News @ M-Media

Tag: NuYeHtun

  • လုပ်ငန်းခွင်မှာ ပိုမိုအောင်မြင်တိုးတက်စေဖို့ နည်းလမ်း (၁၈)သွယ်

    လုပ်ငန်းခွင်မှာ ပိုမိုအောင်မြင်တိုးတက်စေဖို့ နည်းလမ်း (၁၈)သွယ်

    မတ် ၁ ၊ ၂၀၁၅
    M-Media
    ဘာသာပြန် – နုရည်ထွန်း

    18

    ၁) လုပ်ငန်းခွင်သွား အချိန်သုံးထား
    လုပ်ငန်းခွင်အသွား (ရထား၊ လိုင်းကား၊ ကိုယ်ပိုင်ကား) ခရီးတလျှောက်မှာ အလဟသ အချိန်ကုန်မခံဘဲ စိတ်အားတက်ဖွယ် သီချင်းမျိုး၊ ဒါမှမဟုတ် တစ်ကိုယ်ရည် တိုးတက်ရေးဆိုင်ရာ အသံလွှင့် အစီအစဉ်များကို နားထောင်ရင်း သွားပါ။

    ၂) အချိန်စောရောက် အကျိုးမောက်
    လုပ်ငန်းခွင်ကို အချိန်မှန် စောစောရောက်အောင် သွားပါ။ တစ်နေ့တာအတွက် ဦးစားပေးလုပ်ဖို့ လိုအပ်တဲ့ လုပ်ငန်းဆောင်တာများအပေါ်ကို အာရုံစူးစိုက်ပါ။

    ၃) အီးမေးစစ်ကြ အလေ့အထ
    လုပ်ငန်းခွင် ရောက်လျင်ရောက်ချင်း အီးမေးကြည့်ခြင်းမျိုးကို ရှောင်ကြဉ်ပါ။ လုပ်ဖို့ကျန်နေတဲ့ လက်ထဲရှိနေတဲ့ လုပ်ငန်းဆောင်တာတွေကို အာရုံစူးစိုက်ပါ။ ပြီးနောက်မှ ပုံမှန်ဆိုသလို အီးမေးစစ်ပါ။

    ၄) အချိန်ဇယား ချမှတ်ထား
    တစ်နေ့တာအတွက် အချိန်ဇယားဆွဲ လုပ်ကိုင်ပြီး ထိရောက်အောင်မြင်နိုင်မယ့် ဦးတည်ချက်၊ ရည်မှန်းချက်များ ချမှာလုပ်ဆောင်ပါ။

    ၅) အချိန်သုံးချ သေချာဂန
    အချိန်ကို သေချာဂန စီမံအသုံးချနိုင်ဖို့ အရေးအကြီးဆုံး လုပ်ငန်းဆောင်တာတွေကို ဦးစားပေး လုပ်ကိုင်ပါ။

    ၆) မကြာမကြာ ခဏနားပါ
    အလုပ်ကို မနားတမ်းတောက်လျှောက် မလုပ်ဘဲ မကြာခဏ ဆိုသလို ခဏတဖြုတ် အနားယူပေးခြင်းအားဖြင့် ကိုယ်စိတ်ခွန်အား ပြန်လည်ဖြိုးမောက်လာပြီး လုပ်ဆောင်ရမယ့် လုပ်ငန်းစဉ်တွေအပေါ် ပြန်လည်အာရုံစူးစိုက်နိုင်မှာပါ။

    ၇) စည်းဝေးဆွေးနွေး အာရုံပေး
    စည်းဝေးဆွေးနွေးခြင်းဟာလည်း လုပ်ငန်းခွင် အာရုံစူးစိုက်မှုကို တိုးတက်စေပါတယ်။ အစည်းအဝေးတွေဟာ ရှင်းလင်းပြတ်သားပြီး ထိထိရောက်ရောက်ရှိတဲ့ ရည်မှန်းချက်၊ ဦးတည်ချက်များနဲ့ အဆုံးသတ်ပါစေ။

    ၈) ကြံ့ခိုင်ကျန်းမာ စိတ်ချမ်းသာ
    ကိုယ်လက်လှုပ်ရှား လေ့ကျင့်ခန်းလုပ်ခြင်းဟာ စိတ်ဖိစီးမှုကို လျော့ကျစေပြီး မိမိရဲ့ လုပ်ရည်ကိုင်ရည် တိုးမြင့်လာစေဖို့ ကောင်းတဲ့အလုပ်ဖြစ်ပြီး ကိုယ်ကျန်းမာ၊ စိတ်ချမ်းသာမှုကို ရရှိစေပါတယ်။

    ၉) အလောသုံးဆယ် ရှောင်ပါလေ
    အလျင်စလို အလောသုံးဆယ် လုပ်လိုက်တဲ့ လုပ်ငန်းဆောင်တာတွဟာ အလွဲအမှားတွေ ပါလာတတ်ပြီး အစကနေ တကျော့ပြန် လုပ်ဆောင်ရတတ်လေ့ရှိတာကြောင့် ဖြေးဖြေးမှန်မှန် လုပ်တတ်ဖို့ကို ကျင့်ယူရပါမယ်။

    ၁၀) ရိုင်းပင်းကူညီ မျှဝေခံစား
    ကိုယ့်ရဲ့ အောင်မြင်မှုတွေကို တခြားသူတွေနဲ့ မျှဝေခံစားပြီး လုပ်ငန်းခွင်က လုပ်ဖော်ကိုင်ဘက်တွေရဲ့ အောင်မြင်မှုတွေကိုလည်း ဝမ်းသာပေးပါ။ လွဲမှားမှုတွေ ရှိနေရင်လည်း ရိုင်းပင်းကူညီပါ။

    ၁၁) လက်တွဲညီညာ အောင်ကြောင်းဖြာ
    အကူအညီတောင်းခံဖို့ ဘယ်သောအခါမျှ မတွန့်ဆုတ်ပါနဲ့။ လုပ်ဖော်ကိုင်ဖက်တွေနဲ့ လက်တွဲညီညာ ပူးပေါင်းဆောင်ရွက်ခြင်းဖြင့် ပိုမိုထိရောက် အောင်မြင်နိုင်ပါတယ်။

    ၁၂)  လူ့စိတ်အလို နတ်မလိုက်နိုင်
    အလုပ်ဆိုတာ တာဝန်ဖြစ်တာကြောင့် စိတ်အလိုကျသည် ဖြစ်စေ၊ စိတ်မကျသည်ဖြစ်စေ စိတ်ခံစားမှုကို ဘေးဖယ်ပြီး တာဝန်ကျေအောင် လုပ်ဆောင်တတ်ရပါမယ်။

    ၁၃) ဖွယ်ဖွယ်ရာရာ အားလုပ်ရက်မှာ
    အမယ်စုံရင် ထမင်းမြိန် ဆိုသလို အလုပ်နားရက်တွေမှာ စိတ်ပြေလက်ပျောက်ဖြစ်အောင် ဖွယ်ဖွယ်ရာရာလေးတွေ ကြံဆလုပ်ဆောင်ပါ။ အကောင်းမြင်စိတ်ကို တိုးပွါးစေပြီး ပိုမိုကျေနပ်ဖွယ် ခံစားမှုတွေကို ရရှိစေပါတယ်။

    ၁၄)  ကောင်းမြင်စိတ်ထား မွေးယူပွါး
    လုပ်ငန်းခွင်မှာနဲ့ လုပ်ဖော်ကိုင်ဘက်တွေပေါ်မှာ အကောင်းမြင်စိတ် ထားပေးခြင်းဖြင့် ကိုယ့်ကိုတိုင်လည်း သူတို့တွေရဲ့ တန်ပြန်အကောင်းမြင်မှုကို ကူးစက်ရရှိလာပါလိမ့်မယ်။

    ၁၅) မေတ္တာထားပေး
    အဆိုးမြင်စိတ်ရှိတတ်တဲ့ လုပ်ဖော်ကိုင်ဘက်တွေအပေါ် မေတ္တာထားပေးပါ။ အဆိုးမြင်တတ်သူတွေဟာ အကြောင်းမလှတာမျိုးတွေ ရှိနေတတ်ပါတယ်။

    ၁၆)  ပုဂ္ဂိုလ်ရေးရာ ဘေးကင်းစေရာ
    လုပ်ငန်းခွင်တွေမှာ လူမှုရေး ပုဂ္ဂိုလ်ရေးရာများ ရှိတတ်ပြီး အဲဒီအရှုတ်ဇာတ်ထုတ်များကြောင့် ကိုယ့်လုပ်ငန်းဆောင်တာ အထိအခိုက် အနှောက်အယှက် အဖြစ်မခံပါနဲ့။ ရှေ့ဆက်ဖို့ လိုအပ်တဲ့အရာတွေကို အာရုံစူးစိုက် လုပ်ဆောင်ပါ။

    ၁၇)  ဝေဖန်တုံ့ပြန် အပြုသဘောဆောင်
    အဝေဖန် ခံရပြီဆိုရင် အကြောင်းရင်းကို သေချာနားလည်အောင် ကြိုးစားပြီး အပြုသဘောဆောင် ဝေဖန်မှု၊ တုန့်ပြန်မှုတွေဆိုရင်တော့ ကိုယ့်တိုးတက်မှုအတွက် အသုံးချလိုက်ပါ။

    ၁၈)  ကျင့်သားရယူ ပြောင်းလဲမူ
    စီးပွားရေးလုပ်ငန်းတွေဆိုတာ လိုအပ်ချက်အရ ပြောင်းလဲရှင်သန်ရပါတယ်။ အပြောင်းအလဲကို လက်ခံနိုင်ဖို့ ကျင့်သားရဖို့ မိမိကိုယ်ကို ပြင်ဆင်ထားဖို့ လိုအပ်ပါမယ်။

    ကိုးကား – cmd

  • အလုပ်ရှင် သူဌေးဆိုးရဲ့ အကျင့်ဆိုး ၁၂-မျိုး

    အလုပ်ရှင် သူဌေးဆိုးရဲ့ အကျင့်ဆိုး ၁၂-မျိုး

    ဖေဖော်ဝါရီ ၁၄ ၊ ၂၀၁၅
    M-Media
    နုရည်ထွန်း ဘာသာပြန်သည်။

    2014-06-03-infographicsannoyingcharacteristicsofahorribleboss-thumb

    နေ့စဉ် လူမှုဘ၀မှာ လူအမျိုးမျိုးအဖုံဖုံနဲ့ ကြုံတွေ့ရလေ့ ရှိပါတယ်။ အဲဒီအထဲမှာမှ လုပ်ငန်းခွင်မှာ မလွဲမသွေ ကြုံတွေ့ရတဲ့ သူတွေကတော့ အလုပ်ရှင် သူဌေးတွေ ဖြစ်ပါတယ်။ အလုပ်ရှင်ကောင်းနဲ့ ကြုံတွေ့ရသူတွေအတွက်ကတော့ မိမိတကိုယ်ရည်အတွက်ရော မိမိလုပ်ငန်းခွင်အတွက်ပါ ပိုမိုတိုးတက်စေနိုင်တဲ့ အခွင့်အလမ်းများ ရရှိနိုင်သလို အလုပ်ရှင်ဆိုးနဲ့ ကြုံတွေ့ရသူတွေအတွက်ကတော့ မိမိပင်ကိုယ် အရည်အချင်းကို ထုတ်ဖော်ပြသခွင့် မရနိုင်တဲ့အပြင် မိမိတကိုယ်ရည်နဲ့ လုပ်ငန်းခွင်ရဲ့ အရည်အသွေးတွေလည်း ဆုတ်ယုတ်သွားစေတတ်ပါတယ်။

    ဒါကြောင့် လုပ်ငန်းခွင်တစ်ခုမှာ ၀န်ထမ်းကောင်းဖြစ်ဖို့ အရေးကြီးသလို မိမိကိုယ်တိုင် အလုပ်ရှင် ဖြစ်လာတဲ့အခါမှာလည်း အလုပ်ရှင် သူဋ္ဌေးဆိုးတစ်ယောက် မဖြစ်ဖို့ အရေးကြီးပါတယ်။ အလုပ်ရှင်ဆိုး တစ်ယောက်မှာ ရှိတတ်တဲ့ အမူအကျင့်တွေထဲက များသောအားဖြင့် တွေ့ရလေ့ရှိတတ်တဲ့ (၁၂) မျိုးကို ဖော်ပြလိုက်ပါတယ်။

    ၁။ ထိန်းချုပ်လိုခြင်း

    သူတို့ဟာ အရာအားလုံးကို ထိန်းချုပ်လိုကြပြီး အဲ့ဒီ ထိန်းချုပ်မှုကြောင့် မလိုလားအပ်တဲ့ အခက်အခဲတွေ၊ အတားအဆီးတွေ ဖြစ်လာ တတ်ပါတယ်။

    ၂။ တွေဝေခြင်း

    ခေါင်းဆောင်ကောင်းဆိုတာ ဆုံးဖြတ်ချက်ကို မှန်ကန်စွာနဲ့ မြန်ဆန်စွာ ချတတ်ဖို့ လိုအပ်ပါတယ်။ တွေဝေတတ်တဲ့ အလုပ်ရှင်ကတော့ ဆုံးဖြတ်ချက်ချတဲ့ နေရာမှာ အားနည်းလေ့ရှိပါတယ်။

    ၃။ ခေါင်းမာခြင်း

    မိမိလုပ်ဆောင်လိုက်တဲ့ အရာရာတိုင်းဟာ အမြဲတမ်း မှန်ကန်တယ်လို့ တွေးထင်တတ်လေ့ရှိကြတဲ့ အလုပ်ရှင်တွေအတွက် လုပ်ငန်းခွင်မှာ ဆိုးရွားတဲ့အချက် တစ်ချက်ဖြစ်လာပါလိမ့်မယ်။

    ၄။ အတိုက်အခံလုပ်ခြင်း

    အပြောင်းအလဲတစ်ခုလောက် ပြုလုပ်ဖို့ကို အတိုက်အခံလုပ်ပြီး တွန့်ဆုတ်နေတတ်တာဟာလည်း အလုပ်ရှင်ဆိုးရဲ့ အမူအကျင့်တစ်မျိုး ဖြစ်ပြီး အပြောင်းအလဲဟာ အကောင်းဘက်ကို ဦးတည်မှု ရှိတယ်ဆိုတာကို သူတို့ နားလည်မှု မပေးနိုင်ကြပါဘူး။

    ၅။ အသေးစိပ်စီမံခြင်း

    သေးမွှားတဲ့ လုပ်ငန်းဆောင်တာတွေကိုကအစ သူတို့ကိုယ်တိုင် အသေးစိပ် လိုက်လံပါဝင်ပြီး စိစစ်စီမံနေမှ စိတ်တိုင်းကျတဲ့အတွက် ၀န်ထမ်းတွေရဲ့ ကိုယ်ရေးကိုယ်သွေး တိုးတက်မှုကို ပျက်စီးဆုံးရှုံးစေတတ်ပါတယ်။

    ၆။  အကြောက်တရား

    သူတို့ဟာ ၀န်ထမ်းတွေကို အကြောက်တရားနဲ့ ထိန်းချုပ်ဦးဆောင်လေ့ရှိကြပြီး အဲ့ဒါဟာ စီမံအုပ်ချုပ်ရာမှာ ထိရောက်တဲ့ နည်းလမ်းတစ်ခုလို့ လွဲမှားစွာ ထင်မှတ်နေလေ့ ရှိကြပါတယ်။

    ၇။ ထိုးထွင်းမမြင်ခြင်း

    သူတို့ဟာ ဖောက်ထွက်ထိုးထွင်းတဲ့ အမြင်မျိုး မရှိတတ်ကြပါဘူး။ ခေါင်းဆောင်ကောင်းတွေမှာတော့ ရှင်းလင်းပြတ်သားတဲ့ ထိုးထွင်းအမြင် ရှိတတ်ပြီး ရေရှည်အတွက် စဉ်းစားလေ့ရှိပါတယ်။

    ၈။  မျက်နှာလိုက်ခြင်း

    တစ်ဦးတစ်ယောက်ကို မျက်နှာသာပေးခြင်း၊ မျက်နှာလိုက်ခြင်း လုပ်လေ့ရှိတတ်ပြီး အဲ့ဒီလို လုပ်တာဟာ လုပ်ငန်းခွင်အတွင်း အခြားဝန်ထမ်းတွေအတွက် စိတ်ပိုင်းဆိုင်ရာ ယိုယွင်းမှုတွေ ဖြစ်လာစေပါတယ်။

    ၉။  မောက်မာခက်ထန်ခြင်း

    မောက်မာခက်ထန်ခြင်းဟာ လူတစ်ဦးရဲ့ ကိုယ်ရေးကိုယ်သွေးတွေထဲမှာမှ အကျည်းအတန်ဆုံး လက္ခဏာတစ်ခု ဖြစ်ပါတယ်။

    ၁၀။  ဒေါသူပုန်ထခြင်း

    လုပ်ငန်းခွင်တစ်ဝိုက် ခါးထောက်လမ်းလျှောက်ပြီး အချိန်တိုင်းလိုလို ဒေါသူပုန်ထနေလေ့ရှိတဲ့ အလုပ်ရှင်ဟာလည်း လုပ်ငန်းခွင်အတွင်းမှာ အဆိုးသာ ဖြစ်ပေါ်စေမှာပါ။

    ၁၁။  အပြစ်ပုံချခြင်း

    အလုပ်ရှင်ဆိုးတွေဟာ ဂုဏ်ယူဖွယ်ရှိလာရင် သူတို့လုပ်ဆောင်မှုလို့ ပြုမူမာန်ထောင်တတ်ကြပြီး အမှားအယွင်း ရှိလာခဲ့ရင်တော့ အခြားသော ၀န်ထမ်းတွေအပေါ်ကို အပြစ်ပုံချ ကြိမ်းမောင်းလေ့ ရှိတတ်ကြပါတယ်။

    ၁၂။ စိတ်ခံစားမှု

    လက်တွေနဲ့ အချက်အလက်တွေအပေါ် ဦးစားပေး စဉ်းစားသုံးသပ် လုပ်ကိုင်ဆောင်ရွက်ရမယ့်အစား သူတို့ဟာ စိတ်ခံစားမှုပေါ် အခြေပြုပြီး ဆုံးဖြတ်ချက်များ ချလေ့ရှိတတ်ပါတယ်။

    ဒီ အမူအကျင့် ၁၂-မျိုးက အလုပ်ရှင်ဆိုး၊ ခေါင်းဆောင်ဆိုးတွေမှာ အများဆုံး တွေ့ရလေ့ရှိတဲ့ အချက်တွေဖြစ်ပါတယ်။ ဒီအကျင့်ဆိုး ၁၂-မျိုးအပြင် အရေးပါတဲ့ နောက်တစ်ချက်ကိုလည်း စာရေးသူ Jeff Fermin က ထပ်ပြီး ဖြည့်စွက်ပြောထားပါသေးတယ်။ အဲ့ဒါကတော့ အလုပ်ရှင်ဆိုးတွေဟာ Team Building ကို လစ်လျူရှုတတ်ကြခြင်း ဖြစ်ပါတယ်။

    ဒါအပြင် ကိုယ့်ရဲ့ လုပ်ငန်းခွင်အတွင်းမှာ ကောင်းမွန်တဲ့ ဦးဆောင်မှုနဲ့ ဝန်ထမ်းများအားလုံးကို ယုံကြည်မှု၊ အလေးထားမှုနဲ့ ပျော်ရွှင်အောင် ထားတတ်ဖို့ လိုအပ်ပါတယ်။

    ကိုးကား – Business2Community