News @ M-Media

Tag: The 88 Generation Peace and Open Society

  • ၄၃၆ ပြင်ဆင်ရေး လက်မှတ်ရေးထိုးပွဲ အတိုင်းအတာ တစ်ခုအထိ အောင်မြင်ဟု ဦးကိုကိုကြီးပြော

    ၄၃၆ ပြင်ဆင်ရေး လက်မှတ်ရေးထိုးပွဲ အတိုင်းအတာ တစ်ခုအထိ အောင်မြင်ဟု ဦးကိုကိုကြီးပြော

    သြဂုတ် ၆၊ ၂၀၁၄
    M-Media
    လမင်း
    DSC03819
    ရန်ကုန် ။      ။ ၂၀၀၈ ဖွဲ့စည်းပုံပြင်ဆင်ရေး အတွက် အခြေခံဥပဒေပုဒ်မ ၄၃၆ ပြင်ဆင်ရေး ပြည်သူလူထုဆန္ဒကောက်ယူ လက်မှတ်ရေးထိုးပွဲပြုလုပ်ခဲ့ရာ လက်မှတ်ပေါင်း ၅ သန်းနီးပါးရရှိသောကြောင့် အတိုင်းအတာတစ်ခုအထိ အောင်မြင်မှုရရှိခဲ့သည်ဟု ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်းမှ ခေါင်းဆောင်တစ်ဦးဖြစ်သူ ဦးကိုကိုကြီးက ဆိုလိုက်သည်။

    အမျိုးသားဒီမိုကရေစီအဖွဲ့ချုပ်နှင့် ၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်းတို့ပူးပေါင်းဆောင်ရွက်ခဲ့ကြသော ၄၃၆ ပြင်ဆင်ရေးလူထုဆန္ဒလက်မှတ်ရေးထိုးခြင်း လှုပ်ရှားမှုနှင့် ပတ်သက်သော သတင်းစာရှင်းလင်းပွဲတွင် ဦးကိုကိုကြီးက ယခုကဲ့သို့ပြောကြားခဲ့ခြင်းဖြစ်သည်။

    “တစ်ဖက်သတ်ရေးဆွဲထားတဲ့ ဖွဲ့စည်းပုံအကြောင်းကို ဟောပြောခဲ့ရလို့ ပြည်သူတွေနိုးကြားမှုတွေ ရရှိခဲ့ရတယ်။ ၄၃၆ ပြင်ဆင်မှုဟာ တခြားပုဒ်မတွေကိုပြင်ဆင်ရမယ့် ပထမဆုံးခြေလှမ်းပါ။ အခုပြည်သူ့ဆန္ဒတွေကို လွှတ်တော်ကိုတင်တော့မယ်ဆိုတော့ ပြည်သူ့လွှတ်တော်သာ ပြည်သူတွေကိုအလေးအနက်ထားမယ်ဆိုရင် ပြည်သူတွေရဲ့ဆန္ဒကို လိုက်လျောရပါ့မယ်” ဟု ၎င်းကသုံးသပ်ပြောကြားခဲ့သည်။

    ပြည်သူတွေကို ကိုယ်စားပြုထားတဲ့ လွှတ်တော်ကိုယ်စားတွေမှလည်း ပြည်သူများ၏ ဆန္ဒကိုအလေးအနက် စဉ်းစားပေးစေလိုကြောင်း၊ ယခုကဲ့သို့ လက်မှတ်အများကြီးရရှိတဲ့အတွက် အောင်မြင်တယ်ဟု ယူဆကြောင်း အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင် အဖွဲ့ဝင် ဦးဥာဏ်ဝင်းက ပြောဆိုခဲ့သည်။

    ပြည်သူ့ဆန္ဒကောက်ခံလတ်မှတ်ရေးထိုးပွဲကို ၂၀၁၄ မေလ ၂၇ ရက်မှ ဇူလိုင်လ ၁၉ ရက်နေ့ထိ မြန်မာနိုင်ငံအနှံ့အပြားတွင် ကျင်းပပြုလုပ်ခဲ့ရာ လတ်မှတ်ပေါင်း ၅ သန်းနီးပါးရရှိခဲ့သည်။ ထိုရရှိလာသော လတ်မှတ်များကို ပြည်ထောင်စုလွှတ်တော်သို့ တင်ပြသွားမည်ဖြစ်ကြောင်း သိရသည်။

    အမျိုးသားဒီမိုကရေစီအဖွဲ့ချုပ်နှင့် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း တို့မှပူးပေါင်းပြီး ၄၃၆ ပြင်ဆင်ရေး၊ ပြည်သူ့ဆန္ဒကောက်ယူပွဲနှင့် ၂၀၀၈ ဖွဲ့စည်းပုံပြင်ဆင်ရေး တို့ကို  မြန်မာပြည်အနှံ၌ လူထုဟောပြောပွဲများကို မေလ ၂၇ ရက်မှ ဇူလိုင်လ ၁၉ ထိ ပြုလုပ်ခဲ့ကြသည်။

  • အရေးကြီးတဲ့ အချိုးအကွေ့တိုင်းမှာ ရုန်းရင်းဆန်ခတ်မှုတွေ ခဏခဏ တိုက်ဆိုင်နေတာ မကောင်းပါဘူးဟု ဦးကိုကိုကြီးပြော

    ဇွန် ၉၊ ၂၀၁၄
    M-Media
    လမင်း
    ko-ko-gyi
    ရန်ကုန် ။ ။ မြန်မာနိုင်ငံတွင် နိုင်ငံရဲ့ အရေးကြီးသည့် အချိုးအကွေ့ အပြောင်းအလဲဖြစ်တိုင်းတွင် အထိကရုဏ်း၊ ရုန်းရင်းဆန်ခတ်မှုတွေ ဖြစ်ပေါ်လာမှုဟာ ခဏခဏတိုက်ဆိုင်နေတာ မကောင်းပါဘူးလို့ ၈၈ မျိုးဆက်ပွင့်လင်းငြိမ်းချမ်းရေးနှင့် လူ့အဖွဲ့အစည်းမှ ဦးကိုကိုကြီးက ဆိုသည်။

    ငြိမ်းချမ်းရေး လုပ်ငန်းစဉ်အတွင်း လူထုပါဝင်နိုင်မှု မီဒီယာနှင့် လူထုအဖွဲ့အစည်းများကြားဆွေးနွေးပွဲကို ရန်ကုန်ုမြို့ရှိ Park Royal ဟိုတယ်တွင် ယနေ့ ကျင်းပပြုလုပ်ရာ ဦးကိုကိုကြီးအား မီဒီယာများမှ မေးမြန်းစဉ် ၎င်းမှဖြေကြားခဲ့ခြင်းဖြစ်သည်။

    “အဲ့လိုတိုက်ဆိုင်မှုတွေဟာ ၈၈ ကတည်းက စတယ်လို့ပြောလို့ရပါတယ်။ အခုက အင်တာနက်နည်းပညာ သုံးပြီး သွေးထွက်သံယို မှု တွေဖြစ်အောင် လုပ်နေကြတာပါ။ Electronic အက်ဥပဒေ ပုဒ်မ ၃၃ ဆိုတာရှိပါတယ်။ ကျွန်တော်တို့ကို အဲ့ဒီဥပဒေနဲ့ မေးလ်တစ်စောင်ကို ၁၅ နှစ်နဲ့ ၄ စောင် နှစ် ၆၀ ကျခဲ့ရတာပါ။ အဲ့လိုဥပဒေမျိုးတွေနဲ့ ထိထိရောက်ရောက် အရေးယူဖို့လိုနေပါပြီ” ဟု သုံးသပ်ပြောကြားခဲ့သည်။

    လက်ရှိ မြန်မာနိုင်ငံတွင် ၂၀၀၈ ဖွဲ့စည်းပုံအခြေခံဥပေဒ ပုဒ်မ ၄၃၆ ပြင်ဆင်ရေး အတွက် ပြည်သူလူထု လက်မှတ်များ ကောက်ယူပွဲကို နိုင်ငံအနှံ့အပြားတွင် ကောက်ယူလျက်ရှိသည်။

    အစိုးရအနေနဲ့ ဖြစ်ပေါ်ခဲ့သော အကြမ်းဖက်မှုများတွင် နောက်ကွယ်မှကြိုးကိုင်သည်ဟု သံသယရှိနေသည်ဆိုလျှင် ထိုသံသယများကို ထိရောက်စွာ ဖော်ထုတ်ရမည်ဖြစ်ကြောင်း ပြောဆိုသည်။

    ကျောင်းသားတွေ ဆန္ဒပြလျှင် ချက်ချင်းဖမ်းဆီးနိုင်တယ်၊ ၂၀၀၇ ရွှေဝါရောင်တော်လှန်ရေးကဲ့သို့ ဧရာမ လှုပ်ရှားမှုကြီးကိုတောင် ချက်ချင်း ထိန်းသိမ်းနိုင်ပြီး လက်ပံတောင်းတောင်ကဲ့သို့ လှုပ်ရှားမှုကိုလည်း ချက်ချင်းဖြိုခွဲနိုင်တယ်။ ယခု ဖြစ်ပေါ်ခဲ့သော အကြမ်းဖက်မှုများတွင် ထိရောက်စွာ ဖြေရှင်းနိုင်မှု မရှိခြင်းဟာ တရားဥပဒေစိုးမိုးမှု အားနည်းနေသောကြောင့် ဟု ဦးကိုကိုကြီးက သုံးသပ်ပြောကြားသည်။

    လွန်ခဲ့သော ဇူလိုင်လ ၁ ရက်နေ့တွင် မန္တလေးတိုင်းဒေသကြီးတွင် အကြမ်းဖက်မှုများဖြစ်ပေါ်ခဲ့ပြီး ဇွန်လ ၃ ရက်နေ့တွင် ပုဒ်မ ၁၄၄ ထုတ်ပြန်ထားခဲ့သည်။

  • ၈၈ မျိုးဆက်ခေါင်းဆောင်များနှင့် ဆစ်ဒနီမှ မြန်မာ မိသားစုများ တွေ့ဆုံ ဆွေးနွေးမှု

    ၈၈ မျိုးဆက်ခေါင်းဆောင်များနှင့် ဆစ်ဒနီမှ မြန်မာ မိသားစုများ တွေ့ဆုံ ဆွေးနွေးမှု

    ဇွန်လ ၃၀ ရက်၊ ၂၀၁၄
    M-Media
    ပေးပို့သူ- သိန်းမိုးဝင်း (ဆစ်ဒနီ)

    ၈၈မျိုးဆက် ( ငြိမ်းချမ်းရေးနှင့် ပွင့်လင်းလူ့အဖွဲ့အစည်း ) ဖြစ်ကြသည့် ကိုမင်းကိုနိုင်၊ ကိုဂျင်မီ နှင့် စမ်းချောင်းကိုကိုကြီး တို့သည် ဇွန်လ ၂၀ ရက်တွင် သြစတြေးလျနိုင်ငံ ဆစ်ဒနီမြို့မှ မြန်မာအရေး တက်ကြွ လှုပ်ရှားသူများနှင့် တွေ့ဆုံဆွေးနွေးပွဲ တရပ် ပြုလုပ်ခဲ့ပါတယ်။

    အဆိုပါဆွေးနွေးပွဲကို သြစတြေးလျရောက် မြန်မာ မွတ်စလင်မ် အဖွဲ့မှ ခေါင်းဆောင်များ ပါဝင်ဆွေးနွေးခဲ့ကြကြောင်းသိရှိရပါတယ်။

    Burmese Muslim Association (NSW) ဥက္ကဌ ကိုအောင်ဇေယျမှ အခြေခံဥပဒေပြင်ဆင်ရေး ဖြစ်တဲ့ ပုဒ်မ ၄၃၆ ပြင်ဆင်မှု မအောင်မြင်ခဲ့ဘူးဆို နောက်တခြား ဘာနည်းလမ်းများ ဆောင်ရွက်နိုင်မလဲ ဆိုတဲ့ ဆွေးနွေးချက်ကို ကိုဂျင်မီ၊ ကိုမင်းကိုနိုင်တို့မှ ပြန်လည်ဆွေးနွေးခဲ့ပါတယ်။



    Burmese Muslim Association (NSW) EC member ကိုသိန်းမိုးဝင်းရဲ့ ၂၀၀၈ အခြေခံ ဥပဒေ ပြုပြင်ရေး ဆိုင်ရာ အကြံပြုဆွေးနွေချက်ကို ကိုမင်းကိုနိုင်နဲ့ ကိုဂျင်မီတို့မှ ပြန်လည်ဆွေးနွေး ခဲ့ကြပါတယ်။

    အလားတူ Burmese Muslim Association (NSW) ဥက္ကဌဟောင်း ဒေါ်အေးအေးမှ Sydney ရှိ် မြန်မာ မိသားစုဝင်များ ဘာသာပေါင်းစုံ ချစ်ကြည်ရေး ကြိုးပမ်းဆောင်ရွက်နေမှုများ မြန်မာပြည်တွင်း မည်သို့ထိရောက်မှု ရှိတယ်ဆိုတာ ၈၈ ခေါင်းဆောင်၏ သဘောထားနှင့် ကြိုးပမ်းမှုများရဲ့ အခြေအနေကိုရော သိလိုကြောင်းဆွေးနွေးခဲ့ရာ ကိုမင်းကိုနိုင်မှ ၈၈ ကျောင်းသားများ၏ သဘောထားမှာ အပြစ်ရှိသူနှင့် အပြစ်မဲ့သူဟူ၍သာ ခွဲခြားမြင်ပါကြောင်း၊ အပြစ်မဲ့သူသည် ဒီအသားရောင်/ ဒီဘာသာကိုးကွယ်၍ အကာအကွယ်ပေးရန်မလိုသလို အပြစ်ရှိသူသည် ဒီအသားရောင်/ ဒီဘာသာကိုးကွယ်၍ အကာအကွယ်ပေးရမည်ဟု တရားသေခံယူမှုမျိုး လူမျိူးစွဲ ဘာသာစွဲ ဘက်လိုက်ခံယူမှုမျိူး လုံးဝမရှိပါကြောင်း၊ ထိုခံယူချက် ရပ်တည်ချက်ကြောင့်လဲ တစ်ချို့ အမျိူးမျိူး ဝေဖန်ကြောင်းပြန်လည်ဖြေကြား ဆွေးနွေးခဲ့ကြောင်း သိရှိရပါတယ်။