News @ M-Media

Tag: revert_to_islam

  • သစ်လွင် မွတ်စလင်များအား ကြိုဆို ဂုဏ်ပြုပွဲတစ်ခု ဒူဘိုင်းတွင်ပြုလုပ်

    စက်တင်ဘာ-၄ ၊ ၂၀၁၃
    M-Media

    Dubai Event Welcomes New Muslims

    အစ္စလာမ်သာသနာအတွင်းသို့ဝင်ရောက်လာကြသည့် သစ်လွင်မွတ်စလင်များအား အားပေးကူညီရန်၊ အစ္စလာမ်နှင့်ပက်သက်၍ ပိုမိုနားလည်လာစေရန်နှင့် အစ္စလာမ်သာသနာတော်အပေါ် ထားရှိသည့် ၎င်းတို့၏ ယုံကြည်ချက်များ မြဲမြံစေရန်ရည်ရွယ်၍ ဒူဘိုင်းရှိ အစ္စလာမ့်စင်တာတစ်ခုမှ သစ်လွင်မွတ်စလင်များအား ကြိုဆိုပွဲတစ်ခုကို ပြုလုပ်ခဲ့ကြသည်။

    “အခု ကျမ မတူညီတဲ့ခံစားမှုမျိုး ခံစားရပါတယ်။ ကျမအတွက်တော့ အစ္စလာမ်ဟာ ငြိမ်းအေးမှုပါပဲ။” ဟု ဇူလိုင် ၂၀ရက်နေ့က ခရစ်ယာန်ဘာသာ(ပရိုတက်စတင့်) မှ အစ္စလာမ်ဘာသာသို့ သက်ဝင်လာခဲ့သူဖာတီမာက ယူအေအီးသတင်းစာတစ်စောင်ဖြစ်သည့် The National သို့ ပြောကြားခဲ့သည်။

    ယခုနှစ် ရမ်ဇာန်ဥပုသ်လတွင် ပထဦးဆုံး ဥပုသ်သီလဆောက်တည်ခွင့်ရခဲ့သည့် ဖာတီမာက “ဥပုသ်သီလဆောက်တည် ရတာ ကျမအတွက် တော်တော်လေးခက်ခဲပါတယ်။ ဒါပေမယ့် ဥပုသ်သီလက ခန္တီတရားကို သင်ကြားပေးပါတယ်။ အလ္လာအရှင်မြတ် အပေါ်မှာ သက်ဝင်ယုံကြည်ရတာဟာ အရာရာတိုင်းကို ပြည့်စုံစေပါတယ်။” ဟု ထပ်လောင်းပြောကြားခဲ့သည်။

    အဆိုပါ အခမ်းအနားကို ကမ္ဘာ့တစ်ဝှမ်း လူသားချင်းစာနာသော အကူအညီများပေးပို့နေသည့် ယူအေအီးအခြေစိုက် ဒါ အလ်ဘာ ဆိုစိုက်ယတီ (Dar Al Ber Society)၏ အစ္စလာမ့်သတင်းအချက်အလက် စင်တာမှ ဦးဆောင်ကျင်းပခဲ့ခြင်းဖြစ်ပြီး ဘာသာအသီးသီးမှ အစ္စလာမ်သို့ သက်ဝင်လာခဲ့ကြသူ သစ်လွင်မွတ်စလင် ၂၅၀ ခန့် တက်ရောက်ခဲ့ကြကာ သစ်လွင်မွတ်စလင်များ အစ္စလာမ်နှင့်ပက်သက်၍ ပိုမို နားလည်လာစေရန် အခမ်းအနားအား ဟောပြောမှုဖြင့် စတင်ခဲ့သည်။ သစ်လွင်မွတ်စလင်များမှာ ခရစ်ယာန်နှင့် ဗုဒ္ဓဘာသာ အပါအ၀င် အခြားသော ဘာသာအသီးသီးမှ အစ္စလာမ်သုို့ဝင်ရောက်လာကြသူများဖြစ်ကြပြီး သီရိလင်္ကာ၊ နိုက်ဂျီးရီးယား၊ ယူဂန်ဒါ၊ အိန္ဒိယနှင့် ဥရောပနိုင်ငံများဖြစ်ကြသည်။

    “လွတ်လပ်မှုကို ကျနော်ရဲ့နှလုံးသားထဲကနေ နက်နက်ရှိုင်းရှိုင်း ခံစားရပါတယ်။ အခု ငြိမ်အေးမှုဆိုတာကို ကျနော်သိပါပြီ။ အာရပ်လူမျိုး သူငယ်ချင်းတွေက ကျနော့်ကိုအားပေးခဲ့ပြီး အစ္စလာမ်ကို လက်မခံမီအရင် အစ္စလာမ်နဲ့ပက်သက်ပြီး ကျနော် လေ့လာဖတ်ရှုခဲ့ပါတယ်။ ကျနော့်ရဲ့အမေကတော့ လုံးလုံလျားလျား လက်မခံသေးပါဘူး။ ဒါပေမယ့် အလ္လာဟ်အရှင်မြတ်အလိုတော်နဲ့ တစ်နေ့မှာတော့ အမေဟာ အစ္စလာမ်ကိုနားလည် လက်ခံလာမှာပါ” ဟု အီဗရာဟင်တဖြစ်လဲ အသက် ၂၅ နှစ်အရွယ် မန်နေဂျာဖြစ်သူ ဖိလစ်ပိုင်နိုင်ငံသား ဂျွန်ရောဘတ်က ပြောကြားခဲ့သည်။

    အဆိုပါ အစ္စလာမ့်စင်တာမှ လွန်ခဲ့သည့်နှစ်တွင် အစ္စလာမ်သို့သက်ဝင်လာသူ ၁၉၅၀ ဦးအား ကြိုဆိုဂုဏ်ပြုပွဲကိုပြုလုပ်ပေးခဲ့ပြီး၊ ယခုနှစ်တွင် လက်ရှိအချိန်အထိ သစ်လွင်မွတ်စလင် ၁၂၀၀ ဦးအား ဂုဏ်ပြုကြိုဆိုခဲ့သည်။

    ပထမခြေလှမ်း

    ဤကဲ့သို့အခမ်းအနားများမှတစ်ဆင့် သစ်လွင်မွတ်စလင်များမှာ အစ္စလာမ်နှင့် ကုရ်အာန်ကျမ်းတော်မြတ်ကို ကျယ်ကျယ်ပြန့်ပြန့် နားလည်လာစေမည်ဟု ဦးဆောင်ကျင်းပသူများက မျှော်လင့်နေကြသည်။

    “ဒါဟာ သူတို့ရဲ့အခက်အခဲတွေကိုလေ့လာဖို့၊ ၀တ်ပြုမှုတွေမှာ သူတို့တွေပါဝင်လာဖို့ စုရုံးတာမျိုးဖြစ်ပါတယ်။ ဒီလိုအခမ်းနားမျိုးတွေက အလ္လာဟ်အရှင်မြတ်ဆီကိုဦးတည်တဲ့ သူတို့ရဲ့ ခရီးကို ပြီးပြည့်စုံစေဖို့၊ အမေးအဖြေတွေပြုလုပ်ဖို့၊ အစ္စလာမ်နဲ့ပက်သက်ပြီး နားလည်မှုလွဲမှားနေတာတွေကို ရှင်းလင်းသွားစေဖို့ ကူညီပါလိမ့်မယ်။ နောက်ပြီး ကိုယ်ကျင့်တရားကောင်းမွန်အောင်လုပ်ဆောင်ဖို့၊ လူကြီးသူမတွေကိုလေးစားဖို့၊ အမည်ခံမဟုတ်ဘဲ အစ္စလာမ်ကိုလက်တွေ့ကျကျကျင့်သုံးဖို့၊ မွတ်စလင်ကောင်းတစ်ယောက်ဖြစ်ဖို့၊ အလှူဒါနပြုကြဖို့ ကျနော်တို့က သူတို့ကို တိုက်တွန်းခဲ့ပါတယ်” ဟု အစ္စလာမ့်သတင်းအချက်အလက်စင်တာ၏ ဒါရိုက်တာဖြစ်သူ ရရှစ် အလ် ဂျူနိုင်ဘီက ပြောကြားခဲ့သည်။

    အယူဝါဒများကိုနှိုင်းယှဉ်လေ့လာသည့်ပညာရှင်တစ်ဦးဖြစ်ပြီး အစ္စလာမ့်တရားဟောဆရာတစ်ဦးဖြစ်သူ အဟ်မဒ် ဟမဒ် က ယခုကဲ့သို့ ကြိုဆိုဂုဏ်ပြုပွဲများပြုလုပ်ရခြင်းမှာ သစ်လွင်မွတ်စလင်များ၏ ယုံကြည်ချက်များ ခိုင်မာလာစေရေးအတွက် ကူညီရန်ဖြစ်သည်ဟု ပြောကြားခဲ့သည်။
    “သူတို့စိတ်ဆန္ဒနဲ့ ရွေးချယ်ခဲ့တဲ့ သာသနာတော်အပေါ်မှာ သူတို့ မြဲမြံစွာတည်ရှိနေအောင် ကူညီဖို့ အရေးကြီးပါတယ်။ သူတို့ဟာ စိန်ခေါ်မှုတွေ၊ မေးခွန်းတွေနဲ့ ရင်ဆိုင်ရပါလိမ့်မယ်။ သူတို့ရဲ့ ယုံကြည်မှုတွေ ရှင်သန်လာဖို့၊ ပြန်လည်အားပြည့်လာဖို့ ကျနော်တို့မျှော်လင့်ပါတယ်။” ဟု အဟ်မဒ် ကဆိုသည်။

    လွန်ခဲ့သည့်နှစ်က ကျင်းပပြုလုပ်ခဲ့သည့် အခမ်းအနားများက တစ်ချို့သောသစ်လွင်မွတ်စလင်များအတွက် အလှည့်အပြောင်းဖြစ်စေခဲ့သည်။

    “စကြာဝဠာကြီးကို ဘယ်သူဖန်းဆင်းလဲဆိုတာနဲ့ပက်သက်ပြီး ကျနော့်ရဲ့မွတ်စလင် သူငယ်ချင်းနှစ်ယောက်နဲ့ ငြင်းခုံခဲ့ဖူး ပါတယ်။ အဲလိုငြင်းခုံမှုကပဲ ကျနော် အတွေးတစ ရခဲ့ပါတယ်။” ဟု အသက် ၄၇ နှစ်အရွယ်ရှိ အဗ်ဒူရဟ်မာန်တဖြစ်လဲ သိရိလင်္ကာနိုင်ငံသား ကီရှန် ရနီလာ က ပြောကြားခဲ့သည်။ ၎င်းမှာ လုံခြုံရေးဝန်ထမ်းတစ်ဦးဖြစ်ပြီး လွန်ခဲ့သည့် ၂ နှစ်က ဗုဒ္ဓဘာသာမှ အစ္စလာမ်ဘာသာသို့ ပြောင်းလဲသက်ဝင်လာသူဖြစ်သည်။
    “အလ္လာဟ်အရှင်မြတ် အပေါ် ယုံကြည်ခြင်းဟာ ကျနော့်ရဲ့ဘ၀ကို ပြောင်းလဲစေမယ်လို့ ကျနော့်သူငယ်ချင်းက ပြောခဲ့ပါတယ်။ တစ်နေ့ငါးကြိမ်ဝတ်ပြုပြီးတဲ့နောက်ပိုင်းမှာ ကျနော့်ရဲ့ အပြုအမူတွေက ပြောင်းလဲလာပါတယ်။ ကျနော်ရဲ့ဘ၀ကို ဖြူဖြူစင်စင် ရှင်သန်ချင်လာတယ်၊ နောက်ပြီး ဟရမ်(အကုသိုလ်)အလုပ်တွေကို မလုပ်ချင်တော့ပါဘူး။ ပြီးတော့ အလ္လာဟ်အရှင်မြတ်ရဲ့ စွမ်းအားကို ကျနော်ခံစားရလာပါတယ်။ ဘာကြောင့်လဲဆိုတော့ အလ္လာဟ်အရှင်မြတ် ထံတော်မှာ ဆုတောင်းမှုတွေပြုလုပ်လိုက်တဲ့အခါ အချိန်အတော်ကြာ နာမကျန်းဖြစ်နေတဲ့ ကျနော့်ရဲ့ ဇနီးသည်က ပြန်လည်ကျန်းမာ လာခဲ့တယ်လေ။ အရင်က ကျနော် ရုပ်တု ဆင်းတုတွေကို ကိုးကွယ်ခဲ့တယ်။ အခုတော့ ကျနော်ဟာ စစ်မှန်တဲ့ဘ၀မှာ ရှင်သန်နေပါပြီ၊ ပြီးတော့ အလ္လာဟ်အရှင်မြတ်ကိုလည်း တိုက်ရိုက် ကိုးကွယ်နိုင်ပါပြီ” အဗ်ဒူရဟ်မာန်က ထပ်လောင်းပြောကြားခဲ့သည်။

    Ref: OnIslam

  • အစ္စလာမ်ဆန့်ကျင်ရေး ရုပ်ရှင်ထုတ်လုပ်ခဲ့သူ အစ္စလာမ်သို့ သက်ဝင် ယုံကြည်လာသူဖြစ်လာပြီးနောက် ၊ တမန်တော် ဗလီဝတ်ကျောင်းတော်သို့ သွားရောက်ပြီး တမန်တော်အား ရည်စူးတောင်းပန်ခဲ့

    ဧပြီ ၂၂ ၂၀၁၃

    M-Media
    fp02_big
    အစ္စလာမ်အား တစ်ဖက်သတ်ကြောက်ရွံ့စော်ကားနေသူ အစွန်းရောက် ဒတ်ခ်ျနိုင်ငံရေးသမား Geert Wilders ၏ပါတီ၌ ဦးဆောင်အဖွဲ့ဝင်ဟောင်း  Arnoud Van Doorn သည် လွန်ခဲ့သည့်လက အစ္စလာမ်သာသနာသို့ ကူးပြောင်းသက်ဝင်လိုက်သည်။ သူသည် အစ္စလာမ်သာသနာနှင့် တမန်တော် Muhammad အား စော်ကားသည့် ရုပ်ရှင်ထုတ်လုပ်ခဲ့သူ တစ်ဦး ဖြစ်သည်။ ယင်းရုပ်ရှင်အား ကမ္ဘာတစ်ဝှန်း၏ ပြစ်တင် ရှုတ်ချမှုကြောင့် အစ္စလာမ့် တမန်တော်အကြောင်းကို လေ့လာရာမှ အစ္စလာမ်အား လက်ခံသက်ဝင် လိုက်ခြင်းဖြစ်သည်ဟု သူက ဆိုသည်။

    The Hague City Council အကြံပေးအရာရှိ နှင့် နယ်သာလန်နိုင်ငံ ပါလီမန်အဖွဲ့ဝင် ဒတ်ခ်ျအမျိုးသား Doorn သည် မိမိ၏ Twitter ကိုယ်ပိုင်စာမျက်နှာမှ အစ္စလာမ်ကိုလက်ခံသည့် ဆုံးဖြတ်ချက်နှင့်အတူ အရဗီဘာသာဖြင့် အစ္စလာမ့်ယုံကြည်ချက်ဆိုင်ရာ သက်သေခံစကားအား ဖော်ပြခဲ့သည်။ ထိုသတင်းကို ကနဦးပိုင်းတွင် အခြားသူများက သူ၏ နောက်ပြောင်မှုဟု ထင်မှတ်ခဲ့ကြသည်။ ၄င်းနောက် အစ္စလာမ်အား လက်ခံကျင့်သုံးမည့် မိမိ၏ ဆုံးဖြတ်ချက်သည် အတည်ဖြစ်ကြောင်း Doorn က မြို့တော်ဝန်ထံ တရားဝင်အကြောင်းကြားစာ ပေးပို့ခဲ့သည်။ များမကြာသေးမီကပင် မိမိ၏ လုပ်ငန်းခွင်အတွင်း မိမိအား ၀တ်ပြုခွင့်ပြုရန်ကိုလည်း လျှောက်ထားတင်ပြလိုက်သည်။

    အင်္ဂလိပ်ဘာသာဖြင့်တင်ဆက်သည့် Al-Jazeera Channel ထံ သူမှ ဤသို့ပြောကြားသည်။

    Far-right-Dutch-Politician-Reverts-to-Islam

    “ ဒါဟာ လူအတော်များများအတွက် မျှော်လင့်မထားတဲ့ကိစ္စဖြစ်နေတော့ လူတွေ သံသယ၀င်နေကြတာကို ကျွန်တော် နားလည်ပါတယ်။ ဒီကြီးကျယ်တဲ့ဆုံးဖြတ်ချက်ကို ကျွန်တော် ပေါ့ပေါ့တန်တန် ချခဲ့ရတာ မဟုတ်ပါဘူး။ ကျွန်တော်ဟာ ကုရ်အာန်ကျမ်း၊ ဟဒီးဆ်(တမန်တော့်သြ၀ါဒ)၊ စွန္နဟ်(တမန်တော့်ဓလေ့နည်းနာ) နဲ့ အခြား(အစ္စလာမ်)ကျမ်းဂန်များကို တစ်နှစ်နီးပါး ထဲထဲဝင်ဝင် သုတေသနပြုလေ့လာခဲ့တယ်ဆိုတာ ကျွန်တော့်ရဲ့အရင်းနှီးဆုံးလူတွေ သိကြပါတယ်။ ဒါ့အပြင် မွတ်စ်လင်မ်တွေနဲ့ ဘာသာတရားအကြောင်း ဆွေးနွေးခဲ့တာလည်း မနည်းမနောပါဘဲ။ လူနည်းစုတစ်ချို့က ကျွန်တော့်ကို သစ္စာဖောက်လို့ ဆိုကြတယ်။  ဒါပေမယ့် လူတော်တော်များများကတော့ ကျွန်တော်ဟာ သိပ်ကောင်းမွန်တဲ့ ဆုံးဖြတ်ချက်တစ်ခု တကယ်လုပ်နိုင်ခဲ့ပြီလို့ သတ်မှတ်ကြပါတယ်။ အစ္စလာမ်အပေါ် အဆိုးမြင်စေတဲ့ ဖြစ်ရပ်အမြောက်အများ ကျွန်တော် ကြားနေခဲ့ရတယ်။ ဒါပေမယ့် ကျွန်တော်ဟာ ကိုယ်တိုင်ဆန်းစစ်လေ့လာမှုမလုပ်ဘဲ လူတွေရဲ့အထင်အမြင်နောက်ကို လိုက်တတ်တဲ့လူစား မဟုတ်ဘူးလေ။ ဒါ့ကြောင့် စူးစမ်းလိုစိတ်သက်သက်နဲ့ အစ္စလာမ့်အကြောင်းပိုသိလာအောင် နက်နက်ရှိုင်းရှိုင်း လေ့လာခဲ့တာပါ။ မြောက်များစွာသောလူတွေအတိုင်း အမှားအယွင်းတွေကျူးလွန်ခဲ့မိတာဖြစ်ပေမယ့် ဒီမှားယွင်းမှုထဲကနေ သင်ခန်းစာအများကြီး ရခဲ့ပါတယ်။ အစ္စလာမ်ကို ပြောင်းလဲသက်ဝင်လိုက်တဲ့အတွက် ကျွန်တော့်အဖို့ အဆုံးသတ်လမ်းစဉ်မှန်တစ်ခု ရှာဖွေတွေ့ရှိသွားတယ်လို့ ခံစားရပါတယ်။ ဒါဟာ ခြေလှမ်းသစ်တစ်ရပ်ဖြစ်ပြီး ထပ်မံလေ့လာသင်ကြားဖို့လိုအပ်နေသေးကြောင်းကိုလည်း နားလည်ခဲ့ပါတယ် ”။

    Doorn သည် မိမိပါတီ၏ အစ္စလာမ်ဆန့်ကျင်ရေးလမ်းစဉ်ကြောင့် သာသနာနှင့်စပ်လျဉ်းသော အမှန်တရားအား မိမိဖာသာ တူးနှိုက်ထုတ်ဖော်ရန် စိတ်ပိုင်းဖြတ်ခဲ့ခြင်းဖြစ်ကြောင်း ရှင်းပြသည်။ လူချင်းမမြင်ဖူးသော သူ၏ Twitter မိတ်ဆွေအမြောက်အများကလည်း သူ့အနေအထားကို နားလည်ကြောင်း၊ သူ့ရွေးချယ်မှုးကို ထောက်ခံကြောင်း အားပေးခဲ့ကြသည်။

    တစ်ချိန်က Freedom Party အဖွဲ့သားဖြစ်ခဲ့ခြင်းအပေါ် နောင်တရမရကို မေးမြန်းရာ “ ဘ၀ရဲ့ကြုံတွေ့မှုမှန်သမျှမှာ ရည်ရွယ်ချက်ကိုယ်စီ ရှိနေကြောင်း ကျွန်တော် နားလည်ခဲ့ပါပြီ။ ဒါပေမယ့် အခုအချိန်လို သိမြင်နားလည်ထားခဲ့ယင်တော့ ကျွန်တော်ဟာ တခြားလမ်းကြောင်းတစ်ခု ရွေးချယ်ဖြစ်ခဲ့မယ်ဆိုတာ သံသယဖြစ်စရာတောင် မလိုပါဘူး ” ဟု ဖြေဆိုခဲ့သည်။

    Arnoud Van Doorn သည် မဒီနဟ်မြို့တော်ရှိ တမန်တော့်ဗလီဝတ်ကျောင်းသို့သွား၍ အစ္စလာမ့်စော်ကားမှု ရုပ်ရှင်ကဏ္ဍ၌ ပါဝင်ဆောင်ရွက်မိသည့်အပေါ် အထူးဝမ်းနည်းကြေကွဲရကြောင်း တမန်တော်အား ရည်ညွှန်းတိုင်တည်ပြောဆိုခဲ့သည်။ မဒီနဟ်ဝတ်ကျောင်းမှ အိမာမ်(ရှေ့ဆောင်ဆရာတော်)နှစ်ပါးထံ မွတ်စ်လင်မ်ကောင်းတစ်ဦးဖြစ်လာရေး၊ အနောက်တိုင်းတွင် အစ္စလာမ့်လမ်းစဉ်ဖြင့် အဆင်ပြေအောင် နေထိုင်ကျင့်သုံးနိုင်ရေးအတွက် လမ်းညွှန်ချက်ခံယူပြီးနောက် ၊ မက္ကဟ်မြို့သို့ထွက်ခွာကာ အွမ္မရဟ် (တာဝန်မဟုတ်သော ဟဂ်ျအငယ်စား ကျင့်ဝတ်)ကို ပြုကျင့်ဆောင်ရွက်ခဲ့သည်။

    Okaz/Saudi Gazette

  • သစ်လွင် မွတ်စလင်များအား ဂုဏ်ပြုသည့် အခမ်းအနား ဟော်လန်တွင် ကျင်းပပြုလုပ်

    ဧပြီ ၁ ၊ ၂၀၁၃

    M-Media

    Muslim Converts Meet in Amsterdam

    အမ်စတာဒမ်။ ။ အစ္စလာမ်သာသနာသို့ ပြောင်းလဲသက်ဝင်လာသည့် မွတ်စလင်သစ်လွင်များအား ဂုဏ်ပြုသည့် အခမ်အနားတစ်ခုကို ဟော်လန်မွတ်စလင်များက မတ်လ ၃၁ ရက်နေ့တွင် ကျင်းပခဲ့ကြသည်။ အဆိုပါအခမ်းအနားသို့ ထင်ရှားသော အစ္စလာမ့်ပညာရှင်များနှင့် အစ္စလာမ်သာသာသို့ ပြောင်းလဲသက်ဝင်ခဲ့သော ဒခ်ျလူမျိုးများလည်း တက်ရောက်ခဲ့ကြသည်။

    “ဒီနေ့ ကျနော်အရမ်းပျော်ပါတယ်။ (အစ္စလာမ်ကို ပြောင်းလဲသက်ဝင်ဖို့) ကျနော့်ရဲ့သား၊ ချွေးမနဲ့ မြေးသုံးယောက်က ကျနော့်ကို လွှမ်းမိုးခဲ့တာပါ။ ” ဟု အသက် ၇၂ နှစ်ရှိသူ ဒခ်ျလူမျိုး ဟန့်စ်(Hans) က ကူဝိတ်နယူးစ်(KUNA) အေဂျင်စီ သို့ပြောကြားခဲ့သည်။ အဆိုပါ စကားမှာ အမ်စတာဒမ်မြို့ အပြာရောင်ဗလီ (Blue Mosque) တွင်ပြုလုပ်သော National Converts Day of Dutch Muslims အခမ်းအနားတွင် ပြောကြားခဲ့ခြင်းဖြစ်သည်။

    ၎င်းမှာ အစ္စလာမ်သာသနာကို သက်ဝင်သော ဒခ်ျလူမျိုး မွတ်စလင်သစ်လွင်ကိုးဦးတွင် ပါဝင်ခဲ့သည်။ သားဖြစ်သူမိသားစု၏ ငြိမ်းချမ်သောဘ၀ကို တွေ့မြင်ရပြီးနောက်၊ အစ္စလာမ်သာသနာက သူ့အား ဆွဲဆောင်ခဲ့သည်ဟု သူက ဆိုသည်။

    “ကျနော့်သားနဲ့ ကျနော့်ချွေးမရဲ့ ၀တ်ပြုမှု၊ အေးအေးဆေးဆေး ပြောဆိုဆက်ဆံမှု၊ အလ္လာဟ်အရှင်မြတ်ရဲ့ အကူအညီနဲ့ ပြဿနာတွေကို အဖြေရှာနိုင်မှု၊ ဒါတွေကို ကျနော်တွေ့မြင်ရတဲ့အခါ တော်တော်သဘောကျခဲ့ပါတယ်။ အခု ကျနော် အစ္စလာမ်ကို ပိုပြီးနားလည်အောင် ကြိုးစားမယ်၊ ကုရ်အာန်ကျမ်းတော်မြတ်ကိုလည်း လေ့လာမယ်၊ ပြီးတော့ ဓမ္မဟောပြောပွဲတွေကိုလည်း တက်ပါမယ်။” ဟု ဟန့်စ် က ပြောကြားခဲ့သည်။

    ၎င်း၏သားဖြစ်သူမှာ လွန်ခဲ့သည့် ၈ နှစ်အရင်ကပင် အစ္စလာမ်သာသနာသို့ သက်ဝင်လာခဲ့ပြီး၊ တူနီးရှားလူမျိုး ဇနီးဖြစ်သူက အစ္စလာမ်ကို စတင်မိတ်ဆက်ပေးခဲ့ခြင်းဖြစ်သည်။

    ၆ ကြိမ်မြောက် National Converts Day ကို Discover Islam Foundation နှင့် ဟော်လန်ရှိ National Platform for New Muslims တို့က ပူးပေါင်းကျင်းပခဲ့ခြင်းဖြစ်သည်။ ထိုအခမ်းအနားသို့ လူပေါင်း ၁၀၀၀ ကျော် လာရောက်ကြပြီး၊ အမေရိကန်မွတ်စလင် တရားဟောဆရာ ယူစွဖ်အီစ်(Yusuf Estes)၊ အစ္စလာမ်ဘာသာသို့ ပြောင်းလဲသက်ဝင်ခဲ့သော ဂရိလူမျိုး ဟမ်ဇာ တီဇော့ဇစ်(Hamza Tzortzis) နှင့် ၂၀၀၈ ခုနှစ်က ဧ၀ရတ်တောင်ထိပ်သို့ တက်နိုင်ခဲ့သည့် ပထမဦးဆုံးဆော်ဒီနိုင်ငံသား အလ် ဇူမာန်(Al Zouman)တို့လည်း တက်ရောက်ခဲ့ကြသည်။

    ဒခ်ျလူမျိုးများ အစ္စလာမ်သာသာသို့ ပြောင်းလဲသက်ဝင်လာမှုမှာ လွန်ခဲ့သည့်နှစ်အနည်းငယ်အတွင်း မြင့်တက်လာခဲ့ပြီး လူဦးရေ ၁၂၀၀၀ မှ ၁၅၀၀၀ အထိရှိလာခဲ့သည်ဟု ထိုအခမ်းအနား၏ ပြောရေးဆိုခွင့်ရှိသူ ဂျာကော့ဗ် ဗွန် ဒါ ဘလွမ်(Jacob von der Blom) က ဆိုသည်။

    ပြီးခဲ့သည့်လကလည်း ရှေးရိုးစွဲ နိုင်ငံရေးသမား Geert Wilders ၏ပါတီကို ဦးဆောင်သူများထဲမှ တစ်ဦးဖြစ်သူ အာနော့ဒ် ဗန် ဒေါန်(Arnoud Van Doorn) သည် အစ္စလာမ်ဘာသာနှင့် မွတ်စလင်များအကြောင်းကို ကျယ်ကျယ်ပြန့်ပြန့်လေ့လာခဲ့ပြီးနောက် အစ္စလာမ်သာသနာသို့ ပြောင်းလဲ သက်ဝင်ခဲ့လေသည်။ ဟော်လန်နိုင်ငံတွင် လူဦးရေ ၁၆ သန်းရှိပြီး၊ လူဦးရေ တစ်သန်းမှာ အစ္စလာမ်သာသာကို သက်ဝင်ယုံကြည်ကြသူများဖြစ်သည်။

  • အစ္စလာမ်ဆန့်ကျင်သည့် ဒတ်ခ်ျ နိုင်ငံရေးပါတီ ခေါင်းဆောင်တစ်ဦး အစ္စလာမ်သို့ ကူးပြောင်း

    မတ်လ ၅ ၊ ၂၀၁၃
    M-Media

    Far-right-Dutch-Politician-Reverts-to-Islam

     အမ်စတာဒမ်။ ။ ဟော်လန် နိုင်ငံရေးသမား ဂျာတ် ၀ိုင်းလ်ဒါး (Geert Wilder) ၏ ရှေးရိုးစွဲ ပါတီကို ဦးဆောင်သူ တစ်ဦးဖြစ်သူသည် အစ္စလာမ်သာသနာနှင့် မွတ်စလင်များ အကြောင်းကို ကျယ်ကျယ်ပြန့်ပြန့်  လေ့လာပြီးနောက် အစ္စလာမ် သာသနာသို့  သက်ဝင်လာခဲ့သည်။

    “လူတွေက သံသယတွေဖြစ်လိမ့်မယ်ဆိုတာ ကျနော်နားလည်ပါတယ်။ အထူးသဖြင့် တော်တော်များများက မထင်ကြဘူးလေ။ ဒါဟာ တော်တော်ကြီးမားတဲ့ ဆုံးဖြတ်ချက်တစ်ခုဖြစ်ပြီး ပေါ့ပေါ့တန်တန် ချမှတ်ခဲ့တာတော့ မဟုတ်ပါဘူး။” ဟုအာနော့ဒ် ဗန်ဒေါန်(Arnoud Van Doorn) က အလ်ဂျာဇီးယား သတင်းဌာန သို့ ပြောကြားခဲ့သည်။

    ဒေါန်၏ အစ္စလာမ်သာသနာသို့ ပြောင်းလဲ သက်ဝင်ကြောင်း သတင်းမှာ လွန်ခဲ့သည်လက သူ၏ တွစ်တာ စာမျက်နှာတွင် “အသစ်တစ်ဖန် စတင်ခြင်း” ဟု ရေးသားပြီးနောက်ပိုင်း လုထုကြားသို့ ရောက်ရှိ လာခဲ့သည်။ နောက်ပိုင်းတွင် ဒေါန်သည် ရှဟာဒါ (အစ္စလာမ်သာသနာကို လက်ခံကြောင်း သက်သေထွက်ဆိုချက်) ၏ အာရဗီအသံထွက်ကို တွစ်တာ စာမျက်နှာတွင် ရေးသားခဲ့လေသည်။ ထို့နောက် အစ္စလာမ်သာသနာသို့ ပြောင်းလဲ သက်ဝင်ကြောင်း ကြေညာခဲ့ပြီး ထိုဆုံးဖြတ်ချက်၏ နောက်ကွယ်တွင်ရှိသည့် အကြောင်းအရင်းကို ထုတ်ဖော်ပြောဆိုခဲ့ခြင်းမရှိပေ။

    photo-2

    “ကျနော်နဲ့ နီးစပ်တဲ့အသိုင်းအ၀ိုင်းက လူတစ်ချို့ကတော့ လွန်ခဲ့တဲ့ တစ်နှစ်လောက်ကတည်းက ကျနော်ဟာ ကုရ်အာန်ကျမ်းတော်မြတ်၊ ဟဒီးဆ်(တမန်တော်မြတ်၏ သြ၀ါဒတော်များ)၊ စွန်နာ(တမန်တော်မြတ်၏ ကျင့်စဉ် ကျင့်ရပ်များ)နဲ့ အခြား အစ္စလာမ့် စာပေတွေကို လေ့လာနေတယ်ဆိုတာ သိကြပါတယ်။ ဒါ့အပြင် အစ္စလာမ့်အကြောင်းကို မွတ်စလင်တွေနဲ့ တော်တော်များများ ဆွေးနွေးခဲ့ပါတယ်။” ဟု သူက ဆိုသည်။

    သူ၏ပါတီမှ အစ္စလာမ်အား ဆန့်ကျင်တိုက်ခိုက်သည့် ရေးသားချက်များကြောင့် ဒေါန်သည် မိမိကိုယ်တိုင် အစ္စလာမ်သာသနာအကြောင်းကို ထဲထဲဝင်ဝင်လေ့လာရန် ဆုံးဖြတ်ချက် ချခဲ့လေသည်။

    “အစ္စလာမ်နဲ့ပက်သက်ပြီး အဆိုးမြင်သတင်းတွေကို ကျနော် တော်တော်များများ ကြားခဲ့ရပါတယ်။ ဒါပေမယ့် ကျနော်ဟာ ကိုယ် ကိုယ်တိုင်လေ့လာမှုမပြုဘဲနဲ့ အခြားသူတွေရဲ့ ထင်မြင်ယူဆချက်တွေနောက်ကို လိုက်လေ့ရှိသူ မဟုတ်ပါဘူး။ ဒါကြောင့် အစ္စလာမ်သာသနာကို တကယ့်ကို နက်နက်ရှိုင်းရှိုင်းနဲ့ စတင်လေ့လာခဲ့ပါတယ်။ Hague မြို့ မြို့တော်ကောင်စီက ကျနော့်ရဲ့ လုပ်ဖော်ကိုင်ဖက်တစ်ဦးဖြစ်တဲ့ အဘိုး ကောက်လာနီ (Aboe Khoulani) က ကျနော့်ကို အက်စ် ဆိုအန်နာ(As-Soennah) ဗလီဝတ်ကျောင်းတော်ဆီ ခေါ်သွားပါတယ်။ အဲဒီကနေ ကျနော်အများကြီး သင်ယူခဲ့ပါတယ်။” ဟု ဒေါန်က ဆိုသည်။

    ဟော်လန်ပါလီမန်နှင့် Hague မြို့ မြို့တော်ကောင်စီ၏ အဖွဲ့ဝင်ဖြစ်သူ ဒေါန်သည်ဟော်လန် နိုင်ငံရေးသမား တစ်ယောက်ဖြစ်သည့် ၀ိုင်းလ်ဒါး၏ အစ္စလာမ်ကို ဆန့်ကျင် တိုက်ခိုက်သည့် ရှေးရိုးစွဲ PVV ပါတီတွင် အချိန်အတော်ကြာ အဖွဲ့ဝင်ဖြစ်ခဲ့လေသည်။ ၀ိုင်းလ်ဒါး ကိုယ်တိုင်မှာ အစ္စလာမ်သာသနာကို စော်ကားပုတ်ခတ်သူ အဖြစ် ဟော်လန်နိုင်ငံတွင် လူသိများလေသည်။

    အသစ်တဖန် စတင်ခြင်း

    ဒေါန်၏ အစ္စလာမ်ကို ပြောင်းလဲသက်ဝင်ယုံကြည်မှုနှင့်ပက်သက်ပြီး ဟော်လန်နိုင်ငံတွင် တုံ့ပြန့်မှု အမျိုးမျိုးရှိလေသည်။

    “လူအချို့ရဲ့အဆိုအရတော့ ကျနော်ဟာ သစ္စာဖေါက်ပါ။ အခြားလူတော်တော်များများကတော့ ကျနော်ဟာ အင်မတန်ကောင်းမွန်တဲ့ဆုံးဖြတ်ချက်ကို ချမှတ်ခဲ့တယ်ဆိုပြီး ထင်မြင်ကြပါတယ်။ တုံ့ပြန်မှုတွေကတော့ များသောအားဖြင့် အပြုသဘောဆောင်ပါတယ်။ တွစ်တာ စာမျက်နှာကနေပြီးတော့လည်း ထောက်ခံမှုတော်တော်များများကို ရရှိခဲ့ပါတယ်။ ကျနော်နဲ့ ပုဂ္ဂိုလ်ရေးအရ ခင်မင်ရင်းနှီးမှုမရှိတဲ့သူတွေက ကျနော်ရဲ့အခြေအနေကို နားလည်မှုပေးတာ၊ ကျနော့်ရဲ့ရွေးချယ်မှုကို ထောက်ခံအားပေးတာတွေရတော့ ပီတိဖြစ်မိပါတယ်။” ဟု သူက ဆိုသည်။

    သူအတွက် အစ္စလာမ်သာသနာကို သက်ဝင်ယုံကြည်ခြင်းက သူ၏ဘ၀တွင် တရားလမ်းမှန်ကို ညွှန်ကြားပြသနေခြင်းပင် ဖြစ်လေသည်။

    “အခြားသူတွေလိုပဲ ကျနော်လည်း ဘ၀မှာ အမှားတွေလုပ်ခဲ့မိပါတယ်။ အဲဒီအမှားတွေကနေ ကျနော် တော်တော်များများ သင်ယူခဲ့ပြီးပါပြီ။ ပြီးတော့ အစ္စလာမ် သာသနာကို ပြောင်းလဲသက်ဝင်ခြင်းဟာ လမ်းမှန်ကို တွေ့ရှိသွားတယ်လို့ ကျနော် ခံစားရပါတယ်။ ဒါဟာ အသစ်စတင်ခြင်းဖြစ်တယ်၊ သင်ယူစရာတွေ အများကြီး ရှိနေတုန်းပဲဆိုတာကိုလည်း ကျနော် သဘောပေါက်ပါတယ်။ ” ဒေါန်ကဆိုသည်။

    ဒေါန်သည် PVV ပါတီမှ နှုတ်ထွက်ခဲ့ပြီး သူ၏ နိုင်ငံရေးသမားဘ၀တွင် အတိုက်အခံများစွာ ရှိမည်ဟု ယူဆနေသည်။

    “အစိုးအရအဖွဲ့အစည်းအချို့ဆီက အတိုက်အခံလုပ်ဆောင်မှု တော်တော်များများကို ဆက်လက်ရင်ဆိုင်သွားရလိမ့်မယ်လို့ ကျနော် ထင်ပါတယ်။ ဒီအချိန်တွေကို ဖြတ်သန်းဖို့ အလ္လာဟ်အရှင်မြတ်က ကျနော်ကို့ ကူညီလိမ့်မယ်၊ ညွှန်ကြားလမ်းပြပေးမယ်လို့လည်း ကျနော် အပြည့်အ၀ ယုံကြည်ပါတယ်။” ဟု သူက ပြောကြားခဲ့သည်။

    Ref: OnIslam

  • အစ္စလာမ့် အေးရိပ်သို့ (၁၀)- သံသယ သားကောင်တစ်ဦး၏ ယုံကြည်ချက် ခရီးစဉ် (Blog ကဏ္ဍ)

    အစ္စလာမ့် အေးရိပ်သို့ (၁၀)- သံသယ သားကောင်တစ်ဦး၏ ယုံကြည်ချက် ခရီးစဉ် (Blog ကဏ္ဍ)

    နိုဝင်ဘာ၊ ၄ ၊ ၂၀၁၂
    M-Media Blog ကဏ္ဍ
    Blogger- ဂျူလိုင်ရဲရင့်
    မှောင်ရီသန်းလုပြီ …။  ယာဉ်အသွားအလာရှုပ်ထွေးလွန်းလှတဲ့ Tanjong Pagar အရပ်မှာ ဖွင့်ထားတဲ့ အစားအသောက်ကဖီးဆိုင်က အလုပ်ပြီးလို့ သူ ထွက်လာခဲ့တယ်။ သူ့ရဲ့ ဇနီး၊ သမီးငယ်နဲ့အတူ ၀ါဖြေဖို့ အိမ်ကို အမြန်သုတ်ခြေတင်နေတာလေ။ စားသောက်ဖွယ်ရာစီစဉ်ပေးတဲ့ တစ်နေ့တာအလုပ်ကနေ ပင်ပန်းနွမ်းလျစွာ ပြန်လာပေမယ့်လည်း အိမ်အနီးက ဗလီဝတ်ကျောင်းတော်မှာ ညဥ့်ပိုင်းစုပေါင်းသရာဝီးဟ် ဆွလာသ်ဝတ်ပြုရေးကိုဘဲ သူ့မှာ ဇောကပ်နေတယ်။ သူက မီကာအီလ် ၀မ်ယုချိုင်း၊ အသက်က ၂၈ နှစ်။

    ရမ်ဿွာန် ဆိုတာ သူ့အဖို့ သူ့ဘ၀အတွက် တကယ့် အမှတ်တရ၊ အဓိပ္ပါယ်ပြည့်ဝလွန်းတဲ့ ကာလ အပိုင်းအခြားလေး ဖြစ်နေလို့ပါဘဲ။

    လွန်ခဲ့တဲ့ သုံးနှစ်ကျော် သူ့ရဲ့ကူးပြောင်းမှုစတင်လိုက်ကတည်းက သူဟာ တာဝန်ကျေပွန်တဲ့မုစ်လင်မ် တစ်ဦးဖြစ်အောင် ကြိုးစားခဲ့သူပါ။ ရမ်ဿွာန်တစ်လုံးလုံး မလျှော့စတမ်း ဥပုသ်သီလ တစ်ရက်မပျက်အောင်၊ သရာဝီးဟ်ဆွလာသ် တစ်ညဥ့် မလစ်လပ်စေအောင် လုံးပန်းတဲ့ကြားက အလုပ်လည်း ဆင်းနေခဲ့သူဖြစ်တယ်။ ဒီ အစ္စလာမ့်မဏ္ဍိုင်ကို ပြည့်ပြည့်၀၀ ဖြည့်ဆည်းဖို့အတွက် အချိန် နဲ့ စွမ်းအင်ထုတ်နိုင်တာ – တာဝန်လည်း ကျေပွန်တဲ့ လုပ်သားတစ်ဦးဖြစ်နေတာဟာ တကယ့်ကို ချီးကျူးစရာပါ။ ဒီကနေ့ကာလမှာ ဘ၀တစ်လျှောက် မုစ်လင်မ်အဖြစ် ကျင့်ကြံနေထိုင်ရတဲ့အခွင့်အလမ်းကို ဖော်ဆောင်ပေးတော်မူခဲ့ အလ္လာဟ်အရှင်မြတ် (SWT) ကို သူ့မှာ ကျေးဇူးသိတတ်လို့ မဆုံးပေဘူး။ တကယ့်ကောင်းချီးမင်္ဂလာပါဘဲလို့ သူက ရိုးရိုးစင်းစင်း ဆိုပါတယ်။

    ရှေးရိုးစွဲတရုတ်မိသားစုအတွင်း မွေးဖွားလာပြီး တာအိုဝါဒကိုလက်ခံထားသူပီပီ သူ့မိဘ သွန်သင် ပေးတဲ့အတိုင်း နေ့စဉ်ဝတ်တက်မှုကို အခါအားလျော်စွာ ပြုလုပ်လေ့ရှိတယ်။ မီကာအီလ်ဟာ အလုပ်သမား ခေါင်းဆောင်တစ်ဦးရဲ့ သားကြီးသြရသ ဖြစ်ပြီး၊ ကော်ဖီဆိုင်တစ်ခုက လက်ထောက်ကြီးကြပ်သူဖြစ်တယ်။ မိဘ တွေက သူတို့နှစ်သက်ရွေးချယ်ထားတဲ့အယူဝါဒကိုဘဲ ကြပ်ကြပ်မတ်မတ် လိုက်နာရမယ်လို့ သူ့အပေါ် ကန့်သတ်မထားခဲ့ပါဘူး။

    ကလေးဘ၀အရွယ်  Taman Jarong  မှာနေခဲ့စဉ်တုန်းက သူ့အိမ်နီးချင်းအပေါင်းအဖော်တွေဟာ သူ့ကို အရပ်ထဲက ချာ့ခ်ျကျောင်းဆီ ခေါ်ဆောင်ပြီး ခရစ်ယာန်အယူဖက် မသိမသာ သိမ်းသွင်းခဲ့ဖူးတယ်။ သူက ကလေးပီပီ အဆော့သန်ကစားမက်သူဖြစ်သလို သူငယ်ချင်းတွေနဲ့အတူ ချာ့ခ်ျမှာ စားကောင်းသောက်ဖွယ်တွေ ကို အလကားစားသောက်ရတဲ့အခါ တဖြည်းဖြည်းနဲ့ မီကာအီလ်အဖို့ စိတ်အပြောင်းအလဲ စတင် ဖြစ်ပေါ်လာ တော့တယ်။

    ချာ့ခ်ျ ဘုရားရှိခိုးကျောင်းတက်နေခဲ့သူ သို့

    သူ ငယ်ရွယ်စဉ်မှာ သူငယ်ချင်းတွေနဲ့အတူ ချာ့ခ်ျကို ပုံမှန်သွားပြီး အခိုက်အတန့်ကာလတစ်ခု အထိ ဓမ္မတေး နဲ့ တရားဒေသနာတွေကို နားဆင်တာမျိုး လုပ်ခဲ့တယ်။ ယေရှုသခင်အကြောင်းကိုလည်း သိရှိ သွားခဲ့တယ်။ ခရစ်ယာန်ဝါဒရဲ့ နာမ်ပိုင်းဆိုင်ရာအယူအဆဟာ တာအိုဝါဒနဲ့ ခြားနားလွန်းနေတာကြောင့် သူ့အဖို့ မျောပါသွားခဲ့ရတာပေါ့။ ချာ့ခ်ျကျောင်း စတက်တဲ့နေ့ကတည်းက ဒီလိုဖြစ်နေခဲ့ပေမယ့်လည်း သူ့ရဲ့ မိသားစု Simei ကို ရွှေ့ပြောင်းပြီးတဲ့နောက်မှာတော့ အဲ့ဒီအယူဝါဒကို သူကျောခိုင်းခဲ့ပါတယ်။ သူ့မိသားစုနေရပ် အသစ်ဖြစ်တဲ့ အရှေ့ဖျားဆီကနေ အနောက်ဖျားက တမျှော်တခေါ် နေရာဟောင်းဆီ အချိန် နဲ့ အားထုတ်မှု တော်တော်စိုက်ထုတ်လို့ရက်သတ္တပတ်ပေါင်းများစွာ ချာ့ခ်ျ သွားတက်ခဲ့ပါသေးတယ်။ ဒါပေမယ့် ကာလကြာ ရှည်လာတာနဲ့အမျှ အချိန်ယူရလွန်းလို့ အဲ့ဒီအမှုကို ရပ်နားလိုက်ရပါတော့တယ်။ ဒါပေမယ့်လည်း သူ့ရဲ့ ယုံကြည်ချက်ရှာဖွေရေး ခရီးစဉ်ဟာဖြင့် ရပ်တန့်မသွားခဲ့ပါဘူး။

    ဗုဒ္ဓ၀ါဒနှင့် ထိတွေ့မှု

    နှစ်အနည်းငယ်ကြာပြီးတဲ့နောက် မီကာအီလ်ဟာ ထိုင်းလူမျိုးတို့ရဲ့ ရိုးရာဗုဒ္ဓအယူတစ်မျိုးကို သိရှိလာခဲ့တယ်။ အဲ့ဒီဂိုဏ်းဂဏရဲ့ စရိုက်သဘာဝဟာ ထူးခြားလျှို့ဝှက်လွန်းလှလေတော့ ငယ်ရွယ်သန်စွမ်းပြီး တစ်သီးပုဂ္ဂလဆန်တဲ့လူငယ်ပီပီ အထူးစိတ်ဝင်စားသွားတယ်ပေါ့။  Simpang Bedok  က အဲ့ဒီဂိုဏ်းဝင် ဗုဒ္ဓ ဘာသာဘုရားကျောင်းကို သွားလေ့ရှိပြီး အဲ့ဒီဝါဒရဲ့ မန္တန်ရွတ်မှုတွေ၊ ကျင့်ဆောင်မှုတွေကို ရှာဖွေလေ့လာ သင်ယူခဲ့တယ်။

    ဒီဘာသာတရားရဲ့ထိတွေ့မှုမှာ မီကာအီလ်အဖို့ အမှတ်တရအဖြစ်ဆုံးကတော့ ဗုဒ္ဓရုပ်ပွားတော် ဆွဲကြိုးလေးပါဘဲ။ သူဟာ လည်ပင်းမှာ အမြတ်တနိုးဆွဲထားလေ့ရှိတယ်။ အဲ့ဒီအရာဟာ သူ့ကို နာမ်ပိုင်း တိုးတက်မှု နဲ့ စိတ်ဓါတ်အင်အားပြည့်ဝမှုကို ပေးစွမ်းမယ်လို့ ယုံကြည်ထားခဲ့တယ်။ ဒါပေမယ့် အဲ့ဒီအကျိုးသြဇာ သက်ရောက်လာလိမ့်မယ်ဆိုတဲ့မျှော်လင့်ချက် တစ်စစ မှေးမှိန်သွားတဲ့အခါ မီကာအီလ်က ရှေ့ဆက်မတိုးခဲ့ သလို သိပ်ပြီးလည်း စိတ်မပါတော့ဘူး။ ဒါနဲ့ စင်္ကာပူမှာ ကျယ်ကျယ်ပြန့်ပြန့်ခေတ်စားနေတဲ့ ဗုဒ္ဓ၀ါဒ နောက် တစ်မျိုးဆီ ခုန်ကူးလိုက်ပြန်တယ်။ အဲ့ဒီဝါဒက တိရစ္ဆာန်အသားတွေကို စားသောက်ခွင့်မရှိတဲ့ အယူမျိုးလေ။

    သူ နှင့် အစ္စလာမ်

    မီကာအီလ်ဟာ အစ္စလာမ်ကိုဖွေရှာဖို့ ဘယ်တုန်းကမှ မစဉ်းစားဖူးပါဘူး။ သူက အစ္စလာမ်ဆိုတာ မလေးလူမျိုးနဲ့ဘဲသက်ဆိုင်တယ်လို့ ယိုးမှတ်ထားတာလေ။ မုစ်လင်မ်တွေက မလေးလူမျိုးပါဘဲလို့သာ ထင်မှတ်ထားခဲ့တယ်။ အစ္စလာမ့်အယူဝါဒဆိုင်ရာတားမြစ်ကန့်သတ်ချက်တွေသက်သက်ကိုဘဲ အပေါ်ယံလေး လောက်ကြည့်ပြီး အစ္စလာမ်ဆိုတာ တင်းကြပ်လွန်းတဲ့သာသနာအဖြစ် အမြင်ရှိနေခဲ့တယ်။ ၀က်သား မစားရ – အရက်မသောက်ရ – ဘာဆိုဘာမှမလုပ်ရတဲ့အပြင် နံရံကို ၀တ်ပြုရှိခိုးနေကြတယ် ဒါမှမဟုတ် နံရံဖက်ကိုဘဲ မျက်နှာမူဦးချနေကြတယ်လို့ဘဲ တွေ့သိနေရတာကိုး။

    အလ္လာဟ်အရှင်မြတ် ( SWT ) ရဲ့ကရုဏာတော်အရ နောက်ပိုင်းမှာ သူ့ချစ်သူမုစ်လင်မ်မိန်းကလေး က သူ့ကို အစ္စလာမ်အကြောင်းလေ့လာရေးလုပ်ကြည့်ပါဦးလို့ တိုက်တွန်းလာခဲ့တယ်။ ဒါနဲ့ သူက ဒါရုလ် အရ်ကမ်ရဲ့ BCI သင်တန်း တက်ဖြစ်သွားတာ။ အယူဝါဒရေးရာသိမ်းသွင်းခံရမှုမရှိဘဲ သာသနာအပေါ်လွတ်လပ် စွာလေ့လာခွင့်ရခဲ့ပေမယ့် အစပိုင်းမှာ အစ္စလာမ်သာသနာကို သံသယ၀င်နေခဲ့သေးတယ်လို့ သူ ၀န်ခံခဲ့တယ်။

    ဒွိဟစိတ်တွေဖြစ်နေလင့်ကစား သင်တန်းမပြတ်တက်ပြီး သင်ခန်းစာ အတော်များများ ကျော်လွန် ဖြတ်သန်းပြီးတဲ့နောက်မှာတော့ အစ္စလာမ့်စည်းမျဉ်းနိယာမတွေထဲကနေ ရိုးစင်းမှုကိုသတိပြုမိပါတော့တယ်။ သူ ကြုံဆုံခဲ့ဖူးတဲ့ သာသနာတွေနဲ့ခြားနားစွာ အစ္စလာမ့်ရှုထောင့်ကဖော်ပြထားတဲ့ ဘုရားသခင်အယူအဆနဲ့ ပတ်သက်ပြီး သိမ်မွေ့တဲ့အနှစ်ရသကို ခံစားလိုက်ရတယ်။ အဲ့ဒီသင်ရိုးထဲကနေဘဲ အစ္စလာမ်နဲ့မုစ်လင်မ်တွေ အပေါ် သူ့ရဲ့ ကနဦးအမြင်/အစောပိုင်းသုံးသပ်ချက်တွေဟာ တလွဲတချော်ချည်းဘဲဆိုတာ နားလည်သွားတယ်။ အစ္စလာမ်သာသနာဟာ မလေးလူမျိုးအတွက်သာလျှင် မဟုတ်ဘူးလို့သိရှိလိုက်တဲ့အခါ လောကတစ်ခွင်ရဲ့ ရတနာဖြစ်ကြောင်း သဘောပေါက်သွားတယ်လေ။

    ခြေစုံပစ်လို့ ၀င်ရောက်ခြင်း

    အခုဆိုယင် ချစ်သူမိန်းကလေးနဲ့ ပျော်ပျော်ရွှင်ရွှင်လက်ထပ်ခဲ့တာ နှစ်ပေါင်းမနည်းတော့ပါဘူး။ မီကာအီလ်ဟာ မုစ်လင်မ်နဲ့ထိမ်းမြားခဲ့လို့ အစ္စလာမ့်ဘောင်ထဲ ရောက်လာရခြင်းဖြစ်မှာပါဆိုပြီး ယူဆကောင်း ယူဆမိကြပေလိမ့်မယ်။ သို့ပေမယ့်လည်း သူ့ကိုယ်၌က သာသနာကို တကယ် နစ်ဝင်ကိုင်းရှိုင်းသူရယ်ပါ။ သူ့ မုစ်လင်မ်ချစ်သူနဲ့ မညားခဲ့ယင်တောင်မှ အစ္စလာမ်ကို လက်ခံသက်ဝင်ခဲ့မှာဘဲလို့ သူက ဆိုတယ်လေ။

    မီကာအီလ်ဟာ မုစ်လင်မ်ဖြစ်လာတာနဲ့တစ်ပြိုင်နက် သူ့နေ့စဉ်ဘ၀ပုံဟန်ကို ပေါ့ပါးစွာဘဲ အပြောင်းအလဲလုပ်နိုင်ခဲ့ပါတယ်။ သူ့ရဲ့လုပ်ငန်းခွင်အတွင်းမှာပင် မိနစ်ပိုင်းလောက် အချိန်လေးထုတ်ယူပြီး ဆွလာသ်တွေ ၀တ်ပြုတတ်လာတယ်။ ဆွလာသ်၊ ဆွောင်မ် စတဲ့ အိဗာဒဟ်တွေကို ရိုးရိုးစင်းစင်းပြုလုပ်နေလင့် ကစား မိမိဘ၀မှာ မဖော်ပြတတ်တဲ့ တင်းတိမ်အားရမှုများ ကြုံတွေ့နေရတယ်လို့ သူကဆိုပါတယ်။ သူ့ရွေးချယ်မှုအပေါ် နားလည်ပေးတဲ့ မိဘများကလည်း သူ့အပေါ် ခွဲခြားဆက်ဆံတာမျိုး လုံးဝ မရှိပြန်ပါဘူး။ သူ ရင်ဆိုင်ရတဲ့ အခက်အခဲတစ်ခုတော့ရှိတယ် – သူ့လုပ်ဖော် ကိုင်ဖက်များဟာ  သူ့ကို အိုစာမာ ( ဘင်လာဒင်) နဲ့ တစ်တန်းတစ်စားတည်းသတ်မှတ်နေတာကိုပေါ့။ ဒါပေမယ့် ဒါကို သူအမှတ်သည်းခြေ မထားပါဘူး။ သူ့ရဲ့ အဲ့ဒီလုပ်ဖော်ကိုင်ဖက်ဟာ တစ်ချိန်တုန်းက သူကိုယ်တိုင်လိုဘဲ အစ္စလာမ်အကြောင်း ဘာမှမသိခဲ့သူတစ်ဦး သာလျှင်ဖြစ်လို့နေမှာပါလို့ တည်ငြိမ်တဲ့အမြင်နဲ့တစ်ကွ မိမိကိုယ်ကို ပြန်သတိပေးနေမိပါတော့တယ်။

     

    စာပန်းချီ –  အာအိယှဟ် ဟုစိုင်းန်

    TMR :  Vol 24 , No. 2 , 2006 May-Aug , Pg 43-44

    TMR :  Following Faith ( 2010-2011 ), Pg 81-82

    စလာမ်၊ ဒုအာအ်ဖြင့်

    ဂျူလိုင်ရဲရင့်