Tag: Roma

သြဂုတ် ၂၁၊ ၂၀၁၅
M-Media

– ယခုနှစ်စီးရီးအေပြိုင်ပွဲမှာ ဂျူဗင်တပ်စ်အသင်းနှင့် ရိုးမားတို့သာ ပါဝင်သည့် နှစ်ကောင်တည်းပြေးသော ပြိုင်ပွဲဖြစ်မည် မဟုတ်တော့ဘဲ မီလန်မြို့ခံ ၂ သင်းမှာ ချန်ပီယံဆုအတွက် စိန်ခေါ်လာမည်ဟု ရိုးမားနည်းပြ ရူဒီဂါစီယာက ပြောကြားလိုက်သည်။

ရိုးမားမှာ ပြီးခဲ့သည့် ၂ နှစ်အတွင်း ဦးဆောင်သူ ဂျူဗီအား စိန်ခေါ်နိုင်သည့် တစ်ခုတည်းသော အသင်းအဖြစ် ရှုမြင်ခံရသော်လည်း ယှဉ်ပြိုင်နိုင်စွမ်းမရှိဘဲ ၂ နှစ်စလုံးတွင် ဂျူဗင်တပ်စ်အသင်းနှင့် ၁၇ မှတ်အကွာဖြင့် ဒုတိယနေရာသာ ရရှိခဲ့သည်။

ပြီးခဲ့သည့်နှစ်တွင် မီလန်မြို့ခံနှစ်သင်းဖြစ်သည့် အင်တာမီလန်နှင့် အေစီမီလန်အသင်းတို့မှာ အဆင့် ၈ နှင့် အဆင့် ၁၀ နေရာတွင် အသီးသီးရပ်တည်ခဲ့ပြီး ဥရောပ၀င်ခွင့်ပင် ဆုံးရှုံးခဲ့သည်။ သို့သော်လည်း နှစ်သင်းစလုံးမှာ ၎င်းတို့၏ လူစာရင်းအတွက် ကြီးကြီးမားမား ရင်းနှီးမြှုပ်နှံမှုများ ပြုလုပ်ခဲ့ပြီး ယခုနှစ်တွင် ပိုမိုတိုးတက်လာရန် မျှော်လင့်နေသည်။

ဂါစီယာကလည်း ထိုနှစ်သင်းသို့ ရောက်ရှိလာကြသည့် ကစားသမားအသစ်များကြောင့် မိမိတို့အသင်းအတွက် ဖိအားများကို တိုးလာစေမည်ဖြစ်ပြီး၊ နာပိုလီအသင်းကို လျော့တွက်၍မရဟု ပြောကြားခဲ့သည်။

“တော်တော်လေးရှုပ်ထွေးမယ့်ရာသီပါ။ ပြီးခဲ့တဲ့နှစ်ကစာရင်လည်း ပိုပြီး အကြိတ်အနယ် ရှိလာပါလိမ့်မယ်။ ရိုးမားနဲ့ ဂျူဗင်တပ်စ်တို့သာ မဟုတ်တော့ပါဘူး။ စိတ်ဝင်စားစရာကောင်းတဲ့အသင်းတွေ ရှိနေပါပြီ။ ဥပမာအားဖြင့် မီလန်နှစ်သင်းပေါ့ဗျာ။ ကျွန်တော် အီတလီကို စရောက်တုန်းက စကူဒက်တို (စီးရီးအေဖလား) ကနေ အင်တာနဲ့ မီလန်တို့ဟာ တော်တော်ဝေးဝေးကျန်ခဲ့တာကို ကျွန်တော် အံ့အားသင့်ခဲ့ရပါတယ်။ အခုတော့ သူတို့ ပြန်လာပါပြီ။ ပြီးတော့ နာပိုလီလည်း ရှိပါသေးတယ်။ သူတို့ဟာ အမြဲတမ်း တိုက်စစ်ကောင်းပြီး
ကစားသမားကောင်းအချို့ကိုလည်း ထပ်ခေါ်ထားပါတယ်” ဟု ဂါစီယာက Corriere dello Sport သို့ ပြောကြားခဲ့သည်။

ထို့ပြင် ဂါစီယာက အသင်းခေါင်းဆောင်တော့တီမှာ စံထားလောက်စရာ ပရော်ဖက်ရှယ်ပီသသူတစ်ဦး ဖြစ်သည်ဟု ချီးကျူးခဲ့သည်။ ပီအက်စ်ဂျီတိုက်စစ်မှူး အီဗရာဟီမိုဗစ် အေစီမီလန်သို့ ပြန်လည်ရောက်ရှိတော့မည်ဟု သတင်းများ ထွက်ပေါ်နေခြင်းနှင့် ပတ်သက်၍လည်း ဂါစီယာက အီဗရာဟီမိုဗစ်မှာ ပီအက်စ်ဂျီမှ ထွက်ခွာမည်မဟုတ်ဟု ထည့်သွင်းပြောကြားခဲ့သည်။

Ref : Goal

သြဂုတ် ၇၊ ၂၀၁၅
M-Media

– ယခုနှစ် စီးရီးအေချန်ပီယံဘွဲ့ကို စိန်ခေါ်ရန် ပြင်ဆင်နေသည့် ရိုးမားအသင်းမှာ ချယ်ဆီးတိုက်စစ်မှူး မိုဟာမက် ဆာလာဟ်နှင့် မန်စီးတီးတိုက်စစ်မှူး အက်ဒင် ဇက်ကိုတို့ကို ခေါ်ယူလိုက်ပြီဟု သိရသည်။

ဘော့စနီးယား-ဟာဇိဂိုဗီနာတိုက်စစ်မှူး ဇက်ကိုမှာ အဂူရို၏နောက် ဒုတိယနေရာတွင်သာ ရှိနေသောကြောင့် မန်စီးတီးအသင်းမှ ထွက်ခွာတော့မည်ဟု သတင်းများ ထွက်ပေါ်နေသည်မှာ ကြာမြင့်နေပြီဖြစ်သည်။ ရိုးမားကမူ ပြီးခဲ့သည့် ဇူလိုင်လမှစ၍ ဇက်ကိုအား ခေါ်ယူရန် ဆက်သွယ်ခဲ့ခြင်းဖြစ်ပြီး လကုန်ပိုင်းတွင် သဘောတူညီချက် ရရှိခဲ့သည်။

ထို့နောက် ဇက်ကိုမှာ ရောမသို့ ရောက်ရှိလာခဲ့ပြီဟု ရိုးမားအသင်းက ၎င်းတို့၏ Twitter စာမျက်နှာမှတစ်ဆင့် ယမန်နေ့က ကြေညာခဲ့သည်။

ဇက်ကိုအပြင် ရိုးမားမှာ ချယ်ဆီးအသင်းတွင် နေရာမရသည့် အီဂျစ်တိုက်စစ်မှူး ဆာလာဟ်ကိုလည်း အငှားဖြင့် ခေါ်ယူခဲ့သည်။ ဆာလာဟ်မှာ ပြီးခဲ့သည့်နှစ် ဒုတိယရာသီဝက်ကို ဖီအိုရင်တီးနားအသင်းတွင် ကုန်ဆုံးခဲ့ပြီး ခြေစွမ်းကောင်းများကို ပြသခဲ့သည်။

ယခု အငှားဖြင့် ခေါ်ယူမှုတွင် ၂၀၁၅-၁၆ ဘောလုံးရာသီကုန်လျှင် အပြီးသတ်ခေါ်ယူရန် ခြွင်းချက်တစ်ခုလည်း ပါဝင်ခဲ့သည်။ ဖီအိုရင်တီးနားကမူ ရိုးမား၏ ထိုခေါ်ယူမှုအတွက် ဥပဒေကြောင်းအရ ရင်ဆိုင်ရန် စီစဉ်နေပြီး ဆာလာဟ်၏ အေးဂျင့်ဖြစ်သူကမူ ၎င်း၏ ကစားသမားမှာ ချယ်ဆီးသို့ လွတ်လပ်စွာ ပြန်ခွင့်ရှိပြီး ၎င်း၏အနာဂတ်ကိုလည်း လွတ်လပ်စွာ ရွေးချယ်ခွင့်ရှိသည်ဟု ပြောကြားခဲ့သည်။

Ref: Goal

ဇူလိုင် ၂၆၊ ၂၀၁၅
M-Media

– ဗီဇာနှင့်ပတ်သက်၍ စာရွက်စာတမ်းအထောက်အထား ပြဿနာများကြောင့် နာမည်ကြီးကစားသမား ဂါဗင်ဟို အပါအ၀င် ရိုးမားကစားသမား ၅ ဦးကို အင်ဒိုနီးရှားက ပြည်ဝင်ခွင့်မပေးခဲ့ဟု သိရသည်။

သြစတေးလျတွင် ပြုလုပ်ခဲ့သည့် International Champions Cup ပြီးနောက် အင်ဒိုနီးရှားသို့ ရာသီကြို ခြေစမ်းပွဲများကစားရန် သောကြာနေ့မနက်က ရိုးမားအသင်း ရောက်ရှိလာစဉ် ကစားသမား ငါးဦးမှာ ထိုကဲ့သို့ ပြည်ဝင်ခွင့် ပိတ်ပင်ခံခဲ့ရကာ ရောမသို့ ပြန်ခဲ့ရသည်။

ထိုကစားသမားများမှာ အသင်း၏ အားထားရသည့် တောင်ပံကစားသမား ဂါဗင်ဟို၊ ဆေဒူ ဒမ်ဘီယာ၊ ဗစ်တာအီဘာဒို၊ အဒင်းမ် အလ်ဂျာဂျစ်နှင့် အန်တိုနီယို ဆာနာဘရီယာတို့ဖြစ်ကြပြီး နိုင်ငံအတွင်းသို့ ၀င်ရောက်ရန် လုံလောက်သည့် ဗီဇာလိုအပ်ချက် မပြည့်မီသည့်အတွက် ဖြစ်သည်။

“အင်ဒိုနီးရှားကို ရောက်ရှိခဲ့တဲ့အတွက် ဂုဏ်ယူစရာပါပဲ။ ဒါပေမယ့် ကျွန်တော်တို့ရဲ့ နှောင့်နှေးကြန့်ကြာမှုအတွက် တောင်းပါတယ်။ ကျွန်တော်တို့ ကံမကောင်းစရာအခြေအနေကို လေဆိပ်မှာ ကြုံတွေ့ခဲ့ရပြီး ကစားသမား ၅ ဦးကို နိုင်ငံအတွင်း ၀င်ခွင့်မပေးတာကြောင့်
တော်တော်လေး စိတ်ပျက်ရပါတယ်” ဟု ရိုးမားအသင်း၏ စီအီးအိုဖြစ်သူ အီတာလို ဇန်ဖီက သတင်းထောက်များအား ပြောကြားခဲ့သည်။

သို့သော်လည်း မိမိတို့အနေဖြင့် AS Roma Indonesia Day 2015 ကို စီစဉ်သွားမည်ဖြစ်ကြောင်း၊ တစ်သင်းလုံး ရောက်ရှိနေကာ အရေးအကြီးဆုံးမှာ အင်ဒိုနီးရှားရှိ ရိုးမားပရိတ်သတ်များအတွက် ဖြစ်ကြောင်း ၎င်းက ထပ်လောင်းပြောကြားခဲ့သည်။

ရိုးမားအသင်းမှာ အသင်းရှိ လူစာရင်းမှ ၂ သင်းခွဲကာ အင်ဒိုရှိ ပရိတ်သတ်များအတွက် ယမန်နေ့တွင် သရုပ်ပြပွဲ ကစားခဲ့သည်။

Ref: Goal