News @ M-Media

Tag: religion_of_myanmar

  • နိုင်ငံတော်ဘာသာနေ့  ပြုလုပ်ရန် ၉၆၉ အဖွဲ့ သံတွဲတွင် လှုံ့ဆော်နေ

    သြဂုတ် ၂၃၊ ၂၀၁၃
    M-Media
    ထွန်းတောက်

    Thandwel 2

    သံတွဲ ။          ။        မြန်မာနိုင်ငံတွင် ယခင်က အစိုးရလက်ထက်တွင် ဥပဒေတစ်ရပ်အဖြစ် ပြဋ္ဌာန်းပေးခဲ့သော ဗုဒ္ဓဘာသာနေ့ကို ဖော်ထုတ်သည့်အနေဖြင့် သြဂုတ်လ ၂၆-ရက်နေ့တွင် နိုင်ငံတော် ဘာသာနေ့ အထိမ်းအမှတ်ပြုလုပ်ရန် သံတွဲမြို့တွင် ၉၆၉ အဖွဲ့မှ ဦးဆောင် ပြုလုပ်မည်ဖြစ်ကြောင်း သတင်းရရှိသည်။

    အဆိုပါအကြောင်းအရာနှင့်ပတ်သက်၍ “နိုင်ငံတော် ဘာသာနေ့ဆိုတာ ဟိုးအရင်က သံတွဲမှာ တစ်ခါမှ လုပ်တာ မကြားဖူးဘူး။ ဒီနှစ်မှ ဒါမျိုး ထလုပ်တယ်။ ပြီးတော့ အခုလုပ်တာက ၉၆၉ အဖွဲ့က ဦးဆောင်လုပ်ကြတာဖြစ်မယ်။ လှုံ့ဆော်တဲ့ စာရွက်ကတော့ ကျွန်တော်လည်း ရပါတယ်။ အစည်းအဝေးသွားတက်တဲ့အထဲ ကျွန်တော့်သူငယ်ချင်းတွေလည်းပါတယ်လေ။ သူတို့တွေနဲ့ ကျွန်တော်က ဟိုးငယ်ငယ်ကတည်းက သူငယ်ချင်းတွေ အခုထိလည်း သံတွဲမှာက သူငယ်ချင်းတွေပဲ။ ဒီလှုံ့ဆော်စာတွေကို အစည်းအဝေးမှာလည်း ဝေတယ်။ နောက် ရပ်ကွက်တွေထဲမှာလည်း ဝေတယ်။ တရားပွဲတွေ လုပ်တာ ကောင်းပါတယ်။ ဒါပေမယ့် တကယ့် ဗုဒ္ဓဘာသာရဲ့ အနှစ်သာရ တရားတော်တွေ မဟောကြားဘဲ ဘာသာခြား အဓိက မွတ်စလင်မ်မုန်းတီးရေးတွေပဲ ဟောမယ်ဆိုရင်တော့ လုံးဝ မဖြစ်သင့်ဘူး။ အခုက လက်ကမ်းစာရွက်တွေမှာကို ၉၆၉ တံဆိပ်တွေပါတယ်။ ၉၆၉ အဖွဲ့တွေ ဦးဆောင်လုပ်ပြီဆိုတာနဲ့ မွတ်စလင်မ်မုန်းတီးရေးကိုပဲ ဦးတည်နေတယ်။ ပြီးတော့ အဲ့ဒီလက်ကမ်းစာရွက်မှာပဲရေးထားတာကဗျာ အိမ်ရှင်လူမျိုး အိမ်ရှင်ဘာသာကို လေးစားရန် မျိုးစောင့် ဥပဒေတစ်ရပ် ပြဋ္ဌာန်းရန် လိုအပ်နေပေပြီ တဲ့။ ဒီတော့ လုပ်တဲ့ အဓိက ရည်ရွယ်ချက်ကိုက အဲ့ဒီမှာ ပေါ်လွင်နေပြီ။ တကယ့် ကိုယ့်သာသနာ ထိန်းသိမ်းတာထက် တခြားဘာသာတွေကို နှိပ်ကွပ်နေတာ။ ဒီလို အခြေအနေမှာ အကြမ်းဖက်မှုတွေ ဆက် မဖြစ်လာတော့အောင် နိုင်ငံတော် တာဝန်ရှိသူတွေကလည်း နည်းနည်းတော့ ထိန်းသိမ်းသင့်တယ်။”လို့ သံတွဲမြို့ခံမှ M-Media ကို ပြောပြခဲ့ပါတယ်။

    ထိုနေ့တွင် ဘုန်းတော်ကြီးများထံမှ သြ၀ါဒတရားဟောကြားခြင်း၊ ဘာသာရေး အတွေးအမြင် စာတမ်းများ ဖတ်ကြားခြင်း၊ ဗုဒ္ဓဘာသာအချင်းချင်း မေတ္တာဘာဝနာ စီးဖြန်းခြင်း၊ သာသနာရေရှည်တည်တံ့ရေးအတွက် အဓိဋ္ဌာန်ဆုတောင်းခြင်းများ ပြုလုပ်ကာ သံတွဲမြို့အတွင်း သာသနာ့အောင်လံ စိုက်ထူထားသည့် လမ်းတလျှောက် သံဃာအပါး(၃၀၀)ကျော်တို့အား မကြုံဖူးသော ဆွမ်းခြောက်လှူဒါန်းမှုပြုလုပ်ပြီး ဘာသာရေး အထိမ်းအမှတ် အနေဖြင့် ပြုလုပ်မည်ဖြစ်ကြောင်း သိရသည်။ ၎င်းအစီအစဉ် အတွက် လက်ကမ်းစာရွက်များ လိုက်လံဝေငှပြီး လှုံ့ဆော်နေကြောင်းလည်း သိရသည်။

    အဆိုပါ နိုင်ငံတော် ဘာသာနေ့ အထိမ်းအမှတ် ကျင်းပရန် စတင်လှုံ့ဆော်မှုမှာ မွန်ပြည်နယ် ပေါင်မြို့နယ်မုတ္တမမြို့ မြစေတီနန်းဦး ကျောင်းတိုက်မှ ၂၄-၅-၂၀၁၃ က မွန်ပြည်နယ်တွင် အစပြုလှုပ်ရှား လုပ်ဆောင်ခဲ့ခြင်းဖြစ်သည်။

    မုတ္တမမြို့ မြစေတီနန်းဦး ကျောင်းတိုက်မှ ဆရာတော်များမှာ နိုင်ငံအဝှမ်း ဖြစ်ပွားခဲ့သည့် မွတ်စလင်မ်မုန်းတီးရေး အကြမ်းဖက်မှုများ ဖြစ်ပွားစေသည့် မုန်းတီးရေးတရားများ ဟောပြောဖြန်ချီနေသော ၉၆၉ အဖွဲ့ စတင်တည်ထောင် ဦးဆောင်သူများ ဖြစ်ကြသည်ဟု မှတ်တမ်းများအရသိရပါသည်။

    အလားတူ မန္တလေးမြို့တွင်လည်း  နိုင်ငံတော်ဘာသာနေ့ အထိမ်းအမှတ်အဖြစ် အခမ်းအနားများ ပြုလုပ်ကြရန် လှုံ့ဆော်စာများကို့  သြဂုတ်လ ၂၁-ရက်နေ့မနက်ပိုင်းမှစ၍ မန္တလေးမြို့ နေရာအနှံ့အပြားတွင် လိုက်လံ လှုံ့ဆော် ဝေငှနေကြောင်း သိရသည်။

    ဦးနုအစိုးရလက်ထက် မှာ ဗုဒ္ဓဘာသာကို နိုင်ငံတော်ဘာသာအဖြစ် သတ်မှတ် ဥပဒေ ပြဋ္ဌာန်းခဲ့ပြီး ခရစ်ယာန်နဲ့ မွတ်စလင်မ်များရဲ့ ၀ိုင်းဝန်းကန့်ကွက်မှုများ ဖြစ်ပွားခဲ့ကြသည်။  ၁၉၆၂-ခု စစ်အာဏာသိမ်း ဦးနေ၀င်းအစိုးရ လက်ထက်မှာ အခြေခံ ဥပဒေသစ်ပြဌာန်း လိုက်တဲ့ အခါ ဗုဒ္ဓ ဘာသာဟာ နိုင်ငံတော် ဘာသာအဖြစ် ပြဋ္ဌာန်းထားတဲ့အချက်က အလိုလို ပျောက်ကွယ်သွားခဲ့ခြင်း ဖြစ်ပြီး ယခုအခါ တကျော့ပြန် ပြန်လည်၍ အထိမ်းအမှတ်များ ပြုလုပ်ရန် လှုံ့ဆော်လာခြင်း ဖြစ်သည်။

    ထိုအချိန်က နိုင်ငံတော်ဘာသာပြဌာန်းမှုကို ဦးဆောင် ကန့်ကွက်ခဲ့ကြသည့် ခရစ်ယာန်နှင့် မွတ်စလင်မ်များလည်း ဖမ်းဆီးထောင်ချခြင်း ခံခဲ့ကြရသည်။

    Thandwel 4

    Thandwel 1

    Thandwel 3

  • နိုင်ငံတော် ဘာသာနေ့ အထိမ်းအမှတ် အခမ်းအနားများ ပြုလုပ်ကြရန် လှုံ့ဆော်စာများ မန္တလေးတွင် ဖြန့်ဝေ

    သြဂုတ် ၂၁၊ ၂၀၁၃
    M-Media
    ဇာဏီ

    national
    မန္တလေး ။           ။             နိုင်ငံတော်ဘာသာနေ့ အထိမ်းအမှတ်အဖြစ် အခမ်းအနားများ ပြုလုပ်ကြရန် လှုံ့ဆော်စာများကို ယနေ့ သြဂုတ်လ ၂၁-ရက်နေ့မနက်ပိုင်းမှစ၍ မန္တလေးမြို့ နေရာအနှံ့အပြားတွင် လိုက်လံ လှုံ့ဆော် ဝေငှနေကြောင်း သိရသည်။

    အဆိုပါ လှုံ့ဆော်စာတွင် မြန်မာနိုင်ငံ၌ ဗုဒ္ဓဘာသာကို နိုင်ငံတော်ဘာသာအဖြစ် အတည်ပြု သတ်မှတ်ပြဋ္ဌာန်းခဲ့ခြင်း (၅၂)နှစ်မြောက်အဖြစ် နိုင်ငံတော် ဘာသာနေ့အဖြစ် အခမ်းအနားများ ပြုလုပ်ကြရန်တိုက်တွန်းထားပြီး ယခုကဲ့သို့ ပြုလုပ်ရခြင်းသည် အမျိုးသာဘာ-သာသနာနှင့် နိုင်ငံတော်ကို မြတ်နိုးတန်ဖိုးထား၍ ကာကွယ်စောင့်ရှောက်လို စိတ်များ နိုးကြားထက်သန်ကြစေရန်၊ ယဉ်ကျေးသော ဘာသာတရားအဆုံးအမများကို လိုက်နာ၍ ကုသိုလ်ကောင်းမှုများကို ဆောင်ရွက်နိုင်ကြစေရန်၊ ဗုဒ္ဓဘာသာဝင်များ၏ စည်းလုံးညီညွတ်သော စိတ်ဓါတ် အင်အားကို မေတ္တာတရားဖြင့် တည်ဆောက်၍ ဘာသာအချင်းချင်း လေးစားသော ငြိမ်းချမ်းရေးကို ဖော်ဆောင်နိုင်ရန် ရည်ရွယ်ကြောင်း ရေးသားထားသည်။ ယင်းအခမ်းအနားများကို သြဂုတ်လ (၂၅)ရက်နေ့မှ (၂၇)ရက်နေ့အထိ ၃-ရက်တိုင် ပြုလုပ်သွားမည်ဟုလည်း သိရသည်။

    ယခုကဲ့သို့ စာများ လှုံ့ဆော်ဖြန့်ဝေနေသည့် စာရွက်အားလက်ခံရရှိလာသည့် မန္တလေးမြို့ခံ တစ်ဦးမှ “ဒီစာရွက်တွေ လိုက်ဝေနေတာက မန္တလေးမြို့ နေရာတော်တော်များများမှာ ဖြစ်လိမ့်မယ်။ ကျွန်တော်တို့အနီးတ၀ိုက်မှာ လာဝေတာက လူ ၁၀-ယောက်လောက်ရှိတယ်။ လမ်းပေါ်သွားတဲ့ ကားတွေ၊ ဆိုင်ကယ်တွေကို တားပြီးဝေနေတာ။ တစ်ခြားဘက်က လာကြတဲ့ သူတွေမှာလည်း ဒီလို စာရွက်တွေ ကိုင်လာကြတာတွေ့တယ်။

    ကိုယ့်ဘာသာတရားအရ ဥပုသ် သီတင်းဆောက်တည်တာ၊ အလှူဒါနပြုတာ၊ တိရစ္ဆာန်တွေကို ဘေးမဲ့ပေးတာ၊ စုပေါင်း ပရိတ် ရွတ်ဖတ်တာ၊ တရား ဓမ္မဟောပြောပွဲတွေ လုပ်တာက ကောင်းပါတယ်။ အဲဒါတွေကနေ သွေဖည်ပြီး ပြောင်းပြန်တွေ လုပ်ရင်တော့ မသင့်တော်ဘူးပေါ့ဗျာ။

    အရင်နှစ်တွေတုန်းက မလုပ်ခဲ့ဘဲ အခုလို နိုင်ငံတဝှမ်းမှာ အကြမ်းဖက်မှုတွေ၊ ဘာသာရေး ပြဿနာတွေ ဖြစ်အောင် လုပ်နေကြချိန်မှ ဒီလိုလှုံ့ဆော်စာတွေ ဖြန့်ဝေတာ ကောင်းတဲ့ ရည်ရွယ်ချက်တော့ မဟုတ်ဘူးလို့ ကျွန်တော် ထင်တယ်။ နိုင်ငံတော် ဘာသာဆိုတာ ဦးနု လက်ထက်က ပြဋ္ဌာန်းဖို့ လုပ်လိုက်တာ အခုမှ ပြန်ပြီး ဒီလို လုပ်နေတာဟာ ရည်ရွယ်ချက်ကောင်း လုံးဝ မဟုတ်ဘူးလို့ ကျွန်တော်တော့ မြင်တယ်။ ဒါတွေလုပ်နေတာဟာ ဘာသာရေးအရ ခွဲခြားမှု ဖိနှိပ်မှုတွေ၊ အကြမ်းဖက်မှုတွေကို ဆက်လက်ဖြစ်ပေါ်လာအောင် အားပေးနေတာပါ။ အခုလို အချိန်အခါမျိုးမှာ လုံးဝ မလုပ်သင့်တာပါ”လို့ M-Media ကို ပြောပြခဲ့ပါတယ်။

    အဆိုပါ နိုင်ငံတော်ဘာသာနေ့ အထိမ်းအမှတ် ကျင်းပရန် စတင်လှုံ့ဆော်မှုမှာ မွန်ပြည်နယ် ပေါင်မြို့နယ်မုတ္တမမြို့ မြစေတီနန်းဦး ကျောင်းတိုက်မှ ၂၄-၅-၂၀၁၃ က မွန်ပြည်နယ်တွင် အစပြုလှုပ်ရှား လုပ်ဆောင်ခဲ့ခြင်းဖြစ်သည်။

    မုတ္တမမြို့ မြစေတီနန်းဦး ကျောင်းတိုက်မှ ဆရာတော်များမှာ နိုင်ငံအဝှမ်း ဖြစ်ပွားခဲ့သည့် မွတ်စလင်မ်မုန်းတီးရေး အကြမ်းဖက်မှုများ ဖြစ်ပွားစေသည့် မုန်းတီးရေးတရားများ ဟောပြောဖြန်ချီနေသော ၉၆၉ အဖွဲ့ စတင်တည်ထောင်ဦးဆောင်သူများ ဖြစ်ကြသည်ဟု မှတ်တမ်းများအရသိရပါသည်။

    ဦးနုအစိုးရလက်ထက် မှာ ဗုဒ္ဓဘာသာကို နိုင်ငံတော်ဘာသာအဖြစ် သတ်မှတ် ဥပဒေ ပြဋ္ဌာန်းခဲ့ပြီး ခရစ်ယာန်နဲ့ မွတ်စလင်မ်များရဲ့ ၀ိုင်းဝန်းကန့်ကွက်မှုများ ဖြစ်ပွားခဲ့ကြသည်။  ၁၉၆၂-ခု စစ်အာဏာသိမ်း ဦးနေ၀င်းအစိုးရ လက်ထက်မှာ အခြေခံ ဥပဒေသစ်ပြဌာန်း လိုက်တဲ့ အခါ ဗုဒ္ဓ ဘာသာဟာ နိုင်ငံတော် ဘာသာအဖြစ် ပြဋ္ဌာန်းထားတဲ့အချက်က အလိုလို ပျောက်ကွယ်သွားခဲ့ခြင်း ဖြစ်ပြီး ယခုအခါ တကျော့ပြန် ပြန်လည်၍ အထိမ်းအမှတ်များ ပြုလုပ်ရန် လှုံ့ဆော်လာခြင်း ဖြစ်သည်။

    ထိုအချိန်က နိုင်ငံတော်ဘာသာပြဌာန်းမှုကို ဦးဆောင် ကန့်ကွက်ခဲ့ကြသည့် ခရစ်ယာန်နှင့် မွတ်စလင်မ်များလည်း ဖမ်းဆီးထောင်ချခြင်း ခံခဲ့ကြရသည်။