News @ M-Media

Tag: Prophet Mohammad birthday

  • တောင်အာဖရိကတွင် မုဟမ္မဒ်သခင်ဖွားမြင်ခြင်း အထိမ်းအမှတ်အခမ်းအနား ပြုလုပ်

    တောင်အာဖရိကတွင် မုဟမ္မဒ်သခင်ဖွားမြင်ခြင်း အထိမ်းအမှတ်အခမ်းအနား ပြုလုပ်

    ဇန်န၀ါရီ ၂၁၊ ၂၀၁၅
    M-Media

    sac

    – နှစ်ဘ၀၏ ခေါင်းဆောင် တမန်တော်မုဟမ္မဒ်သခင် (ငြိမ်းချမ်းသာယာမှုအပေါင်း သက်ရောက်ပါစေ)၏ ဖွားမြင်ခြင်းအထိမ်းအမှတ်အဖြစ် ကိုယ်တော့်၏ ဘ၀ခရီးလမ်း လျှောက်လှမ်းခဲ့မှုအား ဖော်ကျူးသည့် အခမ်းအနားတစ်ခုကို တောင်အာဖရိကမှ မွတ်စလင်များက ပြုလုပ်ခဲ့ကြပြီး အစ္စလာမ်ကပြောသည့် ငြိမ်းချမ်းရေးနှင့် မေတ္တာသတင်းစကားကိုလည်း ဖြန့်ချီပေးခဲ့ကြသည်ဟု သိရသည်။

    `ကျွန်တော်တို့ ဒီနေ့ ဖြန့်ချီတဲ့သတင်းစကားဟာ ချစ်ခြင်းမေတ္တာရဲ့ သတင်းစကား ဖြစ်ပါတယ်။ ဒီချစ်ခြင်းမေတ္တာဟာ တစ်ဦးတစ်ယောက် ဒါမှမဟုတ် အုပ်စုတစ်ခုအတွက် မဟုတ်ဘဲ စကြ၀ဠာ တစ်ခုလုံး အတွက်ပါပဲ´ ဟု တောင်အာဖရိကရှိ မဒီနာ တက္ကသိုလ်မှ ဆရာဖြစ်ပြီး Vangate ဗလီဝတ်ကျောင်းတော်၏ ရှေ့ဆောင်အီမာမ်ဖြစ်သော ရှိခ်အက်ခ်ျမတ် တာဟီရ် မိုဟာမက်က တက်ရောက်လာကြသည့် လူထုပရိတ်သတ်အား ပြောကြားခဲ့သည်။

    `ဒီသတင်းစကားဟာ ကိုယ်တော်မြတ်ရဲ့ သတင်းစကားလည်း ဖြစ်ပါတယ်။ ဒီအကြောင်း အရင်းကြောင့်ပဲ ကိုယ်တော့်ကို သနားကြင်နာတတ်သူအဖြစ် ခင်ဗျားတို့ တွေ့ရတာပါ။ ကျွန်တော်တို့ဟာ ကိုယ်တော့်ရဲ့ ဘ၀ထေရုပ္ပတ္တိကို သိရှိပြီး ကိုယ်တော်သတ်မှတ်ပေးခဲ့တဲ့ စံနမူနာတွေကိုလည်း သိရှိကြပါတယ်´

    ဇန်န၀ါရီ ၁၉ ရက် တနင်္ဂနွေနေ့က ကိပ်တောင်းမြို့ Athlone အားကစားခန်းမတွင် ပြုလုပ်ခဲ့သည့် အဆိုပါ အခမ်းအနားသို့ အမျိုးသား၊ အမျိုးသမီး ထောင်ပေါင်းများစွာ တက်ရောက်ခဲ့ကြပြီး ၎င်းတို့အားလုံးမှာ အဖြူရောင်ဝတ်စုံများ ၀တ်ဆင်ထားကြသည်။

    ယခုနှစ်ပြုလုပ်သော အဆိုပါအခမ်းအနားကို အစ္စလာမ်သာသနာနှင့် မုဟမ္မဒ်သခင်တို့အပေါ် ရှိနေသည့် လွဲမှားသောစွပ်စွဲမှုများအား ဖြေရှင်းရန် ရည်ရွယ်ကျင်းပခြင်းလည်း ဖြစ်သည်။

    `အခြားသာသနာတွေကို ဆန့်ကျင်ပြီး ပြောဆိုရေးသားတဲ့ မွတ်စလင်တွေကို ခင်ဗျားတို့ ဘယ်တော့မှ တွေ့ရမှာမဟုတ်ပါဘူး။ ဒါမျိုးတွေ့ပြီဆိုရင်တော့ ဒါဟာ အစ္စလာမ့်ဘောင်အတွင်းက မဟုတ်ဘူးလို့သာ ခင်ဗျားတို့ သတ်မှတ်လိုက်ပါ။ ဒါမျိုးဟာ အစ္စလာမ်က သွန်သင်ထားတာမျိုး မဟုတ်ပါဘူး တကယ်လို့ ခင်ဗျားတို့ အစ္စလာမ့်ရဲ့ သမိုင်းကြောင်းကို ကြည့်မယ်ဆိုရင် မွတ်စလင်တွေဟာ အခြား ဘာသာတရားတွေကို စော်ကားပြောဆိုတာမျိုးကို တွေ့ရမှာမဟုတ်ပါဘူး´ ဟု ရှိခ် မိုဟာမက်က ထပ်လောင်းပြောကြားခဲ့သည်။

    မုဟမ္မဒ်သခင် ဖွားမြင်သည့်နေ့မှာ အစ္စလာမ့် ပြက္ခဒိန်၏ တတိယမြောက် ရဗီအွလ်အောင်ဝလ်လ ၁၂ ရက်နေ့တွင်ဖြစ်ပြီး ယခုနှစ်တွင် ဇန်န၀ါရီ ၃ ရက်နေ့ ကျရောက်ခဲ့သည်။

    အဆိုပါ အခါသမယ၌ ပြုလုပ်သော အခမ်းအနားများတွင် မွတ်စလင်များမှာ ကိုယ်တော့်၏ အသက်တာအကြောင်း သင်ယူလေ့လာခြင်း နှင့် ကိုယ်တော့်၏ နေထိုင်အသက်မွေးမှုများကို လက်တွေ့ကျကျလိုက်နာကျင့်သုံးကြရန် တိုက်တွန်းနှိုးဆော်ခြင်းတို့ကို ပြုလုပ်လေ့ရှိကြသည်။

    ကမ္ဘာတစ်ဝှမ်းပြုလုပ်သော အခမ်းအနားများတွင်လည်း အစ္စလာမ့်စာအုပ်စာပေများ ရောင်းချခြင်း၊ လက်ကမ်းစာစောင်များ ဝေငှခြင်း၊ အလှူဒါနပြုခြင်း စသည်တို့လည်း ပါဝင်သည်။

    လွတ်လပ်စွာပြောဆိုခွင့်

    ပဲရစ်တိုက်ခိုက်မှုအပြီး တစ်ပတ်အကြာတွင် ပြုလုပ်ခဲ့သည့် တောင်အာဖရိကမှ အဆိုပါ အခမ်းအနားတွင် လွတ်လပ်စွာပြောဆိုခွင့်နှင့် ပတ်သက်၍လည်း ပြောကြားမှုများ ရှိခဲ့သည်။

    `ကမ္ဘာတစ်ဝှမ်းက ၁.၇ ဘီလီယံသော မွတ်စလင်များနဲ့အတူ ကျွန်တော်တို့ဟာ လွတ်လပ်စွာ ပြောဆိုခွင့်ကို ထောက်ခံပါတယ်။ ဒါပေမယ့် ဘာသာတရားကို စော်ကာတာမျိုးကိုတော့ မထောက်ခံသလို ရိုင်းပျခြင်းကိုလည်း လက်မခံပါဘူး။ သူတို့က `ကျွန်တော်ဟာ ချာလီပါ´ လို့ဆိုရင် ကျွန်တော်ကတော့ `ကျွန်တော်ဟာ မုဟမ္မဒ်´ ပါပဲလို့ ပြောမှာပါ။ လွတ်လပ်စွာပြောဆိုခွင့်ကို ကျွန်တော်တို့ ထောက်ခံသလို ကမ္ဘာ့ငြိမ်းချမ်းရေးကိုလည်း ကျွန်တော်တို့ လိုချင်ပါတယ်။ ဘာသာတရားအပေါ် စော်ကားတာတွေ၊ ရိုင်းပျတာတွေကို ရပ်ကို ရပ်တန့်ပစ်ရပါမယ်´ ဟု အစ္စလာမ်ဓမ္မပညာရှင် တစ်ဦးဖြစ်သူ ရှိခ် အဘ်ဒူရဟ်မန် အလက်ဇန်းဒါးက ပြောကြားခဲ့သည်။

    ထို့ပြင် အဆိုပါအခမ်းအနားသို့ တက်ရောက်လာကြသည့် အစ္စလာမ့်ဓမ္မပညာရှင်များမှာ Charlie Hebdo မဂ္ဂဇင်းတိုက် တိုက်ခိုက်ခံရမှုအတွက်လည်း ပြင်းပြင်းထန်ထန် ရှုတ်ချခဲ့သည်။

    `ဘယ်လိုကာတွန်းမျိုးပဲဖြစ်ဖြစ်၊ အရာမျိုးပဲဖြစ်ဖြစ် လုပ်တာဟာ မုဟမ္မဒ်သခင်နဲ့ ပတ်သက်ပြီး ပိုပြီးသတိထားမိအောင် လုပ်ဆောင်တယ် လို့ပဲ ကျွန်တော်တို့ ယူဆပါတယ်။ ဒါနဲ့ပတ်သက်ပြီး ကျွန်တော်တို့ စိတ်မပူပါဘူး။ စိတ်လည်းမဆိုးပါဘူး။ ဆက်လုပ်ချင်ရင်လုပ်ပါ။ ကျွန်တော်တို့ကတော့ လုပ်စရာရှိတာ ဆက်လုပ်မှာပါပဲ။ ချစ်ခြင်းမေတ္တာတရားနဲ့ ကိုယ်တော့်အပေါ် ချစ်မြတ်နိုးခြင်းဆိုတဲ့ စိတ်ဓာတ်တွေကို ကျွန်တော်တို့က ဆက်လက်ဖြန့်ဖြူးသွားမှာပါပဲ´ ဟု ရှိခ်မိုဟာမက်က ထပ်လောင်းပြောကြားခဲ့သည်။

    မုဟမ္မဒ်သခင် ဖွားမြင်ခြင်းအထိမ်းအမှတ်အဖြစ် ပြုလုပ်သော အဆိုပါအခမ်းအနားသို့ ကိပ်တောင်းမြို့မှ တာဝန်ရှိသူများလည်း တက်ရောက်ခဲ့ကြသည်။

    `အစ္စလာမ်သာသနာဟာ လူ့တန်ဖိုး၊ သနားကြင်နာမှုနဲ့ပတ်သက်ပြီး အရေးပါတဲ့ ကဏ္ဍတွေကြောင့် လူသိများ၊ ထင်ရှားပါတယ်´ ဟု ကိပ်တောင်းအုပ်ချုပ်ရေးမှူး ပက်ထရစ်ရှာ လိုင်လီက ပရိတ်သတ်များအား ပြောကြားခဲ့သည်။

    တောင်အာဖရိကနိုင်ငံ၏ လူဦးရေ ၄၉ သန်းတွင် အစ္စလာမ်သာသနာကို သက်ဝင်ယုံကြည် ကြသူများမှာ ၁.၅ ရာခိုင်နှုန်း ရှိနေသည်ဟု CIA ၏ မှတ်တမ်းတွင် ဖော်ပြထားသည်။

    Ref: onislam

  • ၁၉၅၅ ခုနှစ်က နိုင်ငံတော် သမ္မတကြီး ဒေါက်တာဘဦးပေးပို့ခဲ့သည့် “တမန်တော်နေ့မြတ် သဝဏ်လွှာ”

    ၁၉၅၅ ခုနှစ်က နိုင်ငံတော် သမ္မတကြီး ဒေါက်တာဘဦးပေးပို့ခဲ့သည့် “တမန်တော်နေ့မြတ် သဝဏ်လွှာ”

    ဇန်နဝါရီ ၄ ၊ ၂၀၁၅
    M-Media

    ၁၄၂၈-ကြိမ်မြောက် တမန်တော်နေ့တွင် တိုင်းရင်းသား၊ နိုင်ငံသား အစ္စလာမ် သာသနာဝင်များထံ ပေးပို့သော နိုင်ငံတော် သမ္မတကြီး အဂ္ဂမဟာ သီရိသုဓမ္မ ဒေါက်တာဘဦး၏ “တမန်တော်နေ့မြတ်သဝဏ်လွှာ”

    U Ba U

    ပြည်ထောင်စုအတွင်း မှီတင်းနေထိုင်ကြကုန်သော အစ္စလာမ်ဘာသာဝင်အပေါင်းတို့ အမြတ်တနိုး ထားကြသော တမန်တော်မွေးနေ့ကို တခမ်းတနား ဆင်ယင်ကျင်းပရာ၌ သုတိမင်္ဂလာ အဖြာဖြာနှင့် ပြည်စုံသော ဤသ၀ဏ်လွှာကို ယခုနှစ်တဖန် ကမ်းလှမ်းရသည့်အတွက် ကျွန်ုပ်အထူး ၀မ်းမြောက်ပါသည်။
    အစ္စလာမ်ဘာသာဝင် အပေါင်းတို့သည်၊ မိမိတို့ယုံကြည် အားထား ကိုးကွယ်ကြသော ဘာသာရေးတော်အတိုင်း ကျင့်ကြံ သုံးသပ် ဆောက်တည်ကြသည့် အတွက်လည်း ကျွန်ုပ်မူဆလင် အပေါင်းတို့အား အထူးချီးကျူးပါသည်။

    ကျွန်ုပ်တို့ ပြည်ထောင်စုမြန်မာနိုင်ငံတော်၏ အခြေခံဥပဒေထဲတွင် ပြည်ထောင်စုအတွင်း မှီတင်း နေထိုင်ကြကုန်သော ပြည်ထောင်စုသူ ပြည်ထောင်စုသား အပေါင်းတို့သည်၊ အမျိုးဘာသာ မခွဲခြားဘဲ တူညီသော အခွင့်အရေးကို ရရှိရမည်ဟုပါရှိသည့်အတိုင်း အစ္စလာမ်ဘာသာဝင်အပေါင်းတို့သည်၊ အခြားဘာသာဝင် များကဲ့သို့ မိမိတို့ယုံကြည်ကိုးကွယ်ကြသော တရားတော်ကို လွတ်လပ်စွာကျင့်ကြံ့အားထုတ် နိုင်ကြစေရန်ကျွန်ုပ်ပြည်ထောင်စုအစိုးရက လိုအပ်သော အကူအညီများကို အမြဲတစေ မ-စ ကူညီလျက် ရှိနေပါသည်။

    အစ္စလာမ်ဘာသာဝင်အပေါင်းတို့သည်၊ ပြည်ထောင်စု၏ သစ္စာတော်ကိုထိန်းသိမ်း တုံ့ပြန် သောအနေဖြင့် ပြည်ထောင်စုကြီး တည်တံ့ခိုင်မြဲရေးနှင့် တိုးတက်ကြီးပွား စည်ပင်သာယာရေးတို့ကို မိမိတို့ တက်နိုင်သည့်ဘက်မှ ကူညီ ယိုင်းပင်း ကြပါမည့်အကြောင်း ကျွန်ုပ်ယခုနှစ်တဖန် ထပ်လောင်း၍ သတိပေးနှိုးဆော်လိုက်ပါသည်။

    အစ္စလာမ်ဘာသာဝင်အပေါင်းတို့ ကိုယ်စိတ်နှစ်ဖြာကျန်းမာချမ်းသာကြ၍ မိမိတို့ ကိုးကွယ်အားထားသော တရားတော်အတိုင်း၊ ထိရောက်စွာ ကျင့်ကြံ့ အားထုတ်နိုင်ကြပါစေ။

    ဦးဘဦး
    နိုင်ငံတော်သမ္မတ ၊ ပြည်ထာင်စုမြန်မာနိုင်ငံတော်။
    ရန်ကုန်မြို့ ။ ၁၁၁၇-ခုနှစ်၊ သီတင်းကျွတ်လဆန်း ၁၃ရက်။
    (၁၉၅၅-ခုနှစ်၊ အောက်တိုဘာလ ၂၉ရက်။)

     

    ၁၉၅၅-ခုနှစ်၊ ဒီဇင်ဘာလထုတ် ကမ္ဘာ့အလင်း မဂ္ဂဇင်းမှ ကူးယူဖော်ပြပါသည်။

    Image via-Haji Zaw Tun FB

  • တမန်တော် မွေးနေ့ အထိမ်းအမှတ် အစ္စလာမ့် လက်ရေးလှ အတတ်ပညာ နှင့် စာအုပ်စာပေ ပြပွဲ  ၀ါရှင်တန်တွင်ပြုလုပ်

    တမန်တော် မွေးနေ့ အထိမ်းအမှတ် အစ္စလာမ့် လက်ရေးလှ အတတ်ပညာ နှင့် စာအုပ်စာပေ ပြပွဲ ၀ါရှင်တန်တွင်ပြုလုပ်

    နိုဝင်ဘာ ၃ ၊ ၂၀၁၄
    M-Media
    02-11-14_Washington-Hosts-Prophets-Exhibition
    – တမန်တော်မုဟမ္မဒ်သခင်(ငြိမ်းချမ်းသာယာမှု သက်ရောက်ပါစေ) ဖွားမြင်ခြင်း အထိမ်းအမှတ်နှင့် အစ္စလာမ်၏ စစ်မှန်သော တန်ဖိုးများကို သိရှိစေရန်အတွက်  အစ္စလာမ့် လက်ရေးလှ အတတ်ပညာ နှင့် စာအုပ်စာပေ ပြပွဲတစ်ခုကို အမေရိကန်ပြည်ထောင်စု ၀ါရှင်တန်မြို့၌ ပြီးခဲ့သည့် ရက်အနည်းငယ်အတွင်းက ပြုလုပ်ခဲ့သည်ဟု သိရသည်။

    ပြပွဲအား “ကိုယ်တော့်အတွက် ချစ်ခြင်းမေတ္တာ” ဟူသည့်ခေါင်းစဉ်ဖြင့် ပြုလုပ်ခဲ့ခြင်းဖြစ်ပြီး၊ Yildiz ကုမ္ပဏီ၊ တူရကီ ပူးပေါင်းဆောင်ရွက်ရေး အေဂျင်စီ TIKA တို့က ပူးပေါင်းစီစဉ်ခဲ့ခြင်းဖြစ်ကာ အောက်တိုဘာ ၃၁ ရက်နေ့မှ စတင်ပြသခဲ့သည်။

    အဆိုပါ ပြပွဲတွင် ကုရ်အာန်ကျမ်းတော်မြတ်ထဲမှ အာယသ်တော်များ၊ ကိုယ်တော်မြတ်၏ အထုပ္ပတ္တိနှင့် ကိုယ်ကျင့်တရား၊ ဘ၀ဖြတ်သန်းမှုတို့ကို ဖော်ပြထားသော ပိုစတာများ၊ စာအုပ်စာပေများကို ပြသထားပြီး တူရကီ အပါဝင် ကျော်ကြားသော လက်ရေးလက်သားပညာရှင်များ၏ အာရဗီ လက်ရေးလှ ရေးသားခြင်း လက်ရာများကို ပြသခဲ့သည်။

    “ဒီပြပွဲဟာ သိပ်ကိုအဓိပ္ပါယ်ရှိပြီး အစ္စလာမ်သာသနာနဲ့ တန်ဖိုးတွေကို ကမ္ဘာပေါ်မှာ အထူးသဖြင့် အရှေ့အလယ်ပိုင်းမှာ လွဲမှားစွာ ဖော်ပြနေတဲ့ ဒီလိုအချိန်အခါမျိုးမှာ ကုရ်အာန်ကျမ်းတော်မြတ်ရဲ့ အာယသ်တော်တွေ၊ ကိုယ်တော်မြတ်ရဲ့ လုပ်ရပ်တွေက တစ်ဆင့် အစ္စလာမ်ဆိုတာ ဘာကို ကိုယ်စားပြုတာလဲဆိုတာ ပြသဖို့ ဆောင်ရွက်တာလည်းဖြစ်ပါတယ်” ဟု အမေရိကန်နိုင်ငံဆိုင်ရာ တူရကီ သံအမတ်ကြီး ဆာရ်ဒါရ် ကီလစ်က နိုဝင်ဘာ ၁ ရက်နေ့တွင် Anadolu သတင်းအေဂျင်စီသို့ ပြောကြားခဲ့သည်။

    ထိုကဲ့သို့သော ပြပွဲကို ပြီးခဲ့သည့်လကလည်း နယူးယောက်မြို့တွင် ကျင်းပပြုလုပ်ခဲ့ပြီး TIKA က ပင် စီစဉ်ပေးခဲ့ခြင်းဖြစ်သည်။

    တမန်တော် မုဟမ္မဒ်သခင် (ငြိမ်းချမ်းမှုကျရောက်ပါစေ) ၏ ဖွားမြင်ရာနေ့မှာ ရဗီအွလ် အောင်ဝလ်လ (အစ္စလာမ့် ပြက္ခဒိန်၏ တတိယမြောက်လ) ၁၂ ရက်နေ့ဖြစ်သည်။

    ထိုအချိန်အခါ သမယမှာ မုဟမ္မသခင်၏ ဘ၀ ရှင်သန်မှုအကြောင်းကို လေ့လာရန်နှင့် ကိုယ်တော့်၏ ဘ၀နေထိုင်မှုကို ဖော်ထုတ်ကျင့်သုံးရန် အရေးပါသော အချိန်ကာလဖြစ်သည်ဟု အစ္စလာမ်ဘာသာဝင်များက မှတ်ယူထားသည်။

    ကမ္ဘာတစ်ဝှမ်းတွင်လည်း မုဟမ္မဒ်သခင် ဖွားမြင်ရာ အခမ်းအနားများကို ပြုလုပ်ကြပြီး ကိုယ်တော့်၏ မေတ္တာတရား၊ သည်းခံမှု၊ တစ်ဆူးတည်သော ဖန်ဆင်းရှင်းအပေါ် ယုံကြည်ကိုးစားမှု၊ စွန့်လွှတ်အနစ်အနာခံမှုများ စသဖြင့် ကိုယ်တော်မြတ်၏ စံနမူနာကောင်းများကို ဟောပြောပို့ချခြင်း၊ အစ္စလာမ့် စာအုပ်စာပေများရောင်းချခြင်း၊ မုဟမ္မဒ် သခင်အပေါ်သို့ စုပေါင်း မေတ္တာပို့သခြင်း စသည်တို့ကို ပြုလုပ်ကြသည်။

    ref_ OnIslam & Newspapers

  • တမန်တော် မုဟမ္မဒ် မွေးနေ့ အခမ်းအနား ပြုလုပ်ရန် နိုက်ဂျီးရီးယား မွတ်စလင်များပြင်ဆင်

    ဇန်နဝါရီ ၁၂၊ ၂၀၁၄
    M-Media

    တမန်တော် မုဟမ္မဒ်သခင်(ငြိမ်းချမ်း သာယာမှု သက်ရောက်ပါစေ) ဖွားမြင်ခြင်း အထိမ်းအမှတ် အခမ်းအနားများအား ကျင်းပရန် နိုက်ဂျီးရီးယား မွတ်စလင်များပြင်ဆင်
    Festive-Mood-as-Nigerians-Mark-Prophet-Birthday-
    – မကြာမီကျရောက်တော့မည့် တမန်တော်မုဟမ္မဒ်သခင် ဖွားမြင်ရာနေ့ အထိမ်းအမှတ်အဖြစ် အခမ်းအနားများ ကျင်းပရန် နိုက်ဂျီးရီယား မွတ်စလင်များက ပြင်ဆင်နေကြသည်ဟု သိရသည်။

    ထိုကဲ့သို့ အခမ်းအနားများတွင် တမန်တော်မြတ်၏ သွန်သင်မှုများကို အလေးထား ပြောကြားသွားမည်ဖြစ်ပြီး နိုင်ငံငြိမ်းချမ်းရေး အတွက်လည်း ဆုတောင်း သွားမည်ဟု သိရသည်။

    “အခုအချိန်ဟာ တမန်တော်ရဲ့ ဂုဏ်ကျေးဇူးကို ကျူးရင့်တဲ့ အချိန်ပါ။ ရဗီအွလ်အောင်ဝလ်လ (အစ္စလာမ့် ပြက္ခဒိန်တွင် တတိမြောက်လ) ၁ ရက်နေ့ကစပြီး တမန်တော်မြတ်ကြီးရဲ့ ဂုဏ်ကျေးဇူးကို ချီးကျူးတဲ့ ဓမ္မတေးတွေကို စုပေါင်း သီကြူးကြပြီး၊ တမန်တော်မြတ် ဖွားမြင်တဲ့ ၁၂ ရက်နေ့ကျရင်တော့ တစ်နိုင်ငံလုံးက မွတ်စလင်တွေက အခမ်းအနားတွေ ပြုလုပ်မှာပါ” ဟု ကွယ်လွန်သွားခဲ့သည့် နိုက်ဂျီးရီးယားရှိ မွဖ်သီဟောင်း ရှိခ် မုဟမ္မဒ် အောင်ဝဲလ်၏ သားဖြစ်သူ တီဂျန်နီယာက OnIslam.net သို့ ပြောကြားခဲ့သည်။

    ကမ္ဘာတစ်ဝှမ်းမှ အစ္စလာမ်ဘာသာဝင်များမှာ လာမည့် တနင်္လာ၊ အင်္ဂါနေ့များတွင် တမန်တော် မုဟမ္မဒ်သခင် ဖွားမြင်ရာနေ့ အထိမ်းအမှတ်အဖြစ် အခမ်းအနားများ ပြုလုပ်ကြမည်ဖြစ်ပြီး နိုက်ဂျီးရီးယားနိုင်ငံတွင်လည်း လာမည့် အင်္ဂါနေ့အား ရုံးပိတ်ရက်အဖြစ် သတ်မှတ်ထားသည်။

    ထို့ပြင် နိုက်ဂျီးရီးယားနိုင်ငံတွင် တမန်တော်မြတ်မွေးဖွားရာနေ့တွင် ထိမ်းမြား လက်ထပ်ခြင်းများ ကုရ်အာန်ကျမ်းတော်မြတ် ရွတ်ဖတ်သရဇ္ဈာယ်မှု ပြိုင်ပွဲများ ကျင်းပပြုလုပ်လေ့ရှိကြသည်။
    Ref: OnIslam

  • ဆောင်းရတု တရားသဘင်

    ဇန်နဝါရီ ၂၅၊ ၂၀၁၃
    M-Media
    သန့်စင်အေး

     

    3
    Photo Credit-Myanmar Muslim Net

    စာရေးသူတို့တိုင်းပြည်မှာ လမ်းကိုပိတ်ပြီးဟောတဲ့တရားပွဲတွေ များပြားမြိုင်ဆိုင် လှပြီး အားလုံးနီးပါးကတော့ ဗုဒ္ဓဘာသာဘုန်းတော်ကြီးများက ဟောပြောသော ဗုဒ္ဓဘာသာ တရားပွဲများဖြစ်ပါတယ်။ စာရေးသူတို့လည်း ဒီလို တရားပွဲမျိုးတွေကို ကိုယ်ကိုယ်တိုင် လုပ်ဖို့ အခက်အခဲအမျိုးမျိုးရှိနေတာကြောင့် မလုပ်နိုင်ပေမယ့် လုပ်နိုင်တဲ့သူတွေ လုပ်နေတာကို ကြည့်ပြီး မုဒိတာပွားရပါတယ်။ ဒါပေမယ့် လွန်ခဲ့တဲ့ရက်အနည်းငယ်ကတော့ စာရေးသူရဲ့ Facebook စာမျက်နှာမှာ တရားပွဲဖိတ်စာတစ်ခုကို တွေ့လိုက်ရပါတယ်။ စတင်သတိထားမိတာက ဖိတ်စာရဲ့ အထက်နားမှာ ဘာသာကြီး(၄)ခုရဲ့ အထိမ်းအမှတ် အလံတော်များကို တွေ့လိုက်ရခြင်းပါပဲ။ ပြီးတော့ဟောပြောမယ့် သံဃာတော်၊ ဆရာတော်တွေကလည်း ဗုဒ္ဓဘာသာ သံဃာတော်တွေအပြင် ဟိန္ဒူဘာသာ၊ ခရစ်ယာန်ဘာသာများမှ ဘုန်းတော်ကြီးများအပါအ၀င် အစ္စလာမ် ဘာသာမှ ဓမ္မကထိကများ၊ သာသနာ့ပညာရှင်များပါ ပါဝင်တဲ့ပွဲဖြစ်နေတာကြောင့် အံ့သြပြီးသေချာဖတ်ကြည့်မိပါတယ်။ ဟုတ်ပါတယ်။ ဘာသာပေါင်းစုံ “ညီညွတ်ခြင်းနှင့် ငြိမ်းချမ်းရေးတရားပွဲ”ပါ။ စာရေးသူနားလည်သလိုပြောရရင်တော့ “INTERFAITH ” တရားပွဲပေါ့။ ဟာ…ဒီလိုတရားပွဲမျိုး တွေကို အရင်တုန်းကတော့ NGO အချို့နဲ့ လူမှုအဖွဲ့အစည်းအချို့က စီစဉ်တဲ့ပွဲတွေမှာတော့ တွေ့ဖူး၊ သိဖူးတာပေါ့။ အဲဒီပွဲတွေကတော့ သင့်တော်တဲ့ခန်းမဆောင် တစ်ခုခု၊ ဒါမှမဟုတ်လည်း ဟိုတယ်တစ်ခုခုမှာ များသောအားဖြင့် ကျင်းပကြပါတယ်။ ဒါပေမယ့် အခုလိုမျိုး လမ်းမှာ လမ်းပိတ်စင်ထိုးပြီးဟောပြောမယ့်၊ ရပ်ကွက်၊ ပတ်ဝန်းကျင်ပရိသတ်နဲ့ တိုက်ရိုက်ထိတွေ့ပြီး ဟောပြောကြမှာဆိုတော့ အံ့သြ ၀မ်းသာဖြစ်မိသွားပါတယ်။ ဒီလိုပွဲမျိုး ငတ်နေတာကြာပြီကိုး။ ပိုပြီးတော့စိတ်ဝင်စားမိသွားတာက ဖိတ်စာပါခေါင်းစီးက “ကူဝသွလ် အစ္စလာမ်ရာသစ်ဗ်အဖွဲ့က ဦးစီးကျင်းပသော” “(၁၄၈၇)နှစ်မြောက် မဟာတမန်တော်မြတ် ဖွားသန့်စင်နေ့အထိမ်းအမှတ်”လို့ ခေါင်းစီးတပ်ထားပြီး ခေါင်းစီးရဲ့ဘေးနားမှာလည်း “မေတ္တာ Campaign” အဖွဲ့ရဲ့ Logo လေးပါ တွေ့လိုက် ရတာကိုး။

    ဟုတ်ပါတယ်။ ဒီတရားပွဲကို အတိအကျဖော်ပြရရင်တော့…

    “(၄၄)ကြိမ်မြောက် ကူဝသွလ်အစ္စလာမ်ရာသစ်ဗ်အဖွဲ့မှ ဦးစီးကျင်းပသော”

    “ (၁၄၈၇)နှစ်မြောက် မဟာတမန်တော်မြတ် ဖွားသန့်စင်နေ့အထိမ်းအမှတ် ဘာသာပေါင်းစုံ ညီညွတ်ခြင်းနှင့်ငြိမ်းချမ်းရေးတရားပွဲ”

    ဟောပြောကြမည့် သံဃာတော်၊ ဆရာတော်များကတော့

    • – ဘဒ္ဒန္တအရိယာဝံသာဘိဝံသ
    • – အရှင်ဥာဏိက
    • – Rev. FR. George Shwe Tun
    • – ဆရာတော် အလ်ဟာဂ်ျ ခလီဖွှဟ် ဦးအေးလွင်
    • – ဆရာတော် စရီ ဦးမောင်မြင့်
    • – ဆရာတော် အလ်ဟာဂ်ျ ဦးလှရွှေ

    တို့ပဲ ဖြစ်ကြပါတယ်။

    “ကူဝသွလ်အစ္စလာမ်ရာသစ်ဗ်အဖွဲ့”နဲ့ “မေတ္တာ Campaign” မှ ပူးပေါင်းစီစဉ် ကြတာ ဖြစ်ပြီး ၂၅-၁-၂၀၁၃ ၊ ည(၈း၃၀)နာရီတွင် ရှမ်းကုန်းလမ်း၊ မြေနီကုန်း(မြောက်)ရပ်ကွက်၊ စမ်းချောင်းမြို့နယ်မှာ ကျင်းပတာဖြစ်ပါတယ်။

    IMG_20130125_231639

    ဆောင်းရာသီရဲ့ အေးချမ်းလှတဲ့ ညအခါသမယမှာ ယခုလို ငြိမ်းချမ်းခြင်း အေးချမ်းခြင်း နဲ့ ညီညွတ်ခြင်းတရားတွေဟောပြောကြမယ့် တရားသဘင်ဖြစ်လို့ အေးချမ်းမှု အပေါင်းဝေဖြာတဲ့သဘောဆောင်တဲ့ တရားသဘင်ဖြစ်တဲ့ “ဆောင်းရတု တရားသဘင်”ကို သွားဖို့ စာရေးသူ ဆုံးဖြတ်ချက်ချလိုက်ပါပြီ။ အင်ရှာအလ္လာဟ်…

    သွားမယ်ဆိုတော့ စာရေးသူတို့နေတဲ့ရပ်ကွက်နဲ့ အနည်းငယ် အလှမ်းဝေးတာက တစ်ကြောင်း၊ နောက်ပြီးတော့ ဒီတရားပွဲသတင်းကို မိတ်ဆွေတွေကို မျှဝေချင်တာတစ်ကြောင်း ကြောင့် ဒီတရားပွဲဖိတ်စာကို facebook မှာလည်း share ပေးခဲ့ပြီးတဲ့နောက် ကိုယ်ကိုယ်တိုင် လည်း လူကိုယ်တိုင်တစ်မျိုး၊ ဖုန်းနဲ့တစ်ဖုံ လက်လှမ်းမီသမျှ မိတ်ဆွေတွေကို အကြောင်းကြား ပြီး တရားပွဲသွားဖို့ စီစဉ်ပါတော့တယ်။ ဒီလိုနဲ့နောက်ဆုံး စာရေးသူရဲ့သူငယ်ချင်းတစ်ယောက် ရယ်၊ ဆရာသမားစုံတွဲရယ်ကပါ “ငါတို့လည်းသွားမယ်” ဆိုပြီး ဖြစ်လာပါတယ်။

    အဲဒီတော့ စာရေးသူတို့အဖွဲ့လည်း လူစု၊ တက္ကစီငှားပြီး တရားပွဲကျင်းပမည့် မြေနီကုန်း၊ ရှမ်းကုန်းလမ်းကို ထွက်လာခဲ့ကြပါတယ်။

    ၎င်းတရားပွဲသို့ ရွှေဝါရောင်သံဃာတော်များနှင့် မေတ္တာ Campaign မှ သံဃာတော်များ၊ အခြားခရစ်ယာန်၊ ဟိန္ဒူဘာသာရေးအဖွဲ့အစည်းများမှ ဘုန်းတော်ကြီးများနှင့် သီလရှင်များ၊ အစ္စလာမ်ဘာသာဝင် ဆရာတော်များတက်ရောက်ခဲ့ကြပြီး တရားနာပရိသတ်မှာလည်း ဘာသာ ပေါင်းစုံမှလာကြသည်ကို ကြည်နူးဖွယ်တွေ့မြင်ခဲ့ပါသည်။ အချို့ပရိသတ်များကတော့ “ငါတို့ ဒီလိုမျိုး ဘုန်းကြီးတွေရော၊ မွတ်စလင်မ် ဆရာတွေရော၊ ဘာသာအစုံက ဆရာတွေဟောတဲ့တရားပွဲ တစ်ခါမှမကြုံဘူးလို့ လာကြည့်တာ၊ ဒီလိုပွဲမျိုးကြည့်ရဖို့ဆိုတာ လွယ်တာမှတ်လို့” ဆိုတဲ့သူများကိုလည်း တရားနာ ပရိသတ်ထဲမှာ တွေ့မြင်ခဲ့ရပါသေးတယ်။ ပွဲစီစဉ်သူများကိုလည်း ကျေးဇူး အထူးတင်မိပါသည်။

    ဖြစ်ချင်တော့ အဲဒီနေ့က အဲဒီရှမ်းကုန်းလမ်းမှာပဲ ရှမ်းကုန်းလမ်းမိသားစုကကျင်းပ ပြုလုပ်တဲ့ တရားပွဲနဲ့လည်း သွားတိုက်ဆိုင်နေပါတယ်။  အဲဒီတော့ ဒီဘက်က ဘာသာပေါင်းစုံ တရားပွဲကျင်းပမယ့် လမ်းနေရာကို ဟိုဖက်တရားပွဲကဘုန်းတော်ကြီးက တရားဟောပြီးသွားလို့ ပြန်ကြွရင် ဖြတ်သွားမယ်ဆိုတော့ စာရေးသူတို့လည်း ရုတ်တရက်နေရာ မရသေးတော့ ခဏလောက်တော့စောင့်နေလိုက်ရပါတယ်။ ဟိုဘက်ပွဲက တရားဟောတဲ့ ဘုန်းကြီးပြန်ကြွသွား တော့ ဒီဘက်က စာရေးသူပြောချင်တဲ့ “Interfaith တရားပွဲ” စပါပြီ။

    44
    Photo Credit-Myanmar Muslim Net

    Interfaith တရားပွဲများ၏သဘော

    ဒီနေရာမှာ စာရေးသူ ဖြည့်စွက်မျှဝေချင်တာကတော့ Interfaith တရားပွဲများရဲ့ သဘောပါပဲ။ ဘာသာပေါင်းစုံ ငြိမ်းချမ်းရေးနှင့် ညီညွတ်ရေးတရားပွဲဆိုတာ အဓိကအားဖြင့် ဘာသာကြီး(၄)ခု ဗုဒ္ဓ၊ ဟိန္ဒူ၊ ခရစ်ယာန်၊ အစ္စလာမ် ဘာသာကြီးများမှ သံဃာတော်များ၊ ဆရာ တော်များက ကြွရောက်ပြီး ဘာသာပေါင်းစုံချစ်ကြည်ရေးနှင့် ငြိမ်းချမ်းရေးဆိုင်ရာ တရားများ ဟောကြားတော်မူအပ်သော တရားပွဲပဲဖြစ်ပါတယ်။ ဒီတော့ ဒီနေရာမှာ စာရေးသူသိထား သလောက်ကတော့ မတူတာတွေကိုဖယ်ပြီး တူတာတွေကိုဟောကြတာပါ။ တစ်ဘာသာနဲ့ တစ်ဘာသာ အပြိုင်အဆိုင် debate လုပ်တဲ့ပွဲမဟုတ်ပါဘူး။ ဒါကိုတော့ အမြင်ရှင်းဖို့လိုအပ် ပါတယ်။ အဲဒီအချိန်မျိုးမှာ ကိုယ်က ကိုယ့်ဘာသာကို ကိုယ်ဘယ်လောက် ယုံကြည်ကြောင်း၊ ဘယ်လောက်လေးစားကြောင်းနှင့် ကိုယ့်ဘာသာရဲ့ မွန်မြတ် စစ်မှန် သန့်စင်လှတဲ့ အကြောင်း အရာတွေကို ယဉ်ကျေးသိမ်မွေ့စွာနဲ့ ပညာရှိဆန်စွာ ဖော်ပြရမှာဖြစ်သလို  သူများ ဘာသာကိုလည်း ဘယ်လို တန်ဖိုးထားကြောင်း၊ ဘယ်လိုရိုသေကြောင်းအစရှိသည်ဖြင့် ကောင်းမြတ်တဲ့ စံနမူနာပုံစံကို ထုတ်ဖော် ပြသ ရမှာပဲဖြစ်ပါတယ်။ ဒါကတော့ Interfaith တရားပွဲများရဲ့ သဘောသဘာဝပဲဖြစ်ပါတယ်။

    တရားပွဲကိုတော့ ကျမ်းမြတ်ကုရ်အာန်ကို ဖတ်ရွတ်ပြီး စတင်ဖွင့်လှစ်ခဲ့ကာ အစ္စလာမ့် ရင်သွေးငယ်များမှ တမန်တော်နေ့အထိမ်းအမှတ် ကစီဒါရွတ်ဖတ်ခဲ့ကြပြီး ခလီဖွှဟ် ဦးမောင်မောင်စိုးမှ အဖွင့်မိန့်ခွန်းစကား မိန့်ကြားပါတယ်။

    ၎င်းနောက်မှာတော့ ဆရာတော် ဘဒ္ဒန္တအရိယာဝံသာဘိဝံသ က ဗုဒ္ဓဘာသာရှုထောင့်မှ နေ ငြိမ်းချမ်းရေးတရားကို မိန့်ကြားပါတယ်။ ဗုဒ္ဓဟောကြားတော် မူခဲ့သော ကာလာမသုတ်မှ ဗုဒ္ဓ၏  မိန့်မှာချက်များကိုလည်း ဟောကြားတော်မူပါတယ်။  ကျမ်းထဲမှာပါလို့လည်းမယုံနဲ့၊ ငါဘုရားဟောလို့လည်း မယုံနဲ့၊ ဆရာသမားများ ပြောလို့လည်းမယုံနဲ့။ ကိုယ့်ရဲ့ဆင်ခြင်ဥာဏ်နဲ့ ကိုယ့်ဘာသာစဉ်းစား။ ဘယ်ဘာသာမှ လူသတ်ဖို့၊ အနိုင်ကျင့်ဖို့၊ မုသားပြောဖို့ မသင်ကြား ကြပါဘူး။ ငြိမ်းချမ်းရေးကိုသင်တယ်။ ယဉ်ကျေးလိမ္မာဖို့ကိုသင်တယ်။ တမန်တော်မုဟမ္မဒ်(ဆွ)၊ ဂေါတမမြတ်စွာဘုရား၊ သခင်ယေရှု၊ ဟိန္ဒူမှ ဂုရုကြီးများ အစရှိသည် ဖြင့်ပေါ့။ ဘယ်ပုဂ္ဂိုလ်ကမှ မကောင်းတာမသင်ခဲ့ပါဘူး။ ကောင်းတာတွေကိုပဲ သင်ခဲ့ပါတယ်… အစရှိသည်ဖြင့် ကျွန်တော်တို့ နာယူခဲ့ကြရပါတယ်။

    နောက်ထပ်အစီအစဉ်မှာတော့… ဆရာတော် အလ်ဟာဂ်ျ ဦးလှရွှေမှ တရားဟောကြား တော်မူပါတယ်။ ကျမ်းတော်မြတ်ကုရ်အာန်အာယတ်တော်များ၊ တမန်တော်(ဆွ)၏ ဟဒီးဆ် သြ၀ါဒတော်များကိုလည်း ဟောကြားခဲ့ပါတယ်။ တမန်တော်မြတ်(ဆွ)ရဲ့ ဟဒီးဆ်တော် တစ်ခု မှာ ပါရှိတာက “သူများကို နှုတ်ဖြင့်သော်လည်းကောင်း၊ လက်ဖြင့်သော်လည်းကောင်း နာကျင် စေသူသည် မွတ်စလင်မ်မဟုတ်”အစရှိသည့် ဟဒီးဆ်တော်များကို ဟောကြားတော်မူခဲ့ပြီး ဘာ သာအားလုံး ငြိမ်းချမ်းကြဖို့၊ အယူမသည်းကြဖို့၊ ဘာသာတိုင်းတွင် တူညီသည့်အချက်မှာ မေတ္တာပင်ဖြစ်ကြောင်း၊ ဘာသာဝင်တိုင်း မေတ္တာပို့ကြပါကြောင်း အစရှိသည့်ဖြင့်လည်း စာရေး သူတို့ မှတ်သားခဲ့ရပါတယ်။

    ၎င်းနောက် ဆရာတော် စရီဦးမောင်မြင့်မှ ဟောကြားတော်မူခဲ့ပါတယ်။ ဘာသာရေး ခေါင်းဆောင်များ ညီညွတ်ကြဖို့လိုကြောင်း၊ ဘာသာရေးခေါင်းဆောင်များ ညီညွတ်ကြပါလျှင် နောက်လိုက်များလည်း ငြိမ်းချမ်းစွာနေနိုင်ကြမည်ဖြစ်ကြောင်း၊ အစ္စလာမ်၊ ခရစ်ယာန်၊ ဟိန္ဒူ၊ ဗုဒ္ဓ အစရှိသည့်ဘာသာ အားလုံးက ငြိမ်းချမ်းစွာ နေထိုင်ဖို့ကိုဟောကြားပါကြောင်းကို ကျမ်းဂန် အထောက်အထားများနှင့်တကွ ဟောကြားတော်မူခဲ့ပါသည်။

    ထို့နောက်တွင် ဆရာတော် အရှင်ဥာဏိက ဟောကြားတော်မူရာတွင် “ဆရာတော်မှ ယနေ့တရားနာပရ်ိသတ်အတွက် ပန်းသီးလေးများယူလာကြောင်း၊ ထိုပန်းသီးလေးများ အားလုံးမှာ ငြိမ်းချမ်းရေး ပန်းသီးလေးများဖြစ်ကြောင်း၊ သို့သော် ထိုပန်းသီးများသည် တစ်လုံးနှင့် တစ်လုံးအရောင်မတူကြကြောင်း၊ အစ္စလာမ်က အစိမ်း၊ ဗုဒ္ဓက အ၀ါ၊ ခရစ်ယာန် က အပြာစသည်ဖြင့် အရောင်မတူကြောင်း၊ ထို့ကြောင့် ဆရာတော်မှ ထိုပန်းသီးလေးများအား တရားနာပရိသတ်သို့ ဝေငှရာတွင် အခွံချွတ်ပြီးမှ ဝေငှမည်ဖြစ်ကြောင်းအစရှိသည့် “ပန်းသီး ဥပမာ”ဖြင့် အတ္တမကြီးဖို့၊ အတ္တကြီးလာလျှင် မာန၀င်လာကြောင်း၊ ထိုမာနက လောဘ၊ ဒေါသ၊ မောဟ စသည်တို့ကို ခေါ်လာပြီး အလုံးစုံပျက်စီးခြင်းကိုဖြစ်စေကြောင်း၊ ထို့ကြောင့် အတ္တမလွန်ကဲသင့်ကြောင်းကို ဟောကြား တော်မူပါသည်။

    ပြီးလျှင် Rev. FR. George Shwe Tun မှ ဟောကြားတော်မူပါတယ်။ လက်ခုပ်သံ ကြားလျှင်အားရှိကြောင်း၊ ဤတရားပွဲလာပရိသတ်များအနေဖြင့် ဤတရားပွဲကို ကြိုက်နှစ် သက်သည်ဆိုလျှပ် လက်ခုပ်တီးပေးကြစေလိုကြောင်း၊ ပရိသတ်များ လက်ခုပ်တီးပြီးလျှင် FR. မှ ပရိသတ်ကို လက်ခုပ်တီးလျှင် လက်ဘယ်နှစ်ဖက်နဲ့တီးရသလဲဟုမေးရာ ပရိသတ်က လက်နှစ်ဘက်ဖြင့် တီးပါကြောင်းဖြေကြားရာ FR. မှ “လက်ခုပ်ကိုလက်နှစ်ဘက်ဖြင့်တီးမှမြည်သည့် ဥပမာ”ပေး၍ မျှတသည့်အမြင်မျိုးရှိကြရန် ဆုံးမခဲ့ပါသည်။ ထို့နောက် ပွဲမစခင်က ဟိုဘက်တရားပွဲမှ ဘုန်းတော်ကြီး ပြန်ကြွလာမည်ဖြစ်သဖြင့် နေရာရှင်းပေးထားရန်ပြောသော် လည်း အချို့သောတရားနာပရိသတ်မှာ မိမိဦးထားသောနေရာပျောက်သွားမည် စိုးသဖြင့် နေရာမရွှေ့ပေးလိုသည့်အတွက် တာဝန်ရှိသူများမှ အထပ်ထပ်အခါခါ ပြောဆိုရသည်ကို မိမိ တွေ့မြင်နေရကြောင်း၊ အတ္တမကြီးရန်လိုကြောင်း၊ အတ္တလွန်ကဲပါက ငြိမ်းချမ်းရေးတည် ဆောက်ရန် ခက်ခဲတတ်သည့်အကြောင်းများပြောဆိုပါသည်။ ထို့နောက် တမန်တော်မုဟမ္မဒ် (ဆွ) ၏ မူးယစ်သောက်စားကင်းသည့် မွန်မြတ်သန့်စင်လှသည့် အကျင့်စာရိတ္တကို ချီးမွမ်းပြောဆိုပြီး “ကိုယ်နှင့်ယှဉ်၍ သူများကို စာနာစိတ်ထားရန်” မိန့်ကြားတော်မူခဲ့ပါသည်။

    88
    Photo Credit-Myanmar Muslim Net

    ၎င်းနောက် ဆရာတော် အလ်ဟာဂ်ျ ခလီဖွှဟ် ဦးအေးလွင် မှ ဟောကြားရာတွင်…

    အကြောင်းအရာတစ်ခု တင်ပြပြောဆိုရာတွင် အချက်အလက်သည်အရေးကြီးပါ ကြောင်း၊ အချက်အလက်ခိုင်လုံစွာဖြင့် တင်ပြနိုင်မှသာ ပရိသတ်က နားလည်သဘောပေါက် လက်ခံမည်ဖြစ်ကြောင်း၊ ဘာသာရေးအကြောင်းပြောဆိုရာတွင်လည်း မိမိတင်ပြသော အထောက်အထားများ၊ ကျမ်းစာများသည် ခိုင်လုံရန်အရေးကြီးကြောင်းမိန့်ကြားတော်မူ၍ တမန်တော်မြတ်(ဆွ)၏ ဘာသာခြားများနှင့်ဆက်ဆံရေးကို မြွက်ကြားတော်မူရာတွင်…

    တမန်တော်မြတ်(ဆွ)လက်ထက်က အစ္စလာမ်ဘာသာဝင်များ အထွဋ်အမြတ် အထားဆုံးနေရာများ အနက် ဒုတိယနေရာဖြစ်သော မဒီနဟ် မတ်စ်ဂျေဒေ့နဗ၀ီ ၀တ်ကျောင်း တော်တွင် ခရစ်ယာန်များနှင့် ဂျူးလူမျိုးများသည် ဘာသာရေး လာရောက်ဆွေးနွေး လေ့ရှိကြောင်း၊ ထိုသို့ဆွေးနွေးနေစဉ်တွင် ခရစ်ယာန်ဘာသာဝင်များ၏ ၀တ်ပြုချိန်သို့ရောက် လာကြောင်း၊ ထိုအခါ တမန်တော်မြတ်(ဆွ)မှ ၎င်းခရစ်ယာန်ဘာသာဝင်များအား မတ်စ်ဂျေဒေ နဗ၀ီတွင်ပင် ခရစ်ယာန်ဘာသာတို့၏ ထုံးတမ်းစဉ်လာအရ ၀တ်ပြုခွင့်ပေးခဲ့ကြောင်း… အစ ရှိသည့် တမန်တော်မြတ်(ဆွ)၏ ဘာသာခြားများနှင့်ဆက်ဆံရာတွင် စံနမူနာပြုထိုက်သော ပြုမူဆောင်ရွက်ပုံကိုတင်ပြပါသည်။ ထပ်မံ၍ တင်ပြပြောဆိုရာတွင် အီဂျစ်နိုင်ငံရှိ ဆိုင်းနိုင်း တောင်တွင် ကော့ပတစ် ခရစ်ယာန် ဘုရားရှိခိုးကျောင်းတစ်ခုရှိခဲ့ကြောင်း၊ တမန်တော် မုဟမ္မဒ်(ဆွ)လက်ထက်တွင် ထိုဘုရားကျောင်းကိစ္စ ပြဿနာ တစ်ခုပေါ်ခဲ့ကြောင်း….. ပြောနေရင်းနှင့်ပင် ဆရာတော် ခလီဖွှဟ် ဦးအေးလွင်၏ အသံတိတ်သွားခဲ့သည်။ ပွဲခင်းတစ်ခု လုံးလည်း မီးအမှောင် ကျသွားခဲ့သည်။ သြော်….မီးပျက်သွားတာကိုး။။။။

    တာဝန်ရှိသူများမှ မီးစက်များဖြင့် ပြန်လည်၍ လျှပ်စစ်မီးရရှိအောင်ပြုလုပ်ပြီး ဆရာတော် ခလီဖွှဟ် ဦးအေးလွင်မှ ဆက်လက်ဟောကြားရာတွင် ထိုခရစ်ယာန်ကျောင်း ပြဿနာတွင် တမန်တော်မြတ်မုဟမ္မဒ်(ဆွ)နှင့် အီဂျစ်ရှိခရစ်ယာန်ဘုရားကျောင်းမှပုဂ္ဂိုလ်များ ထိုဘုရားကျောင်းအရေးနှင့်ပတ်သက်၍ ချုပ်ဆိုထားသောစာချုပ်မှာ ယခုအချိန်ထိ အီဂျစ်နိုင်ငံ ကိုင်ရိုမြို့ရှိပြတိုက်တွင်ရှိကြောင်း၊ တမန်တော်မြတ်(ဆွ)သက်တော်ထင်ရှားရှိစဉ်ကတည်းက စာရေးစက္ကူများနှင့် စာရေးကိရိယာများပေါ်နေပြီဖြစ်ကြောင်း၊ ထိုစာချုပ်ကို တမန်တော်မြတ် (ဆွ)က ချုပ်ဆိုရာတွင် ထိုအီဂျစ် ဆိုင်းနိုင်းရှိ ခရစ်ယာန်ဘုရားကျောင်းကိုအန္တရာယ်ပြုဖို့ နေနေသာသာ ၎င်းဒေသရှိ အစ္စလာမ်ဘာသာဝင်များက ထိုဘုရားကျောင်းကို စောင့်ရှောက် ပေးထားရမည်ဖြစ်ပြီး ထိုဘုရားကျောင်းရှိ ဆရာတော်များ၏ ဆွမ်း၊ ကွမ်းကိစ္စများကိုပါ ၎င်းဒေသရှိ အစ္စလာမ်ဘာသာဝင်များမှ တာဝန်ယူ ပေးရမည်ဖြစ်ကြောင်း… အစရှိသည့် တမန် တော်မြတ်(ဆွ)၏ ဘာသာခြားနှင့်ဆက်ဆံရေးကို ဟောကြားတော်မူရာတွင်… စာရေးသူတို့မှာ အေးမြလှသော ဟေမန္တဆောင်း ရာသီတွင် တိုက်ခတ်လေ့ရှိသော မြောက်ပြန်လေအေး များသည် စာရေးသူတို့၏ ခန္ဓာကို ထက်အောက်တိုးဝင် တိုက်ခတ်နေလင့်ကစား ရာသီဥတု၏ အအေးဒဏ်ကိုပင် မေ့လျော့သွားခဲ့ရသည်အထိ ခံစားခဲ့ရပါသည်။ တမန်တော်မြတ်(ဆွ)သို့ လည်း ဆွလ၀သ်စလာမ် အထပ်ထပ်အခါခါ ပို့မိပြန်ပါသည်။ ဆက်လက်ပြီး ဆရာတော် ဦးအေးလွင်ကပင် ယခုအခါ ဘာသာတရားများသည် မသမာသူတို့၏ အသုံးချခံအဖြစ်သို့ ရောက်နေကြောင်း၊ ထိုမသမာသူများသည် ဘာသာတရားများကိုအသုံးချ၍ ဘာသာရေး မှိုင်း တိုက်ကာ ပဋိပက္ခများကို ဖန်တီးနေကြောင်း၊ သို့ဖြစ်ပါသောကြောင့် ယခု ဒီပွဲကို တွဲဖက် စီစဉ်သည့် မေတ္တာ campaign အဖွဲ့သည် မတူညီသောဘာသာဝင်များအကြား အပြန်အလှန် နားလည်မှုတည်ဆောက်ပြီး ငြိမ်းချမ်းစွာဖြင့် အတူယှဉ်တွဲနေထိုင်နိုင်ရန်အတွက် ယခုလို Interfaith ပွဲများကို ကျင်းပနေခြင်းနှင့် အခြားသော Interfaith လုပ်ငန်းစဉ်များကိုလည်း လုပ်ဆောင်နေပါကြောင်း၊ ထို့ကြောင့် မေတ္တာ Campaign ၏ ပဓာန နာယကဆရာတော်ကြီး အပါအ၀င် မေတ္တာ Campaign မှ သံဃာတော်များနှင့် ပုဂ္ဂိုလ်များအားလုံးကို အထူးပင် ကျေးဇူးတင်ပါကြောင်းနှင့် မေတ္တာ Campaign အဖွဲ့၏ ရှေ့ဆက်လုပ်ဆောင်ကြမည့် Interfaith အစီအစဉ်များတွင် ပါဝင်ကြပါရန် မိန့်ကြားတော်မူရင်း နိဂုံးချုပ်ခဲ့ပါသည်။

    ၎င်းနောက် အခမ်းအနားအစီအစဉ်အရ တရားဟောကြားတော်မူသော သံဃာတော်၊ ဆရာတော်များအား ဂါရ၀ပြုလက်ဆောင်ပစ္စည်းများဆက်ကပ်ခဲ့ပြီး အလ္လာဟ့်အလိုတော်ဖြင့် အခမ်းအနားကို အောင်မြင်စွာ ရုပ်သိမ်းနိုင်ခဲ့ပါသည်။

    စာရေးသူတို့အိမ်အပြန်လမ်းတွင်တော့  တမန်တော်မြတ်(ဆွ)အား ဆွလ၀သ်စလာမ် အထပ်ထပ်အခါခါပို့သမိလျက် စာရေးသူ တို့၏ အနာဂတ်လှပဖို့အတွက် အလ္လာဟ့်ထံတွင် ဆုတောင်းရင်း၊ အနာဂတ်လှပဖို့၊ ငြိမ်းချမ်းဖို့ အတွက် ပါဝင်ဆောင်ရွက်နေသည့် ရဟန်းရှင်လူပြည်သူများကိုလည်း မေတ္တာပို့နေ မိပါတော့ သည်။ ။