Tag: Pantay

ဇန်နဝါရီ ၁၃၊ ၂၀၁၅
M-Media
သတင်း-Maung Kaung Myat (M-Media CJ)

မန္တလေးမြို့ ပန်းသေးဗလီ မိသားစုဝင်များ (၂၀၁၃-၂၀၁၄) ခုနှစ် ပညာသင်နှစ်မှာ  တက္ကသိုလ်ဝင်တန်းကို ထူးချွန်စွာအောင်မြင် ခဲ့တဲ့ ကျောင်းသား/ကျောင်းသူ များအား ဂုဏ်ပြုပွဲ နှင့် တမန်တော်နေ့ အခမ်းအနားကို ၂၀၁၅ ခုနှစ်  ဇန်နဝါရီလ ၁၁ ရက် (တနင်္ဂနွေ)နေ့ မနက် ၉ နာရီမှာ  မန္တလေးမြို့ ပန်းသေးဗလီ ခန်းမမှာ ကျင်းပပြုလုပ်ခဲ့ပါတယ်။

အခမ်းအနားကို ပန်းသေး ဗလီဝတ်ကျောင်းတော် ရှေ့ဆောင်မှ ကုရ်အာန်ကျမ်းတော်မြတ် ရွတ်ဖတ်သရဇ္ဈယ်၍ ဖွင့်လှစ်ပြီး ပန်းသေးဗလီမှ ဆရာကြီး  မာကျိဝေဝူးစော မှ မဟာတမန်တော်မြတ်ကြီး၏ စီရတ်တရားတော်များ ဟောကြားပါတယ်။

ပြီးနောက် ဂေါပက အတွင်းရေးမှူးမှ အခမ်းအနားမှူး အဖြစ်ဆောင်ရွက်ပြီး တက္ကသိုလ်ဝင်တန်းအောင် ကျောင်းသား/သူ ၂၀ ကျော်အား ဂုဏ်ထူးရ ဘာသာရပ်များ အလိုက် ဆုချီးမြှင့်ခဲ့ကြပါတယ်။

အဲဒီနောက်မှာတော့ အခမ်းအနားဆို ဆုမွန် ဒုအာ တောင်းပြီး အခမ်းအနားကို ရုပ်သိမ်းလိုက်ပါတယ်။

အဆိုပါ အခမ်းအနားသို့ ဘာသာရေး အဖွဲအစည်းမှ တာဝန်ရှိပုဂ္ဂိုလ်များ၊ ပန်းသေးဗလီဂေါပကများ၊ ပန်းသေးမိသားစုဝင်များ၊ တက္ကသိုလ် ဝင်တန်းကို ထူးချွန်စွာအောင်မြင်ခဲ့တဲ့ ကျောင်းသား/ကျောင်းသူများနှင် ၄င်းတို့၏ အုပ်ထိန်းသူမိဘများ၊ မြင့်မြတ်ဖြူစင် မွတ်စလင်မ် ကုသိုလ်ဖြစ် ဆေးရုံမှ အုပ်ချူပ်ရေး ကော်မတီဝင်များ၊ အပါအဝင် တက်ရောက်လာသူ ၃၀၀ ကျော်အား ပန်းသေး ဟင်းလျာများဖြင့် နေ့လည်စာ တည့်ခင်းဧည့်ခံခဲ့ကြောင်း သတင်းရရှိပါတယ်။

More Photo

ဓါတ်ပုံ- ပန်းသေးမိသားစု – မန္တလေးမြို့(FB)၊ Maung Kaung Myat (M-Media CJ)