Tag: pope

ဧပြီ ၃၀၊ ၂၀၁၇
M-Media

– ဘုရားသခင်၏ အမည်နာမဖြင့် အကြမ်းဖက်မှုများ ပြုလုပ်နေခြင်းကို ဆန့်ကျင်ရန်၊ သည်းခံခွင့်လွှတ်ရေး၊ ငြိမ်းချမ်းရေးအတွက် ဟောကြားရန် ပုပ်ရဟန်းမင်းကြီး ဖရန်စစ်က ပြောကြားလိုက်ပြီး ဘာသာတရားများအားလုံး စည်းလုံးညီညွတ်ကြရန်လည်း တိုက်တွန်းခဲ့သည်။

အီဂျစ်နိုင်ငံသို့ ၂ ရက်တာ အလည်အပတ်ရောက်ရှိခဲ့သည့် ပုပ်ရဟန်းမင်းကြီးမှာ အစ္စလာမ့်ဓမ္မရေးရာ သင်ကြားပို့ချမှုတွင် နှစ်ပေါင်းထောင်ချီ အဓိကအခန်းကဏ္ဍမှ ပါဝင်ခဲ့သည့် အလ်-အဇ်ဟာရ် တက္ကသိုလ် ငြိမ်းချမ်းရေးညီလာခံ မိန့်ခွန်း၌ ထိုကဲ့သို့ ပြောကြားခဲ့ခြင်းဖြစ်သည်။

ပုပ်ရဟန်းမင်းကြီးကို အလ်-အဇ်ဟာရ် တက္ကသိုလ်မှ အီမာမ်ကြီး ရှိခ် အဟ်မဒ် အလ် တိုင်ယစ်ဘ်၊ အခြားသော မွတ်စလင်နှင့် ခရစ်ယာန်ခေါင်ဆောင်များက ကြိုဆိုခဲ့ကြသည်။

“ဘာသာရေးခေါင်းဆောင်တွေဖြစ်တဲ့ ကျွန်တော်တို့အနေနဲ့ အရေးကြီးတဲ့အရာအဖြစ် ဟန်ဆောင်ဖုံးကွယ်ထားတဲ့ အကြမ်းဖက်ဝါဒရဲ့ မျက်နှာဖုံးကို ခွာချဖို့ တောင်းဆိုပါတယ်။ ဘာသာတရားရဲ့နာမည်၊ ဘုရားသခင်ရဲ့ နာမည်နဲ့ လုပ်နေကြတဲ့ အကြမ်းဖက်မှု၊ လက်စားချေမှုနဲ့ အမုန်းတရား ပုံစံအားလုံးကို ခိုင်ခိုင်မာမာနဲ့ ရှင်းရှင်းလင်းလင်း ‘နိုး’ လို့ ထပ်ပြောကြပါစို့။ ဆင်းရဲမွဲတေမှုနဲ့ ခေါင်းပုံဖြတ်အမြတ်ထုတ်မှု အဆုံးသတ်ရေးကို ပူးပေါင်းဆောင်ရွက်ရင်း ငြိမ်းချမ်းရေးသမားတွေ၊ အကြမ်းဖက်မှုကို ရှောင်ရှားသူတွေ ဖြစ်ကြပါစို့” ဟု ပုပ်ရဟန်းမင်းကြီးက ပြောကြားခဲ့သည်။

ထို့ပြင် အမုန်းတရားကို ဆွပေးသူများ၏ ရက်စက်ကြမ်းကြုတ်မှုကို ထိထိရောက်ရောက် တိုက်ဖျက်ရန်အတွက် လူငယ်များကို ရင့်ကျက်သည့်လမ်းကြောင်းပေါ်သို့ ပို့ပေးရန်၊ ကောင်းမွန်မှု တိုးတက်ဖြစ်ထွန်းရေးအတွက် စိတ်ရှည်သည်းခံစွာ ဆောင်ရွက်ခြင်းအားဖြင့် သွေးဆူအောင် လှုံ့ဆောင်ခြင်း သဘောတရားကို တုန့်ပြန်ရေး သင်ကြားပေးရန်လည်း ပုပ်ရဟန်းမင်းကြီးက တိုက်တွန်းခဲ့သည်။

အလ်-အဇ်ဟာ တက္ကသိုလ်မှ အီမာမ်ကြီး အလ် တိုင်ယစ်ဘ်က အကြမ်းဖက်ဝါဒမှာ အစ္စလာမ်သာသနာနှင့် သက်ဆိုင်ခြင်းမရှိဘဲ ဘာသာဝင်များထဲမှာ လူတစ်စုက သွေးမြေကျစေရန်အတွက် ကျမ်းချက်အချို့ ကို အပိုင်စီးလိုက်ခြင်းဖြစ်ကြောင်း ပြောကြားခဲ့သည်။

ဘာသာရေးကျမ်းစာများကို မှားယွင်းဘာသာပြန်ဆိုမှုအား ရှောင်ရှားရန်မှာ ဘာသာပေါင်းစုံ ညီညွတ်ရေးအတွက် ကနဦးခြေလှမ်းဖြစ်ပြီး အကြမ်းဖက်မှုက အကြမ်းဖက်မှုကိုသာ ဦးတည်စေကြောင်း၊ အမုန်းတရားက အမုန်းတရားကိုသာ ဆောင်ကျဉ်းလာကြောင်း၊ ဘာသာပေါင်းစုံ ညီညွတ်ရေးကို အမြဲတမ်း ဆောင်ရွက်ရမည်ဖြစ်ကြောင်း ပုပ်ရဟန်းမင်းကြီးက ထည့်သွင်းပြောဆိုခဲ့သည်။

Ref : Khaleejtimes