက်ကြောင်း သ၀ဏ်လွှာပေးအပ်ခဲ့သည်။