News @ M-Media

Tag: Riot

  • Breaking News:သံတွဲမြို့ အံတော်မြို့သစ်တွင် ထပ်မံ၍ မီးရှို့မှုများပြုလုပ်နေ

    ဇူလိုင် ၂၊ ၂၀၁၃
    M-Media
    ဇာဏီ

    သံတွဲ ။ ။ ရခိုင်ပြည်နယ်၊ သံတွဲမြို့ အံတော်မြို့သစ်တွင် အကြမ်းဖက်သမားများမှ ယနေ့ညပိုင်းတွင် ထပ်မံ၍ မီးရှို့မှုများပြုလုပ်နေသည်ဟု သိရပါသည်။

    ယနေ့ပိုင်းတွင် အကြမ်းဖက်သမားများမှ အံတော်မြို့သစ်ရှိ ကောင်းကင်သစ္စာကားဂိတ်အား မီးရှို့မှုပြုလုပ်ခဲ့ကြောင်း၊ မီးသတ်ကား(၃)စီး သွားရောက်မီးငြိမ်းသတ်ရာမှ ပြန်လာကြောင်းသိရသည်။

    TanDwe

    အဆိုပါ မီးရှို့မှုနှင့်ပတ်သက်၍ ဆက်သွယ်စုံစမ်းရာ “ဟုတ်တယ်။ ကောင်းကင်သစ္စာကားဂိတ်ကို မီးရှို့တာ။ အခုတော့လည်း မီးငြိမ်းသွားပြီ။ အကုန်လောင်သွားလား၊ ဘယ်လောက်လောင်သွားလဲဆိုတာ ကျွန်တော် အတိအကျမပြောနိုင်ဘူးခင်ဗျ။ အဲ့ဒီဘက်ခြမ်းမှာ ကျွန်တော်တို့ မွတ်စလင်မ်တော်တော်များများမရှိတော့ဘူး။ မီးရှို့တယ်ဆိုတာတော့ အတိအကျသိရတယ်။ သို့သော် ဘယ်လောက်ထိ လောင်သွားတယ်ဆိုတာ မသိရဘူး။ မီးသတ်ကား ၃-စီးသွားတယ်ဆိုတာသိရတယ်။ မီးငြိမ်းသွားပြီဆိုတာလည်း သိရတယ်။

    တစ်ခု ကျွန်တော်သိရတာကို ပြောချင်တာက ဒီဖြစ်စဉ်မှာ ပထမဦးဆုံးဖြစ်တဲ့ မုဒိမ်းမှုဆိုပြီးပြောရာမှာ အဲ့ဒီအမှုတရားခံလို့စွပ်စွဲခံထားရတဲ့ နိုင်သူ ဆိုတဲ့ကောင်လေးဟာ ဘင်္ဂါအစ္စလာမ် လုံးဝမဟုတ်ပဲ ရခိုင်ဗုဒ္ဓတစ်ယောက်ဖြစ်နေပါတယ်။ ဟုတ်ပါတယ် သူ့အမေကိုယ်တိုင်က သူ့သားဟာ ဗုဒ္ဓဘာသာပါလုိ့ပြောပါတယ်။

    နောက်ပြီးတော့ အခု သံတွဲမြို့ပေါ်တင် မဟုတ်ပဲ တစ်ခြားမွတ်စလင်မ်ရွာတွေရှိသေးတယ်။ နှင်းဆီ၊ ပေါက်တော၊ သဗြုချိုင်၊ မင်းစိုင်မော၊ ပြင်ယောင်းတို့ဆိုတာတွေက တောင်ကုတ်နယ်စပ်နားမှာရှိတဲ့ မွတ်စလင်မ်ရွာတွေပါ။ အဲဒီရွာတွေမှာလည်း အကြမ်းဖက်မှုပြဿနာ ဖြစ်နိုင်ချေတွေ များနေတယ်။

    ခုနကပဲ ကျွန်တော်တို့အိမ်ရှေ့က အိမ် ၁-အိမ်ကို ခဲနဲ့ထုသွားတယ်။ ဒီမီးက တစ်ခြားကိုလည်း ဆက်ပြီးကူးမယ့်သဘော ကျွန်တော်တို့တွေ့နေရတယ်။ အခုက သံတွဲပေါ်မှာလည်း လှုပ်နေပြီလေ။ အခုပဲ အံတော်ဘက်မှာ မီးလောင်လို့ဆိုပြီး ပြေးလိုက်လွှားလိုက်၊ ခဏနေ ဗောဓိကုန်းဆို ဗောဓိကုန်းဘက်ပြေးလိုက်နဲ့ဆို အားလုံး ကျီးလန့်စာစားဖြစ်နေတယ်။ အဲဒါတွေ ဆက်ပြီးမဖြစ်အောင် နိုင်ငံတော် အစိုးရအနေနဲ့ ကြပ်ကြပ်မတ်မတ် ထိန်းသိမ်းပေးနိုင်ရင်ကောင်းမယ်။ နိုင်ငံတော်အစိုးရက ထိန်းသိမ်းပေးစေချင်ပါတယ်”လို့ M-Media ကို ယနေ့ည သံတွဲမြို့အခြေအနေအား ဆက်သွယ်မေးမြန်းစဉ်တွင် သံတွဲမြို့ခံမှ ပြောပြလာပါတယ်။

  • သံတွဲတွင် ပုဒ်မ ၁၄၄ ထုတ်ထားသော်လည်း မီးရှို့ဖျက်ဆီးမှုများ ထပ်မံပြုလုပ်

    ဇွန် ၁၊ ၂၀၁၃
    M-Media
    ဇာဏီ

    TanDwe

    သံတွဲ ။ ။ ရခိုင်ပြည်နယ်၊ သံတွဲတွင် ပုဒ်မ ၁၄၄ ထုတ်ပြန်ထားသော်လည်း အကြမ်းဖက်သမားများမှ ယနေ့ညပိုင်းတွင် ထပ်မံ၍ မီးရှို့မှုများပြုလုပ်နေသည်ဟု သိရပါသည်။

    ယနေ့ည ၉-နာရီ ၅-မိနစ် ခန့်တွင် အံတော် ၆-လမ်းတွင် အကြမ်းဖက်သမားများမှ မီးရှို့မှုများ ထပ်မံပြုလုပ်နေပါသည်။ ပုဒ်မ ၁၄၄ ထုတ်ထားသည့်အတွက် မီးသတ်ကား(၃)စီးမှ သွားရောက်၍ မီးငြိမ်းသတ်ပြီး ၉း၄၅-နာရီတွင် ပြန်လာကြောင်း သိရသည်။

    ယခုအခါ သံတွဲမြို့ပေါ်တွင် ရဲနှင့် စစ်တပ်မှ လုံခြုံရေးအတွက်လှည့်လည်နေကြောင်းသိရသည်။ သံတွဲမြို့ပေါ်အနေနှင့် ငြိမ်ဝပ်ပိပြားမှု ရှိနေပါသည်။ ရှေ့တန်းထွက်နေရသည့် ခမရ-၅၆၆ မှလည်း လုံခြုံရေးကို တင်းတင်းကြပ်ကြပ် လုပ်ဆောင်နေကြောင်းသိရသည်။

    အံတော်ဘက်တွင် နေထိုင်သည့်ရခိုင်များသည် ဧည့်စာရင်းတိုင်ကြားခြင်းမရှိပဲ ခိုးဝင်နေထိုင်သူ အများစုရှိနေသည့်အတွက် အံတော်ဘက်ခြမ်းတွင် လုံခြုံမှု လုံးဝမရှိပဲ တရားဥပဒေ စိုးမိုးမှုလည်း လိုအပ်နေကြောင်းသိရသည်။

    ယနေ့ည ၈-နာရီ ၄၅-မိနစ်ခန့်တွင် တောင်ကုတ်မှ လူ(၂၈)ယောက်သည် light truck ကား(၅)စီး၊ ဆိုင်ကယ် (၅)စီးဖြင့်လာရောက်ပြီး သံတွဲ မတည်ငြိမ်မှုစတင်ဖြစ်ပေါ်ခဲ့သည့် မုဒိမ်းကျင့်ခံရသည်ဆိုသည့် အမျိုးသမီးအား ဆေးရုံမှနေ၍ တောင်ကုတ်သို့ ခေါ်ဆောင်သွားကြောင်းလည်း သိရသည်။

    နောက်ဆက်တွဲ သတင်း (ည – ၁၀း၃၀)နာရီ

    “အံတော်မှာ အကြမ်းဖက်သမားပိုမို သောင်းကျန်းနေလို့ ရဲနဲ့ စစ်တပ်က လုံခြုံရေးယူလိုက်ပါတယ်။ လုံခြုံရေးယူထားတဲ့အထဲက ရဲကို ရခိုင်က ပါးရိုက်လိုက်တယ်။ အဲဒီအတွက်ကြောင့် စစ်တပ်က လူ(၃) ယောက်ကို ပစ်လိုက်တယ်ပါတယ်။ အံတော်ဘက်မှာတော့ အခြေအနေက တော်တော်လေး ဆိုးရွားနေပါတယ်”လို့ အံတော် မြို့ခံတစ်ဦးက ပြောပြလာပါတယ်

  • သံတွဲမှ အကြမ်းဖက် ဖျက်ဆီးမှုများမှာ အကွက်ချ လုပ်ဆောင်မှုများဖြစ် (ဆက်သွယ်မေးမြန်းချက်)

    ဇူလိုင် ၁၊ ၂၀၁၃
    M-Media
    ဇာဏီ

    သံတွဲ ။ ။ ရခိုင်ပြည်နယ်၊ သံတွဲမြို့တွင် မနေ့ ဇွန်လ ၃၀-ရက်နေ့က အကြမ်းဖက်မှုဖြစ်ပွားစေရန် လှုံ့ဆော်ခဲ့ပြီး သံတွဲ အံတော်မြို့သစ်တွင် အကြမ်းဖက်မှုများ လုပ်ဆောင်ပြီး မွတ်စလင်မ်ပိုင် အိမ်များကို မီးရှို့ပြီး၊ အဝေးပြေးကားဂိတ်နှင့် ကားများကို ဖျက်ဆီးခဲ့ကြောင်း သိရပါတယ်။

    TanDwe

    ယင်းကဲ့သို့ အကြမ်းဖက်မှုများ ထပ်မံဖြစ်ပေါ်လာရခြင်းနှင့်ပတ်သက်၍ အဖြစ်မှန်ကို သိရှိစေရန် သံတွဲမြို့ခံများနှင့် M-Media မှ ဆက်သွယ်မေးမြန်းထားတာ ဖြစ်ပါတယ်။

    သံတွဲ မြို့ခံ (၃)ဦးရဲ့ ပြောပြချက်များဖြစ်ပါတယ်။

    “သံတွဲမှာဖြစ်တဲ့ကိစ္စရပ်က မနှစ် ဇွန်လကတည်းက ရခိုင်မှာ စခဲ့သလို ပြန်လည်ပြီးဖြစ်အောင် စလုပ်တဲ့ အနေအထားပါ။ မနေ့ကဖြစ်သွားတာဆိုရင်လည်း သတင်းအမှားလွှင့်ပြီး ပြဿနာဖြစ်အောင် လုပ်တာပါ။ ဗုဒ္ဓဘာသာ မိန်းကလေးတစ်ယောက်ကို မွတ်စလင်မ် ဆိုင်ကယ် တက္ကစီသမားက မုဒိမ်းကျင့်တယ်ဆိုတာ မဟုတ်ပါဘူး။ အဲဒီ ဆိုင်ကယ် တက္ကစီမောင်းတဲ့ ကောင်လေးကတော့ ဟုတ်တယ်။ အဲ့ဒီကောင်လေး အမေက ဗုဒ္ဓဘာသာ၊ အဖေကတော့ အစ္စလာမ်၊ အဲ့ဒီကောင်လေးက အရင်ကတည်းက ဟိုလိုဒီလိုလိုပါပဲ ဘယ်ဘာသာကိုမှ တလေးတစားရှိခဲ့တာ မဟုတ်ပါ။ အဲဒါကိုမှ ရခိုင်တိုးတက်ရေးပါတီနဲ့ လူမျိုးဘာသာ သာသနာ စောင့်ရှောက်ရေး အဖွဲ့တွေက တမင် အကွက်ချပြီးလုပ်ဆောင်သွားတာပါ။ အဲဒီကောင်လေးက ကောင်မလေးကို မုဒိမ်းကျင့်တာ မဟုတ်ဘဲ သူတို့အချင်းချင်း သဘောတူညီခဲ့ကြပြီး ဖြစ်သွားတာ။ ဒီကောင်လေးတစ်ယောက်တည်း မဟုတ်ဘူး တစ်ခြားကောင်လေးတစ်ယောက်လည်းပါတယ်။ ဒါပေမယ့် ဒီကောင်လေးက မုဒိမ်းကျင့်တယ်ဆိုပြီး ရဲစခန်းမှာသွားတိုင်တယ်ဗျ။ အဲဒီ အမျိုးသမီးက တိုင်တာလည်းမဟုတ်ဘူး။ ခုနကပြောတဲ့ ပါတီနဲ့ လူမျိုးဘာသာ သာသနာစောင့်ရှောက်ရေးအဖွဲ့ကလူတွေက တိုင်တာ။ အဲဒါနဲ့ မနေ့က ညနေ ၄-နာရီ ၀န်းကျင်လောက်ကျတော့ ရဲစခန်းရှေ့မှာ လူ(၅၀)လောက်စုလာပြီး ၅-နာရီလောက်မှာ လူ(၁၅၀)လောက်ဖြစ်သွားတယ်။ အဲဒီလူတွေက ရဲတွေကို ပုံမှားပြောပြီး အော်ဟစ်ဆဲဆိုနေကြတယ်။

    အဲလိုအခြေအနေကနေ ထပ်ဆိုးတာက ကျေးရွာတွေကို အမျိုးဘာသာ သာသနာစောင့်ရှောက်ဖို့ဆိုပြီး လူတွေခေါ်တယ်။ သူတို့မှာ ကွန်ရက်တွေရှိပါတယ်။ အဲဒီ ကွန်ရက်တွေကမှတဆင့် လူများလာပြီး အံတော်ဆိုတဲ့ရပ်ကွက်၊ သူက သံတွဲမြို့ရဲ့တဘက်ကမ်းမှာ ရှိတာပါ။ အဲဒီအချိန်မှာပဲ အံတော်ဘက်မှာ လူတွေက တအားဆိုးလာတယ်။ အံတော်မှာ ရခိုင်ကွန်ရက်တွေဖြစ်တဲ့ လေးဝတီကွန်ရက်၊ လူမျိုးဘာသာ သာသနာစောင့်ရှောက်ရေးကွန်ရက်တွေ၊ ရခိုင်လူငယ်ကွန်ရက်တွေကနေ ဧည့်စာရင်းမရှိပဲ ၀င်ရောက်နေထိုင်တဲ့ ရခိုင်တွေ တော်တော်များများရှိတယ်။ အဲဒီလူတွေကနေ သွေးထိုးလှုံ့ဆော်ပြီး အစ္စလာမ်ဘာသာဝင် ကုလားတွေကိုသတ်ဖို့၊ သူတို့ပိုင်ဆိုင်တာတွေယူဖို့၊ သူတို့က အမျိုးဘာသာ သာသနာစောင့်ရှောက်ကြဖို့ဆိုပြီး သွေးထိုးလှုံ့ဆော်တယ်။ အဲလို လုပ်ပြီး ည ၈-နာရီလောက်မှာ အံတော်က မွတ်စလင်မ်အိမ် ၁၂-အိမ်လောက်ကို ဖျက်ဆီးကြတယ်။ ည ၈း၂၀ နာရီလောက်မှာ ထွေအုပ်ကနေ ညမထွက်ရအမိန့်ပြောတယ်။ ပြောပြီးတဲ့အချိန်မှာ အံတော်မှာ မဖြစ်ပဲ သံတွဲမြို့ပေါ်က ဦးတင်မြအိမ်နဲ့ ဦးခင်မောင်ရဲ့ အိမ်ကို လူအယောက်(၃၀)လောက်က ခဲနဲ့ဝိုင်းထုတယ်။ ဦးခင်မောင်အိမ်ကို ခဲနဲ့ဝိုင်းထုတော့ အဲဒီမှာ စာသင်နေတဲ့ကျောင်းသားလေးတချို့ လောက်လေးဂွနဲ့ပြန်ပြီးပစ်တော့ အဲဒီလူစုက ထွက်ပြေးသွားတယ်။ အဲဒီအချိန်မှာ သံတွဲမြို့တော်ခန်းမမှာရှိနေတဲ့ ဗိုလ်ကြီးဦးဆောင်ပြီးရောက်လာပြီး မောင်းထုတ်တော့ အဲ့ဒီ အကြမ်းဖက်လူစု ထွက်ပြေးသွားတယ်။

    ည ၈-နာရီခွဲလောက်မှာ အံတော်က အိမ် ၁-အိမ်ကို မီးစရှို့တယ်။ ရောက်နေတဲ့ ရဲတွေက ငါ့ညီတို့ တော်ပါတော့လို့ပြောတာလည်း မရဘူး။ ရဲကို သူတို့ကပြောတယ် ခင်ဗျားတို့အလုပ်မဟုတ်ဘူး၊ ကျုပ်တို့ကတော့ ရှို့မှာပဲဆိုပြီး ဆက်ပြီးလုပ်နေကြတယ်။ နောက်တစ်အိမ်မှာဆို လင်မယား ၂-ယောက်တည်းပဲရှိတယ်။ သူတို့ကို အပြင်ထွက်မရအောင် အပြင်ကနေ အက်ဆစ်တွေနဲ့လောင်းတယ်။ အပြင်ကနေ မီးရှို့တယ်။ စစ်တပ်ရှိပေမယ့် အထက် အမိန့်မရသေးဘူးလို့ဆိုပြီး နေနေတယ်။ ည ၉-နာရီကျော်ကျော်လောက်မှာပဲ မီးက ဆက်တိုက်လောင်လာတယ်။ မီးသတ်ကားက သွားပြီး မီးငြိမ်းတယ်။ မီးလောင်တာက ၅-အိမ်လောင်တယ်။ အစ္စလာမ်ဘာသာဝင် အိမ်ဆိုပြီး မီးရှို့မိသွားတာက ဗုဒ္ဓဘာသာ ၂-အိမ် ပါသွားတယ်။

    အဲဒီအချိန်မှာ သံတွဲမြို့ပေါ်မှာတော့ဘာမှ မလုပ်ဘူး။ သူတို့တွေကတော့ ပတ်သွားနေတယ်။ စစ်တပ်က အရေးပေါ် အခြေအနေ ကြေညာပြီးတဲ့အချိန်မှာ လူစုခွဲတယ်၊ မောင်းထုတ်တယ်။ အံတော်ဘက်ခြမ်းမှာတော့ လုံးဝ လူစုခွဲလို့မရဘူး။ မနေ့ညက ၉-နာရီခွဲကနေ ည ၂-နာရီလောက်ထိ အဲဒီ လူအုပ်ကြီးက သူတို့ လုပ်ချင်တာ လုပ်တယ်။ စုစုပေါင်း ၇-အိမ် ၈-အိမ် လောက်ကို တစ်အိမ်တက်ဆင်း ဖျက်တယ် ဖြိုတယ်၊ မီးရှို့တယ်။

    အဲလို လိုက်လုပ်နေရင်း ဗုဒ္ဓဘာသာအိမ်တွေနဲ့ ကပ်လျက်ရှိတဲ့ အိမ်တွေကိုကျ အိမ်ထဲက အတွင်းပစ္စည်းတွေကို ထုတ်တယ်။ မီးရှိုတယ်။ ကား ၄-စီး ဖျက်ဆီးခံရတယ်။ ဘေးနားမှာ ဗုဒ္ဓဘာသာကားဂိတ်ရှိတော့ မီးမရှို့ဘဲ ကားဂိတ်ကိုပဲ ဖျက်ဆီးကြတာ။ ကားတွေက ကောင်းကင်သစ္စာကားဂိတ်က ကား ၂-စီးနဲ့ တစ်ခြားကား ၂-စီးပါ။ ကောင်းကင်သစ္စာ ကားဂိတ်က ကားက ကုန်တင်ကားကြီး ၂-စီးပါ။ တစ်ခြားကတော့ ခရီးသည်တင်လူစီးကားပါ။
    ဖျက်ဆီးခံရတဲ့ထဲက အိမ်တစ်အိမ်က ဒီနေ့ မနက်မှာတော့ သူ့အိမ်ကိုဝင်ချင်တယ်၊ ပစ္စည်းတွေယူချင်တယ်ဆိုတော့ အံတော်တံတားထိပ်က အရက်ဆိုင်မှာ လူ(၃၀)လောက်က စောင့်နေတယ်။ အံတော်ကို ပစ္စည်းလာယူရင် ပြဿနာလုပ်ဖို့ ဟန်ရေးပြနေတယ်။ ရဲက အိမ်ဖျက်ခံရတဲ့အိမ်ကို ပြောတယ်။ ပဋိပက္ခဖြစ်လိမ့်မယ် ခင်ဗျားတို့ မယူနဲ့ဆိုတော့ အဲဒါက မဖြစ်သင့်ဘူးလို့ထင်တယ်။

    ကျွန်တော်တို့လိုချင်တာက တရားဥပဒေစိုးမိုးရေးရှိရမယ်လေ။ အဲဒါတွေကို နိုင်ငံတော် သမ္မတကြီးလည်း သိစေချင်တယ်။ မနေ့က အရေးပေါ် အခြေအနေ ကြေညာတာကလည်း ကျွန်တော်တို့အတွက်ပဲ ကြေညာတယ်။ ဗုဒ္ဓဘာသာတွေ သွားလာနေကြရင် ဘာမှ မပြောဘူး။ ကျွန်တော်တို့ကိုတော့ အပြင်ထွက်မရအောင် လုပ်ထားတယ်။ ဥပဒေက ကျွန်တော်တို့အတွက် မရှိဘူး။ အခုအခြေအနေအရ အမျိုးဘာသာ သာသနာစောင့်ရှောက်ရေးအသင်းနဲ့ လေးဝတီကွန်ရက်ကပေါင်းပြီး ရဲတွေကိုပြောတယ်၊ သံတွဲမြို့ပေါ်ကို သူတို့ဖျက်ဆီးမှု လုပ်ချင်တယ်လို့ပြောတယ်။ အဲဒါကြောင့် ဒီနေ့အခြေအနေက သံတွဲမြို့ဟာ စိုးရိမ်ဖွယ်ဟာ အခြေအနေဖြစ်နေတယ်။”

    “အကြမ်းအားဖြင့်ပြောရရင် ကောင်းကင်သစ္စာ-သံတွဲကားဂိတ်ဟာ သံတွဲမြို့သစ် အံတော်ရပ်ကွက်မှာရှိပါတယ်။ ပိုင်ရှင်တွေက သူတို့ပြောတဲ့ ဘင်္ဂါလီတွေ မဟုတ်ပါဘူး။ ကမန်မွတ်စလင်မ်နဲ့ မြန်မာမွတ်စလင်မ်ပိုင်တဲ့ဂိတ်ပါ။ အခု ဖျက်ဆီးခံလိုက်ရတဲ့ ကား ၂-စီးရဲ့ပိုင်ရှင်ကတော့ ကမန်မွတ်စလင်မ်ပါ။ ပြဿနာစဖြစ်တာက အမျိုးသမီးတစ်ယောက်နဲ့ ဆိုင်ကယ် ကယ်ရီသမားတစ်ယောက်ရဲ့ကိစ္စလို့ပြောပါတယ်။ ကားပိုင်ရှင်ရော ဂိတ်ပိုင်ရှင်ရောက ရန်ကုန်မှာ ရှိနေပါတယ်။ ဂိတ်မှာတော့ မန်နေဂျာရှိပါတယ်။ ကားတွေကို ခဲနဲ့ပေါက်တယ်။ မှန်တွေကို ရိုက်ခွဲတယ်၊ ဘီးတွေကိုလည်း ဓါးတွေနဲ့ ထိုးခွဲသွားတယ်။ ကားကိုလည်း ပိန်ရှုံ့သွားအောင် ထုရိုက်ပြီး လုံးဝ သုံးစားလို့မရအောင် လုပ်သွားပါတယ်။ မီးမရှို့တာက ကောင်းကင်သစ္စာကားဂိတ်ရဲ့ဘေးမှာ နောက်ထပ် ကားဂိတ်တစ်ခုရှိပါတယ်။ အဲဒီကားဂိတ်က အဝေးပြေးကုန်စည် မထသ ဥက္ကဋ္ဌရဲ့ ကားဂိတ်ပါ။ ဥက္ကဋ္ဌက အမေမွတ်စလင်မ် အဖေ ဗုဒ္ဓဘာသာက မွေးဖွားခဲ့ပြီး သူကတော့ ဗုဒ္ဓဘာသာကိုးကွယ်သူပါ။ အဲ့ဒီဂိတ်ကတော့ ဗုဒ္ဓဘာသာဖြစ်နေလို့ ဖျက်ဆီးမခံရပါဘူး။ အစ္စလာမ်ဘာသာဝင်ရဲ့ဂိတ်ကို ဖျက်ဆီးသွားပါတယ်။ ကားတစ်စီးကို မီးရှို့တယ်ဆိုရင် ပေါက်ကွဲမှုတွေရှိလာပြီး ဘေးနားကဂိတ်ကိုပါ ကူးစက်နိုင်လို့ မီးမရှို့တာဖြစ်နိုင်ပါတယ်။ သူတို့ဖျက်ဆီးပြီး ခဏနေတော့ ရဲ ၂-ယောက် ရောက်လာပြီး ကားတွေကို လာကြည့်တယ်။ ဓါတ်ပုံရိုက်ဖို့အတွက် ကားဂိတ်မန်နေဂျာကို မီးထိုးခိုင်းတယ်။ အဲဒါကို အကြမ်းဖက်လူအုပ်ကြီးက ဟိုမှာ ကုလားတစ်ယောက်ဆိုပြီး ၀ိုင်းရိုက်ဖို့လုပ်လို့ အဲဒီမန်နေဂျာလည်း ထွက်ပြေးပြီး ပုန်းနေရပါတယ်။

    အခုလို ဖျက်ဆီးတာဟာ (၁) အချက် ကျွန်တော်တို့ စတင်တဲ့ကိစ္စမဟုတ်ပါဘူး။ (၂) အချက်သည် ကျွန်တော်တို့သည် ဘယ်တုန်းအခါကမှ သူတစ်ပါးကို ဖျက်ဆီးမှု မလုပ်ခဲ့ပါဘူး။ စိတ်ကူးလည်းမရှိပါဘူး။ ရိုးရိုးတန်းတန်း သမာအာဇီဝလုပ်စားပြီးနေတာပါ။ ဥပဒေကြောင်းနဲ့ မကင်းလွတ်တဲ့ အလုပ်ကိုလည်း မလုပ်ခဲ့ပဲနဲ့ ဘာဖြစ်လို့ လူစုလူဝေးနဲ့ ဂိတ်နဲ့ ကားဂိတ်က မိသားစုဝင်တွေပိုင်တဲ့ ကားတွေကို ဖျက်ဆီးရပါသလဲဆိုတာ သိချင်ပါတယ်။ ဘာကြောင့်လုပ်တာလဲဆိုတာပဲ မေးချင်ပါတယ်။ ဘာကြောင့်လုပ်တာလဲဆိုတာ သိချင်ပါတယ်။ မွတ်စလင်မ်တစ်ယောက်နဲ့ အခြားမှာဖြစ်တိုင်း ရှိတဲ့မွတ်စလင်မ်တိုင်းပိုင်တဲ့ ပစ္စည်းတွေကို လိုက်ဖျက်ဆီးရမယ်ဆိုရင်ရော လောကကြီးက တရားပါဦးမလား၊ ဥပဒေဆိုတာရော တရားပါဦးမလားလို့ ပြောချင်ပါတယ်။ ပစ္စည်းဆုံးရှုံးသွားရလို့ ၀မ်းမနည်းပါဘူး။ ဒါပေမယ့် သက်သက်မဲ့ ဖျက်ဆီးခံရတာတွေအတွက်တော့ စိတ်မကောင်းဘူး။ အကြမ်းဖက်ဖျက်ဆီးခံခဲ့ရတဲ့ မိသားစုဝင်တွေ စိတ်ကျေနပ်အောင် ဘာလုပ်ပေးနိုင်မလဲဆိုတာ သိချင်ပါတယ်။”

    “မနေ့ညနေ ၆-နာရီလောက်က သိရပါတယ်။ အမှန်တကယ် ရည်ရွယ်ချက်က အဲ့ဒီ အကြမ်းဖက်လူစုက သံတွဲမြို့ထဲကို သွားတာ။ အံတော် ကွန်ကရစ်တံတားထိပ်မှာ ရဲတွေ ပိတ်ထားတော့ သူတို့ မြို့ထဲကို ၀င်မရဘူး။ ၀င်မရတဲ့အတွက်ကြောင့် နောက်ကို ပြန်လှည့်လာပြီး ကားဂိတ်နဲ့ ကားတွေကို ဖျက်ဆီးသွားပါတယ်။ ကျွန်တော်တို့ဂိတ်က ကုန်တင်ကား ၂-စီးနဲ့၊ တခြားက လူစီးကား ၂-စီးပါ။ ရဲစခန်းကိုတော့တိုင်ချက်ဖွင့်ထားပါတယ်။ မနေ့က ညနေ ၆-နာရီလောက်မှာ ဖြစ်တော့ ကျွန်တော်တို့ဂိတ်မှာ မန်နေဂျာနဲ့ ၀န်ထမ်းအလုပ်သမားလေး ၂-ယောက်ရှိပါတယ်။ သူတို့က အဲလိုဖြစ်နေတော့ အောက်မဆင်းရဲဘူး။ ဖျက်ဆီးတဲ့သူတွေလည်းပြန်သွားရော ရဲ ၂-ယောက် ရောက်လာပြီးတော့ ကားကိုဓါတ်ပုံရိုက်ဖို့ ဂိတ်မှူးကို ဓါတ်မီးနဲ့ထိုးခိုင်းတယ်။ အဲဒီအချိန်မှာ မီးရောင်မြင်တော့ လမ်းပေါ်ကမြင်တော့ ခုနက အကြမ်းဖက်ဖျက်ဆီးသူတွေက ပြန်ဝင်လာတယ်။ ပြန်ဝင်လာတော့ ရဲကပြောတယ် မင်းတို့ထင်သလိုမဟုတ်ဘူး။ ပြဿနာဖြစ်တဲ့ ကောင်လေးကို ငါတို့စစ်ပြီးပြီ၊ ကောင်မလေးကိုလည်း စစ်ပြီးပြီလို့ပြောတယ်။ မင်းတို့ထင်သလို မွတ်စလင်မ်ကြောင့်ဖြစ်တာ မဟုတ်ဘူး၊ မင်းတို့ သူများပစ္စည်းကို မဖျက်ဆီးနဲ့၊ ဖျက်ဆီးရင် ဥပဒေကြောင်းအရ အရေးယူခံရမယ်လို့ ချော့မော့ပြီး ပြန်လွှတ်လိုက်တယ်။ အကြမ်းဖက်သမားတွေက ကုလားတွေလည်း ရခိုင်စကားတတ်တာပဲလို့ပြောတယ်။ အဲဒီနောက်ပိုင်းတော့ ကားဂိတ်မှူးလည်း ထွက်ပြေးပြီး ပုန်းနေရတယ်။ မီဒီယာတွေမှာ ပြန့်နေသလို ကောင်မလေးကို မုဒိမ်းကျင့်တယ်ဆိုတာ မဟုတ်ဘူး။ တရားခံရဲ့စကားတွေနဲ့ လွဲနေတယ်။ အဲဒါကိုလည်း အမှန်ဖြစ်သင့်တာက ရဲစခန်းက စစ်ဆေးပြီး အရှိကို အရှိအတိုင်းထုတ်ပြန်သင့်တယ်။ မထုတ်ပြန်ဘဲ ထိန်ချန်ထားတာက ရိုးသားမှုမရှိဘူး။ မနေ့ကဆို အဲဒီ ကောင်မလေးရော၊ ကောင်လေးရော သူတို့ဆီမှာရှိနေတာပဲ။ စစ်ဆေးပြီး သတင်းအတိအကျထုတ်ပြန်ပေးလို့ရတယ်။ အဲဒါကို ဒီဟာကြောင့် မဟုတ်ပါဘူးဆိုတာ အတိအကျ မထုတ်ပြန်ပေးဘူး။ ဟုတ်တယ်ဆိုတာလည်း မပြောဘူး။ မနေ့ညကထိ ရဲတွေကိုမေးတော့ မဟုတ်ဘူးပဲပြောတယ်။ ဒီနေ့တော့ ဘယ်လိုပြောင်းသွားမလဲ မသိဘူး။

    အခုအချိန်ထိ အဲဒီတရားခံတွေဟာ မီဒီယာတွေမှာရေးသလို ဟိုဘက်ဒီဘက် ပဋိပက္ခဖြစ်တာမဟုတ်ဘူး။ အခုလို အကြမ်းဖက်မှုတွေ စဖြစ်ကတည်းက အခုအချိန်ထိ ကျွန်တော်တို့တွေ တဘက်သတ် နိုင်ထက်စီးနင်းလုပ်ခံနေရတာ၊ ကျွန်တော်တို့ဘက်က ပြန်ခုခံတာလည်းမရှိဘူး၊ စလုပ်တာလည်းမရှိဘူး၊ သူတို့ပြောသလို ကိုယ့်အိမ်ကိုယ် မီးရှို့တယ်ဆိုတာလည်းမရှိဘူး။ ဘာပဲဖြစ်ဖြစ် တရားဥပဒေစိုးမိုးရေးအရ ဖြစ်စေချင်တယ်။ အခုလက်ရှိအနေအထားက သံတွဲမြို့ဟာ စိုးရိမ်ရေမှတ်ကို ရောက်နေပါတယ်။ အခုလက်ရှိ တောင်ကုတ်မှာလည်း လူစုနေတယ်၊ ကားတွေပေါ်မှာ စုတွေ သင့်စောင့်နေတယ်၊ အံတော်မှာလည်း လူစုနေတယ် ဒါကြောင့် စိုးရိမ်စရာ အခြေအနေဖြစ်နေပါတယ်”လို့ M-Media ရဲ့ ဆက်သွယ်မေးမြန်းမှုများကို ဖြေကြားပေးခဲ့ကြပါတယ်။

    မနေ့က သံတွဲမြို့မှာ ဖြစ်ပွားခဲ့တဲ့ အကြမ်းဖက်မှုကြောင့် လူနေအိမ် ၅-လုံး မီးရှို့ခံရပြီး အခြားလူနေအိမ် ၇-လုံး ဖျက်ဆီးခံရပါတယ်။ ကားဂိတ်တစ်ခုနဲ့ ကား(၄)စီးလည်း ဖျက်ဆီးခံခဲ့ရတယ်လို့ သံတွဲမြို့ အကြမ်းဖက်မှုရဲ့ ပျက်ဆီးဆုံးရှုံးမှုများကိုလည်း သိရပါတယ်။

  • သံတွဲတွင် အကြမ်းဖက်မှုဖြစ်ပွားစေရန် လှုံ့ဆော်မှုရဲ့ နောက်ဆက်တွဲ အိမ် ၂ လုံးမီးရှို့ခံရ

    သံတွဲတွင် အကြမ်းဖက်မှုဖြစ်ပွားစေရန် လှုံ့ဆော်မှုရဲ့ နောက်ဆက်တွဲ အိမ် ၂ လုံးမီးရှို့ခံရ

    ဇွန် ၃၀၊ ၂၀၁၃
    M-Media
    ထွန်းတောက်

    သံတွဲ ။ ။ ရခိုင်ပြည်နယ်၊ သံတွဲမြို့တွင် တည်ငြိမ်အေးချမ်းနေရာ ယနေ့ နေ့လည်ပိုင်းတွင် ရုန့်ရင်းဆန်ခတ်ဖြစ်ပွားပြီး သံတွဲမြို့ပေါ်တွင် မငြိမ်မသက်ဖြစ်ပွားပြီး အံနော်မြို့သစ်တွင် အိမ် ၂-လုံး မီးရှို့ခံခဲ့ရပါတယ်။

    သံတွဲချောင်းတဘက်ကမ်းရှိ အံနော်မြို့သစ်တွင် အိမ် ၂-လုံး မီးရှို့ခံခဲ့ရပြီး၊ သံတွဲမြို့ပေါ်မှာလည်း မတည်ငြိမ်မှုများဖြစ်ပွားပြီး လူ(၅၀)၀န်းကျင်ခန့် လူအုပ်ကြီးမှ ရဲစခန်းကို လာရောက်ဝိုင်းရံခဲ့ကြကြောင်း၊ တပ်မှရောက်လာပြီး လူစုခွဲလိုက်ကြောင်းသိရပါသည်။ ယခုအခါ ညမထွက်ရအမိန့် ပုဒ်မ ၁၄၄ ထုတ်ပြန်ထားကြောင်းလည်း သိရပါတယ်။

    ယခုကဲ့သို့ ဖြစ်ပွားခဲ့ရခြင်းမှာ ဗုဒ္ဓဘာသာအမျိုးသမီးတစ်ဦးအား မွတ်စလင်မ်အမျိုးသားတစ်ဦးက မုဒိမ်းပြုကျင့်သည်ဟုဆိုတာ မမှန်သတင်းလွှင့်၍ အကြမ်းဖက်လုပ်ရပ်များဖြစ်ပေါ်စေရန် လူတစ်စု၏ လှုံ့ဆော်ခဲ့မှုကြောင့် ဖြစ်သည်ဟုလည်း သံတွဲမြို့ခံများက M-Media ကို ပြောပြလာပါတယ်။

  • မကောင်းဆိုးဝါးမွှေတဲ့ ဒုက္ခ (The Straits Times မှ ဘာသာပြန် ဆောင်းပါး)

    ဇွန် ၅ ၊ ၂၀၁၃
    M-Media
    ဘာသာပြန်-ကိုလေး

    ယခင်အစိုးရဟောင်းအုပ်စုများထဲက မြေတောင်မြှောက်ပေးခဲ့တဲ့ ပြည်တွင်းအကြမ်းဖက်ဂိုဏ်းက ဒီမိုကရေစီကို ဖြိုလဲပျက်ပြားစေဖို့လုပ်ဆောင်နေတယ်လို့ တချို့ကပြောနေကြတယ်။

    Old monsters stirring up trouble

    အေးဆေးငြိမ်းချမ်းတဲ့ ရှမ်းပြည်နယ် လားရှိုးမှာ လွန်ခဲ့တဲ့ သီတင်းပတ်က (၂)ရက်ကြာ အကြမ်းဖက်မှုကြောင့် လူ ၈-ယောက်သေဆုံးခဲ့ပေမယ့် အစိုးရသတင်းက ၂-ယောက်သာ သေသည်ဟု သတင်းထုတ်ပြန်ခဲ့တယ်။ ဒီလို  ယခင်နဲ့ပုံစံတူ တစ်နိုင်ငံလုံးကို တုန်လှုပ်ချောက်ခြားစေတဲ့ နောက်ထပ်သွေးမြေကျမှု ပုံရိပ်များဟာ မြန်မာနိုင်ငံရဲ့ပုံမှန် ဖြစ်ရိုးဖြစ်စဉ်လို ဖြစ်နေပါပြီ။ စံနစ်တကျ ဖွဲ့စည်းထားတဲ့ အကြမ်းဖက်လူအုပ်စုဟာ မြို့ထဲဝင်ရောက်လာပြီး မွတ်စလင်မ်တွေကို ပစ်မှတ်ထား တိုက်ခိုက်ခဲ့တာဖြစ်တယ်။

    ဒီလို တိုက်ခိုက်မှုနောက်ကွယ်မှာ ဘယ်သူရှိတာကို အမျိုးမျိုးထင်ကြေးပေးနေကြသော်လည်း၊ ဒီလိုဖြစ်ရပ်တွေဟာ အစိုးရရဲ့ ဥပဒေစိုးမိုးရေးလုပ်ဆောင်ချက်တွေကို စိန်ခေါ်နေပါတယ်။ အရေးအကြီးဆုံးက လူမျိုး၊ ဘာသာ ပေါင်းစုံနေထိုင်တဲ့ မြန်မာနိုင်ငံရဲ့ ဒီမိုကရေစီဟာ ဒီဖြစ်ရပ်ဆိုးတွေနဲ့ တွေ့ကြုံစမ်းသပ်ခံနေရပါတယ်။

    ရှေ့အပတ် နေပြည်တော်မှာ ကမ္ဘာ့စီးပွားရေး forum ကို စဖို့ရှိတဲ့အတွက် ယခုအခါ လားရှိုးမြို့မှာ တည်ငြိမ်အောင် စစ်တပ်ချထားရပါတယ်။

    ဒီလိုဖြစ်ရပ်တွေ ဆက်လက်ဖြစ်ပေါ်နေခြင်းဟာ အစိုးရက အကြိမ်ကြိမ်ပေးထားတဲ့ ဥပဒေစိုးမိုးရေးဆောင်ရွက်နေတယ် ဆိုတဲ့ ကတိတွေ၊ ခွဲခြားမှုမရှိပါဘူးဆိုတဲ့အပြောတွေနဲ့ ဆန့်ကျင်ဖက်ဖြစ်နေတယ်။  ပြည်ပမှာ ရင်းနှီးမြှုပ်နှံလိုသူတွေ၊ စောင့်ကြည့်လေ့လာနေသူတွေက ဆယ်စုနှစ်များစွာ စစ်တပ်နှင့်လက်နက်ကိုင် တိုင်းရင်းသားတွေအကြား -စစ်တပ်နဲ့အစိုးရအကြားမှာ တစ်နည်းမဟုတ်တစ်နည်း ရှုပ်ထွေးပွေလီကွဲပြဲနေတဲ့ မြန်မာနိုင်ငံကို ဘယ်လိုမှ နားမလည်နိုင်အောင် ရှိနေပါတယ်။

    လားရှိုးမှာ ဗုဒ္ဓဘာသာဝင် ရှမ်းလူမျိုးနဲ့ မွတ်စလင်မ်ကြားမှာ ဘာပြဿနာမှ မရှိခဲ့ပါဘူး။ ယခင်အပတ်က တိုက်ခိုက်ခံရတဲ့ မွတ်စလင်မ်တွေကို ရှမ်းဘုန်းကြီးများက သူတို့ရဲ့ ဘုန်းကြီးကျောင်းမှာ ကာကွယ်ခိုလှုံခွင့်ပေးထားခဲ့ပါတယ်။

    ရှမ်းဘုန်းကြီးအုပ်စုတစ်စုက ဒီလို စတင်အကြမ်းဖက်တာ ဗမာတွေကလုပ်တာ၊ ရှမ်းတွေကလုပ်တာ မဟုတ်ဘူးလို့ ပြောပါတယ်။ ဒီပြဿနာကို စဖြစ်စေတဲ့ ဗုဒ္ဓဘာသာ အမျိုးသမီးကို မီးရှို့တဲ့ မွတ်စလင်မ်ဆိုသူဟာ လားရှိုးမြို့က မဟုတ်ပါဘူးလို့ လားရှိုးမြို့ခံတွေက ပြောပါတယ်။ ဘယ်ကလာမှန်းမသိတဲ့ အပြင်လူတွေ ရုတ်တရက်ပေါ်လာပြီး ဗလီတစ်လုံး၊ မိဘမဲ့ကလေးကျောင်း နဲ့ မွတ်စလင်မ်အိမ်တွေကို စတင်ဖျက်ဆီးခဲ့ကြတာလို့ပြောကြတယ်။

    လူ ၄၀ ကျော် သတ်ဖြတ်ခံရတဲ့ မိတ္ထီလာက မွတ်စလင်မ်တွကို အကြမ်းဖက်မှု၊ ပဲခူးမြို့က ဖျက်ဆီးမှုလုပ်ရပ်တွေဟာလည်း မြို့ပြင်ပမှ လူတွေ ပြုလုပ်ခဲ့တယ်ဟု မြို့ခံများက ပြောပါတယ်။

    လုံခြုံရေးတပ်ဖွဲ့တချို့ဆီက ကြားသိချက်အရ အကြမ်းဖက်အုပ်စုတွေဟာ အဓိကအားဖြင့် စွမ်းအားရှင်အဖွဲ့ဝင်တွေ ဖြစ်တယ်လို့ သိရပါတယ်။ စွမ်းအားရှင်ဆိုတာ ယခင် စစ်အစိုးရလက်ထက်က ငြိမ်းချမ်းစွာ ဆန္ဒပြသူများကို ဖြိုခွင်းဖို့ စနစ်တကျ သင်ကြားပေးထားတဲ့ လက်ရဲဇက်ရဲ လူမိုက်လူယုတ်တွေ၊ ရာဇ၀တ်မှုကျူးလွန်ခဲ့သူတွေ၊ ကြံရာပါတွေနဲ့ ပါဝင်ဖွဲ့စည်းပေးထားတဲ့ အဖွဲ့ဖြစ်ပါတယ်။ စွမ်းအားရှင်ဆိုတာ အာဏာရှိသူ၊ အစွမ်းရှိသူ လို့ အဓိပ္ပါယ်ရတယ်။

    ၂၀၀၃ ခုနှစ် ဒေါ်အောင်ဆန်းစုကြည်နဲ့အဖွဲ့ကို  ဒီပဲယင်းမှာ တိုက်ခိုက်လုပ်ကြံခဲ့တာ၊ ၂၀၀၇ ရွှေဝါရောင်တော်လှန်ရေးမှာ သံဃာတော်တွေကို ဖြိုခွင်းခဲ့တာလည်း ဒီစွမ်းအားရှင်တွေထဲကပဲလို့ အများက ယုံကြည်နေကြတယ်။

    လွတ်လပ်သောအာရှလူ့အခွင့်အရေးကော်မရှင်ရဲ့ ၂၀၀၈ ခုနှစ် အစီရင်ခံစာမှာ “ ဒီအုပ်စုရဲ့တည်ရှိမှုနဲ့လှုပ်ရှားမှုတွေကို အများသိပြီးဖြစ်တယ်။  တရားဝင် အသိအမှတ်ပြု အဖွဲ့အစည်းမဟုတ်သလို ပြည်တွင်းသတင်းမီဒီယာများကလည်း ဖော်ပြလေ့မရှိပါဘူး။ လူသိလည်း မခံတတ်ကြဘူး ” လို့ ဖော်ပြထားပါတယ်။

    စွမ်းအားရှင်ဟာ ယခင် စစ်အစိုးရကို ထောက်ခံခဲ့တဲ့ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးအသင်း(USDA)ရဲ့ လက်ကိုင်တုတ်ဖြစ်ခဲ့တယ်။ အဲဒီအသင်းကတဆင့် (USDP)ပါတီ အဖြစ်ပြောင်းလဲပြီး လက်ရှိအာဏာရပါတီဖြစ်နေပါတယ်။ ဒါပေမယ့် သူတို့ဟာ စွမ်းအားရှင်အုပ်စုနဲ့ ပတ်သက်မှု မရှိကြောင်း မျက်စေ့မှိတ်ငြင်းဆိုခဲ့ပါတယ်။

    Taung Tha (တောင်သာ)လို့ခေါ်တဲ့နေရာမှာ ဗုဒ္ဓဘာသာဝင်ပြည်သူ့စစ်အဖွဲ့သစ်လည်း ပေါ်ပေါက်လာတယ်ဆိုပြီး နီးစပ်သူများထံက သတင်းတွေလဲ ထွက်ပေါ်လာတယ်။  တောင်သာမြို့ဟာ အလွန်အင်မတန် သဘောထားဆိုးတယ်လို့ လူသိများတဲ့ ဦးအောင်သောင်းရဲ့ မြို့ဖြစ်နေပါတယ်။ ဦးအောင်သောင်းဟာ ဗိုလ်ချုပ်ဟောင်းတစ်ယောက်ဖြစ်ပြီး၊ လက်ရှိအာဏာရပါတီ (USDP) ရဲ့ အရေးပါတဲ့ ရာထူးရှင်လဲ ဖြစ်ပါတယ်။

    မိတ္ထီလာနဲ့ လားရှိုးက အကြမ်းဖက် တိုက်ခိုက်မှုတွေကို စံနစ်တကျ စီစဉ်ထားပြီး ပြီပြီပြင်ပြင် အကောင်အထည်ဖော်သွားခဲ့ပါတယ်။ လားရှိုးအကြမ်းဖက်မှုမဖြစ်ခင် ၂ ရက်အလိုက ဗုဒ္ဓဘုန်းကြီး ဦးဝီရသူဟာ လားရှိုးမြို့က ကီလိုမီတာ ၅၀ လောက်ဝေးတဲ့ မြို့တစ်မြို့မှာ သူရဲ့ဝသီအတိုင်း မွတ်စလင်မ် ဆန့်ကျင်ရေး တရားဟောခဲ့ပါတယ်။ စွမ်းအားရှင် နဲ့ ၀ီရသူဦးဆောင်တဲ့ ၉၆၉ တွေဟာ အပြန်အလှန် မှီခို ပူးပေါင်းဆောင်ရွက်နေကြတဲ့အဖွဲ့လို့ မြန်မာ့အရေးသုံးသပ်သူတွေက တင်ပြတယ်။

    စွမ်းအားရှင်တွေက ပညာမတတ်တဲ့ တောင်သူလယ်သမားတွေကို မမှန်သတင်းများနဲ့ အမုန်းပွား ဒေါသထွက်အောင် လှုံ့ဆော်စည်းရုံးအင်အားစုခဲ့ပြီး၊ ပြဿနာကို  မီးခွက်ထွန်းရှာနေခဲ့ကြတယ်။ စဖြစ်တာနဲ့ အရှိန်မြှင့်တင် ထိုးသွင်းလိုက်ကြတယ်။

    မွတ်စလင်မ်တွေကို တိုက်ခိုက်ဖို့ ဓါးရှည်၊ မြက်ခုတ်လွှဓါး၊ ဆယ်ပေါင်တူ စတဲ့ လက်နက်များကို တပ်ဆင်ထားတဲ့ အကြမ်းဖက်သမားများကို ကားများနဲ့ စနစ်တကျ သယ်ယူပို့ဆောင်ပေးတာဖြစ်တယ်။

    သူတို့ တိုက်ခိုက်မှုပုံစံဟာ အလွန်ရက်စက်ကြမ်းကြုတ်ပြီး ရန်သူကို အချိန်ကိုက်နည်းစံနစ်နဲ့ စစ်ဆင်နေသလိုပါဘဲ။ တစ်စုံတစ်ရာ အရေးယူဖွယ်မရှိကြောင်း ကြိုတင်သိထားပုံရတယ်။  အပြစ်မဲ့သူကို ရန်သူအဖြစ် ဖန်တီးလိုက်ပြီး  သို့မဟုတ် ရုန်းရင်းဆန်ခတ်ဖြစ်အောင်ဖန်တီးပြီး တိုက်ခိုက်ကြမယ်။ အဲ့ဒီအခါ လုံခြုံရေးတပ်ဖွဲ့တွေနဲ့ ထိပ်တိုက်တွေ့အောင် လမ်းကြောင်းပေးတတ်ကြပါတယ်။

    ဒီလိုနည်းဗျူဟာကို အသုံးချခြင်းအားဖြင့် ပြည်သူ့လွှတ်တော်က လက်လှမ်းမမီတဲ့ မကိုင်တွယ်နိုင်တဲ့ အခြေအနေမျိုးဖြစ်နေသယောင် လုပ်ထားပါတယ်။ အကယ်၍ သက်တမ်းနုသေးတဲ့ ဒီမိုကရေစီဟာ ဖရိုဖရဲဖြစ်သွားမယ်ဆိုရင် (ဒါမှမဟုတ်)  တစ်ချိန်က သူတို့ကို ချမ်းသာကြွယ်ဝစေတဲ့ အာဏာဆုပ်ကိုင်ထားမှု ဆုံးရှုံးသွားပြီး စစ်မှန်တဲ့ ဒီမိုကရေစီဖြစ်လာမယ်ဆိုရင် ဒီလိုနည်းလမ်းတွေကို အမာခံပေါ်လစီတစ်ရပ်လို  ပြည်သူ့လွှတ်တော်ကို ချုပ်ကိုင်နိုင်ဖို့ဖြစ်တယ်။

    လားရှိုးအကြမ်းဖက်မှုအပေါ် အစိုးရဘက်က တုန့်ပြန်မှုကတော့ မိတ္ထီလာထက်မြန်ဆန်ပါတယ်။ အနောက်နိုင်ငံက လူ့အခွင့်အရေးအုပ်စုတွေနဲ့ ဒီမိုကရေစီထောက်ခံအားပေး လှုပ်ရှားသူတွေဟာ နိုင်ငံရေးမှာ စစ်တပ်ရဲ့ အခန်းကဏ္ဍ လျှော့ချဖို့တောင်းဆိုနေချိန်မှာ စစ်တပ်ကသာ ငြိမ်းချမ်းရေးကို ထိန်းသိမ်းနိုင်တယ်ဆိုတဲ့အမြင်ရောက်အောင် စစ်တပ်က လမ်းပေါ်ကို ပြန်တက် ရောက်ရှိလာပါတယ်။

    ဗမာမျက်ကန်းမျိုးချစ်အမျိုးသားရေးဝါး နိုးကြားလာပြီး သမ္မတသိန်းစိန်နဲ့ ဒေါ်အောင်ဆန်းစုကြည်ကို အပြစ်မြင်အောင်၊ ဒါ့အပြင် တရုတ်ဆန့်ကျင်ရေးလှုပ်ရှားမှု လမ်းလွဲသွားအောင်  နိုင်ငံရေးကစားကွက်ကြီးလုပ်ရာမှာ မွတ်စလင်မ်တွေဟာ ထိုးကျွေးခံရတဲ့ နယ်ရုပ်လေးတွေဖြစ်နေပါတယ်လို့ မွတ်စလင်မ်တွေ ခံစားနေကြရပါတယ်။ စစ်တပ်ရဲ့အခန်းကဏ္ဍဟာ တိုင်ပြည်အတွက်အရေးကြီးကြောင်းကိုလည်း တစ်ဖက်လှည့်နဲ့ ဖော်ပြလိုက်တာဖြစ်ပါတယ်။

    သမ္မတဦးသိန်းစိန်ကတော့ ဒီလို ဒီမိုကရေစီအပြောင်းအလဲကာလမှာ ဒီလို အစွန်းရောက် နှောက်ယှက်ဖျက်ဆီးမှုတွေကို ပြတ်ပြတ်သားသား နှိမ်နင်းဖို့သတိပေးလိုက်ပေမယ့် ၊ မြန်မာ့နိုင်ငံရေးနဲ့အာဏာရေးမှာ  ရက်စက်ကြမ်းကြုတ်မှုက ထာဝစဉ်ရှိနေပါတယ်။

    ဒီကြောက်စရာကောင်းတဲ့ (old monsters) လက်ဟောင်းမကောင်းဆိုးဝါးတွေကို မထိန်းချုပ်နိုင်ရင် သမ္မတရဲ့အခန်းကဏ္ဍဟာ တဖြေးဖြေး မှေးမှိန်ချည့်နဲ့သွားမယ်လို့ သုတေသီများက သုံးသပ်ပြထားပါတယ်။

    **၂၀၁၃ ခုနှစ် ဇွန်လ ၂ ရက် နေ့ The Straits Times သတင်းစာပါ “Old monsters stirring up trouble” ဆောင်းပါးကို ကိုလေး  ဆီလျော်အောင် ဘာသာပြန်ဆိုပါသည်။