News @ M-Media

Tag: NYTimes

  • ကြောင်တောင်နှိုက် လောင်မြှိုက်ခံရာ ပြည်မြန်မာ

    ကြောင်တောင်နှိုက် လောင်မြှိုက်ခံရာ ပြည်မြန်မာ

    ဇန်နဝါရီ ၂၆ ၊ ၂၀၁၅
    M-Media
    china 1
    မြန်မာ့အဖိုးတန် သဘာဝသယံဇာတများအပေါ် မောင်ပိုင်စီးလိုသည့် တရုတ်၏ မဟာ အတ္တတရား ခပ်ကြမ်းကြမ်း ပွင့်အံလာလေပြီ။ ပြောင်စင်အောင် ကြောင်တောင်နှိုက်မည့် ပုံစံဖြင့် တစ်မျိုး၊ လက်ဝါးကြီးအုပ် ခရိုနီပုံသွင်ဖြင့်တစ်ဖုံ တွေ့နေရသည်။ သဘာ၀၀န်းကျင် သို့မဟုတ် လူထုအရေး သောက မထားသလောက် မြေယာများကို ကိုယ်ကျိုးရှာအသုံးချရန် အားသန်လှစွာသော တရုတ်ကုမ္ပဏီတို့နှင့်  မြန်မာစစ်တပ်အခွင့်ထူးခံအုပ်စုသည် သဘောတူစာချုပ်များ ရှိနေကြ၏။ မြန်မာနိုင်ငံအရှေ့မြောက်ပိုင်း တစ်စိပ်တစ်ဒေသကို ထိန်းချုပ်ထားသော လက်နက်ကိုင်အုပ်စု ကချင်လွတ်မြောက်ရေးတပ်မတော် KIA သည်လည်း တရုတ်နှင့် ကုန်သွယ်ရေးအချို့၌ လက်ဝင်လျှိုထားသေး၏။ အထူးသဖြင့် ချွတ်ခြုံကျ ဘိန်းစွဲလုပ်သားတို့ကို အသုံးပြုနေသော ကျောက်စိမ်း တူးဖော်ရေး လုပ်ငန်းတွင် ဖြစ်သည်။

    ယခုရက်သတ္တပတ်အတွင်း တရုတ်အစိုးရ အာဏာပိုင်များသည် တရားမ၀င်သစ် ထုတ်မှု သံသယဖြင့် ထိန်းသိမ်းခံထားရသည့် တရုတ်နိုင်ငံသားများ အရေး စုံစမ်းစစ်ဆေးရန် မြန်မာနိုင်ငံထဲ ရှိနေခဲ့ကြသည်။ တရုတ်ပြည်သို့ တရားမ၀င်သစ် (အထူးသဖြင့် မြန်မာ့ ရှားပါးသစ်နက်ပင်များ) ခိုးထုတ်ရောင်းချမှုတို့က ပြဿနာကြီးထွားနေသည်။ ထိုအပင်များမှာ သုံးနှစ်အတွင်း မျိုးပြုန်းတော့မည်ဖြစ်ကြောင်း အစိုးရ အဖွဲ့အစည်းမဟုတ်သော ပတ်ဝန်းကျင်ထိန်းသိမ်းစောင့်ကြည့်ရေးအေဂျင်စီ Environmental Investigation Agency မှ သတိပေးထားသည်။

    ကျားနှင့်ကျားသစ်ခန္ဓာ အစိတ်အပိုင်း၊ ၀က်ဝံသည်းခြေနှင့် သင်းခွေချပ်များကို တရုတ်နိုင်ငံ၏ အာသာငမ်းငမ်း ၀ယ်ယူနေမှုကြောင့် တရုတ်နယ်စပ်အနီးရှိ Mong La မုံလ/မိုင်းလား မြို့မှာ တိရစ္ဆာန် ကုန်ကူးဈေးကွက်၊ ပြည့်တန်ဆာနှင့် လောင်း ကစား ဖြန့်ကျက်ရာဌာန တစ်ရပ် အသွင်သို့ ကူးပြောင်းသွားစေသည်။ မြန်မာ့ကျား အရေအတွက်မှာ အကောင် ၇၀ အောက်သာ အများဆုံး ကျန်ရှိတော့မည်ဟု ခန့်မှန်းထားကြသည်။

    အဖိုးတန်ကြေးနီသတ္ထုများ ရှာဖွေငွေဖော်နေခြင်းက သဘာဝပတ်ဝန်းကျင်နှင့် လူသားတန်ဖိုးအား အရေးမစိုက်တတ်ကြသည့် ဗမာလူမျိုးတို့ အပေါ် ဆန့်ကျင်အကြမ်းဖက်မှုဆီ ဦးတည်သွားလေသည်။ ၂၀၁၂ ခုနှစ်၌ တရုတ်နိုင်ငံ ၀မ်ပေါင်သတ္ထုတူးဖော်ရေး ကုမ္ပဏီနှင့် မြန်မာစစ်တပ်ပိုင် စီးပွားရေး အင်အားစုအကြား ဖက်စပ်လုပ်ကိုင်နေသော မြန်မာ့အလယ်ပိုင်း လက်ပံတောင်းကြေးနီ သတ္ထုတွင်းအတွက် အဓမ္မ အိုးအိမ်ဖယ်ရှားရွှေ့ပြောင်းချက်များ အပေါ် ဒေသခံတို့က ကန့်ကွက်ဆန္ဒပြခဲ့ကြသည်။ ယင်းဆန္ဒပြ သူတို့အား မြန်မာရဲတပ်ဖွဲ့က စစ်မက်ရေး၌သာ အသုံးပြုသည့် ဖော့စ်ဖရပ်စ်ဖြူ မီးလောင်ဗုံးကို ပြောင်ပြောင်တင်းတင်း အသုံးပြု၍ ဖြိုခွင်းခဲ့ကြသည်။ ပြီးခဲ့သည့်လကလည်း ထိုဒေသတွင်း ထပ်မံနယ်ချဲ့လာမှုကို ဆန္ဒပြကြသူဒေသခံတို့အား ရဲအရာရှိများက သေနတ် ပစ်ဖောက်ခဲ့ရာ အမျိုးသမီးတစ်ဦး ဦးခေါင်းထိမှန် သေဆုံးရပြန်သည်။

    ကန့်ကွက်ဆန္ဒပြမှုများမှ မီးမောင်းထိုးပြနေသည်မှာ မြန်မာပြည်သူလူထုသည် ဤသို့ မောင်ပိုင်စီးနယ်ချဲ့လုယက်နေခြင်းကို ရပ်တန့်စေ လိုကြောင်း ထင်ရှားနေပေသည်။ မြန်မာနိုင်ငံသည် လူ့အခွင့်အရေးနှင့် သဘာဝ ၀န်းကျင်ကို တန်ဖိုးထားလေးစား သည့် နိုင်ငံခြား ရင်းနှီးမြှုပ်နှံမှုများကို လိုအပ်နေပါသည်။ သယံဇာတများ ခွာထုတ်ဖဲ့ယူနေသော – နိုင်ငံရေးတည်ငြိမ်မှု ပျက်ယွင်းစေသော အကျင့်ပျက်ခြစားခြင်းနှင့် ခရိုနီစာချုပ်များအား ဇက်ထိန်းပဲ့ကိုင်ခြင်း၌ သမ္မတဦးသိန်းစိန်အပေါ် မူတည်လျက်ရှိပါသတည်း။

    xxxxxxxxxxxxxxx

    New York Times မှ အယ်ဒီတာ့အာဘော်ကို မြင့်မိုရ်မောင်မောင်မှ ဆီလျော်အောင် ပြန်ဆိုသည်။

    သရုပ်ဖော်ရုပ်ပုံ- Copy

  • မြန်မာ့ဆေးခါးကြီး

    မတ် ၂၄၊ ၂၀၁၄
    M-Media
    (New York Time အယ်ဒီတာ့အာဘော်) ဘာသာပြန်

    အတ္တလွန်ကဲ၍ သမာသမတ်မကျဟု ယူဆရသည့် ဆုံးဖြတ်ချက်တစ်ရပ်ထွက်ခဲ့သည်။ ယင်းဆုံးဖြတ်ချက်အရ နယ်စည်းမခြား ဆရာဝန်များအဖွဲ့ကို ရခိုင်ပြည်နယ်မှ ထွက်ခွာစေ ခဲ့ခြင်းကြောင့် ဖေဖော်ဝါရီ ၂၈ ရက်မှစပြီး လူပေါင်း ခုနှစ်သိန်းခွဲခန့် ကျန်းမာရေးစောင့်ရှောက်မှုမှ လက်မဲ့ဖြစ်သွားရသည်။ အမျိုးသမီးများ၊ မီးဖွားရန်ခက်ခဲသော ကိုယ်ဝန်ဆောင်များ အပါအ၀င် ခန့်မှန်းခြေ လူ ၁၅၀ ဦးမှာ သေလုမျောပါး အခြေအနေတွင် ရှိနေကြသည်။

    cd1fc5ba-040e-4ac3-9bf0-727028cd8b7f
    ၂၀၁၃ အောက်တိုဘာလအတွင်း သံတွဲမြို့ သပြုချိုင်ကျေးရွာတွင် အကြမ်းဖက်သမားများ မီးရှို့ ဖျက်ဆီးမှုကြောင့် နေအိမ်ဆုံးရှုံးသွားတဲ့ ကမန် မွတ်စလင်များ (AFP)

    ရခိုင်ပြည်နယ်တွင် ၁၉၉၄ ခုနှစ်ကတည်းက ကျန်းမာရေး ကဏ္ဍတွင် ကူညီစောင့်ရှောက်ပေးနေသော အဆိုပါအဖွဲ့သည် ဇန္န၀ါရီလအတွင်း ရိုဟင်ဂျာမွတ်စ်လင်မ် ၂၂ ဦးကို သေနတ်ဒဏ်ရာများ နှင့် ဗုဒ္ဓဘာသာဝင်လူသွမ်းတစ်စု၏တိုက်ခိုက်မှုကြောင့် ရရှိသောအခြားဒဏ်ရာများအား ကုသပေးခဲ့ကြောင်း သတင်းထွက်လာပြီးနောက် မြန်မာနိုင်ငံမှ ယင်းသို့ပြုမူဆောင်ရွက် လိုက်ခြင်းဖြစ်သည်။ ရက်စက်သည့် အကြမ်းဖက်မှု၌ အမျိုးသား၊ အမျိုးသမီး နှင့် ကလေးငယ် စုစုပေါင်း ၄၀ မျှ သတ်ဖြတ်ခံရကြောင်း ကမ္ဘာ့ကုလသမဂ္ဂ စုံစမ်းစစ်ဆေးချက်မှ ကောက်ချက်ချ  သုံးသပ်သော်လည်း မြန်မာဖက်မှ ၎င်းဖြစ်စဉ်မျိုး မရှိပါဟု ငြင်းဆိုထားသည်။

    အကယ်၍ ရခိုင်ပြည်နယ်မှ နယ်စည်းမခြားဆရာဝန်တို့အား နှင်ထုတ်ခြင်း (နှင့်) ၎င်းတို့ကိုသာ တစ်ခုတည်းသော ကျန်းမာရေးစောင့်ရှောက်မှု အဖြစ် အားကိုးနေရရှာသည့် လူထုထောင်ပေါင်း များစွာအား လျစ်လျူရှုခြင်း၏ ပန်းတိုင်မှာ ဒေသတွင်း လူ့အခွင့်အရေးချိုးဖောက်မှုအပေါ် တိုင်းတစ်ပါးသား မျက်မြင်သက်သေများ မရအောင် ဆောင်ရွက်ခြင်းဖြစ်ပါလျှင် ဆိုးဆိုးဝါးဝါးမှားယွင်း တွက်ချက်လိုက်သော မဟာဗျူဟာတစ်ရပ်ဟု ဆိုရပေမည်။

    မြန်မာနိုင်ငံအတွင်း မျိုးဆက်အလီလီ နေထိုင်လာကြသည့် ရိုဟင်ဂျာများမှာ ကာလကြာရှည် ညှင်းပန်းနှိပ်စက်ခံနေကြရ၏။ ၁၉၈၂ ခုနှစ်တွင် ၎င်းတို့သည် နိုင်ငံသားစာရင်းမှ ဖယ်ထုတ်ခံရပြီးနောက် ပြည်တွင်းခရီးသွားလာခွင့်နှင့်ဥစ္စာပိုင်ဆိုင်ခွင့်များအပေါ် ကန့်သတ်ချုပ်ခြယ်ခံရသည်။

    အစိုးရသည် မွတ်စ်လင်မ်တို့အား သူတို့၏ရွာပြင်ထွက်၍ ဆေးဝါးကုသရေးအကူအညီတောင်းခံခြင်းကို တားမြစ်ထားကြသည်။ မီးဖွားရန်ခက်ခဲနေသော ကိုယ်ဝန်ဆောင်များအဖို့ အစိုးရဆေးရုံတင်ရောက်နိုင်ရေးအတွက် တစ်ခုတည်းသော အားထားရာ လမ်းကြောင်းမှာ နယ်စည်းမခြား ဆရာဝန်များသာဖြစ်ခဲ့သည်ဟု ထိုအဖွဲ့က ပြောဆိုသည်။

    အရှင်ဝီရသူကဲ့သို့သော အစွန်းရောက်ဗုဒ္ဓဘာသာဝင်ခေါင်းဆောင်များက ၂၀၁၁ ခုနှစ်မှစ၍ မွတ်စ်လင်မ်လူနည်းစုအပေါ် မုန်းတီးရေးတရားများဟောကြားခြင်း၊ ရိုဟင်ဂျာတို့အား တိုက်ခိုက်ရန် ဗုဒ္ဓဘာသာဝင်လူသွမ်းတို့အား လှုံ့ဆော်ခြင်းတို့ကြောင့် ရိုဟင်ဂျာ ၇၅၀၀၀ ထက်မနည်း နိုင်ငံစွန့်ခွာထွက်ပြေးကြရပြီး ထောင်နှင့်ချီ၍ ၎င်းတို့နေအိမ်များမှ မောင်းထုတ်ခံခဲ့ရသည်။

    မြန်မာနိုင်ငံပြည်လုံးကျွတ် သန်းခေါင်စာရင်း ကောက်ယူရေး စီမံပြင်ဆင်မှုများက ရိုဟင်ဂျာ ဆန့်ကျင်ရေးဝါဒီများကို ယခုလအတွင်း အုံကြွလာစေသည်။ အကယ်၍ ရိုဟင်ဂျာတို့အား လူမျိုးတစ်ရပ်အနေနှင့် အသိအမှတ်ပြုပါက ရိုဟင်ဂျာလူဦးရေပမာဏသည် လက်ရှိခန့်မှန်းချက်ဖြစ်သော ၁.၃ သန်းထက် ပိုမိုများပြားနေကြောင်း စာရင်းအင်းမှ ဖော်ပြလာမည်ကို ရခိုင်အာဏာပိုင်များက စိုးရိမ်နေကြ၏။

    ကမ္ဘာ့ဘဏ်နှင့် ကုလသမဂ္ဂကဲ့သို့သော အနောက်တိုင်းနှင့် နိုင်ငံတကာအဖွဲ့အစည်းများက မြန်မာအစိုးရအား မနှစ်မြို့မှုကိုဖော်ထုတ်ရန် ပျက်ကွက်သဖြင့် မြန်မာနိုင်ငံ၏ ပိုမိုပွင့်လင်းမြင်သာသောလူ့အဖွဲ့အစည်းဖြစ်လာရေး လုပ်ငန်းစဉ် နှောင့်နှေးစေသည်။ သို့သော် ရိုဟင်ဂျာတို့ကို တိုက်ခိုက်နေခြင်းနှင့်စပ်လျဉ်း၍ မြန်မာနိုင်ငံသည် တာဝန်ခံရှင်းလင်းရတော့မည့် အနေအထားသို့ ဆိုက်ရောက်နေပြီဖြစ်သည်။

    ကံကောင်းထောက်မစွာဖြင့် ကုလသမဂ္ဂမှ မိမိတို့သည် နယ်စည်းမခြား ဆရာဝန်များ၏ လုပ်ငန်းဆောင်တာများ ပြန်လည် စတင်နိုင်ရန် မြန်မာအစိုးရနှင့် အကြိတ်အနယ် ညှိနှိုင်းနေသည်ဟု ဆိုသည်။ ရခိုင်ပြည်နယ်မှအပ မြန်မာနိုင်ငံတခွင်လုံး မည်သည့်နေရာ၌မဆို ယင်းအဖွဲ့မှ လုပ်ငန်းဆောင်ရွက်နိုင်ကြောင်း မြန်မာအစိုးရဖက်မှ တုန့်ပြန်လိုက်သည်။ ဤသည်ကား လက်သင့်ခံနိုင်စရာ မရှိချေ။ ပြည်သူများသေဆုံးမှု ပိုမိုများပြားမလာမှီ ရခိုင်ပြည်နယ်၌ နယ်စည်းမခြား ဆရာဝန်များအဖွဲ့၏လုပ်ငန်း ပြန်လည် စတင်နိုင်ရန် မြန်မာနိုင်ငံအနေနှင့် မဆိုင်းမတွ ခွင့်ပြုရပါလိမ့်မည်။