News @ M-Media

Tag: Rwandan_Genocide

  • ရ၀မ်ဒါလူမျိုးတုန်း သတ်ဖြတ်မှုအား မတားမြစ်နိုင်ခဲ့သည့် အတွက် ရှက်မိသည်ဟု ဘန်ကီမွန်ဆို

    ရ၀မ်ဒါလူမျိုးတုန်း သတ်ဖြတ်မှုအား မတားမြစ်နိုင်ခဲ့သည့် အတွက် ရှက်မိသည်ဟု ဘန်ကီမွန်ဆို

    ဧပြီ ၈ ၊ ၂၀၁၄
    M-Media

    – ၁၉၉၄ ခုနှစ်က ရ၀မ်ဒါနိုင်ငံတွင်ဖြစ်ပွားခဲ့သည့် လူမျိူးတုန်း သတ်ဖြတ်မှုအား ဟန့်တားရန် ပျက်ကွက်ခဲ့မှုအတွက် ကုလသမဂ္ဂမှ ရှက်ရွံ့မိသည်ဟု ကုလအထွေထွေအတွင်းရေးမှူးချုပ် ဘန်ကီမွန်က ပြောကြားခဲ့သည်။

    ယမန်နေ့က ရ၀မ်ဒါနိုင်ငံမြို့တော် ကီဂါလီတွင် ပြုလုပ်ခဲ့သည့် လူမျိုးတုန်းသတ်ဖြတ်မှု နှစ် ၂၀ ပြည့် အောက်မေ့ဖွယ်အခမ်းအနားတွင် ဘန်ကီမွန်က ထိုကဲ့သို့ ပြောကြားခဲ့ခြင်းဖြစ်ပြီး အချိန်မီ ဟန့်တားနိုင်ခြင်းမရှိခဲ့သည့် အတွက် နိုင်ငံတကာအသိုင်းအ၀ိုင်းကိုလည်း ပြစ်တင်ပြောဆိုခဲ့သည်။

    “ကျွန်တို့ဒီ ဒီထက်ပိုပြီး လုပ်နိုင်ခဲ့ရမှာဖြစ်ပြီး၊ ဒီထက်ပိုပြီးလည်း လုပ်နိုင်ခဲ့သင့်ပါတယ်။ ရ၀မ်ဒါမှာ စစ်တပ်တွေ အများဆုံးလိုအပ်နေတဲ့အချိန်မှာ (ကုလတပ်တွေကို) ရုပ်သိမ်းခဲ့တာပါ” ဟု ဆိုပြီး၊ အဆိုပါ လူမျိုးတုန်း သတ်ဖြတ်မှုမှာ လူ့သမိုင်းတွင် အမှောင်မိုက်ဆုံး စာမျက်နှာ တစ်ခုပင်ဖြစ်သည်ဟု ထည့်သွင်းပြောကြားခဲ့သည်။

    ဘန်ကီမွန်မှာ ရ၀မ်ဒါ သမ္မတ ပေါလ် ကာဂိမ်းနှင့်အတူ ၀မ်းနည်းခြင်းအထိမ်းအမှတ် ဖယောင်းတိုင်ထွန်းညှိခဲ့ပြီး ထိုဖယောင်းတိုင်အား ရက်ပေါင်း ၁၀၀ အထိ ထွန်းညှိထားမည်ဖြစ်သည်။

    ထိုအခမ်းအနားသို့ အာဖရိကနိုင်ငံများမှ ခေါင်းဆောင်များနှင့် တာဝန်ရှိသူများလည်း တက်ရောက်ခဲ့ကြပြီး လူမျိုးတုန်းသတ်ဖြတ်မှုတွင် ပါဝင်သည်ဟု ရ၀မ်ဒါသမ္မတက စွပ်စွဲပြောဆိုထားခြင်းကြောင့် ပြစ်သစ်နိုင်ငံကမူ အခမ်းအနားသို့ တက်ရောက်ခဲ့ခြင်းမရှိပေ။

    ဟူတူလူမျိုးများက တွတ်ဆီလူမျိုများအား လူမျိုးတုန်းသတ်ဖြတ်ခဲ့သည့် အဆိုပါ ကြောက်မက်ဖွယ်ဖြစ်ရပ်ကြီးအား အနောက်နိုင်ငံများနှင့် အခြားသောနိုင်ငံများက လုံလောက်အောင် ဟန့်တားခြင်းမရှိဘဲ ပြင်သစ်နှင့် ဘယ်လ်ဂျီယံတို့မှာ ထိုသတ်ဖြတ်မှုတွင် အဓိက အခန်းကဏ္ဍမှ ပါဝင်သည်ဟု ရ၀မ်ဒါနိုင်ငံက စွပ်စွဲထားသည်။

    ၁၉၉၄ ခုနှစ် ဧပြီလ ၇ ရက်နေ့က စတင်ဖြစ်ပွားခဲ့သည့် အဆိုပါလူမျိုးတုန်း သတ်ဖြတ်မှုကြီးမှာ ရက်ပေါင်း ၁၀၀ နီးပါး ကြာမြင့်ခဲ့ပြီး တွတ်ဆီနှင့် ဟူတူလူမျိုးစုစုပေါင်း ၅ သိန်းမှ ၁ သန်းကြား သေဆုံးခဲ့ရသည်။

    ဓါတ်ပုံ အညွှန်း -အခမ်းအနား တက်ရောက်လာသူများမှာ ကိုယ်တွေ့ကြုံတွေ့ခဲ့ရသည့် ဖြစ်ရပ်ဆိုးများ ပြန်လည်အောက်မေ့သတိရမိ၍ စိတ်ထိခိုက်သူ အမျိုးသမီး (Photo-AFP)

    CAH/HSN/HRB

  • ရ၀မ်ဒါမျိုးဖြုတ် သုတ်သင်မှုနှင့် ဆင်တူနေသည့် မြန်မာပြည် (ဘာသာပြန် ဆောင်းပါး)

    ဇွန်-၂၊၂၀၁၃
    ဘာသာပြန်-သာကီထက်ကောင်း

    မျိုးဖြုတ်သုတ်သင်ခြင်း၏ရှေ့ပြေးလက္ခဏာများဖြစ်သော လူမျိုးစုသန့်စင်ဖယ်ရှားရေးနှင့်  လူသားဖြစ်မှုကိုဆန့် ကျင် ကျူးလွန်သည့်ပြစ်မှုများမှာ မြန်မာနိုင်ငံတွင် ပေါ်လွင် ထင်ရှားလျက်ရှိသည်။ သို့ သော် မြန်မာအများစုက ငြင်းဆန်ပယ်ချနေဆဲ။

    49
    လားရှိုးအကြမ်းဖက်မှု

    လူ့အခွင့်အရေး လှုပ်ရှားသူများလည်း ၄င်းတို့အထဲပါဝင်နေသည်။ Human Rights Education Institute of Burma (HREIB) ၏ ဒါရိုက်တာ ဦးအောင်မျိုးမင်း က လွန်ခဲ့သောလ အတွင်း ထုတ်ပြန်သည့် လူ့အခွင့်အရေးစောင့်ကြည့်မှု အဖွဲ့ Human Rights Watch ၏ ရခိုင်အကြမ်းဖက်မှုအစီရင်ခံစာ၌ ပါဝင်သော      လူမျိုးစုသန့်စင်ဖယ်ရှားရေး (“ethnic cleansing”) ဟူသည့် အသုံးအနှုန်းကို လက်မခံနိုင်ကြောင်း ဆိုသည်။

    ထိုအသုံးအနှုန်းကို ကန့်ကွက်ငြင်းဆိုခြင်း (၀ါ) HRW အစီရင်ခံစာကို သွယ်ဝိုက်ငြင်းဆိုခြင်း သည် ရိုဟင်ဂျာများအပေါ် ကြီးမားသောချိုးဖောက်မှုများ၊ စိတ်တိုင်းကျ အစုလိုက် အပြုံလိုက် သတ်ဖြတ်နေနိုင်သည့် အခြေအနေများရှိနိုင်သည်ဆိုသည့်အချက်ကို ဖုံးကွယ်ပေးလိုက်ခြင်း ဖြစ်သည်။ ဤသို့ ဖြင့် ရာဇ၀တ်သားတို့ကို ကာကွယ်ပေးရာရောက်စေသည့် အပြင် ကျူးလွန်ဖောက်ဖျက်မှုများကို စုံစမ်း စစ်ဆေးရန်နှင့် ကာကွယ်သင့် ကာကွယ်ထိုက်သည်များကို ပြင်ဆင်ရန်လိုအပ်ပြီဟူသော သတိပေးချက်ကို ကြိုတင် ပိတ်ဆို့ လိုက်ခြင်းသာဖြစ်သည်။

    ကြီးမားသောချိုးဖောက်မှုများထင်ရှားနေပါလျက် ဆိတ်ဆိတ်နေခြင်းက လူမိုက်အားပေးအ ဆိပ်ပင်ရေလောင်းခြင်းဖြစ်သည်။

    ဂျီနိုဆိုဒ် သည်  “ဖြစ်ရပ်”ချည်းမဟုတ်၊ လှုပ်ရှားမှု “ဖြစ်စဉ်” ဖြစ်

    မြန်မာပြည်သူများသည် “လူမျိုးစုသန်စင်ဖယ်ရှားရေး” နှင့် “မျိုးဖြုတ်သုတ်သင်မှု” ကို ရောထွေးကာ အတူတူဟုပင် ထင်မြင်ကြသည်။ ဤမျှမက မျိုးဖြတ်သုတ်သင်မှုသည် ရုတ်ခြည်း ပွင့်အံဖြစ်ပေါ်သော၊ လူထောင်ပေါင်းများစွာ တချိန်တည်း အသတ်ခံရသော ဖြစ်ရပ်ဟုအမြင်မှားကြသည်။

    ယင်းသို့အမြင်မှားစေခြင်းကြောင့် မြန်မာလူမျိုးများစွာတို့မှာ မိမိတို့တိုင်းပြည်၌ မျိုးဖြုတ်သုတ် သင်မှု မရှိဟု ယူဆသွားစေသည်။ သို့ ရှိရာ အစုလိုက်အပြုံလိုက် သတ်ဖြတ်မှုဖြစ်လာအောင် လှုပ်ရှားနေသည့် “ဖြစ်စဉ်” ကို အလေးမပြုတော့ပေ။

    တနည်းဆိုရသော် မျိုးဖြုတ်သုတ်သင်ရေး (genocide) ဆိုသည်မှာ ရုတ်တရက်ထဖြစ်သော၊ တချိန်တည်းထောင်ပေါင်းများစွာအသတ်ခံရသော “ဖြစ်ရပ်”(outbreak) မဟုတ်။ လူပေါင်းများစွာကို သတ်နိုင်သည့် အခြေအနေ ရရှိလာအောင် အချိန်တစုံတရာယူကာ ဖန်တီးသော လှုပ်ရှားမှု “ဖြစ်စဉ်” ဖြစ်သည်။

    သို့သော် အပြည်ပြည်ဆိုင်ရာအဓိပ္ပာယ်ဖွင့်ဆိုချက်မှာတော့ သတ်ခြင်းထက် ပို၍ ကျယ်ဝန်းသည်။ လူမျိုးနွယ်တစ်ရပ် သို့မဟုတ် လူမျိုးတစ်မျိုး သို့မဟုတ် ဘာသာရေးအုပ်စုတစ်စုအား တမင်ရည်ရွယ်ချက်ဖြင့် ဖျက်ဆီးလုပ်ဆောင်ခြင်းက မျိုးဖြုတ်သုတ်သင်မှု – Genocide ကျူးလွန်ခြင်း အထမြောက်သည်ဟု 1948 Genocide Convention မှ သတ်မှတ်ထားသည်။ ယင်းဖွင့်ဆိုချက်တွင် ရုပ်ပိုင်းဆိုင်ရာဖြစ်စေ စိတ်ပိုင်းဆိုင်ရာဖြစ်စေ ထိခိုက်နစ်နာစေခြင်း၊ မွေးဖွားမှုကို တားဆီးထိန်းချုပ်ခြင်း၊ အုပ်စုတစ်စု၏တည်ရှိမှုကို ပျက်စီးစေရန် ကလေးငယ်များအား ရွှေ့ပြောင်းခြင်း စသည်တို့လည်း ပါဝင်နေ၏။

    3
    ဥက္ကံ

    ဧပြီလ ၂၉ ရက်တွင်ထုတ်ပြန်သော အစိုးရ လက်အောက်ခံ ရခိုင်ပဋိပက္ခစုံစမ်းရေးကော်မရှင် အစီရင်ခံစာသည်ပင်လျှင် အထက်ပါဖွင့်ဆိုချက်များအရ မျိုးဖြုတ်သုတ်သင်မှု၏ အစိတ်အပိုင်းပုံဟန် တစ်ရပ်အဖြစ် ယူဆသုံးသပ်၍ ရနေသည်။ အစီရင်ခံစာပါ ပျက်လိုဖျက်ဆီးဖြစ်စေသည့်မှတ်ချက်များစွာအနက်တစ်ခုမှာ ရိုဟင်ဂျာ အမျိုးသမီးများ အကြား မွေးဖွားနှုန်းကို တိုးမြှင့်ကန့်သတ် ထိန်းချုပ်ထားချက်ပင် ဖြစ်သည်။ တမင်ရည်ရွယ်ကြံဆောင်သည်ဖြစ်စေ မရည်ရွယ်သည်ဖြစ်စေ ရိုဟင်ဂျာတို့ ၏ မွေးဖွားနှုန်းများရသည့် အခြေအနေကို ဘက်ပေါင်းစုံမှမကြည့်ပဲ မွေးဖွားနှုန်းထိန်းချုပ်စေခြင်းသည် မျိုးဖြုတ်သုတ်သင်မှုစာရင်းဝင်နေပါတော့သည်။

    ရ၀မ်ဒါနှင့် ဆင်တူနေသည့် မြန်မာပြည်

    မြို့ကြီးမြို့ငယ်များတွင်လည်း အကြမ်းဖက်ခြင်းများ၊ လူ့မြင်ကွင်း၌သတ်ဖြတ်နေမှုများကို မယုံကြည်နိုင်အောင် တွေ့နေရသည်။ ဤသည်မှာ ၁၉၉၄ ခုနှစ်၊ ရ၀မ်ဒါနိုင်ငံ၌ ရက်ပေါင်း ၁၀၀ အတွင်း လူပေါင်း ၈ သိန်းကျော် သတ်ဖြတ်သည့် ဖြစ်ရပ် အလားသဏ္ဍာန်မျိုးဖြစ်နေသည်။ ယင်းသတ်ဖြတ်ခံရသူအများစုမှာ တွတ်စီ လူနည်းစုဝင်များ ဖြစ်ကြသည်။ ရ၀မ်ဒါ၏ မျိုးဖြုတ်သုတ်သင်မှုသည်လည်း ရုတ်ခြည်းပွင့်အံခဲ့ခြင်းမျိုးမဟုတ်။ တစ်အုံတစ်ကျင်း အပြည့်အ၀စိတ်တိုင်းကျသတ်ဖြတ်မှုအနေအထားဖြစ်ပေါ်လာစေအောင် နှစ်များစွာကတည်းက ၊ အထူးသဖြင့် ၁၉၉၄ ခုနှစ်၊ ဧပြီလမတိုင်မီ လပေါင်း ၄၀ ကတည်းက  ကြိုတင်စီမံထားခဲ့ခြင်းဖြစ်သည်။

    Aiding Violence စာအုပ်ရေးသားသူ ကုလသမဂ္ဂအရာရှိဟောင်း Peter Uvin မှ ဤဖြစ်ရပ်ကို ရှင်းပြထားသည်။ တုန်လှုပ်ဖွယ်ရာများမှာ အဖြစ်အပျက်များသာမဟုတ်၊ မျိုးဖြုတ် သုတ်သင်မှု၏ လက္ခဏာများအား လျစ်လျူရှုခဲ့ခြင်းသည် အကြီးအကျယ် တုန်လှုပ်ဖွယ်ကောင်းသည်။ ယင်းနိမိတ်လက္ခဏာများကို ယခုအခါ မြန်မာနိုင်ငံ၌ ရှင်းလင်းပြတ်သားစွာ တွေ့မြင်လာရသည်။ မြန်မာနိုင်ငံသည် ရ၀မ်ဒါကဲ့သို့ မလွဲမသွေဖြစ်လာလိမ့်မည်ဟု မဆိုလိုသော်လည်း   ၁၉၉၄ ခုနှစ်၊ ဧပြီလမတိုင်မှီ ရ၀မ်ဒါရှိ နိမိတ်လက္ခဏာများကို ယနေ့မြန်မာနိုင်ငံတွင် စစ်ဆေးတွေ့ရှိနေရသည်။

    by Sithu Lwin  1
    မိတ္ထီလာ

    ရ၀မ်ဒါနှင့်မြန်မာ – နိုင်ငံတကာဆက်ဆံရေး

    ၁၉၉၄ ခုနှစ်၊ ဧပြီလ မတိုင်မီက ဟူတူးလူမျိုးစုကြီးစိုးသော ရ၀မ်ဒါအစိုးရကို နိုင်ငံတော်တိုးတက်စေရေး အတွက် နိုင်ငံတကာအသိုင်းအ၀ိုင်းမှ ငွေကြေး အထောက်အပံ့များစွာဖြင့် ဂုဏ်ပြုအားပေးခဲ့သည်။ မည်သည့် အတွက်ကြောင့် ချီးမြှင့်ကူညီကြပါသနည်း ? စီးပွားရေးပြုပြင်ပြောင်းလဲမှု ဟူသောအကြောင်းရပ်ကြောင့် ဖြစ်သည်။ သန်းနှင့်ချီသော ဒေါ်လာ လှိုင်းလုံးတို့သည် နိုင်ငံတွင်းသို့ အတောမသတ် စီးဝင်လာကြသည်။ ရ၀မ်ဒါအစိုးရက ယင်းဖွံ့ဖြိုးရေး အထောက် အကူပြု နိုင်ငံခြား ကူညီထောက်ပံ့ငွေများ အပေါ် အပြည့်အ၀ ချုပ်ကိုင်ထားခဲ့ကြသည်။ ၈၀ % နှုန်းအထက်မှာ အစိုးရပိုင်းသို့ ရောက်ရှိသွားပြီး ကျန်ငွေများ သုံးစွဲရန် အစိုးရ ထောက်ခံချက်ပါရသည်။ ဥပမာအားဖြင့် ယင်းသို့အသားတင်အမြတ်ထုတ်နေခြင်းအပေါ် အမေရိကန်က ပြစ်တင်ရှုတ်ချမှု မပြုသည့်အပြင် စစ်တပ်ဆက်ဆံရေး၊ စစ်ရေးကူညီရေးတို့ ကိုပင် မလျော့ချခဲ့။

    လက်ရှိတွင် မြန်မာနိုင်ငံနှင့် နိုင်ငံတကာ ပတ်သက်မှုလက်ရှိအနေအထား၊ ထောက်ပံ့ငွေများ စီးဝင်နေမှု၊  International Crisis Group မှ သမ္မတဦးသိန်းစိန်အား ဆုချီးမြှင့်မှု၊ အမေရိကန်၏စစ်ရေးအရပါဝင်လာမှုတို့ မှာ ရ၀မ်ဒါ နှင့် မြန်မာနိုင်ငံ ထပ်တူနီးပါး ဖြစ်နေသည်။

    ရ၀မ်ဒါ၌ US ၊ EU ၊ ကမ္ဘာ့ဘဏ်၊ နိုင်ငံအတွင်းအပြင်အလှူရှင်များ၊ အပြည်ပြည်ဆိုင်ရာအဖွဲ့အစည်းများအားလုံးသည် လူထုနှင့်ပူးပေါင်းဆောင်ရွက်မှုကိုဖယ်ခွာ၍ အစိုးရနှင့်သာ တိုက်ရိုက်ပတ်သက်ဆောင်ရွက်ခဲ့ကြသည်။ အစီအမံပရိုဂရမ်များမှာ အစိုးရ၏အားကောင်းရေးအတွက်သာ ဆင်ယင်ခံရသည်။ အစိုးရပိုင်းကလည်း မျိုးဖြုတ်သုတ်သင်ရေးကိစ္စကို ဌာနဆိုင်ရာအစည်းအဝေးများတွင် ပြောင်ပြောင်တင်းတင်း ဆွေးနွေးစီစဉ်ခဲ့ကြသည်။ သို့ သော် ဒလဟောတိုးဝင်လာသော နိုင်ငံတကာလှူဒါန်းပံ့ပိုးငွေများမှာမူ အစိုးရကို ပိုမိုခိုင်မာအားကောင်းအောင် အဆုံးစွန်ထိ ကူညီရာရောက်သွားခဲ့သည်။ အစိုးရပိုင်းကလည်း သစ်ခုတ်ဓားကဲ့သို့လူသတ်လက်နက်ပေါင်း ၅၈၁,၀၀၀ ကို တရုတ်ပြည်မှ ၀ယ်ယူတင်သွင်းသည်။ ဗြိတိသျှ ဂျာနယ်လစ် Linda Melvern ၏အဆိုအရ ၁၉၉၀ ခုနှစ်တွင် ဒေါ်လာ ၂၆ သန်း တန်ကြေးရှိလက်နက်အရောင်းအ၀ယ်တစ် ရပ်ကို အီဂျစ်၌ လက်မှတ်ရေးထိုးခဲ့သည်။

    ၄င်းနောက် တူစီလူမျိုးတို့အပေါ်မုန်းတီးဆန့်ကျင်ရေးကို နိုင်ငံပိုင်ရေဒီယိုများမှ ထင်သာမြင်သာစွာ ကြေငြာထုတ်လွှင့်ကြသည်။  နိုင်ငံတကာအသိုင်းအ၀ိုင်းက တုန့်ပြန်ရန်ပျက်ကွက်ခဲ့သည်သာမက အစိုးရ၏ပြုပြင်ပြောင်းလဲရေးပုံရိပ်ကိုပင်လျှင် အကောင်းမြင်ပုံစံဖြင့် ဆက်လက်ရုပ်လုံးဖော်ပေးနေခဲ့ကြသည်။ လက်ရှိ မြန်မာပြည်အနေအထားကဲ့သို့ ဖြစ်သည်။ ထိုအချိန်တွင်း ထောင်နှင့်ချီသော တူစီလူမျိုးများ ရက်စက်စွာ လက်စတုန်းခံလိုက်ရပြီဖြစ်၏။

    A body is seen on a street in Meikhtila 21 match
    မိတ္ထီလာ

    ရ၀မ်ဒါနှင့်မြန်မာ – လူ့ အခွင့်အရေးအစီရင်ခံစာများ

    ရ၀မ်ဒါ၌ ဖြစ်ပျက်နေမှုကို နိုင်ငံတကာအသိုင်းအ၀ိုင်းအကြား သြဇာထွားသူများ မည်ရွေ့မည်မျှ သိမသိကို အတိအကျမသိနိုင်သော်လည်း  ၁၉၉၃ ခုနှစ်တွင် NGO အဖွဲ့ကြီးလေးဖွဲ့မှလည်း ကောင်း၊ ကုလသမဂ္ဂအထူးကိုယ်စားလှယ်ထံမှ လည်းကောင်း အစီရင်ခံစာတစ်စောင်စီ ထွက်ပေါ်ခဲ့သည်။ ၄င်းတို့၌ တအုံတကျင်းလက်နက်ဖြန့်ဝေနေမှု၊ တူစီဆန့်ကျင်ရေး အစွန်းရောက်နေမှု၊ အစိုးရမှကျောထောက်နောက်ခံပြု၍ တူစီတို့အား အဓိကဦးတည်သတ်ဖြတ်နေမှု များကို အသေးစိပ် ဖော်ပြထားသည်။ သို့သော် မည်သူတစ်ဦးမျှ မတုန့်ပြန် အရေးမယူခဲ့ကြချေ။

    မြန်မာနိုင်ငံနှင့်ဆင်တူသည်မှာ ကုလသမဂ္ဂသံတမန်များဖြစ်သော မစ္စတာ သောမတ်စ် ကင်တားနား နှင့် မစ္စတာ ဗီဂျေးနမ်ဘီးယား တို့၏ ထုတ်ပြန်ပြောဆိုချက်အပြင် လူ့အခွင့်အရေးစောင့်ကြည့်လေ့လာမှု အဖွဲ့ HRW ၏ အစီရင်ခံစာလည်း မကြာသေးမီက ထွက်ရှိလာသည်။ ၄င်းတို့၌ ရိုဟင်ဂျာ လူမျိုးစုအား ဆန့်ကျင်အကြမ်းဖက်မှုများ ကျယ်ပြန့်ကြီးထွားလာသည့်အကြောင်း၊ အစီအစဉ်ရှိရှိအကွက်ချ၍ အစုလိုက်အပြုံလိုက်သတ်ဖြတ်ခြင်းအကြောင်းကို အနုစိပ် ဖော်ပြထား၏။ မြန်မာနိုင်ငံအလယ်ပိုင်းတစ်ခွင် မွတ်စ်လင်မ်ဆန့်ကျင်ရေးအကြမ်းဖက်မှုကြီး၌ နိုင်ငံတော်၏ပါဝင်ပတ်သက်နေမှုအထောက်အထား အခိုင်အလုံရရှိထားကြောင်း မစ္စတာကင်တားနားမှ ဖော်ပြခဲ့သလို၊ မစ္စတာ နမ်ဘီးယားမှလည်း အကြမ်းဖက်မှုမှာ လူမဆန်အောင် ရက်စက်ကြမ်းကြုတ်လှကြောင်း ထုတ်ဖော်ပြောကြားခဲ့၏။

    ဆက်၍ဆိုရပါလျှင် UN ငြိမ်းချမ်းရေး ထိန်းသိမ်းမှုအကြီးအကဲ ဗိုလ်ချုပ် Romeo Dallaire  က ရ၀မ်ဒါတွင် ပြင်းထန်သော မျိုးဖြုတ်သုတ်သင်မှုအကြောင်းကို အထူးအစီရင်ခံခဲ့သော်လည်း လျစ်လျူရှုခံခဲ့ရသည်။

    CIA သုတေသနဌာနမှ သန်းတစ်ဝက်ခန့် လူအသေအပျောက် ရှိနိုင်သည်ဟု ၁၉၉၄ ခုနှစ် ဇန္န၀ါရီလ၌ ခန့်မှန်းသုံးသပ်ခဲ့ကြောင်း၊ ဖေဖော်ဝါရီလ၌ အစုလိုက်အပြုံလိုက် သတ်ဖြတ်နေသည်ဟု ဘယ်လ်ဂျီယံမှ သုံးသပ်ကြောင်း၊ ပြင်သစ်သည်လည်း အလားတူသိရှိခဲ့ကြောင်း၊ သို့ရာတွင် ဧပြီလနှောင်းပိုင်းအထိ ၄င်းတို့သည် မည်သည့် တုန့်ပြန်ဆောင်ရွက်မှု မရှိခဲ့ကြောင်း HRW ၏ အစီရင်ခံစာတစ်စောင်က ထောက်ပြထား၏။

    နှုတ်ဆိတ်နေမှုများ

    ရ၀မ်ဒါရှိ နိုင်ငံတကာ ဖွံ့ဖြိုးရေး ကူညီမှုအဖွဲ့ များမှ နိုင်ငံခြားသား ၀န်ထမ်းတို့သည်လည်း နှိပ်စက်စော်ကားခြင်းများ၊ သတ်ဖြတ်ခြင်းများကို ကောင်းစွာ သိရှိနေခဲ့၏။ သို့သော် ၄င်းတို့သည် အမျိုးမျိုးသော ပုဂ္ဂိုလ်ရေးနှင့် အဖွဲ့အစည်း အကျိုးကြောင့် တစ်ခွန်းတစ်ပါဒမျှ မပြောဆိုခဲ့ကြ။ ဧရာမအကြမ်းဖက်မှုအဆင့်သို့ မရောက်သည့် အလား ရေငုံနှုတ်ပိတ်နေခဲ့ကြသည်။ ၄င်းတို့၏ ငြင်းဆို ပယ်ချနေခဲ့မှုများမှာ ယနေ့မြန်မာလူမျိုးတို့၏အနေအထားအတိုင်းပင် ဖြစ်သည်။ ထိုသူတို့  နှုတ်ဆိတ်နေချိန်အတွင်း  လူသတ်ကောင်များကို တဖြည်းဖြည်းမွေးထုတ်ပေး နေပြီဖြစ်သည်။

    kyo pin kyout copy

    ဂျီနိုဆိုဒ် ကမ်ပိန်း

    သို့ သော် သာမန်လူမှ လူသတ်သမားများ၊ ရက်စက်ကြမ်းကြုတ်သည့် အကြမ်းဖက်သူများအ ဖြစ် အလိုအလျောက်မဖြစ်သွားပါ။ ထိုလူများကို လူသတ်အမားများဖြစ်အောင် သိမ်းသွင်းရ သည်။ လူ့အခွင့်အရေးအစီရင်ခံစာတစ်စောင်၌ Alison Desforges က Genocide ကို အဓိပါယ်ဖွင့်ဆိုရာတွင် လူသတ်သမားများဖြစ်လာရန် အချိန်နှင့်အမျှ သိမ်းသွင်းနေသော လှုပ်ရှားမှုဟု ဖွင့်ဆိုသည်။ သို့ ရှိရာ ဂျီနိုဆိုဒ်ဆိုသည်မှာ အချိန်ကာလတခုအတွင်း လူသတ်ကောင်များစည်းရုံးသည့်၊ လူများစွာကို သတ်နိုင်သည့်အခြေအနေဖြစ်အောင် လှုပ်ရှားသည့် ကမ်ပိန်းဖြစ်သည်။

    လူထုသည် သာမန်အားဖြင့် လူသတ်သမားများ ဖြစ်မသွားနိုင်။ လိမ်ညာမုသားများ၊ ပုံဖျက်သတင်း/အမြင်မှားစေမှုတို့ဖြင့် ၄င်းတို့၏စိတ်ဓာတ်များကို မှိုင်းတိုက်သည့် စံနစ်တကျအကွက်ချလှုံ့ဆော်မှုအစီအစဉ်ကြောင့် လူသတ်သမားများဘ၀သို့ တအုံတကျင်း ကူးပြောင်းသွားရခြင်း ဖြစ်သည်။ အစီရင်ခံစာမှ Alison Desforges ထောက်ပြခဲ့သည့် ပင်မအချက်အချို့အား အထူးသတိပြုအပ်သည်။ အလားတူ နိမိတ်လက္ခဏာများကို မြန်မာနိုင်ငံ၌ တွေ့မြင်နေရသောကြောင့် ဖြစ်သည်။

    ရ၀မ်ဒါနှင့် မြန်မာ မီဒီယာ

    ရ၀မ်ဒါတွင် “ လူထုနိုးကြားရေး ” ကင်ပွန်းတပ် သတင်းစာသည် အမုန်းတရားသွတ်သွင်းရာ၌ အကျယ်လောင်ဆုံး ဖြစ်ခဲ့သည်။ များမကြာမီ ဒေသဆိုင်ရာ ခရိုနီ လုပ်ငန်းရှင်များ၊ နိုင်ငံရေးသမားများနှင့်ချိတ်ဆက်ထားသော အခြားဂျာနယ်နှင့် ခရိုနီ သတင်းစာများမှ ပူးပေါင်းပါဝင်လာခဲ့သည်။ ရေဒီယိုသတင်းဌာနများကိုလည်း ထူထောင်လာသည်။ လူထုကို မမှန်သတင်းမက်မောသူများ၊ သွေးဆာသူများဖြစ်လာအောင် လုပ်ကြံသတင်းလွှင့်ခြင်း၊ လူမျိုးကြီးဝါဒသွတ်သွင်းပေးခြင်း  လုပ်ငန်းစဉ်တို့ကို ဦးတည်ဖော်ဆောင်ခဲ့ကြသည်။

    မြန်မာနိုင်ငံတွင် ပြည်တွင်းမီဒီယာများက ရိုဟင်ဂျာ နှင့် မြန်မာမွတ်စ်လင်မ်တို့အား ဆန့်ကျင်ရန် မွှေနှောက်လှုံ့ဆော်လျက် ရှိနေသည်။

    ရ၀မ်ဒါနှင့် မြန်မာနိုင်ငံပညာရှင်

    အမုန်းတရားသွတ်သွင်းမှုလုပ်ငန်းစဉ်၌ ပညာရှင်များ၊ ပရော်ဖက်ဆာများ၏ ရေးသားချက်တို့ကို မှီငြမ်း၍ တရားဝင်ဆောင်ရွက်နိုင်မှုများ၊ မှိုင်းတိုက် ၀ါဒဖြန့်သူများ လိုအပ်သည်။ ပညာရှင်များ၏ အား၊ ပရောဖက်ဆာများ၏ အသံများလိုအပ်သည်။ ရ၀မ်ဒါတွင် ပါမောက္ခနှစ်ဦးဖြစ်သော Nahimana နှင့် Leon Mugesera တို့က ယင်းအခန်းကဏ္ဍ၏အဓိကဇာတ်ကောင်များ ဖြစ်သည်။ ၄င်းတို့နှစ်ဦးစလုံး အနောက်တိုင်းမှ ပညာသင်ယူခဲ့သည်။ အမာခံဝါဒဖြန့်သူများ မဖြစ်မီက ရ၀မ်ဒါတက္ကသိုလ်များတွင် သင်ကြားရေးပြုလုပ်ခဲ့ကြသည်။ ထိုသို့သောလူစားများ ပညာရင်ဆိုသူများကို မြန်မာနိုင်ငံတွင် ခက်ခက်ခဲခဲ ရှာယူရန် မလိုအပ်ချေ။

    အမုန်းဝါဒဖြန့် ချိရေး

    အမုန်းဝါဒဖြန့် သူများသည် ရ၀မ်ဒါတွင် ဟူတူးများသည် အိမ်ရှင်များဖြစ်ပြီး၊ တွတ်စီများသည် နယ်မြေသူခိုး တိုင်းတစ်ပါးဧည့်သည်များဖြစ်သည်ဟု ရုပ်လုံးဖော်ကြသည်။  တွတ်စီတို့၏စည်းလုံးမှု (Tutsi Unity) ဆိုသည့် အတွေးအခေါ်သည် တွတ်စီတို့က ရ၀မ်ဒါကို လွှမ်းမိုးရန်သိမ်းသွင်းဖြစ်သည်ဟု အမုန်းပွားစေရန် ထင်ယောင်ထင်မှားဖြစ်စေရန် လှုံ့ဆော် စွပ်စွဲသမုတ်ခဲ့ကြသည်။

    မြန်မာနိုင်ငံတွင် ရိုဟင်ဂျာလူမျိုးစုကိုသာမက ယခုအခါ မြန်မာမွတ်စ်လင်မ်တို့အား နိုင်ငံခြားသားဧည့်သည်များအဖြစ် ကျယ်ပြန့်စွာပုံဖော်နေကြသည်။ ၄င်းတို့သည် နိုင်ငံ၊ လူမျိုး နှင့် ဗုဒ္ဓဘာသာအား လက်ဝါးကြီးအုပ်ရန်ကြံစည်နေသည်ဟု သမုတ်ခံနေရသည်။ (Tutsi Unity) ကဲ့သို့ ပင်  “၇၈၆” ဟူသော နံပါတ်အား အသုံးပြုသည်ဟုစွပ်စွဲသည်။ မွတ်စ်လင်မ်ဆန့်ကျင်ရေးဟောပြောလှုံ့ဆော်သူတို့က ၇၈၆ ဟူသည် ၂၁ ရာစုတွင် မြန်မာနိုင်ငံနှင့်ကမ္ဘာကို မွတ်စ်လင်မ်တို့မှ သိမ်းယူမည့် ကိုယ်စားပြုချက်ဟု ဆိုကြသည်။ မွတ်စ်လင်မ်တို့၏အဆိုအရမူ ကုရ်အာန်ကျမ်းဂန်၏ပါဒတော်တစ်ရပ်ဖြစ်သည့် “ အလွန်တရာသနားကြင်နာတော်မူသော အနန္တကရုဏာတော်ရှင် အလ္လာဟ်၏ နာမံတော်ဖြင့်(အစပြုပါ၏)” ဟူသည်ကို ကိုယ်စားပြုထားချက်ဖြစ်ကြောင်း သိရ၏။

    ရ၀မ်ဒါရှိ တွတ်စီတို့ကို ပိုးဟပ်များဟု တံဆိပ်တပ်ခံရပြီး၊ မြန်မာနိုင်ငံရှိ ၀ါဒဖြန့်သူများနှင့်၎င်းတို့၏ဘက်တော်သားများက ရိုဟင်ဂျာတို့ကို ဗိုင်းရပ်စ်များ၊ ခွေးများဟု ခေါ်ဆိုကြသည်။

    ဟူတူးတို့ဦးဆောင်သည့် အစိုးရအဖွဲ့မှာ အလွန်ပင် ကောက်ကျစ်ရက်စက်ကြောင်း ရ၀မ်ဒါဖြစ်အင်က ပြသနေသည်။ ၀ါဒဖြန့်သူများက ပြည်သူတို့ကို လွဲမှားသောအချက်အလက်များတိုက်ကျွေးလျက် အသိမဲ့ပါးကွက်သားများအဖြစ်သို့ ဘ၀ပြောင်းအောင် ကြံဆောင်မပျက် ရှိခဲ့ကြသည်။ နေ့စဉ်နှင့်အမျှ လူပေါင်းများစွာ သတ်ဖြတ်ခံနေရသော်လည်း နိုင်ငံတကာအသိုင်းအ၀ိုင်းသည် စီးပွားရေးပြုပြင်ပြောင်းလဲမှုခေါင်းစဉ်အောက်မှ ထောက်ပံ့မှု မပြတ်ခဲ့။ အနောက်တိုင်းမှ အာဏာပိုင်တို့သည် မျိုးဖြုတ်သုတ်သင်ရေးဖြစ်လာတော့မည်ကို သိပါသော်လည်း အခါလွန်သည့်တိုင်အောင် မည်သည့် အရေးယူမှုများကို မလုပ်နိုင်ခဲ့။ ရ၀မ်ဒါ၌နေထိုင်နေကြသည့် အနောက်တိုင်းသားတို့ကလည်း တအုံတကျင်း သတ်ဖြတ်မှု  မဖြစ်နိုင်ဟု မျှော်လင့်ခဲ့သည်။ သို့ရာတွင် ဖြစ်ပွားလာခဲ့ရသည်။

    maketila

    ကြိုတင်ကာကွယ်ဖို့  မြန်မာပြည်သူများတာဝန်ဖြစ်

    မြန်မာနိုင်ငံမှ လူအများစုတို့သည် တိုင်းပြည်ချစ်သယောင် “မျိုးဖြုတ်သုတ်သင်မှု” ဟူသော အသုံးအနှုန်းအား ကန့်ကွက်ကြ၏။ ၄င်းတို့၏ ငြင်းဆိုမှုက တအုံတကျင်း သတ်ဖြတ်နေမှုများကို အားပေးရာရောက်ကြောင်း မစဉ်းစားမိကြ။ ယင်းနိမိတ်လက္ခဏာတို့ကို ငြင်းဆန်ကန့်ကွက်ခြင်းမှာ ၄င်းတို့၏  အဓိကရည်ရွယ်ချက်မဟုတ်ချေ။ စင်စစ်မှာကား ကြိုတင်ကာကွယ်တားဆီးမှုများကို ပိတ်ဆို့လိုက်ခြင်းသာဖြစ်၏။ သို့မှသာ မတွေးဝံ့စရာ ကြမ်းကြုတ်ရက်စက်မှုများ အတားအဆီးမဲ့ ပွင့်ထွက်လာနိုင်မည်ဖြစ်ပေသည်။

    ရ၀မ်ဒါနှင့်ကွာခြားသည်ကား မြန်မာနိုင်ငံ၌ ရှေ့ပြေးလမ်းခင်းစကားများ ကြိုတင်ထွက်ရှိနေ၏။ ကာကွယ်တားဆီးမှု အစီအမံများကို ပြင်းပြင်းထန်ထန်ဆောင်ရွက်ရန် မဖြစ်မနေလိုအပ်လှသည်။ ယင်းသို့သော လူမဆန်စွာသတ်ဖြတ်အကြမ်းဖက်နေမှုများ မြန်မာနိုင်ငံအနှံ့ဖြစ်ပေါ်လာပါက ကြိုတင်ကာကွယ်ရေးနှင့်စုံစမ်းဖော်ထုတ်ရေးအပေါ် ပိတ်ဆို့ထားသူအပေါင်းတို့ထံ တစ်ပြေးညီ တာဝန်ရှိသွားပေမည်။ ချုပ်၍ဆိုရပါလျှင် နိုင်ငံ၏ကံဆိုးမိုးမှောင်ကျမှုများကို ဖယ်ရှားနိုင်စွမ်းရှိသူတို့မှာ လူများစုမြန်မာလူမျိုးများပင် ဖြစ်ပါသည်။

    The Irrawaddy မှ Signs of Coming Genocide in Burma? ဆောင်းပါးကို သာကီ ထက်ကောင်း မှ ဆီလျော်အောင် ပြန်ဆိုရေးသားသည်။

  • ၁၉၉၄ ခုနှစ် အာဖရိကတိုက် ရဝမ်ဒါနိုင်ငံမှ လူမျိုးတုန်းသတ်ဖြတ်မှု

    ၁၉၉၄ ခုနှစ် အာဖရိကတိုက် ရဝမ်ဒါနိုင်ငံမှ လူမျိုးတုန်းသတ်ဖြတ်မှု

    ဝါးလုံးရှည် အတီး

    “၁၉၉၄ ခုနှစ် အာဖရိကတိုက် ရဝမ်ဒါ နိုင်ငံက သတ်ဖြတ်ပွဲကြီးအပြီး အသက်မသေပဲ လွတ်မြောက်ရှင်သန်ကျန်ရစ်သူ ခလေးငယ်တစ်ဦး”

    ဒီဓာတ်ပုံလေးထဲက ကလေးငယ်တဦး ကတော့ ၁၉၉၄ခုနှစ် အာဖရိကတိုက် ရဝမ်ဒါနိုင်ငံက လူမျိုးတုန်းသတ်ဖြတ်ပွဲကြီးအပြီး အသက်မသေပဲ လွတ်မြောက်ရှင်သန်ရစ်သူများအနက်မှတစ်ဦးပဲ ဖြစ်ပါတယ်။အရှေ့အာဖရိက ဒေသတခုဖြစ်တဲ့ ရဝမ်ဒါ လူမျိုးတုံးသတ်ဖြတ်မှူလို့ဆိုရင် လူတိုင်းကြားဖူးကြမှာဖြစ်ပေမယ့်အသေးစိတ်ကိုတော့ သိသူနည်းပါးလာလိမ့်မယ်။ ဆက်လက်ပြီးတော့ ဒီအကြောင်းနဲ့ပတ်သက်ပြီး အတီး လေ့လာထားသမျှလေးတွေကို တင်ပြပါရစေ။

    ရက်ပေါင်း (၁ဝဝ) ကျော်ကြာမြင့်ခဲ့တဲ့ သတ်ဖြတ်မှုကြီးအတွင်းမှာ ဟူတူလူမျိုးစုတွေရဲ့ လက်ချက်ကြောင့် တွတ်စီလူမျိုး ရှစ်သိန်းကျော် (သို့) တစ်သန်းကျော်နဲ့ တွတ်စီတွေကို သနားပြီးဝှက်ပေးခဲ့တဲ့၊ အားနည်းသူတွေဘက်က ရပ်တည်ပေးခဲ့တဲ့ ဟူတူလူမျိုး တစ်သိန်းကျော်ပါ အသတ်ခံခဲ့ရပါတယ်။ ဒီအရေအတွက်ဟာ အဲ့ဒီအချိန်က ရဝမ်ဒါလူဦးရေရဲ့ ၂၀ ရာခိုင်နှုံးရှိနေပါတယ်။ ဤမျှလောက် အရေအတွက် မြင့်မားအောင် သတ်ဖြတ်မှူကြီးအပြီးမှာတော့ ရဝမ်ဒါနိုင်ငံဟာ ယနေ့ထက်တိုင်အောင်ပဲ ပြဿနာပေါင်း များစွာ ရင်ဆိုင်ရကာ ပြည်တွင်းစစ်ရဲ့ အကျိုးဆက်ကို ခံစားနေရပါသေးတယ်။

    နောက်ခံသမိုင်းကြောင်း

    တကယ်တမ်းမှာတော့ ရဝမ်ဒါနိုင်ငံရဲ့သမိုင်းမှာ ဒီအရေးအခင်းကြီးဟာ ပထမဆုံးအကြိမ်တော့လဲ မဟုတ်ခဲ့ပါဘူး။ ၁၉၅၉ခုနှစ်မှာ ဟူတူလူမျိုး နိုင်ငံရေးသမားတဦးကို တွတ်စီလူမျိုးစုတွေက လုပ်ကြံတယ်ဆိုတဲ့ ကောလဟာလကို အခြေပြုပြီး စတင်ဖြစ်ပွါးခဲ့တဲ့ အဓိကရုန်းအတွင်းမှာလည်း ဘယ်ဂျီယမ် ကွန်မန်ဒိုပျောက်ကျားတပ်တွေ ရောက်ရှိလာပြီး အခြေအနေတွေကို မထိန်းသိမ်းမှီအထိ တွတ်စီလူမျိုး နှစ်သောင်းမှတစ်သိန်းခန့် သုတ်သင်ခံခဲ့ရပြီးနောက် ဒုက္ခသည် ထောင်ပေါင်းများစွာဟာ အိုးပစ်အိမ်ပစ်နဲ့ အနီးအပါးအိမ်နီးချင်းနိုင်ငံတွေကို ပြေးဝင်သွားခဲ့ရပါသေးတယ်။ ၁၉၆၀ခုနှစ်မှာ ဘယ်ဂျီယမ် အစိုးရရဲ့အကူအညီနဲ့ ကျင်းပခဲ့တဲ့ အထွေထွေရွေးကောက်ပွဲအတွင်းမှာတော့ ဟူတူလူမျိုးတွေဟာ တွတ်စီလူမျိုးတွေအပေါ် အနိုင်ယူပြီး နိုင်ငံရေးအရ အသာစီးရသွားပါတော့တယ်။ ဒီအပြောင်းအလဲဟာ ရဝမ်ဒါနိုင်ငံမှာ အုပ်စိုးခဲ့တဲ့ တွတ်စီလူမျိုးဘုရင်စနစ်ကို အဆုံးသတ်သွားစေပါတော့တယ်။ တဖန် ၁၉၆၂ခုနှစ်မှာ အိမ်နီးချင်း နိုင်ငံကတွတ်စီလူမျိုး စစ်ပြေးဒုက္ခသည်တွေနဲ့ ဖွဲ့စည်းထားတဲ့ တွတ်စီဂွါရီလာ အမည်ရလက်နက်ကိုင် အင်အားစုဟာ ဂလဲ့စားချေထိုးစစ် ဆင်နွှဲရာမှ အာဏာရ ဟူတူအစိုးရတပ်များနှင့် တိုက်ပွဲများဖြစ်ပွါးပြီး နောက်ထပ် လူဦးရေ ခုနစ် သောင်းလောက် ထပ်မံ ဆုံးရှုံးရပြန်ပါတော့တယ်။ ဒီလို အမုန်းပွါးမှူတွေရဲ့ စတင်မြစ်ဖျားခံလာရာ အရင်းအမြစ်ကတော့ ကိုလိုနီ အမွေအနှစ်ဆိုးတွေကပဲ ဖြစ်ပါတယ်။

    ၁၉၁၁ခုနှစ်မှာပဲ ဂျာမဏီကိုလိုနီ တပိုင်းဖြစ်နေတဲ့ ရဝမ်ဒါနိုင်ငံမှာ မြောက်ပိုင်းမှာရှိတဲ့ တွတ်စီတွေရဲ့ ဩဇာကို မခံလိုကြတဲ့ဟူတူလူမျိုးတွေကို တွတ်စီတွေက ရှင်းလင်းနိုင်ရန်အတွက် ဂျာမန်အစိုးရက ခြေထိုးခဲ့ပါသေးတယ်။ ပထမကမ္ဘာစစ် အပြီးမှာတော့ဗာဆိုင်း စာချုပ်အရ ရဝမ်ဒါနိုင်ငံဟာ ဘယ်ဂျီယမ်နိုင်ငံရဲ့ ထိန်းချုပ်မှုအောက်ကို ကျရောက်ခဲ့ပါတော့သည်။ ဘယ်ဂျီယမ် အစိုးရ အုပ်ချုပ်မှုအောက်မှာပဲ ဒီပြဿနာတွေရဲ့ မြစ်ဖျားခံရာ ဖြစ်တဲ့ ဟူတူနဲ့ တွတ်စီတွေကို သီးခြား မှတ်ပုံတင်ထုတ်ပေးခြင်း။ ပညာရေးစနစ်တွင်လည်း ခွဲခြားဆက်ဆံရေးစနစ်တွေကို စတင် ကျင့်သုံးပါလေတော့တယ်။ ကိုလိုနီစနစ် မတိုင်မှီရော၊ ကိုလိုနီကာလ အတွင်းမှာပါ တွတ်စီလူမျိုးစုတွေဟာ လူနည်းစုတွေ ဖြစ်နေပေမဲ့ ပညာတတ်ဦးရေ များပြားပြီး အုပ်ချုပ်ရေးပိုင်းမှာ ဝင်ဆန့်နိုင်ခဲ့ကြပါတယ်။ ဒီကွာခြားမှုတွေဟာ အပြင်ပန်းအားဖြင့်တော့ မထူးခြားလှပေမဲ့ နှစ်ပေါင်းများစွာကြာလာတဲ့ အခါမှာတော့ လူများစုဖြစ်တဲ့ အောက်ခြေက ဟူတူလူမျိုးတွေ အတွက်တော့ ၁၉၉၄ခုနှစ်မှာဖြစ်ပေါ်လာမဲ့ အစုလိုက် အစုလိုက် အပြုံလိုက် သတ်ဖြတ်မှုကြီးရဲ့ စတင် မြစ်ဖျားခံရာ အကြောင်းအရင်းအမှန်ပဲဖြစ်လာပါတယ်။

    ဝါဒဖြန့်စစ်ပွဲ

    ၁၉၉၀ခုနှစ် အစောပိုင်းမှာပဲ ရဝမ်ဒါဘာသာ စကားနဲ့”နိုးထကြလော့”ဟု အဓိပ္ပာယ်ရပြီး “ကန်ဂူရ(Kangura)” ဆိုတဲ့ ဂျာနယ်တစောင်ကို ဟဆန်ဂီဇီ (၂၀၀၃ခုနှစ်တွင် နိုင်ငံတကာ တရားရုံးမှ တသက်တကျွန်းအမိန့်ကျပြီး ယခု မာလီနိုင်ငံ အကျဉ်းထောင်တွင် အပြစ်ဒဏ်ကို ခံစားလျှက်ရှိသူ) ဆိုတဲ့ အစွန်းရောက် ဟူတူအမျိုးသားတစ်ယောက်က စတင်တည်ထောင်ခဲ့ပါတယ်။ အရေးအခင်းကာလ အတွင်းမှာလဲ ကန်ဂူရဂျာနယ်ဟာ ဟူတူတွေအပေါ် လွန်ကဲတဲ့ မျိုးချစ်စိတ်ဓာတ်ပြင်းထန်လာအောင် တိုက်တွန်းပြီး တွတ်စီတွေအပေါ်မှာ သနားကြင်နာဖို့မလိုကြောင်းကို မှန်မှန်တင်ဆက်ပေးနေပါတော့တယ်။ ဒါ့အပြင် ရဝမ်ဒါအစိုးရပိုင် ရေဒီယိုနှစ်ခုဟာ အရေးအခင်းကာလအတွင်း အသံလွှင့်တဲ့နေရာမှာ တွက်စီလူမျိုးတွေဟာ ရဝမ်ဒါနိုင်ငံမှာ၊ ပိုးဟပ်များလို အသုံးမဝင်ဘဲ ဆိုးကျိုးကိုသာ ပေးတာမို့သတ်ဖြတ်ပစ်ဖို့လိုကြောင်း ဝါဒဖြန့်ခဲ့တာ ဖြစ်ပါတယ်။ အဲသလို ရေဒီယိုကနေ လှုံ့ဆော်အပြီး နာရီပိုင်းအတွင်းမှာ တွတ်စီလူမျိုးများ စတင်အသတ်ခံရပါတော့တယ်။ ဖြစ်ပေါ်လာတဲ့ နောက်ဆက်တွဲ ရလဒ်ကတော့ သိပ်ပြီးမကောင်းလှပါဘူး။ ယခုလက်ရှိကာလမှာ ရေဒီယိုအစီအစဉ်နှစ်ခုက တာဝန်ရှိသူတွေဟာ တသက်တကျွန်းပြစ်ဒဏ်ကို ကန်ဂူရဂျာနယ်တိုက်ပိုင်ရှင်နဲ့ အတူခံစားနေရပါတယ်။

    သတ်ဖြတ်မှူအတွက် ကြိုတင်ကြံစည်ကြခြင်း

    ဟူတူအစွန်းရောက်တွေကို ဟူတူအစိုးရက ပြည်သူ့စစ်များ အဖြစ်လေ့ကျင့်ပေးခဲ့ပါတယ်။ တူစီလူမျိုးစုကို ဖိနှိပ်သတ်ဖြတ်ရာ မှာ အစိုးရစစ်တပ်က တိုက်ရိုက်သတ်တယ်လို့ အဖြစ်မခံလိုတဲ့အတွက် လူမျိုးစုအရပ်သားခြင်းအကြားမှာ ဖြစ်နေတဲ့ သာမန်ပဋိပက္ခအသွင်မျိုး ဖန်တီးလိုတာကလည်းတကြောင်းဖြစ်ပါတယ်။ ဟူတူသမ္မတဖြစ်သူက သူ့အပေါ်မှာ အပြစ်တင်မခံရလေအောင် ကစားခဲ့တာဆိုရင်လည်း မမှားပါဘူး။ အရေးအခင်းကာလ မတိုင်မီလေးမှာပဲ အစိုးရနဲ့နီးစပ်တဲ့ ဟူတူစီးပွါးရေးလုပ်ငန်းရှင် တစ်ယောက်ဟာ တရုတ်နိုင်ငံကနေပြီးတော့ ဓားအလက် ၅၈၁၀၀၀ ကို တင်သွင်းခဲ့ပါတယ်။ ရည်ရွယ်ချက်ကတော့ ဓားတွေဟာ သေနတ်တွေနဲ့စာရင် အဖိုးနှုန်းချိုသာပြီး ထိရောက်စွာကိုင်တွယ်ဖြေရှင်းနိုင်လို့ပါပဲ။

    အရေးအခင်းကာလအတွင်း

    ဇန်နဝါရီလ ၁၂ရက်နေ့ ၁၉၉၄ခုနှစ်မှာ ဟူတူလူမျိုး လက်ရှိအာဏာရသမ္မတနဲ့ အိမ်နီးချင်းနိုင်ငံဖြစ်တဲ့ ဘူရန်ဒီနိုင်ငံက သမ္မတဖြစ်သူတို့ စီးနင်းလိုက်ပါလာတဲ့ လေယာဉ်ဟာ ရဝမ်ဒါနိုင်ငံအတွင်းရှိ ကီဂါလီမြို့ကို ဆင်းသက်ဖို့ ပြင်ဆင်နေတဲ့ အချိန်မှာပစ်ချခံခဲ့ရပါတယ်။ လုပ်ကြံမှုအတွင်းမှာ သမ္မတ နှစ်ဦးလုံး သေဆုံးခဲ့ရပါတယ်။ အဲဒီနောက်မှာတော့ ဒီလုပ်ကြံမှုဟာ တွတ်စီလူမျိုး သူပုန်တွေရဲ့လက်ချက်ဖြစ်တယ်လို့ ရေဒီယိုကစွပ်စွဲအပြီး နာရီပိုင်းအတွင်းမှာတော့ ရဝမ်ဒါနိုင်ငံ တစ်ဝှမ်းမှာ သတ်ဖြတ်ပွဲကြီး စတင်ပါတော့တယ်။ ဟူတူအစွန်းရောက် ပြည်သူ့စစ်တွေဟာ တွတ်စီလူမျိုးတွေ အပေါ်မှာ ရရာရွှေငွေတွေကိုလုယူ၊ တရုတ်နိုင်ငံက တင်သွင်းလာခဲ့တဲ့ဓားတွေနဲ့ယောကျာ်းတွေကိုအရင်သတ်၊ မိန်းမတွေကို မုဒိန်းကျင့်ပြီး ရက်ရက်စက်စက်ကို သတ်ဖြတ်ပါတော့တယ်။ ထူးခြားချက်ကတော့ ဟူတူအစွန်းရောက်တွေဟာ တွတ်စီတွေအပေါ် သနားပြီးဝှက်ပေးကာ အားနည်းတဲ့ဘက်က ရပ်တည်ပေးခဲ့တဲ့ ဟူတူတစ်သိန်းကျော်ကိုပါ အချင်းချင်း လက်စတုန်းလုပ်ခဲ့ပါသေးတယ်။ ဒါ့အပြင် ကုလသမ္မဂ္ဂ ငြိမ်းချမ်းရေးထိန်းသိမ်းရေး တပ်သား ၁၀ယောက်ပါ အဆစ်ပါသွားပါတော့တယ်။ အဆိုပါအခြေအနေကို ကုလသမ္မဂ္ဂငြိမ်းချမ်းရေးတပ် ခေါင်းဆောင်ဖြစ်သူ ဗိုလ်ချုပ် ရိုမီရိုဒလဲ က သက်ဆိုင်ရာ အထက် အဆင့်ဆင့်ကို အမြန်တင်ပြခဲ့ပေမဲ့ ဘယ်သူကမှ စိတ်ဝင်စားဟန် မပြခဲ့ပါဘူး။

    ဘယ်အင်အားကြီးနိုင်ငံတွေကမှ သူတို့စစ်တပ်တွေကို ရဝမ်ဒါကိုလွှတ်ဖို့ စိတ်မဝင်စားခဲ့ပါဘူး။ လက်ရှောင်တဲ့အပိုင်းလည်း ရှိနေတယ်လို့ အစွပ်စွဲခံခဲ့ရပါသေးတယ်။ ဘာဖြစ်လို့တုံး ဆိုတော့ ရဝမ်ဒါ ပြဿနာမတိုင်ခင် လေးလလောက်တုန်းက ဖြစ်ပွားခဲ့တဲ့ ဆိုမာလီယာက အရှုပ်အရှင်းကြောင့် လက်ရှောင်ခဲ့ကြတယ်လို့လဲ ဆိုပါတယ်။ ဆိုမာလီယာမှာ ဖြစ်ခဲ့တဲ့ ပြဿနာက ဘယ်လိုလဲဆိုတော့၊ ကုလသမ္မဂ္ဂငြိမ်းချမ်းရေးတပ်ဖွဲ့ဝင် ပါကစ္စတန်စစ်သားများနဲ့ အမေရိကန်စစ်သားများဟာ ဆိုမာလီယာ သူပုန်များနဲ့ တိုက်ပွဲဖြစ်ရာက သေဆုံးခဲ့ကြရပါတယ်။ အဲသလို ပူပူနွေးနွေး ဖြစ်ထားခဲ့တာကြောင့် အဲသလို အဖြစ်မျိုးကို နိုင်ငံကြီးတွေက ရဝမ်ဒါမှာ ထပ်ပြီးကြုံတွေ့လိုတဲ့ ဆန္ဒမရှိတဲ့အတွက်ကြောင့်လည်း ဖြစ်ပါတယ်။

    အဲသလို အခြေအနေမျိုးအောက်မှာ ဗိုလ်ချုပ်ဒလဲက ကုလသမ္မဂ္ဂဌာနချုပ်ကို သူတို့အနေနဲ့ဝင်ရောက်စွက်ဖက်ဖို့လိုကြောင်း အစီရင်ခံပါတယ်။ အဲသလို မစွက်ဖက်ဖူးဆိုရင် နောက်ထပ်လူပေါင်းများစွာ သေကြေနိုင်တယ်လို့လည်း တင်ပြခဲ့ပါတယ်။ ဒါကြောင့် ၃၆နာရီအတွင်း ဝင်ရောက်စွက်ဖက်ဖို့တင်ပြခဲ့ပါတယ်။ သို့သော် ထိုတင်ပြချက်ကို အဲသည်အချိန်က ကုလအထွေထွေအတွင်းရေးမှူးချုပ်ဖြစ်သူ ကိုဖီအာနန်က ပယ်ချခဲ့ပါတယ်။ ဒီလိုဝင်ရောက် စွက်ဖက်တာဟာ ကုလရဲ့ လုပ်ပိုင်ခွင့်ကို ကျော်လွန်နေတယ်လို့လည်း အကြောင်းပြခဲ့ပါတယ်။ အဲသည့်အချိန်မှာ အမေရိကန် သမ္မတဖြစ်တဲ့ ကလင်တန်က အမေရိကန်အစိုးရ အနေနဲ့ အကူအညီမပေးတဲ့အပြင် ကုလသမ္မဂ္ဂငြိမ်းချမ်းရေးတပ်ကို ရဝမ်ဒါကနေ ပြန်ခေါ်ဖို့ ကိုဖီအာနန်ကို ဖိအားပေးခဲ့ပါတယ်။ ဒါကြောင့် ကုလတပ်ကို ရဝမ်ဒါကနေ ပြန်ပြီး ရုပ်သိမ်းခဲ့ ပါတယ်။

    အမှန်မှာတော့ ၁၉၄၈ Genocide ဥပဒေအရ အဲသလိုသတ်ဖြတ်နေခြင်းကို ကာကွယ်တားဆီးနိုင်ခွင့် ကုလသမဂ္ဂမှာ တရားဝင် အခွင့်အရေးရှိပါတယ်။ သို့သော်လည်း ကုလသမဂ္ဂအနေနဲ့လည်း ဘယ်လိုနည်းကိုမှအသုံးပြုပြီး တားဆီးခဲ့တာ မရှိခဲ့ပါဘူး။ ဒါကြောင့် သတ်ဖြတ်မှုများ စတင်ခဲ့တဲ့ ပထမနှစ်ပတ် သုံးပတ်အတွင်းမှာတင် လူပေါင်းသိန်းချီပြီး အသတ်ခံခဲ့ရတာ ဖြစ်တယ်လို့ အိုင်အာစီ အဖွဲ့ရဲ့ တွက်ချက်မှုများအရသိရပါတယ်။ အဲဒီအချိန်တုန်းက အမေရိကန်နိုင်ငံက ကလင်တန် အစိုးရဟာလည်း ငြိမ်းချမ်းရေး ထိန်းသိမ်းရေးတပ်တွေကို ပြန်ခေါ်ဖို့ကိုသာ ကုလသမဂ္ဂကို တွင်တွင်ဖိအားပေးနေခဲ့ပါတယ်။ နောက်ပိုင်းမှာ ကလင်တန်ဟာ အဆိုပါလုပ်ရပ်အတွက် ရဝမ်ဒါ ပြည်သူတွေကို တရားဝင် တောင်းပန်ခဲ့ရပါတယ်။ ဒီအဖြစ်အပျက်တွေဟာ တွတ်စီလူမျိုး ကာဂါမီ ဦးဆောင်တဲ့ ရဝမ်ဒါ မျိုးချစ်တပ်ဦးဟာ နိုင်ငံတကာ အကူအညီ ရယူပြီး ရဝမ်ဒါနိုင်ငံရဲ့ အာဏာကို ပြန်လည်ရယူလိုက်တဲ့ ဂျူလိုင်လ နှောင်းပိုင်းမှာမှ အဆုံးသတ်သွားပါတော့တယ်။ ဒါပေမဲ့လဲ အမျိုးသားပြန်လည်ညီညွတ်ရေးအနေဖြင့် တွတ်စီတွေဘက်က ရပ်တည်ခဲ့တဲ့ ဟူတူလူမျိုး ဘီဇီမန်ဂူ ကိုသာ သမ္မတ ရာထူးခန့်အပ်ပြီး ကာဂါမီ ကိုယ်တိုင်ကတော့ ဒုသမ္မတ ရာထူးကို သာ ရယူခဲ့ပါတယ်။

    အရေးအခင်းကာလ အပြီး ဆိုးကျိုးရလဒ်များ

    ၁၉၉၄ခုနှစ် အစုလိုက်အပြုံလိုက် သတ်ဖြတ်မှု အပြီးမှာတော့ သတ်ဖြတ်မှုတွက် အဓိကတာဝန်ရှိသူတွေကို နိုင်ငံတကာတရားရုံးမှ တရားစွဲဆိုခဲ့ရာမှာ လက်ရှိ တရားရင်ဆိုင်ဆဲ ၁မှု၊ အယူခံဝင်ဆဲ ၁၇မှု၊ ဆိုင်းငံ့နှင့် အကျယ်ချုပ် ၁၀မှု၊ အမိန့်ချမှတ်ပြီး ၃၃မှုနဲ့ ရဝမ်ဒါပြည်တွင်း တရားရုံးကို လွှဲပြောင်းပေးအပ်ခဲ့တာကတော့ ၁၀မှုပဲဖြစ်ပါတယ်။ ဒီအထဲမှာ မီဒီယာ သမားသုံးယောက်လဲ ပါဝင်ပါတယ်။ ပြစ်ဒဏ်ကျခံပြီး သူများထဲမှ ၁၁ယောက်ကတော့ ရက်စေ့လို့ လွတ်မြောက်သွားပြီဖြစ်ပြီး ၃ယောက်ကတော့ ထောင်တွင်းမှာပဲ ကွယ်လွန်သွားခဲ့ပြီး ဖြစ်ပါသည်။

    စီးပွါးရေး

    ဒီလူမျိုးတုန်း သတ်ဖြတ်မှုကြီး အပြီးမှာတော့ ကော်ဖီနဲ့လက်ဖက်ခြောက်သာ အဓိကတင်ပို့နေရပြီး ကွန်ဂိုနဲ့တန်ဇီးနီးယားတို့လို နိုင်ငံကြီးတွေကြားမှာ ညပ်နေတဲ့ အာဖရိက ကုန်းတွင်းပိတ် နိုင်ငံငယ်လေးဟာ ဒီနေ့အထိ ဘယ်လိုမှနာလန်မထူနိုင်အောင် ဖြစ်နေရပါတယ်။ ၇၀ရာခိုင်နှုန်းသောရဝမ်ဒါနိုင်ငံက အိမ်ထောင်စုတွေဟာ မိန်းမတွေက ဦးဆောင်နေရပြီး အကြောင်းရင်းကတော့ သူတို့ရဲ့ ယောကျာ်းတွေဟာ သတ်ဖြတ်မှုအတွင်းမှာ သေဆုံးသွားခဲ့လို့ပါပဲ။

    လူမှူရေး

    ဒီအရေးအခင်းကြီး အပြီးမှာတော့ ရဝမ်ဒါလူထုဟာရုပ်ပိုင်းအပြင် စိတ်ပိုင်းဆိုင်ရာလူမှုဒုက္ခတွေကို ယနေ့တိုင်ခံစားနေရဆဲပါ။ အရေးအခင်းကာလအတွင်းမှာ မုဒိန်းကျင့်ခံရတဲ့ အမျိုးသမီးတွေ အပါအဝင် ရဝမ်ဒါနိုင်ငံဟာ အာဖရိကမှာ အေအိုင်ဒီအက်စ်ရောဂါပိုး အများဆုံးတွေ့ရှိရတဲ့နိုင်ငံတွေထဲမှာ တစ်ခုအပါအဝင်ဖြစ်နေပါတယ်။ အသက်မသေပဲ လွတ်မြောက်လာတဲ့ကလေးငယ်တယောက်ဆိုရင် အစာကိုလိုသည်ထက်လွန်ကဲစွာ စားသုံးတတ်တဲ့စိတ်ရောဂါ စွဲကပ်နေပါတယ်။ အကြောင်းကတော့ သူမိဘတွေရှိစဉ်က အစာကျွေးတာကို ငြင်းပယ်ပြီး နာရီပိုင်းအတွင်းမှာပဲ မိဘနှစ်ပါးလုံးဟာသတ်ဖြတ်ခံခဲ့ရပြီးတော့ ကလေးငယ်ဟာ ကံကောင်းစွာနဲ့လွတ်မြောက်လာခဲ့ပြီး ဒီစိတ်ရောဂါဟာ တသက်လုံးစွဲကပ်ခံနေရပါတော့တယ်။

    Genocide ဆိုတာ

    ဂျီနိုဆိုက်ဒ်သည် လူမျိုးတုန်းရာဇဝတ်မှုများ၏ အစိတ်အပိုင်းဖြစ်ပြီး စစ်ကာလအတွက်သာမက စစ်မဖြစ်သည့်ကာလအတွက်လည်း အကျုံးဝင်သည်။ ကျူးလွန်သည့် နိုင်ငံများတွင် လူ့အသက်ကို တန်ဖိုးမထားသည့် သဘောထား ဓလေ့ထုံးတမ်းများ ပျံ့နှံ့နေပြီး အာဏာရှင်ဘက်တော်သားတို့က ကျန်နိုင်ငံသားတို့အား ဘာသာကွဲဒိဋ္ဌိများ၊ အရိုင်းအစိုင်းများ၊ ဥပဒေဘောင် ပြင်ပကလူများ၊ အောက်တန်းစားလူမျိုးများ၊ ခွဲထွက်ရေးသမားများ၊ သောင်းကျန်းသူအဖျက်သမားများ၊ မင်းမဲ့ဝါဒီများ၊ အကြမ်းဖက်သမားများ၊ နယ်ချဲ့လက်ပါးစေများ၊ ပုဆိန်ရိုးများ၊ လူတန်းစားရန်သူများ၊ တန်ပြန်တော်လှန်ရေးသမားများ စသည်ဖြင့် တံဆိပ်အမျိုးမျိုးကပ်ပြီး ဂျီနိုဆိုက်ဒ်ကို အများနဲ့မတူသည့်နေရာသို့ရောက်အောင်။ ကွဲပြားစေရန်ကြိုတင်လုပ်ဆောင်လေ့ရှိကြသည်။ ကိုယ့်အတွက်ကိုမူ မြင့်မြတ်သောတာဝန်ထမ်းဆောင်နေသူများ၊ မြင့်မြတ်သောလူမျိုးများ၊ အမျိုးဘာသာသာသနာသန့်ရှင်းတည်တံ့ရေးကို စောင့်ထိန်းသူများ၊ တိုင်းပြည်ကို အဓိကစောင့်ရှောက်နေရသူများ၊ နိုင်ငံအတွက် အဓိကအနစ်နာခံနေသူများ၊ အမျိုးသားနိုင်ငံရေးသမားများ၊ စစ်မှန်သည့် တော်လှန်ရေးသမားများ စသည်ဖြင့် မိမိတို့ကိုယ်မိမိ သတ်မှတ်ကြသည်။ အထူးသဖြင့်၊ အမျိုးသား၊ မျိုးချစ်၊ ဝံသာနု၊ စည်းလုံးညီညွတ်ရေးဟူသော စကားလုံးများကို အသုံးပြုကာ မျိုးချစ်စိတ်ဓာတ်ကို ပိုမိုပြင်းထန်အောင်ပြုလုပ်ကာ မီဒီယာများမှတဆင့်တွန်းပို့လေ့ရှိကြသည်။ ကုလသမဂ္ဂက ၁၉၄၈ ခုတွင် ဂျီနိုဆိုက်ဒ် ကွန်ဗင်းရှင်း စာချုပ်ကို အသေအချာ ရေးဆွဲပြဋ္ဌာန်းခဲ့ရာ ၁၉၅၁ ခုမှာ စတင်အသက်ဝင်ခဲ့ပြီး ယခုအခါ မြန်မာအပါအဝင် ကမ္ဘာ့နိုင်ငံ ၁၃ဝ ကျော်က လက်ခံအတည်ပြုထားသည်။ ဤသဘောတူစာချုပ် ပုဒ်မ ၂ တွင် ဂျီနိုဆိုက်ဒ်ကို ယခုလို အဓိပ္ပာယ်ဖွင့်ထားသည်။

    “နိုင်ငံလုံးဆိုင်ရာ လူအုပ်စု သို့မဟုတ် တိုင်းရင်းသားလူမျိုးဆိုင်ရာ လူအုပ်စု သို့မဟုတ် ဘာသာရေးဆိုင်ရာ လူအုပ်စုတခုကို တခုလုံးသော်လည်းကောင်း၊ တစိတ်တပိုင်းသော်လည်းကောင်း ဖျက်ဆီးပစ်ရန် ရည်ရွယ် ချက်ဖြင့် အောက်ပါလုပ်ရပ်များကို ကျူးလွန်ခြင်း။
    (က) ယင်းလူအုပ်စု အဖွဲ့ဝင်များကို သတ်ဖြတ်ခြင်း၊
    (ခ) ယင်းလူအုပ်စု အဖွဲ့ဝင်များကို ရုပ်ခန္ဓာပိုင်းအရ သော်လည်းကောင်း၊ စိတ်ပိုင်းအရ သော်လည်းကောင်း ဆိုးဆိုးဝါးဝါး ထိခိုက်နစ်နာစေခြင်း၊
    (ဂ) တစ်ခုလုံးအရ သို့မဟုတ် တစ်စိတ်တစ်ပိုင်းအရ ရုပ်ပိုင်းဆိုင်ရာ ပျက်စီးမှုဖြစ်စေရန် အသေအချာ စီစဉ် ထားသည့် ဘဝအခြေအနေများကို ယင်းလူအုပ်စုအပေါ်၌ သက်ရောက်စေခြင်း၊
    (ဃ) ယင်းလူအုပ်စုအတွင်း ကလေးမွေးဖွားမှုများကို တားမြစ်ရန် ရည်ရွယ်သည့် အစီအမံများ ချမှတ်ခြင်း၊
    (င) ယင်းလူ အုပ်စုမှ ကလေးသူငယ်များကို အခြားလူစုသို့ အတင်းအဓမ္မ ရွှေ့ပြောင်းပစ်ခြင်း။”

    ၁၉၉၄ ခု ရဝမ်ဒါနိုင်ငံဆိုင်ရာ အပြည်ပြည်ဆိုင်ရာ ခုံရုံးက ဂျီနိုဆိုက်ဒ်ကို ယခုလို ထပ်မံချဲ့ထွင်၍ အဓိပ္ပာယ် ဖွင့်ဆိုခဲ့သည်။

    “လူအုပ်စုတခုကို မသေရုံတမယ် မဝရေစာ ကျွေးထားခြင်း၊ နေအိမ်များမှ စနစ်တကျ မောင်းထုတ်ခြင်း၊ ကျန်းမာရေး စောင့်ရှောက်မှုကို အနိမ့်ဆုံးလိုအပ်ချက်ထက် နှိမ့်ချပစ်ခြင်း၊ ယင်းလူအုပ်စုကို တခုလုံးအရ သို့မဟုတ် တစိတ်တပိုင်းအရ ဖျက်ဆီးပစ်ရန် အထူးရည်ရွယ်ချက်ဖြင့် မုဒိမ်းမှု၊ လိင်ကိစ္စ အကြမ်းဖက်မှု ကျူးလွန်ခြင်း။”

    ဟူ၍ဖြစ်လေသည်။

    ဂျီနိုဆိုက် ကျူးလွန်သည့် အဆိုးဆုံးအာဏာရှင်တို့ကို ပြင်ပမှအင်အားသုံးသည့်နည်းဖြင့်သာ နိဂုံးချုပ်စေနိုင်ခဲ့သည်ကို တွေ့ရသည်။ ကမ္ဘောဒီးယား၊ ရဝမ်ဒါ၊ အရှေ့တိမော၊ ဘော့စ်နီးယား- ဟာဇီဂိုဗီးနား၊ ကိုဆိုဗို၊ လိုင်ဘေးရီးယား၊ ဆီယာရာလီယွန်း၊ ဟေတီ၊ ပနားမား၊ အီရတ်၊ အာဖဂန်နစ္စတန် စသည့် ဥပမာများ အထင်အရှားရှိနေသည်။ မည်သူမျှ ငြင်းမရနိုင်သည့် သက်သေ သာဓကများဖြစ်သည်။သတိချပ်စရာပင်ဖြစ်သည်။

    ကဲ ဒီနေ့တော့ သုံးသပ်တင်ပြမှုကို ဒီလောက်နဲ့ပဲရပ်နားပါရစေ။ ရဝမ်ဒါဖြစ်စဉ်များကို အသေးစိတ်ဆက်လက်လေ့လာချင်သူများကတော့ “ဟိုတယ်ရဝမ်ဒါ” ဆိုတဲ့ တကယ့်အဖြစ်အပျက်ကို အခြေခံပြီးရိုက်ကူးထားတဲ့ ရုပ်ရှင်ကို ယူကျူ့ပေါ်မှာ သွားရောက်ကြည့်ရှူဖို့တိုက်တွန်းလိုက်ပါရစေ။

    Rwanda Genocide documentary Part I
    Rwanda Genocide documentary Part II
    Rwanda Genocide documentary Part III
    Rwanda Genocide documentary Part IV
    Rwanda Genocide documentary Part V
    Rwanda Genocide documentary Part VI
    Rwanda Genocide documentary Part VII
    Rwanda Genocide documentary Part VIII
    Hotel Rwanda

    ဝါးလုံးရှည် အတီး ရဲ့ Facebook စာမျက်နှာမှ ကူးယူဖော်ပြပါသည်။
    ဝါးလုံးရှည်အတီး၏ ခွင့်ပြုချက်ဖြင့် စာလုံးပေါင်းသတ်ပုံအပါအဝင် အနည်းငယ် ပြင်ဆင်မှုရှိပါသည်။