News @ M-Media

Tag: Taik Kyi

  • ခိုက်ရန်ဖြစ်ပွားမှုကို အကြောင်းပြုကာ တိုက်ကြီးတွင် ဆူပူ၊ ဖျက်ဆီးမှုများ လုပ်ဆောင်ရန် ကြိုးပမ်းခဲ့

    ဒီဇင်ဘာ ၁၃၊ ၂၀၁၃
    M-Media
    ကိုလေး

    Taik Kyi,Yangon

    ရန်ကုန်တိုင်းဒေသကြီး တိုက်ကြီးမြို့နယ်၊ ဘူတာရပ်ကွက်တွင် ဖြစ်ပွားခဲ့သည့် သာမန်ခိုက်ရန်ဖြစ်ပွားမှုကို အကြောင်းပြုကာ ဆူပူ၊ ဖျက်ဆီးမှုများ ဖန်တီးရန် ကြိုးပမ်းမှု ယမန်နေ့က ဖြစ်ပွားခဲ့သည်ဟုသိရသည်။

    ယမန်နေ့ ည ၈ နာရီခန့်တွင် ဘူတာရပ်ကွက် စံပြ (၂) လမ်း (ဒို့ရွှေနီလမ်း) ရှိ ကွမ်းယာဆိုင်တစ်ဆိုင်မှ ဆယ်ကျော်သက် အစ္စလာမ်ဘာသာဝင် အမျိုးသမီးငယ်အား ဗုဒ္ဓဘာသာဝင် လူငယ်တစ်ဦးက ကာအိနြေ္ဒပျက်ပြားစေမည့် စကားလုံးများဖြင့် စနောက်ခဲ့ပြီး၊ ထိုကဲ့သို့ စနောက်မှုအား မကျေနပ်သောကြောင့် အမျိုးသမီးငယ်၏ အစ်ကိုနှစ်ဦးထိုလူငယ်အား ၀ိုင်းဝန်းထိုးကြိတ်မှုများပြုလုပ်ခဲ့ကြသည်။

    ထို့နောက် ရပ်ကွက်ရှိတာဝန်ရှိသူများက ပြစ်မှုကျူးလွန်သူများနှင့် ထိုဗုဒ္ဓဘာသာဝင် လူငယ်တို့အား အုပ်ချုပ်ရေးရုံးသို့ ခေါ်ဆောင်သွားပြီး နှစ်ဦးနှစ်ဘက် ကျေအေးမှုများ ရရှိအောင် ဆောင်ရွက်ပေးခဲ့သည်။ သို့သော်လည်း အခင်းဖြစ်ပွားပြီး သိပ်မကြာခင်မှာပင် အနီးအနားရှိ ရွာများမှ လူတစ်ရာကျော်က ထိုပြဿနာအား အကြောင်းပြကာ စုဝေးရောက်ရှိလာပြီး နိုင်ငံတော်သီချင်းများ အော်ဆိုခဲ့ကြကြောင်း၊  ဖျက်ဆီးမှုများ ပြုလုပ်ရန် လှုံဆော်ကြိုးပမ်းမှုများ လုပ်ဆောင်လာသောကြောင့် ရပ်မိ၊ ရပ်ဖ တစ်ချို့နှင့် ဘုန်းတော်ကြီးတစ်ချို့က ဥပဒေကြောင်း အရ ဖြေရှင်းရန် ဖျောင်းဖြပြောဆိုခဲ့ကြသည်။

    ထို့နောက် ခရိုင် အုပ်ချုပ်ရေးရုံးမှ တာဝန်ရှိသူများလည်း လာရောက်ခဲ့ကြပြီး၊ အကြမ်းဖက်မှုများ ပြုလုပ်မည့် မည်သူ့ကိုမဆို ဖမ်းဆီးကာ ဥပဒေအတိုင်း အရေးယူမည်ဟု ပြောကြားခဲ့ပြီးနောက် အကြမ်းဖက်မှုများ ပြုလုပ်ရန် စုဝေးရောက်ရှိလာသည့် အဆိုပါ လူအုပ်ကြီးမှာ ပြန်လည်ထွက်ခွာသွားကြသည်။ ထို့နောက် ပြစ်မှုကျူးလွန်သူ နှစ်ဦးအား ခရိုင် တာဝန်ရှိသူများက ဖမ်းဆီးခေါ်ဆောင်သွားခဲ့သည်။

    ယခုအချိန်တွင် အခင်းဖြစ်ပွားခဲ့သည့် ဘူတာရုံရပ်ကွက်မှာ တည်ငြိမ်အေးချမ်းလျက်ရှိပြီး ရဲတပ်ဖွဲ့ဝင်အချို့ကလည်း ရပ်ကွက် လုံခြုံရေးအတွက် စောင့်ကြပ်ပေးနေသည်ဟု ထိုရပ်ကွက်ရှိ အစ္စလာမ်ဘာသာဝင်တစ်ဦးက M-Media သို့ ပြောကြားခဲ့သည်။

    ပြီးခဲ့သည့် သြဂုတ်လ ၂၁ ရက်နေ့က ၀ံသာနုရက္ခိတ စိတ်ရှိစေရန်ဟု ခေါင်းစဉ်တပ်၍ မွတ်စလင်မ် မုန်းတီးရေးဖြစ်စေမည့် စာရွက်များကို လိုက်လံဖြန့်ဝေ၍ ဘာသာရေးအရ  ပဋိပက္ခမှုများ တိုးပွားလာအောင် ၉၆၉ အဖွဲ့ဝင်များမှ လှုံ့ဆော်မှုများ တိုက်ကြီးမြို့တွင် ဖြစ်ပွားခဲ့ပါသည်။

    ယခုနှစ်အပိုင်းအတွင်းဖြစ်ပွားခဲ့သည့် အစ္စလာမ်ဘာသာဝင်များအား ပစ်မှတ်ထားသော အကြမ်းဖက် တိုက်ခိုက် သတ်ဖြတ်မှုများမှာ၊ နိုင်ငံသား တစ်ချို့တွင် ရာဇ၀တ်မှုများကို ဥပဒေအတိုင်း လူသားဆန်ဆန်ဖြေရှင်းရမည် ဆိုသော အသိနည်းခြင်း၊ အုပ်ချူပ်ရေး အာဏာပိုင်များမှ  ပဋိပက္ခ ထိန်းသိမ်းမှုညံ့ဖျင်းခြင်း၊ တရားဥပဒေစိုးမိုးမှု အားနည်းခြင်းနှင့် နိုင်ငံရေးအရ အမြတ်ထုတ်လိုသူ တစ်ချို့၏ အကွက်ကျကျ ဖန်တီးမှုများကြောင့် ဖြစ်ပေါ်ရခြင်းဖြစ်သည်ဟု ပြည်တွင်း၊ ပြည်ပမှ လေ့လာသူများက ထောက်ပြပြောဆိုကြသည်။

  • ၀ံသာနုရက္ခိတ စိတ်ရှိစေရန် ခေါင်းစဉ်တပ်၍ မွတ်စလင်မ် မုန်းတီးရေးစာရွက်များ တိုက်ကြီးမြို့တွင် လှုံ့ဆော်ဖြန့်ချီ

    သြဂုတ် ၃၁၊ ၂၀၁၃
    M-Media
    အေးမောင်

    img391
    တိုက်ကြီး ။         ။        ရန်ကုန်တိုင်းဒေသကြီး၊ တိုက်ကြီးမြို့တွင် ၀ံသာနုရက္ခိတ စိတ်ရှိစေရန်ဟု ခေါင်းစဉ်တပ်၍ မွတ်စလင်မ် မုန်းတီးရေးဖြစ်စေမည့် စာရွက်များကို လိုက်လံဖြန့်ဝေ၍ ဘာသာရေးအရ အကြမ်းဖက်မှုများ ဖြစ်ပွားစေရန်အတွက် သြဂုတ်လ ၂၁-ရက်နေ့က လှုံ့ဆော်ဖြန့်ချီနေကြောင်း သိရသည်။

    အဆိုပါ လက်ကမ်းစာစောင်တွင် ၀ံသာနုရက္ခိတစိတ်ရှိစေရန်အတွက် တိုက်ကြီးမြို့နယ်လုံးဆိုင်ရာ အမျိုးဘာသာ သာသနာ ကာကွယ်စောင့်ရှောက်ရေး ဖြစ်မြောက်ရေးအဖွဲ့ဟု သိရပြီး ၉၆၉ လှုပ်ရှားသူများ ဦးဆောင်နေကြောင်း သိရသည်။

    အဆိုပါ လက်ကမ်းစာစောင်တွင် မိဘဆရာအပေါင်းကို ဦးတည်၍ ကလေးများအား သင်ကြားပေးသင့်သည်များဟု ရေးသားထားသည်များမှာ ဘာသာတရားကို သင်ကြားပေးခြင်းမဟုတ်ဘဲ ဘာသာတစ်ခုမှ တစ်ခုအပေါ်သို့ ကလေးဘ၀ကတည်းမှစပြီး အထင်အမြင်လွဲမှားစေရန် ရည်ရွယ်ချက်ရှိရှိ သင်ကြားပေးရန် လှုံ့ဆော်ထားသည်ကို တွေ့ရပါသည်။

    အဆိုပါလက်ကမ်းစာစောင်များဖြန့်ဝေနေမှုနှင့် ပတ်သက်၍ တိုက်ကြီးမြို့သို့ ဆက်သွယ်စုံစမ်းရာ အဆိုပါ လက်ကမ်းစာစောင်ကို လက်ခံရရှိထားပြီး ဘာသာပေါင်းစုံ စည်းလုံးညီညွတ်မှုကိုလိုလားသူ ဗုဒ္ဓဘာသာ အမျိုးသားတစ်ဦးမှ ပြောကြားသည်မှာ “အရင်ကတော့ ကျွန်တော်တို့ဒီမှာ အဲလို ခွဲခြားမြင်တာတွေ မရှိဘူး။ ကျွန်တော်တို့ တိုက်ကြီးမှာက မွတ်စလင်မ်နဲ့ ဗုဒ္ဓဘာသာတွေဆိုတာ ရောပြီး နေနေကြတာ။ တချို့ဆို မိသားစုတစ်ခုတည်းမှာပဲ ဗုဒ္ဓဘာသာရေ မွတ်စလင်မ်ရော ရှိနေတဲ့သူတွေလည်း ရှိတယ်ဗျ။ အခုလို ၀ံသာနုရက္ခိတ စိတ်ရှိစေဖို့ခေါင်းစဉ်တပ်ပြီး မွတ်စလင်မ်တွေရဲ့ သောကြာနေ့တိုင်းဆုတောင်းဆိုတာကို တလွဲဖော်ပြထားတာမျိုးလည်း မကြိုက်ဘူး။ ကျွန်တော့်မှာလည်း မွတ်စလင်မ်မိတ်ဆွေတွေရှိပါတယ်။ အခုလို ကိုယ့်ဘာသာတရားအတွက် သွန်သင်ဆုံးမခိုင်းတာမျိုးမဟုတ်ပဲ တခြားဘာသာကို တလွဲပြောထားတာမျိုးကို ကျွန်တော်မကြိုက်ပါဘူး။ အခု ဒါတွေလုပ်နေတာလည်း ၉၆၉ အဖွဲ့တွေ လုပ်တယ်လို့သိရတယ်။ ကျွန်တော်ကတော့ ဒါမျိုးလုပ်ရပ်ကို လုံးဝ အားမပေးပါဘူး။ ၉၆၉ ခေါင်းစဉ်တပ်ပြီး လုပ်နေတာကိုလည်း လုံးဝ ရှုံ့ချပါတယ်”လို့ ပြောပြခဲ့ပါတယ်။

    ဘာသာလူမျိုးပေါင်းစုံ အေးချမ်းစွာနေထိုင်လျက်ရှိတဲ့ တိုက်ကြီးမြို့အားလည်း အကြမ်းဖက်မှုများ ဖြစ်ပေါ်စေရန် အမျိုးဘာသာစောင့်ရှောက်ရေး အမည်ဖြင့် ၉၆၉ အဖွဲ့မှ လှုံ့ဆော်မှုများ ဆက်တိုက် လုပ်ဆောင်နေတာကြောင့် တိုက်ကြီးမြို့မှာ အကြမ်းဖက်မှုတွေ ဖြစ်မလာအောင် ၀ိုင်းဝန်းထိန်းသိမ်း ကြိုးပမ်းနေကြတယ်လို့ အဆိုပါ မြို့ခံမှ ဆက်လက်ပြောပြခဲ့ပါတယ်။

    img392