News @ M-Media

Tag: Thuyethamain_Village

  • ဘာသာရေး အဆောက်အဦး ဖျက်ဆီးမှု အရေးယူရေး လူထုအခြေပြုအဖွဲ့တွေ တောင်းဆို

    ဘာသာရေး အဆောက်အဦး ဖျက်ဆီးမှု အရေးယူရေး လူထုအခြေပြုအဖွဲ့တွေ တောင်းဆို

    ဇူလိုင် ၆ ၊ ၂၀၁၆
    VOA (မြန်မာပိုင်း) မှ ကူးယူဖော်ပြသည်။ )

    C3DE0CFE-AF36-4ACD-8E32-5868D47ADFD6_cx0_cy8_cw0_w987_r1_s_r1
    သူရဲသမိန်ကျေးရွာက ဗလီ ဖျက်စီးခံရခဲ့စဉ် (ဇွန်လ ၂၃ ရက်)

    .
    ပြီးခဲ့တဲ့ ရက်သတင်းပတ်တွေအတွင်း ဘာသာရေးအဆောက်အအုံတွေကို လူအစုအဝေးနဲ့ ဖျက်ဆီးခဲ့တဲ့ဖြစ်ရပ်နှစ်ခုနဲ့ပတ်သက်လို့ လက်ရှိအစိုးရအနေနဲ့ ထိထိရောက်ရောက်ကိုင်တွယ်ဖြေရှင်းပေးဖို့ အရပ်ဖက်လူ့အဖွဲ့အစည်း ၁၉ ခုကျော်က တောင်းဆိုလိုက်ပါတယ်။ ဇွန်လကုန်ပိုင်းက ပဲခူးမြို့နယ် သူရဲသမိန်ရွာမှာ အစ္စလာမ်ဘာသာဝင်တို့ရဲ့ ဘာသာရေးအဆောက်အအုံတခု ဖျက်ဆီးခံရသလို၊ ဇူလှိုင် ၁ ရက်နေ့မှာလည်း ကချင်ပြည်နယ် ဖားကန့်မြို့နယ်တွင်း လုံခင်းကျေးရွာက ဗလီဝတ်ပြုကျောင်းတခု မီးရှို့ဖျက်ဆီးခံခဲ့ရတာပါ။ စုံစမ်းမေးမြန်းထားတဲ့ ဗွီအိုအေ မြန်မာပိုင်းသတင်းထောက် ကိုထက်အောင် သတင်းပေးပို့ထားပါတယ်။
    .
    ပြီးခဲ့တဲ့ ဇွန်လ ၂၃ ရက်နေ့က ပဲခူးတိုင်းဒေသကြီး သရဲသမိန်ကျေးရွာမှာ ဗလီဝတ်ပြုကျောင်းတစ်ခု ဖျက်စီးခံခဲ့ရပြီး ဒီလ ဇူလိုင်လ ၁ ရက်နေ့မှာလည်း ကချင်ပြည်နယ် ဖားကန့်မြို့နယ်တွင်းက လုံခင်းကျေးရွာမှာ ဗလီ ၀တ်ပြူကျောင်းတစ်ခု မီးရှို့ဖျက်စီးခံခဲ့ရပေမယ့်လို့ လက်ရှိအစိုးရသစ်အနေနဲ့ ထိထိရောက်ရောက် ကိုင်တွယ်နိုင်ခြင်း မရှိသေးဘူးလို့ အရပ်ဖက် လူ့အဖွဲ့အစည်းတွေ က ထောက်ပြကြပါတယ်။
    .
    ဒါကြောင့်လည်း အခုလို ဘာသာရေး အဆောက်အအုံတွေ ဖျက်စီး ခံရတာနဲ့ ပတ်သက်လို့ အစိုးရအနေနဲ ပြတ်ပြတ်သားသား ဖြေရှင်းပေးဖို့ အရပ်ဖက် လူ့အဖွဲ့အစည်း ၁၉ ခုက လက်မှတ်ထိုး တောင်းဆိုလိုက်ကြပါတယ်။ အစိုးရသစ်အနေနဲ့ ဘာသာပေါင်းစုံ တန်းတူ ညီမျှရရှိအောင် ဥပဒေ မူဘောင်အတွင်းကနေ ဆောင်ရွက်သင့်တယ်လို့ ကချင်ငြိမ်းချမ်းရေး ကွန်ရက်က မခွန်ဂျာက ပြောပါတယ်။
    .
    “ဒီလိုမျိုး ဘာသာရေးနဲ့ဆိုင်ရာမှာ ပဋိပက္ခဖြစ်ပွားတဲ့အခါမှာ အမှန်တကယ် ၀င်ရောက်ဖြေရှင်းပေးရမယ့်ဟာက အစိုးရနဲ့ သက်ဆိုင်ရာ ၀န်ကြီးဌာနဖြစ်ရ ပါမယ်ရှင့်။ အဲဒီတော့ အစိုးရလို့ပြောတဲ့အခါမှာ မူဝါဒကောင်းကောင်း ရှိရမယ်။ နောက်ပြီးအခြေခံဥပဒေကနေ စတဲ့မူတွေတိုင်းမှာ ဒီဟာမျိုးကို ဘာသာတိုင်းကို အကာအကွယ်ပေးထားဖို့လိုအပ်တယ်ရှင့်။ တရားဥပဒေနဲ့ နည်းဥပဒေတွေမှာ ထိထိရောက်ရောက် ပြဌာန်းပြီးတော့မှ အဲဒါနဲ့ ပတ်သက်ပြီး တရားဥပဒေစိုးမိုးမှုရှိအောင်လိုအပ်ပါတယ်ရှင့်။ အဲဒါမျိုး တရားဥပဒေစိုးမိုးမှု မလုပ်ထားတဲ့အခါမှာ ကျန်တဲ့သူတွေက ၀င်ပြီးတော့မှ တရားဥပဒေစိုးမိုးမှုကို အစားထိုးတဲ့အခါ ပြဿနာဖြစ်လာပါတယ်ရှင့်။ အဲဒါကြောင့်ဒီလိုမျိုးကိစ္စမဖြစ်အောင် ကျမတို့ ဒီနိုင်ငံတော်အစိုးရက ထိထိရောက်ရောက်တာဝန်ယူပေးဖို့ လိုအပ်ပါတယ်ရှင့်။ တည်ရှိစဲ ဥပဒေမူဘောင်ထဲမှာ အားလုံးကို တန်းတူညီမျှ စီရင်ရမှာပါရှင့်။”
    .
    ပဲခူးတိုင်းဒေသတွင်းက သူရဲသမိန်ကျေးရွာနဲ့ ကချင်ပြည်နယ် လုံခင်းကျေးရွာတွင်းက ဖြစ်ရပ် နှစ်ခုကိုကြည့်မယ်ဆိုရင် မြန်မာနိုင်ငံတွင်း ဘာသာရေးတင်းမာမှုတွေရှိနေတယ်ဆိုတာကို ထင်ဟပ်ပေါ်လွင်စေတယ်လို့ အရပ်ဖက်လူအဖွဲ့အစည်းတွေက ရှု့မြင်ပါတယ်။
    .
    အစိုးရသစ်အနေနနဲ့ လက်ရှိအချိန်ထိ ဒီဖြစ်စဉ်တွေမှာ ကျုးလွန်သူတွေကို ထိရောက်စွာ စုံစမ်းစစ်ဆေးခြင်း ဒါမှမဟုတ် တရားစွဲဆိုခြင်းမပြုသေးပါဘူး။ ပဲခူးတိုင်း ၀န်ကြီးချုပ် ဦးဝင်းသိန်းကတော့ ကျူးလွန်သူတွေကို အရေးယူဆောင်ရွက်မယ်ဆိုရင် အခြေအနေတွေဟာ ပိုဆိုးဝါးလာနိုင်တယ်လို့ မြန်မာတိုင်စ်း သတင်းဂျာနယ်ကို ပြောဆိုထားပါတယ်။ ဘာသာရေးနဲ့ ပတ်သတ်တဲ့ အခုလို ကိစ္စရပ်တွေကို မှန်ကန်စွာ ဖြေရှင်းပေးနိုင်ခြင်း မရှိဘူးဆိုရင်တော့ အလားတူ ပြဿနာတွေ ဆက်တိုက် ဆိုသလို ဖြစ်ပွား လာနိုင်ကြောင်း မခွန်ဂျာက ဆိုပါတယ်။
    .
    “ဒါ ကချင်ပြည်နယ်မှာဖြစ်တဲ့ကိစ္စဆိုရင် ကျမတို့အားလုံး ကချင်ပြည်နယ်က လူအားလုံးအတွက် အင်မတန်မှ စိုးရိမ်ပါတယ်။ ဘာကြောင့်လဲဆိုတော့ တိုက်ပွဲကြောင့်မို့လို့ ခြေကုန်လက်ပန်းကျနေတဲ့နေရာမှာ ဒါဟာ ဘာသာရေး ပဋိပက္ခ အနေနဲ့ ပထမဆုံး ၀င်လာတာဖြစ်တယ်ရှင့်။ တနေရာမှာ ဒီလိုပဲဖြေရှင်းမှုမရှိဘူး ဆိုရင် နောက်နေရာမှာလည်း အလားတူ ပုံစံမျိုးပြီးလို့ရှိရင် ဆင်တူရိုးမှားပုံစံမျိုး များစွာဖြစ်နိုင်ပါသေးတယ်။ ပြီးရင် အခေါက်တိုင်းအခေါက်တိုင်းမှာ အင်အားကြီးတဲ့အဖွဲ့ကို အင်အားငယ်တဲ့အဖွဲ့ အလျှော့ပေးရတဲ့အခါမှာ မလိုလားအပ်သော အခြားသောအကြမ်းဖက်မှုတွေပေါ်ပေါက်လာမှာကို စိုးရိမ်ပါတယ်ရှင့်။”
    .
    အွန်လိုင်း စာမျက်နှာတွေပေါ်မှာ ဘာသာရေး အစွန်းရောက်သူ တစ်ချို့ရဲ့ ပြောဆိုရေးသားချက်တွေကြောင့် သူရဲသမိန်ကျေးရွာတွင်းက ဗလီအဆောက်အအုံကို ဖျက်စီးခံခဲ့ရပြီး ဘာသာရေး စာသင်ကျောင်းနဲ့ မွတ်စလင်ပိုင် အိမ်အဆောက်အအုံ တစ်လုံးတို့နဲ့ မွတ်စလင် သချိုင်းတို့ ပျက်စီးသွားခဲ့ပါတယ်။ ဒါ့အပြင် အရင် အစိုးရလက်ထက်မှာလည်း ဘာသာရေးကို အကြောင်းပြုပြီး ဗုဒ္ဓဘာသာဝင်တွေနဲ့ မူစလင် အသိုင်းအ၀ိုင်းကြား အဓိကရုဏ်းတွေ မန္တလေးမြို့နဲ့ မိတ္ထီလာမြို့တို့မှာလည်း ဖြစ်ပွားခဲ့ဖူးပါတယ်။ ဒါ့ကြောင့်လည်း Fortify Rights ၊Burma Campaign UK ၊Equality Myanmar၊ All Kachin Youth Union စတဲ့ ပြည်တွင်း ကော နိုင်ငံတကာ အရပ်ဖက် လူ့အဖွဲ့အစည်း ၁၉ ခုက ဘာသာရေး အဆောက်အအုံတွေ ဖျက်စီးတာတွေနဲ့ပတ်သက်လို့ ထိထိရောက်ရောက် ကိုင်တွယ်ဖြေရှင်းပေးဖို့ အစိုးရသစ်ကို တောင်းဆိုခဲ့ကြတာလည်း ဖြစ်ပါတယ်။

    http://burmese.voanews.com/a/religious-inter-violence-cso-/3404668.html

  • သူရဲသမိန်က ဗလီ အာဏာပိုင်တွေပြန်ဖွင့်ခွင့် မပေးသေး

    သူရဲသမိန်က ဗလီ အာဏာပိုင်တွေပြန်ဖွင့်ခွင့် မပေးသေး

    ဇူလိုင် ၄ ၊ ၂၀၁၆
    VOA မြန်မာပိုင်းမှ ကူးယူဖော်ပြပါသည်။
    .13501796_634191880062316_7317360997247516856_n
    ပဲခူးတိုင်း သူရဲသမိန်ကျေးရွာမှာ နှစ်ဖက်အသိုင်းအ၀ိုင်းကြား အကြမ်းဖက် မှုဖြစ်ခဲ့ ပြီးနောက် နေရပ်စွန့်ခွာတိမ်းရှောင်နေရ သူတွေ နေရပ်မပြန်နိုင်သေးသလို ကျန်ရစ်ခဲ့သူတွေမှာလည်း စိုးရိမ်ထိတ်လန့်မှုတွေ ရှိနေဆဲဖြစ်ကြောင်း ဒေသခံ မွတ်စလင်ခေါင်းဆောင်ကပြောပါတယ်။
    .
    ဒါအပြင် အစ္စလာမ်ဘာသာဝင်တွေအနေနဲ့ ဖျက်စီးခံရတဲ့ ဗလီကျောင်းမှာ ပြန်ပြီး ၀တ်ပြုဖို့ ဒေသခံ အာဏာပိုင်တွေက ပိတ်ပင်ထားဆဲ ဖြစ်တယ်လို့ လည်းဆိုပါတယ်။ အလားတူ သူရဲသမိန် ကျေးရွာက နောက်ဆုံးအခြေအနေကို သွားရောက်ကြည့်ရှုတဲ့ ဘာသာ ပေါင်းစုံချစ်ကြည်ရေး အဖွဲ့ကြီးကိုလည်း အာဏာပိုင်တွေက တားမြစ်ခဲ့ပါတယ်။
    .
    ဆက်သွယ်မေးမြန်းထားတဲ့ မအင်ကြင်းနိုင်က အကြောင်းစုံကိုတင်ပြမှာပါ။
    .
    ပဲခူးတိုင်းဒေသကြီး၊ ဝေါမြို့နယ်က သူရဲသမိန်ကျေးရွာမှာ ဇွန်လ (၂၃)ရက်နေ့က ဘာသာခြားဖြစ်တဲ့ ရွာသားနှစ်ဦးကနေ အပြန်အလှန်အချင်းများရာက စတင်ဖြစ်ပေါ်ခဲ့တဲ့ နှစ်ဖက်အသိုင်းအ၀ိုင်းကြား အကြမ်းဖက်တိုက်ခိုက်မှုဖြစ်ခဲ့ပြီးနောက် ဗလီကျောင်းနဲ့ ဘာသာရေးစာသင်ကျောင်းအပါအ၀င် မွတ်စလင်ပိုင် အိမ်အဆောက်အဦး တလုံး၊ မွတ်စလင်သင်္ချိုင်းတို့ ဖျက်ဆီးခံလိုက်ရပါတယ်။
    .
    နောက်ဆုံးအခြေအနေနဲ့ပတ်သက်ပြီး သူရဲသမိန်ကျေးရွာမှာရှိတဲ့ ရဲအာဏာပိုင်တွေ ကို ဗွီအိုအေက ဖုန်းဆက်မေးမြန်းရာမှာ တစုံတရာ ပြန်လည် တုန့်ပြန် ဖြေကြားခြင်း မရှိခဲ့ပါဘူး။ ဒါကြောင့် နှစ်ဖက်အသိုင်းအ၀ိုင်းကို ဦးဆောင်နေသူပေါင်း (၄၇)ဦး ပါဝင်ဖွဲ့စည်းထားတဲ့ ကျေးရွာတည်ငြိမ်မှု ထိန်းသိမ်းရေး ပူးပေါင်းအဖွဲ့ရဲ့ အဖွဲ့ဝင် ဦးဝင်းရွှေကို နောက်ဆုံးအခြေအနေနဲ့ပတ်သက်ပြီး စတင်မေးမြန်းရာမှာ သူက အခုလို ဗွီအိုအေကို ပြောပါတယ်။
    .
    “ကျနော်တို့အားလုံးကတော့ အရင်လိုပုံစံပြန်ဖြစ်နိုင်ရေး အတွက်ကြိုးစားနေကြ တာပေါ့။ အခင်းဖြစ်တဲ့အချိန်တုန်းက ထွက်ခွာသွားတဲ့လူတွေဟာ များသော အားဖြင့် ပြန်မရောက်သေး ဘူးခင်ဗျ။ ကြောက်လန့်ပြီးထွက်သွားတဲ့သူတွေခင်ဗျ။ တည်ငြိမ်မှုကတော့ ကျနော်တို့ အစ္စလာမ်ဘာသာဝင်တွေထဲမှာ မရှိသေးဘူးခင်ဗျ။”
    .
    မေး။ ။ အဲဒီမှာကျန်ခဲ့တဲ့သူတွေက သူတို့ရဲ့ ဘာသာရေး ဆိုင်ရာ လ လည်းဖြစ်နေတော့ ဗလီမှာ ၀တ်ပြုတဲ့ကိစ္စပုံမှန်ပြန်လုပ်လို့ရနေပြီလားရှင့်။
    .
    ဖြေ။ ။ “ဗလီကိစ္စဆိုတဲ့နေရာမှာ ပြီးခဲ့တဲ့ တစ်ရက်နှစ်ရက်လောက်ကနေပြီးတော့ ကျနော်တို့ကို သန့်ရှင်းရေးလုပ်ခွင့်ပေးမယ်ဆိုပြီးတော့ ပြောတော့ ကျနော်တို့က အရမ်းဝမ်းသာတယ်။ ၀မ်းသာတဲ့အပေါ်မှာ ကျနော်တို့ကအားလုံး သန့်ရှင်းရေးလုပ်ဖို့အတွက်ကို ကျနော်တို့က လူစုစည်းတယ်။ စုစည်းပြီးတော့ သန့်ရှင်းရေးလုပ်ကြတယ်။ အဲဒီလိုသန့်ရှင်းရေး လုပ်ခိုင်းပြီးတဲ့အခါမှာ ဘုရားဝတ်ပြုခွင့်ပေါ့လေ မကြာခင် တစ်ရက်နှစ်ရက် လောက်ဆိုရင်လည်း အစ်ဆိုတာလာတော့မယ်။ အဲတော့ အစ်ပွဲတော်မှာများ ကျနော်တို့ ဆင်နွှဲရမလား အခုလို ထူးမြတ်လှတဲ့အချိန်ကာလ ရာမဒမ် ဥပုသ်ကာလမှာ ကျနော်တို့ဟာ နေ့စဉ် ငါးကြိမ်ဝတ်ပြုနေကျအတိုင်း ကျနော်တို့ဗလီမှာပဲ ပြန်ပြီးဝတ်ပြုခွင့်များ ရလိုရငြား ကျနော်တို့အားကြိုးမာန်တက်နဲ့ သန့်ရှင်းရေးလုပ်ကြတယ်ခင်ဗျ။ လုပ်ပင်လုပ်ငြားသော်လည်း ပြီးသွားတာနဲ့ အရင်ကထက်ပိုပြီး တင်းကျပ်စွာနဲ့ ပိတ်ပြီး အကုန်လုံးထွက်ခိုင်းပြီးတော့ ဘယ်သူကိုမှ ပေးမ၀င်တော့ဘူးခင်ဗျ။”
    .
    မေး။ ။ အခု (၄၇)ဦး ကော်မတီဖွဲ့ထားတော့ ဦးလေးကိုယ်တိုင်လည်း အဲဒီထဲမှာပါနေတော့ အခုကော်မတီဝင်တွေအချင်းချင်းပူးပေါင်းဆောင်ရွက်မှု အနေအထား ဘယ်လိုရှိပါလဲရှင့်။
    .
    ဖြေ။ ။ “သူတို့က ဘာအလုပ်ပဲလုပ်လုပ် ဒီ (၄၇)ဦးသိရမယ်၊ သူတို့သဘောတူမှ ခွင့်ပြုမယ်ဆိုပြီး သူတို့က အဲဒီလိုအစီရင်ခံထားတဲ့ခင်ဗျ။ ဒါပေမဲ့ (၄၇)ဦး အထဲထဲမှာ (၁၀)ဦးကျော်ကျော်လောက်က အဲဒီအကြမ်းဖက်မှုထဲမှာ ပါဝင်နေကြတဲ့သူတွေဖြစ်ကြတော့ ဘယ်လိုလုပ်ပြီး ကျနော်တို့ သူတို့နဲ့လက်တွဲဖို့ ရေတိုမှာ ဖြစ်နိုင်မလဲခင်ဗျ။”
    .
    ဒီအတောအတွင်း သူရဲသမိန်မှာဖြစ်ခဲ့တဲ့ အခြေအနေတွေကို သောကြာနေ့က သွားရောက်ကြည့်ရှုတဲ့ မေတ္တာစက်ဝိုင်းလို့ခေါ်တဲ့ ဘာသာပေါင်းစုံငြိမ်းချမ်းရေးအဖွဲ့ကြီးရဲ့ကိုယ်စားလှယ်တွေကို မြို့နယ်နဲ့ ကျေးရွာအာဏာပိုင်တွေက တားမြစ်ခဲ့ကြောင်း အဖွဲ့ရဲ့ဗဟိုအလုပ် အမှုဆောင်တဦးဖြစ်သူ ကိုရှိုင်းက ဗွီအိုအေကိုအခုလိုပြောပါတယ်။
    .
    “တကယ်တကယ်ဆိုရင် အာဏာပိုင်တွေကိုယ်တိုင်က ဒါကို ပွင့်လင်းမြင်သာမှုဆိုတဲ့အရာကို ပြဖို့ အရမ်းအရေးကြီးတယ်။ တဖက်ကနေပြီး အထက်က အမိန့်ကတမျိုး အောက်မှာဖြစ်နေတာတမျိုး၊ ဒါကလုံးဝမဖြစ်သင့်ဘူး။ နောက်ပြီးတော့ တာဝန်ခံမှု၊ တာဝန်ယူမှုလုံးဝမရှိဘူး။ ကျနော်တို့ ပြန်လှည့်လာတဲ့အခါမှာလည်း ပတ်ပတ်လည်ကို လူ (၁၀)ယောက်ကျော်က တောက်လျောက်ကျနော်တို့ကို ဓါတ်ပုံတွေရိုက်တယ်၊ ဗွီဒီယိုတွေရိုက်တယ်။ ကျနော်တို့ကို စူးစူးဝါးဝါးနဲ့ အခုပဲ ကိုက်ဖြတ်တော့မယ့် ပုံစံမျိုးနဲ့ကြည့်တာကိုလည်း ခံခဲ့ရတယ်။”
    .
    သူရဲသမိန်ကျေးရွာက အကြမ်းဖက်မှုဖြစ်ခဲ့တဲ့အခြေအနေနဲ့ပတ်သက်လို့ ဇွန်လ (၂၉)ရက်နေ့က အမျိုးသားလူ့အခွင့်အရေးကော်မရှင်က သွားရောက် စုံးစမ်းစစ်ဆေးခဲ့ပါတယ်။ အလားတူ မြန်မာနိုင်ငံဆိုင်ရာကုလသမဂ္ဂလူ့အခွင့်အရေးအထူးကိုယ်စားလှယ် ယန်ဟီလီကလည်း သူရဲ့ မြန်မာနိုင်ငံခရီးစဉ်အတွင်း အဲဒီကျေးရွာကို ကိုယ်တိုင်သွားကြည့်ခဲ့သလို အကြမ်းဖက်ကျူးလွန်သူတွေကို ဥပဒေနဲ့အညီ အရေးယူဖို့ မြန်မာအစိုးရကို တိုက်တွန်းထားပါတယ်။ လက်ရှိအခြေအနေမှာတော့ ရဲအာဏာပိုင်တွေဘက်က ကျေးရွာလုံခြုံရေးကို တင်းတင်းကျပ်ကျပ်စောင့်ကြည့်နေတယ်လို့ ဒေသခံတွေက ပြောပါတယ်။

    ပုံအညွှန်း- ဇွန်လ ၃၀ ရက်နေ့က သူရဲသမိန်ကျေးရွာ မှ ပျက်ဆီးသွားသော ဗလီ သန့်ရှင်းရေးပြုနေပုံ

    http://burmese.voanews.com/a/religious-tension-in-thayethamin-updated/3402932.html

  • သူရဲသူမိန်ကျေးရွာတွင် ဖြစ်ပွားခဲ့သော ဆူပူအုံကြွမှု အတွက် တရားဥပဒေအရ အရေးယူမှုများ ပြုလုပ်သွား မည်မဟုတ်ကြောင်း ပဲခူးတိုင်းဒေသကြီးဝန်ကြီးချုပ်ပြောကြား

    သူရဲသူမိန်ကျေးရွာတွင် ဖြစ်ပွားခဲ့သော ဆူပူအုံကြွမှု အတွက် တရားဥပဒေအရ အရေးယူမှုများ ပြုလုပ်သွား မည်မဟုတ်ကြောင်း ပဲခူးတိုင်းဒေသကြီးဝန်ကြီးချုပ်ပြောကြား

    ရဲမွန်
    မြန်မာတိုင်းမ် မှ ကူးယူဖော်ပြသည်။
    .13466505_142406092847263_6950427348301964399_n
    ပဲခူးတိုင်းဒေသကြီး၊ သူရဲသမိန်ကျေးရွာတွင် ဖြစ်ပွားခဲ့သည့် ဗလီအဆောက်အအုံအား လူစုလူဝေးဖြင့် ဖျက်ဆီးမှုအား အစိုးရက အရေးယူဆောင်ရွက်ရန် တောင်းဆိုနေကြသော်လည်း တရားဥပဒေအရ တစ်စုံတစ်ရာအရေးယူသွားမည် မဟုတ်ကြောင်း တာဝန်ရှိသူများက ဇွန်လ ၂၉ ရက်နေ့တွင် ပြောကြားခဲ့ကြောင်း သိရှိရသည်။
    .
    ပဲခူးတိုင်းဒေသကြီးဒေသကြီး၊ ဝေါမြို့နယ်၊ သူရဲသူမိန် ကျေးရွာတွင် ဗလီအဆောက်အအုံအား လူပေါင်း နှစ်ရာခန့်က လူစုလူဝေးဖြင့် ဖျက်ဆီးခဲ့ပြီး မွတ်ဆလင် ဘာသာဝင်အမျိုးသားတစ်ဦးကိုလည်း ကိုယ်ထိလက်ရောက်ကျူးလွန်ခြင်း၊ ၄င်းအမျိုးသား၏ နေအိမ်ကိုမွှေနှောက်ရှာဖွေခဲ့ပြီး မွတ်ဆလင်သချိုင်းနှင့် ဆောက်လုပ်ဆဲ အဆောက်အအုံတစ်ခုကိုလည်း ဖျက်ဆီးခြင်းတို့ကို ပြုလုပ်ခဲ့ကြောင်း သိရသည်။ သူရဲသမိန်ကျေးရွာရှိ မွတ်ဆလင်ဘာသာဝင် ၂၆၈ ဦးအနက် ၂၀၀ ကျော်မှာ နောက်ထပ် တိုက်ခိုက်ခံရမည်ကို စိုးရိမ်သောကြောင့် နေအိမ်များကို စွန့်ခွာထွက်ပြေးခဲ့ကြပြီး တိုက်ခိုက်ခံခဲ့ ရသော အဗ္ဗဒူလ်ရာရှစ်အား နယ်မြေရဲစခန်းက ဇွန်လ ၂၈ ရက်နေ့ ညနေအထိ ထိန်းသိမ်းစောင့်ရှောက်ထား ခဲ့သည်ဟု သိရသည်။
    .
    သူရဲသမိန်ကျေးရွာတွင် ဖြစ်ပွားခဲ့သော ဆူပူသောင်းကျန်းမှု တွင် ပါဝင်ခဲ့သူများကို ဖမ်းဆီး ထိန်းသိမ်းပါက ထိုသို့သော ဖြစ်ရပ်များ ပိုမိုဖြစ်ပွားကာ အခြေအနေပိုမိုဆိုးရွားလာနိုင် ကြောင်း၊ သူရဲသမိန် ကျေးရွာနေ ဗုဒ္ဓဘာသာနှင့် မွတ်ဆလင် သာသာဝင်များအကြား ဆက်ဆံရေးကို တည်ငြိမ်စေရန် အတွက်  ပြေလည်အောင် စေ့စပ်ပေးခြင်းသည်သာ အကောင်းဆုံးနည်းလမ်းဖြစ်ကြောင်း၊ အဆိုပါ ခိုက်ရန်ဖြစ်ပွားမှုတွင် ထိခိုက်နစ်နာခဲ့သော မွတ်ဆလင်ဘာသာဝင်များကို ထောက်ပံ့ရေးပစ္စည်းများ ပေးအပ်သွားမည်ဖြစ်ကြောင်း
    ပဲခူးတိုင်းဒေသကြီး ၀န်ကြီးချုပ်ဦးဝင်းသိန်းက မြန်မာတိုင်းမ်သို့ ပြောကြားခဲ့သည်။
    .
    လက်ရှိအချိန်တွင် ကျေးရွာပတ်ဝန်းကျင်ရှိ လုံခြုံရေးအင်အားကို တိုင်းဒေသကြီး ၀န်ကြီးချုပ်က တိုးမြှင့်ထားကြောင်းနှင့် နောက်ထပ် ပဋိပက္ခများ ထပ်မံမဖြစ်ပွားစေရေးအတွက် ရဲတပ်ဖွဲ့ဝင် ၁၀၀ ကို ထပ်မံတာဝန်ပေးထားကြောင်း ဝေါမြို့နယ်ရဲတပ်ဖွဲ့မှ ရဲမှူးအုန်းလွင်က ပြောကြားခဲ့သည်။

    https://www.facebook.com/themyanmartimes/posts/10153620154665976

  • သူရဲသမိန်ကျေးရွာ မှ ပျက်ဆီးသွားသော ဗလီ သန့်ရှင်းရေးလုပ်ခွင့်ရ၊ ဝေါမြို့ရောက် မွတ်စလင်မ် ကျောင်းသား/ကျောင်းသူ တချို့ ပြန်လာမည်။

    သူရဲသမိန်ကျေးရွာ မှ ပျက်ဆီးသွားသော ဗလီ သန့်ရှင်းရေးလုပ်ခွင့်ရ၊ ဝေါမြို့ရောက် မွတ်စလင်မ် ကျောင်းသား/ကျောင်းသူ တချို့ ပြန်လာမည်။

    ဇွန် ၃၀ ၊ ၂၀၁၆
    M-Media
    သီဟ
    .13501796_634191880062316_7317360997247516856_n
    (၂၉-၆-၂၀၁၆)ရက်နေ့တွင် ဝေါမြို့နယ်အထွေထွေအုပ်ချုပ်ရေးဦးစီးဌာနမှ ဝေါမြို့နယ်၊ သူရဲသမိန်ကျေးရွာ ကျေးရွာ တည်ငြိမ်မှု ထိန်းသိမ်းရေးပူးပေါင်းအဖွဲ့အား အလွှာပေါင်းစုံမှ ရွာသူရွာသားများ၊ လွှတ်တော် ကိုယ်စားလှယ်များ၊ နိုင်ငံရေး ပါတီများ ပါဝင်သော (၄၇)ဦးဖြင့် ဖွဲ့စည်းခဲ့ပါတယ်။  အဆိုပါအဖွဲ့တွင် ဒေသခံ အစ္စလာမ်ဘာသာဝင်များ နှင့် ဗုဒ္ဓဘာသာဝင်  များပါဝင်ဖွဲ့စည်းခဲ့ခြင်းကြောင်းသိရပါတယ်။
    .
    ယနေ့ ၃၀-၆-၂၀၁၆ ခုနှစ် မနက် ၁၀ နာရီခွဲတွင် အဆိုပါ ကျေးရွာတည်ငြိမ်မှုထိန်းသိမ်းရေးပူးပေါင်းအဖွဲ့မှ  သူရဲသမိန်ကျေးရွာ အုပ်ချုပ်ရေးမှူးရုံးတွင်  အစည်းအဝေးပြုလုပ်ကာ ဝေါမြို့မှာ ပြန်လာမည့် အစ္စလာမ်ဘာသာဝင် ကျောင်းသား/သူ များအား သွားရောက် ကြိုဆိုခေါ်ဆောင်လာရန်နှင့် ပျက်စီးသွားခဲ့သော အစ္စလာမ်ဘာသာရေးအဆောက်အဦအား သန့်ရှင်းပြုလုပ်ဆောင်ရွက်ရန် သဘောတူညီခဲ့ကြကြောင်း ပဲခူးတိုင်းရဲတပ်ဖွဲ့၏ FB စာမျက်နှာမှ သတင်းထုတ်ပြန်ထားပါတယ်။
    .
    Info and Photo-Bago Regional Police Force

    13267825_634191886728982_8834871207767475334_n 13438825_634192236728947_2365846336280212444_n 13438888_634192193395618_949331169430499375_n 13501627_634191916728979_8418274843203923397_n 13511035_634192210062283_670848533893368124_n 13524489_634192213395616_8433781704823565346_n 13532879_634191900062314_5594421402376463265_n 13557937_634192160062288_1539939327345232138_n 13567095_634192170062287_1892852492007045179_n 13567250_634191936728977_1140706869794771883_n

  • တရားဥပဒေဟာ လူမျိုး ဘာသာ ခွဲသလား

    တရားဥပဒေဟာ လူမျိုး ဘာသာ ခွဲသလား

    irrawaddy.2
    ပဲခူးတုိုင်း၊ ဝေါမြို့နယ်၊ သူရဲသူမိန်ကျေးရွာ ရဲစခန်းအတွင်းသုို့ တိမ်းရှောင်လာသော မွတ်စလင်ဒေသခံ တချို့ကို ဇွန်လ ၂၄ ရက်နေ့က တွေ့ရစဉ် (ဓာတ်ပုံ-သော်ဟိန်းထက်/ဧရာဝတီ)

    ဧရာဝတီ မှ ကူးယူဖော်ပြသည်။
    .
    ကျနော်တို့နိုင်ငံမှာ နိုင်ငံရေးပြုပြင်ပြောင်းလဲမူတွေ ရှိနေပါပြီ။ ဒါပေမယ့် တရားဥပဒေစိုးမိုးမှုကတော့ ယနေ့အထိ ထိထိရောက်ရောက် အရေးယူပေးနိုင်တာ မတွေ့ရသေးပါဘူး။ ဘယ်သူမှ ဥပဒေအထက်မှာ မရှိစေရဆိုတဲ့ မူဝါဒကို ကျနော်တို့ ကျင့်သုံးနိုင်အောင် ကြိုးစားရပါဦးမယ်။
    .
    ဒီမိုကရေစီစနစ်လို့ပြောရင် မည်သူမဆို ပြစ်မှုတစုံတရာကျူးလွန်ရင်၊ လူ့အခွင့်အရေးချိုးဖောက်ရင် အပြစ်ပေးအရေးယူရ မယ်။ မည်သူမဆို တန်းတူညီမှု အခွင့်အရေးရဖို့လည်း လိုပါတယ်။ ဒါမှဟုတ်ရင်တော့ ဥပဒေက စာရွက်ပေါ်မှာပဲ ရှိနေပါ လိမ့်မယ်။ ပဲခူးတိုင်းဒေသကြီး၊ ဝေါမြို့နယ်၊ သူရဲသမိန်ကျေးရွာမှာ ဖြစ်ပွားခဲ့တဲ့ ပဋိပက္ခကိုပဲကြည့်ပါ။
    .
    မြန်မာ့လူ့အခွင့်အရေးကော်မရှင်ကတော့ အခင်းဖြစ်ပွားရာ သူရဲသမိန်ရွာကို ဇွန်လ ၂၈ ရက်က သွားရောက်လေ့လာတာ တွေတော့ တွေ့ရပါတယ်။ အခင်းဖြစ်ပွားပြီး ၆ ရက်မြောက်နေ့မှ သွားရောက်လေ့လာခြင်း ဖြစ်ပါတယ်။ ဒီမတုိုင်ခင်ကတော့ မွတ်ဆလင်ရွာသားတွေဘက်က ရွာသား ၂၀၀ လောက် လုံခြုံမူမရှိလို့ ဆိုပြီး ရွာကနေ ထွက်သွားပါတယ်။
    .
    လုံခြုံမူမရှိတဲ့ အကြောင်းရင်းကတော့ ရှင်းပါတယ်။ ရဲက မွတ်ဆလင်တွေရဲ့ ပိုင်ဆိုင်မှုနဲ့ အသက်အိုးအိမ်တွေကို အကာအကွယ် မပေးနိုင်ခဲ့လို့ပါ။ အမူထဲမှာ ပါဝင်နေတဲ့သူတွေ ယနေ့အထိ ဘာမှ အရေးယူ ပေးတာမရှိဘူး။ ကျနော်တို့ ဧရာဝတီသတင်းအဖွဲ့က အခင်းဖြစ်ပွားပြီး တနေ့မှာပဲ အဲဒီရွာကို ရောက်သွားတယ်။
    .
    အဲဒီလူတွေ မနက်ကပဲ နေအိမ်ကို ပြန်သွားတယ်။ အခြေအနေက တည်ငြိမ်နေပြီလို့ ရဲက ပြောတဲ့ အတွက်ကြောင့်လို့ သိရပါတယ်။
    .
    ကျနော်တို့ ရောက်နေတုန်းမှာ အခြေအနေက အထိတ်တလန့်နဲ့ ရှိနေတုန်းပါ။ လူအုပ်စုတစုက ရဲစခန်းရဲ့မျက်နာချင်းဆိုင် စစ်တောင်းမြစ်ရဲ့အခြားတဖက်ကမ်းမှာ တုတ်ချောင်းတွေနဲ့ ကျနော်တို့ရှိရာဘက်လာပြီး အကြမ်းဖက်ဖုို့ ခြိမ်ခြောက်နေသေးတယ်။ စက်လှေ ၂ စီးနဲ့ မောင်းလာပါတယ်။ ဒါပေမယ့် မြစ်ရဲ့အလယ်တဝက်ရောက်တော့ ရဲစခန်းဘက်ကို မလာဘဲနဲ့ အခြားအရပ်မျက်နာ တဖက်ကမ်းကို မောင်းထွက်သွားတယ်။
    .
    အဲဒီလူအုပ်စု အော်ဟစ်မှုကြောင့် ကျနော်တို့ရှေ့မှာ မွတ်ဆလင်မိသားစု အယောက် ၂၀ ကျော် သူတို့အိမ်ကနေ အဝတ်ထုတ်တွေနဲ့ ရဲစခန်းထဲ ပြေးဝင်သွားတယ်။ ပြေးလာတဲ့သူတွေအထဲမှာ ကလေးငယ်တွေလည်းပါတယ်။ ပြီးတော့ အမျိုးသမီးလူကြီးပိုင်းတွေလည်း ပါတယ်။ တချို့က ကြောက်လန့်လို့ ငိုနေတာလည်း ရှိပါတယ်။
    .
    ဒါကို ကျနော်တို့နဲ့အတူ ထိုင်နေတဲ့ ရဲတွေအားလုံးလည်း မြင်နေကြပါတယ်။ ပြီးတော့ အဲဒီ အော်ဟစ်သွားတဲ့လူတွေ ဘယ်သူ ဘယ်ကလဲ ဆိုတာ ရဲက သိပါတယ်။ ဒါပေမယ့် ဖမ်းဆီး အရေးယူခြင်း မရှိပါဘူး။ အဲဒီလို ခဏခဏ ခြိမ်း ခြောက်ခံနေရတော့ ထွက်ပြေးကြတော့တာပါပဲ။
    .
    ဘာကြောင့် ဘယ်သူတဦးတယောက်ကို အရေးမယူရတာလဲလို့ တာဝန်ခံတယောက်ဖြစ်တဲ့ ရဲမှူးအုန်းလွင်ကို ဧရာဝတီက မေးခဲ့ပါတယ်။
    .
    သူပြောပြတာက နှစ်ဦးနှစ်ဖက်ကို ကျေအေးလိုက်တာပဲ ကောင်းတယ်။ အဲဒီအတွက် ဖမ်းဆီးအရေးယူတာတော့ ရဲက မလုပ်ဘူး။ ကျေအေးတဲ့ကိစ္စပဲ ရဲက လုပ်ပေးလိုက်ကြောင်း ပြောပြတယ်။ သူထပ်ပြီး ပြောသွားတာက အမူခင်းထဲမှာ ပါဝင်တဲ့ရွာသားတွေကို ဖမ်းဆီးအရေးယူရင် ပြဿနာ ဒီထက်ပိုကြီးသွားနိုင်တယ်လို့ သူက ဆက်ပြီး ပြောပြပါတယ်။ ဘာ ဖြစ်လို့လည်းဆိုတော့ မွတ်ဆလင်တွေက လူနည်းစုဖြစ်တော့ အခြေအနေတည်ငြိမ်မှုကို ဦးစားပေးကြောင်း ရဲမှူးက ပြောပြ တယ်။
    .
    ကျနော်တို့သတင်းအဖွဲ့က ဖျက်ဆီးထားခံရတဲ့ ဗလီဘုရားကျောင်းဆီကို သွားတယ်။ ပြီးတော့ ဖျက်ဆီးခံထားရတဲ့ အိမ်နဲ့ ပစ္စည်းစုဆောင်းဖို့ ဆောက်လက်စရှိတဲ့ ဂိုထောင် အဆောက်အအုံတခုဆီကို သွားကြည့်ပါတယ်။
    .
    ကျနော်တို့လျှောက်လာတဲ့လမ်းမှာ ဆိုင်ကယ်မောင်းနေတဲ့ ပုဂ္ဂိုလ်တချို့ကိုတွေ့ရပါတယ်။ ၎င်းတို့ဟာ အကြမ်းဖက်မှုထဲမှာ ပါဝင်နေသူတွေ ဖြစ်ကြောင်း ဟာဂျီဗလီဆရာ ဦးဝင်းရွှေက ကျနော့်ကို လက်ညှိုးနဲ့ ထိုးပြပါတယ်။ အခုဖျက်သွားသူတွေက အဲဒီက ရွာသားတွေဖြစ်ပြီး သူသိတဲ့လူတွေပဲ ဖြစ်တယ်။ တိုင်းဒေသကြီးအစိုးရကလူတွေ လာတုန်းကလည်း အဲဒီလူရဲ့ နာ မည်တွေ ပေးထားတယ်။ ဒါပေမယ့် အရေးယူဆောင်ရွက်ပေးတာ မရှိပါဘူးတဲ့။ လမ်းပေါ်မှာပဲ အခုထိ အဲဒီလူတွေ ဆိုင်ကယ်မောင်းနေသေးကြောင်း ဦးဝင်းရွှေက ဆက်ပြောပါတယ်။
    .
    သူရဲသမိန်ရွာမှာ မွတ်ဆလင် အိမ်ခြေ ၃၇ အိမ်ပဲ ရှိတယ်။ ဗုဒ္ဓဘာသာအိမ်ခြေကျတော့ ၁၅၀၀ လောက်ရှိတယ်။
    .
    မြန်မာနိုင်ငံရဲ့ တရားဥပဒေဟာ လူများစုဖြစ်လို့ လူနည်းစုကို အနိုင်ကျင့်ခွင့် ပေးထားပါသလား။ ရပ်ရွာတည်ငြိမ် အေးချမ်းရေးနဲ့ ဘာသာရေး လူမှုရေး သဟဇာတဖြစ်မှုကို ပျက်ပြားအောင် ပြုလုပ်သူ အပြစ်ကျူးလွန်သူတွေဟာ ကိုယ့်ဆွေမျိုး ကိုယ့်ဘာသာဝင် ဖြစ်တာကြောင့် ရပ်ကြည့်နေရုံပဲဆိုရင် ဒါကို တရားဥပဒေလို့ခေါ်နိုင်မလားဆိုတာ မေးခွန်ထုတ်စရာ ဖြစ်လာနေပါတယ်။
    .
    (လဝီဝမ်သည် ဧရာဝတီ အင်္ဂလိပ်ပိုင်းမှ အကြီးတန်းသတင်းထောက်ဖြစ်ပြီး မွန်တိုင်းရင်းသားတဦးလည်း ဖြစ်သည်)

    http://mobile.irrawaddy.com/opinion/viewpoint/2016/06/30/117414.html