Tag: South China Sea

ဇူလိုင် ၁၆၊ ၂၀၁၆
M-Media

– ပိုင်နက်အငြင်းပွားမှုတွေရှိနေတဲ့ တောင်တရုတ်ပင်လယ်အတွင်းမှာ ၎င်းရဲ့အချုပ်အခြာအာဏာပိုင်ဆိုင်မှုကို ထိပါးစိန်ခေါ်လိုက်တဲ့ နိုင်ငံတကာ ခုံသမာဓိရုံးရဲ့ ဆုံးဖြတ်ချက်အပေါ် လက်မခံကြောင်း ပြသတဲ့အနေနဲ့ ရွေ့လျား ရေပေါ်နျူဓာတ်အားပေးစက်ရုံတွေကို တရုတ်က ထားရှိသွားနိုင်ချေရှိတယ်လို့  သိရပါတယ်။

“ရေပေါ်နျူစက်ရုံတည်ဆောက်မှုကို တောင်တရုတ်ပင်လယ်မှာ တရုတ်ရဲ့ ထိရောက်တဲ့ထိန်းချုပ်မှုတွေ ပြုလုပ်ဖို့ အသုံးပြုသွားမှာ ဖြစ်ပါတယ်” လို့ တရုတ်အမျိုးသား နျူကလီးယားပူးပေါင်းဆောင်ရွက်ရေးအဖွဲ့ (CNNC) လူမှုကွန်ရက်စာမျက်နှာမှာ ကြေငြာခဲ့ပါတယ်။

ဆောက်လုပ်မယ့်နေရာတွေကတော့ တောင်တရုတ်ပင်လယ်ရဲ့ ရေချိုရနိုင်တဲ့ နန်ရှာကျွန်းစုရှိ ကျွန်းတွေနဲ့ သန္တာကျောက်တန်းတွေမှာဖြစ်ပြီး အဲဒီနန်ရှာကျွန်းအား တရုတ်နဲ့ ဒေသတွင်းအခြားနိုင်ငံတွေက ပိုင်ဆိုင်ကြောင်း အငြင်းပွားနေတဲ့ ကျွန်းစုလည်းဖြစ်ပါတယ်။

တရုတ်ပင်လယ်ရေကြောင်း လုပ်ငန်းတစ်ခုဖြစ်တဲ့ China Shipbuilding Industry Corporation (CSIC) က အင်ဂျင်နီယာ ဇူဟန်ချိုက တရုတ်နိုင်ငံက ဆောက်လုပ်နေတဲ့ ရေပေါ်နျူဓာတ်အားပေးစက်ရုံပေါင်း ၂၀ လောက်ရှိပေမယ့် ဒီစက်ရုံတွေကို တောင်တရုတ်ပင်လယ်အတွင်းမှာ ထားရှိမှာမဟုတ်ဘဲ တရုတ်နိုင်ငံ အရှေ့မြောက်ပိုင်း ကမ်းလွန်ပင်လယ်ပြင်မှာ ထားရှိမှာဖြစ်တယ်လို့ သောကြာနေ့မှာ ပြောကြားခဲ့ပါတယ်။

တောင်တရုတ်ပင်လယ်အတွင်း ပိုင်နက်အငြင်းပွားမှုနဲ့ပတ်သက်ပြီး ဖိလစ်ပိုင်ရဲ့ တိုင်ကြားမှုကို နိုင်ငံတကာ ခုံသမာဓိရုံးက ပြီးခဲ့တဲ့ရက်ပိုင်းအတွင်း ကြားနာခဲ့ပြီး ဖိလစ်ပိုင်ကို အနိုင်ပေးခဲ့ပါတယ်။

Ref : Presstv

ဇူလိုင် ၁၃၊ ၂၀၁၆
M-Media

– တောင်တရုတ်ပင်လယ် ဧရိယာအများအပြားတွင် စီးပွားရေးအရ အခွင့်အရေးရှိသည်ဆိုသော တရုတ်နိုင်ငံ၏ တောင်းဆိုမှုများကို နယ်သာလန်နိုင်ငံThe Hague ရှိ နိုင်ငံတကာတရားရုံးက ပယ်ချလိုက်ပြီး ထိုဆုံးဖြတ်ချက်မှာ ဖိလစ်ပိုင်နိုင်ငံက တောင်တရုတ်ပင်လယ်နှင့်ပတ်သက်၍ တိုင်ကြားမှု၏ အောင်ပွဲလည်း ဖြစ်သည်။

“သတ်မှတ်နယ်နမိတ် ၉ ခုမှာ ကျရောက်နေတဲ့ ပင်လယ်ပြင်ဧရိယာတွေအတွင်းမှာ သမိုင်းကြောင်းအရ သယံဇာတဆိုင်ရာ ခံစားပိုင်ခွင့်ဆိုတဲ့ တရုတ်တဲ့တောင်းဆိုမှုဟာ ဥပဒေနဲ့ မညီပါဘူး” ဟု ၁၉၄၇ ခုနှစ်က သတ်မှတ်ထားသည့် ပင်လယ်ပြင် နယ်နမိတ်သတ်မှတ်မျဉ်းကို ရည်ညွှန်း၍ ယမန်နေ့က ထုတ်ပြန်သော ဆုံးဖြတ်ချက်တွင် ဖော်ပြထားသည်။

တောင်တရုတ်ပင်လယ်မှာ သယံဇာတပေါကြွယ်ဝပြီး မဟာဗျူဟာကျသည့် ရေလမ်းကြောင်းတစ်ခုဖြစ်ကာ နှစ်စဉ် ကန်ဒေါ်လာ ၅ ထရီလီယံဖိုး ကုန်စည်ကူးသန်းမှုများ ဖြတ်သန်းရာနေရာလည်း ဖြစ်သည်။

စာမျက်နှာပေါင်း ၄၉၇ မျက်နှာပါဝင်သည့် အဆိုပါဆုံးဖြတ်ချက်တွင် တောင်တရုတ်ပင်လယ် ဧရိယာအများအပြား၌ တရုတ်ဥပဒေစိုးမိုးရေးအဖွဲ့များ၏ ကင်းလှည့်မှုမှာ ဖိလစ်ပိုင် တံငါလှေများအား တိုက်မိနိုင်သည့် အန္တရာယ်ရှိသည်ကို တွေ့ရှိရပြီး၊ တရုတ်၏ ဆောက်လုပ်ရေးလုပ်ငန်းများမှာလည်း သန္တာကျောက်တန်းများကို ပြန်ပြင်၍ မရနိုင်သည့် ထိခိုက်မှုမျိုး ဖြစ်စေသည်ဟု ဖော်ပြထားသည်။

ထိုဆုံးဖြတ်ချက်မှာ တောင်တရုတ်ပင်လယ်အတွင်း ပိုင်နက်အငြင်းပွားမှုများနှင့်ပတ်သက်၍ ဖိလစ်ပိုင်၏ တိုင်ကြားမှုမှ ပေါ်ထွက်လာခြင်းဖြစ်ပြီး တရုတ်ကမူ ထိုဆုံးဖြတ်ချက်ကို ကန့်ကွက်ခဲ့ကာ ၎င်းတို့ပိုင်ဆိုင်ကြောင်း ပြောဆိုထားသည့် ကျွန်းစုများတွင် စီးပွားရေးဇုန်များရှိနေပြီး၊ မိမိတို့လူမျိုးများက ထိုနေရာတွင် လွန်ခဲ့သည့် နှစ်ပေါင်း ၂၀၀၀ ကျော်အရင်ကတည်းက စီးပွားရေးလုပ်ဆောင်မှုသမိုင်း ရှိခဲ့သည်ဟု တုန့်ပြန်ခဲ့သည်။

တရုတ်သမ္မတ ဇီကျင်ပင်းကလည်း မိမိတို့တိုင်းပြည်မှာ နိုင်ငံတကာခုံရုံး၏ ဆုံးဖြတ်ချက်ကို လက်ခံမည်မဟုတ်ဘဲ မည်သည့် အခြေအနေမျိုးတွင်မှလည်း ထိုသတ်မှတ်ချက်က သက်ရောက်မှုရှိမည်မဟုတ်ဟု ပြောကြားခဲ့သည်။

Ref: Aljazeera

ဇွန် ၄၊ ၂၀၁၆
M-Media

– ပိုင်ဆိုင်မှု အငြင်းပွားမှုများရှိနေသော တောင်တရုတ်ပင်လယ်အတွင်း တရုတ်က အဆောက်အဦးများ ဆောက်လုပ်ပါက မိမိတို့အနေဖြင့် အရေးယူမှု ပြုလုပ်သွားမည်ဟု အမေရိကန်ကာကွယ်ရေးဝန်ကြီး အက်ရ်ှတန် ကာတာရ်က ပြောကြားလိုက်သည်။

စင်ကာပူ၌ ယနေ့တွင်ပြုလုပ်သည့် လုံခြုံရေးဆိုင်ရာ ထိပ်သီးဆွေးနွေးပွဲတွင် ကာတာရ်က ထိုကဲ့သို့ ပြောကြားလိုက်ခြင်းဖြစ်ပြီး အငြင်းပွားနေသည့် ရေပိုင်နက်များတွင် စစ်ရေးဆိုင်ရာ ချဲ့ထွင်မှုမှာ နိုင်ငံကို အထီးကျန်စေရန် ကိုယ်တိုင် တံတိုင်းကာခြင်းသာ ဖြစ်ကြောင်း ထည့်သွင်းပြောဆိုခဲ့သည်။

ထို့ပြင် မဖြစ်သင့်သည်များ ဖြစ်လာနိုင်သည့်အန္တရာယ်ကို လျှော့ချရေးအတွက် နှစ်နိုင်ငံလုံခြုံရေးဆိုင်ရာ ပူးပေါင်းမှုကို ပိုမိုခိုင်မာစေရန် ဆောင်ရွက်ရေးကိုလည်း ကမ်းလှမ်းခဲ့သည်။

တရုတ်နိုင်ငံ၏ နိုင်ငံတကာ စစ်ရေး ပူးပေါင်းဆောင်ရွက်မှုဆိုင်ရာရုံးမှ အကြီးအကဲဖြစ်သူ ရေတပ်ဗိုလ်ချုပ် ဂူအန် ယူဖိုင်းက ကာတာရ်၏ ပြောကြားမှုကို ချက်ခြင်းပြန်လည်တုန့်ပြန်ခဲ့ပြီး အမေရိကန်၏ ထိုမှတ်ချက်မှာ စစ်အေးတိုက်ပွဲ သဘောထားကို ထင်ဟပ်စေသည်ဟု ပြောကြားခဲ့သည်။

တောင်တရုတ်ပင်လယ်အတွင်းရှိ အငြင်းပွားကျွန်းစုများမှ Scarborough Shoal ကျွန်းကို တရုတ်က ၂၀၁၂ ခုနှစ်တွင် လုံးဝ ထိန်းချုပ်ထားပြီး စစ်ရေယာဉ်များဖြင့် ပုံမှန်ကင်းလှည့်မှုများ ပြုလုပ်နေကာ မိမိတို့ ငါးဖမ်းသမားများကို ခြောက်လှန့် ပစ်ခတ်မှုများ ရှိနေသည်ဟု ထုတ်ဖော်ပြောဆိုမှုကို ရည်ညွှန်း၍ ကာတာရ်က ထိုကဲ့သို့ သတိပေးခဲ့ခြင်းဖြစ်သည်။

Ref: Channelnewsasia