ဇူလိုင် ၄ ၊ ၂၀၁၄
M-Media
.ရေးသူ-ဆွေမွန်
မန္တလေးဆူပူမှုရဲ့ ဒုတိယညမှာ မွတ်ဆလင်တစ်ဦးနဲ့ ဗုဒ္ဓဘာသာဝင်တစ်ဦး သေတယ်။
မွတ်ဆလင်တစ်ဦးဟာ သူနေထိုင်တဲ့ ရပ်ကွက်ထဲက ဗလီကို မနက်ပိုင်း ၀တ်ပြုဖို့ သွားရင်း အကြမ်းဖက်သမားတွေရဲ့အကြောင်းမဲ့ အုပ်စုဖွဲ့ ရိုက်နှက်ခံရမှုကြောင့် သေဆုံးတယ်။ သူများရပ်ကွက်ထဲမှာ ကျူးကျော်ရန်စ ဆူပူဖျက်ဆီးနေတာ မဟုတ်ဘဲ ကိုယ့်ရပ်ကွက်ထဲက ဗလီကို ၀တ်ပြုဖို့ အမြဲသွားနေကျအတိုင်း သွားလာရာက အကြောင်းမဲ့အရိုက်ခံရပြီး သေတယ်။ မသေဆုံးသင့်ဘဲ သေဆုံးရတာကို လက်မခံချင်လည်း လက်ခံရတယ်။ “နံနက် ၄း၃၀ နာရီမှာ အလ္လာဟ်အရှင်မြတ်အမိန့်တော်ကို ခံယူ” တယ်လို့ပဲ နာရေးကြော်ငြာမှာ ထည့်ရေးတယ်။ ငြိမ်းငြိမ်းချမ်းချမ်းပဲ သဂြိုဟ်တယ်။ မြေကြီးထဲကို ရောက်သွားတဲ့အထိ ဘာပြသနာမှ မဖန်တီးဘဲ သဂြိုဟ်တာ ပြီးဆုံးတယ်။ ပြီးပြီ။ ပြောစရာကုန်ခဲ့ပြီ။ ကျန်ရစ်သူမိသားစုတွေအတွက်ကတော့ ဘာနဲ့မှ မလဲနိုင်တဲ့ ဆုံးရှုံးမှုနဲ့ ၀မ်းနည်းကြေကွဲရမှုတွေနဲ့ ကျန်ခဲ့ရပါတယ်။ ဘာနဲ့ အစားထိုးပေးနိုင်ကြမလဲ။
ဗုဒ္ဓဘာသာဝင်တစ်ဦးဟာ မန္တလေးဆူပူမှုရဲ့ ဒုတိယညမှာ သူနေထိုင်တဲ့ ရပ်ကွက်ထဲမှာ မဟုတ်ဘဲ ဒါးခုတ်ခံရပြီး သေဆုံးတယ်လို့ သိရတယ်။ အာဏာပိုင်ရဲတွေ ကိုယ်တိုင်က မွတ်ဆလင်ခုတ်လို့ သေခဲ့တာလို့ ထုတ်ဖော်မပြောဘူး။ ဘာကြောင့်သေတယ်။ ဘယ်နေရာမှာ သေတယ်။ ဘယ်သူ့လက်ချက်နဲ့ သေတယ် မသဲကွဲဘူး။ ဒါးခုတ်ခံရတယ်။ သတင်းတွေ တက်လာတယ်။ ဓာတ်ပုံတွေ မြင်ရတယ်။ မွတ်ဆလင် လက်ချက်လို့ မသေချာပေမယ့် နာရေးကြော်ငြာထဲမှာ “ယုတ်မာသော မွတ်ဆလင်အုပ်စု၏ ရက်စက်ယုတ်မာစွာ သတ်ဖြတ်မှုကြောင့် သေဆုံး သွားပါသဖြင့် မျိုးချစ်စိတ်၊ ဘာသာ သာသနာချစ်စိတ်၊ လူမှုရေးစိတ်တို့ဖြင့် လိုက်ပါပို့ဆောင်ကြဖို့ ရွှေကြေးစည် ဆရာတော်က မေတ္တာဖြင့်ဖိတ်ကြား” တယ်လို့ စော်ကား ရန်စတဲ့ အသုံးအနှုန်းတွေနဲ့ ထည့်ရေးသား ဖြန့်ဝေတယ်။
တွေးစရာက ရွှေကြေးစည်ဆရာတော်က မေတ္တာဖြင့် ဖိတ်ကြားတယ်ဆိုတော့ ရွှေကြေးစည် ဆရာတော် ကိုယ်တိုင်က ဒီလိုဆူပူစေမှုတွေကို လှုံ့ဆော်နေသလား။ ဒါမှမဟုတ် ဒီဆရာတော်အမည်သုံးပြီး ဒီစာကို ရေးခဲ့သလား။ ဒီလူဟာ ပြသနာထဲမှာ လုံးဝမပါဝင်ဘဲ အသတ်ခံရတဲ့ သာမန် ရိုးရိုးသားသားနေထိုင်တဲ့ မန္တလေးသားပဲလား။ ဒါမှမဟုတ် မန္တလေး ဆူပူမှုတွေထဲမှာ ကိုယ်တိုင်ပါဝင်သူလား။ စဉ်းစားကြည့်ရအောင်ပါ။
ဒီလူဟာ ဒီလောက်ပြသနာဆူပူနေတဲ့ ဇူလိုင်လ ၂ ရက်ညမှာ ကိုယ့်အိမ်မှာ ကိုယ်မနေဘဲ ဘာလို့ အပြင်ရောက်နေရသလဲ။ မန္တလေးတစ်မြို့လုံး ဆူပူနေတာကို မသိရလောက်အောင်လည်း အဲဒီညဟာ မန္တလေးဆူပူအကြမ်းဖက်မှုရဲ့ ဒုတိယည။ တစ်နိုင်ငံလုံး၊ တစ်ကမ္ဘာလုံး သိနေပြီး ဒီလူ တစ်ယောက်တည်း မသိဆိုတာက မဖြစ်နိုင်။ ဒီလို ဆူပူ အကြမ်းဖက်နေတာကို မြင်တွေ့နေရဲ့သားနဲ့ ရာသီဥတုသာယာလို့ ခြေခင်း လက်ခင်းသာလို့ လေကောင်းလေသန့် ထွက်ရှုနေတာလည်း မဟုတ်နိုင်တဲ့အတွက် ဒီလူဟာ မန္တလေးဆူပူအကြမ်းဖက်မှုမှာ ကိုယ်တိုင် ပါဝင်အကြမ်းဖက်ဖျက်ဆီးနေသူ (သို့မဟုတ်) အကြမ်းဖက်ဖျက်ဆီးနေတာကို ရပ်ကြည့် အားပေးနေသူလို့ လွယ်လင့်တကူ ကောက်ချက်ဆွဲနိုင်တယ်။
သူဟာ မွတ်ဆလင်လက်ချက်နဲ့ သေခဲ့သလားဆိုတဲ့ မေးခွန်းအတွက် အဖြေက ရှင်းနေပါတယ်။ အဲဒီညမှာ မွတ်ဆလင်တွေဟာ သူများရပ်ကွက်ကို သွားရောက် တိုက်ခိုက်ခဲ့သူတွေ မဟုတ်တာကို တစ်ကမ္ဘာလုံး သိပြီးသားပါ။ ကိုယ့်အိမ် ကိုယ့်ဆိုင်ကိုတောင် မကာကွယ်နိုင်ဘဲ ဖျက်ဆီးခံ အကြမ်းဖက်ခံနေရတဲ့ လူတွေပါ။ မွတ်ဆလင်တွေဟာ အကြမ်းဖက်ခံတွေပါ။ အကြမ်းဖက်သမားတွေ မဟုတ်ခဲ့ကြပါဘူး။ အဲဒီညမှာ ဆူပူဖျက်ဆီးသူတွေဟာ တစ်ဖွဲ့တည်း မဟုတ်ခဲ့ပါဘူး။ မန္တလေးဒေသခံတွေရဲ့ ပြောကြားချက်အရ ဆူပူဖျက်ဆီးသူတွေရဲ့ပစ်မှတ်ဟာ မွတ်ဆလင် တစ်ဖွဲ့တည်းပေါ်မှာ ဦးတည် တိုက်ခိုက်ခဲ့တာ မဟုတ်ပါဘူး။ မန္တလေးမြို့ကို အဆုံးစွန်ထိ ပျက်စီးစေချင်တဲ့ ရည်ရွယ်ချက်နဲ့ တွေ့ရာလူတွေ အဆောက်အဦးတွေကို တိုက်ခိုက် ဖျက်ဆီးခဲ့ကြတယ်လို့ သိရပါတယ်။ တစ်ချို့နေရာမှာ တရုတ်တွေ ပိုင်ဆိုင်တဲ့ ဆိုင်တွေ၊ ကားတွေကိုပါ အုတ်ခဲနဲ့ ထုချေဖျက်ဆီးခဲ့ကြသလို ဗုဒ္ဓဘာသာဝင်တွေရဲ့ ပိုင်ဆိုင်မှုတစ်ချို့ပါ ဖျက်ဆီးခံခဲ့ရပါတယ်။
သေဆုံးသူဟာ အကြမ်းဖက်သမား တစ်ဦး မဟုတ်ခဲ့ရင်တောင် အမှန်တကယ် မန္တလေးမြို့ကို ဖျက်ဆီးချင်ခဲ့တဲ့ အကြမ်းဖက်သမားတွေရဲ့ မဲမဲမြင်သမျှ တိုက်ခိုက်ခဲ့မှုကြားမှာ ကြားညှပ်ခဲ့တာ မဖြစ်နိုင်ဘူးလား။ အသေချာဆုံးက သာမန် ရိုးရိုးသားသားနေထိုင်တဲ့ မန္တလေးသားတွေ ဘယ်လိုမှ အပြင်ကို မထွက်ကြတဲ့ ဇူလိုင် ၂ ရက်ည မှာ ဒီလူဟာ မိသားစုနဲ့ ကိုယ့်အိမ်မှာ ကိုယ်နေခဲ့ရင် ဒီလို အဖြစ်ဆိုးဟာ ဖြစ်လာမှာ မဟုတ်ပါဘူး။ ဘယ်လိုပဲဖြစ်စေ သေတာကတော့ သေခဲ့ပြီးပါပြီ။ ကျန်ရစ်သူ မိသားစုတွေအတွက်ကတော့ ဘာနဲ့မှ မလဲနိုင်တဲ့ ဆုံးရှုံးမှုနဲ့ ၀မ်းနည်းကြေကွဲရမှုတွေနဲ့ ကျန်ခဲ့ရပါပြီ။ ဘာနဲ့ အစားထိုးပေးနိုင်ကြမလဲ။ သေတာကို ပြသနာလုပ်ပြီး “ယုတ်မာသော မွတ်ဆလင်အုပ်စု၏ ရက်စက်ယုတ်မာစွာ သတ်ဖြတ်မှုကြောင့် သေဆုံးသွားပါသဖြင့် မျိုးချစ်စိတ်၊ ဘာသာ သာသနာချစ်စိတ်၊ လူမှုရေးစိတ်တို့ဖြင့် လိုက်ပါပို့ဆောင်ကြဖို့” ဆက်လက်လှုံ့ဆော်ပြီး ဆူပူမှု ဆက်လက်ဖန်တီးနေတာကတော့ မသင့်တော်ဘူးလို့သာ မြင်မိပါတယ်။
ဒီလူနှစ်ဦးလုံး မသေသင့်ဘဲ ဘာကြောင့် သေခဲ့ရပါသလဲ။
ပြသနာ မပေါ်ပေါ်အောင် ဖန်တီးလှုံ့ဆော်ခဲ့တဲ့ သစ်ထူးလွင်ကြောင့်လား။ ပြသနာကြီးထွားလာအောင် ဒီသတင်းကို ဆက်လက်ဖြန့်ဝေခဲ့ကြတဲ့ နာမည်ကြီးချင်တဲ့ လူတွေကြောင့်လား။ အမှန်တကယ် ဖျက်ဆီးဆူပူအကြမ်းဖက်ခဲ့ကြတဲ့ လူတွေကြောင့်လား။ ဒီမေးခွန်းတွေရဲ့ အဖြေအားလုံးဟာ မန္တလေးမြို့ အာဏာပိုင်တွေ ဖြေနိုင်ပါတယ်။ ဒီပြသနာဖြစ်လာမှာကို နေ့တစ်ဝက်တိတိ အချိန်အခါပေးကာ လှုံ့ဆော်နေတာကို သိကြပါလျှက်၊ ကြိုတင်တားဆီးနိုင်ချင်တဲ့ ဆန္ဒရှိရင် လွယ်လွယ်လေး တားဆီးနိုင်တဲ့အင်အားရှိပါလျှက်၊ ပြသနာကြီးထွားလာအောင် တမင်စောင့်ဆိုင်းထားစေတဲ့ အကြောင်းရင်းကသာ ဒီလူနှစ်ဦးကို သေဆုံးစေတာဖြစ်ပါတယ်။
ဘယ်လိုပဲဖြစ်ဖြစ် ဆုံးရှုံးမှုတွေက ဘယ်လိုနည်းနဲ့မှ အစားထိုး မရခဲ့ပါဘူး။ နစ်နာမှုအားလုံးဟာ ပြည်သူပြည်သားတွေမှာပဲ ဖြစ်ခဲ့ပါတယ်။ သတင်းမှားကို သတင်းကျင့်ဝတ်မဲ့ ရေးသားခဲ့တဲ့ သစ်ထူးလွင်မှာ ဘာဆုံးရှုံးမှုမှ မဖြစ်ခဲ့ပါဘူး။ လှုံ့ဆော်မှုတွေ ဖန်တီးခဲ့ကြတဲ့ အဖွဲ့အစည်း အသီးသီးနဲ့ တကယ့်မြေပြင်မှာ ဖျက်ဆီးဆူပူခဲ့ကြ ၀င်ကြဲခဲ့ကြတဲ့ အဖွဲ့တွေအားလုံးဟာ ပန်းပန်လျက် ရှိဆဲပါပဲ။ ဘယ်သူသေသေ ငတေကတော့ မာနေဆဲပါ။ ဘယ်သူ ပျက်ပျက် ဖျက်ခဲ့တဲ့လူတွေက ပြုံးနေဆဲပါ။
မြင်ကြပါစေ။ သိကြပါစေ။
မန္တလေးအပါအ၀င် မြန်မာတစ်ပြည်လုံး ငြိမ်းချမ်းကြပါစေ။
ဆွေမွန်
