News @ M-Media

Tag: Pray For Myanmar

  • အပြည်ပြည်ဆိုင်ရာ ငြိမ်းချမ်းရေးနေ့ ပွဲတော် ကြိုတင်ညှိနှိုင်းဆွေးနွေးပွဲ ပြုလုပ်မည်

    ဇူလိုင် ၂၇၊ ၂၀၁၃
    M-Media
    အမ်တူးအေ
    PfM
    ရန်ကုန် ။           ။         ၂၀၁၃-ခုနှစ် အပြည်ပြည်ဆိုင်ရာ ငြိမ်းချမ်းရေးနေ့ ပွဲတော်ကို အရပ်ဖက်လူမှုအဖွဲ့အစည်းအသီးသီး စုပေါင်းကျင်းပပြုလုပ်နိုင်ရန် ကြိုတင်ညှိနှိုင်းဆွေးနွေးပွဲ တစ်ရပ်ကို ယခု ဇူလိုင်လ ၂၉-ရက်နေ့ မနက်(၉း၃၀)နာရီမှ နေ့လည်(၃)နာရီအထိ ရန်ကုန်မြို့ Park Royal Hotel တွင် ကျင်းပပြုလုပ်မည်ဖြစ်သည်။

    ၂၀၁၃-ခု စက်တင်ဘာ (၂၁)ရက်နေ့တွင် ကျရောက်မည့် အပြည်ပြည်ဆိုင်ရာ ငြိမ်းချမ်းရေးနေ့ ပွဲတော်ကို အရပ်ဖက်လူမှုအဖွဲ့အစည်း အသီးသီး၏ စုပေါင်းအင်အားဖြင့် ကျင်းပပြုလုပ်ရန် တိုင်ပင်ဆွေးနွေးလိုသည့်အတွက် အရပ်ဖက်အဖွဲ့အစည်းများမှ တစ်ဖွဲ့လျှင် ကိုယ်စားလှယ်(၂)ဦးစီ တက်ရောက်ပေးပါရန် Pray for Myanmar လူငယ်များမှ ဖိတ်ကြားကြောင်း သိရသည်။

    တက်ရောက်လိုသည့် အဖွဲ့များနေဖြင့် ဇူလိုင်လ ၂၈-ရက် ညနေ (၅)နာရီနောက်ဆုံးထား၍
    ဒေါက်တာကျော်သူ-092043709, ကိုနိုင်ဦး – 0943098291, ကိုသက်ဆွေဝင်း – 09420029616, ကိုသန့်စင်ထွေး 095154831, ကိုအောင်နိုင်စိုး – 0931429763, ကိုဇော်မင်းလတ် – 095500787 တို့ထံ ဆက်သွယ်အတည်ပြုပေးနိုင်ကြောင်းလည်း သိရသည်။

    “အပြည်ပြည်ဆိုင်ရာ ငြိမ်းချမ်းရေးနေ့ ပွဲတော်အတွက် အခုလို ဆွေးနွေးပွဲလေး ပြုလုပ်ရတဲ့ ရည်ရွယ်ချက်က အပြည်ပြည်ဆိုင်ရာ ငြိမ်းချမ်းရေးနေ့ကို ကျွန်တော်တို့ ကြိုဆိုတယ်၊ ဂုဏ်ပြုတယ်။ ပြီးတော့ ကျွန်တော်တို့ မြန်မာနိုင်ငံကြီးမှာလည်း ငြိမ်းချမ်းချင်တယ်၊ ငြိမ်းချမ်းရေးကို လိုလားတယ်။ ဒါကြောင့် ငြိမ်းချမ်းမယ့် နည်းလမ်းတွေကို ကျွန်တော်တို့တွေ အတူပူးပေါင်း ဆွေးနွေးလုပ်ဆောင်ကြမယ်။ အဲဒီ ရည်ရွယ်ချက်နဲ့ လုပ်ဖြစ်တာပါ။ ဒါကြောင့် အခြားသော CSO တွေအနေနဲ့ ပူးပေါင်းပါဝင်ပေးကြဖို့ အခုဆွေးနွေးပွဲကိုလည်း တဖွဲ့ကို ၂-ယောက် တက်ရောက်ပေးကြဖို့ ဖိတ်ကြားပါတယ်”လို့ အစီအစဉ်ကို ဦးဆောင်သည့် Pray for Myanmar မှ M-Media ကို ပြောပြခဲ့ပါတယ်။

  • ဘာသာရေးဓလေ့ စရိုက်များ လေ့လာရေးနှင့် ငြိမ်းချမ်းရေးနှီးနှော ဖလှယ်ပွဲ ကို အစ္စလာမ် ဗလီဝတ်ကျောင်းမှာ စတင်ပြုလုပ်

    ဇွန်လ ၁၆၊ ၂၀၁၃
    M-Media
    သတင်း – ဆူးထက်

    Pray for Myanmar ဦးစီးသော ”ဘာသာရေးဓလေ့ စရိုက်များ လေ့လာရေးနှင့်ငြိမ်းချမ်းရေးနှီးနှော ဖလှယ်ပွဲ” ကို ဗိုလ်အောင်ကျော်လမ်းရှိ အစ္စလာမ် ဗလီဝတ်ကျောင်းတော် ၌ပြုလုပ်

    Pray For Myanmar မှ စီစဉ် ပြုလုပ်သည့် “ပွင့်လင်းမြင်သာမှု အတွက် ဘာသာရေး ဓလေ့စရိုက်များ လေ့လာခြင်း အစီအစဉ်နှင့် ငြိမ်းချမ်းရေး နှီးနှောဖလှယ်ပွဲ” အခမ်းအနားကို ရန်ကုန်မြို့ ၊ ဗိုလ်အောင်ကျော်လမ်းရှိ C.S အာရ်ကာတိဗလီတွင် ယခုလ ၁၆ရက်နေ့က နံနက် ၉နာရီမှ နေ့လည် ၁၁နာရီခွဲထိ ကျင်းပပြုလုပ်ခဲ့ကြောင်း သတင်းရရှိသည်။

    P6160029

    အဆိုပါ အခမ်းအနားသို့  ရဟန်းသံဃာတော်များ၊ အစ္စလာမ်ဘာသာရေး ခေါင်းဆောင်များ၊ အရပ်ဖက်လူမှုအသင်း အဖွဲ့အများ၊ မီဒီယာများနှင့် ဖိတ်ကြားထားသော ဧည်သည်တော်များ စုံညီစွာ တက်ရောက်ခဲ့ကြကြောင်း သိရှိရသည်။

    အခမ်းအနား အစီအစဉ် အရ တက်ရောက်လာကြသော ဧည်သည်တော်များ၊ မီဒီယာများမှ ရှေးဦးစွာ ဗလီဝတ်ကျောင်းတော်များ အတွင်း လှည့်လည် ကြည့်ရှူ လေ့လာခဲ့သည်။ ယင်းနောက် Pray For Myanmar မှ တာဝန်ရှိသူ တစ်ဦးက အခမ်းအနားကျင်းပရခြင်းနှင့် ပတ်သပ်၍ တင်ပြပြီးနောက် ဘာသာအသီးသီးမှ ဆရာတော်များနှင့် ဧည်သည်တော်များအား မိတ်ဆက် ပေးကြောင်း သိရသည်။

    ရွှေဝါရောင် ဆရာတော် အရှင်ပဏ္ဍ၀ံသမှ အမှာစကားပြောကြားရာတွင် ” ဦးဇင်းတို့ ဘုရားပေါ်တက်တော့မယ်ဆိုရင် မုဒ်ဦးဝထဲက ဖိနပ်ချွတ်ပြီးတက်ရတယ်။ အဲလိုပဲ ဗလီဝတ်ကျောင်းတော်ကို လာတဲ့အခါမှာ ဟိုးဘက်မှာ သန့်စင်ခန်းတွေရှိတယ်။ သူတို့ရဲ့ ဘာသာရေး ထုံတမ်းစဉ်လာအရ ခန္ဓာကိုယ်ကို သန့်ရှင်းစင်ကြယ်အောင် လုပ်ရမယ်။ စိတ်ထားတွေကို သန့်ရှင်း စင်ကြယ်အောင် လုပ်ရမယ်။ အဲလိုလုပ်ပြီးတဲ့ အခါကြတော့မှ ဗလီဝတ်ပြုတဲ့နေရာကို ၀င်ရတာ ဖြစ်တယ်။ မြန်မာနိုင်ငံမှာ တစ်ဦးနဲ့ တစ်ဦး တည့်ဖို့ လိုအပ်တယ်။ ချစ်ခင်ဖို့ လိုအပ်တယ်။ စိတ်ထဲကနေ ချစ်ခင်နေလို့၊ နှုတ်ထဲကနေ ချစ်ခင်နေလို့ပဲ မရဘူး။ ကိုယ်အမှုအရာ၊ နှုတ်အမူအရာတွေက အစ ကမ္ဘာကသိအောင်၊ ပတ်ဝန်းကျင်က သိအောင် နေထိုင်ပြရမယ်။ ရှည်ရှည်ဝေးဝေးကျရောက်လာမယ့် အန္တရာယ်တွေကို ဦးဇင်းတို့ အနေနဲ့ တွေ့မြင်နေရပါတယ်။

    အဲဒီတော့ မြန်မာလူမျိုးတွေက ဒို့နဲ့ မဆိုင်ဘူး။ စီးပွားရေး အဆင်ပြေတဲ့ ချမ်းသာတဲ့ သူတွေကလည်း ငါတို့နဲ့ မဆိုင်ဘူး၊ တခုခုဆို ဟပ်စကီးနဲ့ ဒို့သွားမယ်၊ အထူး လေယာဉ်နဲ့ ဒို့သွားမယ်၊ ကြိုက်တာနဲ့ သွား၊ ဟိုနိုင်ငံတွေကလည်း မြန်မာဆိုတာနဲ့ ထုမှာပဲ။ ဘာသာလေးမျိုးတွေ ဘာတွေ အဲမှာ သွားပြောလို့ မရဘူး။ အဲဒါကြောင့်မို့လို့ ကိုယ့်အလှည့်မကျခင် ကာကွယ်ပြင်ဆင်မှုတွေ ပေးရမယ်။ ဦးဇင်းတို့ အညာတွေမှာတော့ ရှိပါတယ် မိမိပိုင်တဲ့ မြေတစ်ကွက်ကို ကာထားတာက ခြံစည်းရိုး၊ မိမိနေထိုင်တဲ့ ရပ်ကွက် ဒါမှမဟုတ် ရွာကြီးတစ်ခုလုံးကို ကာထားတာက စည်းရိုး၊ စည်းရိုး ကာဖို့လိုပါပြီ။ စည်းရိုးကိုလည်း ကာပြီးရင် ဒီတိုင်းနေလို့ မရပါဘူး။ ဟိုဘက်ထိပ်၊ ဒီဘက်ထိပ် အလှည့်ကြ စောင့်ပေးဖို့ လိုပါတယ် အဲဒါလေး ပြောရင်းနဲ့ နိဂုံးချုပ်ပါတယ် ” ဟု ထည့်သွင်းပြောကြားခဲ့သည်။

    P6160021

    အရှင်ဆန္ဒသီရိ ( အင်းစိန်)မှ ” ကိုရင့်အနေနဲ့ မေတ္တာရပ်ခံချင်တာက သတင်းမီဒီယာတွေပါ။ ကိုရင့် အနေနဲ့ အရင်းအနှီးဆုံးနှင့် အားအကိုးဆုံးဟု ပြောလျှင် သတင်းမီဒီယာတွေပါပဲ။ ဒါပေမယ့် အစိုးရိမ်ဆုံးနှင့် အကြောက်ဆုံးကလည်း သတင်းမီဒီယာတွေပါပဲ။ သတင်းမီဒီယာတွေဟာ နိုင်ငံတော်က တရားဝင် ကြေညာထားတဲ့ အတိုင်း သတင်းမီဒီယာဆိုတာ စတုတ္ထမဏ္ဍိုင် ဖြစ်သလို၊ ကမ္ဘာကြီးတစ်ခုလုံးကို ကိုင်လှုပ်နိုင်တာကလည်း သတင်းမီဒီယာတွေပဲ ဖြစ်ပါတယ်။ ခုချိန်မှာ သတင်းမီဒီယာတွေ အနေနဲ့ သတိကြီးကြီး ဥာဏ်ကြီးကြီးထားပြီးတော့ ရေရှည်အကျိုးကို မျှော်တွေး ပြီးတော့ ဆောင်ရွက်ဖို့ လိုပါတယ်။ ကိစ္စရပ်တွေ တစ်ခုတစ်ခုကို ဖော်ပြ ဖြန့်ချီတော့မယ့် အခါမှာ မိမိတို့ လိုချင်တဲ့ သတင်းဦးရရေး၊ သတင်းထူး ရရေး၊ မိမိတို့ သတင်းဌါန တစ်ခုရဲ့အမည်နာမ ပေါ်လွင်ရေး ဆိုတာကို ဦးမတည်ဘဲနဲ့ ညီညွှတ်ရေး၊ ငြိမ်းချမ်းရေး၊ ကောင်းကျိုး တရားတွေ ဖြစ်ထွန်းရေးဆိုတဲ့ အကြောင်းတရားတွေ ဦးတည်ပြီေးတော့ မှန်မှန်ကန်ကန် ဖော်ပြကြဖို့လိုပါတယ်။ ဆွေးနွေးလိုက်တဲ့ အကြောင်းအရာတိုင်းမှာ မိမိတို့ လိုချင်တဲ့ အကြောင်းအချက်လေးကိုပဲ ကောက်နုတ်ပြီးတော့ ဖော်ပြကြမယ်ဆိုရင် စကားတွေဟာ တစ်ခါတစ်လေမှာ အရှေ့ အနောက် ချိပ်ဆက်ပြီးတော့မှ အဓိပ္ပယ်တစ်ခု ပြည့်စုံသွားတဲ့ အကြောင်းတရားတွေ ရှိပါတယ်။ အရှေ့မှာပြောခဲ့တဲ့ အကြောင်းတရားတစ်ခုကိုထဲ ရွေးချယ်ပြီးတော့၎င်း၊ အလယ် အနောက် စသဖြင့် အကြောင်းအရာ တစ်ခုကိုပဲ ရွေးချယ်ပြီးတော့ ဖော်ပြမယ်ဆိုရင် အရှေ့၊ အနောက် သုံးပါး စလုံး မချိတ်ဆက်မိဘူး ဆိုရင် အဲဒီ အဓိပ္ပာယ်တွေဟာ အယူလွဲသွားနိုင်ပါတယ်။ ကောက်ချက် လွဲသွားနိုင်ပါတယ်။ အမြင် လွဲသွားနိုင်ပါတယ်။ ယနေ့ ပြဿနာတိုင်းရဲ့အကြောင်းတရားသည် ကောလဟာလတွေက စတာပါ။ ကောလဟာလမီးတွေကို ချုပ်ငြိမ်းအောင် လုပ်နိုင်ရင် ပဋိပက္ခတွေ မဖြစ်နိုင်ပါဘူး။ ပဋိပက္ခတွေ မဖြစ်အောင် သတင်းမီဒီယာတွေ အနေနဲ့ အကျိုးဆောင်မှုက အများကြီး အရေးကြီးပါတယ်။ ဒါကြောင့် သတင်းမီဒီယာတွေ အနေနဲ့ မှန်မှန်ကန်ကန် ပြည့်ပြည့် စုံစုံ အကြောင်းတရားတွေ ဖော်ပြပေးကြပါ။ မိမိရဲ့ အတ္တ၊ အကျိုး စီးပွား တစ်ခုကိုပဲ ရှေ့ရှူ့ မထားဘဲနဲ့ နိုင်ငံနဲ့ လူမျိုး အကျိုး စီးပွား၊ နိုင်ငံသူ နိုင်ငံသားတွေရဲ့ အကျိုးစီးပွား၊ ငြိမ်းချမ်းရေးနှင့် ညီညွှတ်ရေး အကျိုးစီးပွားကို ရှေ့တန်းတင် ဦးထပ်ထားပြီး သတင်းမီဒီယာတွေရဲ့ ကျင့်ဝတ်နဲ့ အညီ ဆောင်ရွက်ပေးကြဖို့လည်း မေတ္တာရပ်ခံချင်ပါတယ် ” ဟုထည့်သွင်းပြောကြားခဲ့သည်။

    ဆရာ ဒေါက်တာ ဦးမြင့်သိန်းမှ ” ဒီကနေ့ ပြုလုပ်တဲ့ အစီအစဉ်ဟာ တရားဟောပြောပွဲ အစီအစဉ် မဟုတ်ပါဘူး။ မီဒီယာများ အနေနဲ့ ဖော်ပြပါ နှီးနှောဖလှယ်ပွဲ ဆိုတဲ့ ပြုလုပ်တဲ့ ခေါင်းစဉ်ရဲ့ နာမည်လေးကိုလည်း ပီပီပြင်ပြင် ဖော်ပြပေးဖို့ မေတ္တာရပ်ခံပါတယ်။ အခု ဒီအခမ်းအနားဟာ ဗလီဝတ်ကျောင်းတော်တွေမှာ ငြိမ်းချမ်းရေးနဲ့ ဆန့်ကျင့်တဲ့ အမုန်းတရား ဖြန့်ချီတယ်လို့ စွပ်စွဲထားသလို မဟုတ်ဘူးဆိုတာကို ပြခြင်းဖြစ်ပါတယ်။ ပြီးတော့ ဗလီဝတ်ကျောင်းတော်တွေဟာ ငြိမ်းချမ်းရေး စင်တာ ဖြစ်ကြောင်း ပြသခြင်း ဖြစ်တယ်” ဟု ထည့်သွင်းပြောကြားခဲ့သည်။

    P6160090

    ” ဟိုတလောက ဗလီတွေကို တရားဝင်မရှိဘူးလို့ ညွှန်ကြားရေးမှူး ရဲ့ပြောကြားချက်ကို မြန်မာနိုင်ငံမှာ ရှိတဲ့ အစ္စလာမ် သာသနာ ဘာသာရေး အဖွဲ့ငါးဖွဲ့က သမ္မတဆီ စာပို့ပြိး ရာထူးက ဖြုတ်ချဖို့၊ တရားစွဲဖို့ လုပ်မယ်လို့ ကြားပါတယ် အဲဒါ ဟုတ်ပါသလား ” ဟု ELEVEN MEDIA သတင်းထောက်မှ မေးမြန်းချက်ကို ” ကျွန်တော်က အစ္စလာမ် သာသနာရေးရာ ကောင်စီ ဌါနချုပ်ရဲ့ ဓမ္မသတ်မှုး အုမရ်မြင့်နိုင်ပါ။ အဲလို ကြေညာ ပြီးတဲ့ နောက် သူက ချက်ချင်းပဲ လွဲမှားစွာ ပြောမိတယ် ဆိုတာကို ၀န်ခံပါတယ်။ ပြန်ပြီး ကြေညာ ပါတယ်။ အဲဒီ့ အတွက် ဒီဘက်က အဖွဲ့အစည်းတွေ အနေနဲ့ တရားစွဲစရာ မရှိပါဘူး။ သူလွဲမှားပြီး ပြောတာပါလို့ ပြောပြီးပါပြီ။ မြန်မာနိုင်ငံမှာ ခြံစည်းရိုးကာတာ၊ အိမ်သာဆောက်တာတောင် ခွင့်ပြုချက် ယူပြီးမှ လုပ်ရတာပါ။ မြန်မာနိုင်ငံအတွင်းမှာ ရှိတဲ့ ဗလီ ၀တ်ကျောင်းတော်တွေဟာ နိုင်ငံတော်ရဲ့ ခွင့်ပြုချက်နဲ့ တရားဝင် ရှိနေတဲ့ ဗလီတွေပါ။ ဒီအစိုးရ မတိုင်မှီ ဟိုးဘုရင်တွေ မင်းတုန်းမင်းတို့၊ သီပေါတို့ လကထက်ကတည်းက နန်းတော်တွင်းမှာပင် မင်းတုန်းမင်း ကိုယ်တိုင်က ရွှေအုပ်ချပြီး ဗလီဆောက်ပေးခဲ့တာပါ။ မန်းလေး မြို့တော်မှာ မင်းတုန်းမင်းကြီး လက်ထက်က ဗလီပေါင်း (၆၄)လုံး တရားဝင်ရှိခဲ့ပါတယ်။ အဲဒီတော့ ဒီအဖွဲ့အစည်းတွေက တိုင်မယ်လို့ တရားစွဲမယ်တို့ဆိုတာ လုပ်စရာတောင် မလိုပါဘူး။ သူကိုယ်တိုင်က မှားယွင်းစွာ ပြောဆိုမိတယ် ဆိုတာကို ဖြေကြားသွားတဲ့ အတွက် ဒီဘက်က အဖွဲ့ အစည်းတွေ အနေနဲ့ တိုင်ဖို့ တောဖို့ ဆိုတာကို စဉ်းတောင် မစဉ်းစားလိုက်ရပါဘူး ” ဟု ဆရာ အုမရ်မြင့်နိုင်မှ ထည့်သွင်းဖြေကြားခဲ့သည်။

    ဆရာတို့အနေနဲ့ ဟိုးအရင်ကာလတုန်းက ဗလီတွေမှာ အက်ဆစ်တွေ သိုလှောင်ထားတယ်။ လက်နက်တွေ သိုလှောင်ထားတယ် ဆိုတဲ့ သတင်းထွက်ပေါ် လာတော့ ဆရာတို့အနေနဲ့ အဲဒီ့ သတင်းတွေကို ပြန်ကြားတာမျိုး၊ ရှိလား။ အဲလို သတင်းထွက်တဲ့ ဗလီတွေကိုလည်း သွားရောက် စစ်ဆေးတာမျိုး၊ ဘာသာရေး ခေါင်းဆောင်တွေ အနေနဲ့ သက်ဆိုင်ရာ ဗလီတွေရဲ့ တာဝန်ခံတွေဆီ လှမ်းစုံစမ်းတာလို့ လုပ်ခဲ့တာမျိုး ရှိလား ” ဟု Pray For Myanmar မှ လူငယ်တစ်ဦးမှ မေးမြန်းချက်ကို ” ကျွန်တော်တို့က အခု ဗလီထဲကို ၀င်ရောက်လေ့လာပါ လို့အခုက ဖိတ်ခေါ်တာပါ။ သက်ဆိုင်ရာ အာဏာပိုင်မှ မော်လမြိုင်နဲ့အချို့နေရာတော်တော်များများမှာ ရန်ကုန်လည်း ပါပါတယ်။ ကျွန်တော်တိ်ု့ မင်္ဂလာတောင်ညွှန့် ဘက်တွေလည်း ပါပါတယ်။ ဘာမှ ကြိုတင် အကြောင်းကြားခြင်းမရှိဘဲ သက်ဆိုင်ရာ ရဲတွေရောက်လာပြီး

    အကုန်စစ်ဆေးသွားခဲ့ပြီးပါပြီ။ ကျွန်တော်တ်ို့က ဆက်ပြီးတော့ လူထုကို အရှိတိုင်းလေး သိစေချင်လို့ မြင်စေချင်လို့ အခုလို ခေါ်ဆောင်တာပါ။ ကျွန်တော်တို့ ဗလီထဲမှာ ဘာမှ မရှိတဲ့ အတွက် ဘာမှကို မလုပ်ပါဘူး။ ကျွန်တော်တို့က ဗလီဝတ်ကျောင်းတော်တွေမှာ ဘာမှ မရှိဘူး ဆိုတာကို သိတဲ့ အတွက် လုံးဝ သံသယ ရှိတာမျိုး မဖြစ်ဘူး။ ကြိုပြီး မေးမြန်းတာမျိုး မရှိပါဘူး ” ဟု ဆရာဒေါက်တာ မြင့်သိန်းမှ ပြန်လှန်ဖြေကြားခဲ့ကြောင်း သိရသည်။

    တစ်ယောက်နဲ့ တစ်ယောက် ရှိနေတဲ့ သံသယ တွေဖြေဖျောက်ဖို့ ဆိုတာ ပွင့်လင်း မြင်သာဖို့ လိုတဲ့ အတွက် ဒီပွဲလေး ကျင်းပတာဟာ အင်မတန်ကောင်းပါတယ်။ တစ်ဖက်နဲ့ တစ်ဖက် နားလည်မှုတွေ ရှိလာပြီ၊ ပွင့်လင်း မြင်သာမှုတွေ ရှိလာပြိ ဆိုရင် တစ်ဖြည်းဖြည်း အမြင်တွေ ရှင်းလာမယ်။ ဘာသာဝင်တွေ အားလုံး ညီညွှတ်ဖို့လိုတယ်။ ညီညွှတ်ဖို့ ဆိဲု့ စိတ်မှာ ကိုယ့်ရဲ့ အတ္တလွှာတွေကို ခွာဖို့လိုတယ်။ ကိုရင်တို့ အင်းစိန်မှာ ဗုဒ္ဓဘာသာ အချင်းချင်းလည်း ညီညွှတ်တယ်။ အစ္စလာမ်ဘာသာ အချင်းချင်းလည်း ညီညွှတ်တယ်။ အစ္စလာမ် ဘာသာနဲ့ ဗုဒ္ဓဘာသာလည်း ညီညွှတ်တယ်။ ကောလဟာလတွေ ဖြစ်တဲ့အချိန်မှာ အင်းစိန်မှာ ကောလာဟာလတွေ အများဆုံး ထွက်တယ်။ ကောလဟာလတစ်ခု ထွက်တိုင်း ဘယ်ဗလီကိုတော့ ၀ိုင်းနေတယ်လို့ ပြောရင် ဗလီကို ဖုန်းဆက်တယ်။ ဟုတ်သလား ။ မဟုတ်ဘူး လို့ ဖြေရှင်းတယ်။ ကိုရင်တို့ကလည်း သွားစောင့်ရှောက် ပေးတယ်။ ဗုဒ္ဓဘာသာ ဘုန်းကြီးကျောင်းကို ဘယ်သူကတော့ လာလုပ်တယ် ဆိုရင်လည်း ဆက်သွယ် မေးမြန်းတယ်။ ၀ိုင်းပြီး စောင့်ရှောက်ပေးတယ်။ ကောလဟာလတွေကို အချိန်နဲ့ တပြေးညီ ဖြေရှင်းနိုင်တဲ့ အခါမှာ ဒါက ညီညွှတ်မှု အားပေါ့။ ကိုယ့်အချင်းချင်းလည်း ညီညွှတ်တယ်။ တစ်ဖွဲ့နဲ့ တစ်ဖွဲ့လည်း အပြန်အလှန် ညီညွှတ်နေကြတယ် ဆိုတော့ အခြား အကြမ်းဖက်မှုတွေ၊ ဖျက်ဆီးလိုတဲ့ လူတွေ ၀င်မရောက်နိုင်တော့ဘူးပေါ့။ အဓိက ကတော့ သတင်းတွေ မှန်ကန်ဖို့ရယ်၊ ကောလဟာလတွေ ချေဖျက်နိုင်ဖို့ရယ်၊ ညီညွှတ်ဖို့ရယ် ပဲလိုပါတယ်’ ဟု ဆရာတော် အရှင်ဆန္ဒာသီရိ မှ M-Media သို့မိန့်ကြားပါသည်။

    P6160098

    အခမ်းအနား ကျင်းပပြုလုပ်ရာဖြစ်သော ဗိုလ်အောင်ကျော်လမ်းရှိ C.S အာရ်ကာတိဗလီ ဥက္ကဌ ဦးဇော်ဝင်းမှလည်း ” အစ္စလာမ် ဘာသာဝင်တွေရဲ့ ၀တ်ပြုတဲ့ ဗလီတွေကို ကောလဟာလတွေ အမျိုးမျိုး ထွက်နေတယ်။ ကောလဟာလတွေ ပြေပျောက်သွားအောင်၊ လူတွေရဲ့ မှန်ကန်တဲ့ အသိ အမြင်တွေ ရအောင် ရည်ရွယ်ချက်နဲ့ လုပ်တာပါ။ နောက် ဘာသာပေါင်းစုံ လာတွေ့တယ် ဒီမှာ အမြင်မရှင်းတာ ရှိရင် ရှင်းအောင်၊ လူများများ သိသွားအောင်၊ အထင်အမြင် လွဲမှားနေတဲ့ သူတွေ အမှန်ကို သိသွားအောင် အခုလို ကျင်းပ ဖြစ်တာပါ။ မီဒီယာတွေ အနေနဲပလည်း အမှန်တရားကို အမှန်အတိုင်း ရေးပေးဖို့ ပြောကြားလိုပါတယ် ” ဟု M-Media သို့ပြောသည်။

    ယင်းနောက်  ရွှေဝါရောင် ဆရာတော် အရှင်ပဏ္ဍ၀ံသ၊ အရှင်ဆန္ဒသီရိ ( အင်းစိန်) ၊ တရာရုံးချုပ် ရှေ့နေ ဦးကိုနီ၊ ဆရာ ဒေါက်တာ  ဦးမြင့်သိန်း၊ဆရာ အုမရ်မြင့်နိုင်၊ ဆရာ ဦးမင်းနိုင် (၀ါးခယ်မ မောင်မင်းနိုင်)၊ အလ်ဟာဂ်ျ မောင်လာနာ ဖလ်လွလ်ဟက်၊ အလ်ဟာဂ်ျမောင်လာနာ အစ်ဒွရ်ကဒဲရ်၊ အလ်ဟာဂ်ျ မောင်လာနာ အဗ်ဒွရ်ခါလိန် တို့မှ သတင်းမီဒီယာများ၏ သိလိုသည်များကို မေးမြန်း ချက်များအား ပြန်လှန်ဖြေကြားခဲ့ကြောင်း သတင်းရရှိသည်။

    Pray For Myanmar Youth Network အဖွဲ့အစည်းတွင်ဘာသာပေါင်းစုံ၊ လူမှုအဖွဲ့အစည်း ပေါင်းစုံတို့မှ လူငယ်များပါဝင်ပြီး မတ်လ ၂၈ ရက်နေ့က YMCA တွင်ဘာသာပေါင်းစုံ ဆုတောင်းပွဲကို ငြိမ်းချမ်းရေး လှုပ်ရှားမှုအနေဖြင့် စတင်ပြုလုပ်ခဲ့၍ “ကျွန်ုပ်ကြောင့် ဘာသာရေး ပဋိပက္ခ မဖြစ်စေရ” စာတန်းပါတီရှပ်များ၊ စတေကာများ“ဘာသာလူမျိုးမခွဲခြားမြန်မာနိုင်ငံသား” ဟူသော လက်ကမ်း ပိုစတာများကို အခမဲ့ ဖြန့်ဝေသည့် လှုပ်ရှားမှုများကို ရန်ကုန်မြို့နှင့် နယ်မြို့များတွင်ပါ စတင်ဆောင်ရွက်ခဲ့သည့် အဖွဲဖြစ်သည်။

    အဆိုပါ အခမ်းအနားသို့ လူဦးရေ (၆၀)ကျော် တက်ရောက်ခဲ့ကြောင်း သိရသည်။

    More  Photo>>

  • Pray For Myanmar မှ စီစဉ်တဲ့ “ဘာသာတရားများ ငြိမ်းချမ်းရေး နှီးနှောဖလှယ်ပွဲ”

    ဇွန် ၁၂၊ ၂၀၁၃
    M-Media
    မောင်ပုည

    Pray For Myanmar လူငယ်ကွန်ရက်မှ ပွင့်လင်းမြင်သာမှု အတွက် ဘာသာရေးဓလေ့ စရိုက်များ လေ့လာခြင်း အစီအစဉ်နှင့် ငြိမ်းချမ်းရေး နှီးနှောဖလှယ်ပွဲအား အပါတ်စဉ် တနင်္ဂနွေနေ့တိုင်း ဗုဒ္ဓဘာသာနှင့် အစ္စလာမ်ဘာသာရေးဆိုင်ရာ အဆောက်အဦးများတွင် တစ်လှည့်စီ ကျင်းပသွားမည်ဖြစ်ကြောင်းသိရသည်။

    1

    ၂၀၁၃ ခုနှစ် ဇွန်လ ၁၆ ရက် (တနင်္ဂနွေနေ့) တွင် ရန်ကုန်မြို့ ကျောက်တံတားမြို့နယ်၊ ဗိုလ်အောင်ကျော်လမ်း မှာရှိတဲ့ အစ္စလာမ်ဘာသာဝင်တို့ရဲ့ ဗလီဝတ်ကျောင်းတော်တွင် မနက် ၉ နာရီမှ နေ့လည် ၁၂ နာရီအထိ အောက်ပါ အခမ်းအနား အစီအစဉ်အတိုင်း ပြုလုပ်မည်ဖြစ်ကြောင်း သိရသည်။

    အခမ်းအနားအစီအစဉ်
    ၉း၀၀ – ၉း၃၀ ( ဗလီအတွင်းလေ့လာခြင်းနှင့် ဘာသာရေးစာပေများ လေ့လာခြင်း )
    ၉း၃၀ – ၁၀း၃၀ ( အစ္စလမ်နှင့် ငြိမ်းချမ်းခြင်း ခေါင်းစဉ်ဖြင့် ဟောပြောခြင်း)
    ၁၀း၃၀ – ၁၁း၃၀ ( တက်ရောက်လာသူများမှ သိလိုသည်များကို မေးမြန်းဆွေးနွေးခြင်း)
    ၁၁း၃၀ – ၁၂း၀၀ ( ကျွေးမွေးဧည့်ခံခြင်း )

    ဘာသာရေးဓလေ့ စရိုက်များ လေ့လာခြင်း အစီအစဉ်နှင့် ငြိမ်းချမ်းရေး နှီးနှောဖလှယ်ပွဲ အစီအစဉ်ကို မည်သည့် ဘာသာဝင်မဆို တက်ရောက်နိုင်ပါကြောင်း ကို Pray For Myanmar ၏ တရားဝင် FB စာမျက်နှာတွင် ကြေညာထားတာကို တွေ့ရှိရပါသည်။

    Pray For Myanmar Youth Network အဖွဲ့အစည်းတွင်ဘာသာပေါင်းစုံ၊ လူမှုအဖွဲ့အစည်း ပေါင်းစုံတို့မှလူငယ်များပါဝင်ပြီး မတ်လ ၂၈ ရက်နေ့က YMCA တွင်ဘာသာပေါင်းစုံ ဆုတောင်းပွဲကို ငြိမ်းချမ်းရေး လှုပ်ရှားမှုအနေဖြင့်စတင်ပြုလုပ်ခဲ့၍ “ကျွန်ုပ်ကြောင့် ဘာသာရေး ပဋိပက္ခ မဖြစ်စေရ” စာတန်းပါတီရှပ်များ၊ စတေကာများ“ဘာသာလူမျိုးမခွဲခြားမြန်မာနိုင်ငံသား” ဟူသောလက်ကမ်း ပိုစတာများကို အခမဲ့ ဖြန့်ဝေသည့် လှုပ်ရှားမှုများကို ရန်ကုန်မြို့နှင့် နယ်မြို့များတွင်ပါ စတင်ဆောင်ရွက်ခဲ့သည့် အဖွဲဖြစ်သည်။

  • ကမ္ဘောဒီးယားနှင့် မြန်မာ ဘာသာရေးခေါင်းဆောင်များ အတွေ့အကြုံဆွေးနွေး ဖလှယ်နိုင်ရန် စီစဉ်

    IMG_20130410_155732
    Pray For Myanmar အဖွဲ့ရဲ့ ငြိမ်းချမ်းလှုပ်ရှားမှု စတေကာ ဆောင်ပုဒ်များ

    ရန်ကုန် – မေ ၂၇၊ ၂၀၁၃ (မော်ကွန်း)

    ကမ္ဘောဒီးယားနိုင်ငံမှ အစ္စလာမ်ဘာသာနှင် ဗုဒ္ဓဘာသာ ခေါင်းဆောင်များကို ဖိတ်ကြားကာ ၎င်းတို့နိုင်ငံတွင် မတူညီသည့် ဘာသာဝင်များ မည်သို့ငြိမ်းချမ်းစွာ ယှဉ်တွဲနေထိုင်ကြသည်ကို မြန်မာနိုင်ငံရှိ ဘာသာရေး ခေါင်းဆောင်များနှင့်တွေ့ဆုံဆွေးနွေးနိုင်ရန် လူငယ် ကွန်ယက်တစ်ခုဖြစ်သော Pray For Myanmar မှ စီစဉ်နေကြောင်း မော်ကွန်းမဂ္ဂဇင်းသို့ပြောသည်။

    ၎င်းတွေ့ဆုံပွဲကို ရန်ကုန်မြို့တွင် အမြန်ဆုံး ကျင်းပနိုင်ရန် စီစဉ်လျှက်ရှိပြီး အဓိကအားဖြင့် ကမ္ဘောဒီးယားနိုင်ငံတွင် မတူညီသည့်ဘာသာဝင်များ အကြား ပဋိပက္ခများ မဖြစ်ပွားအောင် ထိန်းသိမ်းပုံနှင့် မည်ကဲ့သို့ငြိမ်းချမ်းစွာ ယှဉ်တွဲနေထိုင်ကြသည်ကို ဆွေးနွေးကြမည်ဖြစ်သည်။

    “ကမ္ဘောဒီးယားမှာ မွတ်ဆလင်တွေလည်း အများစုရှိတယ်၊ ဗုဒ္ဓဘာသာဝင်တွေလည်းရှိတယ်၊ ကျွန်တော်တို့နိုင်ငံလိုမျိုးပဲ။ ဒါပေမဲ့ ဘာပြဿနာမရှိဘူး “ဟု Pray For Myanmar မှ ဦးဆောင်သူတစ်ဦးဖြစ်သူ ကိုသက်ဆွေဝင်း မှပြောသည်။

    မြန်မာငြိမ်းချမ်းရေးစင်တာ(MPC)မှ တာဝန်ရှိသူများနှင့်လည်း ဆွေးနွေးကာ နိုင်ငံတော် အဆင့် ဆွေးနွေးပွဲတစ်ခု ဖြစ်လာစေရန် စီစဉ်လျှက်ရှိနေသည်ဟု ကိုသက်ဆွေဝင်းကပြောသည်။

    Pray For Myanmar ကွန်ယက်သည် ဘာသာပေါင်းစုံမှ လူငယ်များနှင့် ဖွဲ့စည်းထားပြီး လူစည်ကား ရာနေရာများတွင် “လူမျိုးဘာသာ မခွဲခြားမြန်မာနိုင်ငံသား” ၊ “ကျွန်ုပ်ကြောင့် ဘာသာရေး လူမျိုးရေး ပဋိပက္ခမဖြစ်စေရ” စသောဆောင်ပုဒ်များ ရိုက်နှိပ်ထားသော စတေကာများနှင့် အင်္ကျီများ အခမဲ့ဖြန့်ဝေနေသော လူငယ်ကွန်ယက်ဖြစ်သည်။ ။

    source: Maw Kun Magazine

  • ဘာသာပေါင်းစုံ လူငယ်များနှင့် အရပ်ဖက်လူမူ အဖွဲ့အစည်းများမှ သဘောထား ထုတ်ပြန် ကြေညာချက်အား ဆက်သွယ် မေးမြန်းချက်

    ဘာသာပေါင်းစုံ လူငယ်များနှင့် အရပ်ဖက်လူမူ အဖွဲ့အစည်းများမှ သဘောထား ထုတ်ပြန် ကြေညာချက်အား ဆက်သွယ် မေးမြန်းချက်

    မေလ-၁၅၊ ၂၀၁၃
    M-Media
    သတင်း – ဆူးထက်

    မြန်မာနိုင်ငံအတွင်း ဖြစ်ပွားခဲ့သော ဘာသာရေး၊ လူမျိုးရေး အကြမ်းဖက်မူများနှင့် စပ်လျဉ်း၍ ဘာသာပေါင်းစုံ လူငယ်များနှင့် မြန်မာအရေး ဆောင်ရွက်နေသော အရပ်ဖက်လူမူအဖွဲ့အစည်းများမှ မေလ ၁၄-ရက်နေ့က ထုတ်ပြန်ခဲ့သော သဘောထားကြေငြာချက်နှင့် ပတ်သတ်၍ ဦးဆောင်သူ Pray For Myanmar လူငယ်ကွန်ရက်မှ လူငယ်တစ်ဦးဖြစ်သော ကိုသန့်ဇင်ထွေးမှ M-Media မှ ဆက်သွယ်မေးမြန်းခဲ့ပါသည်။

    M-Media – Pray For Myanmar မှ ဦးဆောင် စီစဉ်ပြီး ကြေညာချက်ထုတ်ဖြစ်ခဲ့တဲ့ ရည်ရွယ်ချက် ကိုပြောပြပေးပါ။

    ဖြေ – ဒီကြေညာချက် ထုတ်ရတဲ့အကြောင်းက မိထ္တီလာကနေစပြီး ဥက္ကံ အထိ ဖြစ်ပွားခဲ့တဲ့ အကြမ်းဖက်မူတွေ၊ အကြမ်းဖက်မူတွေ ပေါ်ပေါက်လာဖို့ လှုံ့ဆော်တာနဲ့ ပတ်သတ်ပြီး ဘာသာပေါင်းစုံက လူငယ်တွေက အကြမ်းဖက်မှုကို လက်မခံဘူးဆိုတဲ့ အကြောင်းရယ်၊ အကြမ်းဖက်မူတွေ ဖြစ်ပေါ်လာအောင် သွေးထိုး လှုံ့ဆော်သူတွေဖြစ်တဲ့ နောက်ကွယ်က ကြိုးကိုင်နေသူတွေကို အရေးယူမူ အပိုင်းမှာ အားနည်းနေတဲ့အတွက် အမြန်ဆုံးဖော်ထုတ် အရေးယူပေးဖို့ တောင်းဆိုချင်တာရယ်၊ လူမျိုး ဘာသာမခွဲခြားဘဲ တရားဥပဒေအောက်မှာ တန်းတူ အခွင့်အရေးရရှိနိုင်ဖို့နဲ့ တရားဥပဒေစိုးမိုးရေးကို ဆောင်ရွက်နိုင်ဖို့ ရယ်၊ ပြည်ပမှာ အကြမ်းဖက်မူများ လုပ်ဆောင်ရန် နှိုးဆော်ခြင်းကို ပြည်ပနိုင်ငံတွေမှာ ရောက်နေတဲ့ မြန်မာနိုင်ငံသား လူနည်းစု ဗုဒ္ဓ ဘာသာတွေ လုံခြုံမူ ရရှိစေဖို့ စတဲ့ အချက်တွေနဲ့ ပြည်တွင်းမှာလည်း တစ်တိုင်းပြည်လုံး ငြိမ်းချမ်းသွားစေချင်တဲ့ ရည်ရွယ်ချက်နဲ့ ထုတ်ပြန်ကြေညာခဲ့တာပါ။

    M-Media – အကိုတို့ ကြေညာချက် ထွက်လာပြီးတဲ့ နောက်တနေ့မှာပဲ ပြည်တွင်း၊ ပြည်ပ မီဒီယာအချို့က ဒီကြေငြာချက်က ဂျီဟာဒ်ဆိုတာကို ဆန့်ကျင်တဲ့ ကြေညာချက် တစ်ခုတည်းကို ဇောင်းပေးဖော်ပြနေတာနှင့် ပတ်သက်ပြီး ဘာများပြောချင်ပါသလဲ။

    ဖြေ – ဂျီဟာဒ်အမည်ခံ အလွဲသုံးစားလုပ်ပြီး အကြမ်းဖက်တာကို ကျွန်တော်တို့က လက်မခံတာပါ။ ဂျီဟာဒ် ဆိုတာက အကြမ်းဖက်တာ၊ သာသနာပြုတာ၊ နယ်မြေ ချဲ့ထွင်တာ မဟုတ်ပါဘူး။ ကျွန်တော်တို့က မည်သည့် အကြမ်းဖက်မှုကိုမှ လက်မခံပါဘူးဆိုတဲ့ အကြောင်းကို ကျွန်တော်တို့ ကြေညာချက်မှာ ပြည့်စုံစွာ ဖော်ပြထားပါတယ်။ ဒီကြေငြာချက်ကို ရရှိတဲ့ တာဝန်ရှိသူတွေ၊ မီဒီယာတွေ၊ ပြည်သူတွေက ပြည်ြ့ပည့် စုံစုံ ဖတ်စေချင်ပါတယ်။ မီဒီယာတွေက မိမိလိုရာဆွဲပြီး အသားပေးမဖော်ပြဖို့ ၊ မလုပ်ဖို့ပြောချင်ပါတယ်။

    M-Media – ဒီအကြောင်းအရာတွေနှင့် ပတ်သတ်ပြီး ဘာများဖြည့်စွက်ပြောကြားလိုပါသေးသလဲ။

    ဖြေ – “မြန်မာနိုင်ငံ၏ တရားဥပဒေအောက်တွင် ဘာသာလူမျိုး မခွဲခြားဘဲ တန်းတူအခွင့်အရေး ရရှိနိုင်ရန်နှင့် တရားဥပဒေစိုးမိုးရေးကို ပိုမိုအလေးထား ဆောင်ရွက်ပါရန် သက်ဆိုင်ရာပုဂ္ဂိုလ်များအား တောင်းဆိုသည်” ဟုကြေငြာချက် အမှတ်(၄)မှာ ဖော်ပြထားတာနဲ့ ပတ်သတ်ဆက်စပ်ပြီး ပြောချင်တာက အင်ဒိုနီးရှားနိုင်ငံမှာ ရက်တစ်ပတ်က မြန်မာသံရုံးကို ဗုံးခွဲမယ့် သံသယရှိသူနှစ်ဦးကို ဖမ်းဆီးခဲ့ပါတယ်။ လွန်ခဲ့တဲ့ ၂-ရက်တုန်းကလည်း အဲဒီဖြစ်ရပ်ရဲ့ နောက်ကွယ်က ကြိုးကိုင်သူတွေကို ဖမ်းဆီးရင်း အပြန်အလှန်ပစ်ခတ်ကြရာ(၇)ယောက်ကို အသေပစ်ခတ်ဖမ်းဆီးခဲ့ပြီး (၆)ယောက်ကို အရှင်လက်ရ ဖမ်းဆီးခဲ့တယ်။

    ကျွန်တော်ပြောချင်တာက အင်ဒိုနီးရှားနိုင်ငံက အစ္စလာမ်နိုင်ငံတစ်ခု ဖြစ်တယ်။ သူတို့ဟာ ဂျီဟာဒ်ဆိုတာနဲ့ အကြမ်းဖက်မှုဆိုတာကို ကွဲကွဲပြားပြားနားလည်တယ်။ အဲလိုပဲ ကျွန်တော်တို့ကလည်း ဂျီဟာဒ်နဲ့ အကြမ်းဖက်မူကို ကွဲကွဲပြားပြား နားလည်တာကြောင့် မဆိုင်တဲ့ သူတွေကို မနစ်နာစေချင်တဲ့အတွက် ဂျီဟ.ဒ်အမည်ကို အလွဲသုံးစားလုပ်ပြီး အကြမ်းဖက်မှာကို ဆန့်ကျင်တာဖြစ်တယ်။ အားလုံးကို ကွဲကွဲပြားပြား သိစေချင်ပါတယ်။ မြန်မာနိုင်ငံက တာဝန်ရှိ ပုဂ္ဂိုလ်တွေအနေနဲ့လည်း ပြည်တွင်းအကြမ်းဖက်မူတွေနဲ့ ပတ်သတ်ပြီး ဘာသာ လူမျိုးမခွဲခြားဘဲ အခုလိုမျိုး ထိထိရောက်ရောက် အရေးယူ ကိုင်တွယ်ဖြေရှင်းစေချင်ပါတယ်” ဟု M-Media သို့ပြောကြားခဲ့သည်။

    *အခုလို သိလိုသမျှကို ပြန်လည်ဖြေကြားပေးသာ Pray For Myanmar လူငယ်ကွန်ယက်မှ လူငယ်တစ်ဦးဖြစ်သော ကိုသန့်ဇင်ထွေးအား M-Media မှ ကျေးဇူးတင်ရှိပါတယ်