ဇန်န၀ါရီ ၁၊ ၂၀၁၅
M-Media
– ဆယ်ကျော်သက်အရွယ် လူငယ်များ၏ ဦးနှောက်များက ဆေးလိပ်မီးညှိခြင်းကို မြင်တွေ့ရာတွင် အရွယ်ရောက်ပြီးသူများထက် မတူကွဲပြားစွာ တုန့်ပြန်တတ်သောကြောင့် ၎င်းတို့မှာ ဆေးလိပ်စွဲလန်းမှု ပိုမိုဖြစ်သည်ဟု လေ့လာမှုတစ်ရပ်က ဖော်ပြသည်။
လူငယ်များ ဆေးလိပ်စွဲလမ်းမှုကို ပိုမိုနားလည်သိရှိစေရန် သုတေသီများမှာ ဆယ်ကျော်သက်လူငယ်များ (ဆေးလိပ်သောက်သူရော မသောက်တတ်သူများ) ကို လူလတ်ပိုင်းအရွယ်များ ဆေးလိပ်သောက်သုံးနေသည့် ဗီဒီယိုကိုအား ကြည့်ရှုစေပြီး သံလိုက်စက်ကွင်း ရိုက်ခတ်ပုံဖော်ခြင်းနည်းပညာ (MRIs) ဖြင့် စမ်းသပ်ခဲ့ကြသည်။
စမ်းသပ်မှုတွင် သုတေသီများက ဆေးလိပ်သောက်သောလူငယ်များ၏ ဦးနှောက်အတွင်း၌ စိတ်လှုပ်ရှားခံစားမှုကိုဖြစ်စေတတ်ပြီး သာယာပျော်ရွှင်နိုင်စွမ်းရှိသည့် ဒိုပါမင်းဓာတ် အမြောက်အများ ထွက်ရှိလာကြောင်း တွေ့ရှိခဲ့ရသည်။
“ကျွန်တော်တို့ ဒီအချက်အလက်တွေကို ကြည့်ခြင်းအားဖြင့် ဆယ်ကျော်သက်လူငယ်တွေရဲ့ ဦးနှောက်ဟာ ဆေးလိပ်သောက်ခြင်းနဲ့ ပတ်သက်ပြီး သာယာပျော်ရွှင်ဖွယ် တုံ့ပြန်မှုမျိုးကို ဖြစ်ပေါ်စေတယ်လို့ ပြောလို့ရပါတယ်၊ ဒီလိုနဲ့ ဆေးလိပ်ကို စိတ်ထဲကနေ အာသာငမ်းငမ်း စွဲမက်လာစေပါတယ်” ဟု လော့အိန်ဂျလ်ိစ် ကယ်လီဖိုးနီးယား တက္ကသိုလ်မှ တွဲဖက်သုတေသီ အက်ဒရီယာနာ ဂါလ်ဗန်က ပြောပြခဲ့သည်။
“‘ဒိုပါမင်းဓာတ်ဟာ ဆယ်ကျော်သက်အရွယ်တွေမှာ ပိုပြီးသိသာထင်ရှား စွဲမြဲလာလေ့ရှိပြီး လူငယ်တွေရဲ့ဦးနှောက်ကို စွဲလမ်းခံ ပစ္စည်းတွေအပေါ် ဖယ်ရှားလို့မရနိုင်တော့အောင် သာယာငြိမ့်ညောင်းမှုတွေကို ဖြစ်ပေါ်စေလာပါတယ်” ဟု ဂါလ်ဗန်က ထည့်သွင်းပြောကြားခဲ့သည်။
သုတေသီများက ဆေးလိပ်သောက်တတ်သူများနှင့် ဆေးလိပ်မသောက်တတ်သူ ဆယ်ကျော်သက်လူငယ်များကို ဆေးလိပ်သောက်ပြနေသည့် ဗီဒီယိုကို ကြည့်ရှုစေပြီး MRIs နည်းဖြင့် စမ်းသပ်ပြီးနောက် ပါဝင်သူလူငယ်များအား ဆေးလိပ်သောက်ချင်စိတ် ဖြစ် မဖြစ် မေးမြန်းကြည့်ရာတွင် ဆေးလိပ်သောက်တတ်သည့် လူငယ်များကသာ ဦးနှောက်ထဲရှိ ကြည်နူးသာယာစိတ်ဖြစ်ပေါ်လာပြီး ဆေးလိပ်သောက်ချင်စိတ်ဖြစ်လာသည်ဟု ဖြေကြားခဲ့သည်။
“အရွယ်ရောက်ပြီးသူတွေကို လေ့လာရာမှာတော့ ဆေးလိပ်သောက်နေတဲ့ လူငယ်တွေရဲ့ဗီဒီယိုဟာ တကယ့်အပြင်မှာ ဆေးလိပ်သောက်တဲ့သူတွေကို တွေ့လိုက်ရသလိုမျိုး သဘာဝအတိုင်းတုန့်ပြန်မှုသက်သက်သာ ဖြစ်ခဲ့ပါတယ်” ဟု လေ့လာမှုတွင်မပါဝင်ခဲ့သူ လဗင်သယ်က ပြောပြသည်။
“တစ်ဆက်တည်းမှာပဲ ဆယ်ကျော်သက်လူငယ်တွေဟာ ဆေးလိပ်သောက်ခြင်းကဲ့သို့ စွဲစွဲလမ်းလမ်းအပြုအမူတွေ၊ စိတ်လှုပ်ရှားစရာတွေနဲ့ သာယာမှုရှိတဲ့ အတွေ့အကြုံအသစ်တွေကို အရွယ်ရောက်ပြီးသူတွေထက် ပိုမိုစိတ်ဝင်တစား ရှာဖွေလာလေ့ရှိပါတယ်” ဟု ၎င်းက ထပ်လောင်းပြောကြားခဲ့သည်။
အဆိုပါလေ့လာမှုသည် အတိအကျ အခိုင်အမာပြောဆိုနိုင်မည်မဟုတ်သော်လည်း အလွန်တန်ဖိုးရှိသော အချက်အလက်များ ဟု လေ့လာမှုတွင်မပါဝင်ခဲ့သော ဒေါက်တာ နန်စီ ရီဂွတ်တီက ပြောကြားခဲ့သည်။
Ref; channelnewsasia
