News @ M-Media

Tag: Press Freedom in Myanmar

  • မြန်မာဂျာနယ်လစ်များ စီမံချက်ဖြင့် ဖိနှိပ်ခံနေရဟု ကုလ ဝေဖန်

    မြန်မာဂျာနယ်လစ်များ စီမံချက်ဖြင့် ဖိနှိပ်ခံနေရဟု ကုလ ဝေဖန်

    စက်တင်ဘာ ၁၁၊ ၂၀၁၈
    M-Media

    ရိုက်တာသတင်းထောက်နှစ်ယောက်၏ ရုံးချိန်းမြင်ကွင်း

    – မြန်မာအစိုးရနဲ့ စစ်တပ်တို့ဟာ ဂျာနယ်လစ်တွေအပေါ် ဖိနှိပ်ချုပ်ချယ်မှုကို ‘နိုင်ငံရေးစီမံချက်’ အဖြစ်ဆောင်ရွက်နေတယ်လို့ ကုလ လူ့အခွင့်အရေးဆိုင်ရာ မဟာမင်းကြီးရုံးက ဒီကနေ့ထုတ်ပြန်တဲ့ အစီရင်ခံစာမှာ ဖော်ပြထားပါတယ်။

    ရခိုင်ပြည်နယ် အင်းဒင်ရွာက အစုလိုက်အပြုံလိုက် သတ်ဖြတ်မှုကို ဖော်ထုတ်ခဲ့တဲ့ ရိုက်တာသတင်းထောက် ကျော်စိုးဦးနဲ့ ၀လုံးတို့ကို တရားရုံးက ပြီးခဲ့တဲ့တစ်ပတ်မှာ ထောင်ဒဏ် ၇ နှစ် ချမှတ်ခဲ့ပြီး ဒီကိစ္စနဲ့ပတ်သက်လို့ ကမ္ဘာတစ်ဝှမ်းက ဝေဖန်မှုတွေ ရှိနေတဲ့အချိန် ကုလရဲ့ အခုအစီရင်ခံစာ ထွက်ပေါ်လာတာ ဖြစ်ပါတယ်။

    အစီရင်ခံစာမှာ ‘မြန်မာအစိုးရနဲ့ စစ်တပ်တို့ဟာ ဥပဒေ၊ တရားရုံးတွေကို လက်နက်တစ်ခုတစ်ဖွယ် အသုံးပြုပြီး လွတ်လပ်တဲ့ စာနယ်ဇင်းကဏ္ဍကို ဖိနှိပ်တဲ့ နိုင်ငံရေးစီမံချက်တစ်ခု’ လုပ်ဆောင်နေတယ်လို့ ရေးသားပြီး၊ ရိုက်တာသတင်းထောက်နှစ်ယောက်ရဲ့အမှုကို အသားပေး ဖော်ပြထားပါတယ်။

    ဒါ့အပြင် ဆက်သွယ်ရေးဥပဒေ၊ နိုင်ငံတော်လျှို့ဝှက်ချက်ဥပဒေ၊ တရားမ၀င်အသင်းအဖွဲ့ဥပဒေ၊ သွင်းကုန်ထုတ်ကုန် ဥပဒေနဲ့ လေကြောင်းဆိုင်ရာ ဥပဒေတွေကို အသုံးပြုပြီး ဂျာနယ်လစ်တွေအပေါ် ဖိနှိပ်မှုတွေ လုပ်နေတယ်လို့လည်း အစီရင်ခံစာက ဆိုပါတယ်။

    ၂၀၁၇ ခုနှစ် ဇွန်လက ရှမ်းပြည်နယ်မြောက်ပိုင်းမှာ တအောင်းလွတ်မြောက်ရေးအဖွဲ့ TNLA က လုပ်တဲ့ နိုင်ငံတကာ မူယစ်ဆေးဝါးတိုက်ဖျက်ရေးနေ့ အခမ်းအနားကို သတင်းသွားယူတဲ့ သတင်းထောက်တွေကို တရားမ၀င်အသင်းအဖွဲ့ဆိုင်ရာ ဥပဒေနဲ့ ဖမ်းဆီးမှု၊ နေပြည်တော်မှာ မှတ်တမ်းရုပ်ရှင်လာရိုက်တဲ့ တူရကီ မီဒီယာအဖွဲ့နဲ့ မြန်မာစကားပြန်၊ ယာဉ်မောင်းဆရာတွေ သွင်းကုန်ထုတ်ကုန်ဥပဒေနဲ့ ဖမ်းဆီးခံရမှုတွေကို ဂျာနယ်လစ်တွေအပေါ် ဖိနှိပ်ချုပ်ချယ်မှုအဖြစ် အစီရင်ခံစာမှာ သတ်မှတ်ဖော်ပြထားပါတယ်။

    လူ့အခွင့်အရေးဆိုင်ရာ မဟာမင်းကြီး မစ်ချယ်လီ ဘာချလတ်က ဒီလိုအဖြစ်အပျက်တွေဟာ ‘ဒီမိုကရေစီ အသွင်ကူးပြောင်းမှုကို အထောက်အကူ မဖြစ်ဘူး’ လို့ အစီရင်ခံစာမှာ သတိပေးခဲ့ပြီး၊ ဥပဒေနဲ့ တရားရေးစနစ်တွေကို အသုံးချကာ ဂျာနယ်လစ်တွေကို ဖိနှိပ်မှုကို ရပ်တန့်ဖို့၊ လွတ်လပ်စွာ သတင်းဖော်ပြမှုကို ထိခိုက်စေတဲ့ ခေတ်နောက်ပြန်ဆွဲ ဥပဒေတွေကို ဖျက်သိမ်းဖို့ တိုက်တွန်းခဲ့ပါတယ်။

    Ref: CNA

  • မြန်မာနိုင်ငံတွင် နိုင်ငံရေးအကျဉ်းသား ၂၇၀ ကျော် ရှိနေဆဲ

    မြန်မာနိုင်ငံတွင် နိုင်ငံရေးအကျဉ်းသား ၂၇၀ ကျော် ရှိနေဆဲ

    သြဂုတ် ၄၊ ၂၀၁၈
    M-Media

    photo credit – mmtimes

    – မြန်မာနိုင်ငံမှာ နိုင်ငံရေး လှုပ်ရှားဆောင်ရွက်မှုတွေကြောင့် ဖမ်းဆီးခံထားရတဲ့ နိုင်ငံရေးအကျဉ်းသား ၂၇၅ ဦး ရှိနေတယ်လို့ ‘နိုင်ငံရေးအကျဉ်းသားများ ကူညီစောင့်ရှောက်ရေးအသင်း’ က ပြောကြားလိုက်ပါတယ်။

    အဲဒီအထဲမှာ ၃၃ ဦးဟာ ပြစ်ဒဏ်ချမှတ်ခံထားရပြီး၊ ၅၃ ဦးက တရားရင်ဆိုင်ဖို့အတွက် အချုပ်ထဲမှာ ရှိနေတယ်လို့ ဆိုပါတယ်။ နောက်ထပ် ၁၈၉ ဦးကတော့ အာမခံနဲ့ လွတ်မြောက်က တရားရင်ဆိုင်နေရပါတယ်။

    ‘နိုင်ငံရေးအကျဉ်းသားများ ကူညီစောင့်ရှောက်ရေးအသင်း’ က အကျဉ်းသားအများစုဟာ ငြိမ်းစီစုဥပဒေ၊ နိုင်ငံတော်အား နှောင့်ယှက်ဖျက်ဆီး လိုသူများ၏ ဘေးအန္တရာယ်မှ ကာကွယ်စောင့်ရှောက်မှု ဥပဒေတွေနဲ့ တရားစွဲဆို၊ ပြစ်ဒဏ်ချမှတ်ခံရတာဖြစ်တယ်လို့ ပြောကြားခဲ့ပါတယ်။

    ဧပြီလက သမ္မတရဲ့ လွတ်ငြိမ်းချမ်းသာခွင့်နဲ့ နိုင်ငံရေးအကျဉ်းသား ၃၆ ဦး လွတ်မြောက်လာခဲ့ကြောင်း၊ နိုင်ငံရေးအကျဉ်းသားအများစုဟာ တရားမ၀င်အသင်းအဖွဲ့ အက်ဥပဒေနဲ့ ဖမ်းဆီးခံခဲ့ရကြောင်း အသင်းက ထည့်သွင်းပြောကြားခဲ့ပြီး ယုံကြည်ချက်ကြောင့် အကျဉ်းကျခံနေရသူတွေကို ချက်ခြင်း ပြန်လွှတ်ပေးဖို့လည်း တိုက်တွန်းခဲ့ပါတယ်။

    “နိုင်ငံရေးသမားတွေနဲ့ နိုင်ငံသားတွေရဲ့အခွင့်အရေးကို ကာကွယ်ဖို့အတွက် ဖိနှိပ်မှုသဘောဆောင်တဲ့ ဥပဒေတွေကို ပြန်လည်သုံးသပ်ပြီး ပြင်ဆင်ရေး အဓိကထားဆောင်ရွက်ဖို့အတွက် အစိုးရကို ကျွန်တော်တို့ တိုက်တွန်းချင်ပါတယ်။ ဒီလိုလုပ်မှသာ ငြိမ်းချမ်းရေးနဲ့ အမျိုးသားရင်ကြားစေ့ရေး အောင်မြင်မှာ ဖြစ်ပါတယ်” လို့ အသင်းက ပြောကြားခဲ့ပါတယ်။

    အသင်းရဲ့အတွင်းရေးမှူးဖြစ်သူ ဦးသက်နိုင်က ဖိနှိပ်တဲ့သဘောဆောင်တဲ့ ဥပဒေတွေကို လစ်လျူရှုထားတာ၊ ဝေဖန်ရေးသမားတွေ၊ တက်ကြွက်လှုပ်ရှားသူတွေကို ဖမ်းဆီးအကျဉ်းချတာတွေဟာ ပြည်သူကို ဖိနှိပ်ရာရောက်တယ်လို့ ထောက်ပြခဲ့ပါတယ်။

    ဒီမိုကရေစီအသွင်ကူးပြောင်းရေး ဆောင်ရွက်နေပေမယ့် ကုလရဲ့ ဖိနှိပ်ညှင်းပမ်းမှုဆန့်ကျင်ရေးဆိုင်ရာ သဘောတူညီချက်ကို မြန်မာနိုင်ငံက လက်မှတ်မထိုးသေးတာနဲ့ပတ်သက်ပြီးလည်း ဝေဖန်ခဲ့ပါတယ်။

    ရခိုင်ပြည်နယ် မောင်တောမြို့မှာ ရွာသားတွေကို အစုလိုက်အပြုံလိုက် သတ်ဖြတ်မှုကို ဖော်ထုတ်တဲ့ ရိုက်တာသတင်းထောက်နှစ်ဦးကို နိုင်ငံတော်လျှို့ဝှက်ချက်ပေါက်ကြားမှုနဲ့ ဖမ်းဆီးတရားစွဲဆိုထားတာကို ‘နိုင်ငံရေးအကျဉ်းသားများ ကူညီစောင့်ရှောက်ရေးအသင်း’ က ထောက်ပြခဲ့ပြီး ရုပ်ပိုင်းဆိုင်ရာ၊ စိတ်ပိုင်းဆိုင်ရာ လိင်ပိုင်းဆိုင်ရာ ဖိနှိပ်စော်ကားမှုတွေကို နိုင်ငံတကာမှာ ‘လူသားထုအပေါ် ကျူးလွန်တဲ့ ရာဇ၀တ်မှုတွေ’ အဖြစ် သတ်မှတ်ထားပေမယ့် မြန်မာနိုင်ငံမှာ စနစ်တကျကို လုပ်ဆောင်နေတယ်လို့လည်း ပြောကြားခဲ့ပါတယ်။

    Ref: mmtimes

  • ဖမ်းဆီးခံ ရိုက်တာသတင်းထောက်နှစ်ဦးအတွက် ထိပ်တန်းလူ့အခွင့်အရေးရှေ့နေတစ်ဦး တာဝန်ယူမည်

    ဖမ်းဆီးခံ ရိုက်တာသတင်းထောက်နှစ်ဦးအတွက် ထိပ်တန်းလူ့အခွင့်အရေးရှေ့နေတစ်ဦး တာဝန်ယူမည်

    မတ် ၃၀၊ ၂၀၁၈
    M-Media

    – ရခိုင်ပြည်နယ်မှာ ရိုဟင်ဂျာတွေ အစုလိုက်အပြုံလိုက် သတ်ဖြတ်မြှုပ်နှံခံရမှုကို ဖော်ထုတ်တဲ့အတွက် ဖမ်းဆီး တရားစွဲဆိုခံထားရတဲ့ ရိုက်တာသတင်းထောက်နှစ်ယောက်ကို နာမည်ကြီး လူ့အခွင့်အရေးရှေ့နေ အေမဲလ် ကလူနီက တာဝန်ယူအမှုလိုက်ပေးသွားမယ်လို့ သိရပါတယ်။

    သတင်းထောက်နှစ်ယောက်ဖြစ်တဲ့ ၀လုံးနဲ့ ကျော်စိုးဦးတို့ဟာ ဒီဇင်ဘာလအတွင်းမှာ ဖမ်းဆီးခံခဲ့ရတာဖြစ်ပြီး ထောင်ဒဏ် ၁၄ နှစ်အထိ ချမှတ်နိုင်မယ့် နိုင်ငံတော် လျှို့ဝှက်ချက်အက်ဥပဒေနဲ့ တရားစွဲဆိုခံထားရတာ ဖြစ်ပါတယ်။

    “၀လုံးနဲ့ ကျော်စိုးဦးတို့ဟာ သတင်းလိုက်တဲ့အတွက်ကြောင့် ဖမ်းဆီး တရားစွဲဆိုခံခဲ့ရတာပါ။ ကျွန်မအမှုဖိုင်တွဲကို လေ့လာခဲ့ပြီး ဒီဂျာလစ်နှစ်ယောက်ဟာ အပြစ်မရှိဘဲ၊ သူတို့ကို ချက်ခြင်းလွှတ်ပေးရမယ်ဆိုတာ သိပ်ရှင်းတဲ့ကိစ္စတစ်ခု ဖြစ်ပါတယ်” လို့ မနေ့က အေမာလ်ရဲ့ရုံးကနေ ထုတ်ပြန်တဲ့ ကြေငြာချက်မှာ ဖော်ပြထားပါတယ်။

    “ဒီအမှုရဲ့ရလဒ်က မြန်မာနိုင်ငံရဲ့ တရားဥပဒေစိုးမိုးရေးနဲ့ လွတ်လပ်စွာ ပြောဆိုခွင့် ကတိက၀တ်နဲ့ပတ်သက်ပြီး တော်တော်စကားပြောပါလိမ့်မယ်”

    ရိုက်တာသတင်းဌာနရဲ့ အကြံပေးအကြီးအကဲ ဂေးလ် ဂိုဗီက အေမဲလ်ကလူနီ တာဝန်ယူခြင်းဟာ ကုမ္ပဏီရဲ့ နိုင်ငံတကာဥပဒေဆိုင်ရာ နာလည်းသဘောပေါက်မှုကို အားကောင်းစေပြီး၊ သတင်းထောက်တွေ လွတ်မြောက်ရေး အခွင့်အလမ်း များလာမယ်လို့ ပြောကြားခဲ့ပါတယ်။

    ရိုက်တာသတင်းဌာနနှစ်ယောက် ဖမ်းဆီးခံရမှုနဲ့ပတ်သက်ပြီး လူ့အခွင့်အရေး တက်ကြွလှုပ်ရှားသူတွေ၊ မီဒီယာစောင့်ကြည့်အဖွဲ့တွေက မြန်မာအစိုးရအပေါ် ဝေဖန်မှုတွေရှိခဲ့ပါတယ်။

    မြန်မာအစိုးရရဲ့ ပြောရေးဆိုခွင့်ရှိသူ ဦးဇော်ဌေးက ဒီကိစ္စနဲ့ပတ်သက်ပြီး မှတ်ချက်ပေးဖို့ ငြင်းဆိုခဲ့ပါတယ်။

    အေမဲလ်ကလူနီဟာ ၀ီကီလိခ် တည်ထောင်သူ ဂျူလီန် အာဆန်းဂ်ျ၊ ယူကရိန်းဝန်ကြီးချုပ်ဟောင်း ယူလီယာ တိုင်မိုရှန်ကိုတို့အပါအ၀င် ထိပ်တန်းပုဂ္ဂိုလ်တော်တော်များများရဲ့ အမှုတွေကို တာဝန်ယူခဲ့သူ ဖြစ်ပါတယ်။

    Ref: Aljazeera

  • အမှန်တရားကိုဖော်ထုတ်ဖို့ အန္တရာယ်ရှိလာတဲ့ မြန်မာ့မီဒီယာလောက

    အမှန်တရားကိုဖော်ထုတ်ဖို့ အန္တရာယ်ရှိလာတဲ့ မြန်မာ့မီဒီယာလောက

    ဇန်န၀ါရီ ၂၀၊ ၂၀၁၈
    M-Media

    ရိုက်တာသတင်းထောက် ၀လုံး

    – မြန်မာနိုင်ငံမှာ ရိုက်တာ ဂျာနယ်လစ်နှစ်ယောက်ကို ဖမ်းဆီးတရားစွဲဆိုမှုကြောင့် နိုင်ငံအတွင်းက မီဒီယာလုပ်သားတွေမှာ နောက်ကျောမလုံမှုတွေ ဖြစ်ပေါ်လာခဲ့ပြီး ဂျာနယ်လစ်တွေဟာ သည်းခံနိုင်စွမ်းမရှိတဲ့ အာဏာပိုင်တွေ၊ ကိုလိုနီခေတ် ဥပဒေတွေရဲ့ နောက်ထပ်သားကောင်တွေ ဖြစ်လာနိုင်မလားဆိုတဲ့ စိုးရိမ်စိတ်တွေလည်း ၀ါရင့်သတင်းထောက်တွေ၊ အယ်ဒီတာတွေမှာ လွှမ်းမိုးလာပါတယ်။

    အရေးပါတဲ့ သတင်းဖော်ပြမှုတွေကို ဖိနှိပ်ရာမှာ တိုင်းပြည်ရဲ့ အင်အားကြီးတဲ့ စစ်တပ်နဲ့ တစ်ကြိတ်တည်းတစ်ဉာဏ်တည်းဆိုတာကို သက်သေပြနေတဲ့ ဒေါ်အောင်ဆန်းစုကြည်ရဲ့ အရပ်သားအစိုးရကို စိတ်ပျက်မိကြောင်း သတင်းထောက်တွေက ပြောလာကြပါတယ်။ မြန်မာနိုင်ငံမှာ လည်ပတ်နေတဲ့ နိုင်ငံတကာ သတင်းမီဒီယာတွေဟာ သူတို့ရဲ့ သတင်းတွေမှာ ဒေသခံသတင်းထောက်အမည်ကို မထည့်ဘဲ ဖော်ပြရတာမျိုး ဖြစ်လာခဲ့ပြီး သတင်းထောက်တွေဟာ ပြည်သူတွေ၊ အာဏာပိုင်တွေရဲ့ ခြိမ်းခြောက်မှု၊ အရှက်တကွဲဖြစ်အောင်လုပ်မှု၊ အသက်အန္တရာယ်ခြိမ်းခြောက်မှုတွေကို တိုးမြှင့်ခံစားလာရလို့ ဖြစ်ပါတယ်။ တစ်ချို့ သတင်းဌာနတွေဟာ သူတို့ရဲ့ သတင်းထောက်တွေကို မြန်မာနိုင်ငံအပြင်ဘက် ခဏပို့တာမျိုးတွေအထိ လုပ်လာကြပါတယ်။

    ဒီလိုစိုးရိမ်မှုတွေဟာ အခြေအမြစ်မဲ့တဲ့ စိုးရိမ်မှုမျိုး မဟုတ်ပါဘူး။ မြန်မာနိုင်ငံအခြေစိုက် ရိုက်တာသင်းထောက် ၀လုံးနဲ့ ကျော်စိုးဦးတို့ဟာ ခေတ်မမီတော့တဲ့ နိုင်ငံတော် လျှို့ဝှက်ချက်အက်ဥပဒေနဲ့ အမြင့်ဆုံး ထောင် ၁၄ နှစ်ကျခံရမယ့်အနေအထားကို အခုအချိန်မှာ ရင်ဆိုင်နေရပါတယ်။ သူတို့ကိစ္စမှာ နိုင်ငံရေးလှုံ့ဆော်မှုတွေ ပါဝင်တယ်လို့ တော်တော်များများက ယုံကြည်နေပါတယ်။

    “အမှန်တရားကိုဖော်ထုတ်ဖို့ ကျွန်တော်တို့ကြိုးစားလို့ သူတို့က ကျွန်တော်တို့ကိုဖမ်းပြီး အရေးယူတာပါ” လို့ ၀လုံးက အခုလအစောပိုင်း ဒုတိယမြောက်ရုံးချိန်းမှာ သတင်းထောက်တွေကို ပြောကြားခဲ့ပါတယ်။ သူတို့နှစ်ဦးရဲ့ ရှေ့နေဖြစ်တဲ့ ဦးသန်းဇော်အောင်က ဇန်န၀ါရီ ၂၃ ရက်နေ့မှာလုပ်မယ့် ရုံးချိန်းမှာ သူ့အမှုသည်တွေ အပြစ်မရှိကြောင်း လျှောက်လဲသွားမယ်လို့ ပြောပါတယ်။

    “သူတို့ဟာ မီဒီယာကျင့်ဝတ်တွေနဲ့အညီ အလုပ်လုပ်ခဲ့တာပါ။ ဥပဒေကို မချိုးဖောက်ခဲ့ပါဘူး”

    ရခိုင်ပြည်နယ်မှာ မြန်မာစစ်တပ်ရဲ့ ကြမ်းတမ်းတဲ့ စစ်ဆင်ရေးကိစ္စ သတင်းလိုက်တာကြောင့် ၀လုံးနဲ့ ကျော်စိုးဦးတို့ အဖမ်းခံလိုက်ရပုံပါပဲ။ ဒီစစ်ဆင်ရေးကြောင့် ရိုဟင်ဂျာ ၆၅၅၀၀၀ လောက် ဘင်္ဂလားဒေ့ရ်ှဖက်ကို ထွက်ပြေးခဲ့ရပြီး စစ်တပ်ဟာ တရားလက်လွတ်သတ်ဖြတ်မှုတွေ၊ အုပ်စုဖွဲ့ အဓမ္မကျင့်မှုတွေနဲ့ ညှင်းပမ်းနှိပ်စက်မှုတွေ ရှိတယ်လို့ တော်တော်များများက ထွက်ဆိုခဲ့ကြပါတယ်။

    ပြီးခဲ့တဲ့လမှာ ရဲတပ်ဖွဲ့ဝင်နှစ်ဦးက ၀လုံးနဲ့ ကျော်စိုးဦးတို့ကို ရန်ကုန်မြို့ ဆင်ခြေဖုံးမှာ ခေါ်တွေ့ခဲ့ပြီး စာရွက်စာတမ်းတွေပေးပြီးတဲ့နောက် ချက်ခြင်းဆိုသလို အဖမ်းခံလိုက်ရတာဖြစ်တယ်လို့ ရိုက်တာသတင်းဌာနက ပြောကြားခဲ့ပါတယ်။ ရဲတပ်ဖွဲ့ရဲ့ ပြောကြားမှုကို ကိုးကားပြီး ပြန်ကြားရေးက သတင်းထုတ်ပြန်ရာမှာ ‘သူတို့တွေဟာ အစိုးရရဲ့ အရေးကြီး လျှို့ဝှက် စာရွက်စာတမ်းတွေကို တရားမ၀င် ရယူခဲ့တယ်’ လို့ ဖော်ပြထားပါတယ်။ အာဏာရ NLD ပါတီရဲ့ အကြီးတန်းတာဝန်ရှိသူတစ်ဦးက သတင်းထောက်နှစ်ယောက်ဟာ ထောက်ချောက်ဆင်ခံလိုက်ရတာဖြစ်တယ်လို့ သုံးသပ်ပါတယ်။

    “ရိုက်တာသတင်းထောက်နှစ်ယောက်ကို ရာဇ၀တ်မှုနဲ့ တရားစွဲလိုက်တာက အစိုးရဟာ ဂျာနယ်လစ်တွေကို ခြိမ်းခြောက်ဖို့၊ ထောင်ချဖို့အတွက် ဥပဒေကို ပိုအသုံးချလာတယ်ဆိုတာ ထင်ထင်ရှားရှား သိသိသာသာ မြင်လာရတာ ဖြစ်ပါတယ်” လို့ ဂျာနယ်လစ်များအား ကာကွယ်ရေးကော်မတီ Committee to Protect Journalist က အရှေ့တောင်အာရှရေးရာ ကိုယ်စားလှယ် ရှောင် ခရစ္စပင်က TIME မဂ္ဂဇင်းကို ပြောကြားခဲ့ပါတယ်။

    နောက်ပြီး ‘ရိုဟင်ဂျာတွေအပေါ် ကျူးလွန်တဲ့ ရာဇ၀တ်မှုအထောက်အထားတွေ အတုံးလိုက်အတစ်လိုက် ပေါ်လာတဲ့အချိန်မှာ ဒေါ်အောင်ဆန်းစုကြည်အစိုးရဟာ အဖတ်ဆယ်ဖို့ ဆောင်ရွက်လိုတဲ့ အနေအထားရှိနေတာ ထင်ရှားတယ်’ လို့လည်း ခရစ္စပင်က ဆိုပါတယ်။

    ရိုဟင်ဂျာအမျိုးသား ၁၀ ဦးကို သတ်ဖြတ်ကာ အစုလိုက်မြှုပ်နှံထားတဲ့ နေရာတစ်ခု တွေ့ရှိမှုကိစ္စမှာ စစ်သားတွေဟာ သတ်ဖြတ်မှုအတွက် တာဝန်ရှိတယ်လို့ မြန်မာစစ်တပ်က ပြီးခဲ့တဲ့တစ်ပတ်မှာ ၀န်ခံခဲ့ပါတယ်။ စစ်တပ်က ဘောင်အတွင်းကလုပ်တဲ့ အကြမ်းဖက်တိုက်ဖျက်ရေးလို့ ပြောဆိုထားတဲ့ ရခိုင်ပြည်နယ်က နယ်မြေရှင်းလင်းရေးလုပ်ငန်းဟာ ‘လူမျိုးစုလိုက်ရှင်းလင်းမှု အနေအထား’ ဖြစ်နေပြီး၊ ‘လူမျိုးတုန်းသတ်ဖြတ်မှုမြောက်တဲ့ အချက်တွေ’ တွေ့ရတယ်လို့ ကုလရဲ့ လူ့အခွင့်အရေးဆိုင်ရာ မဟာမင်းကြီး ဇိုက် ရာအဒ် အလ် ဟူစိန်က ပြောကြားထားပါတယ်။

    ဒေသခံသတင်းထောက်တွေအတွက်တော့ ဒီလို ထိလွယ်ရှလွယ်တဲ့ ကိစ္စတွေကို လိုက်ရတာမှာ အန္တရာယ်တွေ၊ မလုံခြုံမှုတွေနဲ့ ပြည့်နှက်နေပါတယ်။ ပဋိပက္ခတွေ၊ ခြစားမှုကိစ္စတွေနဲ့ ပတ်သက်လာရင် ဂျာနယ်လစ်တွေကို သိမ်းကြုံးအရေးယူတဲ့ စစ်အာဏာရှင်ဟောင်းတွေရဲ့ သဘောထားမျိုး နှစ် ၅၀ အတွင်း ပထမဆုံးပေါ်လာတဲ့ အရပ်သားအစိုးရမှာ ရှိနေတယ်ဆိုတာ တွေ့ရပါတယ်။ နယ်စည်းမခြား သတင်းထောက်များအဖွဲ့က ၂၀၁၇ ခုနှစ် စာနယ်ဇင်းလွတ်လပ်ခွင့် အညွှန်းကိန်းစာရင်းမှာ နိုင်ငံပေါင်း ၁၈၀ အတွင်း မြန်မာနိုင်ငံကို အဆင့် ၁၃၁ ပေးခဲ့ပါတယ်။

    “ကျွန်တော်တို့မဲပေးထားတဲ့ အစိုးရလက်ထက်မှာ ဂျာနယ်လစ်တွေ ဒီလိုဖြစ်နေတာအတွက် ကျွန်တော်တို့ မကျေနပ်နိုင်ပါဘူး။ ကျွန်တော်တို့သိနေတဲ့ အမှန်တရားကို ရေးဖို့၊ တစ်ယောက်ယောက်ကို ဝေဖန်ဖို့ အန္တရာယ်ရှိနေဆဲပါပဲ” လို့ တူရကီသတင်းဌာန TRT က အဖွဲ့နဲ့အတူ မကြာသေးမီက ထောင် ၂ လချခံခဲ့ရတဲ့ ဂျာနယ်လစ်နဲ့ ဓာတ်ပုံဆရာ အောင်နိုင်စိုးက ပြောကြားခဲ့ပါတယ်။ မလေးရှားနိုင်ငံသား၊ စင်ကာပူနိုင်ငံသား ဂျာနယ်လစ်နှစ်ဦး၊ ကားဆရာတို့ပါဝင်တဲ့ သူတို့အဖွဲ့ဟာ ထောင်ထဲက အချိန်အများစုမှာ တစ်ဦးတည်း အပိတ်ခံထားရတယ်လို့ သူက TIME မဂ္ဂဇင်းကို ပြောပါတယ်။

    ပြန်ကြားရေးဝန်ကြီးဌာနရဲ့ နိုင်ငံခြားနဲ့ ပြည်တွင်း မီဒီယာတွေအကြား ခြားနားတဲ့ သဘောထားကို ထင်ထင်ရှားရှား တွေ့ရပြီး ရိုဟင်ဂျာပြဿနာအကြောင်း နိုင်ငံတကာရဲ့ သတင်းဖော်ပြမှုတွေဟာ ဘက်လိုက်မှုရှိနေကာ လက်ရှိ နိုင်ငံရေး အသွင်ကူးပြောင်းမှုကို ထိခိုက်နိုင်ချေရှိတယ်လို့ မှတ်ချက်ပေးထားပါတယ်။ ရိုဟင်ဂျာတွေအပေါ် ရက်စက်ကြမ်းကြုတ်မှုတွေနဲ့ ပတ်သက်ပြီး ခိုင်မာတဲ့ သတင်းဖော်ပြချက်တွေကိုလည်း ‘လုပ်ကြံသတင်းတွေ’ ‘လုပ်ကြံအဓမ္မကျင့်မှုတွေ’ လို့ ပြောဆိုကာ ငြင်းဆန်ထားပါတယ်။

    ပြည်တွင်းသတင်းထောက်တွေကို ‘တိုင်းပြည်သစ္စာဖောက်လို့ တံဆိပ်ကပ်မှု’ မြင့်တက်လာတယ်လို့ အောင်နိုင်စိုးက ပြောကြားခဲ့ပြီး ‘ဒါဟာ လုံးဝ အဓိပ္ပါယ်မရှိပါဘူး’ လို့လည်း သူက ဆိုပါတယ်။

    ဒေါ်အောင်ဆန်းစုကြည်အစိုးရ အာဏာရပြီးကတည်းက အနည်းဆုံး ဂျာနယ်လစ် ၃၂ ဦး တရားစွဲဆိုခံခဲ့ရတယ်လို့ ပြည်တွင်းအဖွဲ့ We Support Journalists က ဆိုပါတယ်။ အဲဒီ ၃၂ ဦးမှာ ၁၈ ဦးက သားရေကွင်းဥပဒေဖြစ်တဲ့ ဆက်သွယ်ရေးဥပဒေနဲ့ တရားစွဲဆိုခံရတာ ဖြစ်ပါတယ်။ ဒီဥပဒေကို အာဏာပိုင်တွေအပေါ် ဝေဖန်သူတွေကို နှိပ်ကွပ်ဖို့ အသုံးပြုနေတယ်လို့ လူ့အခွင့်အရေးအဖွဲ့တွက ပြောကြားထားပါတယ်။ ပြီးခဲ့တဲ့နှစ်အတွင်း ဒီဥပဒေကို ပြင်ဆင်ဖို့ ကြိုးပမ်းမှုမှာ ဆိုရှယ်မီဒီယာပို့စ်တွေအတွက် တရားစွဲခံရသူတွေ ထောင်မကျစေရေးနဲ့ပဲ ပြီးဆုံးသွားခဲ့ပါတယ်။

    “ပြတ်ပြတ်သားသား ဖော်ပြထားတာမျိုး မရှိတဲ့ မြန်မာနိုင်ငံက ဥပဒေတော်တော်များများက ဂျာနယ်လစ်တွေ၊ အယ်ဒီတာတွေဟာ ဥပဒေအရ အရေးယူခံရမှုကနေ သူတို့ကိုယ်သူတို့ ကာကွယ်ဖို့ တော်တော်လေးကို ခက်ခဲစေပါတယ်။ တစ်ယောက်ယောက်ရဲ့အာဏာကို ခြိမ်းခြောက်လာပြီဆိုရင် အသုံးချလို့ရတဲ့ ဥပေဒတစ်ခုခုက အမြဲတမ်းရှိနေပါတယ်” လို့ Frontier Myanmar အပတ်စဉ် မဂ္ဂဇင်းက အယ်ဒီတာချုပ် တွမ်ကင်က ပြောပါတယ်။

    သတင်းထောက်တွေ၊ အယ်ဒီတာတွေအတွက် အားကိုးအားထားပြုစရာလည်း လောက်လောက်လားလား မရှိပါဘူး။ စာနယ်ဇင်းကောင်စီရဲ့ ဒုတိယဥက္ကဌ ရိုက်တာ ဂျာနယ်လစ်ဟောင်း ဦအောင်လှထွန်းက ရိုဟင်ဂျာကိစ္စနဲ့ပတ်သက်လို့ နိုင်ငံတကာရဲ့ သတင်းဖော်ပြမှုဟာ ‘ယုတ္တိမရှိဘဲ’ ‘ကျင့်ဝတ်မဲ့တယ်’ လို့ ပြောဖူးပါတယ်။ ဒီသီတင်းပတ်အတွင်းမှာ သူဟာ ပြန်ကြားရေးဝန်ကြီးဌာနရဲ့ ဒုတိယ၀န်ကြီး ဖြစ်လာပါတယ်။ သြဂုတ်လအတွင်း နေပြည်တော်မှာ သူက ဂျာနယ်လစ်တွေရဲ့ ထိပ်တန်းဦးစာပေးဟာ ‘နိုင်ငံရဲ့ပုံရိပ်ကို ကာကွယ်ဖို့ဖြစ်တယ်’ လို့ ပြောကြားခဲ့ပါတယ်။

    အမည်မဖော်လိုတဲ့ ဂျာနယ်လစ်တစ်ယောက်ကတော့ ‘မီဒီယာတွေ အထူးသဖြင့် နိုင်ငံခြားမီဒီယာတွေကို တိုက်ခိုက်မယ်ဆိုရင် အစိုးရ၀န်ကြီးရာထူး ချီးမြှင့်ခံရမယ်ဆိုတဲ့ သတင်းစကားမျိုး’ မြန်မာအစိုးရက ပေးနေတယ်လို့ ထောက်ပြ ပြောဆိုခဲ့ပါတယ်။

    ရိုဟင်ဂျာတွေ ညှင်းပမ်းနှိပ်စက်ခံရမှုကို ရဲရဲဝင့်ဝင့်နဲ့ စေ့စေ့စပ်စပ် ဖော်ပြတာကြောင့် ၂၀၁၄ နှစ်မှာ ပူလစ်ဇာဆု၊ ပြီးခဲ့တဲ့နှစ်မှာ အာရှက Society of Publishers အဖွဲ့ရဲ့ Honorable Mention ဆုတွေ ရရှိထားတဲ့ ရိုက်တာလို ထိပ်တန်း သတင်းဌာနတစ်ခုကို ပစ်မှတ်ထားတာမျိုးက ‘ထိလွယ်ရှလွယ်တဲ့ ကိစ္စတွေနဲ့ပတ်သက်ပြီး သတင်းဖော်ပြရင် ဂျယ်နယ်လစ်တွေအတွက် အန္တရာယ်မကင်းဘူးဆိုတဲ့ သတင်းစကားကို အစိုးရက ပေးနေတာဖြစ်တယ်’ လို့ CPJ က ခရစ္စပင်က ပြာကြားခဲ့ပါတယ်။

    “မီဒီယာလွတ်လပ်ခွင့်ကို မဖိနှိပ်ဘဲ မြှင့်တင်ပေးမယ်လို့ တော်တော်များများက ယူဆထားတဲ့ ရွေးကောက်ခံအစိုးရအတွက်တော့ ဒါဟာ ၀မ်းနည်းစရာ အလှည့်အပြောင်းပါပဲ”

    မီဒီယာသမား ၁၀၀ ကျော်လောက်ပါဝင်တဲ့ မြန်မာဂျာနယ်လစ်များ ကာကွယ်ပေးရေးကော်မတီကို ပူးတွဲတည်ထောင်ထားတဲ့ လွန်းဇောင်းထက်က မြန်မာနိုင်ငံမှာ ဂျာနယ်လစ်တစ်ယောက်ဖြစ်ရတာဟာ ‘တော်တော်လေးကို အန္တရာယ်ရှိလာတယ်’ လို့ ပြောကြားခဲ့ပါတယ်။ ၂၀၁၂ ခုနှစ်က ဖွဲ့စည်းခဲ့တဲ့ သူတို့အဖွဲ့ဟာ စာနယ်ဇင်းနယ်ပယ်မှာ မားမားမတ်မတ် ရပ်တည်လာခဲ့သူတွေဖြစ်ပြီး ဂျာနယ်လစ်တွေအပေါ် ဖိနှိပ်တဲ့ ဥပဒေတွေ ဖျက်သိမ်းဖို့၊ ဘ၀တူ ဂျာနယ်လစ်တွေ လွတ်မြောက်ဖို့ ဆန္ဒပြမှုတွေကိုလည်း ပြုလုပ်ခဲ့ပါတယ်။ အခုလအတွင်းမှာ သူတို့ဟာ ရိုက်တာသတင်းထောက်တွေရဲ့ ရုံးချိန်းကို လာရောက်တဲ့ သတင်းသမားတွေကို အနက်ရောင် အင်္ကျီတွေ ဝေပေးခဲ့ပြီး ‘မြန်မာနိုင်ငံရဲ့ စာနယ်ဇင်းအမှောင်ခေတ်’ ကို ဖော်ကျူးခဲ့တာ ဖြစ်ပါတယ်။

    “အစိုးရဟာ စာနယ်ဇင်းလွတ်လပ်ခွင့်ဆိုတဲ့ အဓိပ္ပါယ်ကို နားမလည်ဘူး။ ဂျာနယ်လစ်တွေကို ရန်သူတွေလို သူတို့ ဆက်ဆံတယ်” လို့ လွန်းဇောင်းထက်က ပြောဆိုခဲ့ပါတယ်။

    Ref: TIME

    (TIME မဂ္ဂဇင်းတွင် ဖော်ပြသည့် ‘It’s Dangerous to Write the Truth.’ Journalists Fear the End of Press Freedom in Myanmar ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)

  • ရခိုင်ရောက် Reuters သတင်းထောက်နှစ်ဦး ဖမ်းဆီးခံရ

    ရခိုင်ရောက် Reuters သတင်းထောက်နှစ်ဦး ဖမ်းဆီးခံရ

    ဒီဇင်ဘာ ၁၃၊ ၂၀၁၇
    M-Media

    ၀လုံး (၀ဲ) နှင့် ကျော်စိုးဦး (ယာ) (photo credit – frontiermyanmar)

    – Reuters သတင်းဌာနက မြန်မာနိုင်ငံသား သတင်းထောက်နှစ်ဦးဟာ ဒီကနေ့မှာ ဖမ်းဆီးခြင်းခံလိုက်ရပြီး ဒီသတင်းကိုလည်း မြန်မာအစိုးရက အတည်ပြုပြောကြားလိုက်ပါတယ်။

    “သူတို့ဖမ်းခံရတယ်ဆိုတာ မှန်ပါတယ်။ ခင်ဗျားတို့ သတင်းထောက်တွေပဲမဟုတ်ဘူး။ ဒီကိစ္စမှာ ပါဝင်တဲ့ ရဲတွေကိုလည်း ဖမ်းထားတယ်။ အဲဒီရဲတွေနဲ့ သတင်းထောက်တွေကို အရေးယူသွားမှာပါ” လို့ အစိုးရပြောရေးဆိုခွင့်ရှိသူ ဦးဇော်ဌေးက Reuters ကို ပြောကြားခဲ့ပါတယ်။

    ဖမ်းဆီးခံရသူတွေဟာ သတင်းထောက် ၀လုံးနဲ့ ကျော်စိုးဦးဆိုသူတို့ဖြစ်ပြီး မောင်တောမြို့နယ် ရဲတပ်ဖွဲ့ရဲ့ အစီရင်ခံစာမိတ္တူကို လက်ဝယ်တွေ့ရှိတာကြောင့် နိုင်ငံတော်လျှို့ဝှက်ချက် အက်ဥပဒေနဲ့  ဖမ်းဆီးခံရတာဖြစ်တယ်လို့ BBC သတင်းဌာနက ဖော်ပြခဲ့ပါတယ်။

    ဦးဇော်ဌေးကတော့ ဘာ့ကြောင့် အဖမ်းခံရလဲ၊ ပြစ်ဒဏ် ဘယ်လောက် ချမှတ်ခံရနိုင်လဲဆိုတာတွေကို ထည့်သွင်းပြောကြားခဲ့ခြင်း မရှိပါဘူး။

    Reuters သတင်းဌာနရဲ့ ကမ္ဘာလုံးဆိုင်ရာ ဆက်သွယ်ရေးအကြီးအကဲ အဘ်ဘီက ဖမ်းဆီးခံရတဲ့ကိစ္စနဲ့ လက်ရှိအနေအထားတွေ အတိအကျသိရအောင် ဆောင်ရွက်နေတယ်လို့ ပြောကြားခဲ့ပါတယ်။

    ၀လုံးဟာ ၂၀၁၆ ခုနှစ် ဇွန်လက စတင်ကာ Reuters မှာ တာဝန်ထမ်းဆောင်ခဲ့တဖြစ်ပြီး ရခိုင်ပြည်နယ်က ရိုဟင်ဂျာကိစ္စအပါအ၀င် သတင်းအတော်များများကို လိုက်ခဲ့ဖူးသူပါ။ ကျော်စိုးဦးကတော့ စက်တင်ဘာလကမှ Reuters နဲ့ ဆက်သွယ်ခဲ့တာဖြစ်ပါတယ်။

    Ref: Reuters,BBC