News @ M-Media

Tag: South Korea Muslims

  • တောင်ကိုရီးယားတက္ကသိုလ်များတွင် မွတ်စလင်များအတွက် ၀တ်ပြုဆောင်နှင့် ဟာလာအစားအသောက် စီစဉ်ပေးမှုများ မြင့်တက်လာ

    တောင်ကိုရီးယားတက္ကသိုလ်များတွင် မွတ်စလင်များအတွက် ၀တ်ပြုဆောင်နှင့် ဟာလာအစားအသောက် စီစဉ်ပေးမှုများ မြင့်တက်လာ

    မေ ၁၆၊ ၂၀၁၅
    M-Media

    soul mosque

    – မွတ်စလင်ကျောင်းသား၊ ကျောင်းသူများ၏ လိုအပ်ချက်ကို ဖြည့်ဆည်းပေးရန်အတွက် ကန်တင်းများတွင် ဟာလာဟ်အစားအသောက်များ ထည့်သွင်းပေးခြင်း၊ ကျောင်းပရ၀ုဏ်အတွင်း ၀တ်ပြုဆောင်များ ဖန်တီးပေးခြင်းတို့ကို ဆောင်ရွက်ပေးသည့် တောင်ကိုရီးယားတက္ကသိုလ်များ၏ အရေအတွက်မှာ မြင့်တက်လာသည်ဟု သိရသည်။

    “အရင်တုန်းကဆိုရင် ကျွန်တော် ဘုရားဝတ်ပြုနေတဲ့အချိန်မှာ ကျောင်းသားတွေက အနားက ဖြတ်သွားတာမျိုး ရှိပါလိမ့်မယ်။ အခု ကျွန်တော် ငြိမ်းငြိမ်းချမ်းချမ်း ၀တ်ပြုနိုင်တဲ့အတွက် ဒီအခြေအနေကို ကြိုက်နှစ်သက်ပါတယ်” ဟု ဆီဂျွန်တက္ကသိုလ်တွင် မာစတာနှင့်
    ဒေါက်တာဘွဲ့အတွက် တက်ရောက်နေသည့် အသက် ၂၅ နှစ်အရွယ် ပါကစ္စတန်နိုင်ငံသား အက်စ်လန်က The Hankyoreh သတင်းစာသို့ မေလ ၁၄ ရက်နေ့တွင် ပြောကြားခဲ့သည်။

    ဆီဂျွန်တက္ကသိုလ်၏ ယခုစာသင်နှစ်အသစ်တွင် မွတ်စလင်များအတွက် ၀တ်ပြုဆောင်တစ်ခုကို ကျောင်းသားများအိပ်ဆောင်၏ မြေအောက်ခန်းတွင် ပြုလုပ်ပေးထားသည်။ ၇၃ စကွဲယားမီတာ ကျယ်ဝန်းသည့် အဆိုပါ ၀တ်ပြုဆောင်တွင် ကောဇောများ ခင်းပေးထားပြီး၊ ၀တ်ပြုရာတွင်အသုံးပြုရန် အသံချဲ့စက်လည်း တပ်ဆင်ပေးထားကာ အမျိုးသား၊ အမျိုးသမီးများအတွက် သီးခြားနေရာကို ပြုလုပ်ပေးထားသည်။

    တက္ကသိုလ်ပရ၀ုဏ်အတွင်း မွတ်စလင်များအတွက် ၀တ်ပြုဆောင် ပြုလုပ်ပေးသည့် တောင်ကိုရီးယားတက္ကသိုလ်များတွင် ဆီဂျွန်မှာ ပထမဆုံးမဟုတ်ချေ။

    မွတ်စလင်နိုင်ငံများမှ ကျောင်းသားများကို ဆွဲဆောင်ရန် ကြိုးစားသည့် အစီအစဉ်နောက်ပိုင်းတွင် တောင်ကိုရီးယားတက္ကသိုလ်များမှာ မွတ်စလင်များ၏ နှလုံးသားကို ဖမ်းစားနိုင်ရန် အားထုတ်မှုများ ပြုလုပ်ခဲ့သည်။

    ၂၀၁၀ ခုနှစ်တွင် ကော့မင်တက္ကသိုလ်က ၎င်းတို့ထံတွင် ပညာဆည်းပူးနေသာ မွတ်စလင်နိုင်ငံများမှ ကျောင်းသား ၈၆ ဦးအတွက် စကွဲယားမီတာ ၄၀ ရှိသော ၀တ်ပြုဆောင်တစ်ခုကို တည်ဆောက်ပေးခဲ့သည်။

    ကျွန်ဟီးတက္ကသိုလ်ကလည်း ၆၀ နီးပါးရှိသည့် မွတ်စလင်ကျောင်းသားများအတွက် ၀တ်ပြုဆောင်တစ်ခုကို ဖန်တီးပေးခဲ့သည်။

    ၂၀၁၃ ခုနှစ်တွင် ဆွန်ကျွန်ကွမ်တက္ကသိုလ်က ၎င်းတို့၏ ကျောင်းသားများအိပ်ဆောင်တွင် အထူးဝတ်ပြုဆောင်တစ်ခုကို ဆောက်လုပ်ပေးခဲ့ပြီး လက်ရှိတွင် အဆိုပါဝတ်ပြုဆောင်၌ ကျောင်းသား၊ ကျောင်းသူ ၁၇၀ ၀န်းကျင် ၀တ်ပြုလျက်ရှိနေသည်။

    ထို့ပြင် မွတ်စလင်ကျောင်းသား ၂၅၀ ခန့်ရှိသော ဟန်ယန်းတက္ကသိုလ်တွင်လည်း ၀တ်ပြုဆောင်တစ်ခုကို ထားရှိပေးထားသည်။

    မွတ်စလင်ကျောင်းသား ကျောင်းသူ ၁၀၀၀ ၀န်းကျင်ခန့် တက်ရောက်နေသည့် ဆိုးလ်တက္ကသိုလ်တွင် အိတ်ဆောင်၌ ၀တ်ပြုဆောင်အဖြစ် အသုံးပြုနိုင်မည့် နေရာတစ်ခုကို ဖန်တီးပေးထားသည်။

    “သစ်သားကြမ်းခင်းနဲ့ ၁၅ စကွဲယားမီတာရှိတဲ့ ခန်းမတစ်ခု ကျွန်တော်တို့မှာရှိပါတယ်။ ဒါ့ကြောင့် မွတ်စလင်တွေဟာ ၀တ်ပြုနိုင်ပါတယ်။ ဘာသာရေးကိစ္စတွေမှာ ကျောင်းသားတွေ အခက်အခဲမတွေ့ရအောင် ကျွန်တော်တို့ စဉ်းစားဆောင်ရွက်ပေးချင်ပါတယ်” ဟု ဆိုးလ်အမျိုးသား တက္ကသိုလ်မှ အိတ်ဆောင် ကြီးကြပ်ရေးမှူး လီ ဂျီအွန် ချိုလ်က ပြောကြားခဲ့သည်။

    ဟာလာအစားအသောက်များ

    ၀တ်ပြုဆောင်များ စီစဉ်ပေးခြင်းနှင့်အတူ ဟာလာလ်အစားသောက်များကိုလည်း အဆိုပါ တက္ကသိုလ်များက စီစဉ်ပေးလာကြသည်။

    “အစားသောက်အတွက် (အရင်က) ၀မ် ၁၀၀၀၀ (ကန် ၉.၁၅ ဒေါ်လာ) ကျော်လောက် သုံးနေရတာ ၀န်ထုပ်ဝန်ပိုးပါပဲ။ ဒါပေမယ့် ကျောင်းမှာစားရင်တော့ ၀မ် ၃၀၀၀ လောက်ပဲ ကုန်ပါတယ်။ ဒါဟာ (ဟာလာလ်အစားအသောက် စီစဉ်ပေးတာဟာ) လူနည်းစုဖြစ်တဲ့ မွတ်စလင်တွေအတွက် ကြိုဆိုစရာ သတင်းပါပဲ” ဟု ပါကစ္စတန်မှ အသက် ၂၄ နှစ်အရွယ် ကျောင်းသား ဂျာဖာရ်က ယခင်နှင့် ယခု စားသောက်ရမှုများနှင့် ပတ်သက်၍ ပြောကြားခဲ့သည်။

    ၂၀၁၃ ခုနှစ်မှစ၍ ကန်တင်းတွင် ကျောင်းသားများအတွက် ဟာလာအစားအသောက်များကို စီစဉ်ပေးခဲ့သည့် ဟန်ယန်းတက္ကသိုလ်မှာ ဆိုလ်းနှင့် အန်ဆန်တို့ရှိ ၎င်း၏ တက္ကသိုလ်များတွင်လည်း အိတ်ဆောင်များ၌ မွတ်စလင်ကျောင်းသားများအတွက် သီးခြား မီးဖိုဆောင်ကို ထားရှိပေးထားသည်။

    Ewha အမျိုးသမီးတက္ကသိုလ်ကလည်း မွတ်စလင်စတိုင် ရေချိုးခန်း၊ ဟာလာအစားအသောက်များ ပြင်ဆင်ချက်ပြုတ်ရန်အတွက် မီးဖိုဆောင်နှင့် ၀တ်ပြုဆောင်တို့ကို စီစဉ်ပေးထားသည်။

    ပေါင်းစည်းခြင်းအသင်းတော်မှ တည်ထောင်ထားသည့် ဆန်းမွန်း တက္ကသိုလ်တွင် ယခုနှစ်မှစ၍ ကျောင်းစားသောက်ဆိုင်၌ ဟာလာအစားအသောက်များကို စတင်ရောင်းချခဲ့သည်။

    ၁၉၆၇ ခုနှစ်က တည်ထောင်ခဲ့သော ကိုရီးယားမွတ်စလင်အဖွဲ့ချုပ် KMF ၏ အဆိုအရ တောင်ကိုရီးယားတွင် ဌာနေနှင့် နိုင်ငံခြားသား အစ္စလာမ်ဘာသာဝင် စုစုပေါင်း ၁၂၀၀၀၀ မှ ၁၃၀၀၀၀ ခန့်အထိရှိမည်ဟု ခန့်မှန်းတွက်ချက်ထားသည်။

    Ref: Onislam

  • အစ္စလာမ်အပေါ် နားလည်ရေး တောင်ကိုရီးယားမွတ်စလင်များ၏ ကြိုးပမ်းမှု အောင်မြင်

    အစ္စလာမ်အပေါ် နားလည်ရေး တောင်ကိုရီးယားမွတ်စလင်များ၏ ကြိုးပမ်းမှု အောင်မြင်

    ဧပြီ ၂၇၊ ၂၀၁၅
    M-Media

    mosque in soul

    – အစ္စလာမ်အား ယဉ်ကျေးမှုနှင့် ဘာသာတရားအဖြစ် နားလည်မှု ပိုမိုရှိလာစေရန်အတွက် တောင်ကိုရီးယားမွတ်စလင်များ၏ ကြိုးပမ်းမှုမှ အသီးအပွင့်များကို စာသုံးနေရပြီး ထောင်ပေါင်းများစွာသော မွတ်စလင်များကလည်း တိုင်းပြည်၏ လူမှုအသိုင်းအ၀ိုင်းတွင် ထဲထဲဝင်ဝင် ပါဝင်နေကြသည်။

    “ဒီနေ့အချိန်မှာ ကျွန်တော့်ရဲ့ မွတ်စလင်ဖြစ်မှုအခြေခံကို ကြည့်ပြီးတော့ ကိုရီးယားတွေက ခွဲခြားမှု မလုပ်ကြပါဘူး။ ၂၀၁၀ ခုနှစ် ကျွန်တော် ဒီကိုရောက်လာတဲ့အခါ မွတ်စလင်တွေ၊ ဒါမှမဟုတ် မွတ်စလင်ဝတ်ပြုဆောင်ကို သွားတဲ့သူတွေကို ကိုရီးယားတွေက အေးတိအေးစက်နဲ့ ဆက်ဆံပါတယ်” ဟု Kyung Hee တက္ကသိုလ်မှ ကျောင်းသားတစ်ဦးဖြစ်သူ မိုဟာမက်က The Korea Herald
    သို့ ယမန်နေ့တွင် ပြောကြားခဲ့သည်။

    အသက် ၂၈ နှစ်အရွယ် ရှိပြီဖြစ်သည့် ဂျော်ဒန်နိုင်ငံသား မိုဟာမက်မှာ တက္ကသိုလ်တွင် သင်ယူမှုများပြီးနောက် တက္ကသိုလ်ရှိ ၀တ်ပြုဆောင်သို့ သူငယ်ချင်းများနှင့်အတူ သွားရောက်၍ ၀တ်ပြုလေ့ရှိသည်။ လွန်ခဲ့သည့် နှစ်အနည်းငယ်အတွင်း ကိုရီးယားမွတ်စလင်များမှာ တွေ့ဆုံဆွေးနွေးမှုများ၊ ဘာသာပေါင်းစုံ လှုပ်ရှားမှုများ ပြုလုပ်ခဲ့ပြီး ထိုလုပ်ရှားမှုများကြောင့်ပင် တောင်ကိုရီးယား လူ့အဖွဲအစည်းမှာ မွတ်စလင်များအပေါ် အပြုသဘောဆောင်သည့် အမြင်များ ရှိလာခဲ့သည်။

    “ဒီမှာ နှစ်တိုင်း ဘာသာပေါင်းစုံအကြား ဆွေးနွေးညှိနှိုင်းမှုတွေ ပြုလုပ်ကြပါတယ်။ ကျွန်တော်တို့ဟာ အတူယှဉ်တွဲနေထိုင်ရေး၊ တစ်ယောက်နဲ့တစ်ယောက် ပူးပေါင်းဆောင်ရွက်ရေး နည်းလမ်းတွေကို ဆွေးနွေးကြပါတယ်” ဟု ဆိုးလ်မြို့ရှိ ဗဟိုဗလီကြီးမှ ရှေ့ဆောင်အီမာမ်ဖြစ်သူ လီ ဂျူ ဟွာက ပြောကြားခဲ့သည်။

    အပြန်အလှန် ဆွေးနွေးမှုများအပြင် ကိုရီးယားများအား အာရဗီဘာသာစကားသင်တန်းများ တက်ရောက်ရန်၊ မွတ်စလင်တို့၏ ဓလေ့ထုံးတမ်းများနှင့် ပတ်သက်သည့် ဟောပြောပွဲများ၊ တရားပွဲများကိုလည်း တက်ရောက်ရန် တိုက်တွန်းအားပေးလေ့ရှိကြသည်။

    “လွန်ခဲ့တဲ့ ၃ နှစ်လောက်က ကျောင်းသားနှစ်ယောက်ဟာ အာရဗီဘာသာစကားကို လေ့လာဖို့ ရောက်လာကြပါတယ်။ အခုအချိန်မှာတော့ ဒီကိုလာပြီး အာရဗီဘာသာစကား သင်ယူသူဟာ တစ်လကို ၁၀၀ ကျော် ရှိပါတယ်။ အာရဗီစကားပြောသူအများစုဟာ မွတ်စလင်တွေဖြစ်တာကြောင့် အာရဗီသင်တဲ့ ကိုရီးယားကျောင်းသားတွေဟာ မွတ်စလင်ဆရာတွေနဲ့ ဆက်သွယ်ခြင်းအားဖြင့် အစ္စလာမ့် ယဉ်ကျေးမှုတွေကို နားလည်ဖို့ အခွင့်အရေး ရပါတယ်” ဟု Markaz အာရဗီစင်တာမှ အမှုဆောင်ဖြစ်သူ ကင်မ် ဆန် ကျူက
    ပြောကြားခဲ့သည်။

    အတူယှဉ်တွဲနေထိုင်ရေး

    အီမာမ် လီ ဂျူ ဟွာ၏ ပြောကြားမှုအရ ၂၀၀၇ ခုနှစ်တွင် ကိုရီးယားနိုင်ငံသားများ အာဖဂန်တွင် ပြန်ပေးဆွဲခံရမှုပြီးနောက် အစ္စလာမ်သာသနာနှင့်ပတ်သက်၍ ကိုရီးယားပြည်သူများအကြား စူးစမ်းလိုမှု ဖြစ်လာခဲ့သည်။

    တောင်ကိုရီးယားတွင် အစ္စလာမ်ဘာသာဝင် အများစုမှာ နိုင်ငံရပ်ခြားမှ လာရောက်၍ အလုပ်လုပ်ကိုင်ကြသည့် နိုင်ငံခြားသားများ ဖြစ်ကြပြီး ဌာနေကိုရီးယားပြည်သူများမှ အစ္စလာမ်ကို သက်ဝင်ယုံကြည်သူ အရေအတွက်မှာ ၄၅၀၀၀ ၀န်းကျင်ခန့် ရှိနေသည်။

    ဗုဒ္ဓဘာသာဝင် ဦးရေမှာ ၅၂ ရာခိုင်နှုန်းရှိပြီး ခရစ်ယာန်ဘာသာဝင်များမှာ ၂၀ ရာခိုင်နှုန်းရှိသည်။ တောင်ကိုရီးယားတွင် မည်သည့်ဘာသာကိုမှ မကိုးကွယ်သူများမှာ ၂၅.၃ ရာခိုင်နှုန်း ရှိနေသည်။

    ၁၉၆၇ ခုနှစ်တွင် တည်ထောင်ခဲ့သည့် ကိုရီးယားမွတ်စလင်အသင်း၏ အဆိုအရ တောင်ကိုရီးယားနိုင်ငံအတွင်း ဌာနေနှင့် နိုင်ငံခြားသာ အစ္စလာမ်ဘာသာဝင်အရေအတွက် စုစုပေါင်းမှာ ၁၂၀၀၀၀ မှ ၁၃၅၀၀၀ ခန့်အထိရှိနေသည်ဟု သိရသည်။

    Ref: Onislam