News @ M-Media

Tag: political prisoners

  • နိုင်ငံတော်တွင် တင်နေသေးသည့် နောက်ထပ် အကြွေးတခု

    နိုင်ငံတော်တွင် တင်နေသေးသည့် နောက်ထပ် အကြွေးတခု

    ၂၀၁၂ ခုနှစ်က ဂျပန်နိုင်ငံတွင် ပြုလုပ်ခဲ့သော အညတရ သူရဲကောင်းဆု တတိယ အကြိမ် ဆုပေးပွဲ

    မကြာသေးခင်က ရန်ကုန်မြို့တွင် ဦးကိုနီနှင့် ကိုနေဝင်းတို့အတွက် ချီးကျူးဂုဏ်ပြုပွဲအခမ်းအနားကျင်းပသွား တာ တွေ့သည်။ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင်တက်ရောက်ပြီး နှစ်ယောက်လုံးကို ချီးကျူးစကားများ ပြော ကြားသွားသည်။ ကျန်ရစ်သူမိသားစုနှစ်စုအနေဖြင့် မိမိတို့မိသားစုဝင် ကွယ်လွန်သွားသည့်အတွက် ဝမ်းနည်းပူဆွေးနေကြ မည်မှာမှန်သော်လည်း တဖက်က ယခုလို တတိုင်းတပြည်လုံးက မိမိတို့ကို နှုတ်အားဖြင့်တင်မက ငွေအား၊ လူအားဖြင့်ပါ ဝိုင်းဝန်းဖေးမကူညီကြသည်ကိုမြင်ရသဖြင့် ဖြေသာမည်၊ မိမိတို့ချစ်ခင်ရသည့် သွားလေသူနှစ်ဦးအတွက် ဝမ်းမြောက် ဂုဏ်ယူ ကြလိမ့်မည်၊ စိတ်ဒဏ်ရာများလည်း နက်နက်မကျန်ရစ်နိုင်ဟု ယုံကြည်ပါသည်။

    သို့ရာတွင် ကျွန်တော်တို့ မေ့နေခဲ့ကြသော မမေ့အပ်သော ကိစ္စတခုရှိပါသေးသည်။ ဦးကိုနီနှင့် ကိုနေဝင်းတို့လောက် လူသိ မများ၊ ဟိုးလေးတကျော်မဖြစ်ဘဲ လူမသိသူမသိပေးဆပ်ခဲ့ကြသူတွေအတွက်လည်း စာနာကြောင်း၊ လေးစားဂုဏ်ယူကြောင်း၊ အသိအမှတ်ပြုကြောင်း ထုတ်ဖော်ပြသဖို့ဖြစ်သည်။ ၁၉၆၂ အာဏာသိမ်းသည်မှစကာ ၂ဝ၁၀ နောက်ပိုင်း   မြန်မာနိုင်ငံကို ဒီမိုကရေစီလမ်းကြောင်းပေါ်ပြန်ရောက်အောင် အုတ်တချပ်သဲတပွင့်ပါဝင်ကာ တွန်းတင်ပေးခဲ့ကြသူအပေါင်း ဒုနှင့်ဒေး ရှိခဲ့ သည်။ ထိုသူတို့သည် မည်သည့်အကျိုးစီးပွားကိုမျှ မျှော်ကိုး၍မဟုတ်ဘဲ အမှန်တရားကို ချစ်မြတ်နိုးစိတ်၊ တရားမျှတမှု၊ လွတ်လပ်မှုနှင့် လောကပါလတရားများထွန်းကားရေးတို့ကို လိုလားသောစိတ်တစ်ခုတည်းဖြင့် ကျရာနေရာမှ ဝင်ရောက်ကာ တိုက်ပွဲဝင်ခဲ့ကြသူများဖြစ်သည်။

    ၁၉၆၂ ခုနှစ်နှင့် ၂ဝ၁ဝ ပြည့်နှစ်အကြား နှစ် ၅၀ ကာလအတွင်း စစ်အာဏာရှင်စနစ်ဆိုးကြောင့် ဒုက္ခရောက်သူ၊ ဘဝပျက်ခဲ့ သူတွေ တပုံတပင်ရှိသည်။ လမ်းပေါ်ထွက်ဆန္ဒပြ၍ ထောင်ကျခံ၊ ညှဉ်းပန်းနှိပ်စက်ခံ၊ နောက်ဆုံး အသက်အသေခံခဲ့ ရသူတို့ သာလျှင် စနစ်ဆိုး၏ဒဏ်ကို ခံစားခဲ့ရသည်မဟုတ်။ နိုင်ငံရေးလုပ်မိသူတို့၏ နီးစပ်ပတ်သက်သည့် မိသားစုဝင်၊ ဆွေမျိုးသား ချင်း၊ မိတ်ဆွေအပေါင်းအသင်းများလည်း တနွယ်ငင် တစင်ပါ ခံစားခဲ့ကြရသည်။ လက်နက်ကိုင် တောခိုသွားကြသူတို့၏ ကျန်ရစ်ခဲ့သည့်မိသားစုဝင်များ၊ ဆွေမျိုးသားချင်းများလည်း အမျိုးမျိုးဒုက္ခပေးခံခဲ့ရသည်။ ကျွန်တော့်မိတ်ဆွေ တယောက်၏ ဖခင်သည် စစ်ထောက်လှမ်းရေး၏ ဖမ်းဆီးခြင်းခံခဲ့ပြီးနောက် သူတို့မိသားစု ဒုက္ခအကြီးအကျယ်ရောက်ခဲ့ကြသည်။ တချိန် က နိုင်ငံရေးလုပ်ဖော်လုပ်ဖက်များကလည်း သတင်းမမေး၊ အားပေးနှစ်သိမ့်မှုမရှိခဲ့ကြဟု ဆိုသည်။

    ဖခင်ဖြစ်သူအဖမ်းခံရသည့်နောက် အိမ်မှာ မိန်းမတွေချည်း ကျန်ရစ်ခဲ့သည်။ အိမ်ရှင်က အိမ်လခတိုးတောင်းတာ ခံရသည်။ မိခင်ဖြစ်သူမှာ အစိုးရဝန်ထမ်းဖြစ်ရာ နောက်ဆုံး ရမယ်ရှာပြီး အလုပ်ဖြုတ်ခံရသည်။ အပြင်မှာ စာပြစားဖို့လုပ်တာကိုပင် ထောက်လှမ်းရေးက စာမသင်နိုင်အောင် အမျိုးမျိုးလိုက်နှောင့်ယှက်သည်။ ငတ်တလှည့် ပြတ်တလှည့်ဖြင့် ဖြတ်သန်းရသည်။ စာအုပ်များကို အဟောင်းတန်းတွင် ရောင်းစားရသည်အထိ ဖြစ်သည်။ နိုင်ငံရေးသမားမိသားစုဆိုလျှင် ပတ်ဝန်းကျင်က မဆက်ဆံချင်ကြ။ ကူကွယ်ရာမဲ့ဘဝ ရောက်ရသလိုရှိခဲ့သည်။ အမေနှင့်သမီးတွေချည်း ကြံ့ကြံ့ခံကာ ရပ်တည်ခဲ့ရသည်။

    ကျွန်တော့်မိတ်ဆွေလို ခါးသီးသည့်အတွေ့အကြုံများကို ခံစားခဲ့ရသူပေါင်း မြန်မာနိုင်ငံတွင် ထောင်သောင်းသိန်းဂဏန်းမျှ ရှိနိုင်သည်။ ထိုခံစားခဲ့ရသူများမှာ နိုင်ငံရေးအကျဉ်းသားများ ကူညီစောင့်ရှောက်ရေးအသင်းက စုဆောင်းပြုစုထားသည့် နိုင် ငံရေးအကျဉ်းသားဟောင်း/သစ် စာရင်းဝင်နေသူဦးရေထက် ပိုသည်။

    ထောက်လှမ်းရေးက ညကြီး အချိန်မတော် တံခါး လာခေါက်ပြီး “မေးစရာရှိလို့ လိုက်ခဲ့ပါဦး” ဟု ခေါ်သွားကာ ကံကောင်းစွာဖြင့် ပြန်လွှတ်ခံခဲ့ရဖူးသူအားလုံး၊ ထိုသူတို့နှင့် ပတ်သက်ပြီး ထိခိုက်ခံစားခဲ့ရသူအားလုံး၊ ၁၉၈၈၊ ၂ဝဝ၇ စသည့် အရေးအခင်းတို့တွင် လမ်းပေါ်ထွက်ဆန္ဒပြ၍ဖြစ်စေ၊ ဘေး ကရပ်ကြည့်ရာမှဖြစ်စေ ကျည်သင့်ကာ ကွယ်လွန်ခဲ့သူများအားလုံး၊ ရိုက်နှက်ဖမ်းဆီးခံရသူအားလုံး၊ လိင်ပိုင်းအစော်ကားခံခဲ့ရသူအားလုံး စသည်ဖြင့် အာဏာရှင်စနစ်ဆိုး၏ရိုက်ချက်ကို အဖျားအနားပင်ဖြစ်စေ ထိမှန်ခဲ့ကြသူအားလုံးကို ဆိုလိုသည်။

    ကျွန်တော်ငယ်ငယ်ကနေခဲ့သည့် ရပ်ကွက်ထဲတွင် ၉/၁၁ တိုက်ခိုက်မှုပြီးကာလလောက်ကဖြစ်မည်၊ ကျောချင်းကပ်လမ်းက မွတ်စလင်ကောင်လေးတစ်ယောက်ကို ထောက်လှမ်းရေးက အယ်လ်ကိုင်ဒါနှင့်ပတ်သက်သည်ဟု သံသယဖြင့် ဖမ်းဆီးသွား ခဲ့ရာ စစ်မေးရင်း လက်လွန်သွားခဲ့သည်။ ထောက်လှမ်းရေးက ထိုကောင်လေး၏မိသားစုဝင်များအား သည်ကိစ္စမပေါက်ကြား စေရန်နှင့် နာရေးကို တိုးတိုးတိတ်တိတ်လုပ်ရန်သာ လာသတိပေးခဲ့သည်ဟု နောက်ပိုင်းပြန်ကြားရသည်။ ထိုသို့သော အညတရပေါင်းများစွာရှိသည်။ သူတို့အတွက် သို့မဟုတ် သူတို့၏ကျန်ရစ်သူအသိုင်းအဝိုင်းအတွက်လည်း ထည့်စဉ်းစားဖို့လိုသည်။

    ခေတ်ဆိုးစနစ်ဆိုးကြောင့် ထိခိုက်ခံစားခဲ့ရသူများအနက် အဆိုးရွားဆုံးက ဥမမည် စာမမြောက် ကလေးငယ်များ ဖြစ်သည်။ ကိုယ်အားကိုးသည့် မိဘ၊ ဆွေမျိုး၊ စသည်တို့ ဒုက္ခရောက်၊ အသက်ဆုံးသည်ကို မြင်ရရာမှ သွေးပျက်ကာ တသက်လုံး စိတ်ရောဂါရသွားသည့် ကလေးငယ်များက ဘဝမှာအနစ်နာဆုံးဖြစ်သည်။ လူကြီးဆိုသည်က ကိုယ်ယုံကြည်ရာကို လုပ်ခြင်း ဖြစ်၍ ဘာပဲဖြစ်လာဖြစ်လာ ဖြေသာနိုင်သေးသည်။ စိတ်ကြံ့ခိုင်နိုင်သေးသည်။ ကလေးဆိုသည်ကတော့ နုနယ်စဉ်မှာ စိတ်ထဲကို ဒဏ်ရာနက်နက် ဝင်သွားခဲ့လျှင် တသက်လုံး နာလန်ထူမည်မဟုတ်တော့။ သူတို့၏ ပညာရေး၊ ရုပ်ကျန်းမာရေး၊ စိတ်ကျန်းမာရေး၊ လူမှုဆက်ဆံရေး အားလုံးထိခိုက်နစ်နာသွားတော့မည်။ တိုက်ပွဲဖြစ်ပွားရာ တိုင်းရင်းသားဒေသများမှာဆို လည်း သည်အတိုင်း။ မိမိရှေ့မှာ လူတွေ ရုပ်ပျက်ဆင်းပျက်သေကြ၊ ရွာတွေ မီးရှို့ခံရတာကို မြင်ရ၊ ကိုယ့်ရှေ့မှာသူများကို ကျူးလွန်တာဖြစ်စေ၊ ကိုယ့်ကိုကျူးလွန်တာဖြစ်စေ ခံစားရပြီဆိုလျှင် ထို ကလေးငယ်များသည် တသက်လုံး ပုံမှန်ဘဝမှာ နေသွားဖို့မဖြစ်နိုင်တော့။ စောစောကပြောခဲ့သည့် ကျွန်တော့် မိတ်ဆွေဆိုလျှင် တစ်သက်လုံး အမုန်းတရားဖြင့်ကြီးပြင်းလာခဲ့ရသည်ဟု ဆိုသည်။ ဒုက္ခရောက်နေသည့် အချိန် ရုပ်ဝတ္ထုအကူအညီထက် စိတ်ပိုင်းဆိုင်ရာ အားပေးကူညီမှုမရခဲ့ခြင်းက အမုန်းတရားကိုမီးတောက်စေသည့် အဓိကအကြောင်းအရင်း ဖြစ်မည်ထင်သည်။ ဆိုလိုသည်မှာ ထိခိုက်နစ်နာခဲ့သူများ အတွက် စစ်အစိုးရအဆက်ဆက်သာလျှင် တရားခံမဟုတ်၊ ကျွန်တော်တို့ လူ့အဖွဲ့အစည်းဝင်များကိုယ်တိုင်လည်း တာဝန်ရှိ သည်။ ပြည်သူများအကြားတွင် ဘယာဂတိ အစိုးမိုးမခံဘဲ မတရားမှုကို ငုံ့မခံစိတ်၊ နစ်နာသူအပေါ် အားပေးဖေးကူချင်စိတ်များ ထိုစဉ်က ကိန်းအောင်းခဲ့လျှင် ကျွန်တော့်မိတ်ဆွေသည် အစိုးရဆိုးကြောင့် ဖခင်ထောင်ကျနေရဦးတော့၊ မိသားစုဝင်များ သည်လောက် ဒုက္ခမရောက်နိုင်၊ အမုန်းတရားများလည်း သည်မျှမပွားစည်းနိုင်ဟု သုံးသပ်မိသည်။ ခုတော့ အစိုးရကတင်မက ပတ်ဝန်းကျင်ကပါ ရေနစ်သူဝါးကူထိုးသလိုဖြစ်သည်ဟု သူ့ဖြစ်ရပ်ကိုကြည့်၍ ခံစားရသည်။

    ကျွန်တော်ညွှန်ပြလိုသည့်အချက်မှာ ထိုသို့သော ထိခိုက်ခံစားခဲ့ရသူများအတွက် နိုင်ငံတော်က မည်သို့သော အစီအစဉ်ဖြင့် ပြန်လည်ကုစားပေးမည်နည်းဆိုသည့် အချက်ဖြစ်သည်။ နိုင်ငံရေးအကျဉ်းသားဖြစ်ခဲ့ဖူးသူများ အတွက် ပုံမှန်အချိန်တခု ရောက်တိုင်း ကူညီစောင့်ရှောက်ပေးမည့် အသင်းအဖွဲ့၊ လူပုဂ္ဂိုလ် စသည် ယနေ့ ပေါ်ထွက်လာကြပြီဖြစ်သည်။ သို့သော်လည်း အပေါ်တွင်ပြောခဲ့သလို စိတ်ဒဏ်ရာဖြင့် ကြီးပြင်းခဲ့ရသူများအတွက် ရုပ်ပိုင်းမဟုတ်သည့် မည်သို့သော ပြန်လည်ထူ ထောင်ရေးအစီအစဉ်ကို လုပ်ဆောင်မည်ကို နိုင်ငံတော်အနေဖြင့်၊ အထူးသဖြင့် လက်ရှိအစိုးရအနေဖြင့် စဉ်းစားထားသည်ကို သိရှိလိုသည်။ ဒါက စနစ်အကူးအပြောင်းကို ဖြတ်သန်းနေရသည့်နိုင်ငံတိုင်းအတွက် အရေးကြီးသည့်လုပ်ငန်းစဉ်တစ်ခုဖြစ်သည်။ နိုင်ငံတကာမှာတော့ Transitional Justice “အသွင်ကူးပြောင်းကာလ တရားမျှတမှု” ဟု ခေါ်ကြသည်။ ဒီမိုကရေ စီနိုင်ငံထူထောင်မည်ဆိုပါက မဖြစ်မနေဆောင်ရွက်ရမည့် တရားမျှတမှုရှာဖွေသည့်လုပ်ငန်းဖြစ်သည်။ ‘အမျိုးသား ပြန်လည် ရင်ကြားစေ့ရေး’ ခေါင်းစဉ်ဖြင့် အတိတ်ကို ပြည်ဖုံးကားချခြင်း၊ သင်ပုန်းချေခြင်း၊ ကျူးလွန်ခဲ့သူများကို ခွင့်လွှတ်ခြင်းနှင့် မသက်ဆိုင်သော သီးခြားလုပ်ငန်းစဉ်ဖြစ်သည်။ သာဓကပြရလျှင် အတိတ်က အစိုးရအဆက်ဆက်၏ မှားယွင်းခဲ့သည့်အပြစ် များကို အတိအလင်းဖွင့်ဟဝန်ခံခြင်း၊ (ဦးကိုနီနှင့် ကိုနေဝင်းမိသားစုများအား လုပ်ပေးသလို) နစ်နာခဲ့သူများအား ပြန်လည် ကြည့်ရှုစောင်မခြင်း၊ တချိန်က နာမည်ပျက်စာရင်း သွင်းခံခဲ့ရသူများအား လူဆိုးမဟုတ်ကြောင်း ပြန်လည်ကြေညာပေးခြင်း၊ ဒီမိုကရေစီတိုက်ပွဲတွင် စွန့်လွှတ်အနစ်နာခံခဲ့ရသူအားလုံးတို့အတွက် အထိမ်းအမှတ်တခုခု (ပြတိုက်၊ ကျောက်တိုင်၊ ပန်းခြံ စသည်) ပြုလုပ်ပေးခြင်း၊ ထိုသူတို့အတွက် ရည်စူး၍ နေ့တနေ့ကို အောက်မေ့ဖွယ်နေ့အဖြစ် သတ်မှတ်ပေးခြင်း၊ စိတ်ဒဏ်ရာဖြင့်ကြီးပြင်းခဲ့ကြရသူများအတွက် နှစ်သိမ့်ဆွေးနွေးမှု၊ နွေးထွေးမှုများ ပြန်လည်ပေးခြင်း စသည်တို့ပါဝင်သည်။

    အသွင်ကူးပြောင်းကာလ တရားမျှတမှုသည် ဒဏ်ရာဒဏ်ချက်များကို သက်သာပျောက်ကင်းစေရန် နိုင်ငံတော် အစီအစဉ်ဖြင့် ကုစားပေးခြင်းဖြစ်သည်။ ထိုဒဏ်ရာဒဏ်ချက်များကို ပျောက်ကင်းအောင် အရင်မလုပ်ဘဲ စနစ်အကူးအပြောင်းကိုသာ ပုံ ဖော်မည်ဆိုပါလျှင် စစ်မှန်သော တရားမျှတမှုထွန်းကားသည့် လူ့ဘောင်ကို တည်ဆောက်နိုင်မည်မဟုတ်ပါ။ နောင်တ ချိန်တွင် မြန်မာနိုင်ငံသည် ပြည်တွင်းစစ်ချုပ်ငြိမ်း၍ ပြည်သူအများ တောင့်တသော ဖက်ဒရယ်ဒီမိုကရေစီနိုင်ငံတော်တစ်ခု ဖြစ်လာသော်လည်း ကြားကာလတွင် အသွင်ကူးပြောင်းကာလ တရားမျှတမှုကို မဖော်ဆောင်ထားမိပါက သွေးပြည်ပုပ်တို့ကို ဖောက်ချကာ ဆေးမထည့်ဘဲ အပေါ်က အရေပြား ထပ်ပိုးပြီး မိတ်ကပ်လိမ်းသည်နှင့် တူပါလိမ့်မည်။ တိုင်းပြည်ကသာ တည်ငြိမ်သွားပြီး စီးပွားရေးကောင်းချင် ကောင်းလာမည်ဖြစ်သော်လည်း ခေတ်ဆိုးကိုဖြတ်သန်းခဲ့ရသည့် နိုင်ငံသားများ၏ မျက်နှာပေါ်တွင် စစ်မှန်သော အပြုံးတို့ကိုတော့ မြင်ရမည်မဟုတ်ပါ။

    ဆရာကြီးရွှေဥဒေါင်းစကားဖြင့်ပြောရလျှင် စိတ်တွင် ဆူးများတချောင်းပြီး တချောင်းပေါက်နေသော လူများ မြန်မာနိုင်ငံတွင် အများအပြားကျန်ရှိနေပါသေးသည်။ ဦးကိုနီနှင့်ကိုနေဝင်းတို့ကို မမေ့သကဲ့သို့ ထိုလူအများကိုလည်း မမေ့အပ်ဘဲ လက်တွဲ ခေါ်ဖို့၊ ဂရုစိုက်ဖို့ နိုင်ငံတော် (အစိုးရနှင့်ပြည်သူ) တွင် အကြွေးကျန်နေပါသည်။     ။

    (ဝေယံဘုန်းသည် Myanmar Now ၏ အယ်ဒီတာတဦး ဖြစ်သည်)

  • ဖမ်းဆီးခံ မွတ်စ်လင်မ်နှစ်ဦး အတွက် ဂဠုန်နီ ဆရာတော် သက်သေ ထွက်ဆိုပေးခဲ့

    ဖမ်းဆီးခံ မွတ်စ်လင်မ်နှစ်ဦး အတွက် ဂဠုန်နီ ဆရာတော် သက်သေ ထွက်ဆိုပေးခဲ့

    စက်တင်ဘာ ၂၅ ၊ ၂၀၁၅
    M-Media
    mandalay-court-case-3-sithu-lwin
    ဘာသာပေါင်းစုံ ချစ်ကြည်ရေး အုပ်စု တစ်ခုဖြစ်သော သင့်မြတ်လိုသူများအဖွဲ့ဝင် ကိုဇော်ဇော်လတ်နှင့် မပွင့်ဖြူလတ်တို့နှစ်ဦးသည် ၂၀၁၃ ခုနှစ် ဇွန်လတွင် လိုင်ဇာသို့သွားရောက်သောခရီးစဉ်အား အကြောင်းပြု၍ ပြီးခဲ့သည့် ဇူလိုင်လအတွင်း မတရားအသင်းဆက်သွယ်မှု၊ လူဝင်မှုကြီးကြပ်ရေးဥပဒေ ချိုးဖောက်မှုတို့ဖြင့် ဖမ်းဆီးခံခဲ့ရသည်။

    အမှုကြားနားပြီးသောအခါ ဂဠုန်နီဆရာတော် ဦးကာဝိယက ဤလှုပ်ရှားတက်ကြွသူ မွတ်စ်လင်မ် လူငယ်နှစ်ဦးသည် လိုင်ဇာသို့ ငြိမ်းချမ်းရေး ခရီးစဉ်အဖြစ်သွားရောက်ခဲ့သော ဘာသာပေါင်းစုံ ချစ်ကြည်ညီညွတ်ရေးအုပ်စုကြီး၏ အဖွဲ့ဝင်သာဖြစ်ကြောင်း ချမ်းအေးသာစံ တရားရုံးသို့ ထွက်ဆိုချက်ပေးပြီး၊ ထိုခရီးစဉ်ကာလက သူတို့နှင့်နီးစပ်မှုမရှိခဲ့သော်လည်း ၂၀၁၄ ဇူလိုင်လ မန္တလေးပဋိပက္ခပြီးနောက် ဘာသာပေါင်းစုံချစ်ကြည်ရေးလှုပ်ရှားမှု၌ သိကျွမ်းခဲ့ခြင်းဖြစ်ကြောင်း The Myanmar Times သို့ မိန့်ကြားသည်။

    ‘‘အစိုးရနဲ့ လက်နက်ကိုင်အုပ်စုတွေအကြား ငြိမ်းချမ်းရေးဖော်ဆောင်ဖို့ ဆရာတော်တို့ လိုင်ဇာကို သွားခဲ့ကြတယ်။ ဆရာတော်တို့အုပ်စုထဲမှာ လူ ၂၀ ကျော်ပါဝင်ပါတယ်။ ဗုဒ္ဓဘာသာဝင်ရော မွတ်စ်လင်မ်အပေါ်မှာရော ဘက်လိုက်မှု မရှိဘဲ တရားရုံးမှာ အမှန်အတိုင်းသာ ထွက်ဆိုခဲ့ပါတယ်။ အစိုးရနဲ့ ကေအိုင်အို နှစ်ဖက်စလုံးကို အကြောင်းကြားပြီးနောက်မှာမှ ဗုဒ္ဓရုပ်ပွားတော်တစ်ဆူနဲ့ ခရစ်ယာန်လက်ဝါးကပ်တိုင်တစ်ခု ပေးဖို့ အဲ့ဒီနေရာကို သွားရောက်ခဲ့ကြတာပါ’’ ဟု ဦးကာဝိယမှ ဆိုသည်။

    ၂၀၁၃ ဇွန်လ လိုင်ဇာ၌ရှိနေစဉ် ကိုဇော်ဇော်လတ်နှင့်မပွင့်ဖြူလတ်တို့သည် ကေအိုင်အိုအရာရှိများနှင့် ဆုံတွေ့ပြီး ကေအိုင်အေ တပ်သားအချို့နှင့် အမှတ်တရ ဓာတ်ပုံရိုက်ခဲ့ကြသည်။ ၎င်းဖြစ်စဉ် ၂ နှစ်ကျော် ကြာပြီးနောက်မှာမှ ချမ်းအေးသာစံမြို့နယ်ကော်ဖီဆိုင် တစ်ခုအတွင်း၌ ကိုဇော်ဇော်လတ်အား  ဖမ်းဆီးထိန်းသိမ်းလိုက်ခြင်းဖြစ်သည်။

    လိုင်ဇာခရီးစဉ် ကေအိုင်အေအဖွဲ့ဝင်များနှင့်တွေ့စဉ်က သူသည် ရိုင်ဖယ်သေနတ်ကိုင်ပြီး ရိုက်ထားသည့် ဓာတ်ပုံများကို ဖေ့စ်ဘွတ်ပေါ်တင်ခြင်းကြောင့် အဖမ်းခံရသည်ဟုယူဆကြောင်း မန္တလေးတိုင်း ရဲတပ်ဖွဲ့မှ ဆိုသည်။
    ဇူလိုင်လ ၁၇ ရက်တွင် မပွင့်ဖြူလတ်အား စစ်ဆေးမေးမြန်းရန် ရဲစခန်းသို့ ခေါ်ယူသည်။ တစ်ညဥ့်လုံး ထိန်းသိမ်းထားပြီး နောက်တစ်နေ့တွင်မှ ပြန်လွှတ်ပေးခဲ့သည်။ သို့သော် ဇူလိုင် ၁၉ ရက်တွင် သူမထံ ရဲတပ်ဖွဲ့ဝင်များ ထပ်မံရောက်ရှိလာကာ ဖမ်းခေါ်သွားပြန်သည်။ သူမကို မတရားစွပ်စွဲခဲ့ကြောင်း သူမက The Myanmar Times သို့ပြောပြသည်။

    ‘‘ဗဟိုအစိုးရငြိမ်းချမ်းရေး အကျိုးဆောင် ဦးအောင်မင်း ကိုယ်တိုင်က မတရားအသင်းဆိုင်ရာ ဥပဒေပုဒ် ၁၇(၁)နဲ့ ဘယ်သူ့ကိုမှ အရေးမယူစေရဘူးလို့ အာမခံချက်ပေးခဲ့တာပါ။ တကယ်လို့ တစ်စုံတစ်ယောက်ကို ဒီပုဒ်မနဲ့ ဖမ်းဆီးထိန်းသိမ်းမယ်ဆိုရင် သူလည်း ထောင်ထဲဝင်ပါမယ်လို့ ပြောခဲ့ပါတယ်’’ ။

    မိမိတို့ကိုဖမ်းဆီးထားမှုသည် ၂၀၁၃ ဒီဇင်ဘာ ၃၀ ရက်နေ့ သမ္မတရုံး၏ ထုတ်ပြန်ချက်အား ချိုးဖောက်ခြင်းဖြစ်ကြောင်း၊ ၎င်း၌ မတရားသင်းဆက်သွယ်မှုဆိုင်ရာ အမှုများအားလုံးကို ပိတ်သိမ်းရန်နှင့် ထပ်မံ အရေးယူမှုများ မပြုလုပ်တော့ရန် တရားရေးနှင့်ရဲဋ္ဌာနများသို့ အမိန့်ပေးဖော်ပြထားကြောင်း၊ ထို့ကြောင့် ထိုစွဲချက် မခိုင်မာသဖြင့် လူဝင်မှုကြီးကြပ်ရေး ဥပဒေပုဒ်မ ၁၃(၁)ဖြင့် ထပ်မံတိုးချဲ့စွဲဆိုလိုက်ခြင်းဖြစ်ကြောင်း၊ မိမိတို့သည် အိန္ဒိယသို့ တရားမ၀င် ၀င်ရောက်ခဲ့သည်ဆိုသော အထောက်အထားလည်း ရှိမနေကြောင်း၊ မိမိတို့၏ ဘာသာပေါင်းစုံချစ်ကြည်ရေး အုပ်စုမှ နောက်ထပ်လူငါးဦးမှာလည်း အဆိုပါပုဒ်မဖြင့် စွဲဆိုခံထားရကြောင်း၊ ၎င်းတို့အနက်တစ်ဦးကို ဖမ်းဆီးထားပြီး ကျန်လေးဦးမှာ ရဲတပ်ဖွဲ့မှရှာဖွေလျက်ရှိကြောင်း ကိုဇော်ဇော်လတ်မှ ပြောကြား၏။

    လာမည့် အောက်တိုဘာ ၂ ရက်တွင် ဆက်လက်ကြားနာစစ်ဆေးသွားမည်ဟု သတင်းရရှိသည်။

    Ref : The Myanmar Times

    ဓါတ်ပုံအညွှန်း-၂၃.၉.၂၀၁၅ ရက်နေ့ သက်သေထွက်ဆိုပေးအပြီး မန္တလေးမြို့ ချမ်းအေးသာစံတရားရုံးမှ ထွက်လာသော ဂဠုန်နီဆရာတော် ဦးကာဝိယအား တွေ့ရစဉ်။ (ဓာတ်ပုံ – စည်သူလွင်၊ The Myanmar Times)

    ဆက်စပ်သတင်းများ ဖတ်ရန်။

    http://www.m-mediagroup.com/news/tag/zzl

  • ဆရာတော် ဦးရက္ခ၀ံသ မှ လက်ကျန် နိုင်ငံရေး အကျဉ်းသားများ လွတ်မြောက်ရေး တောင်ကြီးမှ ရန်ကုန်ထိ ဆွမ်းဘုန်းမပေးဘဲ လမ်းလျောက် ဆန္ဒထုတ်ဖော်မည်

    ဆရာတော် ဦးရက္ခ၀ံသ မှ လက်ကျန် နိုင်ငံရေး အကျဉ်းသားများ လွတ်မြောက်ရေး တောင်ကြီးမှ ရန်ကုန်ထိ ဆွမ်းဘုန်းမပေးဘဲ လမ်းလျောက် ဆန္ဒထုတ်ဖော်မည်

    မတ် ၃၊ ၂၀၁၄
    M-Media
    လမင်း

    ရန်ကုန်။       ။ နိုင်ငံရေးအကျဉ်းသားများလွတ်မြောက်မှုအတွက် ဆရာတော် ဦးရက္ခ၀ံသမှ စတုတ္တအကြိမ်မြောက်အဖြစ်  အစာငတ်ခံ၍  တောင်ကြီးမြို့ ပင်လုံကျောက်တိုင်မှစ၍ ရန်ကုန်မြို့ မြို့တော်ခန်းမ ရှေ့ထိ ဆုတောင်း မေတ္တာပို့သသွားမည်ဟု မြန်မာဂျာနယ်လစ်ရုံးခန်းတွင် ပြုလုပ်သော သတင်းစာရှင်းလင်းပွဲတွင် ပြောကြားခဲ့သည်။

    “ဦးဇင်း တို့ရဲဘော်တွေက အကျဉ်းထောင်ထဲမှာရှိနေတုန်းပါပဲ။ ငြိမ်းချမ်းရေးကို တကယ်လိုလားတယ်ဆိုရင် နိုင်ငံရေး အကျဉ်းသားတွေ ထောင်ထဲမှာ မထားပါနဲ့ လွှတ်ပေးပါ။ ၂၀၁၃ မှာ နိုင်ငံရေး အကျဉ်းသားတွေ မရှိစေရဘူးလို့ ကမ္ဘာကသိအောင် နိုင်ငံတော် သမ္မတကြီးက ကတိပြုခဲ့တယ်။ ဒါပေမဲ့ ၃၃ ဦးကျန်ရှိနေသေးတယ်။

    ဒါကြောင့် ဦးဇင်းက လက်ကျန်နိုင်ငံရေး အကျဉ်းသားတွေ အတွက် ဆက်လက်ဆုတောင်း မေတ္တာပို့သပေးသွားမှာပါ” ဆရာတော် ဦးရက္ခ၀ံသ ကမိန့်ကြားခဲ့သည်။ ဆရာတော်သည် တောင်ကြီးမြို့မှ ရန်ကုန်မြို့ မြို့တော်ခန်းမရှေ့သို့ ယခုတစ်ပတ်အတွင်း စတင် လမ်းလျောက် မေတ္တာပို့သမည်ဖြစ်ပြီး တစ်ရက်လျှင် မိုင် ၂၀ မှ ၂၅ မိုင်ထိ လမ်းလျောက်သွားမည်ဖြစ်ပါသည်။ ဆရာတော်သည် လမ်းလျောက်နေစဉ် ကာလအတွင်း ဆွမ်းဘုန်းပေးခြင်း မရှိဘဲ ရေ၊ အချိုရည် တို့ကိုသာ ဘုန်ပေးသွားမည်ဖြစ်ပါသည်။ လမ်းလျောက်နေစဉ် ကျန်းမာရေးအတွက် လိုအပ်ပါက ဆေးကုသမှုကိုခံယူသွားမည်ဖြစ်သည်။

    ဆရာတော်သည် ပထမအကြိမ် အဖြစ် ၃-၈-၂၀၁၃ မှ ၈-၈-၂၀၁၃ ထိအစာငတ်ခံတောင်းဆိုခြင်း၊ ဒုတိယအကြိမ်အဖြစ် ရန်ကုန်မှ မန္တလေးသို့  ၁၁-၈-၂၀၁၃ တွင်ခြေလျင် လမ်းလျောက်တောင်းဆိုပြီး တတိယအကြိမ်အဖြစ် ၁-၁၀-၂၀၁၃ နေ့တွင် မန္တလးမြို့ မဟာမြတ်မုနိဘုရားကြီးမှ ရခိုင်ပြည်နယ် ကျောက်တော်မြို့ရှိ မဟာမြတ်မုနိဘုရားထိ  လမ်းလျောက် အစာငတ်ခံတောင်းဆိုမှု ၈ ရက်မြောက်နေ့တွင် သမ္မတဦးသိန်းစိန်မှ ၅၆ ဦးလွှတ်ပေးခဲ့သောကြောင့် ဆရာတော်မှ တောင်းဆိုမှုကိုရပ်ဆိုင်းခဲ့ပါသည်။

    သို့သော်နှစ်ကုန်တွင် နိုင်ငံရေးအကျဉ်းသားများ ရှိနေသေးသောကြောင့် ဆရာတော်သည် မကွေးမြို့မှ ရခိုင်ပြည်နယ်သို့ ဆက်လက်ချီတက်ခဲ့ပါသည်။

    ယခုတွင်လည်း ကျန်ရှိနေသေးသော နိုင်ငံရေးအကျဉ်းသား ၃၃ ဦးတို့အတွက် စတုတ္တအကြိမ်မြောက် ဆရာတော်မှ ဆွမ်းဘုန်းမပေး လမ်းလျောက်ဆန္ဒထုတ်ဖော် သွားမည်ဟုသိရပါသည်။

  • မတရား ဖမ်းဆီးထောင်ချ ခံထားရသည့် ဦးကျော်လှအောင် အကြောင်း တစေ့တစောင်း

    ဇန်နဝါရီ ၅ ၊ ၂၀၁၃
    M-Media

    ဦးကျော်လှအောင် (ရခိုင်-မွတ်စလင်) ၏ ဘဝတစ်လျှောက်တွင် ရင်ဆိုင်ခဲ့ရသည့် မတရားမှု တချို့

    1531642_714673878545566_2069862504_n

    ဦးကျော်လှအောင်သည် စာရေးတစ်ဦးအဖြစ် စစ်တွေခရိုင်တရားမရုံး နှင့် စက်ရှင်တရားသူကြီးရုံးတို့တွင် ၁၉၆၁-ခုနှစ်မှ စတင် အမှုထမ်းဆောင်ခဲ့သည်။ ၁၉၆၅-ခုနှစ်တွင် သူသည် လက်ရေးတို စာရေး တစ်ဦးအဖြစ် တာဝန်ထမ်းဆာင်ခဲ့သည်။ ၁၉၈၃-ခုနှစ်၊ စက်တင်ဘာလ ၇-ရက်နေ့တွင် သူသည် ၎င်းရာထူးမှ အငြိမ်းစား ယူခဲ့ပြီး ၁၉၈၄-ခုနှစ်မှ စတင်ကာ အထက်တန်းရှေ့နေတစ်ဦးအဖြစ် ဆောင်ရွက်ခဲ့သည်။

    ၁၉၈၆ခုနှစ်တွင် တောင်သူလယ်သမားတစ်စု၏ မြေယာသိမ်း အမှုတွင် မြန်မာနိုင်ငံမြေသိမ်းမှု ဥပဒေနှင့်အညီ အသနားခံစာ ရေးသားပေးခဲ့သည်။ ထိုစဉ်က စစ်တွေမြို့၊ ပြည်သူ့ကောင်စီမှ မကျေနပ်၍ ၁၉၈၆-ခုနှစ် သြဂုတ်လ ၂၅-ရက်နေ့တွင် အရေးပေါ်စီမံမှုအက်ဥပဒေ ပုဒ်မ ၅/ည အရ အမှုဖွင့်ပြီး ဖမ်းဆီးချုပ်နှောင်ခံခဲ့ရသည်။

    ပထမဦးဆုံး ဖမ်းဆီးခံရပြီး တိုက်ခန်းတစ်ခုထဲတွင် ပုသိမ်ဆရာတော် နှင့် အတူနေခဲ့ပြီး ပုသိမ်ဆရာတော်မှ တခြား ရခိုင်အကျဉ်းသားများကို ခေါ်ဆောင်၍ ဦးကျော်လှအောင် အား လိုအပ်သည်များ ကူညီဆောင်ရွက် ပေးရန် မိန့်ကြားခဲ့သည်။

    ၎င်းအမှုကို စစ်တွေမြို့နယ်တရားရုံးတွင် ရင်ဆိုင်နေစဉ် (၁၉၈၈ အရေးအခင်းကာလ) ၁၉၈၈ခုနှစ်၊ သြဂုတ်လ ၂၅-ရက်နေ့တွင် စစ်တွေ အကျဉ်းထောင်ထဲရှိ အကျဉ်းသားများ၏ ဆူပူအုံကြွမှုဖြစ်လာခဲ့သည်။ စစ်တွေအကျဉ်းထောင် အုတ်နံရံကို အကျဉ်းသားတချို့မှ ဖောက်ထွင်းခဲ့ပြီး အကျဉ်းထောင်အာဏာပိုင် များမှ အကျဉ်းသား တချို့ကို သေနတ်ဖြင့် ပစ်ခဲ့သည်အထိ ဖြစ်ခဲ့သည်။ ထိုစဉ်က ဦးကျော်လှအောင် မှာ တိုက်ခန်းငယ်တစ်ခုတွင် တစ်ဦးတည်း နေရသည့် အချိန်ဖြစ်သည်။ ညနေ ၄-နာရီခန့် အချိန်တွင် ကျောင်းသားခေါင်းဆောင်များနှင့် ဒေသခံ လူကြီးတချို့၏ တောင်းဆိုမှုအရ အကျဉ်းသားများကို စနစ် တကျ လွတ်ပေးခဲ့ရသည်။

    ဦးကျော်လှအောင် နှင့် ဦးဘသိန်းခင် (ကန်းတောင်းကြီးမှ ရခိုင် ဗုဒ္ဓဘာသာ တစ်ဦး) တို့ကို ကျောင်းသား လူငယ်တချို့က ညသန်းခေါင် အချိန်တွင် ပုလုပ်တောင်ရပ်ကွက် (ယခု ရဲနွယ်စုရပ်ကွက်)ရှိ ဦးကျော်လှအောင်၏ နေအိမ်သို့ ပို့ပေးခဲ့သည်။ ထိုစဉ်က ဦးကျော်လှအောင် အပေါ် ပုဒ်မ ၅/ည ဖြင့် စွဲဆိုထားသောအမှုမှာ မပြီးပြတ်သေးဘဲ စွဲချက်တင်ထားသော အဆင့်တွင်သာ ရှိသေးသည်။

    အရေးအခင်းကာလအပြီး တရားရုံးများတွင် ပြန်လည် ရုံးထိုင်လာသောအခါ ၎င်း ၅/ည အမှုမှာ စစ်တွေမြို့ ပြည်နယ်တရားရုံးတွင်ရောက်ရှိနေပြီး ၎င်းအမှုကို ဆက်လက်ရင်ဆိုင်ဖြေရှင်းရန် ဦးကျော်လှအောင်မှ ပြည်နယ်တရားသူကြီးအား အကျိုးအကြောင်းပြောပြရာ ၎င်းအမှုတွင် အချုပ်လွှတ်ထုချေခွင့်ပြုထားခဲ့သည်။

    ၁၉၈၉ခုနှစ်တွင် ဦးကျော်လှအောင် နှင့် သူ့လုပ်ဖော်ကိုင်ဖက်တချို့ပူးပေါင်းပြီး မွတ်စလင်မ် လူထုအတွက် တန်းတူအခွင့်အရေးရရှိရေးကို ရှေးရှု့ပြီး အမျိုးသား လူ့အခွင့်အရေး ဒီမိုကရက်တစ်ပါတီကို ထူထောင်၍ ရွေးကောက်ပွဲဝင်ရန်စီစဉ်ခဲ့သည်။ ဦးကျော်လှအောင်သည် ၁၉၉၀ပြည့်နှစ်၊ ရွေးကောက်ပွဲမတိုင်မီ စစ်တွေမြို့ မဲဆန္ဒနယ် အမှတ် (၁)မှ လွှတ်တော်ကိုယ်စားလှယ်လောင်းအဖြစ် ယှဉ်ပြိုင်ရန်စီစဉ်ခဲ့ပြီး မဲဆွယ်နေစဉ်ကာလ ၁၉၉၀-ခုနှစ်၊ ဧပြီလ ၁၀-ရက်နေ့တွင် ထပ်မံ ဖမ်းဆီးခြင်းကို ခံခဲ့ရသည်။

    ၎င်း ရင်ဆိုင်ခဲ့သည့် အရေးပေါ်စီမံမှု အက်ဥပဒေ ပုဒ်မ ၅/ည အပါအဝင် တခြား ပြစ်မှုဆိုင်ရာ ဥပဒေပုဒ်မ ၂၂၄ အရ တစ်မှု နှင့် ပြည်သူပိုင်ပစ္စည်း ကာကွယ်ရေး အက်ဥပဒေပုဒ်မ ၆/၁ အရ အမှုဖွင့်ပြီး အရေးယူ ထားသည်။

    ယင်းသို့ အဖမ်းခံနေရစဉ် စစ်ခုံရုံးအမှတ်-၃၆/နပ-စခ/၉၀ တွင် ပုဒ်မ ၅/ည အရ အမှုတွဲကို ပြည်နယ်တရားရုံးမှ ဆွဲယူပြီး ၁၉၉၀-ခုနှစ်၊ မေလ ၂၁-ရက်နေ့တွင် ထောင်ဒဏ် ၁၄-နှစ်ကျခံစေရန် အမိန့်ချမှတ်ခြင်း ခံခဲ့ရသည်။

    ဦးကျော်လှအောင်ကို စစ်ခုံရုံးမှ ထောင်ဒဏ်ချပြီး တခြား ရခိုင်ခေါင်းဆောင်များ နှင့် မွတ်စလင်မ်တချို့ ကိုလည်း ထောင်ဒဏ် ၅-နှစ်၊ ၇-နှစ် နှင့် ၁၀-နှစ် အသီးသီးချခဲ့သည်။ ၎င်းထဲတွင် ယခင်စစ်တွေ အမှတ်(၂) ရဲစခန်းမှ စခန်းမှူးဟောင်း ဦးမောင်ညွန့်စိန်၊ စစ်တွေမြို့မှ ရခိုင်ခေါင်းဆောင် ဦးသာထွန်းအောင်၊ တောင်ကုတ်မြို့နယ်မှ ရခိုင်ခေါင်းဆောင် တစ်ဦးလည်းဖြစ် စီးပွါးရေးလုပ်ငန်းရှင် တစ်ဦးလည်းဖြစ်သူ ဦးကျောက်တောင် အပါအဝင် တခြားရခိုင်ခေါင်းဆောင်များလည်း ထောင်ထဲတွင် အတူတူ ရင်းရင်းနှီးနှီး နေခဲ့ကြသည်ဟုဆိုသည်။

    ၎င်းရခိုင်ခေါင်းဆောင်များ၏ တိုက်တွန်းချက်အရ ဦးကျော်လှအောင် ရရှိမည့် စစ်တွေ အမှတ် (၁)နယ်မှ မဲများကို ရခိုင်ပါတီတစ်ခုသို့ လွှဲပေးရန် စီစဉ်ခဲ့ရာ အမျိုးသားလူ့အခွင့်အရေး ဒီမိုကရက်တစ်ပါတီတွင်း အများသဘောဆန္ဒအရ ၎င်းမဲများကို ကမန်အမျိုးသားပါတီမှ ရှေ့နေဦးရွှေယ အား ပေးခဲ့သည်။ ဤသို့ဖြင့် စစ်တွေမြို့ အမှတ် (၁) နယ်မှ ဦးရွှေယ မဲအနိုင်ရရှိခဲ့သည်။

    ဦးကျော်လှအောင် အား စွဲဆိုထားသည့် ပြစ်မှုဆိုင်ရာ ဥပဒေပုဒ်မ-၂၂၄ အရ စွဲဆိုသော အမှုနှင့် ပြည်သူပိုင် ပစ္စည်းကာကွယ်ရေး အက်ဥပဒေပုဒ်မ ၆(၁)အရ စွဲဆိုသော အမှုများကို ပြည်နယ်တရားရုံးသို့လွှဲပေးလိုက်၊ ပြည်နယ်တရားရုံးမှ တဖန် မြို့နယ်တရားရုံးသို့ လွှဲပေးလိုက် စသဖြင့် ကြန့်ကြာခဲ့ပြီး နောက်ဆုံးတွင် စစ်တွေမြို့နယ် တရားသူကြီးရုံးတွင် အမှုအမှတ်-၁၇၀၈/၉၂ တွင် ပုဒ်မ ၂၂၄အရ နှင့် အမှုကြီး အမှတ်-၁၇၀၉/၉၂ အမှုတွင် ပြည်သူပိုင်ပစ္စည်း ကာကွယ်ရေး အက်ဥပဒေ ပုဒ်မ ၆(၁)အရ စစ်ဆေးပြီး ၁၉၉၂ခုနှစ်၊ နိုဝင်ဘာလ ၃၀-ရက်နေ့တွင် အလုပ်နှင့် ထောင်ဒဏ် (၆)လ စီကျခံစေရန် နှင့် ပြစ်ဒဏ်နှစ်ခုစလုံးကို တစ်ပေါင်းတည်း ကျခံစေရန် စီရင်ချက် ချခဲ့သည်။

    ထိုစဉ်က ပုဒ်မ ၅/ည ဖြင့် စစ်ခုံရုံးမှ ပြစ်ဒဏ်စီရင်ချက်ချထားသည်ဖြစ်၍ စစ်တွေ အကျဉ်းထောင် အတွင်းရှိ တိုက်ခန်းတွင် သီးခြားချုပ်နှောင်ထားသဖြင့် အထက်ပါအမှုနှစ်မှုမှ စီရင်ချက်ကို အယူခံဝင်ရန် အခွင့်အလမ်း မရှိခဲ့ပေ။ ထိုအချိန်တွင် နိုင်ငံရေးပုဒ်မ ၅/ည ဖြင့် အပြစ်ပေး ခံရသူများကို တင်းကြပ်စွာ တိုက်ခန်း၌ ထားရှိသောကြောင့် မိမိ၏မိသားစုအပါအဝင် ရှေ့နေများနှင့် အတွေ့မခံရသည့် အချိန်အခါဖြစ်၍ အယူခံဝင်ရန် အခွင့်အလမ်းလုံးဝ မရနိုင်ခဲ့ပေ။ အယူခံဝင်ရန်ကာလစည်းကမ်းကျော်လွန်သွားပြီးချိန်၊ အကျဉ်းထောင်တွင်းရှိ တိုက်ခန်းတွင် လေးနှစ်ကျော် နေပြီးမှ ထောင် အရာရှိများက အေးအေးဆေးဆေး ငြိမ်သက်စွာ နေလာသူများကို နေရာခွဲကာ ထောင်ဆေးရုံသီးသန့်ဆောင်တွင် ပြောင်းရွှေ့နေစေခဲ့သည်။ တခြား အကျဉ်းသားများ၏ အယူခံလွှာများကို ရေးသားပေးရန် တာဝန်ပေးခြင်းခံရသဖြင့် အယူခံလွှာများကို ရေးသားပေးခဲ့ရသည်။

    ဦးကျော်လှအောင် ထောင်ထဲတွင်ရှိနေစဉ် ၈၈-ကျောင်းသားခေါင်းဆောင် ကိုမင်းကိုနိုင် ကို အချုပ်ခန်း တစ်ခုတွင် သီးသန့်ထားရှိပြီး ညအချိန်တွင် ထောင်ဝန်ထမ်း တစ်ဦးက စောင့်ကြည့် ရသည်ဟုဆိုသည်။ ကိုမင်းကိုနိုင်၏ ထောင်တွင်းနေထိုင်မှု အခြေအနေကို ဦးကျော်လှအောင်က ၎င်းထောင်ဝန်ထမ်းမှ တစ်ဆင့် မေးမြန်းလေ့ရှိခဲ့ကြောင်း၊ အခြေအနေ အရပ်ရပ်ကို ကိုမင်းကိုနိုင်မှ မေးမြန်းရာ ထောင်ဝန်ထမ်းမှ တစ်ဆင့် ရှင်းပြပေးလေ့ရှိသည်ဟု သိရသည်။

    ၁၉၉၄-ခုနှစ်၊ အမျိုးသားညီလာခံစတင်ချိန်တွင် ယခင် တပ်မတော်အစိုးရမှ ဆယ်နှစ်အထက် ထောင်ဒဏ် ကျခံခဲ့ရသူများကို ဆယ်နှစ်သို့ လျော့ချပေးခဲ့ရာ ဦးကျော်လှအောင် ကျခံခဲ့ရသည့် နှစ်များမှ လေးနှစ် လျော့ချခဲ့သည်။ ၁၉၉၇ခုနှစ်၊ သြဂုတ်လ ၂၈-ရက်နေ့တွင် စစ်တွေအကျဉ်းထောင်မှ လွတ်မြောက်လာ ခဲ့သည်။ ၁၉၉၈-ခုနှစ်မှ နယ်စည်းမထား ဆရာဝန်များအဖွဲ့ စစ်တွေရုံးတွင် အုပ်ချုပ်ရေးမှူးအဖြစ် မိသားစု စားဝတ်နေရေးအတွက် တာဝန်ထမ်းဆောင်ခဲ့သည်။

    ၎င်းအဖွဲ့တွင် တာဝန်ထမ်းဆောင်နေစဉ်ကာလ ၂၀၁၂-ခုနှစ်၊ ဇွန်လ ၁၀-ရက်နေ့တွင် ရခိုင်အစွန်းရောက် တချို့က ကောလာဟလ သတင်းတစ်ခု အင်တာနက် စာမျက်နှာ တစ်ခုတွင် တင်ခဲ့သည်။ ဦးကျော်လှအောင်အား ၄င်း၏နေအိမ်မှ လက်နက်သေတ္တာ ၂-လုံးရရှိ၍ ရဲဘက်မှ ဖမ်းဆီးထားကြောင်း ဖြစ်သည်။ ထိုသတင်း ဖတ်ရှုပြီး မိသားစုထံ ဖုန်းဆက်ကြည့်ရာ ဦးကျော်လှအောင် မှာ ၄င်း၏နေအိမ်တွင် အိပ်စက် အနားယူနေကြောင်း၊ မည်သည့်ပြဿနာမျှ မဖြစ်ခဲ့ ကြောင်း သိခဲ့ရသည်ဟုဆိုသည်။ ကောလာဟလ သတင်းထွက်လာချိန်က မြန်မာစံတော်ချိန် ည ၉-နာရီ ၄၅-မိနစ် (21:45 နာရီ) ဖြစ်ပြီး ဦးကျော်လှအောင် နေအိမ်တွင် အိပ်နေသည်ဟု သတင်းရရှိသည်မှာ ည ၁၀ နာရီ (22:00 နာရီ) ဖြစ်သည်။ နောက်ဆုံး သူတို့မိသားစု သိခဲ့ရသည်မှာ အစွန်းရောက်များက စစ်တွေမြို့ရှိ မွတ်စလင်မ် ရပ်ကွက်များကို တိုက်ခိုက်ရန် ကြိုတင်စီစဉ်ထားသည် ဖြစ်သည်။ ၄င်း အလုပ် လုပ်ကိုင်ခဲ့သော အဖွဲ့အစည်းမှ ကောလာဟလကို ချေပရန်ကြိုးစားခဲ့သော်လည်း မအောင်မြင်ခဲ့ပေ။

    ၂၀၁၂ခုနှစ်၊ ဇွန်လ (၁၁) ရက်နေ့ နေ့လည်အချိန်တွင် ရခိုင်အစွန်းရောက် ၅၀၀ ကျော် ၎င်းရပ်ကွက်သို့ လာပြီး ဦးကျော်လှအောင်၏ နေအိမ်ကို ဖြိုဖျက်ခဲ့ရာ ၄င်းတို့မိသားစုဝင်များ ခြံနှင့်ကပ်လျက် ဗလီ ကျောင်းခြံဝင်း ဘက်သို့ ထွက်ပြေးသွားခဲ့ရသည်။ တခြား ရွာသူ ရွာသားများလည်း ထိုနည်းတူ ထွက်ပြေး ခဲ့ရသည်။ ဦးကျော်လှအောင် အား ရဲအရာရှိများ လာရောက် ဖမ်းဆီးခဲ့ပြီး ၎င်း၏နေအိမ်အပါအဝင် တခြားနေအိမ်များကိုလည်း ပြိုဖျက်ခဲ့သည်။

    မိသားစုဝင်များအပါအဝင် ရပ်ကွက်ရှိ မွတ်စလင်မ်အားလုံးအား လုံခြုံရေးရဲများက ကာကွယ်ပေးခဲ့သည်။ လုံခြုံရေးရဲများက မွတ်စလင်မ်အားလုံးကို ကျန်ရှိနေသေးသော နေအိမ်နှစ်လုံးတွင် တစ်ည အိပ်ခွင့်ပြုခဲ့သည်။ နောက်တစ်နေ့ နေ့လည်တွင် အစွန်းရောက် ၄၀၀-၅၀၀ ဦးရေရှိသော အုပ်စုတစ်ခုမှ ဝိုင်းအုံလာရာ လုံခြုံရဲများ နှင့် စစ်တပ်မှ တင်းကြပ်စွာကာကွယ် ပေးခဲ့သည်။ ၎င်းအစွန်းရောက်များမှ မွတ်စလင်မ်လူငယ်များကို သတ်ဖြတ်ရန် လာသည်ဖြစ်သော်လည်း ရပ်ကွက်မှ ရခိုင်လူမျိုးတချို့အပါအဝင် လုံခြုံရဲ နှင့် စစ်တပ်မှ သတ်ဖြတ်ရန် ခွင့်မပြုခဲ့ပေ။

    မွတ်စလင်မ်များ၏ တောင်းဆိုချက်အရ လည်းကောင်း၊ စစ်တပ်အကြီးအကဲများ၏ ဆုံးဖြတ်ချက်အရလည်းကောင်း ၎င်းရပ်ကွက်မှ မွတ်စလင် မ်အားလုံးကို မွတ်စလင်မ် လူဦးရေများသည့် သဲချောင်းကျေးရွာသို့ စစ်တပ်ကားများဖြင့် ရွှေ့ပြောင်းပေးခဲ့သည်။

    ဦးကျော်လှအောင်မှာ ဒီကိစ္စများကို ဘာတစ်ခုမှ မသိခဲ့သလို၊ မိမိ၏မိသားစုဝင်များ၏ အခြေအနေကိုလည်း သိခွင့်မရခဲ့ဟုဆိုသည်။ ကံကောင်းစွာဖြင့် ၄င်း၏ မိသားစုဝင်များနှင့် တခြားမွတ်စလင်မ်များကို ရဲနှင့် စစ်တပ်မှ အကာအကွယ်ပေးခဲ့ပြီး လုံခြုံရာ အရပ်သို့ ရွှေ့ပြောင်းပေးခဲ့သည်။

    ရဲများ၏ အကာအကွယ်ရရှိခြင်းမှာ ၄င်းရပ်ကွက်သည် ရဲတပ်ရင်းအခြေစိုက်ရာ နှင့် နီးကပ်စွာ တည်ရှိသလို တပ်မတော်မှ ဗိုလ်ကြီးအဆင့် ပုဂ္ဂိုလ်တစ်ဦး ဦးကျော်လှအောင်၏ နေအိမ်နှင့်ကပ်လျက်အိမ်တစ်အိမ်တွင် နေထိုင်ခဲ့ဖူးသည်။ တစ်ခြားတစ်ဘက်တွင် ရဲများကို စစ်ရေးပြ သင်တန်းပြခဲ့သည့် ရဲတပ်ကြပ်ကြီး တစ်ဦးမှာ မွတ်စလင်မ် ဖြစ်ရာ သူ့တပည့်များမှ အစွမ်းကုန် အကာအကွယ်ပေးခဲ့ခြင်းဖြစ်သလို၊ အနီးအနားရှိ ရခိုင် လူမျိုးအများစုမှာလည်း မွတ်စလင်မ်များ နှင့် ရင်းနှီးသူများဖြစ်ခြင်းတို့ကြောင့် ဖြစ်သည်။

    ဦးကျော်လှအောင် အား ဥပဒေပုဒ်မ ၅၀၅/ခ ဖြင့် တရားစွဲဆိုခဲ့သည်။ အာဏာပိုင်များက ၎င်း၏နေအိမ်မှ အေလ်ကိုင်ဒါ နှင့်ဆက်နွယ်သည့် စာရွက်တစ်ခုရရှိသည် ဟုပြောသည်။ ဖမ်းဆီးမခံရခင် ကောလာဟလ သတင်းမှာ ရေးသားခဲ့သည်ကတစ်မျိုး၊ ဖမ်းဆီးပြီးတော့ အာဏာပိုင်များ၏ စွပ်စွဲမှုက နောက်တစ်မျိုး ဖြစ်နေသည်။ စွပ်စွဲပြောဆိုမှု နှင့် ကောလာဟလ တို့မှာ ကွာဟနေသည်ကို တွေ့ရှိရသည်။ အမှန် စင်စစ် ၎င်းရပ်ကွက်မှ အာဏာပိုင်များက မည့်သည့် တရားမဝင်စာရွက်စာတမ်းမျှ မရရှိခဲ့ပေ။

    ဦးကျော်လှအောင်၏ မိသားစုဝင်များသည် ငြိမ်းချမ်းရေးလိုလားသော လူမျိုးဘာသာပေါင်းစုံနဲ့ ချစ်ခင် ရင်းနှီးစွာနေထိုင်ခဲ့သူများဖြစ်ကြောင်း သက်သေသာဓကပေါင်း များစွာ ရှိနေပြီး အေလ်ကိုင်ဒါဆိုတဲ့ စကားလုံးကိုတောင် စာလုံး မပေါင်းတတ်သူများ ဖြစ်နေသည်။ အဘယ်ကြောင့်ဆိုသော် ၎င်းတို့ မိသားစု ဝင်များမှာ ဤကဲ့သို့သော အမည်ဝေါဟာရများနှင့် ရင်းနှီးကျွမ်းဝင်မှု မရှိသောကြောင့် ဖြစ်သည်။

    အမှန်တွင် ၂၀၀၁-ခုနှစ်၊ စက်တင်ဘာလ (၁၁) ရက် အမေရိကန်ပြည်ထောင်စုတွင် ကမ္ဘာ့ ကုန်သွယ်ရေး အဆောက်အအုံကို တိုက်ခိုက်ပြီး အစွန်းရောက်ဝါဒကို ရခိုင်ပြည်နယ်တွင် ပထမဦးဆုံး ရှုတ်ချပြောဆိုသူမှာ ဦးကျော်လှအောင် ဖြစ်သည်။ ဦးကျော်လှအောင်သည် မွတ်စလင်မ်များကို အစွန်း ရောက်အုပ်စုအား အားပေးထောက်ခံမှု မလုပ်ကြရန် စည်းရုံးခဲ့သူတစ်ဦးဖြစ်ပြီး၊ “ရခိုင်ဗုဒ္ဓဘာသာများ၊ ဗမာဗုဒ္ဓဘာသာများနှင့် ခရစ်ယာန်များကိုလည်း ထာဝရဘုရားသခင် (အလ္လာအရှင်မြတ်)မှ ဖန်ဆင်းခဲ့သည်။ မွတ်စလင်မ် မဟုတ်သူများကို ခွဲခြားဆက်ဆံရန် မည်သို့မျှ လက်ခံနိုင်မည် မဟုတ်ကြောင်း” ထပ်တလဲလဲ ဟောပြောစည်းရုံးလေ့ရှိခဲ့သူ Liberal ဝါဒကို ဆွဲကိုင်ထားသူ တစ်ဦးလည်းဖြစ်သည်။
    1503366_707368589276095_532245666_n
    မနှစ်က ဦးကျော်လှအောင် ဖမ်းဆီးခံရပြီး နိုင်ငံတကာအဖွဲ့အစည်းတချို့မှ အစိုးရကို ဖီအားပေးခဲ့ရာ သမ္မတ ဦးသိန်းစိန်မှ ၄င်း၏ အမှုတွဲ နှင့် ကိုယ်ရေးရာဇဝင်ကို နေပြည်တော်သို့ ပို့ဆောင်ရန် ပန်ကြားခဲ့ သည်ဟုသိရသည်။ ထောင်အာဏာပိုင်များက အမှုတွဲ နှင့် ကိုယ်ရေးရာဇဝင်များကို ပို့ပေးခဲ့သည်။ သမ္မတ ဦးသိန်းစိန် က  အစိုးရမဟုတ်သော အဖွဲ့အစည်းမှ ဝန်ထမ်းများကို ပြန်လွတ်ပေးရန် လွတ်ငြိမ်းချမ်းသာခွင့် အမိန့်ပေးခဲ့ရာ ဦးကျော်လှအောင် မှာ ၂၀၁၂-ခုနှစ်၊ သြဂုတ်လ ၁၆-ရက်နေ့တွင် လွတ်မြောက်လာခဲ့သည်။

    ၎င်းလွတ်မြောက်သွားခြင်းက ၄င်းအပေါ်တွင် မည်သည့်စွဲချက်မျှ မရှိကြောင်းနှင့် ကောလာဟလများကို အတည်ပြု သက်သေပြရန် မည်သည့် သက်သေအထောက်အထားမျှ မရှိကြောင်းကို ဖော်ပြနေသည်။

    ထောင်မှ လွတ်မြောက်လာပြီး နယ်စည်းမထားဆရာဝန်များအဖွဲ့တွင် ယခင်က လုပ်ကိုင်လျက်ရှိသော အလုပ်မှ ၄င်း၏အသက်အရွယ်အိုမင်းမှုနှင့် အာဏာပိုင်များ၏ ဖီအားတချို့ကြောင့်၂၀၁၂ခုနှစ်၊ သြဂုတ်လ တွင် အငြိမ်းစားယူလိုက်ပြီဖြစ်သည်။ အဖွဲ့အစည်းများကို အစွန်းရောက်များမှ ဖီအားပေးမှုကြောင့် ၄င်း၏မိသားစုဝင်များမှာလည်း သူတို့၏စားဝတ်နေရေးအတွက် မည်သည့် အဖွဲ့အစည်း၌မှ အလုပ်လုပ်ကိုင် နိုင်ရန် အခွင့်အလမ်း မရရှိပေ။

    1467222_702160569796897_1118236379_n

    ရန်ကုန် အမေရိကန်သံရုံးမှ သံအမတ်ကြီး စစ်တွေသို့သွားရောက်စဉ် ဦးကျော်လှအောင်မှ ၄င်းအား “ဘင်္ဂါလီ ဆိုတဲ့ အသုံးကို ဘင်္ဂါလာဒေရှ့်နိုင်ငံ အရှေ့ပါကီစတန်မှ ခွဲထွက်အပြီး ရခိုင်ပြည်ရှိ မွတ်စလင်မ်များ အတွက် သုံးဒါဖြစ်ကြောင်း၊ အရှေ့ပါကီစတန်ရှိတုန်းက ဘင်္ဂါလီ အသုံးကို မသုံးဘဲ အာရ်ကာနီစ် မွတ်စလင်မ် Arakanese Muslims ဟုသာ သုံးခဲ့ကြောင်း” ပြောသည်ကို ဒေသအာဏာပိုင်များမှ သဘော မကျခဲ့ပေ။ အာဏာပိုင် တချို့ မကျေမနပ်ဖြစ်ပုံရသည်။ တခြားကိစ္စတစ်ခုကတော့ နိုင်ငံခြားအဖွဲ့အစည်းများ လာရင် ဦးကျော်လှအောင်နှင့် တွေ့ဆုံသည်ကိုလည်း ဒေသ အာဏာပိုင်တချို့က မနှစ်သက်ခြင်း ဖြစ်သလို၊ လူ့အခွင့်အရေး ချိုးဖောက်ခံရမှု အကြောင်းကို အမှန်အတိုင်းထုတ်ဖော်ပြောမည်ကို ဒေသ အာဏာပိုင်များမှ မလိုလားခြင်းဖြစ်နိုင်မည်ဟု ယူဆရသည်။

    ၂၀၁၃-ခုနှစ်၊ ဧပြီလ ၂၆-ရက်နေ့တွင် အာဏာပိုင်များမှ လူစာရင်းကောက်ခံရာတွင် ဘင်္ဂါလီဟု ထည့်ပြီး အတင်းလက်မှတ်ထိုးခိုင်းရာ လူငယ်တချို့မှအော်ဟစ်သပိတ်မှောက်ခဲ့ကြပြီး ခဲများဖြင့် ပစ်ဖောက်သည် ဟုသိရသည်။ ဒီဖြစ်ရပ်က ဦးကျော်လှအောင် နေခဲ့သော ယာယီနေအိမ်အနီးအနားတွင် မဟုတ်ဘဲ တခြား တစ်နေရာတွင် ဖြစ်ခဲ့သည်ဟုဆိုသည်။ အာဏာပိုင်များမှ လူဦးရေစာရင်းကောက်ခံမှုကို ခေတ္တာ ရပ်နားထား သည်ဟုဆိုသည်။ မွတ်စလင်မ် ရပ်ကွက်လူကြီးတချို့ကို ဖမ်းဆီးစစ်ဆေးခဲ့ပြီး တချို့မှာ အခုထိ လွတ်မလာ ခဲ့ပေ။ တစ်ရက်တည်းတွင် တခြားရပ်ကွက်တစ်ခုဖြစ်သော ဘောဒူဖ တွင် ရဲနှင့်လူတချို့ပြဿနာဖြစ်ခဲ့ပြီး ရဲတစ်ဦးကို လူတချို့က ရိုက်ပုတ်ခဲ့သည်ဟုသိရသည်။ ၄င်းရဲက မွတ်စလင်မ်အိမ်တစ်အိမ်ထဲသို့ ပြေးဝင်ခဲ့သည်ဟုဆိုသည်။ ၄င်းရဲကို အသက်ဘေးမှ ကာကွယ်ပေးခဲ့သော အိမ်ပိုင်ရှင်သည် ဦးကျော်လှအောင်၏ တူတစ်ဦးလို ဖြစ်နေသည်။ ၄င်းက ဦးကျော်လှအောင်အား ဦးလေးဟု ခေါ်သည်။

    ရဲကို ရိုက်ပုတ်ခဲ့သော မွတ်စလင်မ် အုပ်စုက ၄င်းအိမ်ကို ဝိုင်းအုံကာ မီးရှို့ရန် ကြိုးစားခဲ့ရာ အိမ်ပိုင်ရှင်မှ ဦးကျော်လှအောင်အား ဖုန်းဆက် အကူအညီတောင်းခဲ့သည်။ ထိုအချိန်တွင် ဦးကျော်လှအောင်သည် ကျန်းမာရေး မကောင်း၍ ယာယီ အိမ်တွင် အနားယူနေချိန်ဖြစ်ပြီး ဖုန်းမှတဆင့် ပြဿနာဖြစ်ပုံကို သိခဲ့ရသည်။ ဦးကျော်လှအောင်မှ ဖုန်းဆက်ပြီး မွတ်စလင်မ်လူငယ်များအား အစွန်းရောက်မှုကို ရှောင်ရှား ရန် နားလည်အောင် ရှင်းပြပြီး တားမြစ်ခဲ့သည်။ ဦးကျော်လှအောင်၏ ဖုန်းမှတဆင့် တားမြစ်မှုကြောင့် လူငယ်များ နောက်ဆုတ်သွားခဲ့ပြီး ၄င်းအိမ်ကို မီးမရှို့ခဲ့သလို၊ ၄င်းရဲကိုလည်း အာဏာပိုင်များထံသာ လွှဲပေးခဲ့သည်။ သို့သော် အာဏာပိုင်များမှ ဦးကျော်လှအောင် ကို ဒီကိစ္စမှာ နားလည်မှုလွဲခဲ့ပြီး သံသယဖြစ်ခဲ့သည်။ ထိုနေ့မှစ၍ ဦးကျော်လှအောင် အား ဖမ်းဆီးရန် အကြိမ်ကြိမ်ကြိုးစားခဲ့ရာ ၄င်းမှာ အတွေ့မခံခဲ့ပေ။ မွတ်စလင်မ်တို့၏ ဥပုသ်လတွင် ကျန်းမာရေး မကောင်း၍ ယာယီနေအိမ်တွင် အနားယူ နေစဉ် ဇူလိုင်လ ၁၅-ရက်နေ့တွင် စခန်းမှူး နှင့် အရပ်ဝတ်နဲ့ ရဲနှစ်ဦး လာရောက်ခေါ်ဆောင် သွားခဲ့သည်။ ရဲအရာရှိများ၏ပြောပြချက်အရ ၄င်းအား စစ်ဆေး မေးမြန်းမည်သာဖြစ်ပြီး နေအိမ်သို့ ပြန်လည် ပို့ပေးမည်ဟု ပြောဆိုခဲ့သည်။
    နိုင်ငံတကာအဖွဲ့အစည်းတချို့မှ ဦးကျော်လှအောင် အား မတရားဖမ်းဆီးထားခြင်းနှင့်ပတ်သက်ပြီး ကြေငြာချက်၊ အစိုးရအပေါ် တိုက်တွန်းချက် နှင့် သတင်းတချို့ထုတ်ပြန်ခဲ့သည်။

    ဦးကျော်လှအောင် အား အာဏာပိုင်များမှ ဥပဒေပုဒ်မ ၁၄၈၊ ၁၅၀ နှင့် ၃၃၃ တို့ဖြင့် တရားစွဲဆိုထားခဲ့ပြီး နောက်ပိုင်းတွင် ဥပဒေပုဒ်မ အများအပြားတပ်ကာ စွဲချက်တင်ထားသည်။ ၄င်းဥပဒေပုဒ်မများမှာ ၁၄၈၊ ၁၅၀၊ ၃၃၂၊ ၃၃၃၊ ၃၉၅၊ ၅၀၅/ခ နှင့် ၁၀၉ တို့ဖြစ်သည်။

    ၄င်း၏ အမှုကို နေပြည်တော်သို့ ပြောင်းရွှေ့လိုက်သော်လည်း မည်သည့်ဆုံးဖြတ်ချက်မှ မချဘဲ ချုပ်နှောင် ထားသည်ဟု သိရသည်။ ထောင်တွင်းနေ အခြေအနေမှာတော့ ကောင်းမွန်စွာထားသည်ဟု ဆိုသည်။

    ဦးကျော်လှအောင်မှာ ယခုဆိုလျှင် အသက် ၇၅နှစ် ရှိနေပြီဖြစ်သည်။

    *  မှတ်ချက် – ဦးကျော်လှအောင်၏ မိသားစုဝင်တစ်ဦးမှ ရေးသားထားခြင်းဖြစ်သည်။

  • နိုင်ငံရေး အကျဉ်းသား ၂၀၀ ကျော်အား နှစ်ကုန်ပိုင်းတွင် မြန်မာ အစိုးရ ပြန်လွှတ်ပေးမည်

    နိုင်ငံရေး အကျဉ်းသား ၂၀၀ ကျော်အား နှစ်ကုန်ပိုင်းတွင် မြန်မာ အစိုးရ ပြန်လွှတ်ပေးမည်

    နိုဝင်ဘာ-၂၄ ၂၀၁၃
    M-Media

    မြန်မာအစိုးရအနေဖြင့် အကျဉ်းထောင်းအတွင်း ရှိနေသည့် နိုင်ငံရေးအကျဉ်းသားများအား အသေးစိတ် စစ်ဆေးမှုများပြုလုပ်နေပြီး ယခုနှစ်ကုန်ပိုင်းနှင့် နိုင်ငံရေးအကျဉ်းသား ၂၀၀ ကျော်လွှတ်ပေးမည်ဟု နိုင်ငံပိုင်မီဒီယာများက ယနေ့တွင် သတင်းထုတ်ပြန်ခဲ့သည်။

    ထိုကဲ့သို့ အကျဉ်းသားများအား လွှတ်ပေးမည့်အစီအစဉ်ကို အစိုးရ၏ နိုင်ငံရေးအကျဉ်းသားများ စီစစ်ရေးကော်မတီမှ ရန်ကုန်မြို့ရှိ ငြိမ်းချမ်းရေး စင်တာတွင် ပြောကြားခဲ့ခြင်းဖြစ်သည်။

    နိုဝင်ဘာ ၁၅ ရက်နေ့က သမ္မဦးသိန်းစိန်၏ လွတ်ငြိမ်းချမ်းသာခွင့် အမိန့်အရ နိုင်ငံတစ်ဝှမ်းရှိ အကျဉ်းထောင်များမှ နိုင်ငံရေးအကျဉ်းသား ၆၉ ဦးအား လွှတ်ပေးခဲ့သည်။ ထိုကဲ့သို့လွှတ်ပေးမှုမှာ ယခုနှစ်ကုန်ပိုင်းတွင် နိုင်ငံရေးအကျဉ်းသား အားလုံးအား လွှတ်ပေးမည်ဟူသည့် သမ္မတဦးသိန်းစိန်၏ ကတိက၀တ်အား အကောင်အထည်ဖော်သည့် အစိတ်အပိုင်းတစ်ခုလည်းဖြစ်သည်။

    မြန်မာနိုင်ငံတွင် ၂၀၁၁ ခုနှစ် မတ်လ ၃၀ ရက်နေ့က အရပ်သား အစိုးရ တာဝန်ယူပြီးနောက်ပိုင်း လွှတ်ပေးခဲ့သည့် နိုင်ငံရေးအကျဉ်းသား အရေအတွက်မှာ ယခုအချိန်အထိ ၂၉၈၂၀ ဦးရှိပြီဖြစ်သည်။

    Ref: ဆင်ဟွာ