Tag: Science

မတ် ၂၈၊ ၂၀၁၅
M-Media

– ယခုလက်ရှိ အသုံးပြုနေသည့် နိုင်ငံတကာ အာကာသစခန်း ISS သက်တမ်းကုန်သွားပါက အာကာသစခန်းအသစ်တစ်ခု တည်ဆောက်ရန် ရုရှားအာကာသအေဂျင်စီ Roscosmos နှင့် အမေရိကန် အာကာသ အေဂျင်စီ NASA တို့က သဘောတူညီခဲ့သည်ဟု သိရသည်။

ကာဇက်စတန်နိုင်ငံတွင် ပြုလုပ်ခဲ့သည့် ဆွေးနွေးပွဲတွင် သဘောတူညီခဲ့ခြင်းဖြစ်ပြီး အေဂျင်စီနှစ်ခုမှာ လူလိုက်ပါသည့် အာကာသအစီအစဉ်များ၏ စံနှုန်းများနှင့် စနစ်များကို ပူးပေါင်းဆောင်ရွက် သွားမည်ဖြစ်သည်။ လက်ရှိအသုံးပြုနေသည့် နိုင်ငံတကာ အာကာသစခန်း၏ သက်တမ်းမှာ ၂၀၂၀ ခုနှစ်တွင် ကုန်ဆုံးမည်ဖြစ်သည်။

“Roscosmos နဲ့ NASA တို့ အနာဂတ် အာကာသစခန်းအတွက် အတူတကွ ဆောင်ရွက်သွားဖို့ ကျွန်တော်တို့ သဘောတူခဲ့ကြပါတယ်” ဟု Roscosmos အကြီးအကဲ အီဂေါ် ကိုမာရော့ဗ်က ယနေ့တွင် ပြုလုပ်ခဲ့သည့် သတင်းစာရှင်းလင်းပွဲတွင် ပြောကြားခဲ့သည်။

နာဆာမှ အကြီးအကဲ ချားလ်စ် ဘိုလ်ဒန်ကမူ ၎င်းတို့အေဂျင်စီ ၂ ခု၏ အနာဂတ်ရည်ရွယ်ချက်မှာ အင်္ဂါဂြိုဟ်သို့ သွားရောက်ရေးဖြစ်သည်ဟု ပြောကြားခဲ့သည်။

“ကျွန်တော်တို့ ပူးပေါင်းဆောင်ရွက်မယ့် ဧရိယာက အင်္ဂါဂြိုဟ် ဖြစ်ပါလိ့မ်မယ်။ ရင်းမြစ်တွေ၊ ငွေကြေးတွေကို ဘယ်လိုအကောင်းဆုံး အသုံးချရမလဲဆိုတာကို ကျွန်တော်တို့ ဆွေးနွေးနေပါတယ်။ ပြီးတော့ အချိန်သတ်မှတ်ချက်ကိုလည်း စီစဉ်နေပြီး ဆောင်ရွက်မှုတွေ ထပ်သွားတာမျိုးကို ရှောင်ရှားဖို့ လုပ်ငန်းတွေကိုလည်း မျှဝေအသိပေးနေပါတယ်” ဟု ဘိုလ်ဒန်က ဆိုသည်။

နာဆာမှာ လက်ရှိအချိန်တွင် စီးပွားဖြစ် အာကာသလုပ်ငန်းများကို လုပ်ဆောင်နေပြီး ဘိုလ်ဒန်က မိမိတို့မှာ ထိုလုပ်ရပ်အတွက် ဝေဖန်ခံနေရသည်ဟု ဆိုသည်။ ထို့ပြင် အမေရိကန်အနေဖြင့် လပေါ်သို့ ပြန်လည်သွားရောက်မည့် ရည်ရွယ်ချက်ကို စွန့်လွှတ်မည်မဟုတ်ကြောင်း၊ အနာဂတ်တွင် လနှင့် အင်္ဂါဂြိုဟ်တို့အတွက် မိမိတို့၏ ပူးပေါင်းဆောင်ရွက်မှုများအတွင်း ပါဝင်ရန် ပုဂ္ဂလိကလုပ်ငန်းရှင်များကိုလည်း ဆွဲဆောင်သွားမည်ဖြစ်ကြောင်း ထည့်သွင်းပြောကြားခဲ့သည်။

Ref: RT

မတ် ၂၇၊ ၂၀၁၅
M-Media

– မြေပြင်ကပြည်သူတွေ အင်တာနက်သုံးနိုင်ဖို့အတွက် အင်တာနက်လှိုင်းကို ကောင်းကင်က လွှင့်ထုတ်ပေးနိုင်မယ့် လူမဲ့လေယာဉ်ကို မိမိတို့ရဲ့ Internet.org အဖွဲ့က အောင်မြင်စွာ စမ်းသပ်နိုင်ခဲ့ပြီလို့ Facebook တည်ထောင်သူ မာ့ဇူကာဘာ့ဂ်က ကြေညာလိုက်ပါတယ်။

သူ့ရဲ့ Facebook စာမျက်နှာမှာ မနေ့က ကြေညာလိုက်တာဖြစ်ပြီး အဲဒီလေယာဉ်ရဲ့ ဒီဇိုင်းကို သူတို့ကိုယ်တိုင် ထုတ်ထားတာကာ ပထမဆုံး ပျံသန်းမှုကို ယူကေမှာ စမ်းသပ်ခဲ့တာလို့ ဆိုပါတယ်။ ဒါပေမယ့် နောက်ဆုံးဒီဇိုင်းမှာတော့ အပြောင်းအလဲရှိမှာဖြစ်ပြီး တောင်ပံအရှည်က ဘိုးအင်း ၇၃၇ ထက်ပိုရှည်မှာဖြစ်ကာ အလေးချိန်ကတော့ ကားတစ်စီးစာထက်ကို ပိုပြီး ပေါ့ပါးမှာ ဖြစ်ပါတယ်။

အဲဒီလေယာဉ်ရဲ့ စွမ်းအင်အတွက် တောင်ပံတွေမှာတပ်ဆင်ထားတဲ့ ဆိုလာပြားတွေကနေ ထောက်ပံ့ပေးသွားမှာဖြစ်ပြီး တစ်ခါပျံတက်ပြီးတဲ့နောက် အမြင့်ပေ ၆၀၀၀၀ လောက်မှာ လပေါင်းများစွာ ပျံသန်းနိုင်မယ်လို့ ဇူကာဘာ့ဂ်က ဆိုပါတယ်။

“ဒီလိုလေယာဉ်ပျံတွေက တစ်ကမ္ဘာလုံးကို ဆက်သွယ်ပေးနိုင်မှာပါ။ ဘာ့ကြောင့်လည်းဆိုတော့ အင်တာနက်အတွက် အခြေခံအဆောက်အဦးတွေမရှိတဲ့ ကမ္ဘာရဲ့ ဝေးလံခေါင်ဗျားဒေသတွေမှာ နေထိုင်တဲ့ ကမ္ဘာ့လူဦးရေရဲ့ ၁၀ ရာခိုင်နှုန်းကို ၀န်ဆောင်မှု ပေးနိုင်မှာ ဖြစ်တာကြောင့်ပါပဲ” လို့ သူက Facebook စာမျက်နှာမှာ ရေးသားဖော်ပြခဲ့ပါတယ်။

မတ် ၂၀၊ ၂၀၁၅
M-Media

– အာတိတ်ပင်လယ်၏ ရေခဲမှုပမာဏမှာ ယခုနှစ်တွင် အနိမ့်ဆုံးအဆင့်သို့ ရောက်ရှိခဲ့သည်ဟု လေ့လာမှုများအရ သိရှိရပြီး ကမ္ဘာကြီးပူနွေးလာမှုကြောင့် ရေခဲများအရေပျော်ကာ ပင်လယ်ရေမျက်နှာပြင်မြင့်တက်၍ ရေကြီးရေလျှံမှုများ ဖြစ်ပွားမည့် စိုးရိမ်မှုများ မြင့်တက်လာခဲ့သည်။

အမေရိကန် နှင်းနှင့် ရေခဲအချက်အလက်စင်တာ NSIDC က ယမန်နေ့တွင် ထုတ်ပြန်သော ကြေညာချက်တွင် အာတိတ်ပင်လယ်၏ အမြင့်ဆုံးရေခဲပမာဏနှင့် ပတ်သက်၍ ဖေဖော်ဝါရီ ၂၅ ရက်နေ့ တိုင်းတာမှုများအရ ရေခဲပမာဏ စကွဲယားကီလိုမီတာ ၁၄၅ သန်းရှိသည်ကို တွေ့ရှိခဲ့ရသည်။

“ဂြိုဟ်တုကနေ ရိုက်ယူတဲ့မှတ်တမ်းမှာ အမြင့်ဆုံးရေခဲပမာဏက ဒီနှစ်မှာ အနိမ့်ဆုံးဖြစ်ပြီး လာဘာပင်လယ်နဲ့ ဒါးဗစ် ရေလက်ကြားတို့ကလွဲလို့ အခြားနေရာတွေဟာ ရေခဲမှုအခြေအနေဟာ ပျမ်းမျှအောက် ရောက်ခဲ့ပါတယ်” ဟု NSIDC ၏ ကြေညာချက်တွင် ဖော်ပြထားသည်။

အဆိုပါ ပမာဏမှာ ၁၉၇၉ ခုနှစ် ဂြိုဟ်တုမှ စတင်လေ့လာမှုပြုပြီးကတည်းက အနိမ့်ဆုံးမှတ်တမ်းလည်းဖြစ်ပြီး ၁၉၈၁ -၂၀၁၀ ခုနှစ် ပျမ်းမျှပမာဏထက် စကွဲယားကီလိုမီတာ ၁.၁ သန်း လျော့နည်းသွားခဲ့သည်။ ထို့ပြင် ၂၀၁၁ ခုနှစ်က အနိမ့်ဆုံး ပမာဏထက် ၁၃၀၀၁၇ စကွဲယား ကီလိုမီတာအောက် ရောက်ခဲ့သည်။

ုကုလရှိ ရာသီဥတုဆိုင်ရာ သိပ္ပံပညာရှင်များအဖွဲ့က ၁၉၇၉ ခုနှစ်မှစ၍ ဆယ်စုနှစ်တိုင်း ရေခဲမှုပမာဏ ၃.၈ ရာခိုင်နှုန်း လျော့ကျသည့် ရေခဲပမာဏ ရေရှည်ကျုံ့လာမှုကို ကမ္ဘာကြီး ပူနွေးလာမှုနှင့် ဆက်စပ်ဖော်ပြခဲ့ပြီး အာတိတ်ဒေသ၏ နွေရာသီ ရေခဲမှုပမာဏမှာ ရာစုနှစ်တစ်ဝက်အတွင်း ပျောက်ကွယ်သွားနိုင်သည်ဟု ပြောကြားခဲ့သည်။

သို့သော်လည်း NSIDC ကမူ ဆောင်းရာသီနှောင်းပိုင်းတွင် ရေခဲမှုပမာဏ မြင့်တက်လာနိုင်ဖွယ်ရှိသည်ဟု ဆိုသည်။ ဆောင်းရာသီ ပင်လယ်ရေခဲမှုပမာဏ ဆန်းစစ်လေ့လာမှု အသေးစိတ်အချက်အလက်များကို ဧပြီလ အစောပိုင်းတွင် ထုတ်ပြန်မည်ဖြစ်သည်။

ကမ္ဘာ့တောရိုင်းတိရစ္ဆာန် ရန်ပုံငွေအဖွဲ့ကမူ ပင်လယ်ရေခဲမှုပမာဏ ဆုံးရှုံးခြင်းမှာ ပိုလာဝက်ဝံများမှ ရေနေသတ္တ၀ါများအထိ သက်ရှိအမြောက်အများအတွက် ပြဿနာဖြစ်စေမည်ဟု ပြောကြားခဲ့သည်။

Ref: Aljazeera