သြဂုတ် ၃၊ ၂၀၁၄
M-Media
– တရုတ်နိုင်ငံ အနောက်တောင်ပိုင်း ယူနန်ပြည်နယ်တွင် ယနေ့ ညနေပိုင်းက အင်အားပြင်ငလျင်တစ်ခု လှုပ်ခတ်ခဲ့သောကြောင့် လူ ၃၀၀ ကျော် သေဆုံးပြီး ရာပေါင်းများစွာ ပျောက်ဆုံးနေသည်ဟု သိရသည်။
Ludian နှင့် Qiaojia ခရိုင်တို့တွင် ယနေ့ ညနေ ၄ နာရီခွဲခန့်က လှုပ်ခတ်ခဲ့ခြင်းဖြစ်ပြီး ပြင်းအားမှာ ၆.၁ မဂ္ဂနီကျုရှိသည်။ ဒဏ်ရာရရှိသူ ထောင်ပေါင်းများစွာရှိနေပြီး ငလျင်ကြောင့် ဆက်သွယ်ရေး၊ လျှပ်စစ်ဓာတ်အားများ ပြတ်တောက်ခဲ့ကာ ကားလမ်းများလည်း ပျက်ဆီးခဲ့သည်။ ထို့ပြင် အဆောက်အအုံအချို့လည်း ပြိုကျခဲ့ကာ အပျက်အဆီးများကြား ပိတ်မိနေသူများကို ကယ်ဆယ်ရေးလုပ်သားများက ရှာဖွေနေသည်။
ယူနန်ပြည်နယ်တွင် လှုပ်ခတ်ခဲ့သော်လည်း စီချွမ်ပြည်နယ်ရှိ အချို့ဒေသများတွပါ ငလျင်ဒဏ်ကို ခံစားခဲ့ရသည်ဟု ဒေသတွင်း မီဒီယာများက ဖော်ပြခဲ့သည်။ ငလျင်လှုပ်ခတ်ပြီး ၂ နာရီအတွင်း နောက်ဆက်တွဲလှုပ်ခတ်မှု ၁၀၇ ကြိမ်ခန့် ဖြစ်ပွားခဲ့သည်။ နောက်ထပ် သုံးရက်အတွင်း မိုးရွာနိုင်ဖွယ်ရှိသည်ဟု မိုးလေ၀သက ခန့်မှန်းထားပြီး ကယ်ဆယ်ရေးလုပ်ငန်းများ နှောင့်နှေးဖွယ်ရှိနေသည်။
