ဇူလိုင် ၈၊ ၂၀၁၉
M-Media
Galagoda Aththe Gnanasara (လယ်)
-မွတ်စလင်တွေကို ဆင်ဟာလီဇာတ်သွင်းရေး ဘုန်းကြီးတွေကို လုပ်ပိုင်ခွင့်ပေးဖို့ သီရိလင်္ကာနိုင်ငံက အစွန်းရောက် ဗုဒ္ဓဘာသာအဖွဲ့အစည်း BBS ရဲ့ ခေါင်းဆောင်က မနေ့မှာ အစိုးရကို တောင်းဆိုလိုက်ပြီး၊ ဆင်ဟာလီလူမျိုးတစ်မျိုးတည်း ကြီးစိုးတဲ့ လွှတ်တော်ဖြစ်ရေး ဆောင်ရွက်မယ်လို့လည်း ကြုံးဝါးခဲ့ပါတယ်။
မနေ့က ကန်ဒီမြို့မှာ ပြုလုပ်တဲ့ BBS ရဲ့ ချီတက်ပွဲမှာ ဘုန်းတော်ကြီး Galagoda Aththe Gnanasara က ဒီလို ပြောကြားခဲ့တာပါ။ ဆန္ဒပြပွဲကို ဘုန်းကြီး အပါး ၁၀၀၀ လောက်နဲ့ လူရာချီ တက်ရောက်ခဲ့ကြပါတယ်။
“အစ္စလာမ့်မစ် အစွန်းရောက်ဝါဒကို ချေမှုန်းရေး ဘုန်းကြီးတွေကို တာဝန်ပေးဖို့ နိုင်ငံ့ခေါင်းဆောင်တွေကို တောင်းဆိုပါတယ်။ မီဒီယာက ကျုပ်တို့ဖက်မှာ ရှိရှိ၊ မရှိရှိ ဘုန်းကြီးတွေက အဆင်သင့်ပါပဲ။ အောက်ခြေလူတန်းစားတွေနဲ့ တွေ့ဆုံတာ၊ ဆွေးနွေးတာတွေ လုပ်နိုင်သလို၊ အဲဒီလူတွေ လိုချင်တဲ့ပုံစံမျိုး ဖြစ်လာအောင် မွတ်စလင်တွေကို ပုံသွင်းနိုင်ပါတယ်” လို့ ဘုန်းတော်ကြီး Gnanasara က မိန့်ခွန်းမှာ ပြောကြားခဲ့ပါတယ်။
သီရိလင်္ကာဟာ ဆင်ဟာလီတွေရဲ့ တိုင်းပြည်ဖြစ်ပြီး အိမ်တွေ၊ စီးပွားရေးတွေမှာ ပိုင်ရှင်ရှိသလို၊ တိုင်းပြည်မှာလည်း ပိုင်ရှင်ရှိကြောင်း၊ တိုင်းပြည် ချောက်ထဲမကျအောင် ဆင်ဟာလီတွေက ကယ်တင်ရမှာဖြစ်ကြောင်း သူက ထည့်သွင်း ပြောဆိုခဲ့ပါတယ်။
“အကျင့်မကောင်းတဲ့ကောင်တွေ ကျုပ်တို့အိမ်ထဲကို ၀င်လာတယ်။ ဒီကောင်တွေက ထကိုက်မယ့် မြွေပွေးတွေ။ ကျုပ်တို့ကိုပဲကိုက်မှာမဟုတ်ဘူး။ အချင်းချင်းလည်း ကိုက်ကြမှာ။ ဒီအိမ်မှာရှိနေတဲ့သူတွေအားလုံး ဒီမြွေပွေးတွေကို တွေ့တဲ့နေရာမှာ သတ်ပစ်ရမယ်။ ဒါကို အောင်မြင်အောင် ဓားနဲ့လုပ်ရမယ်။ ဓားက ဘာသာတရားပဲ။ ခဲလုံးလေးနဲ့ ပေါက်နေလို့ မရဘူး”
လွှတ်တော်ကို သိမ်းမည်
သီရိလင်္ကာနိုင်ငံမှာ သမ္မတ ရွေးကောက်ပွဲကို နိုဝင်ဘာ ဒါမှမဟုတ် ဒီဇင်ဘာလောက်မှာ ကျင်းပဖို့ စီစဉ်ထားပြီး လက်ရှိသမ္မတ Maithripala Sirisena၊ ကာကွယ်ရေး ၀န်ကြီးဟောင်း Gotabaya Rajapaksa နဲ့ လက်ရှိ ၀န်ကြီးချုပ် Ranil Wickremesinghe တို့ ၀င်ရောက် ယှဉ်ပြိုင်ဖို့ ရှိနေပါတယ်။
Gnanasara က ဘုန်းကြီးတွေဟာ ဆင်ဟာလီလူမျိုးတွေသာပါတဲ့ အစိုးရတစ်ရပ် ဖြစ်လာရေးနဲ့ ဆင်ဟာလီလူမျိုးတွေကို ကာကွယ်မယ့် လွှတ်တော်တစ်ရပ် ဖြစ်လာရေးအတွက် ဆောင်ရွက်သွားမယ်လို့ ထည့်သွင်းပြောဆိုခဲ့ပါတယ်။
သီရိလင်္ကာနိုင်ငံမှာ ဘာသာရေးနဲ့ လူမျိုးရေး ပြဿနာဖြစ်ပွားတဲ့ သမိုင်းကြောင်းတွေ ကျယ်ကျယ်ပြန့်ပြန့် ရှိခဲ့ပါတယ်။ ဆင်ဟာလီ ဗုဒ္ဓဘာသာ အစိုးရက သူတို့ကို ညှင်းပမ်းဖိနှိပ်တယ်ဆိုတဲ့ ခံယူချက်နဲ့ လူနည်းစု တမီလ်ဟိန္ဒူတွေဟာ သီရိလင်္ကာအစိုးရကို ဆယ်စုနှစ်ချီ လက်နက်စွဲကိုင် တော်လှန်ခဲ့ပြီး အဲဒီပြည်တွင်းစစ်ဟာ ၂၀၀၉ ခုနှစ်ကျမှ အဆုံးသတ်ခဲ့ပါတယ်။
တိုင်းပြည်လူဦးရေရဲ့ ၁၀ ရာခိုင်နှုန်းရှိတဲ့ အစ္စလာမ်ဘာသာဝင်တွေဟာလည်း ပြီးခဲ့တဲ့ နှစ်တွေအတွင်း အစွန်းရောက် ဗုဒ္ဓဘာသာအဖွဲ့ BBS နောက်လိုက်တွေရဲ့ အကြမ်းဖက်မှုတွေကို
ခံစားလာခဲ့ရပါတယ်။ မနေ့က BBS ချီတက်ပွဲလုပ်တဲ့ ကန်ဒီမြို့မှာ ပြီးခဲ့တဲ့နှစ်အတွင်း အစ္စလာမ်ဘာသာဝင်တွေကို ပစ်မှတ်ထားတဲ့ တိုက်ခိုက်မှုတွေ ဖြစ်ပွားခဲ့ပြီး ဗလီတစ်လုံး၊ နေအိမ်တွေ၊ စီးပွားရေးလုပ်ငန်းတွေ ဖျက်ဆီးခံခဲ့ရကာ ပစ္စည်းတွေလည်း လုယက်ခံခဲ့ရပါတယ်။
ချီတက်ပွဲကို နိုင်ငံတစ်ဝှမ်းက ဘုန်းကြီး တစ်သောင်းလောက် တက်ရောက်ဖို့ Gnanasara က လှုံ့ဆော်ခဲ့ပေမယ့် တစ်ထောင်လောက်သာ တက်ရောက်ခဲ့ပါတယ်။
နိုင်ငံတစ်ဝှမ်းမှာရှိတဲ့ ဘုန်းကြီးကျောင်း ၇၀၀၀ လောက်ဟာ နိုင်ငံရေးတပ်ဦးတစ်ခုအတွက် တစ်ကျောင်းကို လူတစ်သောင်းရဲ့မဲရအောင် စွမ်းဆောင်နိုင်တယ်လို့လည်း Gnanasara က ထည့်သွင်း ပြောကြားခဲ့ပါတယ်။ နိုင်ငံရေးတပ်ဦးဆိုတာ လက်ရှိ အာဏာရပါတီကို ညွှန်းဆိုမှု၊ ဒါမှမဟုတ် ပါတီအသစ်ကို ညွှန်းဆိုမှု ဒါမှမဟုတ် သူနဲ့ သူ့အဖွဲ့ BBS ကို ညွှန်းဆိုမှုလားဆိုတာ ရှင်းရှင်းလင်းလင်း ပြောကြားခဲ့ခြင်း မရှိပါဘူး။
“တွက်ချက်တာတွေ လုပ်ပြီးသွားပြီ။ ပါလီမန် ဒီမိုကရေစီစနစ်အကြောင်းကိုပဲ လူတိုင်းက ပြောကြတယ်။ ဒီမိုကရက်တစ် လွှတ်တော်တစ်ခု လိုအပ်လာပြီဆိုရင် အဲဒီလွှတ်တော်ကို ဘုန်းကြီးတွေပဲ ပိုင်ရမယ်။ ဘုန်းကြီးတွေသာ ညီညွတ်ကြရင် သင်္ကန်းရဲ့အကူအညီနဲ့ ကျုပ်တို့ နိုင်ရမယ်”
Ref: Reuters, Colombotelegraph
