ဇူလိုင် ၂၂ ၊၂၀၁၄
M-Media
အဖိနှိပ်ခံပါလက်စတိုင်းပြည်သူများနှင့် တစ်သားတည်းရှိနေကြောင်း ပြသသည့်အနေဖြင့် အစ္စရေးဝဘ်ဆိုက် ထောင်ချီကို Anonymous ဟက်ကာအဖွဲ့တိုက်ခိုက်
– ပါလက်စတိုင်းပိုင် ဂါဇာဒေသအား အစ္စရေးက ကျူးကျော်တိုက်ခိုက်မှုကို ဆန့်ကျင်သောအားဖြင့် အရေးပါသော ၀ဘ်ဆိုက်များအပါအ၀င် အစ္စရေးဝဘ်ဆိုဒ် ထောင်ချီကို တိုက်ခိုက်ခဲ့သည်ဟု Anonymous ဟက်ကာ အဖွဲ့က ကြေညာလိုက်သည်။
#OpSaveGaza ခေါင်းစဉ်ဖြင့် ဇူလိုင် ၁၁ ရက်နေ့မှ ၁၇ ရက်နေ့အထိ DDos နည်းပညာကို အသုံးပြုကာ တိုက်ခိုက်ခဲ့ခြင်းဖြစ်သည်။ ထိုတိုက်ခိုက်မှုများတွင် တဲလ်အဗီး ရဲဌာန ၀ဘ်ဆိုက်ပါအ၀င် အစ္စရေးအစိုးရ၏ ၀ဘ်ဆိုက်များ ပါဝင်ခဲ့ပြီး Home Page တွင် ဂရပ်ဖစ်ဒီဇိုင်များ၊ ကျွေးကျော်သံများ၊ အသံဖိုင်များကို အစားထိုး လွှင့်တင်ခဲ့သည်။
အစ္စရေးအစိုးရ၏ တရားဝင်ဝဘ်ဆိုက်အား တိုက်ခိုက်ခဲ့ပြီးနောက် အော်တိုမန်အင်ပါယာခေတ် စစ်တပ်အမည် Akincilar ပါဝင်သော ဂရပ်ဖစ်ပုံကို လွှင်တင်ခဲ့သည်။ အခြား အစိုးရ၀ဘ်ဆိုက်တစ်ခုတွင်လည်း AnonGhost အဖွဲ့၏ ဂရပ်ဖစ်ပုံကို လွှင်တင်ခဲ့သည်။ ထို့ပြင် အချို့သောဝဘ်ဆိုက်များတွင် အလိုအလျောက်ပွင့်နေသော အသံဖိုင်ကို လွှင်တင့်ခဲ့ပြီး ထိုအသံဖိုင်တွင် “အမေ့ခံ ပါလက်စတိုင်းများအတွက် ဆိုက်ဘာတံတိုင်း” ဖြစ်လာရေးနိုင်ငံတကာ လူ့အခွင့်အရေး အဖွဲ့များ၊ ဟက်ကာများနှင့် တက်ကြွလှုပ်ရှားသူများက အစ္စရေး၏ ၀ဘ်ဆိုက်များကို တိုက်ခိုက်ရန် တိုက်တွန်းခဲ့သည်။
လူဝင်မှုကြီးကြပ်ရေးနှင့် တရားရေးဝန်ကြီးဌာနအပါအ၀င် အစိုးရဌာန ၀ဘ်ဆိုက်တိုက်ခိုက်မှုများမှ ရရှိခဲ့သည့် အစ္စရေးအစိုးရ တာဝန်ရှိသူများ၏ အီးမေးလ်လိပ်စာများကိုလည်း ဖော်ထုတ်ခဲ့သည်။ ထို့ပြင် အစ္စရေးမှ စားသောက်ဆိုင်များ၊ စီပွားရေး၊ အသင်းအဖွဲ့၊ ပညာရေးဆိုင်ရာ ၀ဘ်ဆိုက် ရာပေါင်းများစွာကိုလည်း တိုက်ခိုက်ခဲ့သည်။
အချို့ဝဘ်ဆိုက် စာမျက်နှာများတွင် “ဂါဇာဒေသမှ အစ္စရေးသို့ ဒုံးကျည်ပစ်လွှတ်မှုများမှာ လက်ခံနိုင်သော၊ ပုံမှန်ဖြစ်သော လုပ်ရပ်ဖြစ်ပြီး၊ အကြမ်းဖက်ခြင်းမဟုတ်ဘဲ ခုခံကာကွယ်ခြင်းသာဖြစ်သည်။ အစ္စရေးဟူသည် ဘယ်တုန်းကမှမရှိ။ ပါလက်စတိုင်းသာတည်ရှိပြီး ကျွန်ုပ်တို့မွေးရပ်ဖြစ်သည်။ အသင့်အနေဖြင့် ဟက်ကာတစ်ယောက်ဖြစ်ပါက သူတို့(အစ္စရေး)၏ လက်တွင် အပြစ်မဲ့ကလေးများနှင့် အမျိုးသမီးများ၏ သွေး မည်မျှစွန်းနေသည်ကို ကမ္ဘာကသိရန် ဖော်ထုတ်ပါလေ” ဟု ရေးသားခဲ့သည်။
အဆိုပါ Anonymous ဟက်ကာအဖွဲ့မှာ ယခင်ကလည်း အစ္စရေး ၀ဘ်ဆိုက်များကို တိုက်ခိုက်ခဲ့ဖူပြီး ပြီးခဲ့သည့် ဧပြီလက OpIsrael ခေါင်းစဉ်ဖြင့် ပြုလုပ်ခဲ့သော တိုက်ခိုက်မှုအတွင်း အစ္စရေးဝဘ်ဆိုက် ၅၀၀ ကျော်ပါဝင်ခဲ့ကာ အစ္စရေးအစိုးရတာဝန်ရှိသူအချို့၏ ဖုန်းနံပါတ်များနှင့် အီးမေးလ်လိပ်စာများကို ဖော်ထုတ်ခဲ့သည်။
IBTimes