News @ M-Media

Tag: rohingya_migrants

  • အာရှ လူကုန်ကူးမှုပြသာနာ ဦကျိုးပြီလား ?

    အာရှ လူကုန်ကူးမှုပြသာနာ ဦကျိုးပြီလား ?

    ဇွန် ၉၊ ၂၀၁၅
    M-Media

    15MIGRANTS-WEB1-master675-v2
    မြန်မာနိုင်ငံအနောက်ပိုင်း လူထူထပ်ပြည့်ကျပ်နေတဲ့ ရိုဟင်ဂျာ မွတ်စ်လင်မ် ဒုက္ခသည် စခန်းများထဲ ယိုင်နဲ့နဲ့ တဲ တန်းလျားတွေမှာ တိတ်ဆိတ်ခြင်းက ကြီးစိုးနေပါပြီ။ ထိုင်းနဲ့မလေးရှားထဲက ဘယ်သူမှ ထပ်လာပြီး လူရွေးဖို့ အပေးအယူကိစ္စ မလုပ်ကြတော့ပါဘူး။

    “ဒီ့အလျင်က အနည်းဆုံး လူကုန်ကူးသူတွေနဲ့ စေ့စပ်ညှိနှိုင်းဖို့ လူ ၁၀ ဦးကနေ ၁၅ ဦးအထိ နေ့စဉ်နေ့တိုင်း ဒီကိုရောက်လာတတ်ပါတယ်။ ခုကျတော့ လုံးဝ မတွေ့ရတော့ပါဘူး” လို့ ထွန်းဝင်း အမည်ရှိ လူငယ်လေးက သက်ကယ်မိုးဝါးတဲ တစ်လုံးထဲကနေ ဗီဒီယို ဖုန်းလိုင်းသုံးပြီး ပြောပြပါတယ်။

    ဗီယက်နမ်စစ်ပွဲ အဆုံးသတ်ချိန်က လှေစီးပြေး ဒုက္ခသည်ဖြစ်စဉ်နောက်ပိုင်း မြန်မာ ရိုဟင်ဂျာတွေရဲ့အဖြစ်ဆိုးဟာ အာရှတလွှား အကြီးမားဆုံး ရွှေ့ပြောင်းမှုပြဿနာဖြစ်လာပါတယ်။ အဲ့ဒီအပေါ် နှစ်ပေါင်းများစွာ အမြတ်ထုတ်ခဲ့တဲ့ လူကုန်ကူးသူများဟာ စီးပွားပျက်ကိန်း ဆိုက်သွားပုံရပါတယ်။ အနိမ့်ဆုံးအားဖြင့် တပ်ခေါက်နေပြီလို့ ဆိုရမှာပါ။ ပြီးခဲ့တဲ့လအထိ သူတို့ရဲ့ ဆိုးဝါးတဲ့လုပ်ငန်းစဉ်ကြီးက နာရီရွေ့လျားမှုအလား မရပ်မနား လည်ပတ်နေခဲ့တယ်။

    ကျားရဲတွင်းနဲ့ ဆင်းရဲတွင်းကနေ လွတ်မြောက်နိုင်ရေးအိပ်မက်ကြောင့် ထောင်နဲ့ချီတဲ့ ရိုဟင်ဂျာတွေ၊ သူတို့အိမ်နီးချင်း ဘင်္ဂလားဒေ့ရ်ှက လူတွေဟာ မလေးရှားမှာ အလုပ်အကိုင်နဲ့ လုံခြုံရေး ရနိုင်စရာမျှော်လင့်ချက်ပေးလို့ ဘင်္ဂလားပင်လယ်အော် အရှေ့တောင်စွန်းကနေ တဆင့် လှေအိုလှေဟောင်းစီးပြီး အသက်စွန့် ခရီးနှင်ဖို့ သွေးဆောင်ခံခဲ့ကြရတယ်။

    သို့တစေလည်း လူအများအပြားကတော့ သူတို့ရဲ့ခရီးစဉ်ကို လျှို့ဝှက်စခန်းတွေထဲမှာ အရက်စက်ခံကျွန်ဘ၀အဖြစ် စခန်းသိမ်းခဲ့ရတယ်။ အဲ့ဒီစခန်းများက ထိုင်းနဲ့ မလေးရှားကြား နယ်စပ်မျဉ်း တစ်ကြောမှာ တည်ရှိနေပါတယ်။ လူကုန်ကူးသူများဟာ အကျဉ်းသားပြန်လွှတ်ရေး အတွက် အဲ့ဒီနေရာကနေတဆင့် ငွေညှစ်တောင်းခံလေ့ ရှိကြတယ်။ လက်ရှိ အခွံသာကျန်ရှိတဲ့ တဲတန်းလျားတွေထဲမှာ သက်ဆိုင်ရာဆွေမျိုးသားချင်းတွေနဲ့ ဈေးညှိဈေးဖြတ်လေ့ရှိကြတယ်။

    ပြီးခဲ့တဲ့လဆန်းပိုင်းမှာ နယ်စပ်ဒေသအနီး သေဆုံးသူ ၃၃ ဦး တွင်းတူးမြုပ်နှံထားမှုကို ရှာဖွေတွေ့ရှိပြီးတဲ့နောက် ထိုင်းနိုင်ငံဖက်က လူကုန်ကူးချေမှုန်းဖို့ အမိန့်ထုတ်လိုက်တော့ ဒီကွင်းဆက် ပြတ်တောက်သွားပါတယ်။
    “ရှိသမျှလူတွေ ထွက်ပြေးကုန်ကြတယ်”  လို့ ထိုင်းနိုင်ငံ လူကုန်ကူးမှုစုံစမ်းဖော်ထုတ်ရေး ရဲမင်းကြီး Thatchai Pitaneelaboot က ဆိုပါတယ်။

    အဲ့ဒီဖြိုခွင်းမှုက ပင်လယ်ထဲ လူသားချင်းစာနာ ကယ်ဆယ်ရေးပြဿနာ ဖြစ်သွားစေခဲ့တယ်။

    ထိုင်းနဲ့မလေးရှားဖက်က ကျယ်ကျယ်ပြန့်ပြန့် စုံစမ်းဖော်ထုတ်မှုကွန်ရက်များထဲ ဖမ်းမိတာထက်စာရင် အလွတ်ရုန်းအန္တရာယ်က ပိုသက်သာနိုင်လို့ လူကုန်ကူးသူများက သင်္ဘောနဲ့ထွက်ပြေးသွားကြတယ်။ ထောင်ချီတဲ့ ဦးတည်ရာမဲ့ရွှေ့ပြောင်း ဒုက္ခသည်တွေကို လှေမျောဘ၀နဲ့  ချန်ရစ်သွားခဲ့ကြတယ်။

    ပြီးခဲ့တဲ့လက ထိုင်း၊ မလေးနဲ့ အင်ဒိုနီးရှားကို လှေမျောခရီးသည် သုံးထောင်ကျော် ကမ်းကပ်ဆိုက်ရောက်လာတယ်။ ရာပေါင်း များစွာကို မြန်မာနဲ့ ဘင်္ဂလားဒေ့ရ်ှဆီ ပြန်ပို့ခဲ့ကြပေမယ့် လူ ၂၀၀၀ ၀န်းကျင်လောက်က ပင်လယ်ထဲမျောနေဆဲဖြစ်မယ်ဆိုပြီး ကုလသမဂ္ဂမှ ခန့်မှန်းထားပါတယ်။

    လူကုန်ကူးလုပ်ငန်းကွင်းဆက်ကို (ရှောင်တခင်)ပိတ်ဆို့ တားဆီးလိုက်ခြင်းက လှေမျော ဒုက္ခသည်ပြဿနာ ပိုကြီးထွားစေခဲ့ကြောင်း ရခိုင်ပြည်နယ်နဲ့ ဘင်္ဂလားဒေ့ရ်ှတောင်ပိုင်းက လှေစီး ထွက်ခွာမှုအပေါ် ခြေရာခံ ပရောဂျက်လုပ်ဆောင်နေတဲ့ Chris Lewa က ပြောကြားလိုက်ပါတယ်။

    မေလမှာ ထွက်ခွာတဲ့လှေငယ် ၃၀၀ စီး၊ ဧပြီလမှာ အနိမ့်ဆုံး လူဦးရေ ၅၀၀၀၊ နိုဝင်ဘာ ကနေ မတ်လ အတွင်းမှာ လစဉ်ပျမ်းမျှ ၇၀၀၀-၈၀၀၀ လောက်ရှိတယ်လို့ သူမရဲ့ခန့်မှန်းချက် အရ သိရတယ်။

    လွန်ခဲ့တဲ့နှစ်လကတည်းက ရွှေ့ပြောင်းထွက်ခွာအံ့ဆဲဆဲ လူအများစုဟာ ဖြိုခွင်းရေးများကြောင့် ရေပြင်ကို ခြေမချခဲ့ရဘဲ သောင်ပြင်မှာ ပစ်ထားခံရပြီး ငွေပေးရွေးမှ ပြန်လည်ခေါ်ဆောင် ခံရသူတွေပါလို့ သူမက ဆိုပါတယ်။

    ထိုင်းအစိုးရအနေနဲ့ လူကုန်ကူးလုပ်ငန်းကို ချေမှုန်းလိုက်နိုင်လျှင်ပင် အရှေ့တောင်အာရှ ရွှေ့ပြောင်းသွားလာမှု ရပ်ဝန်းရဲ့ ဇာစ်မြစ် အကြောင်းရင်းတွေကို ရပ်တန့်အောင် လုပ်နိုင်မှာ မဟုတ်ဘူးလို့ လူအများအပြားက ယုံကြည်ကြပါတယ်။ ပြီးခဲ့တဲ့ ရက်သတ္တပတ်မှာ လူဦးရေ ၁.၁ သန်းရှိ ရိုဟင်ဂျာမွတ်စ်လင်မ်တွေအပေါ် ခွဲခြားချိုးနှိမ်ဆက်ဆံနေမှု ရပ်တန့်ဖို့ အမေရိကန်သမ္မတ ဘားရက် အိုဘားမားက မြန်မာနိုင်ငံကို လောဆော်ခဲ့ပါတယ်။ အဲ့ဒီလို လုပ်ဆောင်ချက်မျိုး မရှိဘူး ဆိုပြီး မြန်မာဖက်က ငြင်းဆန် ထားပါတယ်။

    မြန်မာအစိုးရဟာ မြန်မာနိုင်ငံထဲ မျိုးဆက်အလီလီ နေထိုင်လာခဲ့တဲ့ သူတို့ကို တိုင်းရင်းသားအဖြစ် လည်းကောင်း၊ နိုင်ငံသားအဖြစ် လည်းကောင်း အသိအမှတ် မပြုတဲ့အပြင်၊ ဘင်္ဂလားဒေ့ရ်ှက ခိုးဝင်လာသူ ဘင်္ဂလီများအဖြစ် သတ်မှတ်ထားပါတယ်။

    မုတ်သုန်ရာသီဝင်ရောက်လာပြီး အန္တရာယ် ပိုများနိုင်တာကြောင့် ဒီလိုကာလမှာ ရွှေ့ပြောင်း စွန့်ခွာမှုနှုန်း နိမ့်ကျသွားလေ့ရှိပါတယ်။ ဒါကြောင့် ဦးကျိုးသွားတဲ့ ဒီလုပ်ငန်းဟာ လပေါင်းများစွာအကြာမှာ ပြန်ပေါ်လာနိုင် မလားဆိုတာကို စောင့်ကြည့် သွားရမှာပါ။

    လက်ရှိသီတင်းပတ်အတွင်း ဖြစ်ရပ်များက ဒီတရားမဲ့လုပ်ငန်းကို အပြီးအပိုင်လှဲကျင်းပစ်နိုင်မလားဆိုတာ Lewa က သံသယဖြစ်နေပါတယ်။

    “အုပ်စုငယ်တချို့ ထိန်းသိမ်းခံထားရဆဲလို့ ကျွန်မ ထင်မြင်ပါတယ်။ တောနက်ထဲမှာတော့ ဟုတ်ချင်မှဟုတ်မှာပါ။ ဒုစရိုက်သမားတွေက ဓားစာခံတွေကို လုံခြုံတဲ့နေရာတွေမှာ ငွေနဲ့လာရွေးဖို့ ချုပ်ကိုင်ထားဆဲ ဖြစ်နေနိုင်ပါတယ်”။

    စစ်တွေမြို့အနီးက ရိုဟင်ဂျာဒုက္ခသည်စခန်းမှာ ငွေပေးရွေးဖို့ တောင်းဆိုမှုတွေ ရုတ်ခြည်း တိတ်ဆိတ်ခြောက် ကပ်သွားတယ်လို့ ဒေသခံများက ဆိုပါတယ်။

    ဒုက္ခသည်စခန်းတွေ ပိတ်သိမ်းနိုင်ချေရှိကြောင်း သောကရောက်သားချင်းတွေအတွက် လူမှုအကျိုးဆောင်လုပ်ပေးနေသူ ဦးကျော်လှက ပြောပါတယ်။ “လွန်ခဲ့တဲ့ ၂ လလောက်က ကျွန်တော်နဲ့ ချမ်းသာသူတစ်ချို့ဆီ လူအများအပြား ရောက်လာကြတယ်။  သူတို့ရဲ့သားချင်းတွေကို ပြန်ရွေးနိုင်ရေးအတွက် သူတို့ရဲ့အိမ်၊ မြေတွေ ရောင်းချဖို့အတွက်ပါ။ အဲ့ဒီကိစ္စတွေ ခုတော့ ရပ်တန့်သွားပြီဖြစ်ပါတယ်”။

    လှေစီးပြေးအောင် မြူဆွယ်သူ ပွဲစားများစွာက ရိုဟင်ဂျာတွေပဲ ပြန်ဖြစ်နေတာ တွေ့ရပါတယ်။

    အောက်ခြေအဆင့်လက်ပွား လူကုန်ကူးသူများသာ ဖမ်းဆီးခံရပြီး လုပ်ငန်းခေါင်းကိုင်များကတော့ ဘင်္ဂလားဒေ့ရ်ှဖက် ထွက်ပြေးကုန်ပြီ သို့တည်းမဟုတ် ခြေရာဖျောက်တွင်းအောင်းသွားပြီ လို့ ဦးကျော်လှက ယုံကြည်ထားပါတယ်။

    ဘင်္ဂလားဒေ့ရ်ှနယ်စပ် Pen Daw Pyin ရွာက ၅၅ နှစ်အရွယ် အမျိုးသမီး Se Tara က ဒီလိုပြောပြခဲ့ပါတယ်။ ဖေဖော်ဝါရီလက ပင်လယ်ခရီးလွှင့်သွားခဲ့တဲ့ သူမရဲ့ သားနဲ့သမီးကို ပြန်ရွေးဖို့ ငွေကြေးပြင်ဆင်ထားပါဆိုပြီး လွန်ခဲ့တဲ့ ၂ လက ဒေသခံပွဲစား လာပြောသွားတယ်။ ထိုင်းနိုင်ငံမှာ လူကုန်ကူးသူတွေ ဖမ်းဆီးခံရပြီး ပင်လယ်ထဲ လှေတွေ မျောပစ်တဲ့သတင်း ရောက်တဲ့အခါ သူမနဲ့သားငယ်ဖြစ်သူ ရဟ်မသ်က ပွဲစားအိမ်ဆီ မေးမြန်းစုံစမ်းဖို့ သွားခဲ့ကြတယ်။ ဒါပေမယ့် ပွဲစားက ပျောက်ခြင်းမလှပျောက်သွားခဲ့ပါပြီ။

    “သူ ဘယ်မှာလဲဆိုတာ မသိဘူးလို့ သူ့ရွာသားတွေက ပြောကြတယ်။ သူ တစ်နေရာရာမှာ ပုန်းနေပါတယ်။ ကျွန်တော့်အထင် သူတို့လိမ်နေတာပဲ ဖြစ်ပါမယ်” ဆိုပြီး ရဟ်မသ်က ပြောပါတယ်။

    xxxxxxxxxxxxxxxxxxxxxxxxxxxx

    ဘန်ကောက်အခြေစိုက် Simon Webb ရဲ့ သတင်းပေးပို့ချက်အပေါ် John Chalmers ရေးသားပြီး Ian Geoghegan တည်းဖြတ်တဲ့ Aubrey Belford ရဲ့ ရိုက်တာသတင်းဆောင်းပါး Closed for business: Asia’s human smugglers go to ground ကို မြင့်မိုရ်မောင်မောင်က ဆီလျော်အောင် ပြန်ဆိုမှု ဖြစ်ပါတယ်။

  • မလေးရှားနယ်စပ်တွင် လူကုန်ကူးစခန်းများနှင့် လူများ အစုလိုက်အပြုံလိုက် မြှုပ်နှံထားသော နေရာများကို တွေ့ရှိ

    မလေးရှားနယ်စပ်တွင် လူကုန်ကူးစခန်းများနှင့် လူများ အစုလိုက်အပြုံလိုက် မြှုပ်နှံထားသော နေရာများကို တွေ့ရှိ

    မေ ၂၄၊ ၂၀၁၅
    M-Media

    malay

    – မြန်မာနှင့် ဘင်္ဂလားဒေ့ရှ့်နိုင်ငံတို့မှ ပြောင်းရွှေ့လာသူများဟု ယူဆရသူများ၏ ရုပ်အလောင်း ရာနှင့်ချီ၍ ပါဝင်သော လူများ အစုလိုက်အပြုံလိုက် မြှုပ်နှံထားသည့် နေရာများကို မလေးရှားတွင် တွေ့ရှိခဲ့ရသည်ဟု ပြည်ထဲရေးဝန်ကြီးက ပြောကြားလိုက်သည်။

    ထိုင်းနိုင်ငံနှင့် ကပ်လျက်ရှိသော နိုင်ငံမြောက်ပိုင်း ပါရ်လစ်ပြည်နယ်ရှိ နေရာနှစ်ခုတွင် မြှုပ်နှံထားသောနေရာ ၃၀ ခန့်ကို ရဲတပ်ဖွဲ့က ရှာဖွေတွေ့ရှိခဲ့ခြင်းဟု သတင်းများက ယနေ့တွင် ဖော်ပြခဲ့သည်။

    ပြည်ထဲရေးဝန်ကြီး အဟ်မဒ် ဇာဟစ် ဟာမီဒီက ပါဒန်ဘဆားရ်မြို့ရှိ လူကုန်ကူးစခန်း ၁၇ ခုအနီးတွင် အစုလိုက်အပြုံလိုက် မြှုပ်နှံထားသည့် နေရာများအား ထူးဖော်နေသည်ကို အတည်ပြုခဲ့ပြီး တာဝန်ရှိသူများ ရောက်ရှိသည့်အခါ ထိုစခန်းများမှာ စွန့်ပစ်ခံထားရသည်ဟု ထည့်သွင်းပြောကြားခဲ့ကာ စုံစမ်းစစ်ဆေးမှုများကို ပြုလုပ်နေသည်ဟု ဆိုသည်။

    The Star သတင်းစာကမူ သောကြာနေ့က တူးဖော်ခဲ့သည့် နေရာတစ်ခုတွင် အလောင်းပေါင်း ၁၀၀ ခန့် တွေ့ရှိခဲ့ရသည်ဟု ဖော်ပြခဲ့သည်။ အဆိုပါ ရုပ်အလောင်းများမှာ လူကုန်ကူးမှုမှ ဖြစ်ပေါ်လာခြင်းဖြစ်သည်ဟု ယုံကြည်ရပြီး မြန်မာနိုင်ငံအနောက်ပိုင်းမှ လူနည်းစု ရိုဟင်ဂျာများ၏ ရုပ်အလောင်းများလား ဆိုသည်ကို ရှင်းရှင်းလင်းလင်း မသိရှိရသေးဟု တာဝန်ရှိသူတစ်ဦးက
    ပြောကြားခဲ့သည်။

    မလေးရှားနိုင်ငံမြောက်ပိုင်းမှာ မြန်မာနိုင်ငံတွင် ငြှင်းပန်းနှိပ်စက်ခံရသောကြောင့် ထွက်ပြေးလာသည်ဟုဆိုသော ရိုဟင်ဂျာများနှင့် ဘင်္ဂလားဒေ့ရ်ှမှ အလုပ်လုပ်ရန် လာသောသူများအား လှေဖြင့်ခေါ်ဆောင်လာသည့် လူကုန်ကူးသူများအတွက် အဓိကလမ်းကြောင်းလည်း ဖြစ်သည်။

    မေလဆန်းပိုင်းကလည်း ထိုင်းနိုင်ငံတောင်ပိုင်း မလေးရှားနယ်စပ်တွင် လူကုန်ကူးစခန်းများနှင့် ရွှေပြောင်းလာသူများကို အစုလိုက်အပြုံလိုက် မြှုပ်နှံထားသော နေရာများကို တွေ့ရှိခဲ့ရသည်။

    Ref: Reuters

  • လှေစီးဒုက္ခသည်များအရေး မလေးရှားနှင့် ဘင်္ဂလားဒေ့ရ်ှတို့ ဆွေးနွေးမည်

    လှေစီးဒုက္ခသည်များအရေး မလေးရှားနှင့် ဘင်္ဂလားဒေ့ရ်ှတို့ ဆွေးနွေးမည်

    မေ ၁၇၊ ၂၀၁၅
    M-Media

    nip-4-rohingya-1

    – မြန်မာနှင့် ဘင်္ဂလားဒေ့ရ်ှတို့မှ လှေစီးဒုက္ခသည်များ မြင့်တက်လာပြီး အရှေ့တောင်အာရှ နိုင်ငံများသို့ ပြန့်နှံ့လာသည့် ပြဿနာအား ဆွေးနွေးရန်အတွက် မေလးရှားနှင့် ဘင်္ဂလားဒေ့ရ်ှနိုင်ငံတို့မှ နိုင်ငံခြားရေးဝန်ကြီးများ ယနေ့တွင် တွေ့ဆုံမည်ဟု သိရသည်။

    “(လှေစီးဒုက္ခသည်ကိစ္စဟာ) ဆွေးနွေးမယ့် အကြောင်းအရာတွေထဲက တစ်ခုဖြစ်ပြီး အစီအစဉ်အတွင်းမှာ အရမ်းအရေးပါတဲ့ ကိစ္စတစ်ခုပါပဲ” ဟု အကျဉ်းရုံးရှင်လင်းပွဲတွင် မလေးရှားနိုင်ငံခြားရေးဝန်ကြီး အန်နီဖာ အေမန်က ပြောကြားခဲ့သည်။

    ဘင်္ဂလားဒေ့ရ်ှနိုင်ငံခြားရေးဝန်ကြီး အေ အိခ်ျ မဟ်မွဒ် အလီနှင့် အဆိုပါဆွေးနွေးမှုကို မလေးရှားရှိ ကိုတာကင်နာဘာလူမြို့တွင် ပြုလုပ်သွားမည်ဖြစ်သည်။ ဘင်္ဂလားဒေ့ရ်ှမီဒီယာများက နိုင်ငံခြားရေးဝန်ကြီးမှာ ဆွေးနွေးပွဲအကြို ခရီးစဉ်အဖြစ် မလေးရှားသို့ ရောက်ရှိနေသည်ဟု ဖော်ပြခဲ့ကြသည်။

    ပြီးခဲ့သည့် သီတင်းပတ်များအတွင်း မြန်မာနှင့် ဘင်္ဂလားဒေ့ရ်ှနိုင်ငံမှ လှေစီးဒုက္ခသည် ထောင်ပေါင်းများစွာတို့မှာ အက်ဒမန်ပင်လယ်ပြင်တွင် မျောပါနေပြီး မလေးရှား၊ အင်ဒိုနီးရှားနှင့် ထိုင်းနိုင်ငံတို့ကလည်း လက်ခံရန် ဆန္ဒမရှိပေ။

    အဆိုပါ လှေစီးဒုက္ခသည် ပြဿနာ၏ အခြေခံအကြောင်းအရင်းများကို ဆွေးနွေးရန် မေလ ၂၉ ရက်နေ့တွင် မလေးရှား၊ အင်ဒိုနီးရှားနှင့် မြန်မာတို့အပါအ၀င် ဒေသတွင်း နိုင်ငံပေါင်း ၁၅ နိုင်ငံမှ တာဝန်ရှိသူများပါဝင်မည့် ဆွေးနွေးပွဲတစ်ခုကို ထိုင်းနိုင်ငံ၌ ကျင်းပပြုလုပ်ရန် ရှိနေသည်။

    မြန်မာနိုင်ငံ သမ္မတရုံးမှ ပြောရေးဆိုခွင့်ရှိသူ ဦးဇော်ဌေးကမူ အဆိုပါ ဆွေးနွေးပွဲသို့ တက်ရောက်ရန် ယခုအချိန်အထိ ဖိတ်ကြားခြင်းမရှိသေးဘဲ၊ ဖိတ်ကြားမှုတွင် ရိုဟင်ဂျာဟု ခေါင်းစဉ်တပ်ပါက တက်ရောက်မဗည်မဟုတ်ဟု ယမန်နေ့က ပြောကြားခဲ့သည်။

    Ref: Aljazeera,Channelnewsasia

  • မျှော်လင့်ချက်မဲ့ခြင်းမှ ဘ၀ပါ မဲ့ရတော့မည့် အက်ဒမန် ပင်လယ်ပြင်မှ ရိုဟင်ဂျာများ

    မျှော်လင့်ချက်မဲ့ခြင်းမှ ဘ၀ပါ မဲ့ရတော့မည့် အက်ဒမန် ပင်လယ်ပြင်မှ ရိုဟင်ဂျာများ

    မေ ၁၆ ၊ ၂၀၁၅
    M-Media

    11263981_1664229343807472_8995782643920383151_n
    ပင်လယ်ပြင်သို့ ပြန်လည်တွန်းပို့ခဲ့သည့် ဒုက္ခသည် လှေများကို ထိုင်းလေတပ်ရဟတ်ယာဉ်မှ အစားအစာများ ချပေးစဉ် ဒုက္ခသည်များ ရေထဲသို့ ဆင်းပြီး ဆယ်နေပုံ

    – မျှော်လင့်ချက်ကင်းမဲ့နေသည့် မြန်မာနိုင်ငံမှ ရွှေ့ပြောင်းလာသူ ရာပေါင်းများစွာကို တင်ဆောင်လာသော သစ်သားငါးဖမ်းလှေတစ်စီးမှာ ထိုင်းနိုင်ငံနှင့် မေလေရှားနိုင်ငံအကြားရှိ အက်ဒမန်ပင်လယ်ပြင်တွင် မျောနေသည်ကို ကြာသာပတေးနေ့က တွေ့ရှိခဲ့သည်။ ၎င်းတို့မှာ မကြာသေးမီ သီတင်းပတ်များအတွင်း ပင်လယ်ပြင်သို့ထွက်လာကြပြီး မည်သည့်နိုင်ငံမှ လက်ခံရန် ဆန္ဒ မရှိသည့် လူထောင်ပေါင်များစွာ၏ တစ်စိတ် တစ်ပိုင်းလည်း ဖြစ်သည်။

    ဂျာနယ်လစ်များကို တင်ဆောင်သွားသည့် သင်္ဘောတစ်စီး အဆိုပါ စက်လှေနားသို့ ကပ်သွားသည့်အခါတွင် “ကျွန်တော်တို့ကို ကူညီပါ။ ကျွန်တော့်မှာ သောက်စရာရေ မရှိဘူး” ဟု အော်ဟစ်သံများ ထွက်ပေါ်လာသည်။ “ကျွန်တော့်ကို ရေပေးပါ”

    နေရောင်မှ အကာကွယ်ရရန် ပလက်စတစ် တာလပတ်နှင့် အတူ ဆောင့်ကြောင့်ထိုင်နေရသော အမျိုးသား၊ အမျိုးသမီးနှင့် ကလေးငယ်များ အပြည့် တင်ဆောင်ထားသည့် အစိမ်းရောင်နှင့် အနီရောင်ဆေးသုတ်ထားသော ထိုသင်္ဘောကို မလေးရှား အာဏာပိုင်များက ဗုဒ္ဓဟူးနေ့တွင် ပင်လယ်ပြင်သို့ ပြန်လွှတ်လိုက်သည်ဟု လှေပေါ်တွင် လိုက်ပါလာသူများက ပြောကြားခဲ့သည်။

    ၎င်းတို့က မိမိတို့မှာ လှေပေါ်တွင်နေရသည်မှာ ၃ လခန့်ရှိနေပြီး သင်္ဘောမောင်းသူနှင့် အဖွဲ့သားများမှာ လွန်ခဲ့သည့် ၆ ရက်ခန့်က လှေကို စွန့်ပစ်သွားခဲ့သည်ဟု ဆိုသည်။ အဆိုပါ ခရီးစဉ်တွင် ခရီးသည် ၁၀ ဦး သေဆုံးခဲ့ရပြီး အလောင်းများကို ရေထဲသို့ ပစ်ချခဲ့ရသည်ဟု ၎င်းတို့က ထည့်သွင်းပြောကြားခဲ့သည်။

    “ကျွန်တော် အရမ်းဆာလောင်နေပါတယ်။ ကျေးဇူးပြုပြီး ကျွန်တော်တို့ကို မြန်မြန်ကယ်ကြပါ” ဟု မြန်မာနိုင်ငံအနောက်ပိုင်းမှဟု ဆိုသည့် အသက် ၁၅ နှစ်အရွယ် မိုဟာမက်စီရက်ဂ်ျက ပြောသည်။

    အကူအညီမည်မျှ ၎င်းတို့ရရှိခဲ့သည်ကို ရှင်းရှင်လင်းလင်းမသိရ။ စက်လှေနားတွင် ၎င်းတို့ ရောက်ရှိနေကြောင်း နယူးယောက်တိုင်မ်းစ်ကို အသိပေးခဲ့သည့် ထိုင်းစစ်တပ်ကတော့ ကြာသာပတေးနေ့က ရေနှင့် အစားအသောက်အချို့ကို ပေးခဲ့ပြီး သောကြာနေ့နံနက်ပိုင်းတွင် ပင်လယ်ထဲသို့ ထက်ခွာရန် ကူညီခဲ့သည်ဟု စာတွန်ပြည်နယ် အုပ်ချုပ်ရေးမှူး ဒီခရတ် ဆင်မ်စီရီက ပြောကြားခဲ့သည်။

    အဆိုပါ လှေစီးဒုက္ခသည်ပြဿနာက ဒေသအတွင်း ရင်ဆိုင်နေရသော ရွှေ့ပြောင်းအခြေချမှု ပြဿနာ၏ သတိပြုမိစေသော ဥပမာပင်ဖြစ်သည်။ မြန်မာနိုင်ငံတွင် လူမျိုးစု ညှင်းပမ်းနှိပ်စက်မှုနှင့် ဘင်္ဂလားဒေ့ရ်ှတွင် ဆင်းရဲမွဲတေမှုကြောင့် စွန့်ခွာ ထွက်ပြေးလာကြသည့် ဒုက္ခသည်အရေအတွက် ခန့်မှန်းခြေ ၆၀၀၀ မှ ၂၀၀၀၀ အထိ ပင်လယ်ထဲတွင် ရှိနေကြသည်။ နိုင်ငံများကတော့ တစ်ယောက်နှင့်တစ်ယောက် လက်ညှိုးထိုးနေကြပြီး ကိုယ်တိုင်တာဝန်ယူရန် ငြင်းဆန်နေကြသည်။

    ရွှေပြောင်းသူအများစုက မလေးရှားသို့ဦးတည်မည်ဟု ထင်ရသည်။ သို့သော်လည်း ပြီးခဲ့သည့်တစ်ပတ်က မလေးရှားနှင့် အင်ဒိုနီးရှားတို့တွင် ၁၅၀၀ ကျော်ကို ကယ်တင်ခဲ့ပြီးနောက် နှစ်နိုင်ငံစလုံးက ရွှေ့ပြောင်းလာသူများကို တင်ဆောင်လာသော နောက်ထပ်လှေ များကို ပင်လယ်ထဲသို့ ပြန်ပို့မည်ဟု ၎င်းတို့၏ သဘောထားကို ကြေညာခဲ့သည်။

    ယခုအလအတွင်း ထိုပြဿနာကို ဆွေးနွေးရန် ဒေသတွင်းညီလာခံတစ်ခု ကျင်းပသွားမည်ဆိုသည်မှ လွဲ၍ ထိုင်းတာဝန်ရှိသူများက ထိုကိစ္စ စလာကတည်းက ၎င်းတို့၏ တရားဝင်ပေါ်လစီကို ရှင်းရှင်းလင်းလင်း ပြောဆိုထားခြင်းမရှိ။ ကြာသာပတေးနေ့က ရွှေပြောင်း အခြေချလာသူများ၏ စက်လှေကို သွားရောက်တွေ့ဆုံခဲ့သည့် ထိုင်းရေတပ်သင်္ဘောမှ တပ်မှူးဖြစ်သူ ဗီရာပွန် နက်ပရာစစ်က ထိုသင်္ဘောမှာ တရားမ၀င် ၀င်ရောက်လာခြင်းဖြစ်သည်ဟု ပြောကြားခဲ့သည်။

    အင်ဒိုနီးရှားရေတပ်က လူထောင်ပေါင်းများစွာ ပါလာသော လှေတစ်စီးကို အင်္ဂါနေ့က ပင်လယ်ထဲ ပြန်ပို့ခဲ့ပြီး မလေးရှားသို့သွားရန် တိုက်တွန်းခဲ့သည်။ မလေးရှားအာဏာပိုင်များကလည်း စုစုပေါင်း အနည်းဆုံး လူ ၈၀၀ ခန့်ပါဝင်သည့် လှေ ၂ စီးကို ဗုဒ္ဓဟူးနေ့က ပင်လယ်ထဲ ပြန်လွှတ်ခဲ့သည်။

    “အခု ကျွန်တော်တို့ဖြစ်နေတာက ရေထဲမှာ ဘောလီဘောပုတ် ကစားနေကြတာပါ။ လူ့အသက်တွေနဲ့ ဘောလီဘော ပုတ်နေကြတာလေ။ အဆုံးသတ်က ဘာလဲ? ကျွန်တော် သိပ်ပြီး အစိုးရိမ် မကြီးချင်ပါဘူး။ ဒါပေမယ့် ဒီလူတွေကို မပြုစုဘူး၊ မကြာခင်မှာ ကမ်းပေါ်ကို ကယ်ဆယ်မထားဘူးဆိုရင် အလောင်းတွေပြည့်နေတဲ့ စက်လှေတွေကို ကျွန်တော်တို့ တွေ့ရတော့မှာပါ” ဟု ဘန်ကောက် အခြေစိုက် ပြောင်းရွှေ့ခြေချသူများ အတွက် နိုင်ငံတကာအဖွဲ့မှ ပြောရေးဆိုခွင့်ရှိသူ ဂျိုးလိုရီက ပြောကြားခဲ့သည်။

    15MIGRANTS-WEB1-master675-v2
    ထိုင်းလေတပ် ရဟတ်ယာဉ်မှ ချပေးသည့် အစားအစာများ ရေထဲဆင်းဆယ်ပြီး လှေပေါ်သိုပြန်တက်နေပုံ

    ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက ဒေသတွင်း အစိုးရများအနေဖြင့် အခွင့်ကောင်းမယူဘဲ ရှာဖွေ ကယ်ဆယ်မှုများ ပြုလုပ်ကြရန် တောင်းဆိုခဲ့သည်။

    “ဒါဟာ လူသားချင်း စာနာထောက်ထားမှုဆိုင်ရာ ကပ်ဆိုက်မှု အလားအလားပါပဲ” ဟု အဆိုပါရုံးမှ အကြီးတန်း ကာကွယ်ရေးတာဝန်ရှိသူ ဂျက်ဖရီ ဆာဗေ့ဂ်ျက ပြောကြားခဲ့သည်။

    ရွှေပြောင်းလာသူအများစုမှာ ၎င်းတို့၏ လူကုန်ကူးသူများက အစားသောက်နှင့် ရေနည်းနည်းပေးကာ စွန့်ပစ်သွားခဲ့သည်ဟု ယုံကြည်ရသည်။

    အင်ဒိုနီးရှား စစ်တပ်ရေးရာ ပြောရေးဆိုခွင့်ရှိသူ အကြီးအကဲ ဗိုလ်မှူးကြီး ဖူအဒ် ဘက်စ်ယာက မိမိတို့အနေဖြင့် အင်ဒိုနီးရှားရေပိုင်နက် အတွင်းသို့ အခွင့်မရှိဘဲ ၀င်ရောက်ချင်သည့် ရိုဟင်ဂျာများ စက်လှေအပါအ၀င် မည်သည့်စက်လှေကို မဆို ပင်လယ်ထဲသို့ ပြန်လည် ပို့ဆောင်သွားမည်ဟု ကြာသာပတေးနေ့တွင် ပြောကြားခဲ့သည်။

    လူ ၅၀၀ ခန့်ပါဝင်သော စက်လှေတစ်စီးကို ပီနန်ကျွန်းမှ မလေးရှားအာဏာပိုင်များက ဗုဒ္ဓဟူးနေ့တွင် ပင်လယ်ထဲသို့ ပြန်ပို့ ခဲ့ပြီးနောက် ပြည်ထဲရေး ဒုတိယ၀န်ကြီး ၀မ် ဂျူနိုက်ဒီက

    “ကျွန်တော်တို့ဆီက ဘာမျှော်လင့်တာလဲ။ ကျွန်တော်တို့ရဲ့ နယ်စပ်ကို ဖြတ်ကျော်ဝင်ရောက်လာတဲ့သူတွေအပေါ် ကျွန်တော်တို့ တော်တော် ကောင်းခဲ့ပြီးသွားပြီ။ သူတို့ကို လူပီသစွာ ကျွန်တော်တို့ ဆက်ဆံခဲ့တယ်။ ဒါပေမယ့် သူတို့တွေ ကျွန်တော်တို့ရဲ့ ကမ်းခြေတွေမှာ ဒီလို သောင်လာတင်နေလို့တော့ မရပါဘူး။ သူတို့ကို ဒီက မကြိုဆိုဘူးဆိုတာကိုတော့ ကျွန်တော်တို့ ပြောရပါမယ်” ဟု ပြောကြားခဲ့သည်။

    မလေးရှား အာဏာပိုင်များအား နယူးယောက် တိုင်မ်းစ်မှ မေးမြန်းရာတွင် မှတ်ချက်ပေးရန် ငြင်းဆိုခဲ့ကြသည်။

    ပြီးခဲ့သည့်နှစ်များအတွင်း မြန်မာနိုင်ငံမှ အိုးအိမ်စွန့်ခွာ ထွက်ပြေးလာခဲ့ကြသည့် နိုင်ငံမဲ့ လူမျိုးစုဖြစ်သော ရိုဟင်ဂျာထောင်ပေါင်းများစွာမှာ မလေးရှား သို့မဟုတ် အင်္ဂလားဒေ့ရှ် နိုင်ငံများသို့ အများဆုံး သွားရောက်ကြသည်။ သို့သော်လည်း ပြီးခဲ့သည့် သီတင်းပတ်များအတွင်း အစုလိုက် အပြုံလိုက်ပြောင်းရွှေ့လာမှုက လူတိုင်းကို အံ့အားသင့်စေခဲ့သည်။

    မြန်မာနှင့် ဘင်္ဂလားဒေ့ရ်ှနိုင်ငံများမှ ထွက်ခွာလာမှုတွင် တိုးတက်စရာ အကြောင်းအရင်းတစ်ခုပင် မရှိဟု အက်ဒမန် ပင်လယ်ပြင်တွင် ပြောင်းရွှေ့ပြောင်းသူများကို နောက်ယောင်ခံလိုက်နေသော လူ့အခွင့်အရေးအဖွဲ့ဖြစ်သည့် အာရကန်ပရောဂျက်မှ စီမံခန့်ခွဲရေးမှူး ခရစ်လီဝါက ပြောကြားခဲ့သည်။ ရိုဟင်ဂျာများ၏ ၀င်ငွေနှင့် စားရေးသောက်ရေးကို ထိခိုက်စေသော ငါဖမ်းခွင့်ပါမစ် တင်းကျပ်ခြင်း အပါအ၀င် နှောက်ယှက် ဟန့်တားခံရမှု တစ်ပုံတစ်ပင်က ရိုဟင်ဂျာများ အတွက် ဆုံးရှုံးမှုကိုဖြစ်ပေါ်စေသည်ဟု သူမက ဆိုပြီး မြန်မာအစိုးရကလည်း ၎င်းတို့၏ ၁ သန်းမျှရှိသော ရိုဟင်ဂျာများမှာ နိုင်ငံသားများ မဟုတ်ဟု အခိုင်အမာပင် ပြောကြားထားသည်။

    “ပြဿနာတွေက စုပေါင်းနေတာပါ။ သူတို့ရဲ့ ဘ၀တွေဟာ ဆိုးပြီးရင်း ဆိုးလာပါတယ်” ဟု လီဝါက ထည့်သွင်းပြောကြားခဲ့သည်။

    ပင်လယ်ထဲတွင် တစ်ကြိမ်တည်း ထိုကဲ့သို့ လူအများကြီးဖြစ်နေရသည့် အကြောင်းအရင်းမှာ လူကုန်ကူးမှုကို ထိုင်းနိုင်ငံက ဖြိုခွင်းခြင်းမှ မရည်ရွယ်သော အကျိုးဆက်၏ အစိတ်ပိုင်း ဖြစ်ကောင်းဖြစ်နိုင်လေသည်။ ယခုလအတွင်း ဘင်္ဂလားဒေ့ရ်ှနှင့် မြန်မာနိုင်ငံတို့မှာ အလောင်း ၃၃ လောင်း ပါဝင်သည်ဟု ယုံကြည်ရသော အစုလိုက်အပြုံလိုက် မြှုပ်နှံထားသည့်နေရာကို ရှာဖွေတွေ့ရှိခဲ့ပြီးနောက် ထိုင်းအာဏာပိုင်များမှာ နိုင်ငံတောင်ပိုင်းရှိ လူကုန်ကူး စခန်း အမြောက်အမြားကို စီးနင်းခဲ့ကာ ဒါဇင်နှင့်ချီသော ရဲအရာရှိနှင့် အကြီးတန်း အရာရှိများကို လူကုန်ကူးမှုတွင် ကြံရာပါဖြင့် စွဲချက်တင်ခဲ့သည်။

    11267538_1664229647140775_5376405044191612636_n

    အဆိုပါ လူကုန်ကူးစခန်းက လမ်းကြောင်းတစ်ထောက်နားရာ နေရာများဖြစ်ပြီး မလေးရှားသို့ ၀င်ရောက်ရန်အတွက် ကာယကံရှင် သို့မဟုတ် ၎င်းတို့၏ မိသာစုများက လူကုန်ကူးသူများကို ပိုက်ဆံ မပေးနိုင်မချင်း အကျဉ်းချထးသည့်အခြေအနေမျိုးတွင် မကြာခဏ ထိန်းသိမ်းထားသော နေရာများဖြစ်သည်။ ထိုစခန်းများမှာ ဆိုးရွားသလောက် ထိုစခန်းများ မရှိတော့သည့်အတွက် ရွှေ့ပြောင်းလာသူများ ပင်လယ်ထဲတွင် သောင်တင်နေကြပြီး ၎င်းတို့အား လူကုန်ကူးလာသူများကလည်း ထိုင်းနိုင်ငံ အတွင်းသို့ ခြေချရန် ကြောက်ရွံ့နေကြသည်။

    “သူတို့ရဲ့ စီးပွားရေးအခြေနေဟာ ထိုင်းနိုင်ငံ စစ်ဆင်ရေးတွေရဲ့ ကြားဖြတ်ခြင်းကို ခံခဲ့ရပါတယ်။ နောက်ဆုံး သူတို့ပြန်လုပ်မှာပါ။ လူမှောင်ခို ကုန်ကူးတာဟာ သိပ် အကျိုးအမြတ်များပါတယ်။ အခု သူတို့ စောင့်နေတာပါ” ဟု မစ္စတာ လိုရီက ပြောကြားခဲ့သည်။

    ရွှေ့ပြောင်းအခြေချသူများမှာ ရောက်ရှိပါက အလုပ်ရမည်ဟူသော ကတိနှင့်အတူ မလေးရှားသို့ ၀င်ရောက်ရန်အတွက် အခြေခံအားဖြင့် ကန်ဒေါ်လာ ၁၈၀၀ ခန့် ပေးရလေ့ရှိသည်ဟု လီဝါက ဆိုသည်။

    သို့သော်လည်း လမ်းတစ်လျှောက်တွင် ၎င်းတို့မှာ ခြိမ်းခြောက်အကြပ်ကိုင်၍ ငွေပိုမိုတောင်းခံမှုများကို မကြာခဏ ခံကြရပြီး အများစုမှာ မြန်မာနှင့် ဘင်္ဂလားဒေ့ရ်ှတို့မှ ပြောင်းရွှေ့အခြေချသူများကို မကြာသေးမီအချိန်အထိ မသိမသာ ၀င်ရောက်ခွင့်ပေးထားသော မလေးရှားသို့ မရောက်ကြ။

    အင်ဒိုနီးရှားနိုင်ငံ ဆူမားတြားကျွန်း မြောက်ဘက်အစွန်းရှိကမ်းသို့ တနင်္ဂနွေနေ့တွင် မြောပါဆိုက်ရောက်လာသော စက်လှေပေါ်တွင် ပါဝင်သည့် ခရီးသည်များနှင့် တွေ့ဆုံမေးမြန်းမှုများက ပင်လယ်ပြင်၌ ၎င်းတို့ တွေ့ကြုံရင်ဆိုင်ခဲ့ရသည့် ဆိုးရွားသော အခြေအနေနှင့် ထိုကဲ့သို့ အန္တရာယ်ရှိသောခရီးကို တွန်းပို့ခဲ့သော မျှော်လင့်ချက်ကင်းမဲ့မှုတို့အကြောင်း သိရှိခဲ့ရသည်။

    လူကုန်ကူးသူများက စက်လှေအား ပိုက်ဆံပေထားသူများဖြင့် တတ်နိုင်သမျှပြည့်အောင် ဖြည့်ချင်သောကြောင့် စက်လှေမထွက်မီ လနှင့်ချီ၍ ခရီးသည်များက စက်လှေပေါ်တွင် စောင့်ကြရသည်။

    အများစုကို သင်္ဘောဝမ်းထဲတွင် အတင်းအဓမ္မနေခိုင်းပြီး အရှေ့မှလူက တစ်လက်မမှ မကျော်အောင် ဆောင့်ကြောင့် ထိုင်ကြရသည်။ နေ့စဉ်နေထိုင်း ၎င်းတို့ကို ထမင်းနှင့် ခေါက်ဆွဲပြုတ် အနည်းငယ် ကျွေးပြီး ရေအနည်းငယ်ကိုသာ တိုက်လေသည်။ ပင်လယ်ပြင်သို့ တိုက်ရိုက်မြင်နေသည့် လှေကြမ်းပြင်မှ အပေါက်က ၎င်းတို့အတွက် အိမ်သာဖြစ်သည်။

    ခရီးသည်များတွင် ဆုတောင်းသူများလည်းရှိပြီး စကား တိုးတိုးပြောသူများလည်းရှိသည်။ ၎င်းတို့၏ တိုးတိုးသာသာပြောနေမှုကို လှိုင်းမူး၍ တစ်ခါတစ်ရံ အန်သည့် အခြားသော ခရီသည်များ၏ အသံက လွှမ်းမိုးသွားသည်။

    “သာယာနာပျော်ဖွယ်အသံ မရှိပါဘူး။ ငိုသံချည်းပါပဲ” ဟု အသက် ၄၄ နှစ်အရွယ် ဘင်္ဂလားဒေ့ရ်ှနိုင်ငံသား မိုဟာမက် ကာရှင်မ်က ပြောကြားခဲ့သည်။

    ခရီးစဉ်၏ ၇ ရက်မြောက်နေ့တွင် သင်္ဘော၏ ထိုင်းလူမျိုး ကပ္ပတိန်က လှေကို ပင်လယ်ထဲ၌ ရုတ်တရပ် ရပ်လိုက်သည်ဟု ၎င်းတို့က ပြောသည်။ နောက်နေ့တွင် သေနတ်သမားများက ရှပ်ပြေးယာဉ်ဖြင့် ရောက်လာပြီး သင်္ဘောပေါ် တက်ကာ ရွှေ့ပြောင်းလာသူများထံမှ အဖိုးတန် ပစ္စည်းများကို ဓားပြတိုက်ကြသည်။

    ကပ္ပတိန်နှင့် သင်္ဘောသားများက သေနတ်သမားများနှင့် အတူ ပြေးသွားပြီး စက်လှေအား စွန့်ပစ်သွားခဲ့လေသည်။

    ရန်ခိုင်ပြည်နယ် ကျောက်တော်ခရိုင်မှ ရိုဟင်ဂျာတစ်ဦးဖြစ်သူ အသက် ၂၅ နှစ်အရွယ် မိုဟာမက် ဟာရှင်က အစားအစာ၊ ရေ အနည်းငယ်နှင့် ခနော်ခနဲ့ သစ်သားစက်လှေများဖြင့် ထိုကဲ့သို့ သွားရသည့် အန္တရာယ်က မြန်မာနိုင်ငံတွင် ရှိနေရသည့် အန္တရာယ်နှင့် စာလျှင် တော်သေးသည်ဟု ဆိုသည်။

    “အန္တရာယ်လာမယ် ဆိုတာတော့ ကျွန်တော်တို့ သိပါတယ်။ ဒါပေမယ့် အခြားနည်းလမ်း မရှိဘူးလေ။ ပင်လယ်ပြင်ထက် ပို အန္တရာယ်ရှိတဲ့နိုင်ငံမှာ ကျွန်တော်တို့ နေနေရတာ” ဟု ၎င်းက ပြောကြားခဲ့သည်။

    ၎င်းတို့မှာ ကံကောင်းခဲ့ပြီး နောက် တစ်ရက်အကြာတွင် စက်လှေက အင်ဒိုနီးရှားနိုင်ငံသို့ ရောက်သွားသည်။ ၎င်းတို့ရောက်သည့် အချိန်က လှေများကို ပင်လယ်ပြင်သို့ ပြန်ပို့မည့် ပေါ်လစီ မရှိသေးသည့်အချိန် ဖြစ်သည်။

    ကလေးငယ် ၅၉ ဦး၊ ကိုဝန်ဆောင် ၅ ဦးနှင့်အတူ အမျိုးသမီး ၈၆ ဦးတို့ အပါအ၀င် ခရီးသည် ၅၈၄ ဦးမှာ ကုလသမဂ္ဂ ဒုက္ခသည်များ ဆိုင်ရာ အေဂျင်စီတွင် ဒုက္ခသည်အဖြစ် လျှောက်ထားရန် အခွင့်အရေး ရမည်ဖြစ်သည်။ ထိုလုပ်ငန်းစဉ်က လနှစ်ချီ ကြာလေသည်။ယခု လတ်တလောတွင်တော့ ၎င်းတို့မှာ အာချေးပြည်နယ်ရှိ ပါယာ ဘာတန် အစိုးရအဆောက်အဦးတွင် နေကြရသည်။ ထိုနေရာတွင် ၎င်းတို့မှာ ကွန်ကရစ်ကြမ်းပြင်ပေါ်တွင် အိပ်ကြရသော်လည်း စောင်များရှိပြီး အစားအစာနှင့် ရေလည်း ရှိနေသည်။

    လုံးဝနိုင်ငံမဲ့ဖြစ်နေသော ရိုဟင်ဂျာများက ခိုလှုံခွင့်အတွက် သင့်လျော်သည့် အခွင့်အရေး ရမည်ဖြစ်သည်။ သို့သော်လည်း ထိုအုပ်စုမှ ဘင်္ဂလားဒေ့ရ်ှနိုင်ငံသား ၂၀၈ ဦးကို စီးပွားရေးအရ ပြောင်းရွှေ့လာသူများအဖြစ် မှတ်ယူမည်ဖြစ်ပြီး အင်ဒိုနီးရှားနိုင်ငံတွင် အလုပ်လုပ်ခွင့်ရမည် မဟုတ်ဘဲ နောက်ဆုံးတွင် ပြည်တော်ပြန်ရေးကိုသာ ရွေးချယ်ရမည်ဟု ကုလသမဂ္ဂမှ မစ္စတာ ဆာဗေ့ဂ်ျက ပြောကြားခဲ့သည်။

    အသက် ၃၂ နှစ်အရွယ် ဘင်္ဂလားဒေ့ရ်ှနိုင်ငံသား ဂျာဟန်ဂါ ဟူစိန်က မိမိတို့မှာ ရွေးစရာမရှိဟု ဆိုသည်။ မလေးရှားတွင် အလုပ်ရမည် ဟူသော ကတိဖြင့် အဆိုပါ ခရီးအတွက် ကန်ဒေါ်လာ ၃၂၅၀ ကိုပေးရန် ၎င်း၏ ဖခင်က အိမ်နှင့်လယ်ကို ရောင်းခဲ့ရသည်။

    “ကျွန်တော်တို့ အလုပ်လုပ်လို့မရဘူးလို့ အင်ဒိုနီးရှား အစိုးရကပြောရင် ဒီကလူတွေအားလုံးက “အခြားနိုင်ငံမှာ အလုပ်လုပ်ပါရစေ” လို့ ပြောကြမှာပါ။ ကျွန်တော်တို့နိုင်ငံမှာ ဘာမှမရှိပါဘူး” ဟု သူက ပြောကြားခဲ့လေသည်။

    အနာဂတ်အတွက် မေးမြန်းရာတွင် သူက ၎င်း၏ ပတ်ဝန်းကျင်တွင် စုနေသည့် ရွှေ့ပြောင်းသူများနှင့် မကြာခင်ကမှ ရောက်လာခဲ့သည့် ညစ်ပတ်နေသော ကွန်ကရစ် အဆောက်အဦးကို လက်ဖြင့်ဝှေ့ယမ်းပြ၍ “ဒါဟာ ကျွန်တော့် အနာဂတ်ပါပဲ” ဟု ပြန်လည်ဖြေကြား ခဲ့လေသည်။

    (ယခုဆောင်းပါးကို အက်ဒမန်ပင်လယ်ပြင်တွင်ရောက်နေသည့် နယူးယောက်တိုမ်းစ်မှ သတင်းထောက် သော်မက်စ်ဖူလာ၊ အင်ဒိုနီးရှားနိုင်ငံ ပါယာ ဘာတန်မှ ဂျိုး ကော့ခ်ျရိန်းတို့မှ ရေးသားပြီး ဟောင်ကောင်မှ သတင်းထောက် အော်စတင် ရမ်ဇီက ကူညီပေးသည်။)

    ref: The New York Times Company
    လေးမောင် ဘာသာပြန်ဆိုသည်။