Tag: SEAGames

ဒီဇင်ဘာ ၃၊ ၂၀၁၉
M-Media

-နိုင်ငံမြောက်ပိုင်းကို ဝင်ရောက်ဖို့ရှိနေတဲ့ တိုင်ဖုန်း ကမ်မူရီကြောင့် ဆီးဂိမ်းပြိုင်ပွဲက အားကစားနည်း ၈ မျိုးလောက်မှာ အပြောင်းအလဲတွေ ဖြစ်လာလိမ့်မယ်လို့ ဖိလစ်ပိုင် ဆီးဂိမ်းပြိုင်ပွဲ ကျင်းပရေးအဖွဲ့က ဒီဇင်ဘာ ၂ ရက်နေ့မှာ ထုတ်ပြန်ပြောဆိုခဲ့ပါတယ်။

တိုင်ဖုန်း ကမ်မူရီဟာ နိုင်ငံမြောက်ပိုင်းNorthern Samar ပြည်နယ် လူဇွန်မြို့ကို ဒီကနေ့ ဝင်ရောက်ဖို့ ရှိနေတာဖြစ်ပါတယ်။

ဆီးဂိမ်းပြိုင်ပွဲကို ဖိလစ်ပိုင်က ဇုံ ၃ ခုခွဲကာ ကျင်းပတာဖြစ်ပြီး မုန်တိုင်းကြောင့် ဆူဘစ်ဇုံမှာ ကျင်းပနေတဲ့ အားကစားပြိုင်ပွဲတစ်ချို့ ထိခိုက်မယ်လို့ ဆီးဂိမ်းပြိုင်ပွဲ ကျင်းပရေးအဖွဲ့ PHISGOC က ဒီကနေ့ပြုလုပ်တဲ့ သတင်းစာရှင်းလင်းပွဲမှာ ပြောကြားခဲ့ပါတယ်။

အပြောင်းအလဲဖြစ်လာမယ့် ပြိုင်ပွဲတွေက ဘောလီဘော၊ လှိုင်းစီး၊ ရွက်လှေ၊ ပန်ကျပ်စီလပ်၊ ကနူးကယက်လှေပြိုင်ပွ၊ ရိုးရာလှေပြိုင်နဲ့ ခေတ်ပေါ် ပန်သလွန်၊ ထရိုင်သလွန်၊ ဂျူယဲလ်သလွန် စတာတွေဖြစ်ပါတယ်။ မနီလာဇုန်မှာတော့ ပြိုင်ပွဲတွေကို အပြောင်းအလဲမရှိ ကျင်းပသွားမယ်လို့ ဆိုပါတယ်။

ဖိလစ်ပိုင်နိုင်ငံမှာ တစ်နှစ်ကို မုန်တိုင်းပေါင်း ၂၀ လောက်ဝင်လေ့ရှိပါတယ်။ နိုင်ငံသမိုင်းတစ်လျှောက် အဆိုးဝါးဆုံး မုန်တိုင်းကတော့ ၂၀၁၃ ခုနှစ်က တိုက်ခတ်ခဲ့တဲ့ တိုင်ဖုန်းဟိုင်ယန်ဖြစ်ပြီး သေဆုံးသူနဲ့ ပျောက်ဆုံးသူ စုစုပေါင်း ၇၃၀၀ လောက် ရှိခဲ့ပါတယ်။

နိုင်ငံအတွင်း လိုအပ်နေတဲ့နေရာတွေမှာ မသုံးစွဲဘဲ ငွေကုန်ကြေးကျခံကာ ဆီးဂိမ်းပြိုင်ပွဲ ကျင်းပမှုအတွက် ဖိလစ်ပိုင်းအစိုးရဟာ ဝေဖန်မှုတွေ ခံနေရသလို၊ ဆီးဂိမ်းပြိုင်ပွဲလာရောက်တဲ့ ကစားသမားတွေကို ကြိုဆိုမှု၊ နေရာချထားမှုတွေ လစ်ဟင်းတာတွေ ရှိတဲ့အတွက်လည်း ဝေဖန်ခံနေရပါတယ်။

Ref: CNA

နိုဝင်ဘာ ၂၅၊ ၂၀၁၉
M-Media

-အရှေ့တောင်အာရှ အားကစားပြိုင်ပွဲ (ဆီးဂိမ်း) အတွက် ရောက်ရှိလာတဲ့ အားကစားသမားတွေကို အချိန်မီ လာမခေါ်နိုင်မှု၊ ဟိုတယ်မှားကာ ပို့ဆောင်မှု စတဲ့ လွဲချော်မှုတွေအတွက် ဖိလစ်ပိုင်နိုင်ငံက နိုဝင်ဘာ ၂၄ ရက်နေ့ (မနေ့) မှာ တောင်းပန်လိုက်ပါတယ်။

ဆီးဂိမ်ပြိုင်ပွဲ ဖွင့်ပွဲအခမ်းအနားကို လာမယ့်တစ်ပတ်စနနေ့မှာ ပြုလုပ်မှာဖြစ်ပါတယ်။ ပြိုင်ပွဲအတွက် မြို့တော်မနီလာကို ရောက်ရှိလာကြတဲ့ နိုင်ငံပေါင်းစုံက ကစားသမားတွေဟာ လေယာဉ်ကွင်းဆိုက်ရောက်စဉ်မှာပဲ အဆင်မပြေမှုတွေနဲ့ ကြုံတွေ့ခဲ့ရတာပါ။

ကမ္ဘောဒီးယား‌ ဘောလုံးအသင်းဟာ တည်းခိုရာဟိုတယ်ရဖို့အတွက် ၈ နာရီကနေ ၉ နာရီလောက်အထိ လေယာဉ်ကွင်းမှာ ထိုင်စောင့်ခဲ့ရသလို၊ အရှေ့တီမောအသင်းကိုလည်း ဟိုတယ်မှားခေါ်သွားတာကြောင့် လေ့ကျင့်ချိန်တွေ ကမောက်ကမ ဖြစ်ခဲ့ရပါတယ်။

“နိုင်ငံအားလုံးကို အလေးထားရမှာပါ။ မနေ့ကဖြစ်သွားတာတွေဟာ သိပ်ပြီးတော့ မျက်နှာပန်း မလှပါဘူး” လို့ အရှေ့တီမောနည်းပြ ဖေဘီယာနို ဖလိုရာက သတင်းထောက်တွေကို ပြောကြားခဲ့ပါတယ်။

ဖိလစ်ပိုင် ဆီးဂိမ်းပြိုင်ပွဲ ကျင်းပရေးကော်မတီက ပို့ဆောင်ရေးအစီအစဉ်တွေ နောက်ဆုံးမိနစ်မှ အပြောင်းအလဲဖြစ်တာနဲ့ ဟိုတယ်တွေရဲ့ check-in အချိန် နောက်ကျတာကြောင့် လွဲချော်မှုတွေ ဖြစ်ခဲ့ရတာဖြစ်ပြီး အဲဒီအတွက် တောင်းပနးတယ်လို့ မနေ့မှာ ကြေငြာချက်တစ်စောင် ထုတ်ပြန်ခဲ့ပါတယ်။

“နားလည်မှုလွဲမှာတွေကြောင့် အဆင်မပြေမှုတွေ ဖြစ်သွားရတဲ့အတွက် ဧည့်သည်တွေကို အနူးအညွတ် တောင်းပန်ပါတယ်။ ပိုမိုကောင်းမွန်အောင် ဆောင်ရွက်သွားမယ်လို့လည်း ကတိပြုပါတယ်”

ဖိလစ်ပိုင်နိုင်ငံဟာ ၂၀၀၅ ခုနှစ်က ဆီးဂိမ်းပြိုင်ပွဲ တစ်ကြိမ် ကျင်းပခဲ့ဖူးပါတယ်။

အဆင်မပြေမှုတွေကို နိုင်ငံခြား ကစားသမားတွေသာ မကဘဲ ဖိလစ်ပိုင်ကစားသမားတွေလည်း ကြုံတွေ့ခဲ့ရပါတယ်။ ဖိလစ်ပိုင် အမျိုးသမီးဘောလုံးကစားသမား ဟာလီလောင်က အခန်းအချိန်မီမရတာ၊ ၂ ယောက်ခန်းမှာ ၄-၅ ယောက် စုပြုံနေရတာ၊ နေ့လည်စာ နောက်ကျတာတွေကို ဆိုရှယ်မီဒီယာမှာ ဖွင့်ချ ရေးသားခဲ့ပါတယ်။

“အိမ်ရှင်အသင်းဖြစ်တဲ့ ကျွန်မတို့မှာတောင် ဒီလောက်ဆိုးရွားနေရင် အခြားတိုင်းပြည်က ကစားသမားတွေ ဘယ်လိုခံစားရမလဲ စဉ်းစားသာကြည့်ပါတော့”

၂ ပတ်တာကြာမြင့်မယ့် ဖိလစ်ပိုင်ဆီးဂိမ်းမှာ အားကစားနည်း ၅၆ မျိုး ယှဉ်ပြိုင်မှာဖြစ်ပါတယ်။ ပြိုင်ပွဲကို ငွေကုန်ကြေးကျခံ ကျင်းပမှုအတွက် ဖိလစ်ပိုင်အစိုးရအပေါ် ဝေဖန်မှုတွေလည်း ရှိနေပါတယ်။ အထူးသဖြင့် မီးရှူးတိုင်းထွန်းညှိမယ်နေရာကို ‌ကန်ဒေါ်လာ ၁ သန်း အကုန်အကျခံ တည်ဆောက်မှုဖြစ်ပြီး နိုင်ငံအတွင်းက ကလေးငယ်တွေ။ ဆင်းရဲသားတွေအတွက် ဒီငွေတွေကို အသုံးပြုသင့်တယ်လို့ ထောက်ပြဝေဖန်ခဲ့ကြပါတယ်။

Ref : AFP