News @ M-Media

Tag: quran

  • စကားမပြောတတ် နားမကြားသူများအတွက် လက်သင်္ကေတဖြင့် ကုရ်အာန်ဘာသာပြန်နေပြီ

    စကားမပြောတတ် နားမကြားသူများအတွက် လက်သင်္ကေတဖြင့် ကုရ်အာန်ဘာသာပြန်နေပြီ

    ဒီဇင်ဘာ ၃ ၊ ၂၀၁၂
    M-Media

    ဆန်တာ ကလာရာ၊ ကယ်လီဖိုးနီးယား။ ။ အမေရိကန်ရှိ အစ္စလာမ့် အဖွဲ့အစည်းတစ်ခုဖြစ်သည့် Global Deaf Muslim (GDM)  မှ စကားမပြောတတ် ၊ နားမကြားတဲ့ မွတ်စလင်များ ကုရ်အာန် ကျမ်းတော်မြတ်ကို လေ့လာနိုင်ရန်အတွက် အမေရိကန် လက်သင်္ကေတ ဘာသာစကားဖြင့် ကျမ်းတော်မြတ်ကို ဘာသာပြန်မည့် အစီအစဉ်ကို စတင်လိုက်သည်။

    “Global Deaf Muslim (GDM) ဟာ အစ္စလာမ်ရဲ့ သင်ကြားမှုတွေကို နားမကြားတဲ့ မွတ်စလင်တွေ လေ့လာခွင့်ရဖို့  အာရုံစိုက်ဆောင်ရွက်နေတဲ့ အမေရိကန်က တစ်ခုတည်းသော အဖွဲ့အစည်းဖြစ်ပါတယ်။” ဟု အစ္စလာမ် ဘာသာသို့ပြောင်းလဲ သက်ဝင်ခဲ့သူ Davi Barker က Examiner  ၀ဘ်ဆိုဒ်၏ ခေါင်းကြီးပိုင်းတွင် ရေးသားဖော်ပြခဲ့သည်။

    အဆိုပါလှုပ်ရှားမှုကို မွတ်စလင်အသင်း (Muslim Community Association (MCA)) ၏ ကယ်လီဖိုးနီးယားပြည်နယ် South bay တွင် ကျင်းပသည့် အခမ်းအနားတစ်ခုတွင် GDM  မှ ထုတ်ပြန်ခဲ့ခြင်း ဖြစ်သည်။ ထိုအခမ်းအနားသို့ GDM  ၏ ဥက္ကဌဖြစ်သူ Nashiru Abdulai တက်ရောက်ခဲ့ပြီး  အစ္စလာမ့် အသုံးအနှုန်းများကို အမေရိကန် လက်သင်္ကေတ စကားဖြင့် တင်ပြခြင်းကို အကျဉ်းရုံး တင်ဆက်ခဲ့သည်။

    ထို့နောက် စကားမပြောတတ် ၊ နားမကြားသော မွတ်စလင်များက ၎င်းတို့  ကြီးပြင်းလာခဲ့သည့် ဘ၀တစ်လျှောက် လစ်ဟာခဲ့ရသည့် လူမှုရေးလှုပ် ရှားမှုများ အကြောင်းကို မျှဝေခဲ့သည်။

    “စကားမပြောတတ် နားမကြားသူတွေအတွက် ASL (American Sign Language) (အမေရိကန် လက်ဟန်ဘာသာစကား) ဟာ ပထမဖြစ်ပြီး၊ အင်္ဂလိပ်စကားကတော့ ဒုတိယဖြစ်ပါတယ်။ ပြီးတော့ သူတို့အတွက် ပြည့်ပြည့်စုံစုံနားလည်နိုင်တဲ့ အစ္စလာမ့်စာပေတွေ မရှိတာ၊ ခရေစေ့တွင်းကျ သင်ပေးမယ့် ဆရာတွေမရှိတာ စတဲ့ အခက်အခဲနှစ်ခုလည်း သူတို့မှာ ရှိနေပါတယ်။” ဟု ဘာကာက ဆိုသည်။

    တရားဝင်ထုတ်ပြန်မှုများမရှိသော်လည်း အမေရိကန်ပြည်ထောင်စုတွင် မွတ်စလင် ၆ သန်းမှ ၈ သန်း အထိ နေထိုင်ကြသည်ဟု ခန့်မှန်းကြ သည်။

    စိန်ခေါ်မှုများ

    အဆိုပါ လှုပ်ရှားမှုအောင်မြင်စေရန်အတွက် မွတ်စလင်ပညာရှင်များ၊ ဘာသာဗေဒပညာရှင်များ၊ ဗီဒီယိုရိုက်ကူးရေး ပညာရှင်များ ပူပေါင်းပါဝင်ကူညီပေးရန် ဘာကာ ကမေတ္တာ ရပ်ခံခဲ့သည်။

    “ASL ဆိုတာ လက်ဟန်ခြေဟန်၊ လှုပ်ရှားမှု၊ ကိုယ်ဟန်နေထား၊ မျက်နှာအမူအရာတွေနဲ့ ပေါင်းစပ်ထားတဲ့ ဘာသာစကားတစ်ခုပါ။” ဟု သူက ဆိုသည်။

    အဆိုပါ ရည်ရွယ်ချက်များအောင်မြင်စေရန် အစ္စလာမ့် အခမ်းအနားများနှင့် ဗလီများတွင် ASL ဘာသာပြန်များထားရှိခြင်းဖြင့် ကူညီထောက် ပံ့ပေးရန် မွတ်စလင်အဖွဲ့အစည်းများအား GDM မှ ဆော်အော်ခဲ့သည်။ လိုအပ်သည့် ကုန်ကျစရိတ်များကို စုဆောင်းရန်အတွက် ရန် ပုံငွေကောက်ခံမည့် အစီအစဉ်ကိုလည်း စီစဉ်ခဲ့ကြသည်။

    “စူရာ ၁၁၄ ခုကို ရိုက်ကူးဖို့အတွက် အလှူငွေ ဒေါ်လာ ၁၃၅၀ လောက် ယခုလောလောဆယ် လိုအပ်ပါတယ်။ ကျနော်တို့ရဲ့ရည်ရွယ် ချက်ကတော့ လက်သင်္ကေတ ဘာသာ စကားနဲ့ ဖော်ပြထားတဲ့ ကုရ်အာန်ကျမ်းတော်မြတ် အစအဆုံး DVD ကို ကမ္ဘာတစ်ဝှမ်းလုံးမှာရှိတဲ့ နားမကြားတဲ့ မွတ်စလင်တွေကို အခမဲ့ ဖြန့်ဝေသွားဖို့ပဲဖြစ်ပါတယ်။ အဲဒီ ဗီဒီယိုအားလုံး GDM ၀ဘ်ဆိုဒ်ကနေလည်း ရရှိနိုင်မှာပါ။” ဟု ဘာကာ က ဆိုသည်။

    GDM  သည် အမေရိကန်တွင် မှတ်ပုံတင်ထားသော အကျိုးအမြတ်မယူသည့် အဖွဲ့အစည်းတစ်ခုဖြစ်သည်။ ကမ္ဘာတစ်ဝှမ်းလုံးရှိ မွတ်စလင် များ၏ အခွင့်အရေးနှင့် လိုအပ်ချက်များကို ကူညီဆောင်ရွက်ပေးရန် ရည်ရွယ်၍ နားမကြားသည့် ပညာတတ်မွတ်စလင်များက ဦးဆောင် ကာ၂၀၀၅ ခုနှစ်တွင် စတင် တည်ထောင်ခဲ့သည်။ (ကိုးကား- http://www.onislam.net/english)

    မှတ်ချက် -လက်သင်္ကေတဖြင့် သတင်းကြေညာသူ မောင်လူငယ်ရေးသားသည့် နားမကြားသူများ သုံးစွဲနေသော ဘာသာစကားအကြောင်း M-Media စာမျက်နှာတွင် ဖတ်နိုင်သည်။

  • ကုရ်အာန်ကို နေ့စဉ် ဖတ်ရွတ်ကြောင်း ဗြိတိန် ၀န်ကြီးချုပ်ဟောင်း တိုနီဘလဲရ် ပြောကြား

    ကုရ်အာန်ကို နေ့စဉ် ဖတ်ရွတ်ကြောင်း ဗြိတိန် ၀န်ကြီးချုပ်ဟောင်း တိုနီဘလဲရ် ပြောကြား

    နိုဝင်ဘာ၊ ၂ ၊ ၂၀၁၂
    M-Media

    Source: magtimes.com

    မွတ်စလင်မ်တွေရဲ့ ဘာသာတရား (အစ္စလာမ်) ပာာ လှပ တင့်တယ်သလို တမန်တော် မုပာမ္မဒ်(ဆွ) ကလည်း ကြီးမြတ်တဲ့ လူယဉ်ကျေး လူ့ အဖွဲ့အစည်း အင်အားစု တစ်ရပ် ထူထောင်နိုင်ခဲ့တဲ့ ပုဂ္ဂိုလ်ကြီး ဖြစ်ပါတယ် လို့ Observerမဂ္ဂဇင်းနဲ့ အင်တာဗျုးတစ်ရပ်မှာ ဗြိတိန် ၀န်ကြီးချုပ်ဟောင်း တိုနီဘလဲရ်က ပြောပါတယ်။

    “ကျွန်တော်က သမ္မာကျမ်းစာကို နေ့တိုင်းဖတ်သလို၊ ကုရ်အာန်ကျမ်းတော်မြတ်ကိုလည်း နေ့တိုင်းဖတ်ရွတ်ပါတယ် “လို့ ၀န်ကြီးချုပ်ဟောင်း က အဆိုပါ အင်တာဗျူးမှာ ထုတ်ဖော် ပြောကြားသွားပါတယ်။

    အစ္စလာမ့် ကျမ်းစာ (ကျမ်းမြတ်ကုရ်အာန်) ဖတ်ရွတ်ခြင်းဟာ ဘာသာရေး အသိအမြင် တိုးပွားစေတယ်လို့လည်း ဘလဲရ် က ထပ်ဆင့် ပြောကြားသွားပါသေးတယ်။

    အခုလို ကျမ်းတော်မြတ်ကုရ်အာန်နဲ့ ပက်သက်ပြီး ၀န်ကြီးချုပ်ဟောင်းက ပြောကြားတာ ပထမအကြိမ် မဟုတ်ပါဘူး။ ၂၀၀၆ခုနှစ်မှာလည်း ကျမ်းမြတ် ကုရ်အာန်ဟာ (အမှားတွေကို) ပြုပြင်ပြောင်းလဲပေးတဲ့ ကျမ်းစာတစ်စောင် ဖြစ်ကြောင်း ပြောကြားခဲ့ပါသေးတယ်။

    ဗြိတိန် ဝန်ကြီးချူပ်ဟောင်း ဘလဲရ် ရဲ့ မရီးဖြစ်တဲ့ Lauren Booth ကလည်း အီရန်က မြင့်မြတ်တဲ့ အထွတ်အမြတ်ထားရာ သမိုင်းဝင်နေရာတွေကို သွားရောက် လည်ပတ်ပြီးတဲ့နောက်မှာ အစ္စလာမ်ကို သက်ဝင်ယုံကြည်လာသူ ဖြစ်လာပါတယ်။

    Lauren Booth ရဲ့ပုံတွေကတော့ သတင်းမှာ မပါပေမယ့်  ဖြည့်စွက် ထည့်ထားခြင်း ဖြစ်ပါတယ်။

    Booth stands next to a damaged building in Gaza in 2008

    အစ္စလာမ်သာသနာကို သက်ဝင်ကူးပြောင်းပြီးနောက် Lauren Booth

     

    ဆက်လက်ဖတ်ရှု့လိုလျှင်

    http://www.dailymail.co.uk/news/article-2002883/Tony-Blair-reads-Koran-day-stay-faith-literate.html

  • အီဂျစ်တွင် ကျင်းပတဲ့ ကမ္ဘာ့ကုရ်အာန် ရွတ်ဖတ်ပြိုင်ပွဲတွင် မြန်မာမှ တတိယဆုရ

    အီဂျစ်တွင် ကျင်းပတဲ့ ကမ္ဘာ့ကုရ်အာန် ရွတ်ဖတ်ပြိုင်ပွဲတွင် မြန်မာမှ တတိယဆုရ

    သြဂုတ်၊ ၁၆၊၂၀၁၂

    အန်ကယ်လေး၊

    M-Media

    အီဂျစ်နိုင်ငံ ကိုင်မြို့တွင် ၆၊၈၊၂၀၁၂ မှ ၁၁၊၈၊ ၂၀၁၂ အထိကျင်းပပြုလုပ်ခဲ့သော နိုင်ငံပေါင်းစုံ ကမ္ဘာကုရ်အာန် ရွတ်ဖတ်ပြိုင်ပွဲတွင် မြန်မာနိုင်ငံမှာ ပါဝင်ယှဉ်ပြိုင်ခဲ့သော နေအ်မတုလ္လာ (ဒလ-ကာရီကျောင်း) မှ တတိယဆု ရရှိခဲ့ကြောင်း သတင်းရရှိပါတယ်။
    ပထမဆုကို အီဂျစ်နိုင်ငံ၊ ဒုတိယဆုကို ဘော့စနီးယား နိုင်ငံမှ ရရှိခဲပါတယ်။

    တတိယဆု ဆွတ်ခူးရရှိသွားသော နေအ်မတုလ္လာ (ဒလ-ကာရီကျောင်း) မှ ပြိုင်ပွဲဝင်စဉ်

     

    အမှတ်ပေးဒိုင်များ ပြိုင်ပွဲဝင်များနှင့် အမှတ်တရ
  • ပထမဆုံးသော ရှေးဟောင်း တရုတ်ဘာသာပြန် ကုရ်အာန် ရှာဖွေတွေ့ ရှိ

    ပထမဆုံးသော ရှေးဟောင်း တရုတ်ဘာသာပြန် ကုရ်အာန် ရှာဖွေတွေ့ ရှိ

    ပထမဆုံးသော ရှေးဟောင်း တရုတ်ဘာသာပြန် ကုရ်အာန်

    တရုတ်နိုင်ငံအနောက်မြောက်ပိုင်း Gansu နယ်မြေက မုစ်လင်ရှေးဟောင်းအမွေအနှစ် ရှာဖွေသူတို့ က ၁၉၁၂ခုနှစ်လောက်က တရုတ်လက်ရေးမူနဲ့ရေးသားထားတဲ့  ရှေးအကျဆုံး တရုတ်ဘာသာပြန် ကုရ်အာန်တစ်အုပ်ကို ရှာဖွေတွေ့ ရှိခဲ့တယ်လို့  ပြောကြားခဲ့ပါတယ်။ ဒီစာအုပ်ကို မတွေ့ ခင်က  ပညာရှင်တွေဟာ ၁၉၂၇ခုနှစ်က ဘေကျင်းမှာ ပုံနှိပ် ထုတ်ဝေခဲ့တဲ့ တရုတ် ဘာသာပြန်ကုရ်အာန်ကို အစောဆုံးလို့ ထင်မှတ်ထားခဲ့ကြတာပါ။

    အခုအသစ်တွေ့ ရှိခဲ့တဲ့လက်ရေးမူကို Lanzhou တက္ကသိုလ်က မုစ်လင်မ် ရှေးဟောင်း ယဉ်ကျေးမှု ရှာဖွေသူတွေက မော်ကွန်းတိုက်ဟောင်းက ရှာဖွေတွေ့ ရှိခဲ့တာဖြစ်ပြီး တရုတ် ဘာသာကို ပြန်ဆိုခဲ့သူတွေကတော့ အီမာမ်နှစ်ဦးဖြစ်တဲ့ Sha Zhong နဲ့  Ma Fulu ဆိုသူတို့ ဖြစ်ကြတယ်လို့ယုံကြည်ရပါတယ်။

    သူတို့နှစ်ဦးဟာ ၁၉၀၉ခုနှစ်လောက်က စတင်ဘာသာပြန်ခဲ့တာဖြစ်ပြီး ၁၉၁၂ခုနှစ်လောက်မှာ အပြီးသတ်ခဲ့တယ်လို့ သိရပါတယ်။ ဒီ့နောက်မှာ Sha Zhong ဟာ သူ့ရဲ့လက်ရေးမူနဲ့ ကော်ပီသုံးအုပ်ကူးခဲ့ပြီး Lanzhou တက္ကသိုလ်မှာ အသုံးပြုခဲ့တယ်လို့ သိရပါတယ်။

    နှစ်ဆယ်ရာစုအတွင်းမှာ တခြားတရုတ်ဘာသာပြန် နှစ်အုပ်လည်း Gansu နယ်မြေမှာရှိခဲ့မယ်လို့ ယူဆရပါတယ်။ Lanzhou တက္ကသိုလ်ရဲ့ကျောင်းအုပ် Ding Shiren နဲ့သူ့ရဲ့လုပ်ဖော်ကိုင်ဖက်တွေဟာ ခုချိန်ထိ ဒီဘာသာပြန် ကုရ်အာန်သုံးမျိုးကိုနှိုင်းယှဉ်လေ့လာနေဆဲဖြစ်ပါတယ်။ Sha Zhong နဲ့  Ma Fulu တို့ ရဲ့ဘာသာပြန်ဟာ Lanzhou ဒေသသုံးစကားတွေ ပါဝင်နေပေမယ့်လည်းမူရင်း အာရဗီဘာသာစကားကို လေးစားမှု အပြည့်ရှိတယ်လို့  Ding ကပြောကြားခဲ့ပါတယ်။

    အစ္စလာမ်ဘာသာဟာ တရုတ်နိုင်ငံအတွင်းကို Tang မင်းဆက် (၆၁၈-၉၀၇) က စပြီး စတင် ဝင်ရောက်ခဲ့တယ်လို့ ကျွမ်းကျင်သူတွေကပြောကြားခဲ့ပါတယ်။ သို့သော်လည်း ရှေးတရုတ် မုစ်လင်မ်တွေဟာ အဓိပ္ပာယ်လွဲမှားပြီး ရေးသားမိမှာ စိုးရိမ်လို့ ကုရ်အာန်ကျမ်းမြတ်ကို ဘာသာ မပြန်ခဲ့တာဖြစ်နိုင်တယ်လို့  Ding ကပြောကြားခဲ့ပါတယ်။

    (abna.ir)

    ဇူလိုင်လထုတ် အလ်မီဇားန် အမှတ်၁၁ မှ ကူးယူဖော်ပြသည်။

  • ကုရ်အာန်ကျမ်းမြတ် ပထမဆုံး ပန်ဂျာဘီ ဘာသာပြန် ထွက်ရှိ။

    ကုရ်အာန်ကျမ်းမြတ် ပထမဆုံး ပန်ဂျာဘီ ဘာသာပြန် ထွက်ရှိ။

    Tauqir Amaan Khan ဟာ ကျမ်းမြတ်ကုရ်အာန်ကို ပန်ဂျာဘီဘာသာကို ပထမဆုံးပြန်ဆိုတဲ့ ပါကစ္စတန်နိုင်ငံသားတစ်ဦးဖြစ်လာပါတယ်။ ကျမ်းမြတ်ကုရ်အာန်ဟာ ကမ္ဘာ တစ်ဝှမ်းလုံးမှာ  ဘာသာစကားအမျိုးမျိုးကို ပြန်ဆိုခဲ့ပြီးဖြစ်ပါတယ်။ ပန်ဂျာဘီဘာသာစကားဟာ ကမ္ဘာ့ပထမဆုံးဘာသာစကား ဆယ်မျိုးထဲမှာ ပါင်တယ်လို့ ယူဆရပြီး ကမ္ဘာပေါ်ကလူပေါင်း သန်း၄၀လောက်ဟာ ပန်ဂျာဘီဘာသာစကားကို နားလည်အသုံးပြုနေကြပါတယ်။ ပါကစ္စတန်နိုင်ငံမှာပဲ လူပေါင်း ၁၂သန်းလောက်ဟာ ပန်ဂျာဘီဘာသာစကားကို နားလည် ပြောဆိုနေကြပြီး အိန္ဒိယနိုင်ငံက လူပေါင်း သန်း၃၀ကျော်လောက်လည်း နားလည်အသုံးပြုနေကြပါတယ်။

    သီးသန့် အင်တာဗျူးတစ်ခုမှာ

    Amaan Khan က ပန်ဂျာဘီတစ်ယောက်ဖြစ်နေခြင်းအားဖြင့် အလ္လာဟ်အရှင်မြတ်ရဲ့ အာယသ်တော်ကို သူ့ ရဲ့မိခင်ဘာသာစကားကို ပြောင်းလဲပေးဖို့  တာဝန်ရှိသလို ခံစားရကြောင်း ပြောကြားခဲ့ပါတယ်။

    သူ့ ရဲ့ဘာသာပြန်စာအုပ်မှာ အာရဗီဘာသာစကားနဲ့  ပန်ဂျာဘီဘာသာစကားကို ယှဉ်တွဲဖော်ပြထားပါတယ်။ ဒီလိုဘာသာပြန်ခြင်းမပြုလုပ်ခင်က သူဟာ စာအုပ်ပေါင်း မြောက်များစွာကို လေ့လာဖတ်ရှုခဲ့ပါတယ်။

    ဟာဖိဇ် နဇွာရ်မုဟမ္မဒ်၊ မော်လနာ ဗရှီရ်အဟ်မဒ်၊ ဒေါက်တာ အတ်စ်ရားအဟ်မဒ်၊ မောင်လနာမောင်ဒူဒီ၊ ဂျာဗီဒ်အဟ်မဒ်ဂါမဒီ၊ အမီးန်အဟ်စာန်အဆ်ွလာဟီ၊ မော်လာနာ အဗုလ်ကလာမ်အာဇာသ်၊ မုဖ်သီမုစ်သွဖာ၊ မော်လနာ အရ်ှရှဖ်အလီထာနဝီ၊ ပီရ်ကရမ်ရှားဟ် တို့ ရေးသားခဲ့တဲ့စာအုပ်တို့ ကို ဖတ်ရှုခဲ့ပါတယ်။

    Khan က သူဘာသာပြန်ခြင်းရဲ့ရည်ရွယ်ချက်က ဖတ်ရှုသူတွေအတွက် ကုရ်အာန်ကျမ်းမြတ်ဟာ အကြွင်းမဲ့လက်ခံကြည့်သုံးနိုင်တဲ့ ကျမ်းမြတ်ဖြစ်ကြောင်း သိရှိကျေနပ်နိုင် စေဖို့  ဖြစ်တယ်လို့ သိရပါတယ်။

    သူဟာ ဟဂ်ျကပြန်လာပြီး ၂၀၀၂ခုနှစ်လောက်ကတည်းက ကုရ်အာန်ကို ဘာသာပြန်ဆိုနိုင်ဖို့ ကြိုးစားခဲ့တာပါ။ စာအုပ်တွေ ဖတ်ဖို့ နဲ့ နားလည်နိုင်ဖို့ ကို လေးနှစ်လောက် အချိန်ယူခဲ့ရပြီး ၂၀၀၇ ခုနှစ်ရောက်မှ စူရဟ်ဖာသွိဟ်ကို ပထမဆုံး စတင်ပြန်ဆိုနိုင်ခဲ့ပါတယ်။

    တစ်နေ့ ကို ၁၈နာရီနဲ့  နာရီ ၂၀လောက်အချိန်ယူပြီး ပြန်ဆိုခဲ့ပါတယ်။ ဒီလိုဘာသာပြန်နေစဉ် အချိန်အတွင်းမှာ သူငယ်ချင်းတွေ ဆွေမျိုးတွေနဲ့ လည်း မတွေ့ ဆုံနိုင်ခဲ့ဘူးလို့  ဖွင့်ဟ ပြောဆိုခဲ့ပါတယ်။ နောက်ဆုံး သူရဲ့ဘာသာပြန်ဆိုခြင်းဟာ ၂၀၀၉ခုနှစ်မှာ ပြီးစီးခဲ့ပါတယ်။

    (ummat news)

    ဇူလိုင်လထုတ် အလ်မီဇားန် အမှတ်၁၁ မှ