News @ M-Media

Tag: PhaAan

  • ဘားအံမြို့တွင် ဘုန်းကြီးမှ သပိတ်ဖြင့် ရိုက်၍ မွတ်စလင်မ် အမျိုးသမီးကြီး ခေါင်းကွဲ

    ဘားအံမြို့တွင် ဘုန်းကြီးမှ သပိတ်ဖြင့် ရိုက်၍ မွတ်စလင်မ် အမျိုးသမီးကြီး ခေါင်းကွဲ

    ဧပြီ ၂၈၊ ၂၀၁၃
    M-Media
    ဇာဏီ

    ဘားအံ ။ ။ ဘားအံမြို့ပေါ်တွင် ဆွမ်းခံထွက်လာသော ဘုန်းကြီးများမှ မွတ်စလင်မ် အမျိုးသမီးကြီး တစ်ဦးအား သပိတ်ဖြင့် ရိုက်နှက်မှုတစ်ခု ရာဘာခြံ ၁-လမ်းထိပ်တွင် ယနေ့မနက် ၈-နာရီ ၁၅-မိနစ်ခန့်က ဖြစ်ပွားခဲ့ကြောင်း သတင်းရရှိသည်။

    ဖြစ်ပွားပုံမှာ ယနေ့မနက်ပိုင်း ဘုန်းကြီးများ ဆွမ်းခံထွက်လာချိန် ဘားအံမြို့ ရာဘာခြံ ၁-လမ်းထိပ်အရောက်တွင်ရာဘာခြံ ၃-လမ်းနေ အသက်(၅၀)ကျော် အရွယ်ရှိ ဒေါ်မခင်(ခ)ဒေါ်ရှကီရာဆိုသည့် မွတ်စလင်မ် အမျိုးသမီးကြီးတစ်ဦးက  ဘုန်းကြီးများ ကြွလာသည်ကိုမြင်၍ ဘေးနားတွင်မတ်တပ်ရပ်နေခဲ့သည်။  ထိုသို့ မတ်တပ် ရပ်နေသည့်ကို  ဘုန်းကြီးမှ ဆွမ်းခံကြွလာတာကို လမ်းဖြတ်ကူးသည်ဟု စွပ်စွဲပြောဆိုပြီး ခေါင်းကို သပိတ်ဖြင့် ရိုက်နှက်ခဲ့သည်။ ယင်းရိုက်နှက်မှုကြောင့် ဒေါ်မခင် မှာ ခေါင်းကွဲပြိး  သွေးများကျကာ လဲကျသွားသည်။  လဲကျသွားသည်ကို အနီးအနားမှ မြင်ကြသော်လည်း ဘုန်းကြီးမှ ရိုက်နှက်မှုဖြစ်သည့်အတွက် မည်သူမျှလာရောက်၍ ကူညီမှု မပေးရဲသည့် အတွက် ဒီအတိုင်းကြည့်နေကြသည်။ ခဏကြာမှ ဒေါ်မခင် ၏ သမီးရောက်ရှိလာပြီး ဒေါ်မခင် အား ဆေးရုံသို့ ခေါ်ဆောင်သွား ခဲ့ကြောင်းနှင့် သက်ဆိုင်ရာမှလည်း လာရောက်ကြည့်ရှုခဲ့သော်လည်း ရိုက်နှက်သည့် ဘုန်းကြီးအား မည်သည့် အရေးယူမှုမျိုးမှ မရှိခဲ့ကြောင်းလည်းသိရသည်။

    ယခု မွတ်စလင်မ် အမျိုးသမီးကြီး ဒေါ်မခင်ကို ရိုက်နှက်သည့် ဘုန်းကြီးမှာ သစ္စာမဏ္ဍိုင်ကျောင်းတွင် သီးတင်းနေထိုင်သည့် ဘုန်းကြီးဖြစ်ကြောင်းသိရသည်။ ဒေါ်မခင်မှာ ယခု အခါ ရိုက်နှက်ခံရသည့် ခေါင်းတွင် ထိခိုက်ဒဏ်ရကြောင့် ဆေးရုံတွင် ကုသမှုခံယူနေရကြောင်းသ တင်းရရှိပါသည်။

    ဘားအံမြို့တွင်  ဘုန်းကြီးများမှာ ဆွမ်းခံထွက်သည့် လမ်းဖြတ်ကူးသည်ဟူသော အကြောင်းပြချက်ဖြင့်  ဘားအံမြို့တွင် နေထိုင်သည့် မွတ်စလင်မ်များကို ရိုက်နှက်လေ့ရှိကြောင်း ၂၀၁၂-ခုအတွင်းက ဖြစ်ပွားခဲ့သည့် ရိုက်နှက်မှု ဖြစ်စဉ်တခုတွင်   အဖိုးအိုတစ်ဦး ရိုက်နှက်ခံရသည့် ဒဏ်ရများဖြင့် သေဆုံးသွားခဲ့ရသည်။ ၄င်းဖြစ်စဉ်  နောက်ပိုင်းတွင်လည်း ယင်းကဲ့သို့ ရိုက်နှက်မှုများရှိခဲ့သည်မှာ ၁၀-ယောက်ထက်မနည်းရှိပြီဖြစ်ကြောင်းနှင့် ယင်းကဲ့သို့သော အပြုအမူများအတွက်လည်း မည်ကဲ့သို့မှ အရေးယူမှု မရှိသည့်အတွက် ဘားအံမြို့ခံ မွတ်စလင်မ်များမှလည်း စိုးရိမ်ထိတ်လန့်မှုများရှိနေကြောင်း သိရသည်။

    လွန်ခဲ့သည့် အပတ် ဧပြီလ ၂၀-ရက်နေ့မှ ၂၂-ရက်နေ့အထိ ၃ ညတိုင်တိုင် ဘားအံမြို့ပေါ်ရှိ မဲဘောင်ကျောင်းတွင် ပြုလုပ်ခဲ့သည့် ၉၆၉ တရားပွဲတွင် ဦးဝီရသူမှ အစ္စလာမ်မုန်းတီးရေး တရားများ ဟောပြောပြိးနောက် ယခုကဲ့သို့ ရိုက်နှက်မှုဖြစ်ပွားခဲ့ခြင်းဖြစ်သည်။

  • စက်တင်ဘာလက ဘုန်းကြီးများ ဝိုင်းရိုက်ခံရသည့် ကရင်အဘိုးအိုးကွယ်လွန်

    စက်တင်ဘာလက ဘုန်းကြီးများ ဝိုင်းရိုက်ခံရသည့် ကရင်အဘိုးအိုးကွယ်လွန်

    အောက်တိုဘာ ၂၂၊ ၂၀၁၂
    M-Media
    သတင်း-ဇာဏီ

    ပြိးခဲ့သည့် စက်တင်ဘာလဆန်းပိုင်းက ဘားအံမှာ ဘုန်းကြီး ၀ိုင်းရိုက်ခံရလို့ ဆေးရုံတင်ထားရတဲ့ အဘိုးအိုဟာ ဒီနေ့ နေ့လည်ကပဲ အလ္လာဟ်အရှင်မြတ် အမိန့်တော်ခံယူ ( ကွယ်လွန်) သွားပါပြီ။ ဒီနေ့ည အေရှာဟ်ပြီး(၈ နာရီခွဲ) မှာ မြေမြှုပ် သဂြိုလ်မည်ဖြစ်ကြောင်း သိရပါတယ်။

    ဘုန်းကြီးများ ဝိုင်းရိုက်ခံရမှုကြောင့် ဆေးရုံတွင် ကုသမှုခံယူနေစဉ်က ဓါတ်ပုံ
    the victim in the hospital

    ပြီးခဲ့တဲ့ စက်တင်ဘာလ ၅-ရက်နေ့က ဘားအံမြို့ပေါ်တွင် မနက်အစော ဗလီမှ ပြန်လာသော အသက် ၇၄-နှစ်အရွယ် အဖိုးအိုတစ်ဦးအား ဘုန်းကြီး ၃-ပါးက ၀ိုင်းဝန်းထိုးနှက် ကန်ကျောက်မှုကြောင့် အဖိုးအိုမှာ ဒဏ်ရာများရရှိပြီး နံရိုးကျိုးကာ ဆေးရုံမှာ တက်ကုသခဲ့ရာမှ ယနေ့မှာ ကွယ်လွန်သွားတာဖြစ်ပါတယ်။
    ကရင်ပြည်နယ် နှစ်ခြင်းရွာမှာ နေထိုင်တဲ့ အဘိုးအိုဟာ ဘားအံ့မှာရှိတဲ့ သမီးဖြစ်သူ ထံ အလည်လာတဲ့အချိန် မနက်စောစော ဗလီဝတ်ကျောင်းတော်သို့ ဝတ်ပြုပြိးပြန်အလာမှာ ဆွမ်းခံကြွလာတဲ့ ဘုန်းကြီးတန်းကို ဖြတ်လို့ ဆိုပြီး ဘုန်းကြီးသုံးပါးက ဝိုင်းဝန်းရိုက်နက် ခဲ့ကြခြင်းဖြစ်ပါတယ်။

  • ဘားအံတွင် မြန်မာမွတ်စလင်တစ်ဦးကို ဆွမ်းခံကြွ ဘုန်းကြီးများ ရိုက်နှက်ပြန်

    ဘားအံတွင် မြန်မာမွတ်စလင်တစ်ဦးကို ဆွမ်းခံကြွ ဘုန်းကြီးများ ရိုက်နှက်ပြန်

    စက်တင်ဘာ၊ ၁၇၊ ၂၀၁၂

    M-Media

    သတင်း-ဇာဏီ

     

    စက်တင်ဘာ ၁၇ ရက်နေ့ မနက် (၈ ) နာရီခန့်တွင် ဘားအံမြို့အမှတ်(၅) ရပ်ကွက် ရော်ဘာခြံလမ်းထိပ် ဗိုလ်ချူပ်လမ်းမပေါ်တွင် မြန်မာမွတ်စလင်မ် တစ်ဦးအား ဆွမ်းခံကြွ ဘုန်းကြီးတန်းမှ  သံဃာတပါးက ထိုသူ၏ ဦးခေါင်းကို ရိုက်နှက်ခဲ့မှု့ ဖြဖ်ပွားခဲ့ကြောင်း သတင်းရရှိပါတယ်။

    အရိုက်ခံရသူ မြန်မာမွတ်စလင်မ် အမျိုးသားမှာ လှိုင်းဘွဲမြို့ ကျောက်တောင် ကျေးရွာနေထိုင်သူဖြစ်ပြီး ဘားအံ့မြို့သို့ နာရေးကိစ္စဖြင့် ရောက်ရှိနေသူဖြစ်ကြောင်း စုံစမ်းသိရှိရပါတယ်။ အခင်းဖြစ်ပွားချိန်မှာ သံဃာများ ဆွမ်းခံကြွနေချိန်မှာ အရိုက်ခံရသူမှာ မော်တော်ဆိုင်ကယ်ရပ်ပြီး စောင့်ဆိုင်းနေစဉ် ဆွမ်းခံ ဘုန်းကြီးတန်းမှ သံဃာတပါးက ထွက်လာပြီး ၄င်းရဲ့ ဦးခေါင်းကို ရိုက်ခြင်းဖြစ်ကြောင်း ၊ အရိုက်ခံရသူမှာ မိမိ ဆွမ်းခံတန်းကို ဖြတ်သွားတာမဟုတ်ကြောင်း ရပ်စောင့်နေတာဖြစ်ကြောင်း ပြန်လည်ရှင်းပြရာ ထပ်ပြီး နှစ်ချက်ပြန်ရိုက်နှက်ကြောင်း အခင်းဖြစ်ပွားရာမှ မျက်မြင်သက်သေများမှ ပြောကြားပါတယ်။

    အဆိုပါဖြစ်စဉ်နှင့်ပတ်သက်ပြီး မြန်မာမွတ်စလင်မ်အမျိုးသားရေးရာ အဖွဲ့ချူပ် ကရင်ပြည်နယ် အဖွဲ့ခွဲမှာ  ကရင်ပြည်နယ် ဝန်ကြီးချူပ်သို့  အဆိုပါဖြစ်စဉ်တွင် မိမိတို့ဘက်မှ သံဃာများကို တစုံတရာ ပြန်လည်တုံ့ပြန်ခြင်းမရှိကြောင်းကို  စာပို့အကြောင်းကြားကြောင်း သိရှိရပါတယ်။

    လွန်ခဲ့တဲ့ စက်တင်ဘာ(၅) ရက်နေ့ကလ ဘားအံမြို့ပေါ်မှာ မနက်အစော ဗလီမှ ပြန်လာသော အသက် ၇၄-နှစ်အရွယ် အစ္စလာမ်ဘာသာဝင် ကရင်လူမျိုး အဖိုးအိုတစ်ဦးအား ဘုန်းကြီး ၃-ပါးက ၀ိုင်းဝန်းထိုးနှက်ကန်ကျောက်မှုကြောင့် အဖိုးအိုမှာ ဒဏ်ရာများရရှိပြီး နံရိုးကျိုးကာ ဆေးရုံတင်ခဲ့ရတဲ့ဖြစ်စဉ် ဖြစ်ပွားခဲ့ပါတယ်။

    ယခုလို အစ္စလာမ်ဘာသာဝင်များကို သံဃာများမှ ရိုက်နှက်သည့်ဖြစ်စဉ်မှာ မကြာခဏဖြစ်ပွားလေ့ရှိကြောင်း သီရိမဏ္ဍိုင်ကျောင်းတိုက်နဲ့ သရက်တောကျောင်းတိုက်မှ ဘုန်းကြီးများက အများဆုံး ပြုလုပ်ကြကြောင်း ဘားအံ့မြို့ခံ မွတ်စလင်မ်တယောက်က ပြောပါတယ်။

    မြန်မာမွတ်စလင်မ်အမျိုးသားရေးရာ အဖွဲ့ချူပ် ကရင်ပြည်နယ် အဖွဲ့ခွဲမှ ကရင်ပြည်နယ် ဝန်ကြီးချူပ် အကြောင်းကြားတိုင်ကြားစာ
  • ဘားအံတွင် အသက် ၇၄ နှစ်အရွယ် မွတ်စလင်မ် အဘိုးအိုအား နံရိုးကျိုးတဲ့ အထိ ရိုက်နှက်ကြ

    ဘားအံတွင် အသက် ၇၄ နှစ်အရွယ် မွတ်စလင်မ် အဘိုးအိုအား နံရိုးကျိုးတဲ့ အထိ ရိုက်နှက်ကြ

    စက်တင်ဘာ၊ ၅ ၊ ၂၀၁၂

    M-Media

    သတင်း- ဇာဏီ

    ဘားအံ ။    ။   ပြီးခဲ့တဲ့ စက်တင်ဘာလ ၅-ရက်နေ့က ဘားအံမြို့ပေါ်တွင် မနက်အစော ဗလီမှ ပြန်လာသော အသက် ၇၄-နှစ်အရွယ် အဖိုးအိုတစ်ဦးအား ဘုန်းကြီး ၃-ပါးက ၀ိုင်းဝန်းထိုးနှက်ကန်ကျောက်မှုကြောင့် အဖိုးအိုမှာ ဒဏ်ရာများရရှိပြီး နံရိုးကျိုးကာ ဆေးရုံပေါ်တွင် ဝေဒနာပြင်းထန်စွာခံစားနေရကြောင်း သတင်းရရှိပါသည်။

    အဆိုပါဖြစ်စဉ်နှင့်စပ်လျဉ်း၍ ဘားအံမြို့ခံများထံ ဆက်သွယ်စုံစမ်းခဲ့ပါသည်။

    “အဖိုးအိုက ဘားအံကမဟုတ်ပါဘူး။ နှစ်ခြင်းရွာက ကရင်အမျိုးသားကြီးပါ။ ဘားအံမှာရှိတဲ့ သမီးဆီလာလည်တာ။ သမီးဆီလာလည်ရင်း မနက်အစော ဗလီကိုသွား ဘုရားဝတ်တက်ပြီးပြန်လာတဲ့အချိန် ဘုန်းကြီးတွေရဲ့ ၀ိုင်းဝန်းထိုးနှက်ကန်ကျောက်တာကို ခံရတာပါ။ အဲဒီအချိန်က ဘုန်းကြီးတွေ ဆွမ်းခံကြွတဲ့အချိန်လည်းဖြစ်နေတယ်။ ဖြစ်တာက ဘုန်းကြီးတွေဆွမ်းခံထွက်တဲ့ အတန်းကိုဖြတ်ပြီး လမ်းကူးလို့လို့ပြောတယ်။ ဘုန်းကြီး ၃-ပါးက ၀ိုင်းထိုးနှက်ပြီးကန်ကျောက်ကြတာပါ။ အသက်အရွယ်ကလည်း ကြီးရင့်နေတော ၀ိုင်းဝန်းထိုးနှက်တဲ့ဒဏ်ကို မခံနိုင်ပဲ ဒဏ်ရာပြင်းထန်သွားတာ။ နံရိုးလည်းကျိုးသွားတယ်။ အဲလို ၀ိုင်းဝန်းထိုးနှက်ကြတာကိုမြင်တဲ့ မျက်မြင်သက်သေတွေလည်း ရှိပါတယ်။”

    “ဘားအံမှာ ဒီလိုဖြစ်ရပ်မျိုးဖြစ်နေတာ အခုမှမဟုတ်ဘူး။ အရင်ကလည်း ခဏခဏဖြစ်တယ်။ သီရိမဏ္ဍိုင်ကျောင်းတိုက်နဲ့ သရက်တောကျောင်းတိုက်က ဘုန်းကြီးတွေက အဲလိုခဏခဏလုပ်တယ်။ ထိုးနှက်ကန်ကျောက်ခံရသူတွေက ပြဿနာမကြီးစေလိုတာကြောင့် သည်းခံပြီးနေခဲ့ကြတာ။ ဒီတစ်ကြိမ် အဖိုးအိုကို ၀ိုင်းဝန်းထိုးနှက်ကန်ကျောက်ကြတာကတော့ အဆိုးဝါးဆုံး ဖြစ်ရပ်ပါပဲ။”

    “အခုထိတော့ ဘာမှ သေချာမသိရသေးဘူး။ ဒါပေမယ့် ရဲမင်းကြီးကတော့ အဖိုးအိုကို လာကြည့်သွားတယ်လို့ပြောတယ်။ အခုဖြစ်တဲ့ကိစ္စရပ်ကြောင့် ဘားအံမြို့ပေါ်မှာလည်း ပြဿနာ ရှုပ်ထွေးနေတယ်”လို့ ပြောကြားခဲ့ကြပါတယ်။

    ပြင်ဆင်ချက်၊   ။ မူလရရှိသည့် သတင်းတွင် အသက် ၈၅ နှစ်ဟု သိရပြိး ထပ်မံအတည်ပြုစုံစမ်းရရှိသည့် သတင်းများအရ အသက် ၇၄ နှစ်ဖြစ်သောကြောင့် ပြင်ဆင်ထားကြောင်းပါ။