News @ M-Media

Tag: RealMadrid

  • ခရစ္စတီယာနို ရော်နယ်ဒို တင်နိုင်ဖွယ်ရှိနေသည့် စံချိန်သစ် ၁၀ ခု

    ခရစ္စတီယာနို ရော်နယ်ဒို တင်နိုင်ဖွယ်ရှိနေသည့် စံချိန်သစ် ၁၀ ခု

    ဇွန် ၂၀၊ ၂၀၁၈
    M-Media

    ၁။ ကမ္ဘာ့ဖလား ဂိုးသွင်းဘုရင်

    ရော်နယ်ဒိုဟာ ကမ္ဘာ့ဖလားပြိုင် ၄ ခုမှာ ဂိုးသွင်းနိုင်တဲ့ ကစားသမားတစ်ဦး ဖြစ်လာခဲ့ပြီး ဂျာမနီ ဂန္တ၀င်ကစားသမားကြီးတွေဖြစ်တဲ့ ကလိုစေး၊ ယူဝီ ဆီလာ၊ ဘရာဇီးလ် ဘောလုံးသူရဲကောင်း ပီလီတို့နဲ့ စံချိန်တူနေပါတယ်။ ၂ ၀၀၆၊ ၂၀၁၀ နဲ့ ၂၀၁၄ ကမ္ဘာ့ဖလားတွေမှာ ၁ ဂိုးစီသာ သွင်းယူနိုင်ခဲ့ပေမယ့် အခု ၂၀၁၈ ကမ္ဘာ့ဖလားမှာတော့ ရော်နယ်ဒိုဟာ ပွဲဦးထွက်မှာပဲ ဟက်ထရစ် သွင်းယူထားနိုင်ပြီး ဂိုးအများဆုံးသွင်းနိုင်တဲ့ ကစားသမား ဖြစ်လာနိုင်ဖွယ် ရှိနေပါတယ်။

    ၂။ ကမ္ဘာ့ဖလား ဆွတ်ခူးမှု

    လွန်ခဲ့တဲ့ ၂ နှစ် ပဲရစ်မှာ ပေါ်တူဂီဟာ ပြင်သစ်ကို အနိုင်ရပြီး ဥရောပချန်ပီယံ ဖြစ်ခဲ့ပါတယ်။ ဒါဟာ ရော်နယ်ဒိုအတွက် ပထမဆုံး နိုင်ငံတကာ ဆုဖလားလည်း ဖြစ်ပါတယ်။ ယူရို ၂၀၁၆ မှာ ရေပန်းမစားဘဲနဲ့ ချန်ပီယံဖြစ်ခဲ့တဲ့ ပေါ်တူဂီဟာ အခု ကမ္ဘာ့ဖလားမှာလည်း ဒီလို စွမ်းဆောင်နိုင်မလားဆိုတဲ့ စောင့်ကြည့်မှုတွေ ရှိနေပါတယ်။ ရော်နယ်ဒိုကတော့ “ကျွန်တော်တို့ဟာ ရေပန်းစားတဲ့အသင်း မဟုတ်ပေမယ့်၊ ချန်ပီယံဖြစ်နိုင်တဲ့အသင်းပါ” လို့ စပိန်နဲ့ပွဲအပြီးမှာ ပြောကြားခဲ့ပါတယ်။

    ၃။ နိုင်ငံတကာအဆင့်တွင် ဂိုးအများဆုံး ဥရောပကစားသမား

    ဒီစံချိန်တင်နိုင်ဖို့ သိပ်မကြာတော့ပါဘူး။ စပိန်နဲ့အဖွင့်ပွဲမှာ ၃ ဂိုးသွင်းခဲ့တဲ့ ရော်နယ်ဒိုဟာ နိုင်ငံတကာသွင်းဂိုး ၈၄ ဂိုးအထိ ရှိလာခဲ့ပြီး ဟန်ဂေရီ ဂန္တ၀င်ကစားသမား ဖီရန့်စ် ပွတ်စ်ကက်စ် တင်ထားတဲ့စံချိန်ကို လိုက်မီသွားပြီ ဖြစ်ပါတယ်။ ဒီနေ့ညကစားမည့် မော်ရိုကိုနဲ့ပွဲမှာ နောက်တစ်ဂိုး ထပ်သွင်းလိုက်တာနဲ့ ရော်နယ်ဒိုဟာ နိုင်ငံတကာအဆင့်မှာ ဂိုးအများဆုံးသွင်းနိုင်တဲ့ ဥရောပ ကစားသမားအဖြစ် စံချိန်သစ် တင်နိုင်မှာ ဖြစ်ပါတယ်။ (ပေါ်တူဂီဟာ ရော်နယ်ဒိုရဲ့ တစ်လုံးတည်းသောသွင်းဂိုးနဲ့ မော်ရိုကိုကို အနိုင်ရခဲ့ပါတယ်)

    ၄။ အလီဒါအီ၏ နိုင်ငံတကာသွင်းဂိုးစံချိန်

    ပွတ်စ်ကက်စ်ရဲ့ စံချိန်ကို ချိုးနိုင်သွားပြီးတဲ့နောက် ရော်နယ်ဒိုဟာ ပေါ်တူဂီအတွက် ဂိုး ၁၀၀ သွင်းနိုင်ရေး ပစ်မှတ်ထားလာပါတယ်။ ဒါဆိုရင်တော့ အီရန်တိုက်စစ်မှူးဟောင်း အလီဒါယီရဲ့ နိုင်ငံတကာ သွင်းဂိုးစံချိန် ၁၀၉ ဂိုးကို လိုက်မီဖို့လည်း ရှိနေပါတယ်။ လက်ရှိမှာ ၂၅ ဂိုး လိုနေသေးပေမယ့် နောက်ထပ် ၂ နှစ် နိုင်ငံတကာပွဲတွေ ဆက်ကစားမယ်ဆိုရင်တော့ ဒီစံချိန်ကို ချိုးနိုင်မှာ ဖြစ်ပါတယ်။

    ၅။ ချန်ပီယံလိဂ်ဖလား အများဆုံးစံချိန်

    ပြီးခဲ့တဲ့ ၅ နှစ်အတွင်းမှာ ရီးယဲလ်မက်ဒရစ်ဟာ ချန်ပီယံလိဂ်ဖလားကို ၄ ကြိမ် ဆွတ်ခူးခဲ့ပြီး မန်ယူနဲ့ တစ်ကြိမ်ရထားတဲ့ ရော်နယ်ဒိုရဲ့ စုစုပေါင်း ချန်ပီယံလိဂ်ဖလား ရရှိမှုဟာ ၅ ကြိမ် ရှိနေပါပြီ။ ရီးယဲလ်အသင်းရဲ့ စပိန်ဂန္တ၀င်ကစားသမား ပါကို ဂျန်တိုဟာ ၁၉၅၆ ခုနှစ်ကနေ ၁၉၆၅ ခုနှစ်အတွင်း ချန်ပီယံလိဂ်ဖလားကို ၆ ကြိမ် ရရှိထားပြီး ရော်နယ်ဒိုအနေနဲ့ သူ့စံချိန် လိုက်နိုင်မလားဆိုတာ စောင့်ကြည့်ရမှာပါ။

    ၆။ ၆ ကြိမ်မြောက် ကမ္ဘာ့အကောင်းဆုံး ဘောလုံးသမား

    ဘာစီလိုနာတိုက်စစ်မှူး မက်ဆီလိုပဲ ရော်ဒိုနယ်ဒိုဟာ ကမ္ဘာ့အကောင်းဆုံး ဘောလုံးသမားဆု Ballon d’Or ကို ၅ ကြိမ် ရရှိထားပါတယ်။ ၂၀၁၂ ခုနှစ်ကတည်းက တွက်ရင် ရော်နယ်ဒိုဟာ ၄ ကြိမ်အထိ ရထားပြီး မက်ဆီကတော့ ၁ ကြိမ်သာ ရရှိထားပါတယ်။ နောက်တစ်ကြိမ်ထပ်ရမယ်ဆိုရင်တော့ ရော်နယ်ဒိုဟာ မက်ဆီကိုကျော်ပြီး ကမ္ဘာ့အကောင်းဆုံး ၆ ကြိမ်ရ ကစားသမားအဖြစ် စံချိန်သစ်တင်နိုင်မှာပါ။ ချန်ပီယံလိဂ်မှာ ရီးယဲလ်နဲ့အတူ ဗိုလ်စွဲပြီး လက်ရှိ ကမ္ဘာ့ဖလားမှာ ခြေစွမ်းပြနိုင်ရင်တော့ ဒီဇင်ဘာမှာ ရော်နယ်ဒိုဟာ ဒီအောင်မြင်မှုကို ရနိုင်မယ့်အနေအထား ရှိနေပါတယ်။

    ၇။ ရီးယဲလ်တွင် ဖလားအများဆုံးရ ကစားသမား

    ရော်နယ်ဒိုဟာ ရီးယဲလ်မှာ ဖလား စုစုပေါင်း ၁၆ လုံးအထိ ရရှိထားပြီး ချန်ပီယံလိဂ် ၄ ကြိမ်၊ ကလပ်အသင်း ကမ္ဘာ့ဖလား တစ်ကြိမ်၊ ယူအီးအက်ဖ်အေ စူပါဖလား ၃ ကြိမ်၊ လာလီဂါ ၂ ကြိမ်၊ ကိုပါဒီရေး ၂ ကြိမ်၊ စပိန် စူပါကိုပါ ၂ ကြိမ်တို့ ဖြစ်ပါတယ်။ ဒါပေမယ့် ရီးယဲလ်ကစားသမားဟောင်း ပါကို ဂျန်တို ရရှိထားတဲ့ ဖလား ၂၃ လုံး စံချိန်ကို လိုက်နိုင်ဖို့အတွက် နည်းနည်း အလှမ်းဝေးနေပါသေးတယ်။ အသင်းဖော် ဆာဂျီယိုရာမို့စ်နဲ့ ၃ လုံးကွာနေပေမယ့် ရော်နယ်ဒိုဟာ ကလပ်အသင်းအဆင့် စုစုပေါင်း ဖလားရရှိမှုမှာတော့ ရာမို့စ်ထက် ပိုများပြီး မန်ယူမှာတင် ၉ လုံး ရရှိခဲ့ပါတယ်။

    ၈။ ဒီစတီဖာနို၏ သွင်းဂိုးစံချိန်

    ဧပြီလက နျူးကမ့်မှာ ဘာစီလိုနာနဲ့ ၂ ဂိုးစီသရေကျတဲ့ပွဲမှာ တစ်ဂိုးသွင်းယူခဲ့နိုင်တဲ့ ရော်နယ်ဒိုဟာ ရီးယဲလ် ဂန္တ၀င်ကစားသမား ဒီစတီဖာနို ဘာစီလိုနာနဲ့ပွဲမှာ သွင်းထားတဲ့ ဂိုးအများဆုံး ၁၈ ဂိုးစံချိန်နဲ့ တူသွားခဲ့ပါတယ်။ လာမယ့်နှစ် ရီးယဲလ်မှာ ဆက်ရှိနေပြီး ဘာစီလိုနာနဲ့ပွဲမှာ ဂိုးထပ်သွင်းနိုင်ရင်တော့ ရော်နယ်ဒိုဟာ ဒီစတီဖာနိုရဲ့ စံချိန်ကို ချိုးနိုင်မှာပါ။ မက်ဆီဟာ ရီးယဲလ်နဲ့တွေ့ဆုံမှုမှာ စုစုပေါင်း ၂၆ ဂိုးအထိ သွင်းထားပြီး ဒီစံချိန်ကို ရော်နယ်ဒိုလိုက်နိုင်ဖို့တော့ အလှမ်းဝေးနေပါသေးတယ်။

    ၉။ ၅ ကြိမ်မြောက် ဥရောပ ရွှေဖိနပ်ဆု

    အရင်နှစ်တွေကနဲ့စာရင် ပွဲစဉ်တွေမှာ ပါဝင်မှု နည်းလာတာကြောင့် ဒီအောင်မြင်မှုကို ရယူဖို့အတွက် နည်းနည်းခက်ခဲပါတယ်။ ဒါပေမယ့် လာမယ့်နှစ်မှာ ဥရောပရဲ့ ဂိုးသွင်းအများဆုံး ဖြစ်လာမယ်ဆိုရင် ရော်နယ်ဒိုဟာ မက်ဆီတင်ထားတဲ့ ဥရောပရွှေဖိနပ်ဆု ၅ ကြိမ်ရရှိတဲ့ စံချိန်ကို မှီသွားမှာ ဖြစ်ပါတယ်။ လက်ရှိမှာ ၄ ကြိမ် ရရှိထားပြီး ရီးယဲလ်နဲ့ ၃ ကြိမ်၊ မန်ယူနဲ့တစ်ကြိမ် ဖြစ်ပါတယ်။

    ၁၀။ ရီးယဲလ်အတွက် ဂိုး ၅၀၀

    ရီးယဲလ်မက်ဒရစ်မှာ ဂိုးအများဆုံးသွင်းခဲ့ထားတဲ့ တိုက်စစ်မှူး ရာအူးလ်ရဲ့ ၃၂၃ ဂိုးစံချိန်ကို ရော်နယ်ဒိုဟာ ကျော်ဖြတ်နိုင်ခဲ့ပါတယ်။ ရီးယဲလ်အတွက် ၄၃၈ ပွဲကစားရာမှာ ရော်နယ်ဒိုဟာ ဂိုးပေါင်း ၄၅၀ အထိ သွင်းထားပါတယ်။ နောက်နှစ် ဘာနေဗျူးမှာ ဆက်ရှိနေမယ်ဆိုရင် ရီးယဲလ်အတွက် ဂိုးပေါင်း ၅၀၀ ပြည့်မယ့် အလားအလာ ရှိနေပါတယ်။

    Ref: Goal

  • ဘေးလ်၏အပြောင်းအရွှေ့လျှို့ဝှက်ချက် ပေါက်ကြားမှုကို အေးဂျင့်ဝေဖန်

    ဘေးလ်၏အပြောင်းအရွှေ့လျှို့ဝှက်ချက် ပေါက်ကြားမှုကို အေးဂျင့်ဝေဖန်

    ဇန်န၀ါရီ ၂၁၊ ၂၀၁၆
    M-Media

    bale

    – ဝေးလ်တိုက်စစ်မှူး ဂါရက်ဘေးလ် စပါးမှ ရီးယဲလ်သို့ ပြောင်းရွှေ့မှုနှင့်ပတ်သက်သည့် လျှို့ဝှက်ချက်များ ပေါက်ကြားမှုမှာ ရှက်စရာကောင်းသည်ဟု ဘေးလ်၏ အေးဂျင့်ဖြစ်သူ ဂျိုနသန် ဘားနက်က ပြောကြားလိုက်ပြီး စုံစမ်းစစ်ဆးမှု ပြုလုပ်ရန် တောင်းဆိုလိုက်သည်။

    ဘောလုံးလျှို့ဝှက်ချက်များကို ဖော်ထုတ်သည့် ၀ဘ်ဆိုက်ဖြစ်သော Football Leaks က ၂၀၁၃ ခုနှစ်တွင် ပြုလုပ်ခဲ့သည့် ဘေးလ်၏ အပြောင်းအရွှေ့မှာ ယူရို သန်း ၁၀၀ ကျော်ရှိသည်ဟု အပြောင်းအရွှေ့စာရွက်စာတမ်း အထောက်အထားများဖြင့် ဖော်ပြခဲ့သည်။ ထိုပြောင်းရွှေ့ကြေးမှာ ရိုနယ်ဒိုအား မန်ယူမှခေါ်ယူစဉ်က သုံးစွဲခဲ့သည့် ပြောင်းရွှေ့ကြေး ယူရို ၉၄ သန်းထက် ပိုမိုများပြားကာ ကမ္ဘာ့စံချိန်ပြောင်းရွှေ့ကြေး ဖြစ်ခဲ့သည်။ စပါးနှင့် ရီးယဲလ်တို့ နှစ်သင်းစလုံးက ဘေးလ်အတွက်ပြောင်းရွှေ့ကြေးကို ယူရို ၉၁.၅၉ သန်းသာ ထုတ်ပြန်ခဲ့သည်။

    “ဒီလိုကိစ္စအတွက် စုံစမ်းမှု၊ လွတ်လပ်တဲ့ စစ်ဆေးမှုတွေ ရှိသင့်ပါတယ်။ ဘာ့ကြောင့်လည်းဆိုတော့ ဒါဟာ လှုပ်လှုပ်ရှားရှားဖြစ်ခဲ့တဲ့ ကိစ္စမို့လို့ပါ။ ဒီလိုအကြောင်းအရာမျိုးကို လူတွေက ရယူနိုင်တယ်ဆိုတာ ရှက်စရာကောင်းပါတယ်။ ဒါဟာ ၂ သင်းစလုံးကိုရော၊ ကစားသမားကိုပါ အလေးမထားတာပါပဲ” ဟု အေးဂျင့်ဘားနက်က ပြောကြားခဲ့သည်။

    ဗြိတိန်ဂျာနယ်လစ်ဖြစ်သူ ဂျိုနသန် နော်ခရော့ဖ်ကလည်း ဘေးလ်၏ ကမ္ဘာ့စံချိန်တင်ပြောင်းရွှေ့ကြေးနှင့်ပတ်သက်၍ မဖော်ပြရန် ရီးယဲလ်မက်ဒရစ်က ၎င်းအား မေတ္တာရပ်ခံခဲ့သည်ဟု ပြောကြားခဲ့သည်။

    Ref : Goal

  • ရီးယဲလ်နည်းပြနှင့် ထိပ်တန်း ကစားသမားများ ဆက်ဆံရေး ပြိုကွဲနေတယ်လို့ ဘယ်သူပြောတာလဲ

    ရီးယဲလ်နည်းပြနှင့် ထိပ်တန်း ကစားသမားများ ဆက်ဆံရေး ပြိုကွဲနေတယ်လို့ ဘယ်သူပြောတာလဲ

    နိုဝင်ဘာ ၂၅၊ ၂၀၁၅
    M-Media
    hi-res-febd6685b85711536496e37941c27fb8_crop_north
    – ရီးယဲလ်နည်းပြ ဘင်နီတက်ဇ်အနေဖြင့် ထိပ်တန်း ကစားသမားများနှင့် ဆက်ဆံရေးမှာ ပြိုကွဲနေပြီး၊ ထိုကစားသမားများအား စီမံခန့်ခွဲနိုင်ရန် နည်းလမ်းများကို ပြောင်းလဲရမည်ဟု လီဗာပူးလ် ကွင်းလယ်လူဟောင်း စတီဗင် ဂျရတ်က ပြောကြားလိုက်သည်။

    ဘာစီလိုနာကို အိမ်ကွင်း၌ ၄ ဂိုးပြတ်ဖြင့် အရှက်တကွဲ ရှုံးနိမ့်ခဲ့ပြီးနောက် ဘင်နီတက်ဇ်၏ အနာဂတ်အတွက် မေးခွန်းပေါင်းများစွာ ထွက်ပေါ်လာခဲ့သော်လည်း ရီးယဲလ်ဘုတ်အဖွဲ့က တနင်္လာနေ့တွင် အရေးပေါ်အစည်းအဝေး ခေါ်ယူကာ နည်းပြအား ထောက်ခံကြောင်း မဲခွဲဆုံးဖြတ်ခဲ့ကြသည်။ ဘင်နီတက်ဇ်မှာ ရော်နယ်ဒိုအပါအ၀င် အသင်းရှိ နာမည်ကြီး ကစားသမားများနှင့် မကျေမလည် ဖြစ်နေသည်ဟုလည်း သတင်းများ ထွက်ပေါ်နေသည်။

    “သူ့ကို ယုံကြည်ကြောင်းတော့ မဲပေးခဲ့ကြပါတယ်။ ဒါပေမယ့် သူတို့ဟာ များသောအားဖြင့် သိပ်မလွယ်ပါဘူး။ ကျွန်တော်တို့ စောင့်ကြည့်ရမှာပါ။

    ရာဖာဟာ ကျွန်တော့်အတွက်တော့ နည်းပြကောင်းတစ်ယောက်ပါ။ အ၀တ်လဲခန်းမှာ ထိပ်တန်းကစားသမားတွေနဲ့ သူ့ရဲ့ ဆက်ဆံရေးကိုပဲ ကျွန်တော် တွေးမိပါတယ်။

    အပြင်ကနေကြည့်ရင်တော့ အခုအချိန်မှာ အဲဒီဆက်ဆံရေးဟာ သိပ်မကောင်းတဲ့ အနေအထားပါပဲ။ အချိန်က စကားပြောသွားပါလိမ့်မယ်” ဟု ဂျရတ်က ပြောကြားခဲ့သည်။

    ထုိ့ပြင် ရီးယဲလ်၏ ရလဒ်ဆိုးများအတွက် ဘင်နီတက်ဇ် တစ်ဦးတည်းကို လက်ညှိုးထိုး၍ မဖြစ်နိုင်ဘဲ အသင်းသားအားလုံးတွင်လည်း တာဝန်ရှိသည်ဟု ၎င်းကထည့်သွင်းပြောကြားခဲ့သည်။

    Ref: Goal

  • ပေါင် သန်း ၈၀ ရပါက ရော်နယ်ဒိုကို ရီးယဲလ် ရောင်းချဖွယ်ရှိနေ

    ပေါင် သန်း ၈၀ ရပါက ရော်နယ်ဒိုကို ရီးယဲလ် ရောင်းချဖွယ်ရှိနေ

    နိုဝင်ဘာ ၁၆၊ ၂၀၁၅
    M-Media

    rnal

    – ပြောင်းရွှေ့ကြေး ပေါင် သန်း ၈၀ ခန့် ရရှိပါက ရော်နယ်ဒိုအား ရီးယဲလ်က လက်လွှတ်ဖွယ်ရှိနေသည်ဟု The Sun သတင်းစာက ဖော်ပြလိုက်သည်။

    ပီအက်စ်ဂျီနှင့် မန်ယူတို့က ရော်နယ်ဒိုကို ခေါ်ယူရန် စိတ်ဝင်စားနေပြီး ပြီးခဲ့သည့်တစ်ပတ် ပီအက်စ်ဂျီအသင်းနှင့် ချန်ပီယံလိဂ်ပွဲအပြီးတွင် ပီအက်စ်ဂျီနည်းပြ လောရင့် ဘလန့်နှင့် ရော်နယ်ဒိုတို့ ရင်းရင်းနှီးနှီး နှုတ်ဆက်မှုကလည်း ရော်နယ်ဒိုမှာ ရီးယဲလ်မှ ထွက်ခွာတော့မည် ဆိုသည့် ကောလဟာလများကို ပိုမိုကြီးထွားလာခဲ့သည်။

    ယခုနှစ်တွင် ထင်သလောက် ခြေစွမ်းမပြနိုင်သည့် ရော်နယ်ဒိုက မိမိအနေဖြင့် စိန်ခေါ်မှုအသစ်များကို ရှာဖွေရန် စဉ်စားနေသည်ဟု ဖွင့်ဟထားဖူးသည်။ ရီးယဲလ်ကလည်း လာမည့်နွေရာသီ အပြောင်းအရွှေ့အတွက် ငွေကြေးလိုအပ်နေပြီး ရော်နယ်ဒိုအတွက် ပေါင် သန်း ၈၀ မှာ လွန်ခဲ့သည့် ၆ နှစ် မန်ယူမှ ၀ယ်ယူစဉ်က ၎င်းတို့ ကုန်ကျခဲ့သည့် ပြောင်းရွှေ့ကြေးပမာဏလည်း ဖြစ်သည်။

    အသက် ၃၀ အရွယ် ရော်နယ်ဒိုအား အသင်းဟောင်း မန်ယူက ခေါ်ယူရန် စိတ်ဝင်စားပြီး ချယ်ဆီးကလည်း အပြိုင်ခေါ်ယူချင်နေသည်ဟု သတင်းများ ထွက်ပေါ်နသည်။

    Ref: Goal

  • ယခုနှစ် Ballon d’Or ဆုကို မက်ဆီရမည်ဟု ရော်နယ်ဒိုပြော

    ယခုနှစ် Ballon d’Or ဆုကို မက်ဆီရမည်ဟု ရော်နယ်ဒိုပြော

    နိုဝင်ဘာ ၁၃၊ ၂၀၁၅
    M-Media

    rnal

    – ၂၀၁၅ ခုနှစ် ကမ္ဘာ့အကောင်းဆုံးဘောလုံးသမားဆု Ballon d’Or ကို ဘာစီလိုနာတိုက်စစ်မှူး လီယွန်နယ် မက်ဆီသာ ရရှိမည်ဟု ခရစ္စတီယာနို ရော်နယ်ဒိုက ၀န်ခံပြောကြားလိုက်ပြီး မိမိအနေဖြင့် အနာဂတ်တွင် ထိုဆုအား ရယူနိုင်ရန် ယုံကြည်ချက်ရှိနေသည်ဟု ဆိုသည်။

    ရော်နယ်ဒိုမှာ ပြီးခဲ့သည့် ၂ ကြိမ်စလုံး ထိုဆုကို ရရှိခဲ့ပြီး ယမန်နှစ်ဘောလုံးရာသီက ခြေစွမ်းပြကာ ဘာစီလိုနာအသင်းနှင့် ဖလား ၃ လုံးရရှိခဲ့သည့် မက်ဆီက ၂၀၁၅ Ballon d’Or ဆုအတွက် ရော်နယ်ဒိုထက် ပို၍ ရေပန်းစားနေသည်။

    “ဒီလိုဆုမျိုးဟာ မဲအရေအတွက်ပေါ်မှာ မူတည်ပြီး၊ မက်ဆီကလည်း အောင်ပွဲအလီလီ ရယူထားနိုင်ပါတယ်။ သူဟာ ချန်ပီယံလိဂ်နဲ့ လာလီဂါဖလားတွေကိုလည်း ရရှိထားပါတယ်။ တစ်ဦးချင်း စွမ်းဆောင်ရည်အရဆိုရင်တော့ ကျွန်တော့်ရဲ့ ကစားသမားဘ၀မှာ အကောင်းဆုံးရာသီကို ကျွန်တော် ရရှိခဲ့ပါတယ်။ ဥရောပမှာလည်း ဂိုးအများဆုံးသွင်းသူ ဖြစ်ထားပါတယ်။ ကျွန်တော်တို့ ၂ ယောက်စလုံးဟာ ပြီးခဲ့တဲ့ ၈ နှစ်လုံးလုံး ဖီဖာရဲ့ ဒီဆုမှာ လွှမ်းမိုးထားပါတယ်။ အရင်က ဘယ်သူမှ ဒီလို မလုပ်နိုင်ခဲ့ပါဘူး။ ကျွန်တော်တို့သာ ရှိတာပါ။ ဒါကြောင့် ဒါဟာ ကောင်းပါတယ်။ ကျွန်တော်ဟာ သူနဲ့ ကောင်းမွန်တဲ့ ဆက်ဆံရေးလည်းရှိပါတယ်။ ငယ်ပေါင်းကြီးဖော်တွေ မဟုတ်ပေမယ့် ကျွန်တော်တို့ဟာ တစ်ယောက်နဲ့တစ်ယောက် လေးစားမှုတော့ ရှိပါတယ်” ဟု ရော်နယ်ဒိုက
    ပြောကြားခဲ့သည်။

    Ref: Goal