Tag: Thai Muslim

မွတ်စလင်ခရီးသွားများအား ဆွဲဆောင်ရန် ထိုင်းနိုင်ငံတွင် ပထမဆုံး ဟာလာလ်ဟိုတယ် ဖွင့်လှစ်

သြဂုတ် ၃၁၊ ၂၀၁၆
M-Media

– ဗုဒ္ဓဘာသာဝင်အများစုရှိရာ ထိုင်းနိုင်ငံမှာ ပထမဆုံး ဟာလာလ်ဟိုတယ်တစ်ခုကို ဖွင့်လှစ်လိုက်ပြီး နိုင်ငံ၏ ၀င်ငွေအကောင်းဆုံး စီးပွားရေးကဏ္ဍမှ တစ်ခုဖြစ်သည့် ခရီးသွားလုပ်ငန်းအား မြှင့်တင်ရန်နှင့် မွတ်စလင် ခရီးသွားများကို ဆွဲဆောင်ရန် ရည်ရွယ်ခြင်းဖြစ်သည်။

ပြီးခဲ့သည့်နှစ်အတွင်း ထိုင်းနိုင်ငံသို့ လာရောက်သည့် ကမ္ဘာလှည့်ခရီးသွားအရေအတွက်မှာ သန်း ၃၀ နီးပါး ရှိခဲ့ပြီး အရှေ့ အလယ်ပိုင်းနိုင်ငံများမှ ၆၅၈၀၀၀ ဦးသာ ပါဝင်သည်ဟု မှတ်တမ်များအရ သိရသည်။

ဘန်ကောက်မြို့ရှိ ယခုဟိုတယ်မှာ Al Meroz ဟုအမည်ရပြီး ကြယ်လေးပွင့်အဆင့်ရှိကာ ၂၀၁၅ ခုနှစ် နိုဝင်ဘာလတွင် စတင်ဖွင့်လှစ်ခဲ့ခြင်းဖြစ်သည်။ ထိုသို့ ဖွင့်လှစ်မှုက ခရီးသွားလုပ်ငန်း ပြုပြင်ပြောင်းလဲရေးနှင့် နိုင်ငံ့ဝင်ငွေ တိုးလာစေရေး အဓိကကျမည်ဟု မျှော်လင့်နေသည်။

“ကမ္ဘာပေါ်မှာ မွတ်စလင် သန်း ၁၆၀၀ ကျော်ရှိပါတယ်။ တော်တော်လေးကြီးမားတဲ့ ခရီးသွားဈေးကွက်ပါ။ အဲဒီထဲက ၁ ရာခိုင်နှုန်းလောက် ဈေးကွက်ရရင်ပဲ ကျွန်တော်တို့နိုင်ငံရဲ့ ခရီးသွားလုပ်ငန်း တိုးတက်ဖို့ လုံလောက်ပါပြီ” ဟု ဟိုတယ်၏ အထွေထွေမန်နေဂျာ ဆန်ယာ ဆာအင်ဘွန်က ပြောကြားခဲ့သည်။

ဗလီဝတ်ကျောင်းတော်ပုံသဏ္ဍာန် တည်ဆောက်ထားသည့် အဆိုပါ ဟိုတယ်တွင် ၀တ်ပြုခန်းနှစ်ခု ပါဝင်ပြီး ဟာလာလ်အစားအသောက်များကို တည့်ခင်းဧည့်ခံမည့် ထမင်းစားခန်းမ ၃ ခု ပါဝင်လေသည်။

အခန်းဈေးနှုန်းများကတော့ တစ်ညလျှင် ဘတ် ၄၀၀၀ မှ ၅၀၀၀၀ အထိ (ကန်ဒေါ်လာ ၁၁၆ ဒေါ်လာမှ ၁၄၄၅ ဒေါ်လာ) ရှိသည်ဟု ဆန်ယာက ထည့်သွင်းပြောကြားခဲ့သည်။

ဝတ်ပြုခန်း

ထိုဟိုတယ်တွင် လာရောက်တည်းခိုသည့် သြစတေးလျမှ ရဲတပ်ဖွဲ့အရာရှိ အသက် ၂၈ နှစ်အရွယ် အာမီရ် ဖာဇဲလ်က ယခုကဲ့သို့ ဟာလာလ်ဟိုတယ်များ ရှိနေခြင်းမှာ ဟာလာဟ်အစားသောက် ရှာဖွေရန်ခက်ခဲသည့် ထိုင်းနိုင်ငံသို့ လာရောက်လည်ပတ်သော မွတ်စလင်ခရီးသွားများအတွက် သက်တောင့်သက်သာ ဖြစ်စေသည်ဟု ပြောကြားခဲ့သည်။

“တကယ့်ကို တည်းလို့ခိုလို့ကောင်းပါတယ်။ ဒါဟာ ထိုင်းနိုင်ငံမှာ ပထမဆုံး ဟာလာလ်ဟိုတယ်ဖြစ်ပြီး အင်မတန်ကောင်းတာကိုလည်း ကျွန်တော် တွေ့ပါတယ်” ဟု ဖာဇဲလ်က ပြောကြားခဲ့သည်။

ကြီးထွားလာသည့် မွတ်စလင်ခရီးသွားဈေးကွက်အား ၀င်ရောက်ရန်အတွက် ထိုင်းနိုင်ငံမှာ ခရီးသွားများ ဟာလာလ်အစားအသောက်နှင့် မွတ်စလင်များအတွက် ဆွဲဆောင်နိုင်စရာ နေရာများကို ရှာဖွေနိုင်သည့် မိုဘိုင်းဖုန်း ဆော့ဖ်ဝဲတစ်ခုကို ပြီးခဲ့သည့်နှစ်တွင် ထုတ်ပြန်ခဲ့သည်။

ထိုင်းနိုင်ငံတောင်ဘက် မလေးရှားနှင့်ကပ်နေသည့် ဒေသမှာ မွတ်စလင်အများစုနေထိုင်ရာ ဒေသဖြစ်သည်။

မလေးရှားမှ ခရီးသွားများမှာ နယ်စပ်ကိုဖြတ်ကျော်၍ ရက်တိုလာရောက်လည်ပတ်မှုများ ရှိနေသ်ာလည်း ခွဲထွက်ရေးသမားများ၏ တိုက်ခိုက်မှုများကြောင့် ထိုဒေသတွင် ခရီးသွားလုပ်ငန်းမှာ ထင်သလောက် ကောင်းမလာခဲ့ပေ။

ထိုင်းနိုင်ငံသို့ အရှေ့အလယ်ပိုင်းမှ ခရီးသွားများ လာရောက်လည်ပတ်မှုမှာ ၂၀၁၄ ခုနှစ် နှိုင်းယှဉ်ပါက ၂၀၁၅ ခုနှစ်တွင် ၁၀ ရာခိုင်နှုန်း တက်လာခဲ့သည်ဟု ခရီးသွားလုပ်ငန်းဝန်ကြီးဌာန၏ အချက်အလက်များတွင် ဖော်ပြနေသည်။

Ref: Channelnewsasia

August 31, 2016
ထိုင်းတက္ကသိုလ်တစ်ခုတွင် ဗလီဝတ်ကျောင်းတော်တစ်လုံး ဖွင့်လှစ်

ဧပြီ ၂၄၊ ၂၀၁၆
M-Media

– တိုင်းနိုင်ငံ နာရာသီဝပ်ပြည်နယ်ရှိ နာရာသီဝပ်မင်းသမီး တက္ကသိုလ် (PNU) ပရ၀ုဏ်အတွင်း ဗလီဝတ်ကျောင်းတော်တစ်လုံးကို ယမန်နေ့တွင် ဖွင့်လှစ်ခဲ့ပြီး ထိုင်းအစ္စလာမ်ဘာသာရေးဆိုင်ရာ အကြီးအကဲ အဇစ် ဖီသက်ကမ်ပွန် တက်ရောက်ခဲ့သည်ဟု သိရသည်။

အဆိုပါတက္ကသိုလ်တွင် တက်ရောက်သူ ကျောင်းသားအများစုမှာ အစ္စလာမ်ဘာသာဝင်မျာဖြစ်ကြပြီး ယခုဖွင့်လှစ်လိုက်သည့် ဗလီဝတ်ကျောင်းတော်မှာ တက္ကသိုလ်အတွင်းရှိ ကျောင်းသားများနှင့် အနီးအနားပတ်ဝန်းကျင်ရှိ မွတ်စလင်ပြည်သူများ ၎င်းတို့၏ ဘာသာရေးဆိုင်ရာ တာဝန်ကို ထမ်းဆောင်ရာတွင် အထောက်အကူဖြစ်စေလိ့မ်မည်ဟု Thailand National News Bereau သတင်းဌာနက ဖော်ပြခဲ့သည်။

အကြီးအကဲ အဇစ် ဖီသက်ကမ်ပွန်ကမူ ဗလီဝတ်ကျောင်းတော်ဆိုသည်မှာ မွတ်စလင်များ စုဝေးကာ ဘာသာရေးဆိုင်ရာ ကိစ္စရပ်များကို လုပ်ဆောင်သည့်နေရာဖြစ်ပြီး PNU တက္ကသိုလ်ရှိ ကျောင်းသားများ၏ ၈၀ ရာခိုင်နှုန်းမှာ မွတ်စလင်များဖြစ်သောကြောင့် ယခုကဲ့သို့ ဗလီတည်ဆောက်ပေးသည့် လုပ်ရပ်မှာ မှန်ကန်ကြောင်း၊ အဆိုပါ ဗလီဝတ်ကျောင်းတော်မှာ အစ္စလာမ့်သွန်သင်များနှင့် လျော်ညီသည့် နိုင်ငံသားကောင်းတစ်ယောက်ဖြစ်လာရေး ကျောင်းသားများကို သင်ကြားပေးသွားမည်ဖြစ်ကြောင်း ၎င်းက ထည့်သွင်းပြောကြားခဲ့သည်။

“တက္ကသိုလ်ပရ၀ုဏ်အတွင်းမှာ ဗလီဝတ်ကျောင်းတော် တည်ရှိခြင်းက လူ့အဖွဲ့အစည်းအတွင်း မတူကွဲပြားစွာ ညီညွတ်မှုကို မြှင့်တင်ပေးပြီး၊ အတူတကွ သဟဇာတဖြစ်စွာနေထိုင်ဖို့ ပြည်သူတွေကို တိုက်တွန်းအားပေးမှုလည်း ဖြစ်လာမှာပါ။ ပြီးတော့ တောင်ဘက်နယ်ခြားဒေသတွေမှာ ကာလရှည်ဖြစ်ပွားနေတဲ့ အခြေအနေအတွက်လည်း အကျိုးကျေးဇူး ဖြစ်ထွန်းမှာပါ” ဟု အဇစ် ဖီသက်ကမ်ပွန်က ပြောကြားခဲ့သည်။

ဗလီဝတ်ကျောင်းတော် ဖွင့်ပွဲအခမ်းအနားသို့ ထိုင်းအစိုးရ တာဝန်ရှိသူများ၊ တက္ကသိုလ် အကြီးအကဲများ၊ မလေးရှားနိုင်ငံမှ ဘာသာရေးခေါင်းဆောင်များနှင့် အင်ဒိုနီရှား ပညာရေးအကြီးအကဲဟောင်းတို့ တက်ရောက်ခဲ့ကြသည်။

ဖွင့်ပွဲအခမ်းအနားတွင် “ဗလီဝတ်ကျောင်းတော်အခန်းကဏ္ဍနှင့် တောင်ပိုင်းနယ်ခြားဒေသများတွင် ငြိမ်းချမ်းရေး မြှင့်တင်ခြင်း” ခေါင်းစဉ်ဖြင့်လည်းကောင်း၊ “တက္ကသိုလ်ဝင်းရှိ ဗလီဝတ်ကျောင်းတော်က ကျောင်းသားများနှင့် လူ့အဖွဲ့အစည်းအတွက် ဘာတွေပေးနိုင်သလဲ” ခေါင်းစဉ်ဖြင့်လည်းကောင်း ဟောပြောပို့ချမှုများ ပြုလုပ်ခဲ့သည်။

Ref: Thainews

April 24, 2016
ထိုင်းအစိုးရမှ ပြုလုပ်သည့် ၀ါဖြေ ညစာစားပွဲကို ၀န်ကြီးချုပ်ပရာယွတ် တက်ရောက်

ဇူလိုင် ၈၊ ၂၀၁၅
M-Media
– နိုင်ငံတစ်ဝှမ်းရှိ မွတ်စလင်လူ့အဖွဲ့အစည်း အပေါ်ချစ်ကြည် ရင်းနှီးမှုကို ဖော်ပြရန် အတွက် ထိုင်းအစိုးရက ရမ်ဇာန် ညစာစားပွဲ တစ်ခုကို ဇွန်လ ၆ ရက်နေ့က ကျင်းပ ပြုလုပ်ခဲ့ပြီး ထိုင်းဝန်ကြီးချုပ် ပရာယွတ်ချန်အိုချာ တက်ရောက်ခဲ့သည်ဟု သိရသည်။
.
အစိုးရအိမ်တော်ရှိ Santi Maitree အဆောက်အဦးတွင် ပြုလုပ်ခဲ့သည့် အဆိုပါ အခမ်းအနားသို့ ထိုင်း ကတ်ဘိနက်အဖွဲ့ဝင်များ၊ ထိုင်း မွတ်စလင် အမျိုးသားခေါင်းဆောင် ချွာလာရာဂျာ မွန်ထရီး အာစစ် ပီတက်ကမ်ပိုလ်၊ မွတ်စလင်နိုင်ငံများမှ သံတမန်များ၊ ထိုင်းအစ္စလာမ် သာသနာရေးရာကောင်စီ ဗဟိုမှ ကော်မတီအဖွဲ့ဝင်များ၊ ထင်ရှားသည့် မွတ်စလင်ခေါင်းဆောင်များ၊ အစိုးရ အရာရှိများနှင့် ဧည့်သည်တော်များ တက်ရောက် ခဲ့ကြသည်။
.
ဝန်ကြီးချုပ် ရောက်ရှိလာသည့် အချိန်တွင် ကုရ်အာန် ကျမ်းတော်မြတ်ကို ရွတ်ဖတ် သရဇ္ဈာယ်၍ အခမ်းအနားကို ဖွင့်လှစ်ခဲ့သည်။ ထို့နောက် ထိုင်းအစိုးရ ကိုယ်စား ၀န်ကြီးချုပ်က အမှာစကားပြောကြားရာတွင် ဟစ်ဂျရီသက္ကရာဇ် ၁၄၃၆ ခုနှစ် ရမ်ဇာန် ညစာစားပွဲတွင်ပါဝင်ရသည့် အတွက် ၀မ်းမြောက်မိကြောင်း၊ ဘာသာတရားများမှာ သီလနှင့် ကိုယ်ကျင့်တရားကို မွေးမြူပေးရာတွင် အရေးပါသည့် အခန်းကဏ္ဍမှ ပါဝင်သောကြောင့် မိမိတို့အစိုးရမှာ ဘာသာတရား အားလုံး၏ အရေးပါသော လှုပ်ရှားမှုများနှင့် လိုက်နာ ကျင့်သုံးမှုများကို အသိအမှတ်ပြုခဲ့ကြောင်း၊ ထို့ပြင် ယခုကဲ့သို့ ရမ်ဇာန် ညစာစားပွဲ ကျင်းပပေးခြင်းအားဖြင့် မြင့်မြတ်သော ရမ်ဇာန် ဥပုသ်လတွင် တစ်စိတ်တစ်ပိုင်း ပါဝင်ခွင့်ရသည့်အတွက် ထိုင်းအစိုးရ အနေဖြင့် ကျေနပ်မိကြောင်း ပြောကြားခဲ့သည်။
.
ထို့ပြင် တိုင်းပြည်အရေး ဆောင်ရွက်ရာတွင် မွတ်စလင်ခေါင်းဆောင် ချွာလာရာဂျာမွန်ထရီး အပါအ၀င် အခြားသော မွတ်စလင်ခေါင်းဆောင်များနှင့် ဆွေးနွေး ညှိနှိုင်းမှုများ ပြုလုပ်သည် ဟုလည်း ထည့်သွင်းပြောကြားခဲ့သည်။
.
နောက်ဆုံးတွင် ၀န်ကြီးချုပ် ပရာယွတ်က ထိုင်းနိုင်ငံ အတွင်းရှိ မွတ်စလင်များ အားလုံးအပေါ် အလ္လာဟ်အရှင်မြတ် ထံတော်မှ ကောင်းချီးမင်္ဂလာအပေါင်း ကျရောက်ပါစေကြောင်း၊ လူမှုဘ၀၊ လုပ်ငန်း ကိုင်တာများတွင် တိုးတက်မှုရရှိကာ၊ လုပ်ကိုင်သမျှ အောင်မြင် ပါစေကြောင်း ဆုမွန်ကောင်း တောင်းပေးခဲ့သည်။
.
ထိုင်းမွတ်စလင်ခေါင်းဆောင် ချွာလာရာဂျာမွတ်ထရီးကလည်း အစိုးရမှ ပြုလုပ်ပေးသည့် အဆိုပါ ညစားစားပွဲအတွက် ကျေးဇူးတင်မိသည်ဟု ပြောကြားခဲ့ကာ ၀ါမဖြေမီ အလျှင် ဆုမွန် ဒိုအာ တောင်းပေးခဲ့သည်။ တက်ရောက်လာကြအသည့် အစ္စလာမ်ဘာသာဝင်များမှာ အစိုးရ အိမ်တော်တွင် မဂ်ရစ်ဘ်ဆွလာသ် (နေ၀င်ပြီးဝတ်ပြုမှု) ကို ၀တ်ပြု ဆောက်တည်ခဲ့ကြသည်။
.
ဇွန်လ ၂၆ ရက်နေ့ကလည်း ထိုင်းနိုင်ငံခြားရေးဝန်ကြီးဌာနမှာ အစ်ဖ်သာရ် ၀ါဖြေညစာစားပွဲ တစ်ခုကို ကျင်းပပြုလုပ်ခဲ့ပြီး သံတမန်များ မွတ်စလင်ခေါင်းဆောင်များကို ဖိတ်ကြားခဲ့သည်။
.
Ref: Royal Thai Government’s Website

July 8, 2015
ဟဂ်ျ၊ အွမ္မရာ ခရီးစဉ်အတွက် ထိုင်းတောင်ပိုင်းမှ မက္ကာသို့ တိုက်ရိုက်လေကြောင်းလိုင်း ဖွင့်လှစ်

မေ ၁၈၊ ၂၀၁၅
M-Media

– နိုင်ငံတောင်ပိုင်းမှ ထောင်ပေါင်းများစွာသော ထိုင်းမွတ်စလင်များ၏ လိုအပ်ချက်ကို ဖြည့်ဆည်းပေးသည့် အနေဖြင့် ဆော်ဒီအာရေဗျရှိ မက္ကာဟ်မြို့သို့ ဟဂ်ျ ခရီးစဉ်များ အတွက် တိုက်ရိုက်လေကြောင်းလိုင်းကို ထိုင်းတောင်ပိုင်းမှ စတင်ပြေးဆွဲနေပြီဟု သိရသည်။

“နှစ်တိုင်းနှစ်တိုင်း တောင်ပိုင်း နယ်စပ်ပြည်နယ်တွေက ပြည်သူတွေဟာ ဟဂ်ျ ဒါမှမဟုတ် အွမ္မရာ ခရီးစဉ်တွေ အတွက် ဆော်ဒီအာရေဗျကိုသွားဖို့ ဘန်ကောက်ကို သွားပြီး လေယာဉ်စီးရတာဟာ ပိုပိုများလာပါတယ်။ ဒါ့ကြောင့် နရာသီဝပ်ကနေ ဂျစ်ဒါကို တိုက်ရိုက် ပျံသန်းနိုင်မယ့် အခွင့်အရေးတစ်ခု သူတို့ကို ကျွန်တော်တို့ ပေးရမယ်လို့ ထင်ပါတယ်” ဟု အဆိုပါ ခရီးစဉ်သစ်ကို ပျံသန်းမည့် လေကြောင်း ကုမ္ပဏီကို တည်ထောင်ခဲ့သူ အမှုဆောင် ၆ ဦးထဲမှ ၁ ဦးဖြစ်သော ဂျေးခန်းက မေလ ၁၅ ရက်နေ့တွင် BenarNews သို့ ပြောကြားခဲ့သည်။

Fatonee ကြောင်းလိုင်းဟု အမည်ပေးထားသည့် အဆိုပါ လေကြောင်းလိုင်းကို ပတ္တာနီပြည်နယ်တွင် အခြေစိုက်ပြီး စီမံခန်ခွဲရေးရုံးကို အနားရှိ နရာသီ ၀ပ်ပြည်နယ် နိုင်ငံတကာလေဆိပ်တွင် ထားရှိမည်ဖြစ်သည်။

ယခင်က ဆော်ဒီသို့ သွားရောက်မည့်သူများမှာ မြို့တော်ဘန်ကောက်ကို သွားခဲ့ကြရပြီး ယခုတွင်မူ မွတ်စလင်များမှာ ၎င်းတို့၏ ဟဂ်ျနှင့် အွမ္မာခရီးစဉ်ကို နိုင်ငံတောင်ပိုင်းမှနေ၍ တိုက်ရိုက် သွားရောက်နိုင်ပြီဖြစ်သည်။

အဆိုပါ ခရီးစဉ်ကို ဂျစ်ဒါ-ဘန်ကောက်-နရာသီဝပ်-ဂျကာတာ လမ်းကြောင်း အတိုင်း ပြေးဆွဲသွားမည့်အပြင် ထိုလေကြောင်း လိုင်းမှာ တောင်ကိုရီးယားမြို့တော် ဆိုးလ်မြို့ကိုလည်း ပျံသန်းပြေးဆွဲသွားမည် ဖြစ်သည်။

“မကြာမီ သက်ရောက်မှုတွေ ရှိလာတော့မယ့် အာဆီယံ စီးပွားရေး အသိုက်ဝန်း စည်းမျဉ်းတွေနဲ့အတူ ကွာလာလမ်ပူကို တကူးတကသွားနေရတဲ့ (မလေးရှားက) ကလန်တန်းလို အိမ်နီးချင်းပြည်နယ်တွေကနေ ဂျစ်ဒါကိုသွားချင်တဲ့ မလေးရှားနိုင်ငံသားတွေကို ဆွဲဆောင်ဖို့လည်း အသေအချာ ဆောင်ရွက်သွားမှာပါ” ဟု Fatonee လေကြောင်းမှ အမှုဆောင် ပွန်ချိုင်း ပီတွန်ခမ်က ပြောကြားခဲ့သည်။

Fatonee ဟူသောအမည်မှာ ထိုင်းတောင်ပိုင်းဒေသကို ရည်ညွှန်းရာတွင် မလေးစကားပြောသူများ သုံးစွဲသည့် မလေးစကားလုံးဖြစ်သည်။ အဆိုပါ ထိုင်းတောင်ပိုင်းဒေသမှာ ၁၉၀၀ ပြည့်နှစ် အစောပိုင်းက ထိုင်းနိုင်ငံမှ သိမ်းပိုက်ခြင်းမပြုခင် ပတ္တာနီဒေသဟု သိခဲ့ကြသည်။

“Fatonee ဆိုတဲ့နာမည်ကို ရွေးချယ်ခဲ့တာက အာဆီယံမှာရှိတဲ့ အခြား မလေးစကားပြော ပြည်သူတွေ ကျွန်တော်တို့ဒေသကို ဒီနာမည်နဲ့ သိတာကြောင့်ပဲ ဖြစ်ပါတယ်။ ဒီဒေသဟာ သမိုင်းမှာ ပညာရေး အဓိက အချက်အချာကျတဲ့ နေရာအဖြစ်လည်း သူတို့ သိကြပါတယ်။ ဒါဟာ ကျွန်တော်တို့အတွက် သမိုင်းဆိုင်ရာ ကိစ္စပါ။ ဒါဟာ အရေးကြီးပါတယ်။ ဘာ့ကြောင့်လဲဆိုတော့ ဒေသအတွင်းက မလေးလူမျိုးတွေဟာ မျှော်လင့်ချက် မရှိတဲ့ အပြုအမူမျိုး ရှိနေပါတယ်။ သူတို့က ဒါဟာ မဖြစ်နိုင်ဘူးလို့ ထင်ကြတယ်။ ဒါပေမယ့် ဒီအိပ်မက်ကို အကောင်အထည်ပေါ်လာအောင် ကျွန်တော်တို့ ဆောင်ရွက်နိုင်ပါတယ်။ ဒါဟာ ကျွန်တော်တို့အတွက် အပြုသဘောဆောင်တဲ့ အလှည့်အပြောင်း ဖြစ်လာစေနိုင်ပါတယ်” ဟု အဆိုပါ လေကြောင်းလိုင်း၏ ဥက္ကဌဖြစ်သူ အစ္စမာအီက ပြောကြားခဲ့သည်။

ထိုင်းတောင်ပိုင်းလူဦးရေ၏ ၈၀ ရာခိုင်နှုန်းမှာ အစ္စလာမ်ကို သက်ဝင်ယုံကြသူများဖြစ်ပြီး ပတ္တာနီ၊ ယာလာနှင့် နရာသီဝပ်ပြည်နယ်များမှာ ထိုင်နိုင်ငံတွင် မွတ်စလင် အများစုရှိရာ ဒေသများ ဖြစ်ကြသည်။

Ref: Onislam

http://wp.me/p2QCYJ-aFN

May 18, 2015