News @ M-Media

Tag: Sagaing

  • စစ်ကိုင်းတိုင်း ထန်းကုန်းမြို့တွင် မွတ်စလင်မ် အိမ်နှင့်ဆိုင် တချို့ ဖျက်ဆီးခံရ

    သြဂုတ် ၂၄၊ ၂၀၁၃
    M-Media
    ထွန်းတောက်

    Kanbalu, Sagaing, Myanmar

    ကန့်ဘလူ ။ ။ စစ်ကိုင်းတိုင်းဒေသကြီး၊ ကန့်ဘလူမြို့နယ် ထန်းကုန်းမြို့တွင် အကြမ်းဖက်သမားများမှ မွတ်စလင်မ်အိမ်နှင့် ဆိုင်တချို့ကို ယနေ့ည ၉း၃၀-နာရီခန့်က ဖျက်ဆီး ဖျက်ဆီးခဲ့ကြောင်း သတင်းရရှိသည်။

    ထန်းကုန်းမြို့တွင် ယနေ့ည ၉း၃၀-နာရီခန့်က ထန်းကုန်းမြို့ စည်ပင်သာယာဈေးရှိ မွတ်စလင်မ်ပိုင် ဆိုင် (၃)ဆိုင်ခန့်ကို ဖျက်ဆီးပြီးနောက် အကြမ်းဖက်လူစုလူဝေးဖြင့် မြို့မဗလီအနီးရှိ အိမ်နှင့်တွဲလျက် လ္ဘက်ရည်ဆိုင်အား ဖျက်ဆီးလျက်ရှိကြောင်းသိရသည်။

    ယခုအခါ ရဲများ ရောက်ရှိလာပြီး လူစုလူဝေးအား လူစုခွဲရန် ပြောကြားနေပြီး အပြင်ထွက်သူများအားလည်း မှတ်တမ်း ဓါတ်ပုံများ ရိုက်ယူလျက်ရှိကြောင်း ထန်းကုန်းမြို့ခံမှ ပြောပြခဲ့သည်။

    ရွှေဘိုမှ စအဖသည် ရွှေဘိုမြို့မှ ဘုန်းတော်ကြီးအား ပင့်ဆောင်၍ ထန်းကုန်းမြို့သို့ ထွက်ခွာသွားပြီဟုလည်းသိရသည်။ ယခုကဲ့သို့ အကြမ်းဖက်မှုများအား ဘုန်းတော်ကြီးမှ တားဆီးပေးရန်အတွက် ပင့်ဆောင်သွားခြင်းဖြစ်သည်ဟု ဇီးကုန်းမြို့ခံမှ M-Media အား ပြောကြားခဲ့သည်။

    မည်သည့်အတွက်ကြောင့် အကြမ်းဖက်မှု စတင်လုပ်ဆောင်ခဲ့သည်ဟူသည့် အကြောင်းပြချက်အားလည်း M-Media ဆက်လက် စုံစမ်းနေဆဲဖြစ်ပါသည်။

    ထန်းကုန်းမြို့သည် မွတ်စလင်မ်အိမ်ခြေ ၃၀၀-ခန့်ရှိပြီး ဗလီ ၂-လုံးရှိပြီး အာရဗီဘာသာရေးစာသင်ကျောင်း ၁-ကျောင်းလည်း ရှိသည်။

    နောက်ဆုံး စုံစမ်းသိရှိရသည့် သတင်းများအရ စစ်ကိုင်းလုံခြုံရေးဝန်ကြီးသည် (ဇီးကုန်းမြို့ အနီး)ရောက်နေပြီ ဖြစ်ကြောင်းသိရှိရပါသည်။

  • ထီးချိုင့်မြို့တွင် ဗလီဝတ်ကျောင်းဘေးလမ်းမှ မွတ်စလင်မ်အိမ်တစ်လုံး မနေ့က မီးရှို့ခံရ

    ဇူလိုင် ၂၊ ၂၀၁၃
    M-Media
    ထွန်းတောက်

    ထီးချိုင့် ။ ။ စစ်ကိုင်းတိုင်းဒေသကြီး၊ ထီးချိုင့်မြို့တွင် ယမန်နေ့ ဇူလိုင်လ (၂)ရက်ည ၁၁-နာရီခန့်က မီးရှို့ခံရမှုကြောင့် မွတ်စလင်မ်ပိုင် အိမ်တစ်လုံး မီးလောင်ပြာကျသွားကြောင်း သတင်းရရှိသည်။

    Htigyaing, Sagaing

    အဆိုပါဖြစ်စဉ်နှင့် စပ်လျဉ်း၍ ထီးချိုင့်သို့ ဆက်သွယ်မေးမြန်းစုံစမ်းခဲ့ပါသည်။

    “ဟုတ်ပါတယ် ကျွန်တော် ထီးချိုင့်ကပါ။ အိမ်တစ်လုံး မီးလောင်ပြာကျသွားပါတယ်။ ဖြစ်တာက ကျွန်တော့်နားကအိမ်ပါ။ ထီးချိုင့်မြို့ လက်ခုပ်ပင်၊ အမှတ်(၃)ရပ်ကွက်မှာပါ။ ဘယ်လိုစလောင်သလဲတော့ မသိဘူးဗျ။ ကျွန်တော်တို့ ညဘက်အိပ်စက်နေကြတဲ့အချိန်မှာ ဖြစ်တာပါ။ အိမ်ကလည်း လူမနေပဲ တံခါးပိတ်ထားတာကြာပြီဗျ။ အဲဒီအိမ်က ဒံပေါက်ဆိုင်ဖွင့်တာပါ။ ဆိုင်လည်း ပိတ်ထားတာ ၁-လလောက်ရှိပါပြီ။ ဆိုင်ရှင်ရဲ့အမျိုးသမီး မီးဖွားလို့ပိတ်ထားခဲ့တာ။ မနေ့ကတော့ အားလုံး အိမ်ပြန်ရောက်လာတာ။ လူကြီးတချို့လည်းပါလာတယ်။ မနေ့ကမှ ခရီးကရောက်တော့ ခရီးပန်းပြီး ည ၉-နာရီကျော်လောက်မှာပဲ အိပ်ပျော်သွားတယ်ပြောတယ်။ ည ၁၁-နာရီဝန်းကျင်လောက်မှာ မီးစလောင်တယ်။ မီးလောင်တာကလည်း တစ်နေရာတည်းက လောင်တာမျိုးမဟုတ်ပဲ ခြံစည်းရိုးအစကနေ အဆုံးထိ တလျှောက်လုံး စလောင်တာ။ စလောင်လောင်ခြင်း အိမ်ရှင်တွေလည်းမသိဘူး၊ စသိတာက လူကြီးတွေက စသိလိုက်တာ။ မီးနေသည်အမျိုးသမီးနဲ့ ၁-လသားအရွယ် ကလေးရောရှိနေတော့ အားလုံးပြေးထွက်ကြမယ်လုပ်တော့ ခြံတံခါးကိုလည်း အပြင်ကနေ မင်းတုန်းတွေထိုးထားတယ်။ မီးရှိန်ကလည်း တော်တော်ပြင်းလာတော့ ခြံစည်းရိုးကို အိမ်ရှင်က ရိုက်ချိုးထွက်ပြီးတော့မှ မိသားစုအားလုံးကို အပြင်ထုတ်ရတယ်။ မီးနေသည်အမျိုးသမီးကိုလည်း တစ်ခုခုဖြစ်မှာစိုးလို့ ထိန်းရတယ်။ လူကြီးတွေကလည်း အသက် ၆၀-ကျော်တွေနဲ့ ကလေး ၂-ယောက်ကလည်း ၈-နှစ် ၁၀-နှစ် ကလေးတွေဆိုပဲဆိုတော့ သူတို့ကိုပါ လိုက်ထိန်းပြီးခေါ်ထုတ်ရတယ်။ ခြံဝန်းကတော့ ပေ-၄၀ ပတ်လည်ရှိပါတယ်။ အိမ်ကတော့ ထရံအိမ်ပါပဲ။ အိမ် ၂-လုံးမဟုတ်ပါဘူး။ အိမ် ၁-လုံးတည်းကို အဆောင် ၂-ခု တွဲထားလို့ ၂-အိမ်ထင်ရတာပါ။ အဲ့ဒီတစ်အိမ်လုံးတော့ ပြာကျသွားပါတယ်။ အဲ့ဒီတစ်အိမ်တည်း လောင်သွားတာပါ။ ရှေ့အိမ် နောက်အိမ်တော့ နည်းနည်းပါးပါး မီးဟပ်သွားတယ်။ ပထမတော့ ရပ်ကွက်က ၀ိုင်းပြီး ငြိမ်းကြတာပါ။ တော်တော်ကြာကြာမှာတော့ မီးသတ်ကားရောက်လာပါတယ်။

    ဒီနေ့မနက် ၁၀-နာရီမှာ အိမ်ရှင်ကို ရုံးကခေါ်ပြီး စစ်ချက်ယူပါတယ်။ အိမ်ရှင်ကလည်း ဖြစ်စဉ်ကို အစအဆုံးပြောပြပါတယ်။ သူတို့က ပြီးခဲ့တဲ့ ဇွန်လ ၁-ရက်နေ့ကတည်းက ခရီးသွားလိုက်တာ အမျိုးသမီး မီးဖွားမှာကြောင့်လေ။ မနေ့ကပဲ ပြန်ရောက်တယ်။ ပြန်ရောက်ရောက်ချင်း အခုလိုဖြစ်တယ်။ ဟုတ်ပါတယ်။ အခုတော့ သူ့အဒေါ်တစ်ယောက်အိမ်မှာ ခဏနေနေပါတယ်။ ဗလီက အဲ့ဒီအိမ်နဲ့ ၃-ပေ လမ်းတစ်လမ်းပဲ ခြားပါတယ်။ ရုံးကတော့ အိမ်ရှင်တွေကိုကို မနက်ဖြန် ပြန်ပြီးချိန်းထားပါတယ်။ ထူးခြားချက်ရှိရင် ကျွန်တော် ပြောပြပါ့မယ်”လို့ ထီးချိုင့်မြို့ခံတစ်ဦးက M-Media ရဲ့ ဆက်သွယ်မေးမြန်းမှုကို ဖြေကြားခဲ့ပါတယ်။

    ထီးချိုင့်မြို့သည် စစ်ကိုင်းတိုင်းဒေသကြီး၊ ကသာခရိုင်၊ ထီးချိုင့်မြို့နယ်တွင် ရှိပြီး ထီးချိုင့်တစ်မြို့လုံးတွင် မွတ်စလင်မ်များ စုပေါင်းဝတ်ပြုရာ ဗလီတစ်လုံးရှိပြီး မွတ်စလင်မ်အိမ်ခြေ ၄၅-အိမ်ခန့်ရှိပြီး ခေတ်အဆက်ဆက် ဘာသာလူမျိုးပေါင်းစုံ အေးချမ်းစွာ နေထိုင်လာခဲ့သော မြို့တစ်ခုဖြစ်ကြောင်းလည်း ထပ်မံသိရှိရပါသည်။

  • ကိုယ့်ကြောက် သူ့ကြောက် ဖြစ်နေသည့် ကောလင်းမြို့ရဲ့ လတ်တလော အခြေအနေ

    ဇွန် ၁၅၊ ၂၀၁၃
    M-Media
    ထွန်းတောက်

    ကောလင်း ။ ။ စစ်ကိုင်းတိုင်း ဒေသကြီး၊ ကောလင်းမြို့၌ ယနေ့တွင် လုံခြုံရေးများလှည့်လည် ကင်းလှည့်နေသည်ဟု ကြားသိရသည့်အတွက် စိုးရိမ်ပူပန်မှုများ ရှိနေကြောင်း သတင်းရရှိပါသည်။

    Kawlin, Sagaing, Burma -

    အဆိုပါ ကိစ္စအား ဆက်သွယ်စုံစမ်းမေးမြန်းရာ “အခုတော့ ဘာမှစိုးရိမ်စရာမရှိပါဘူး။ ကောလဟလတွေကလည်း တအားကို ပွနေတယ်။ ဟုတ်ပါတယ်။ မီးသတ်ကားတွေ၊ ရဲတွေပတ်နေပါတယ်။ အဲဒီကိစ္စက ဟိုတစ်ခါကလည်း ပတ်သေးတယ်။ အခုတစ်ခါပတ်တာက လွန်ခဲ့တဲ့ တစ်ပတ်လောက်ကစပြီး အုပ်ချုပ်ရေးမှူးက တစ်ခုပြောထားတာ ရှိတယ်။ ကိုယ့်ဘာသာကိုယ် အုပ်စုလေးတွေဖွဲ့ပြီး စောင့်ပေးကြပါလို့ ပြောလာတယ်။ အဲဒါနဲ့ ၁၀-ရက်လောက်တော့ရှိပြီ တဖွဲ့ကို ၃-ရက်စီ ကင်းစောင့်နေလိုက်ကြတာ။ အခုဆို စတုတ္ထမြောက် အဖွဲ့ကို ရောက်သွားပါပြီ။ အကြောင်းတစ်ခုခု ထူးခြားတာနဲ့ ချက်ချင်းသိလို့ရအောင် ကင်းစောင့်လိုက်ကြတာပါ။

    အခုဟာက ကောလင်းကို ၁၅-ရက်နေ့လုပ်မယ် ဆိုပြီး ကောလဟလတွေ နေ့တိုင်းပြန့်နေတာက တစ်ပတ်လောက်ရှိသွားပြီ။ အဲလိုဖြစ်နေတော့ ဒီက မွတ်စလင်မ်လူကြီးတွေက သက်ဆိုင်ရာကို အကြောင်းကြားပြီး ကိုယ်တိုင်လည်း ကင်းစောင့်နေလိုက်ကြပါတယ်။ မနေ့ညကတော့ တစ်ညလုံး မိုးအလင်းပဲ လမ်းတွေထဲမှာ ကင်းစောင့်လိုက်ကြတယ်။ ဒီနေ့ကျတော့ ၁၅-ရက်နေ့ဆိုတဲ့ ကောလဟလကြောင့်လို့ ထင်ပါတယ်။ အမှတ်(၁၂၀)ခြေမြန်တပ်ရင်း ကောလင်းတပ်ကနေ စစ်ကားတစ်စီးရယ်၊ အရံမီးသတ်တပ်ဖွဲ့ရယ်၊ မြန်မာနိုင်ငံမီးသတ်တပ်ဖွဲ့ရယ် ၂-အုပ်စုလုံးက မီးသတ်ကားတွေစီပြီး မြို့ထဲမှာ အင်အားပြတဲ့ပုံစံနဲ့ လှည့်နေတယ်။ လုံခြုံရေးရှိတယ်ဆိုတဲ့အကြောင်းကို အင်အားပြတဲ့ သဘောပါပဲ။

    အခုအချိန်ထိ ကောလင်းတစ်မြို့လုံးကတော့ နိုးနိုးကြားကြား နေနေတယ်။ ဘာမှတော့ မဖြစ်သေးဘူး။ အမှန်တကယ်တော့ အခုဟာက သူတို့ကကိုယ့်ကြောက်၊ ကိုယ်က သူတို့ကြောက်ဖြစ်နေတာပါ။ တကယ်တမ်း ဖြစ်လာရင်တော့ အခြေအနေကောင်းမှာမဟုတ်ဘူး။ ဘာမှ မဖြစ်ပါစေနဲ့လို့ ဆုတောင်းနေပါတယ်။”လို့ ကောလင်းမြို့ခံတစ်ဦးမှ M-Media ကို ပြောပြလာပါတယ်။

  • ကသာမြို့၊ဗလီတစ်လုံး မီးကွင်း ပစ်မှု့ ဖြစ်ပွား

    ဇွန်-၂၊၂၀၁၃
    ဟာဂျူလီ-ကသာ

    ၁၊၆၊၂၀၁၃ ရက်နေ့ည ၁၁နာရီ၁၀မိနစ်အချိန်က ကသာမြို့ အမှတ်(၃)ရပ်ကွက်ရှိ မြှိုမဗလီအား မီးကွင်း ပစ်မှုတစ်ခု ဖြစ်ပွားခဲ့ကြောင်း သိရပါသည်။

    Katar

    ဖြစ်ပွားပုံမှာ ည၁၁နာရီ၁၀မိနစ်အချိန်တွင် အရှေ့ဘက်မှ အနောက်ဘက်သို့ ဦးတည်မောင်းနှင်လာသော ဆိုင်ကယ်တစ်စီးပေါ်မှ ဓါတ်ဆီထည့်ထားသော ပလပ်စတစ်ဗူးတွင် အ၀တ်မီးစာ တပ်၍ လမ်းမပေါ်မှ ဗလီအတွင်းသို့ ပစ်သွင်း သွားခဲ့ခြင်း ဖြစ်ကြောင်း သိရပါသည်၊ထိုသို့ ပစ်သွင်းမှုကြောင့် မြို့မဗလီ(ဗလီကြီး)၏ မြောက်ဘက် တိုင်တစ်လုံး မီးဟပ်သွားခဲ့ပြီး မြို့ခံ မူဆလင်များနှင့် ဗုဒ္ဓဘာသာဝင်များမှ ၀ိုင်းဝန်းငြိမ်းသတ်ခဲ့ကြောင်း သိရှိရပါသည်။

    ဖြစ်ပွားရာဗလီသို့ ကသာခရိုင်ရဲတပ်ဖွဲ့မှူး ဒုတိယရဲမှူးကြီးထွန်းအောင်ကျော် ၊မြှိုနယ်ရဲတပ်ဖွဲ့မှူးရဲမှူးကျော်အောင်မြင့်နှင့် ခရိုင် ဒ/နမှ ရဲအုပ်မျိုးခိုင်နှင့် တပ်ဖွဲ့ဝင်များ၊နယ်ထိန်းခေါင်းဆောင် ဒုရဲအုပ်ဌေးဝင်းနှင့် တပ်ဖွဲ့ဝင်များအပြင် လွှတ်တော်ကိုယ်စားလှယ်ဦးစိန်ထွန်း တို့ ရောက်ရှိလာပြီး စုံစမ်းစစ်ဆေးမှုများ ပြုလုပ်နေသည်ကိုလည်း တွေ့ရပါသည်။

    ယခုဖြစ်ပွားမှုနှင့် ပါတ်သက်၍ သက်ဆိုင်ရာမှ မီးကွင်းပစ်ခဲ့သည့် ဆူပူ ပြဿနာ ဖန်တီးလိုသူများကို စုံစမ်း ဖေါ်ထုတ်အရေးယူသွား မည်ဖြစ်ကြောင်း ခရိုင်ရဲတပ်ဖွဲ့မှူးမှ ပြောကြားခဲ့ပြီး ဘာသာရေး အကြမ်းဖက်မှုမလိုလားသူ မြို့ခံဗုဒ္ဓဘာသာဝင်များဝင်များမှ အဖွဲ့ပေါင်းစုံပါဝင်သည့် ငြိမ်းချမ်းရေး အဖွဲ့ကို ဖွဲ့စည်းထားပြီး လုံခြုံရေးကို ယခုထက် ပိုမို တိုးမြှင့်ပေးကြရန် လိုလားနေကြောင်း သိရပါသည်၊ယခုရက်ပိုင်းအတွင်း ကသာမြို့ခံ ခမရ(၃၀၉)မှလည်း ညစဉ် လှည့်ကင်းများ ဆောင်ရွက်လျှက်ရှိနေပြီး ဘာသာရေး အဓိကရုဏ်းးများ မဖြစ်ပွားစေရန် ထိန်းသိမ်း သွားမည်ဖြစ်ကြောင်း သတင်းရရှိပါသည်။

    Credit (ဟာဂျူလီ-ကသာ)
    http://herjulekatha.com/index.php/getpost/single/205

  • ဘာသာရေးကို အစွဲပြုပြီး အကြမ်းဖက်မှုဖြစ်စေရန် မြင်းမူမြို့တွင် ဖန်တီးလှုံ့ဆော်

    ဇွန်လ-၁၊ ၂၀၁၃
    M-Media
    ထွန်းတောက်

    မြင်းမူမြို့။           ။         ဘာသာရေးကို အစွဲပြုပြီး အကြမ်းဖက်မှုများပြုလုပ်ရန်အတွက် မြင်းမူမြို့ မင်းရဲကျော်စွာရပ်ကွက်၌ ယမန်နေ့ မေလ ၃၁-ရက် ည (၁၀း၃၀)နာရီခန့်က အကြမ်းဖက်သမားတစ်စုက ဖန်တီးခဲ့သော်လည်း ပြဿနာကြီးကြီးမားမား မဖြစ်ပေါ်ခဲ့ပဲ ပြန်လည် တည်ငြိမ်အေးဆေးသွားပြီဖြစ်ကြောင်း သတင်းရရှိပါသည်။

    Myin Mu

    ယင်းသို့ အကြမ်းဖက်မှုဖြစ်စေရန် ဖန်တီးလှုံ့ဆော်ခဲ့မှုနှင့်ပတ်သက်၍ မြင်းမူမြို့သို့ ဆက်သွယ်စုံစမ်းခဲ့သည်။ “ဟုတ်ပါတယ်။ မြင်းမူမြို့မှာ အခြေအနေ ရုတ်ရုတ်သဲသဲ ဖြစ်သွားခဲ့ပါတယ်။ မနေ့ညက ၁၀-နာရီခွဲလောက်က ဖြစ်သွားတာပါ။ ဖြစ်တာက မင်းရဲကျော်စွာရပ်ကွက်ထဲက ဦးသိန်းမောင်ဆိုတဲ့ မွတ်စလင်မ်တစ်ယောက်ရောင်းတဲ့ ထတ္တရာဆိုင်အနားမှာ လူ ၁၀-ယောက်လောက်က တုတ်တွေကိုင်ပြီး လာစုနေတယ်။ ဟုတ်ပါတယ် မင်းရဲကျော်စွာဆိုတာ မွတ်စလင်မ်တွေအများစုနေတဲ့ရပ်ကွက်ပါ။ အဲဒီနားမှာက မွတ်စလင်မ်တွေပဲရှိတာ။ ဗုဒ္ဓ ဘာသာက ၂-ဦးလောက်ပဲရှိတာ။  အဲဒါကိုတွေ့တော့ ဘာဖြစ်ပြီလဲ မသိဘူး။ အခြေအနေတော့ မကောင်းဘူးလို့ သိလိုက်တယ်။ အဲဒီနားမှာ လူတွေက စုရုံးစုရုံးဖြစ်သွားတယ်။ ကျွန်တော်တို့ မြင်းမူမှာက ဘာသတင်းမှ မကြားထားဘူးဗျ။ ဗုဒ္ဓဘာသာဘက်ကလည်း သတင်းထွက်တာမရှိဘူး။ မထင်ထားတော့ ချက်ချင်း ရုတ်ရုတ်သဲသဲဖြစ်ကုန်တာ။ အဲဒီမှာ လူကြီးတွေ ကလေးတွေအတွက် စိတ်ပူပြီး တချို့လည်း ရှောင်သွားလိုက်ကြတယ်။ ဒီမှာ လူလတ်ပိုင်းတွေပဲ ကျန်ခဲ့တာပေါ့ဗျာ။

    ခုနကပြောသလို လူစုနေပြီးတော့ မိနစ် ၂၀-လောက်နေတော့ Light Truck ကားတစ်စီးရောက်လာတယ်။ ကားပေါ်မှာ ဘုန်းကြီး ၇-၈ ပါးပါတယ်။ လူတွေလည်းပါတယ်။ တုတ်တွေ ဓါးတွေနဲ့ဗျ။ လူတွေကတော့ မြင်းမူမြို့ အစွန်အဖျား ဆင်းရဲသားရပ်ကွက်က လူတွေဗျ။ ပြီးတော့ မနေ့ညနေ ၆-နာရီခွဲလောက်က မြင်းမူမြို့ထဲကို ၀င်လာတဲ့ Dina ကားတစ်စီးရဲ့ ခေါင်မိုးပေါ်မှာ ဘုန်းကြီးတွေ အပြည့်နဲ့ ၀င်လာတာ တွေ့လိုက်ရတယ်။ အဲဒီ ဘုန်းကြီးတွေက မင်းကျောင်းမှာ တည်းနေတယ်လို့ သိရတယ်ဗျ။ အခုတက်လာလည်း အဲ့ဒီ အရှေ့ကပဲ တက်လာတာဗျ။

    အဲဒီ Light Truck ကားရောက်လာပြီး မကြာဘူး ရဲတွေ မော်တော်ပီကယ်တွေ ရောက်လာပြီး လူစုခွဲဖို့ပြောတယ်။ ဖြစ်တဲ့ ထတ္တရာဆိုင်နားမှာနေတဲ့ ဗုဒ္ဓဘာသာအမျိုးသားကလည်း ဒီလိုအကြမ်းဖက်မှု ပြဿနာတွေ မဖြစ်စေချင်ဘူး။ သူကတည်း အတင်းကို တောင်းပန်ပြီး မွတ်စလင်မ်တွေကလည်း ပြဿနာ မရှိပါဘူး။ အေးအေးဆေးဆေးနေတာပါလို့ တောင်းပန်တယ်။ လူတွေ အဲလို စုရုံးစုရုံးဖြစ်နေတာကို လူစုခွဲဖို့ ပြောနေပေမယ့် ဘုန်းကြီးတွေက လူစုခွဲစရာမလိုဘူး၊ မခွဲနဲ့ဆိုပြီးပြောတယ်။ ဒါပေမယ့် ၂၅ မိနစ်လောက်ကြာပြီးတော့ လူစုခွဲသွားပါတယ်။

    အာဏာပိုင်အနေနဲ့တော့ လာတာက ရဲနဲ့ လုံထိန်းတော့ရှိတယ်။ ဖြစ်တဲ့နေရာနားမှ နည်းနည်းပဲ စောင့်နေတော့တယ်။ လုံခြုံရေးကတော့ ပတ္တရောင်ပုံစံမျိုး ဆိုင်ကယ်တွေနဲ့ ပတ်နေတယ်။ အခုတော့ အေးအေးဆေးဆေးဖြစ်သွားပါပြီ။ အေးဆေးသွားပြီဆိုပေမယ့် ကျွန်တော်တို့တော့ စိတ်မချနိုင်သေးပါဘူး။ လူကြီးတွေ၊ အမျိုးသမီးတွေနဲ့ ကလေးတွေအတွက် စိုးရိမ်နေရပါတယ်။ ဘာပြဿနာမှ မဖြစ်စေချင်ပါဘူး”လို့ M-Media ရဲ့ ဆက်သွယ်မေးမြန်းချက်ကို မြင်းမူမြို့ခံမှ ပြန်လည်ဖြေကြားခဲ့ပါတယ်။

    Photo-Google