Tag: SithuAungmyint

စည်သူအောင်မြင့် ရေးသည်။
မဇ္ဈိမ မှကူးယူဖော်ပြသည်။
.
အားလုံးသိကြပြီဖြစ်တဲ့အတိုင်း လက်ရှိ သမ္မတ ဦးသိန်းစိန် အစိုးရဟာ အရင် စစ်အာဏာရှင်တွေနဲ့ အစိုးရအဆက်ဆက်ရဲ့ ဆိုးမွေကြီး တစ်ခုဖြစ်တဲ့ ပြည်တွင်းစစ်ကို လက်ခံ ရရှိထားပါတယ်။ ပြည်တွင်းစစ်ဟာ အရာရာကို ဖျက်ဆီးပါတယ်။ တိုင်းရင်းသား အချင်းချင်း မုန်းတီးမှု၊ မယုံကြည်မှု ဖြစ်ပေါ်စေပါတယ်။ တိုင်းရင်းသား စည်းလုံးညီညွတ်ရေး ဆိုတာကို စက္ကူပေါ်မှာပဲ တည်ဆောက်လို့ ရပါတယ်။ တကယ် လက်တွေ့ မတည်ဆောက်နိုင်ပါဘူး။ တိုင်းပြည်စီးပွားရေး ကိုလည်း ဖျက်ဆီးပစ်ပါတယ်။ စစ်အာဏာရှင် စနစ်ကိုလည်း အမြစ်တွယ် ရှင်သန်စေပါတယ်။ ဘယ်လိုပဲဖြစ်ဖြစ် တိုင်းပြည်ကို ဖွံ့ဖြိုးတိုးတက်စေလိုတဲ့ စိတ်ဆန္ဒရှိတဲ့ လက်ရှိ သမ္မတ ဦးသိန်းစိန်နဲ့ အစိုးရအဖွဲ့တွေဟာ နှစ်ပေါင်း ၆၀ ကျော် ၇၀ နီးပါး ဖြစ်ပွားလာတဲ့ ပြည်တွင်းစစ် ရပ်စဲပြီး လက်နက်ကိုင် တိုင်းရင်းသားတွေနဲ့ ငြိမ်းချမ်းရေးရအောင် ကျားကုတ်ကျားခဲ ကြိုးစားနေတဲ့ ကာလလည်း ဖြစ်ပါတယ်။ ဒီလို အခြေအနေမှာ တိုင်းရင်းသားတွေနဲ့ ယုံကြည်မှု ပိုပြီး ပျက်ပြားအောင်၊ ငြိမ်းချမ်းရေးကို အလှမ်းဝေးသွားစေအောင်အထိ ဖြစ်သွားစေနိုင်တဲ့ ဆောင်းပါး တစ်ပုဒ် ပြည်တွင်းထုတ် ဂျာနယ်တစ်စောင်မှာ ဖော်ပြပါရှိလာပါတယ်။
.
ဘယ်ဂျာနယ်မှာ ဘာတွေ ဖော်ပြလာတာပါလဲ၊ အဲဒီ အကျိုးဆက် ဘာတွေ ဖြစ်လာနိုင်သလဲ ဆိုတာ ဒီကနေ့ ဆွေးနွေးတင်ပြသွားပါ့မယ်။
ရည်ညွှန်းပါ ဆောင်းပါးကတော့ “တိုင်းပြည်အတွက် မဘသ” ဆိုတဲ့ ဆောင်းပါးဖြစ်ပြီး မေလ ၁၇ ရက်ထုတ် သာကီသွေး ဂျာနယ် စာမျက်နှာ (၆) မှာ ဖော်ပြထားတာပါ။ ဒီဆောင်းပါး ရေးသူကတော့ နှယ်နှယ်ရရ ပုဂ္ဂိုလ် မဟုတ်ပါဘူး။ ပြည်တွင်းမှာရော၊ ပြည်ပမှာပါ နာမည်ကြီး ထင်ရှားနေတဲ့ အမျိုးဘာသာ သာသနာ စောင့်ရှောက်ရေး အဖွဲ့ (မဘသ) ရဲ့ ဥက္ကဋ္ဌ ဆရာတော် အင်းစိန် ရွာမ ပရိယတ္တိ စာသင်တိုက် ဆရာတော် အရှင် တိလောကာ ဘိဝံသ ကိုယ်တိုင် ဖြစ်နေလို့ပါ။ ဒါကြောင့်လဲ အခုလို ဝေဖန် သုံးသပ်မှု ပြုရတာ ဖြစ်ပါတယ်။.
.
ဆောင်းပါးမှာ ဖော်ပြထားတာတွေကတော့ မြန်မာနိုင်ငံအတွင်း မှီတင်းနေထိုင်ကြတဲ့ ဗုဒ္ဓဘာသာဝင်တွေဟာ ခေတ်အဆက်ဆက်ကနေ ကနေ့ထက်တိုင် ဘာသာခြား လူမျိုးခြား တွေရဲ့ ဖိနှိပ်၊ နှိပ်စက်၊ စော်ကား ခံခဲ့ရတဲ့အကြောင်း၊ ဒီအထဲမှာ ဗုဒ္ဓဘာသာ မြန်မာ အမျိုးသမီး တွေလည်း ပါဝင်တဲ့ အကြောင်း၊ အဲဒီ ဗုဒ္ဓဘာသာ မြန်မာအမျိုးသမီးတွေကို ကာကွယ်ပေးဖို့ အမျိုးစောင့် ဥပဒေတွေ ပြဋ္ဌာန်းဖို့ လိုတဲ့အကြောင်း၊ ဒါကြောင့် လာမယ့် ၂၀၁၅ ခုနှစ် ရွေးကောက်ပွဲမှာ အမျိုးဘာသာ သာသနာအတွက် အားကိုးလောက် သူတွေကို ရွေးချယ်ပေး ရမှာ ဖြစ်တဲ့အကြောင်း ဖော်ပြထားပါတယ်။
.
အဲဒီအထဲက စာပိုဒ် တစ်ပိုဒ်ကို ကောက်နှုတ်ဖော်ပြရရင် “ ယနေ့ မျက်မှောက်ခေတ် မှာလည်း ရခိုင်၊ မောင်တော ဒေသစသည်တို့၌ ဧည့်သည် လူမျိုးခြား၊ ဘာသာခြား ဘင်္ဂါလီများ က ဧည့်သည်ဝတ် ဖောက်ဖျက်ကာ အိမ်သည် မြန်မာများကို သတ်ဖြတ် နှင်ထုတ်နေကြသည်။ ဗုဒ္ဓဘာသာ ဘုရားကျောင်းကန်များကို ဖျက်ဆီးခြင်း၊ ရဟန်းသံဃာများ အပါအဝင် ဗုဒ္ဓဘာသာ ဝင်များကို ဗြောင်တစ်မျိုး ကွယ်ရာတစ်ဖုံ သတ်ဖြတ် ညှဉ်းဆဲ နှိပ်စက်ကြလေပြီ။ ကချင်၊ ကယား စသော အစွန်အဖျား ဒေသများ၌လည်း ဘုန်းတော်ကြီးများကို ခရစ်ယာန် သူပုန်များ က သတ်ဖြတ် ချေမှုန်းနေကြလေပြီ။ တိုင်းရင်းသားများ ဗုဒ္ဓဘာသာဝင်များ အသတ်ခံရသူများ အသတ်ခံရ၊ ကိုယ်လွတ် ရုန်းပြေးသူ ပြေးရ၊ ဖြစ်ခဲ့ကြ ရပါပြီ။ မြန်မာမှာရော၊ ကမ္ဘာမှာပါ ဗုဒ္ဓဘာသာဝင်များက အခြားဘာသာ လူမျိုးများအပေါ် မတရားစော်ကား အကြမ်းဖက်ဖူးသည့် သမိုင်းကြောင်း လုံးဝ မရှိခဲ့ပါ” ဆိုပြီး ဖော်ပြထားတာ တွေ့ရပါတယ်။
.
ဒီ စာပိုဒ်ပါ “ကချင်၊ ကယား စသော အစွန်အဖျား ဒေသများ၌လည်း ဘုန်းတော်ကြီး များကို ခရစ်ယာန် သူပုန်များက သတ်ဖြတ် ချေမှုန်းနေကြလေပြီ။ တိုင်းရင်းသားများ ဗုဒ္ဓဘာသာဝင်များ အသတ်ခံရသူများ အသတ်ခံရ၊ ကိုယ်လွတ်ရုန်းပြေးသူ ပြေးရ၊ ဖြစ်ခဲ့ကြရပါပြီ” ဆိုတာ အလွန်အန္တရာယ်များတဲ့ အမုန်းတရား စာသားဖြစ်ပါတယ်။ အစိုးရ အဆက်ဆက်ကို တော်လှန်ပုန်ကန်ခဲ့တဲ့ ကေအိုင်အေ ကချင်သူပုန်တွေ၊ KNPP ကရင်နီ သူပုန်တွေကို ခရစ်ယာန် သူပုန်တွေအဖြစ် ရည်ညွှန်းပြီး ဗုဒ္ဓဘာသာ ဘုန်းတော်ကြီးတွေကို သတ်ဖြတ်ချေမှုန်းနေတယ် ဆိုပြီး မှန်ကန်မှု မရှိတဲ့ အချက်အလက်တွေကို ရေးသားဖော်ပြ လိုက်တာပါ။
.
လက်ရှိ ပြည်တွင်းစစ်ပွဲ ဖြစ်ပွားနေတာမှာ ကချင်နဲ့ ဗမာ၊ ကရင်နီနဲ့ ဗမာ လူမျိုးခြင်း စစ်ပွဲ ဖြစ်နေကြတာ မဟုတ်သလို၊ ခရစ်ယာန်နဲ့ ဗုဒ္ဓဘာသာ ဖြစ်နေကြတဲ့ စစ်ပွဲလည်း မဟုတ်ပါဘူး။ တိုင်းရင်းသား တန်းတူ အခွင့်အရေးရအောင် ခေတ်အဆက်ဆက် ဗဟိုအစိုးရ ကို တော်လှန်ပုန်ကန်နေကြတာသာ ဖြစ်ပါတယ်။ မဘသ ဆရာတော်ကြီးရဲ့ ရေးသားချက်ဟာ လက်နက်ကိုင် တိုင်းရင်းသားတွေရဲ့ တိုင်းရင်းသား အခွင့်အရေး တန်းတူရရေး တော်လှန် ပုန်ကန်မှုကို ပုံပျက်ပန်းပျက် ဖြစ်အောင် စွတ်စွဲလိုက်တာ ဖြစ်သလို လက်ရှိ အစိုးရအဖွဲ့နဲ့ လက်နက်ကိုင် တိုင်းရင်းသားတွေ ဆွေးနွေးနေတဲ့ တစ်တိုင်းပြည်လုံးဆိုင်ရာ အပစ်ရပ်ရေး ကိစ္စ၊ ငြိမ်းချမ်းရေး ကိစ္စကို အဟန့်အတား အနှောင့်အယှက် ဖြစ်စေနိုင်ပါတယ်။
.
နောက်ထပ် မမှန်ကန်တဲ့ အချက်အလက်တွေ ရေးသား ဖော်ပြပြန်ပါတယ်။ “ရန်ကုန်၊ မန္တလေး စသော ပြည်တွင်းရှိ အချို့နေရာများမှာပင် လူမျိုးခြား၊ ဘာသာခြားများ ရမ်းကား စော်ကားမှုကြောင့် ဗုဒ္ဓဘာသာဝင် မြန်မာလူမျိုးများ အသက်အိုးအိမ် လုံခြုံမှု စိုးရိမ်နေကြရပြီ” လို့ ဆိုပါတယ်။ ဒီ အခြေအနေ မှန်ကန်မှု မရှိဘူးဆိုတာ ရန်ကုန်၊ မန္တလေး နေထိုင်သူ အားလုံး သိရှိကြပါတယ်။ ဒီလို ရေးသားဖော်ပြမှုဟာ နဂိုကတည်းကမှ တစ်ဦးအပေါ် တစ်ဦး သံသယ စိတ်နဲ့ ကြည့်နေကြတဲ့ မတူညီတဲ့ ဘာသာဝင်တွေအကြား ပိုပြီး သံသယပွား၊ ပိုပြီး အမုန်းပွားတဲ့ အကျိုးဆက်ပဲ ဖြစ်စေနိုင်ပါတယ်။
.
မဘသ ဆရာတော် နောက်ဆုံးရေးတာက အမျိုးစောင့် ဥပဒေကို ကန့်ကွက်သူတွေ ဟာ မြန်မာနိုင်ငံတော်ကို သစ္စာဖောက် သူတွေ ဖြစ်တဲ့အကြောင်း ဖော်ပြထားပြီး “ ၂၀၁၅ ခု ရွေးကောက်ပွဲ၌ မြန်မာနိုင်ငံ၏ နိုင်ငံ့သစ္စာဖောက်များနှင့် ကိုယ်ကျိုးသာ ကြည့်သူများကို ရှောင်ရှားပြီး နိုင်ငံတော်နှင့် အမျိုးဘာသာ သာသနာအတွက် အားကိုးလောက်သော နိုင်ငံ့ ခေါင်းဆောင် ကိုယ်စားလှယ်များကိုသာ စနစ်တကျ ရွေးချယ်နိုင်ကြပါစေကြောင်း” ဆိုပြီး အတိအလင်း ရေးသားထားတာ တွေ့ရပါတယ်။ ဆရာတော် အနေနဲ့ ကိုယ်ကြိုက်နှစ်သက်ရာ ခေါင်းဆောင်၊ ကြိုက်နှစ်သက်ရာ ပါတီကို နှစ်သက်ခွင့် ရှိပါတယ်။ ဝိနည်းနဲ့ ညီတယ်ဆိုရင် ဘယ်လိုခေါင်းဆောင် ဘယ်လို ပါတီမျိုးကို မဲပေးရွေးချယ်ပါဆိုပြီး ကိုယ့် တပည့်ဒါယိကာ၊ ဒါယိကာမတွေကို တိုက်တွန်းနိုင်ပါတယ်။ ဒါပေမယ့် တိုင်းပြည် မီးလောင်မယ့် အမုန်းတရား သွတ်သွင်းပြီး လုပ်ကိုင်ဆောင်ရွက်ဖို့တော့ မသင့်တော်ပါကြောင်း၊ ဒါဟာ မဘသ အဖွဲ့ဝင် ဆရာတော် သံဃာတော် အားလုံးရဲ့ သဘောထားမျိုးလည်း မဟုတ်နိုင်ပါကြောင်း သုံးသပ် တင်ပြလိုက်ရပါတယ်။

http://www.mizzimaburmese.com/2013-10-20-17-18-22/2013-10-20-16-34-57/item/44858-2015-05-20-05-27-09

စည်သူအောင်မြင့်
မြန်မာတိုင်းမ် ဂျာနယ်၊ ၂၉-၄-၁၅။

.
ပြီးခဲ့တဲ့ ဧပြီလ ၂၅ ရက်နေ့က ရန်ကုန် ဗိုလ်အောင်ကျော်လမ်း၊ Home ခန်းမမှာ အလွန်ထူးခြားတဲ့ စာအုပ် မိတ်ဆက်ပွဲ တစ်ခု ကျင်းပခဲ့ပါတယ်။ စာအုပ်နာမည်က “ ၀ိဘဇ္ဇ ပဲ့တင်သံ” ဖြစ်ပြီး စာအုပ်ကို မိတ်ဆက်ကြတာကလည်း ဆရာတော်၊ သံဃာတော်တွေချည်း ဖြစ်နေလို့ပါပဲ။ လက်ရှိ မြန်မာနိုင်ငံထဲမှာ ဘာသာရေး၊ လူမျိုးရေးကို အခြေခံတဲ့ အကြမ်းဖက်မှုတွေ ဖြစ်ပွားနေချိန်၊ ဘုန်းတော်ကြီးတစ်ချို့နဲ့ လူပုဂ္ဂိုလ်တစ်ချို့က ဘာသာခြား အမုန်းတရား ဖြန့်ဖြူးနေကြချိန်၊ အေးမြငြိမ်းချမ်းတဲ့ မြတ်ဗုဒ္ဓ သာသနာဟာလည်း နိုင်ငံတကာ့ အလည်မှာ အထည်အမြင်လွဲ ခံနေရချိန် ခုလို စာအုပ် ထွက်ပေါ်လာတာပါ။ ဒီ စာအုပ် ဘယ်လို ဖြစ်ပေါ်လာသလဲ၊ ဘယ်သူတွေ က ဘာအကြောင်းအရာတွေ ပါဝင်ရေးသားကြသလဲ၊ ဘာတွေထူးခြားမှု ရှိသလဲဆိုတာ ဒီတစ်ပါတ် ဆွေးနွေးတင်ပြသွားပါ့မယ်။

ယနေ့ နာမည်ကျော်ပါတယ် ဆိုတဲ့ မဘသ ထဲက ဆရာတော်ဟာ ဒေ၀ဒတ်လောက် နာမည်ကျော်လို့လား။ ဒေ၀ဒတ်လောက် ဈာန် အဘိဥာဏ်တွေ ရကြလို့လား။ ဈာန်အဘိဥာဏ်ရမှုနဲ့ ကြော်ကြားမှု တစ်ခုတည်းကိုပဲ ကြည့်ပြီး လိုက်သွားတဲ့၊ သောတာပန် ဖြစ်နိုင်လောက်အောင် ပါရမီ ပါလာတဲ့ အဇာသသတ်ဟာ သူ့အဖေကို သတ်မိသည်အထိ လမ်းမှားသွားတာ သူ့ရဲ့ သန္တာန်မှာ ၀ိဘဇ္ဇဥာဏ် မရှိလို့ပဲ သူငယ်ချင်း၊ ဒါကြောင့် ငါကတော့ မဘသ အဖွဲ့ကြီးထဲကို လုံးဝ လုံးဝ မ၀င်ရေးချ မ၀င်ပဲ သူငယ်ချင်းရေ”

.ဒီစာအုပ် ဖြစ်မြောက်လာရေးအတွက် ကနဦး ကမကထ ပြုလုပ်ခဲ့တဲ့ သံဃာတော် နှစ်ပါးကတော့ အမေရိကန်ပြည်ထောင်စုမှာ သီတင်းသုံးတော်မူတဲ့ ဆရာတော်ဦးဇ၀န နဲ့ ဂျာမဏီနိုင်ငံမှာ သီတင်းသုံးတဲ့ ဆရာတော် ဦးရာဇိက တို့ပဲ ဖြစ်ပါတယ်။ ဆရာတော်တွေ စဉ်းစားမိကြတာက ၂၀၀၇ သံဃာ့အရေးအခင်း ရွှေဝါရောင် တော်လှန်ရေး ကာလတုန်းက မြန်မာနိုင်ငံက ရဟန်းသံဃာတွေဟာ ဖိနှိပ်ခံနေရပြီး၊ ဆင်းရဲမွဲတေနေတဲ့ ပြည်သူလူထု ဘက်က မားမားမတ်မတ် ရပ်ကာ၊ အကြမ်းမဖက် ငြိမ်းချမ်းတဲ့ နည်းနဲ့ အစိုးရကို ဆန္ဒပြခဲ့ကြကြောင်း၊ နေပူ မိုးရွာကြီးထဲမှာ ဖိနပ်မပါ၊ ထီးမပါ မေတ္တာပို့ လမ်းလျောက် ကြွချီကြတဲ့ သံဃာတော်တွေရဲ့ ပုံရိပ်ကို မြင်ကြရတဲ့ နိုင်ငံတကာ မိသားစုဟာ မေတ္တာဂရုဏာ သက်ခဲ့ကြတဲ့အကြောင်း၊ ဗုဒ္ဓသာသနာရဲ့ ပုံရိပ်ဟာ ကမ္ဘာ့အလည်မှာ တင့်တယ်ခဲ့ကြောင်း၊ ဒါပေမယ့် ကံအကြောင်းမလှစွာပဲ သမ္မတ ဦးသိန်းစိန် အစိုးရအဖွဲ့သစ် တက်လာပြီးနောက် ဘာသာရေးကို အခြေခံတဲ့ အကြမ်းဖက်မှုတွေ ဖြစ်ပွားလာ၊ အဲဒီ ပဋိပက္ခထဲမှာ ဗုဒ္ဓဘာသာ ဘုန်းတော်ကြီးတစ်ချို့က ပုံစံမျိုးစုံနဲ့ ပါဝင်ပါတ်သက်မှုတွေ ရှိလာတော့ ကမ္ဘာ့အလည်မှာ ဗုဒ္ဓဘာသာ ပုံရိပ် ညှိးနွမ်း ညစ်ထေး ခဲ့ရကြောင်း၊ ဒါကြောင့် ပုံရိပ်ကောင်း ပြန်ထင်ဟပ်နိုင်ဖို့၊ မြန်မာနိုင်ငံမှာ ဗုဒ္ဓဘာသာရဲ့ တကယ့် တရားစစ်တရားမှန် ပြန်ပြီး ထွန်းကားလာစေဖို့ ဒီ “ ၀ိဘဇ္ဇ ပဲ့တင်သံ” ဆိုတဲ့ စာအုပ် ရေးသား ပြုစု ထုတ်ဝေဖို့ လုပ်ကိုင်ခဲ့ကြတာ ဆိုပြီး ဘ၀အလင်း ဆရာတော်က မိတ်ဆက်ပွဲမှာ မိန့်ပါတယ်။
.
ဒီစာအုပ်ထဲ ပါဝင်ရေးသားခဲ့တဲ့ ဆရာတော် သံဃာတော်တွေကတော့ မြ၀တီမင်းကြီး ဆရာတော်၊ ဓမ္မဘေရီ အရှင်ဝီရိယ (တောင်စွန်း)၊ သန္တိသုခ ဆရာတော်(ဒါးက)၊ ကံထွန်းသစ်၊ ဓမ္မဒူတ ဒေါက်တာ အရှင်ပညိဿရ၊ အရှင်ဇ၀န၊ မင်းသုည(ဗုဒ္ဓတက္ကသိုလ်)၊ သစ္စာနွယ်(ကျောက်တိုင်)၊ သားအေးည၊ အရှင် ဓမ္မိသာရ၊ ကိုသစ် (သီတဂူ)၊ ဓမ္မဂ္ဂင်္ါ၊ အရှင်ထာဝရ၊ ဦးသောဘိတ (ဘ၀အလင်း)၊ ဘုန်းဘုန်း ဦးကောဝိဒ၊ အရှင်ဓမ္မ- ဒေလီ၊ အရှင်ရာဟုလာ (မစိုးရိမ်)၊ အရှင်သံဝရာ လင်္ကာရ၊ အဝေရာမောင်၊ ဦးရာဝိက၊ အရှင်စန္ဒိမာ (မွန်စိန်တောရ)၊ အရှင်နိယာမ (အောင်သာဝတီ)၊ အရှင်ညာဏိန် (မစိုးရိမ်)၊ အရှင်နန္ဒမာလာ (မာဂဓ တက္ကသိုလ်)၊ မိုးသု (မန္တလေး)၊ ၀တီနွယ် တို့ဖြစ်ကြပါတယ်။ စုစုပေါင်း ဆရာတော် သံဃာတော် ၂၆ ပါးရဲ့ စာတွေပါ။
.
စာအုပ်ထဲ ရေးသားထားတာတွေထဲက တစ်ချို့ကို ကောက်နှုတ်ဖော်ပြရရင် မဘသ အဖွဲ့နဲ့ ပတ်သက်ပြီး ဆရာတော် အရှင် ဇ၀န က “ မဘသ တို့ဇ။် အမျိုးစောင့်ဥပဒေသည် အမျိုးစောင့်ရာ မရောက်ပဲ တိုင်းပြည်ပျက်ဖို့ လှုံ့ဆော်နေသလို ဖြစ်နေတော့သည်။ တိုင်းရင်းသားတို့ဇ။် (ဗမာ) မြန်မာ များအပေါ် သံသယက ပြည်တွင်းစစ်မီးဇ။် မူလ အကြောင်းဖြစ်သည်။ တိုင်းရင်းသားတို့ဇ။် သံသယကို ပိုမို ခိုင်မာစေမည် ဖြစ်သော ဥပဒေ ”။ “ ဘာသာရေးနှင့် နိုင်ငံရေးကို မရောထွေးပါနှင့်ဟု ခေတ်အဆက်ဆက်က အုပ်စိုးသူတွေ လက်ကိုင်ပြု ပြောကြားခဲ့ကြသည်။ သူတို့တွေပင် ဘာသာရေးကို အသုံးချပြီး လူတွေကို စည်းရုံးကြပြန်သည်။ အထူးသဖြင့် စစ်အာဏာရှင်သည် ဘာသာရေးကို နိုင်ငံရေးအတွက် အသုံးချမှု အများဆုံးဟု ဆိုရမည်” ဆိုပြီး ရေးသားခဲ့ပါတယ်။ (စာ- ၄၅)
.
မင်းသုည (ဗုဒ္ဓတက္ကသိုလ်) ကတော့ “ ဒို့ဘုရားရဲ့ ၀ါဒဟာ အမှားအမှန်တွေကို ဥာဏ်ပညာနဲ့ သေခြာပိုင်းခြား စိစစ်ပြီးမှ လက်ခံတဲ့ ၀ိဘဇ္ဇ၀ါဒ ဖြစ်တယ်၊ ဘယ်ဆရာတော်ကြီးမို့လို့ ဘိဝံသ ဘွဲ့တွေရလို့ စာတတ်ပေတတ် အကျော်အမော်ဖြစ်လို့ မှားမှားမှန်မှန် မျက်စေ့စုံမှိတ် လက်ခံရမယ် ဆိုတဲ့ ၀ါဒ မဟုတ်ဘူး။ ယနေ့ နာမည်ကျော်ပါတယ် ဆိုတဲ့ မဘသ ထဲက ဆရာတော်ဟာ ဒေ၀ဒတ်လောက် နာမည်ကျော်လို့လား။ ဒေ၀ဒတ်လောက် ဈာန်အဘိဥာဏ်တွေ ရကြလို့လား။ ဈာန်အဘိဥာဏ်ရမှုနဲ့ ကြော်ကြားမှု တစ်ခုတည်းကိုပဲ ကြည့်ပြီး လိုက်သွားတဲ့၊ သောတာပန် ဖြစ်နိုင်လောက်အောင် ပါရမီ ပါလာတဲ့ အဇာသသတ်ဟာ သူ့အဖေကို သတ်မိသည်အထိ လမ်းမှားသွားတာ သူ့ရဲ့ သန္တာန်မှာ ၀ိဘဇ္ဇဥာဏ် မရှိလို့ပဲ သူငယ်ချင်း၊ ဒါကြောင့် ငါကတော့ မဘသ အဖွဲ့ကြီးထဲကို လုံးဝ လုံးဝ မ၀င်ရေးချ မ၀င်ပဲ သူငယ်ချင်းရေ” လို့ ရေးသားထားပါတယ်။ (စာ-၅၅)
.
ဆရာတော် ဦးရာဝိက ကတော့ “ ဗုဒ္ဓဘာသာ အသိုင်းအ၀ိုင်းဟာ မိမိကိုယ်မှာ ဗုံးပတ်ပြီး အသေခံ ဗုံးခွဲသူများနဲ့ မဖွဲ့စည်းစေချင်ဘူး။ ဗုဒ္ဓဘာသာကို အထူးအခွင့်အရေးပေးရမယ်လို့ အစိုးရကို အကြပ်မကိုင်ရဘူး။ မဲရအောင် မဘသ ကို ထောက်ခံကြလို့ မပြောဟောဘူး။ ငါတို့ကို မထောက်ခံရင် နာပြီသာမှတ်လို့ မခြိမ်းခြောက်ဘူး။ ဗုဒ္ဓဘာသာဆိုတာ အင်မတန်မှ သိမ်မွေ့နူးညံ့တယ်။” လို့ဆိုပါတယ်။ (စာ-၁၄၁)
.
ဒါတွေကတော့ စာမြည်း နမူနာလောက်ပါ။ စာအုပ်ထဲမှာ ဆရာတော်၊ သံဃာတော်တွေ ရေးထားတဲ့ အခြားသော ဖတ်စရာ မှတ်စရာ၊ မြတ်ဗုဒ္ဓရဲ့ တရားစစ် တရားမှန်နဲ့ ပတ်သက်ပြီး စဉ်းစားစရာ အချက်အလက် များစွာ ပါပါတယ်။ အခြားတစ်ဖက် လက်ရှိ မြန်မာနိုင်ငံထဲက အခြေအနေကို ပြန်ကြည့်လိုက်ရင် ဘာသာခြား အမုန်းတရား ဖြန့်ဖြူးမှု အရှိန်အဟုန် ကောင်းနေဆဲပါ။ ဘွဲ့ရ ပညာတတ် ဘုန်းတော်ကြီးတစ်ချို့ဟာ တရားပွဲတွေမှာ ဘာသာခြား မုန်းတီးရေး ပြောင်ပြောင်တင်းတင်း ဟောပြောနေကြသလို၊ တစ်ချို့ အဖွဲ့အစည်းတွေကတော့ နွေရာသီ ကလေး တရားစခန်းလို နေရာမျိုးမှာတောင် ကလေးသူငယ်တွေ မကြည့်အပ်၊ မမြင်အပ်တဲ့ သွေးရဲရဲသံရဲရဲ သတ်ဖြတ်ထားတဲ့ ဗီနိုင်း ပိုစတာကြီးတွေ ချပြပြီး ဘာသာခြား မုန်းတီးရေး ကျယ်ကျယ်ပြန့်ပြန့် လုပ်ဆောင်နေကြတာ တွေ့မြင်ကြရပါတယ်။
.
အဲလို ဘာသာခြား အမုန်းတရား ဖြန့်ဖြူးသူတွေထဲမှာ ဘုန်းတော်ကြီးတွေ၊ လူပုဂ္ဂိုလ်တွေ အများအပြား ပါဝင်ကြသလို၊ သူတို့လက်ထဲမှာ အပတ်စဉ် ဂျာနယ် ထုတ်ဝေတာ အပြင် လုံးချင်းစာအုပ် ထုတ်ဝေမှုကအစ မီဒီယာ တစ်ချို့ကို အသုံးပြု လုပ်ကိုင်နေ တာလည်း တွေ့ကြ ရပါတယ်။ အခု ၀ိဘဇ္ဇ ပဲ့တင်သံ စာအုပ်ကတော့ ဆရာတော် သံဃာတော် အပါး နှစ်ကျိပ်ကျော်ရဲ့ ဆောင်းပါးတွေကို ပထမ ဦးဆုံးအကြိမ် စုစည်းထားတာ ဖြစ်လေတော့ ရှိနေနှင့်ပြီးသား အစွန်းရောက် အမုန်းတရားတွေကို ဘယ်လောက် ဖေါက်ထွင်းနိုင်မလဲ၊ ဘယ်လောက် ကျယ်ပြန့်လေမလဲ မမှန်းဆနိုင်သေးပါဘူး။
.
တကယ်တော့ မြန်မာနိုင်ငံမှာ အစွန်းရောက် ၀ါဒ ခြေချစ ပြုလာတဲ့ဆီမှာ ဗုဒ္ဓဘာသာဝင် ဘုန်းတော်ကြီးတစ်ချို့ ပါဝင်ပတ်သက်နေသလို၊ စစ်မှန်တဲ့ ဗုဒ္ဓရဲ့ ၀ိဘဇ္ဇ၀ါဒ ထွန်းကားလာရေးမှာလည်း ဆရာတော် သံဃာတော်တွေကပဲ အဓိက စွမ်းဆောင်နိုင်မှာ ဖြစ်ပါတယ်။ အခု စာအုပ်ကိုတော့ ဆရာတော် ဦးကောဝိဒ က အင်္ဂလိပ်လို ဘာသာပြန်ပြီး နိုင်ငံတကာမှာ ဖြန့်ဝေဖို့ အစီအစဉ် ရှိတယ်လို့လည်း ဆိုပါတယ်။ တကယ့်တကယ် မြန်မာနိုင်ငံမှာ စစ်မှန်တဲ့ ဗုဒ္ဓရဲ့ တရားတော်တွေ ထွန်းကားလာဖို့၊ အစွန်းရောက် ၀ါဒတွေကို ထိထိရောက်ရောက် ဟန့်တား တိုက်ဖျက်နိုင်ဖို့ ဆိုတာဟာ နိုင်ငံတကာ မိသားစု အမြင်ကောင်းလာရေးထက် ပိုပြီး အရေးကြီးနေပါကြောင်း သုံးသပ်တင်ပြလိုက်ရပါတယ်။

စည်သူအောင်မြင့်။

https://www.facebook.com/sithu.aungmyint/posts/420980881418051:0