News @ M-Media

Tag: Terrorism

  • ဘာသာတူ၊ ဘာသာကွဲ အကြမ်းဖက်ဝါဒကို အခံရဆုံး သားကောင်များမှာ မွတ်စလင်များဖြစ်နေ

    ဘာသာတူ၊ ဘာသာကွဲ အကြမ်းဖက်ဝါဒကို အခံရဆုံး သားကောင်များမှာ မွတ်စလင်များဖြစ်နေ

    ဇွန် ၂၂၊ ၂၀၁၇
    M-Media

    – ကမ္ဘာတစ်ဝှမ်းက ဘာသာတူ၊ ဘာသာကွဲ အကြမ်းဖက်ဝါဒကြောင့် ထိခိုက်ခံစားရဆုံးသူတွေဟာ မွတ်စလင်တွေသာ ဖြစ်တယ်လို့ သုတေသနပညာရှင်တွေက သြစတေးလျ ထိပ်တန်း မီဒီယာဌာန ABC ကို ပြောကြားလိုက်ပါတယ်။

    လတ်တလောမှာ ဥရောပတစ်ဝှမ်း မွတ်စလင်တွေက မွတ်စလင်မဟုတ်သူတွေကို တိုက်ခိုက်တဲ့သတင်းတွေ သတင်းစာ ခေါင်းကြီးပိုင်းတွေမှာ ပါဝင်နေပမယ့် အမေရိကန်က အကြမ်းဖက်လေ့လာမှုနဲ့ တိုက်ဖျက်ရေးအဖွဲ့ National Consortium for the Study of Terrorism and Responses to Terrorism (START) ရဲ့ ပညာရှင်တွေက မွတ်စလင်တွေသာ အကြမ်းဖက်ဝါဒကြောင့် ထိခိုက်ခံစားရဆုံး ဖြစ်နေတယ်လို့ ဆိုပါတယ်။

    START က အမှုဆောင်ဒါရိုက်တာ ၀ီလီယံ ဘရာနစ်ဖ်နဲ့ သူ့အဖွဲ့ဟာ အကြမ်းဖက်ဝါဒရဲ့ အကြောင်းအရင်းတွေ၊ နောက်ဆက်တွဲ အကျိုးဆက်တွေ၊ တနင်္လာနေ့က လန်ဒန်မှာ ဖြစ်ပွားခဲ့တဲ့ ဖြစ်ရပ်လိုမျိုး တိုက်ခိုက်မှုနဲ့ ပတ်သက်တဲ့ အသေးစိတ်အချက်အလက်တွေကို လေ့လာခဲ့ကြတာပါ။ ထိခိုက်သေဆုံးသူတွေ ကိုးကွယ်တဲ့ဘာသာကို အကုန်လုံး မသိရပေမယ့် အဲဒီလို လေ့လာခဲ့ပြီးတဲ့နောက် သူတို့ တွေ့ရှိတာက မွတ်စလင်တွေဟာ အကြမ်းဖက်ဝါဒရဲ့ဒဏ်ကို အခံရဆုံးဖြစ်တယ်ဆိုတာပါပဲ။

    “အရှေ့အလယ်ပိုင်းမှာ မွတ်စလင်တွေဟာ အကြမ်းဖက်ဝါဒနဲ့ အကြမ်းဖက်တိုက်ဖျက်ရေး ကြိုးပမ်းမှု နှစ်ခုစလုံးကြောင့် ထိခိုက်ခံစားရဆုံး သားကောင်တွေ ဖြစ်နေပါတယ်” လို့ ဘရာနစ်ဖ်က ပြောကြားခဲ့ပါတယ်။

    သူ့ရဲ့ ဒီအမြင်ဟာ စက်တင်ဘာ ၁၁ တိုက်ခိုက်မှုလို အမေရိကန်နဲ့ ဥရောတို့မှာ ဖြစ်ပွားခဲ့တဲ့ တိုက်ခိုက်မှုကြီးတွေကိုသာကြည့် အကြမ်းဖက်ဝါဒအကြောင်း တွေးနေသူတွေအတွက် အံ့အားသင့်စရာ ဖြစ်ကောင်း ဖြစ်နိုင်ပါတယ်။

    ဒါပေမယ့် ဘရာနစ်ဖ်နဲ့ သူ့ရဲ့အဖွဲ့က အရှေ့အလယ်ပိုင်းနဲ့ အာဖရိကဒေသအပါအ၀င် အကြမ်းဖက်ဝါဒကို ခရေစေ့တွင်းကျ လေ့လာတဲ့အခါမှာတော့ မွတ်စလင်တွေကသော မကြာခဏ ပစ်မှတ်ထား တိုက်ခိုက်ခံရတယ်ဆိုတာ သွားတွေ့တယ်လို့ သူက ဆိုပါတယ်။

    ဥပမာအားဖြင့် မေလ ၃၀ ရက်နေ့မှာ အီရတ်နိုင်ငံအတွင်း IS ရဲ့ ဗုံးခွဲမှုနှစ်ခုကြောင့် လူပေါင်း ၃၁ ဦး သေဆုံးခဲ့ပြီး တစ်ခုက ကားဗုံးကို အသုံးပြုခဲ့ကာ၊ နာက်တစ်ခုကတော့ ဘဂ္ဂဒတ်မြို့လယ်ကောင်က ရေခဲမုန့်ဆိုင်ကို ပစ်မှတ်ထားခဲ့တာ ဖြစ်ပါတယ်။

    ဒါပေမယ့် အနောက်မီဒီယာတွေကတော့ ဒီအဖြစ်အပျက်ကို လူ ၂၀ ကျော် သေဆုံးခဲ့ပြီး အများအပြား ဒဏ်ရာရခဲ့တဲ့ မေလ ၂၂ ရက်နေ့ မန်ချက်စတာက စတိတ်ရှိုးတစ်ခုမှာ ဖြစ်ခဲ့တဲ့ အသေခံဗုံးခွဲမှုလောက် အလေးမထားခဲ့ပါဘူး။

    ဘာသာကွဲ အကြမ်းဖက်ဝါဒ၏ ပစ်မှတ်ထားမှုကို ခံနေရ

    ဘရာနစ်ဖ်က မွတ်စလင်တွေဟာ အရှေ့အလယ်ပိုင်းပြင်ပမှာလည်း အကြမ်းဖက်ဝါဒရဲ့ ခြိမ်းခြောက်မှုကို ခံနေရတယ်လို့ ဆိုပါတယ်။ START က သုတေသနပညာရှင်တွေဟာ အမေရိကန်နဲ့ ဥရောပနိုင်ငံ တော်တော်များများ ပါဝင်တဲ့ ‘စီးပွားရေး ပူးပေါင်းဆောင်ရွက်မှုနှင့် ဖွံ့ဖြိုးရေးအသင်း’ အဖွဲ့ဝင်နိုင်ငံ ၃၅ နိုင်ငံမှာ ပြီးခဲ့တဲ့ နှစ်အနည်းငယ်အတွင်း မွတ်စလင်တွေကို ဦးတည်တဲ့ အကြမ်းဖက်တိုက်ခိုက်မှုတွေ မြင့်တက်လာတယ်ဆိုတာကိုလည်း တွေ့ခဲ့ရပါတယ်။

    “အစ္စလာမ့်မစ်အစွန်းရောက်တွေက ပြုလုပ်တဲ့ တိုက်ခိုက်မှုတွေ တိုးလာသလို၊ မွတ်စလင်တွေကို ပစ်မှတ်ထားတဲ့ အကြမ်းဖက်တိုက်ခိုက်မှုတွေ မြင့်တက်လာတာကိုလည်း ကျွန်တော်တို့ တွေ့ခဲ့ရပါတယ်” လို့ ဘရာနစ်ဖ်က ပြောကြားခဲ့ပါတယ်။

    START အဖွဲ့မှာ ၁၉၇၀ ပြည့်နှစ်တွေက တိုက်ခိုက်မှုတွေကို လေ့လာတဲ့ Global Terrorism Database က ပရိုဂရမ်မန်နေဂျာ အီရန် မီလာက မွတ်စလင်တွေကို ပစ်မှတ်ထားတဲ့ တိုက်ခိုက်မှုတွေဟာ မြင့်တက်လာနေပြီး ဒီတိုက်ခိုက်မှုတွေကိုတော့ မီဒီယာတွေက တူညီတဲ့စိတ်ဝင်စားမှုမျိုး ဘာ့ကြောင့် မရှိတာလဲဆိုတဲ့ မြင်တွေလည်း ဖြစ်လာခဲ့တယ်လို့ ဆိုပါတယ်။

    “အနောက်တိုင်းမှာ မွတ်စလင်တွေကို ပစ်မှတ်ထားတဲ့ တိုက်ခိုက်မှုတွေ အများကြီးရှိတယ်။ ဒါပေမယ့် တော်တော်များများမှာ လူသေတာမျိုး မရှိပါဘူး” လို့ သူမက ပြောပါတယ်။

    ၂၀၁၆ ခုနှစ်အတွင်းမှာ ဂျာမနီရောက် ဒုက္ခသည်တွေနဲ့ ဒုက္ခသည်တွေ နေထိုင်ရာနေရာတွေကို တိုက်ခိုက်မှုပေါင်း ၃၅၃၃ ခု ရှိခဲ့တယ်ဆိုတဲ့ ဂျာမနီသတင်းဌာနတစ်ခုရဲ့ ဖော်ပြမှုကို မီလာက ထောက်ပြခဲ့ပါတယ်။ အဲဒီတိုက်ခိုက်မှုတွေမှာ ကလေးငယ် ၄၃ ဦးအပါအ၀င် ဒဏ်ရာရသူ ၅၆၀ လောက် ရှိပေမယ့် သေဆုံးတာမျိုးတော့ မရှိပါဘူး။

    တနင်္လာနေ့က လန်ဒန်မြောက်ပိုင်း ဖင်စ်ဘူရီပါ့ခ်ဗလီ အပြင်ဘက်မှာ ဖြစ်ပွားခဲ့တဲ့ တိုက်ခိုက်မှုအတွင်းမှာ အနည်းဆုံး ၁၀ ဦး ဒဏ်ရာရရှိခဲ့ပြီး တစ်ဦး သေဆုံးခဲ့ပါတယ်။ ဒါပေမယ့် သေဆုံးသူဟာ တိုက်ခိုက်မှုကြောင့် သေဆုံးတာလားဆိုတာ ရှင်းရှင်းလင်းလင်း မသိရသေးပါဘူး။

    မီလာကတော့ အမေရိကန်မှာ အမုန်းရာဇ၀တ်မှုလို့ ခေါ်တာနဲ့ မွတ်စလင်တွေကို ပစ်မှတ်ထားတဲ့ အကြမ်းဖက်မှုအကြား ကွဲပြားမှုကို ဆုံးဖြတ်ဖို့ ခက်တယ်လို့ ဆိုပါတယ်။ ဒါပေမယ့် ဒီခြားနားချက်က ဘယ်အုပ်စုတွေဟာ အကြမ်းဖက်တိုက်ခိုက်မှု ပစ်မှတ်ထားခံရဆုံးဆိုတာကို ဆုံးဖြတ်ဖို့ အရေးပါတဲ့ အရာတစ်ခုတော့ မဟုတ်ပါဘူး။

    “ဒီကိစ္စမှာ အကြမ်းဖက်ဝါဒလား၊ အမုန်းရာဇ၀တ်မှုလားဆိုတာကို ခွဲခြားတာဟာ သိပ်ပြီး အသုံးမ၀င်ပါဘူး။ ဒါဟာ အမည်အရ ကွဲပြားမှုပါပဲ” လို့ မီလာက ပြောကြားခဲ့ပါတယ်။

    အနောက်တိုင်းမှာ မွတ်စလင်တွေဟာ အကြမ်းဖက်ဝါဒ၊ အမုန်းရာဇ၀တ်မှု နှစ်ခုစလုံးရဲ့ ခြိမ်းခြောက်မှုကို ခံနေရတယ်လို့လည်း သူမ ဖွင့်ဟခဲ့ပါတယ်။

    Ref: ABC

     

  • “အကြမ်းဖက်မှု” စကားလုံးဟာ မွတ်စလင်တွေ အတွက်ပဲလား

    “အကြမ်းဖက်မှု” စကားလုံးဟာ မွတ်စလင်တွေ အတွက်ပဲလား

    ဇူလိုင် ၈ ၊ ၂၀၁၅
    M-Media
    .feaabb83-e601-4260-b8f2-aaa49de726d2
    – “ကျွန်တော်တို့တိုင်းပြည်ရဲ့ အကြမ်းဖက်သမိုင်းကို ဒီလောက် ကြောက်စရာ ပဲတင့်ထပ်ခဲ့ပေမယ့် ချာလ်စတန် သေနတ်ပစ်မှုကို “အကြမ်းဖက်မှု” အဖြစ် သတ်မှတ်ဖို့ မီဒီယာ ဌာနတွေက တွန့်ဆုတ်ခဲ့ကြပါတယ်။ အမေရိကန်စတိုင် အကြမ်းဖက်ဝါဒ ဆိုတာ နိုင်ငံရေးအာဏာမှာ ပထမဆုံး အစိတ်အပိုင်း တစ်ခု ဖြစ်လာတဲ့ လွတ်မြောက်ခါစ လူမည်းတွေရဲ့ လှုပ်ရှားမှုနဲ့ လွတ်လပ်မှုကို ကန့်သတ်ဖို့ကနေ အစပြုတာဖြစ်ပါတယ်” လို့ နယူးယောက်တိုမ်းစ်သတင်းစာရဲ့ ဆောင်းပါးရှင် ဘရစ်ဘန်းနက်က ရေးသားခဲ့ပါတယ်။
    .
    ဘန်းနက်ဟာ ချာလ်စတန်က သမိုင်းဝင်ခရစ်ယာန် ဘုရားကျောင်းမှာ လူမည်း ၉ ဦးအသတ်ခံလိုက်ရတာကို “အကြမ်းဖက်မှု” လုပ်ရပ်အဖြစ် ဘာ့ကြောင့် မဖြစ်မနေ သတ်မှတ် ရမယ်ဆိုတာနဲ့ ပတ်သက်ပြီး စောဒကတက်ခဲ့တဲ့ မရေတွက်နိုင်တဲ့ ဝေဖန် ဆန်းစစ်သူ၊ ဆောင်းပါးရှင်တွေထဲက တစ်ဦးလည်းဖြစ်ပါတယ်။

    နယူးယောက်တိုင်းမ်စ်က ဆောင်းပါး တစ်ခုမှာ ချားလ်စ် အမ် ဘလိုးဆိုသူ ဆောင်းပါးရှင်ကလည်း အဲဒီလူသတ်မှုအတွက် ၀န်ခံခဲ့တဲ့ လူသတ်သမားကို ရည်ညွှန်းပြီး ဒီလိုရေးပါတယ်။

    “(ဒိုင်လန်) ရုဖ်ဟာ လူမျိုးရေးအမုန်းတရားနဲ့ အစွန်းရောက်သွားတဲ့ လူငယ်တစ်ယောက်ဖြစ်ပြီး လူမျိုးရေးစစ်ပွဲ ဖြစ်စေချင်တဲ့၊ ကနဦးပစ်ခတ်မှုမှာ လူ ၉ ယောက်ကို တစ်ပြိုင်တည်း သတ်ခဲ့တဲ့သူ တစ်ယောက်လည်း ဖြစ်ပါတယ်။ ဒါဟာ အကြမ်းဖက်ဝါဒ မဟုတ်ဘူးဆိုရင် ကျွန်တော်တို့ဟာ ဒီစကားလုံးကို အဓိပ္ပါယ်ပြန်ဖွင့်ဖို့ လိုပါတယ်”

    ဂျီလာနီ ကော့ဘ် ဆိုသူက “၁၈၇၁ Ku Klux Klan အက်ဥပဒေက အမေရိကန်ရဲ့ အကြမ်းဖက်ဝါဒ တိုက်ဖျတ်ရေး ဥပဒေဟာ ဥပဒေဆိုင်ရာ အခြေခံ အကြောင်းအရင်းတွေရှိပြီး၊ ဒါတွေက လူမည်းတွေရဲ့ အခွင့်အရေးနဲ့စပ်လျဉ်းပြီး ဖက်ဒရယ်ဥပဒေကို မလေးစားမလိုက်နာမှုအတွက် Klan အဖွဲ့ဝင်တွေကို တရားစွဲဆိုဖို့ သမ္မတ အူလစ်ဆက် အက်စ် ဂရန့်ကို ကျယ်ကျယ်ပြန့်ပြန့် လုပ်ပိုင်ခွင့်ပေးထားတယ်” လို့ ထောက်ပြခဲ့ပါတယ်။

    ထင်ရှားသည့် အထောက်အထားများ
    ————————————
    နောက်ထပ် ပိုပြီးသက်ဆိုင်တဲ့ အချက်တစ်ခုက မကြာသေးမီက ထုတ်ပြန်ခဲ့တဲ့အစီရင်ခံစာ တစ်ခုမှာ “၉/၁၁ တိုက်ခိုက်မှုပြီး ကတည်းက လူဖြူလူမျိုးကြီးဝါဒီတွေ၊ တယူသန် အစိုးရဆန့်ကျင်သူတွေနဲ့ အခြား မွတ်စလင်မဟုတ်တဲ့ အစွန်းရောက်တွေရဲ့ သတ်ဖြတ်မှုကြောင့် သေဆုံး ရသူတွေဟာ အစွန်းရောက် မွတ်စလင်တွေထက် ၂ ဆနီးနီးလောက် ရှိတယ်” ဆိုတဲ့ အချက်ပါပဲ။

    ဒါတောင် အချက်အလက် တစ်ခုအရ ၁၉၈၀ နောက်ပိုင်း အမေရိကန်ဟာ မွတ်စလင်နိုင်ငံ ၁၄ နိုင်ငံထက် မနည်း ကျူးကျော်၊ သိမ်းပိုက်၊ ဗုံးကြဲခဲ့ပြီး လူသိန်းနဲ့ချီ သေဆုံးခဲ့ရတာ၊ သန်းနဲ့ချီ ဒုက္ခသည်ဘ၀ ရောက်ခဲ့ရတာတွေ ထည့်မတွက်ထားပါဘူး။ အမေရိကန်က အားပေး အားမြှောက်ပြုထားပြီး လက်နက်တပ်ဆင်ပေးထားတဲ့ အစ္စရေးက မရေမတွက်နိုင်တဲ့ ပါလက်စတိုင်းတွေ (မွတ်စလင်နဲ့ မွတ်စလင် မဟုတ်သူတွေ) ကို သတ်ဖြတ်ပစ်တာ၊ အိမ်ယာမဲ့ ဒုက္ခသည်ဘ၀ရောက်အောင် လုပ်ပစ်တာတွေလည်း မပါသေးပါဘူး။

    ဒီလို ထင်ရှားတဲ့ အထောက်အထားတွေ ရှိနေတာတောင် အမေရိကန် နိုင်ငံရေးခေါင်းဆောင်တွေ၊ ဥပဒေစိုးမိုးရေး တာဝန်ရှိသူတွေနဲ့ ထိပ်တန်းဂျာနယ်လစ်တွေကက ဒီလို စက်ဆုပ်စရာကောင်းတဲ့ ရာဇ၀တ်မှုကို အကြမ်းဖက်လုပ်ရပ်အဖြစ် ဘာ့ကြောင့် မသတ်မှတ်ကြတာလဲ?

    မွတ်စလင် တစ်ယောက်က ကျူးလွန်တဲ့ ဒီလို လုပ်ရပ်မျိုးကို အနည်းဆုံးအထောက်အထားတွေနဲ့ “အကြမ်းဖက်လုပ်ရပ်” အဖြစ်၊ အာဖရိကန်-အမေရိကန်တွေ ကျူးလွန်တဲ့ အကြမ်းဖက်မှုတွေကို “လူဆိုးဂိုးဏ်နဲ့ ဆက်စပ်တဲ့” လုပ်ရပ်အဖြစ် အဲဒီအုပ်စုတွေကပဲ သတ်မှတ်နေကြတာရော မရှက်ကြဘူးလား။

    စာရေးဆရာ ဖိလစ်ဘန့်ကတော့ ဘာ့ကြောင့် ရုဖ်ကို အကြမ်းဖက်သမားအဖြစ် မခေါ်နိုင်တာလဲဆိုတာကို ၀ါရှင်တန်ပို့စ်မှာ ရှင်းခဲ့ပါတယ်။ အဲဒါကတော့ “လူဖြူ” တစ်ယောက် ဖြစ်နေလို့ပါတဲ့။

    “အမေရိကန်အများစုက လူဖြူတွေပါ။ ပြီးတော့ ကျွန်တော်တို့က လူဖြူတွေကို ကျွန်တော့်တို့ ကိုယ်တိုင်လိုပဲ မြင်ကြပါတယ်။ ဒိုင်လန်ရုဖ်ကို ကျွန်တော်ကြည့်တဲ့အခါ သူ့အရွယ် လူဖြူအမျိုးသား တစ်ယောက်ဖြစ်ရတာ၊ ကျွန်တော့်ရဲ့ ဆယ်ကျော်သက်ဘ၀နဲ့၊ အဲဒီတုန်းက ခက်ခဲတဲ့အချိန်မှာ ထိတ်လန့်ဖွယ် ဒေါသတွေ ခံစားရတာကို ပြန်ပြောင်းသတိရပါတယ်။ ဒ့ါကြောင့်(လွှတ်တော်အမတ် လင်ဆေး) ဂရေဟန်က ရုဖ်ကို ထူးဆန်းတဲ့ နာမည်နဲ့ အကြမ်းဖက်သမား တစ်ယောက်အဖြစ် သူမမြင်ပါဘူး။ သူ့တူမရဲ့ အင်္ဂလိပ်စာအတန်းက ချာတိတ် တစ်ယောက်အဖြစ်ပဲ သမန်ကာလျှံကာ မြင်ပါတယ်”

    မွတ်စလင်တွေအတွက်သာ
    ————————–
    ဘန့်က အချက်တစ်ချက်ကို ထောက်ပြခဲ့ပါတယ်။ “အကြမ်းဖက်ဝါဒ” ဆိုတဲ့စကားလုံးဟာ မွတ်စလင်ဖြစ်ခြင်းဆိုတာနဲ့ လုံးဝကို အဓိပ္ပါယ်သွားတူနေတာမျိုး (ရာဇ၀တ်မှုတွေကို ကျူးလွန်တဲ့ သူတင်မဟုတ်ဘဲ မွတ်စလင်အကုန်လုံးကို ဆိုလိုတာမျိုး) ဖြစ်လာပြီး၊ ဒီအသုံးနှုန်းကို လူဖြူတွေအတွက်သုံးတဲ့ အခါ အမေရိကန် (နဲ့ အစ္စရေး) နိုင်ငံရေး ယဉ်ကျေးမှုရဲ့ အဘိဓာန်ပြုစုမှု တစ်ခုလုံးကို ဖြိုဖျက်လိုက်တာပဲလို့ သူ့ရဲ့ ဆောင်းပါးမှာ ဖော်ပြထားပါတယ်။

    ဂျူးအကြမ်းဖက်သမား တစ်ယောက်က ဟေဘရွန် ဒါမှမဟုတ် ပါလက်စတိုင်းရဲ့ ဘယ်နေရာမှမဆို သောင်းကျန်းတာ၊ ကေသုံးလုံးဂိုဏ်းကို အားကျတဲ့ အမေရိကန်တစ်ယောက်က  ချာလ်စတန် ဒါမှမဟုတ် အမေရိကန်ရဲ့ ဘယ်နေရာမှာမဆို ရက်ရက်စက်စက် သတ်ပစ်တဲ့ အချိန်တိုင်းမှာ ဒီနိုင်ငံရေး အဘိဓာန်ပြုမှုရဲ့ အခြေခံအုတ်မြစ်ကို တုန်ခါသွားစေပါတယ်။

    လူဖြူအမေရိကန်တွေ အတွက် ရုဖ်ရဲ့လုပ်ရပ်ကို အကြမ်းဖက်ဝါဒ အဖြစ် သတ်မှတ်လိုက်ခြင်းက အာဖရိကန်-အမေရိကန်တွေ၊ အာရှသားတွေ၊ လာတီနိုတွေ ဒါမှမဟုတ် အမျိုးမျိုးသော နောက်ခံတွေကလာတဲ့ မွတ်စလင်တွေအပေါ်မှာ သူတို့ သမိုင်းနဲ့ချီပြီး ကျူးလွန်ခဲ့တဲ့ အကြမ်းဖက်မှု အစစ်အမှန်ကို လက်ခံရာလည်း ရောက်သွားပါလိမ့်မယ်။

    ဒါက ဘာကိုပြသလဲဆိုတော့ ဌာနေ အမေရိကန်တွေရဲ့ဒေသမှာ စောစောပိုင်း အခြေချခဲ့ကြတဲ့ လူဖြူတွေကနေ ဆင်းသက်လာတဲ့ အမေရိကန် အချို့မှာရှိတဲ့ လူမျိုးခြားကြောက်ရောဂါ ကြို့တို့ကြဲတဲကို ပြနေပါတယ်။ ကျွန်ခေတ်ကနေ အခုအချိန်အထိ သူတို့ကြားက ဘယ်သူ့ကိုမဆို ဈေးပေါတဲ့ အလုပ်သမားတစ်ယောက်၊ ကျွန်တစ်ယောက်၊ လူမျိုးခြားတစ်ယောက်၊ ဒါမှမဟုတ် အကြမ်းဖက်သမား တစ်ယောက်အဖြစ် မြင်ကြတာပါပဲ။

    စိတ်ထဲက သမိုင်းနဲ့ချီတဲ့ ဒီအခြေအနေနဲ့ အတူ လူတွေက ဂီယာရ် ၀ိုင်းလ်ဒါး၊ ပါမယ်လာ ဂီလာ၊ ဘီလ် မာဟာရ်၊ ဒါမှမဟုတ် ဆမ်ဟားရစ်တို့ရဲ့ မျက်နှာကို ကြည့်တဲ့အခါ ပြီးတော့ အာဖရိကန်-အမေရိကန်တွေကနေ လာတီနိုတွေ၊ အာရှသားတွေ၊ မွတ်စလင်တွေအထိ သူတို့အားလုံးအပေါ်မှာ လူဖြူတွေရဲ့ သဘောထားတွေကနေ ထွက်ပေါ်လာတဲ့ အယူသည်းမှုကို မြင်ရတဲ့အခါ “အကြမ်းဖက်ဝါဒ” ဆိုတဲ့ ဒီ တရားမဲ့တဲ့ အသုံးအနှုန်းဟာ အမေရိကန်နဲ့ အစ္စရေးက လူဖြူလူမျိုးကြီးဝါဒီတွေက အကြမ်းဖက်မှု ပုံစံအားလုံးကို ပြတ်ပြတ်သားသား ရှုတ်ချဖို့မဟုတ်ဘဲ ဖိနှိပ်ချုပ်ချယ်မှုကို ငြိမ်းချမ်းစွာခုခံခြင်းကို ဂုဏ်သိက္ခာချဖို့ ဖော်ဆောင်ထားတဲ့ လူမျိုးရေးခွဲခြားတဲ့ စကားလုံးဖြစ်တယ်ဆိုတာ ထင်ရှားလာပါတော့တယ်။

    သိမ်းကြုံးရိုက်သည့် စကားလုံး
    ——————————-
    ချာလ်စတန် အစုလိုက် အပြုံလိုက် သတ်ဖြတ်မှုအတွက် အာဖရိကန်-အမေရိကန်တွေက ၀မ်းနည်းပူဆွေးနေကြတုန်းမှာပဲ တူနီးရှား၊ ပြင်သစ်နဲ့ ကူဝိတ်နိုင်ငံ တို့မှာ မကြာသေးမီက ဖြစ်ပွားခဲ့တဲ့ ဖြစ်ရပ်တွေကို ဖော်ပြရာမှာ အကြမ်းဖက်ဝါဒဆိုတဲ့ စကားလုံးဟာ ပြန်ပြီး သံသရာလည်လာခဲ့ပါတယ်။

    ဒါဟာ “အကြမ်းဖက်ဝါဒ” ဆိုတဲ့ အသုံးအနှုန်းကို မွတ်စလင်တွေအတွက် ပြီးတော့ မွတ်စလင်သီးသန့် အတွက် အသုံးချတယ် ဆိုတဲ့ နောက်ထပ် သက်သေပါပဲ။

    အကြမ်းဖက်ဝါဒနဲ့ ရက်စက်ကြမ်းကြုတ်မှုတွေ၊ ဒီနေ့အဖြစ်အပျက်တွေအတွက် အစ္စလာမ်နဲ့ မွတ်စလင်တွေဟာ ဘယ်လို တင်စားပြောဆိုစရာ ဖြစ်လာသလဲဆိုတာ ကျွန်တော် ဖော်ပြခဲ့ပြီးပါပြီ။ အတွေးအမြင်တိုးတက်တဲ့ အနောက်နိုင်ငံသား အများစုကတောင်မှ “ဂျီဟတ်” “ဂျီဟတ်ဝါဒီ” ဒါမှမဟုတ် “ဖသ်ဝါ” စတဲ့ စကားလုံးတွေကို အသုံးပြုကြပါတယ်။ သူတို့နဲ့ ဘာသာ၊ လူမျိုးတူတဲ့သူတွေ (ခရစ်ယာန် ဒါမှမဟုတ် ဂျူးတွေ) အတွက် သူတို့ရဲ့ ကိုယ်ပိုင်အကြမ်းဖက် လုပ်ရပ်တွေကို တံဆိပ်ကပ်ဖို့ကြတော့ အင်္ဂလိပ် ဒါမှမဟုတ် ဥရောပဘာသာ စကားတွေမှာ အခြားစကားလုံး မရှိတော့သလို “အယူသည်းသူ” လို့သာ ရည်ညွှန်းချင်ကြပါတယ်။

    ဒါပေမယ့် ဒီ “အကြမ်းဖက်ဝါဒ” ဆိုတဲ့ အသုံးအနှုန်းနဲ့ စိုးရိမ်စရာ အကောင်းဆုံး ပြဿနာက ဒါဟာ သိမ်းကျုံးရိုက်တဲ့ စကားလုံး ဖြစ်လာ တာပါပဲ။ အကြောင်းအရင်းအမျိုးမျိုးနဲ့အတူ လူမှုရေးဆိုင်ရာ အားနည်းမှုတွေကို သိမ်းကြုံးရိုက်မယ်။ ပြီးတော့ အဲဒါတွေအားလုံးကို အစ္စလာမ်အမည်ခံတဲ့ လုပ်ရပ်တွေနဲ့ မွတ်စလင်တွေရဲ့ လုပ်ရပ်တွေအောက်မှာ သွားပြီး ထည့်တော့တာပါပဲ။

    ကူဝိတ်၊ ပြင်သစ်နဲ့ တူနီးရှားနိုင်ငံတွေက အဖြစ်အပျက် ၃ ခုမှာ ကျူးလွန်တဲ့သူ မတူညီတဲ့အကြောင်းအရင်းတွေ၊ တစ်ယောက် ချင်းစီရဲ့ ပြည်တွင်း အဖြစ်အပျက်တွေရဲ့ သက်ဆိုင်ရဲ့ လှုံ့ဆော်မှုတွေ ရှိခဲ့ကြပါတယ်။ ဒါပေမယ့် “အကြမ်းဖက်ဝါဒ” ဆိုတဲ့ စကားလုံးဟာ ဒီ အကြမ်းဖက်မှုဖြစ်လာတဲ့ အခြေခံအကြောင်းအရင်းတိုင်းကို နားလည်အောင်လုပ်ဖို့ကို တားဆီး ဟန့်တားလိုက်ပြီး မွတ်စလင်တွေရဲ့ ၀မ်းတွင်း သန္ဓေကကို ဒီလိုလုပ်တာပါလားဆိုပြီး သတ်မှတ်မှုကို ဖြစ်စေခဲ့ပါတယ်။

    **Aljazeera တွင် ဖော်ပြခဲ့သည့် ဆောင်းပါးရှင် Hamid Dabashi ၏ “Terrorism: For Muslim crimes only?” ခေါင်းစဉ်နှင့် ဆောင်းပါးအား လေးမောင် ဆီလျော်အောင် ဘာသာပြန်ဆိုသည်။

  • ဂျီဟတ်ဝါဒီများထက် မွတ်စလင် မဟုတ်သည့် အစွန်းရောက်များက အမေရိကန်ကို ပိုမိုခြိမ်းခြောက်နေ

    ဂျီဟတ်ဝါဒီများထက် မွတ်စလင် မဟုတ်သည့် အစွန်းရောက်များက အမေရိကန်ကို ပိုမိုခြိမ်းခြောက်နေ

    ဇွန် ၂၅၊ ၂၀၁၅

    M-Media

    us
    ၂၀၁၀ ခုနှစ် ဖေဖော်ဝါရီလအတွင်း အော်စတင်ရှိ အမျိုးသားတစ်ဦးက အင်ဂျင်တစ်လုံးတပ်လေယာဉ်ဖြင့် အော်စတင်မြို့ရှိ Echelon Office အဆောက်အအုံအား ၀င်တိုက်ပြီးနောက် တွေ့ရစဉ်

    – ၉/၁၁ တိုက်ခိုက်မှုပြီးကတည်းက အစွန်းရောက်မွတ်စလင်များမှာ ဇာတိမြေလုံခြုံရေးအတွက် ပြိုင်ဘက်ကင်းခြိမ်းခြောက်မှု ဖြစ်လာသည်ဟု အမေရိကန်အများစုက ယူဆခဲ့ကြသည်။ သိုသော်လည်း အမေရိကန်တွင် ဂျီဟတ်ဝါဒီများ၏ တိုက်ခိုက်မှုကြောင့် သေဆုံးသူထက် ဂျီဟတ်ဝါဒီမဟုတ်သော အစွန်းရောက်များ၏ တိုက်ခိုက်မှုများကြောင့် သေဆုံးသူများမှာ ၂ ဆနီးပါး
    ပို၍ များပြားသည်ဟု ၀ါရှင်တန်ရှိ သုတေသနစင်တာ New America ၏ လေ့လာတွက်ချက်မှုများက ဖော်ပြနေသည်။

    မွတ်စလင်မဟုတ်သော အစွန်းရောက်များက စက်တင်ဘာ ၁၁ နောက်ပိုင်း ထိုကဲ့သို့ အကြမ်းဖက်တိုက်ခိုက်မှုများကို ၁၉ ကြိမ် ပြုလုပ်ခဲ့ကာ ၄၈ ဦးသေဆုံးခဲ့သည်ဟု New America မှ ထုတ်ပြန်သော အစီရင်ခံစာတွင် ဖော်ပြထားသည်။ ထိုအချိန်ကာလအတွင်း ဖို့ဟုဒ်မြို့တွင် သေနတ်ဖြင့်ပစ်ခတ်ခဲ့သည့် နီဒဲလ်မာလစ်ဟာဆန်တို့ကဲ့သို့ အစွန်းရောက်မွတ်စလင်များ၏တိုက်ခိုက်မှုက ၇ ကြိမ်သာရှိပြီး လူ ၂၆ ဦး သေဆုံးခဲ့သည်။

    us 2
    အစွန်းရောက်မွတ်စလင်များနှင့် မွတ်စလင်မဟုတ်သည့် အစွန်းရောက်များ၏ အကြမ်းဖက်တိုက်ခိုက်မှု နှိုင်းယှဉ်ဇယား

    အမေရိကန်၏ ပက်ထရီယော့အက်ဥပဒေတွင် ‘ပြည်တွင်း အကြမ်းဖက်ဝါဒ’ ၏ လှုပ်ရှားမှုဆောင်ရွက်မှုများကို

    (က) အမေရိကန်ပြည်ထောင်စု သို့မဟုတ် ပြည်ထောင်စု၏ မည်သည့်ပြည်နယ်မှ ရာဇ၀တ်မှုဥပဒေများကို ချိုးဖောက်သည့် လူ့အသက်ကို အန္တရာယ်ရှိသော လုပ်ရပ်များ ပါဝင်သည့် လှုပ်ရှားမှုများ

    (ခ) – (၁) အရပ်သားလူ့အဖွဲ့အစည်းတစ်ခုကို ခြိမ်းခြောက်ရန် သို့မဟုတ် နိုင့်ထက်စီးနင်းပြုရန်၊

    (၂) ခြိမ်းခြောက်ခြင်း သို့မဟုတ် နိုက်ထက်စီးနင်းပြုခြင်းဖြင့် အစိုးရ၏ ပေါ်လစီကို လွှမ်းမိုးစေရန်

    (၃) ဖောက်ခွဲဖျက်ဆီးခြင်း၊ လုပ်ကြံခြင်း သို့မဟုတ် ပြန်ပေးဆွဲခြင်းတို့ဖြင့် အစိုးရ၏ ဆောင်ရွက်မှုကို ထိခိုက်စေရန် – ရည်ရွယ်သော                   လှုပ်ရှားမှုများ နှင့်

    (ဂ) အဓိကအားဖြင့် အမေရိကန်၏ တရားစီရင်ပိုင်ခွင့် ပိုင်နက်အတွင်း ဖြစ်ပွားသော လှုပ်ရှားမှုများ ဟု သတ်မှတ်ပြဌာန်းထားသည်။

    us 3
    အစွန်းရောက်မွတ်စလင်များနှင့် မွတ်စလင်မဟုတ်သည့် အစွန်းရောက်များ၏ အကြမ်းဖက်တိုက်ခိုက်မှုကြောင့် သေဆုံးသူ နှိုင်းယှဉ်ဇယား

    မွတ်စလင်မဟုတ်သည့် အစွန်းရောက်များ၏ တိုက်ခိုက်မှုများမှာ ရဲတပ်ဖွဲ့ဝင်များအား ခြုံခိုက်တိုက်ခိုက်ခြင်းမှ အစိုးရ အဆောက်အဦးတစ်ခုအတွင်းသို့ လေယာဉ်ဖြင့် ၀င်တိုက်ခြင်းတို့အထိ ကျယ်ပြန့်ပြီး ထိုအကြမ်းဖက်လုပ်ရပ်များကို လူဖြူလူမျိုးကြီး ၀ါဒီများ၊ အစိုးရ ဆန့်ကျင်ရေး အစွန်းရောက်များနှင့် မွတ်စလင်မဟုတ်သော အခြားသူများက ကျူးလွန်ကြခြင်းဖြစ်သည်။

    ပြီးခဲ့သည့်တစ်ပတ်က တောင်ကယ်ရိုလိုင်းနားပြည်နယ် ချာလ်စတန်မြို့တွင် အာဖရိကန်-အမေရိကန် ၉ ဦး အသတ်ခံရမှုက ထိုကဲ့သို့ အကြမ်းဖက်တိုက်ခိုက်မှုများတွင် အဆိုးဝါးဆုံး ဖြစ်ခဲ့လေသည်။

    Ref: ABC news

  • အစ္စလာမ်သည် အကြမ်းဖက်စံနစ်ကို တားမြစ်ထားကြောင်း ဟဂ်ျမိန့်ခွန်း၌ အစ္စလာမ့်ထိပ်တန်း ခေါင်းဆောင်တဦးဖြစ်သူ ဓမ္မသတ်မှူးချုပ်မှ ပြောကြား

    အောက်တိုဘာ၊ ၁၆၊
    M-Media
    03
    အစ္စလာမ့်ထိပ်တန်း ခေါင်းဆောင်တစ်ဦးဖြစ်သူ ဆော်ဒီ၏ထိပ်တန်းဘာသာရေးအကြီးအကဲ ဓမ္မသတ်မှူးချုပ် ရှိုင်းခ် အဗ်ဒုလ် အဇီးဇ် အလ်ရှိုင်းခ် သည် တနင်္လာနေ့က ဟဂ်ျမိန့်ခွန်းတွင် အကြမ်းဖက်မှုနှင့်ပတ်သက်၍ ရှုတ်ချဝေဖန်ပြောကြားခဲ့သည်။

    “ အစ္စလာမ်ဟာ ဘာအကြောင်းနဲ့မှ အကြမ်းဖက်မှုကို ခွင့်မပြုထားပါဘူး။ ယနေ့ကမ္ဘာမှာ လက်ရှိဖြစ်ပေါ်နေတဲ့ အကြမ်းဖက်ခြင်းနဲ့အစွန်းရောက်မှုအားလုံးကို အစ္စလာမ်က ရှုတ်ချထားပါတယ်။ ငြိမ်းချမ်းမှု၊ ညီညွတ်မှုအတွက် မွတ်စ်လင်မ်များက မေတ္တာနဲ့ရင်းပြီး ခင်းကျင်းဖော်ပြရမှာဖြစ်တယ် ” ဟု သူမှ ပြောကြားကြောင်း Dawn News မှ ဆိုသည်။

    အာရပ်နွေဦး၏ပရမ်းပတာဖြစ်မှုကို ပွင့်လင်းစွာရည်ညွှန်းခြင်းမရှိသော်လည်း ကမ္ဘာ့မွတ်စ်လင်မ်လူ့အဖွဲ့အစည်းတို့အား ခွဲခြားမှုကိုရှောင်ကြဉ်ကြရန်၊ လက်တွဲစုစည်းကြရန် ဓမ္မသတ်မှူးချုပ်မှ အောက်ပါကဲ့သို့ တိုက်တွန်းလိုက်ကြောင်း The Nation က ဖော်ပြထား၏။

    “ အို – မွတ်စ်လင်မ်အပေါင်းတို့။ ဖန်ဆင်းရှင်တော်မြတ်အား ကြောက်ရွံ့ကြပါကုန်။ သပ်က်ဝါ (အလ္လာဟ်အရှင်မြတ်အပေါ် ထားရှိသည့် အကြောက်တရား) ကို ဆင်ယင်ထားကြကုန်။ အစ္စလာမ့်လမ်းစဉ်နှင့်မညီသောနည်းလမ်းဖြင့် ငွေရှာသက်မွေးခြင်းမှ ရှောင်ကြဉ်ကြပါလော့။ အလ္လာဟ့်၏ကြိုးတော်အား မြဲမြံစွာ ဆုပ်ကိုင်ကြပြီး အတွေးအခေါ်လမ်းကြောင်းအသီးသီးအတွင်း ခွဲခြားခြင်းဖြင့် မကွဲပြားကြကုန်လင့်။ မတရားမှုကို ဆန့်ကျင်ခြင်း၌ စုစည်းညီညွှတ်ကြပါလေ ”။

    Dawn News မှတင်ပြချက်အရ ဟဂ်ျကျင့်စဉ်၏အစိတ်အပိုင်းတစ်ရပ်ဖြစ်သော အရဖသ်တောင်ပေါ် စုဆုံရပ်နားရာဝယ် ဟဂ်ျခရီးသည်ပေါင်း ၁.၅ သန်းဝန်းကျင်အထိရှိ၍ ဓမ္မသတ်မှူးချုပ်သည် ၄င်းအနီး ဗလီဝတ်ကျောင်းတော်တစ်ခုမှ ဓမ္မမိန့်ခွန်း မိန့်ခြွေခဲ့သည်ဟု သိရသည်။

    ကမ္ဘာ့စီးပွားရေးပြဿနာနှင့်စပ်လျဉ်း၍လည်း သူက “ မိမိတို့လုပ်ငန်းတွေထဲ ရင်းနှီးမြှုပ်နှံခြင်းဖြင့် မွတ်စ်လင်မ်တွေဟာ လူ့ဘောင်အသိုင်းအ၀ိုင်းကို ထောက်ပံ့ကူညီအားပေးဖို့လိုပါတယ် ” ဟု ပြောကြားသွားခဲ့သည်။

    ဓါတ်ပုံ အညွန်း >> ၂၀၁၃ ခုနှစ် ဟဂ်ျကာလတွင် ကမ္ဘာတဝှမ်းမှ မွတ်စလင်မ် ၂ သန်းနီးပါး ဟဂ်ျပြလုပ်ရန် လာရောက်ခဲ့ကြသည်။
    Ref: huffingtonpost

  • အကြမ်းဘက်ဝါဒ ကို အစ္စလာမ့်နည်းလမ်း အသုံးပြုကာ တိုက်ဖျက်မှု့ အင်ဒိုတွင်အောင်မြင်

    အကြမ်းဘက်ဝါဒ ကို အစ္စလာမ့်နည်းလမ်း အသုံးပြုကာ တိုက်ဖျက်မှု့ အင်ဒိုတွင်အောင်မြင်

    သြဂုတ်၊ ၂၇ ရက်၊ ၂၀၁၂

    M-Media

    Source: http://www.onislam.net

    ကိုင်ရို။ ။ အကြမ်းဖက်ဝါဒကိုအမြစ်ဖြုတ်ရန် လက်နက်များသုံး၍ တိုက်ခိုက်ခြင်းသည် မလုံလောက်ဘဲ မွတ်စလင်ပညာရှင်များအကူအညီဖြင့် အကြမ်းဖက်အုပ်စုများတွင် လူငယ်များပါဝင်ခြင်းမှ တားဆီးရန်နည်းလမ်းကို အင်ဒိုနီးရှားရဲတပ်ဖွဲ့မှတွေ့ရှိခဲ့သည်။

    Ansyaad Mbai

    “အကြမ်းဖက်ဝါဒကို တိုက်ခိုက်ရာမှာ ရုပ်ပိုင်းဆိုင်ရာအရတော့ ကျွန်တော်တို့ ကြီးမားတဲ့ အောင်မြင်မှုရပြီးပါပြီ။ ဒါပေမယ့် အခု အယူအဆတွေကို တွန်းလှန်ရာမှာ အာရုံစိုက်ဖို့လိုအပ်ပါတယ်။” ဟု အမျိုးသား အကြမ်းဖက်မှုတိုက်ဖျက်ရေးအေဂျင်စီ၏ အကြီးအကဲဖြစ်သူ Ansyaad Mbai က ၀ါရှင်တန်ပိုစ့်သတင်းစာသို့ သြဂုတ်လ ၂၇ ရက် တနင်္လာနေ့က ပြောကြားခဲ့သည်။

    လူပေါင်း ၂၀၀ကျော်သေဆုံးခဲ့သော ၂၀၀၂ ဘာလီအပန်းဖြေကျွန်း ဗုံးပေါက်ကွဲမှုနောက်ပိုင်းတွင် အင်ဒိုနီးရှားအစိုးရသည် အကြမ်းဖက်အဖွဲ့များအား နှိမ်နှင်းခဲ့လေသည်။ ၂ နှစ်ကျော်အတွင်း အကြမ်းဖက်သူ ၂၀၀ နီးပါးကို ဖမ်းဆီးရမိခဲ့ပြီး ၃၃ ဦး သေဆုံးခဲ့သည်။ အများစုမှာ ရဲများနှင့်ရင်ဆိုင်တိုက်ခိုက်ရာ၌ သေဆုံးခဲ့ခြင်းဖြစ်သည်။ လုံခြုံရေးစီမံချက်များ အောင်မြင်ခဲ့ကာ လွန်ခဲ့သော ၂ နှစ်ခွဲမှစ၍ အကြမ်းဖက်တိုက်ခိုက်မှုများအတွင်း အရပ်သားတစ်ဦးမှ သေဆုံးခြင်းမရှိခဲ့ပေ။

    အကြမ်းဖက်မှုတိုက်ဖျက်ရေးအဖွဲ့ဝင်များသည် မွတ်စလင်ပညာရှင် ၅၅၀ နီးပါးရှိသည့် နိုင်ငံတောင်ပိုင်းရှိ ကုရ်အာန်အကယ်ဒမီသို့ သွားရောက်လည်ပတ်ခဲ့ပြီး “အစွန်းရောက်ဝါဒနဲ့ ယှဉ်ပြိုင်ဖို့ တစ်ခုတည်းသောလုပ်နိုင်စွမ်းဟာ အစ္စလာမ်ကို အသုံးပြုခြင်းပဲ ဖြစ်ပါတယ်။” ဟု Mbai က မွတ်စလင်ပညာရှင်များကို ပြောကြားခဲ့သည်။

    မတူညီသောအမြင်

    သို့ရာတွင် အဆိုပါနည်းလမ်းသစ်ကို အစိုးရအရာရှိတစ်ချို့က ဆန့်ကျင်ပြီး အကြမ်းဖက်ဝါဒ၏နောက်တွင်ရှိသည့် အဓိက ကြောင်းအရင်းမှာ ဘာသာတရားမဟုတ်ဘဲ လူမှုရေးပြဿနာများဖြစ်သည်ဟုဆိုသည်။

    “အကြမ်းဖက်ဝါဒဆိုတာ ဘာသာတရားကြောင့်မဟုတ်ပါဘူး။ တကယ်လို့ အစိုးရက လူတွေရဲ့ပြဿနာတွေကို ဖြေရှင်းပေးရင် ဒါတွေဟာ ရပ်တန့်သွားမှာပါ။” ဟု Islamist Prosperous Justice Party (PKS) ၏ ဥက္ကဌဟောင်းဖြစ်သူ နူရ် မဟ်မူဒီ အီစမာအီ (Nur Mahmudi Ismail) က ဆိုသည်။

    အစ္စလာမ်နှင့် အကြမ်းဖက်ဝါဒအကြားတွင် ဆက်စပ်မှုမရှိကြောင်း သာသနာရေး ၀န်ကြီးဌာနမှ ရှုမြင်လေသည်။

    “ရဲဝန်ထမ်းတွေ ဗလီဝတ်ကျောင်းတော်လာရောက်ပြီး ၀တ်ပြုတာကိုတော့ကြိုဆိုပါတယ်။ ဒါပေမယ့် တရားဒေသနာတွေကို ထိန်းချုပ်တာမျိုးကိုတော့ မကြိုဆိုပါဘူး။” ဟု သာသနာရေးဝန်ကြီးဌာန ၀န်ကြီး ဆူယဒ်ဟာရမာ အလီ (Suryadharma Ali) က ဆိုသည်။

    ဂျီဟတ်ကို မိမိ၏တိုးတက်မှုအတွက် နာမ်ပိုင်းဆိုင်ရာ ရုန်းကန်လှုပ်ရှားမှုတစ်ခုအဖြစ်ဖေါ်ပြထားပြီး အစွန်းရောက်ဝါဒီများ လိုရာဆွဲအသုံးချသော အခြား အစ္စလာမ့်သွန်သင်ချက်များ၏ အရှိတရားများ ရိုက်နှိပ်ထားသည့် လက်ကမ်းစာစောင်များကို အင်ဒိုနီးရှား သာသနာရေးဝန်ကြီးဌာနမှ ထုတ်ဝေဖြန့်ချီခဲ့သည်။

    ထင်ရာစိုင်းသော မွတ်စလင်ပညာရှင်များကို ထိန်းထားရန် ကြိုးပမ်းခြင်းက ရလဒ်များကို ပြောင်းပြန်ဖြစ်သွားစေလိမ့်မည်ဟု အလီက သတိပေးခဲ့ပြီး အဏာရှင် သမ္မတ ဆူဟာတိုလက်အောက် နှစ်ပေါင်းသုံးဆယ်ကျော် အစ္စလာမ်သာသနာကို နိုင်ငံရေးအရ ထိန်းချုပ်ထားခဲ့သည်ဟု ဆိုသည်။

    “အဲဒါရဲ့ ရလဒ်ကတော့ အစွန်းရောက်အမြင်တွေ သိုသိုသိပ်သိပ် ထိန်းချုပ်မှုမဲ့စွာနဲ့ ကြီးထွား လာတာပါပဲ။” ဟု သူက ပြောကြားသည်။

    အစ္စလာမ်သာသနာအား လိုရာဆွဲ သာသာပြန်ချက်များမှဖြစ်လာသော အကြမ်းဖက်မှုများကို ပေါက်ဖွားစေနိုင်သည့် အယူအဆများကို ချေဖျက်ရန် ကြိုးပမ်းမှုအဖြစ် အကြမ်းဖက်မှုတိုက်ဖျက်ရေးအေဂျင်စီသည် Nahdlatul Ulama (NU) ထံသို့ အကူအညီတောင်းခံခဲ့သည်။ အဆိုပါအဖွဲ့သည် ကမ္ဘာအကြီးဆုံး မွတ်စလင်အဖွဲ့အစည်းများထဲတွင် တစ်ခုအပါအ၀င်ဖြစ်သည်။

    “အကြမ်းဖက်မှုတွေကို ဆန့်ကျင်ရာမှာ လုံခြုံရေးအင်အားစုတွေအနေနဲ့ တင်းကြပ်တဲ့ နည်းလမ်းတွေသုံးနိုင်ပါတယ်။ ဒါပေမယ့် အလုံးစုံ အောင်မြင်ဖို့အတွက်ကတော့ အစ္စလာမ့်ခေါင်းဆောင်တွေရဲ့ အကူအညီ လိုအပ်ပါတယ်။” ဟု NU ကို ဆယ်စုနှစ်တစ်ခုကြာ ဦးဆောင်ခဲ့သည့် ဟေဆင် မူဇာဒီ (Haysim Muzadi) က ဆိုသည်။

    မူဇာဒီသည် အမျိုးသား အကြမ်းဖက်မှုတိုက်ဖျက်ရေးအေဂျင်စီ နှင့် ဆက်သွယ်ဆောင်ရွက်နေသည့် ဒီပွတ် ကုရ်အာန်ကောလိပ်ကျောင်း(Depok Qur’anic college) ထွက်ဖြစ်ပြီး ၂၀၀၂ ခုနှစ် နယူးယောက် Ground Zero သို့ သွားရောက်လည်ပတ်စဉ်က အစွန်းရောက်ဝါဒီများ၏ အန္တရာယ်ကို သတိပြုမိခဲ့သူဖြစ်သည်။

    “အစွန်းရောက်တွေက အမေရိကကိုသာ ခြိမ်းခြောက်တာမဟုတ်ပါဘူး။ တစ်ကမ္ဘာလုံးကို ခြိမ်းခြောက်နေတာပါ။ သူတို့ဟာ အစ္စလာမ်ကိုပါ အန္တရာယ်ဖြစ်စေပါတယ်။ ” ဟု သူကဆိုသည်။

    ဝေဇင်