News @ M-Media

Tag: U Ko Ni

  • ဦးကိုနီ (သို့မဟုတ်) ပြည်သူ့လက်ထဲ တိုင်းပြည်အာဏာပြန်ရောက်ရေး ကြိုးပမ်းမှုကြောင့် အသက်ပေးရသူ

    ဦးကိုနီ (သို့မဟုတ်) ပြည်သူ့လက်ထဲ တိုင်းပြည်အာဏာပြန်ရောက်ရေး ကြိုးပမ်းမှုကြောင့် အသက်ပေးရသူ

    ဇွန် ၁၈၊ ၂၀၁၇
    M-Media

    – မြန်မာနိုင်ငံရဲ့ အကျော်ကြားဆုံးနဲ့ ပါရမီအရှိဆုံး ရှေ့နေတွေထဲက တစ်ဦးဖြစ်တဲ့ ဦးကိုနီတစ်ယောက် ရန်ကုန်မြို့ လေဆိပ်အပြင်ဘက်မှာ နေ့ခင်းကြောင်တောင် လုပ်ကြံခံရမှုဟာ ၄ လတာ ကြာမြင့်သွားပေမယ့် အာဏာပိုင်တွေကတော့ ဒီပြဿနာကို ဖြေရှင်းနိုင်ရေး နီးစပ်မှု မရှိသေးပါဘူး။ သေနတ်သမားကြည်လင်းဟာ လေဆိပ်အပြင်ဘက်က တက္ကဆီယာဉ်မောင်းတွေ စိတ်ပေါက်ပေါက်နဲ့ လိုက်ဖမ်းပြီး၊ ရဲလပ်အပ်လိုက်လို့သာ ဖမ်းမိခဲ့တာဖြစ်ပါတယ်။

    မန္တလေးက ရှေးဟောင်းပစ္စည်းမှောင်ခိုသမား ကြည်လင်းဟာ ဇန်န၀ါရီ ၂၉ ရက်နေ့မှာ လုပ်ကြံသတ်ဖြတ်ဖို့အတွက် ငှားရမ်း တာဝန်ပေးခံရတယ်ဆိုတာ ထင်ရှားပါတယ်။ ဒါပေမယ့် လုပ်ကြံမှုကို စီစဉ်တယ်လို့ သတ်မှတ်ခြင်းခံရတဲ့ စစ်တပ်အရာရှိဟောင်း အောင်ဝင်းခိုင်ကတော့ သတ်ဖြတ်မှုအပြီး ခြောက်ကပ်ကပ်လမ်းတွေ၊ အဆောက်အဦးကြဲကြဲတွေနဲ့ စစ်တပ်က တည်ထားတဲ့ နေပြည်တော်မှာ အစအနရှာလို့မရအောင် ပျောက်ခြင်းမလှ ပျောက်သွားတာက ထူးဆန်းဖွယ်ရာပါပဲ။

    စုံစမ်းစစ်ဆေးမှုမှာ လစ်ဟာမှုတွေ့ရှိသလို အနောက်တိုင်းမီဒီယာတွေကလည်း လမ်းကြောင်းလွဲတဲ့ဖော်ပြချက်တွေ ရှိနေပါတယ်။ Economist၊ the Financial Times၊ the New York Times နဲ့ Washington Post အပါအ၀င် အနောက်ကမ္ဘာက သတင်းဌာနအားလုံးနီးပါးက အစ္စလာမ်ဘာသာဝင်တစ်ယောက်ဖြစ်ခြင်းဟာ ဦးကိုနီ သတ်ဖြတ်ခံမှုနောက်ကွယ်က လှုံ့ဆော်မှု ဖြစ်နိုင်တယ်ဆိုပြီး ပုံဖော်ကြပါတယ်။

    Economist ကဆိုရင် ဦးကိုနီကို “ဘာသာရေးလူနည်းစုတွေကို ကာကွယ်ပေးရာမှာ ထင်ရှားသူ” လို့ ဖော်ပြပြီး Financial Times က “မြန်မာနိုင်ငံရဲ့ အထင်ရှားဆုံး မွတ်စလင်အသံတွေထဲက တစ်ခု” ဆိုပြီး ရေးသားကြပါတယ်။ BBC ကလည်း သတ်ဖြတ်မှုအကြောင်းအရင်းကို နိုင်ငံအနောက်ပိုင်း ရခိုင်ပြည်နယ်က ရိုဟင်ဂျာမွတ်စလင်လူနည်းစုတွေ ညှင်းပမ်းနှိပ်စက်ခံရမှုအကြောင်း သူတို့ရဲ့ အရင် သတင်းတင်ပြချက်တွေနဲ့ ချိတ်ဆက်ဖော်ပြပါတယ်။

    ဦးကိုနီရဲ့ မိတ်ဟောင်းဆွေဟောင်းနဲ့ လုပ်ဖော်ကိုင်ဖက်တစ်ယောက်ဖြစ်တဲ့ ကျွန်တော့်အနေနဲ့ ဒီလိုသတင်းတွေကို ဖတ်ရတာ စိတ်မသက်မသာ ဖြစ်ရပါတယ်။ အမေရိကန်သမ္မတဟောင်း အိုင်းရစ်ရ်ှလူမျိုး ကက်သလစ်ဘာသာဝင် ဂျွန် အက်ဖ်ကနေဒီဟာ ၁၉၆၀ ရွေးကောက်ပွဲမှာ သမ္မတအဖြစ် မရွေးချယ်ခံရခင် ပြောကြားခဲ့တဲ့”ကျွန်တော်ဟာ ကက်သလစ်သမ္မတလောင်းမဟုတ်ပါဘူး။ ကက်သလစ်ဘာသာဝင်ဖြစ်နေတဲ့ ဒီမိုကရက်တစ်ပါတီ သမ္မတလောင်းပါ” နာမည်ကျော်စကားကို ကျွန်တော် သွားသတိရပါတယ်။

    ဦးကိုနီကလည်း ဖွဲ့စည်းပုံနဲ့ လူ့အခွင့်အရေးဆိုင်ရာကို ပထမဆုံး ဆောင်ရွက်တဲ့ ရှေ့နေတစ်ယောက်ဖြစ်ပြီး၊ အစ္စလာမ်ဘာသာဝင်တစ်ယောက်ပါ။ ကျွန်တော်တို့နှစ်ဦးဟာ ဆွေးနွေးမှုတော်တော်များများ လုပ်ခဲ့ဖူးပြီး ဦးကိုနီဟာ မြန်မာနိုင်ငံသားအားလုံးရဲ့ လူ့အခွင့်အရေးကို ကာကွယ်စောင့်ရှောက်သူ ရှေ့နေတစ်ယောက်ဖြစ်တယ်ဆိုတဲ့ သူ့ရဲ့ ကျယ်ပြန်တဲ့ ကိုယ်စားပြုမှုကို သူ့ရဲ့ ဘာသာတရားနဲ့ ဘယ်တုန်းကမှ မရောထွေးခဲ့ပါဘူး။

    ဦးကိုနီကို ‘မွတ်စလင် တက်ကြွလှုပ်ရှားသူတစ်ယောက်’ အဖြစ် ပုံဖော်မှုက သူလုပ်ကြံခံရမှုဟာ ပြီးခဲ့တဲ့နှစ်တွေအတွင်း မြန်မာနိုင်ငံမှာ ဖြစ်ပွားခဲ့တဲ့ ဗုဒ္ဓဘာသာဝင်တွေနဲ့ မွတ်စလင်တွေအကြား လူမျိုးရေး အကြမ်းဖက်မှုရဲ့ တစ်စိတ်တစ်ပိုင်းဖြစ်တယ်လို့ ပြည်သူတွေကို ယုံကြည်လာစေချင်တဲ့သူတွေရဲ့ လက်ချက်သာ ဖြစ်ပါတယ်။

    ကျွန်တော်ဦးဆောင်ပြီး လွန်ခဲ့တဲ့ ၂ နှစ်ခွဲအရင်က စတင်ခဲ့တဲ့ ‘စုံစမ်းဖော်ထုတ်မှုဆိုင်ရာ ဂျာနယ်လစ်ဇင်’ အစီအစဉ်မှာလည်း ဦးကိုနီဟာ မိတ်ဖက်အဖြစ် ပါဝင်ပါတယ်။ အလုပ်ရုံဆွေးနွေးပွဲတွေမှာ သူဟာ မီဒီယာကဏ္ဍကို ထိခိုက်စေတဲ့ ဥပဒေရေးကာ ကိစ္စတွေအကြောင်း ပြောလေ့ရှိပြီး လူငယ်တွေအတွက် အကြံကောင်းဉာဏ်ကောင်းတွေ ပေးတာမျိုး၊ ဆင်ဆာလျော့ပေါ့မှုတွေနဲ့ ဒီမိုကရေစီတစ်ပိုင်း တိုင်းသစ်ပြည်သစ်မှာ ရှိနေတဲ့ ခြိမ်းခြောက်မှုတွေကနေ ကိုယ့်ကိုယ်ကို ဘယ်လို ကာကွယ်မလဲဆိုတာတွေကို ဂျာနယ်လစ်တွေ သိရှိအောင် အသိပညာပေးတာမျိုးတွေ လုပ်ခဲ့ပါတယ်။

    သူ့ရဲ့ ဟောပြောမှုတွေမှာ “၂၀၀၈ ဖွဲ့အစည်းပုံ အခြေခံဥပဒေဟာ စာနယ်ဇင်းလွတ်လပ်ခွင့်နဲ့ လွတ်လပ်စွာ ဟောပြောခွင့်ကို အာမခံပေးထားတယ်။ ဒါပေမယ့် ..” လို့စကားခံပြီး ဦးကိုနီဟာ အသရေဖျက်မှု၊ ပိုင်နက်ကျူးလွန်၊ တရားမ၀င်အသင်းအဖွဲ့ဖွဲ့မှု၊ နိုင်ငံတော်လျှို့ဝှက်ချက် ပေါက်ကြားမှုစတဲ့ ခြွင်းချက်တွေ တစ်သီတစ်သန်းကြီးကို ပြောပြကာ ဒီလို ဥပဒေရေးရာ ခြိမ်းခြောက်မှုတွေကနေ ကိုယ့်ကိုယ်ကို အကောင်းဆုံး ဘယ်လိုကာကွယ်နိုင်လဲဆိုတာကို သတင်းထောက်တွေကို ရှင်းပြတာမျိုး မကြာခဏ လုပ်လေ့ရှိပါတယ်။

    ပဲ့ကိုင်နေရာမှာ စစ်တပ်ကရှိနေဆဲဖြစ်တဲ့ တိုင်းပြည်ရဲ့ အထိမခံ နိုင်ငံရေးအခြေအနေအပါအ၀င် အကြောင်းအရာ တော်တော်များများကိုလည်း မိတ်ဟောင်းဆွေဟောင်းတွေဖြစ်တဲ့ ကျွန်တော်တို့နှစ်ဦးဟာ နှစ်ကိုယ်ကြား ဆွေးနွေးခဲ့ဖူးပါတယ်။ အဲဒီလို အများကြီး ပြောခဲ့ဆိုခဲ့တာတွေမှာ ဒီမိုကရေစီနိုင်ငံတစ်ခုအနေနဲ့ ဘာသာရေးလွတ်လပ်ခွင့် ရှိရမယ်ဆိုတဲ့ အယူအဆကလွဲလို့ ဘာသာတရားနဲ့ ဆက်စပ်တဲ့ ဘယ်လိုအကြောင်းအရာမျိုးမှ သူပြောတာ ကျွန်တော် တစ်ခါမှ မကြားခဲ့ရပါဘူး။

    ဒါဆိုရင် ဦးကိုနီက ဘာ့ကြောင့် အသတ်ခံခဲ့ရတာလဲ။ ၂၀၀၈ ခုနှစ်မှာ မရိုးမသားနဲ့ ပြည်သူ့ဆန္ဒခံယူခဲ့ပြီး၊ ရွေးကောက်ခံအဖွဲ့ထက် စစ်တပ်ကို ခြွင်းချက်မဲ့ နိုင်ငံရေးအာဏာ ပိုပေးထားတဲ့ လက်ရှိ ဖွဲ့စည်းပုံနေရာမှာ အစားထိုးဖို့ ပိုပြီး ဒီမိုကရေစီနည်းကျတဲ့ ဖွဲ့စည်းပုံအခြေခံဥပဒေသစ်တစ်အုပ်ကို ဦးကိုနီက ရေးဆွဲနေတယ်ဆိုတာ သူ့ရဲ့ လုပ်ငန်းဆောင်တာတွေနဲ့ ရင်းနှီးသူတိုင်း သိကြပါတယ်။

    လက်ရှိဖွဲ့စည်းပုံက လွှတ်တော်မှာ စစ်တပ်ကို ၂၅ ရာခိုင်နှုန်းပေးထားသလို၊ ကာကွယ်ရေး၊ ပြည်ထဲရေးနဲ့ နယ်စပ်ရေးရာ ၀န်ကြီးဌာနတွေလို့ တိုင်းပြည်ရဲ့ အရေးပါဆုံး ၀န်ကြီးဌာနတွေကိုလည်း စစ်တပ်ကထိန်းချုပ်ခွင့် ပေးထားပါတယ်။ ဦးကိုနီရဲ့ အဓိကစိုးရိမ်မှုက တိုင်းဒေသကြီး၊ ပြည်နယ်အဆင့်ကနေ ခရိုင်၊ မြို့နယ်အဆင့်အထိ အစိုးရ အုပ်ချုပ်ရေးဝန်ထမ်းတွေအားလုံးကို ခန့်အပ်ရတဲ့ အထွေထွေအုပ်ချုပ်ရေးဦးစီးဌာနဟာ ပြည်ထဲရေးဝန်ကြီးဌာန လက်အောက်မှာ ရှိနေတာဖြစ်ပါတယ်။

    ၂၀၁၅ ရွေးကောက်ပွဲမှာ ဒေါ်အောင်ဆန်းစုကြည်ရဲ့ NLD ပါတီ အနိုင်ရပြီးတဲ့နောက်ပိုင်း ခန့်အပ်ခံခဲ့ရတဲ့ ၀န်ကြီးတွေဟာ သူတို့ရဲ့ သက်ဆိုင်ရာ ၀န်ကြီးဌာနတွေကို ခေါင်းဆောင်ရုံသာ ဆောင်ရပြီး အောက်ခြေအဆင့်ဆင့်မှာတော့ စစ်တပ်က ခန့်အပ်ထားတဲ့ အရာရှိတွေနဲ့သာ ပြည့်နှက်နေကာ သူတို့တွေဟာ လူ့အခွင့်အရေး ချိုးဖောက်မှုတွေလုပ်ခဲ့တဲ့ အရင် အာဏာရှင်လက်ထက်မှာ ကျေပွန်စွာ တာဝန်ထမ်းဆောင်ခဲ့ကြသူတွေ ဖြစ်ပါတယ်။

    သမိုင်းတွင်မယ့် ၂၀၁၅ ရွေးကောက်ပွဲမတိုင်ခင်က စစ်တပ်ထိန်းချုပ်တဲ့ အရပ်သားတစ်ပိုင်းအစိုးရဟာ ၀န်ကြီးဌာနတွေကို လည်ပတ်ဖို့တွက် အမြဲတမ်းအတွင်းဝန်တွေကို ခန့်အပ်ခဲ့ပြီး ဒီမိုကရေစီနည်းကျ ရွေးကောက်တင်မြှောက်ထားတဲ့ အစိုးရ အာဏာရလာရင် အုပ်ချုပ်ရေးပိုင်ဆိုင်ရာ အခုအခံအဖြစ် ထားရှိဖို့ ရည်ရွယ်ပုံ ရပါတယ်။

    ဒီမိုကရေစီနည်းကျ အုပ်ချုပ်ရေးကို ခိုင်မြဲစေဖို့အတွက် ဦးကိုနီဟာ ဒီအရာတွေအားလုံးကို ပြောင်းလဲချင်ပေမယ့် လက်ရှိ နိုင်ငံရေးအခင်းအကျင်းမှာ ၂၀၀၈ ခုနှစ် ဖွဲ့စည်းပုံအခြေခံဥပဒေကို ပြင်ဆင်ဖို့ဆိုတာ လုံးဝနီးပါး မဖြစ်နိုင်ဘူးဆိုတာကိုလည်း သူက သိပါတယ်။ ဘာ့ကြောင့်လည်းဆိုတော့ ဖွဲ့စည်းပုံရဲ့ မည်သည့်အစိတ်အပိုင်းကိုမဆို ပြင်ချင်ရဲ့ လွှတ်တော်အမတ် ၇၅ ရာခိုင်နှုန်းကျော်ရဲ့ ထောက်ခံမှုကို လွှတ်တော်မှာ ရရှိဖို့လိုပြီး စစ်တပ်က သူ့လူ ၂၅ ရာခိုင်နှုန်းကိုထည့်ကာ ဗီတိုသုံးပယ်ချနိုင်တဲ့ ပါဝါကို ယူထားတာကြောင့် ဖြစ်ပါတယ်။

    ဒါပေမယ့် ဦးကိုနီးဟာ စစ်တပ်ဖွဲ့စည်းပုံရဲ့ ဟာကွက်တွေကို ရှာဖွေရာမှာ ကျွမ်းကျင်သူတစ်ယောက်ဖြစ်ပြီး ဒီစွမ်းရည်ကြောင့် အသက်ပါပေးဆပ်လိုက်ရတာ ဖြစ်ကောင်းဖြစ်နိုင်ပါတယ်။ ၂၀၁၅ ရွေးကောက်ပွဲမှာ ဒေါ်အောင်ဆန်းစုကြည်နဲ့ NLD ပါတီက သောင်ပြိုကမ်းပြို အနိုင်ရတဲ့အခါ၊ သားနှစ်ယောက်က နိုင်ငံခြားသားဖြစ်နေတာက သူမအတွက် သမ္မတရာထူးရယူဖို့ အဟန့်အတား ဖြစ်စေခဲ့ပါတယ်။ ဒါဟာ ဒေါ်အောင်ဆန်းစုကြည် နိုင်ငံ့ခေါင်းဆောင်ဖြစ်လာမှုကို တားဆီးဖို့ စစ်တပ်က ဖွဲ့စည်းပုံထဲမှာ အထူးထည့်သွင်းထားတဲ့ အပိုဒ်ကြောင့် ဖြစ်ပါတယ်။

    ဒါပေမယ့် ဒီပြဿနာအတွက် ဥပဒေအရ အဖြေတစ်ခုကို ဦးကိုနီက ရှာဖွေခဲ့ပြီး ‘နိုင်ငံတော်၏ အတိုင်ပင်ခံ’ ဆိုတဲ့ အစိုးရကို လွှမ်းမိုးနိုင်မယ့် ရာထူးအသစ်ကို ဖန်တီးပေးခဲ့ကာ ဒေါ်အောင်ဆန်းစုကြည်ကို တိုင်းပြည်ရဲ့ ဦးသျှောင် ဖြစ်စေခဲ့ပါတယ်။ လက်ရှိအချိန်မှာတော့ သူမရဲ့ လူယုံ၊ ပညာရှင်တစ်ယောက်ဖြစ်တဲ့ ဦးထင်ကျော်ဟာ တရားဝင် သမ္မတဖြစ်နေပေမယ့် ဒေါ်အောင်ဆန်းစုကြည်ကို တိုင်းပြည်ရဲ့ခေါင်းဆောင်အဖြစ် အငြင်းပွားဖွယ်မရှိ မှတ်ယူခံနေရပြီ ဖြစ်ပါတယ်။

    ကျွန်တော်တို့ရဲ့ ဆွေးနွေးမှုတွေထဲက တစ်ခုမှာ ဦးကိုနီက ၂၀၀၈ ခုနှစ် ဖွဲ့စည်းပုံအခြေခံဥပဒေကို ပြောင်းလဲဖို့ ကြိုးစားလို့ရမယ့် အနေအထားမျိုး မရှိပေမယ့် စစ်တပ်က အခြေခံဥပဒေမှာ ထည့်ထားတဲ့အချက်တွေထဲမှာ လွှတ်တော်မှာ မဲအများစုနဲ့ အခြေခံဥပဒေကို ဖျက်သိမ်းလို့မရဘူးဆိုတဲ့အချက် မပါဝင်ဘဲ ဒီလိုလုပ်ခြင်းက ဒီမိုကရေစီပိုဆန်တဲ့ အခြေခံဥပဒေအသစ်ကို ပြဌာန်းနိုင်ရေး လမ်းကြောင်းတစ်ခုဖြစ်တယ်လို့ ပြောကြားခဲ့ပါတယ်။

    ဦးကိုနီဟာ ဖွဲ့စည်းပုံအခြေခံဥပဒေသစ်တစ်ခု ရေးဆွဲနေတဲ့အချိန်မှာ အသတ်ခံခဲ့ရတာဖြစ်တယ်လို့ လူတော်တော်များများသိကြပြီး ဖေဖော်ဝါရီ ၂၆ ရက်နေ့က ရန်ကုန်မှာ ရဲတပ်ဖွဲ့ကပြုလုပ်တဲ့ သတင်းစာရှင်းလင်းပွဲမှာလည်း ဒီအချက်က ပေါ်ထွက်လာပါတယ်။ ဒီရှင်းလင်းပွဲမှာ ပြည်တွင်းသတင်းထောက်တစ်ယောက်က ဦးကိုနီ လုပ်ကြံခံရမှုဟာ ဖွဲ့စည်းပုံအခြေခံဥပဒေသစ် ရေးဆွဲနေမှုနဲ့ ပတ်သက်နေလားဆိုပြီး ရဲရဲဝံ့ဝံ့ မေးမြန်းခဲ့ပါတယ်။

    ရဲ့ချုပ်ဇော်ဝင်းကတော့ ဒီအမေးအတွက် ဆင်ဝှေ့ရန်ရှောင် ဖြေသွားပြီး အာဏာပိုင်တွေအနေနဲ့ ဒီလူသတ်မှုအတွက် ဖြစ်နိုင်တဲ့ လှုံ့ဆော်မှုအားလုံးကို စုံးစမ်းနေတယ်လို့သာ ဖြေကြားသွားခဲ့ပါတယ်။ စစ်တပ်နဲ့နွယ်နေတဲ့ အဓိကသံသယရှိသူ မယုံနိုင်စရာပျောက်ဆုံးနေမှု၊ ရဲတပ်ဖွဲ့က ဆက်လက်ရှာဖွေနေပါတယ်လို့ ပြောဆိုမှုတွေ ရှိနေပေမယ့် သေချာတာတစ်ခုကတော့ ဦးကိုနီ ဒီလို သွေးအေးအေးနဲ့ လုပ်ကြံခံခဲ့ရတာဟာ မွတ်စလင်တစ်ဦး ဖြစ်နေတာကြောင့်မဟုတ်ဘဲ၊ ဒီမိုကရက်တစ်ဦးဖြစ်နေတာကြောင့်ပါပဲ။

    Ref: Asia Times

    (Asia Times တွင် ဘာတေးလ် လင်တနာရေးသားသည့် No justice for slain Myanmar lawyer Ko Ni ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)

  • ဦးကိုနီ၏ ဒီမိုကရေစီအရေး ကြိုးပမ်းခဲ့မှုအတွက် ဥရောပသမဂ္ဂက Schuman Award ဆုဖြင့် ဂုဏ်ပြု

    ဦးကိုနီ၏ ဒီမိုကရေစီအရေး ကြိုးပမ်းခဲ့မှုအတွက် ဥရောပသမဂ္ဂက Schuman Award ဆုဖြင့် ဂုဏ်ပြု

    ဧပြီ ၄၊ ၂၀၁၇
    M-Media

    – ဇန်န၀ါရီ ၂၉ ရက်နေ့က ရန်ကုန် အပြည်ပြည်ဆိုင်ရာ လေဆိပ်တွင် လုပ်ကြံသတ်ဖြတ်ခံခဲ့ရသည့် တရားလွှတ်တော်ရှေ့နေ ဦးကိုနီအတွက် ဥရောပသမဂ္ဂက Schuman Award ကို ဂုဏ်ပြုချီးမြှင့်ခဲ့သည်ဟု သိရသည်။

    အဆိုပါဆုမှာ ဒီမိုကရေစီ၊ တန်းတူညီမျှမှု၊ တရားဥပဒေစိုးမိုးရေးနှင့် လူ့အခွင့်အရေးတို့အတွက် ရွပ်ရွပ်ချွံချွံ စွမ်းဆောင်ခဲ့သည့် ကမ္ဘာတစ်ဝှမ်းမှ ပုဂ္ဂိုလ်များအား ဂုဏ်ပြုပေးအပ်သည့် ဆုဖြစ်သည်။

    ဥရောသမဂ္ဂတည်ထောင်သည့် နှစ် ၆၀ ပြည့် အထမ်းအမှတ်အဖြစ် ၂၀၁၇ ခုနှစ် ဧပြီလ ၃ ရက်နေ့တွင် ဥရောပသမဂ္ဂအိမ်တော်၌ ပြုလုပ်ခဲ့သည့် အခမ်းအနားတွင် အဆိုပါဆုကို ပေးအပ်ခဲ့ခြင်းဖြစ်ပြီး ဦးကိုနီ၏ ကျန်ရစ်သူ မိသားစုက လက်ခံရယူခဲ့သည်။

    (Ref : Facebook of U Ko Ni )

  • မြန်မာ့ ဒီမိုကရေစီအသွင်ကူးပြောင်းမှုကို နှောင့်နှေးသွားစေသည့် ဦးကိုနီ လုပ်ကြံခံရမှု

    မြန်မာ့ ဒီမိုကရေစီအသွင်ကူးပြောင်းမှုကို နှောင့်နှေးသွားစေသည့် ဦးကိုနီ လုပ်ကြံခံရမှု

    မတ် ၂၉၊ ၂၀၁၇

    M-Media

    – ဦးကိုနီတစ်ယောက် လေယာဉ်ပေါ်မှဆင်းကာ ရန်ကုန်အပြည်ပြည်ဆိုင်ရာ လေဆိပ်ကြီး၏ ကားအ၀င်ထွက်သွားရာ ပလက်ဖေါင်းပေါ်တွင် ရပ်နေချိန်။ ရန်ကုန်ဆိုတာ မြန်မာပြည်က အကြီးဆုံးမြို့။ သူက အရပ်က ခပ်မြင့်မြင့်၊ ဆံပင်က ခပ်ဖွေးဖွေး၊ ရှေ့နေတစ်ယောက်၊ သုံးနှစ်သားအရွယ် မြေးကလေးကို လက်ကချီထားစဉ်မှာ ခရီးသည်တွေကတော့ ဖုန်းပြော သူပြော၊ အငှားကားပေါ် တက်တဲ့သူတက်နဲ့ အလှုပ်ရှုပ်နေကြပါတယ်။

    အဲဒီအချိန်မှာ ဦးကိုနီရဲ့ အနောက်မှာ ဘောင်းဘီတိုနဲ့ ခြေညပ်ဖိနပ်ကို စီးပြီး ရပ်နေတဲ့ လူတစ်ယောက်ကို ဘယ်သူမှ သတိမထားမိလိုက်ကြဘူး။ အဲဒီလူက ၉ မမ ပစ်စတိုကို ဆွဲထုတ်ပြီး ဦးကိုနီရဲ့ ခေါင်းကိုတေ့ကာ မောင်းဖြုတ်ချလိုက်ပါတယ်။

    ဒီ လူတစ်ယောက်လုံး သေဆုံးသွားလောက်အောင် ပစ်ခတ်မှုဟာ မြန်မာပြည်ရဲ့ အထင်ရှားဆုံး ရှေ့နေတစ်ယောက်ရဲ့ အသံကို တိုးတိတ်သွားစေယုံသာမဟုတ်။ စစ်အာရှင်ရဲ့ မီးစာတစ်ဖက် ရေမှုတ်တစ်ဖက် ဒီမိုကရေစီ အသွင်ကူးပြောင်းမှု ပိတ်ကားနောက်မှာ အန္တရာယ်ကောင်တွေ ရှိနေတယ်ဆိုတာကိုပြသလိုက်တာလည်း ဖြစ်ပါတယ်။

    တကယ်တော့ အရင်က ဘားမားလို့ လူသိများတဲ့ မြန်မာနိုင်ငံမှာ စစ်အုပ်ချုပ်ရေး သက်ဆိုးရှည်လာခဲ့တာ ရာစု နှစ် တစ်ဝက်ကျော်မက ရှိခဲ့ပါပြီ။ နိုင်ငံရေး တက်ကြွလှုပ်ရှားသူတွေမှာလည်း တစ်ချို့ဆို ကြက်ကလေး ငှက်ကလေးလို ထောင်ထဲမှာ ပျောက်တဲ့ သူကပျောက်၊ သေတဲ့သူက သေနဲ့၊ ၂၀၁၀ -ခုနှစ် ရောက်တော့မှ စစ်တပ်က အရပ်သား အုပ်ချုပ်ရေးကို စတင် လွှဲပြောင်းခဲ့တာပါ။

    ၂၀၁၅-ခုနှစ်ရောက်တော့ လူထုထောက်ခံတဲ့ ဒေါ်အောင်ဆန်းစုကြည်ရဲ့ပါတီက ပါလီမန်နှစ်ရပ်စလုံးမှာ အများဆုံး အနိုင်ရတယ်၊ အိုဘားမား အစိုးရကလည်း အောက်တိုဘာလနှောင်းပိုင်းမှာ စီးပွားရေးပိတ်ဆို့မှု့တွေကို ဖယ်ရှားပေးခဲ့တယ်။ အဲလိုနဲ့ မြန်မာပြည်လည်း နိုင်ငံတကာ အသိုင်းဝိုင်းကို ပြန်လည် ၀င်ဆံ့လာခဲ့တော့တယ်။

    ဒါပေမဲ့ လူဦးရေ ငါးဆယ့်သုံးသန်းလောက်ရှိတဲ့ ဒီနိုင်ငံမှာ ပြုပြင်ပြောင်းလဲရေး မစတင်ခင် ၂၀၀၈ ခုနှစ်က အတည်ပြုခဲ့တဲ့ ဖွဲ့စည်းပုံအခြေခံဥပဒေမှာ ပြဌာန်းထားတဲ့အတိုင်း စစ်တပ်က အဓိက အာဏာကို ဆုပ်ကိုင်ထားဆဲပါ။

    ဦးကိုနီကတော့ စစ်တပ်ကိုလည်း မနာစေ၊ သာလည်း မသာစေမဲ့ ဖွဲ့စည်းပုံ အခြေခံဥပ မူကြမ်းသစ်ကို ပြီးခဲ့တဲ့ နှစ်အနည်းငယ်ကတည်းက အချိန်ပေး ရေးဆွဲခဲ့ပါတယ်။ ဒါကြောင့် ဇန်န၀ါရီက သူလုပ်ကြံခံရခြင်းဟာ လူထုခေါင်းဆောင်းတွေကို တုန်လှုပ်သွားစေခဲ့ပြီး ဒီလုပ်ရပ်ဟာ ပြုပြင်ပြောင်းလဲရေးသမားတွေကို သတိပေးလိုက်တာဖြစ်တယ်လို့ သူတို့က ရှုမြင်ခဲ့ကြပါတယ်။

    “နိုင်ငံရေးတိုးတက်မှုအပေါ် သည်းမခံနိုင်တဲ့ သူတွေက ဒါမျိုး လုပ်ခဲ့ကြတာ ဖြစ်တယ်။”  လို့ ရန်ကုန်မြို့က အကျိုးအမြတ်မယူတဲ့ စမိုင်း ပညာရေးနှင့် ဖွံဖြိုးရေးဖေါင်ဒေး ရှင်းကို ဦးဆောင်သူ ဦးမျိုးဝင်း က ၀ါရှင်တန်ပိုစ်ကို ပြောပြပါတယ်။ “တကယ်တော့ဗျာ၊ ကျန်ခဲ့တဲ့ သူတွေ အတွက်တော့ စိုးရိမ်စရာပါပဲ။ ”

    အာဏာပိုင်တွေ ဘက်ကတော့ ဒီ လုပ်ကြံသတ်ဖြတ်မှုကို စစ်တပ်အရာရှိဟောင်း ၃ ဦးက စီစဉ်တာဖြစ်ပြီး ရာဇ၀တ်သားဟောင်းတစ်ဦးကို သတ်ဖြတ်ဖို့ ငှားခဲ့တယ်လို့ ဆိုပါတယ်။ သေနတ်သမားနဲ့ သံသယရှိတဲ့ တရားခံ နှစ်ဦးကတော့ အဖမ်းခံခဲ့ရပြီး တတိယမြောက် တရားခံဖြစ်တဲ့ ဒု-ဗိုလ်မှူးကြီးဟောင်း တစ်ယောက်ကတော့ ထွက်ပြေးလွတ်မြောက်နေဆဲ ဖြစ်ပါတယ်။

    ဦးကိုနီရဲ့ မြေးလေးကတော့ ဒီပစ်ခတ်မှု့မှာ အသက်ဘေးကနေ လွတ်မြောက်သွားခဲ့ပါတယ်၊ သို့သော် အကြမ်းဖက် သေနတ်သမားက သူ့နောက်ကို လိုက်တဲ့ တက္ကစီမောင်းသမား တစ်ယောက်ကိုလည်း ပစ်သတ်ခဲ့ပြန်ပါသေးတယ်။

    ပြည်ထဲရေးဝန်ကြီး ဗိုလ်ချုပ်ကျော်ဆွေက တရားခံတွေဟာ အစွန်းရောက်မျိုးချစ်စိတ်ကြောင့် လုပ်ကြံခဲ့ကြတာ ဖြစ်ပြီး ဆိုရှယ်မီဒီယာပေါ်မှာ ဦးကိုနီတင်ခဲ့တဲ့ ပိုစ်တွေကြောင့် ဒေါသထွက်ခဲ့ကြတယ်လို့ ဆိုပါတယ်။ ဘယ်လိုရေးလို့လဲ ဆို တာကိုတော့ သူက ထုတ်ဖေါ်ပြောကြားခဲ့ခြင်း မရှိပါဘူး။ ဒါပေမဲ့ မြန်မာနိုင်ငံရဲ့ အသွင်ကူးပြောင်းရေးမှာ အသက်ခြောက်ဆယ့်သုံးနှစ်အရွယ် ဦးကိုနီထက်စာရင် ပိုပြီး စိုးရိမ်စရာလို့ ယူဆရမယ့် လူနည်းနည်း ရှိနေပါတယ်။

    ဦးကိုနီဟာ ဒေါ်အောင်ဆန်းစုကြည်ရဲ့ NLD ပါတီအတွက် အကြံပေးနေရတဲ့အပြင်၊ ဗုဒ္ဓဘာသာ လူအများစု ရှိတဲ့ တိုင်းပြည်မှာ ဘ၀တူ မွတ်စလင်တွေရဲ့ အခွင့်ရေးတွေကို ခုခံကာကွယ်နေရင်း သူဟာ ကန့်လန့်ကာ နောက်ကွယ်မှာပဲ အမြဲနေပြီး လူမသိ သူမသိ၊ စစ်အာဏာရှင်က ရေးဆွဲထားတဲ့ ဖွဲ့စည်းပုံအခြေခံဥပဒေကို အပြီးတိုင်ဖျက်သိမ်းသွားဖို့ ရဲရဲရင့်ရင့်နဲ့ အကွက်ရွေ့နေခဲ့ပါတယ်။

    ဒီဖွဲ့စည်းပုံအရ အရပ်သားတွေအပေါ် အုပ်ချုပ်မှုတစ်ခုလုံးကို စစ်တပ်က ချုပ်ကိုင်နိုင်တဲ့ အခွင့်အရေးကိုပေးထားပြီး ဒီအခြေခံဥပဒေ ရှိနေသမျှ ‘စစ်တပ်ဟာ တိုင်းပြည်ကို အခြေခံကအစ လွှမ်းမိုးနေမှာ ဖြစ်တယ်လို့’ မိတ်ဆွေတွေကို ဦးကိုနီက ပြောကြားခဲ့ကြောင်း ၁၉၈၀ ပြည့်နှစ်ကလောက်ကတည်းက မြန်မာ့အရေးတွေကို လေ့လာနေတဲ့ ဂျာနယ်လစ် ဘာတေးလ် လစ်တနာက ပြောကြားခဲ့ပါတယ်။

    ဖွဲ့စည်းပုံ အခြေခံဥပဒေနဲ့ ပတ်သတ်လာရင် ဘယ်အပြောင်းလဲပဲ လုပ်လုပ်၊ ထိထိရောက်ရောက် သုံးဖို့ စစ်တပ်က ဗီတို အာဏာ ကို ကိုင်စွဲထားပါတယ်။ ဘာလို့လဲဆိုတော့ ဒီပြင်ဆင်ချက်တွေကို အတည်ဖြစ်ဖို့ဆိုရင် လွှတ်တော်မှာ ထောက်ခံမှု သုံးပုံ နှစ်ပုံ ရဖို့ လိုပါတယ်။ စစ်တပ်အတွက် လွှတ်တော်မှာ သုံးပုံတစ်ပုံ နေရာဖယ်ပေးထားရပါတယ်။ လွှတ်တော်မှာ မဲအများဆုံးနဲ့ ဖွဲ့စည်းပုံကို ပလပ်ပစ်လိုက်ဖို့ ဟာကွက်တစ်ခုတော့ တွေ့ရမယ်လို့ ဦးကိုနီက မျှော်လင့်ထားပါတယ်။

    “၂၀၀၈ ဖွဲ့စည်းပုံအခြေခံဥပဒမှာ မဲခွဲမှုတစ်ကြိမ်တည်းလုပ်ပြီး ဖွဲ့စည်းပုံကို ဖျက်ပစ်လို့ မရဘူးလို့ မပါပါဘူး။ သူက ဖွဲ့စည်းပုံ အခြေခံဥပဒေမှာတော့ တကယ့်ကို ပညာရှင်ပဲဗျ၊ ဂယ်ပေါက် ဟာပေါက်တွေကို ကြံကြံဖန်ဖန် ရှာတဲ့နေရာမှာ တကယ့်ကို လူတော်ပဲဗျ” လို့  သူနဲ့ နှစ် ပေါင်းများစွာကြာအောင် ရင်းနှီးလာခဲ့တဲ့ လစ်တနာက ပြောကြားခဲ့ပါတယ်။

    ၂၀၁၅ ရွေးကောက်ပွဲ အပြီးမှာ သူဟာ တိုင်းပြည်ရဲ့ အကျော်ကြားဆုံး နိုင်ငံရေးပုဂ္ဂိုလ် အောင်ဆန်းစုကြည်ကို ဥပါယ်တံမျဉ် နဲ့ အစိုးရ ခေါင်းဆောင်လုပ်ဖို့ တစ်နေရာစာ ဖန်တီးပေးခဲ့ပါတယ်။ ကွယ်လွန်သွားပြီဖြစ်တဲ့ သူမရဲ့ အမျိုးသားဟာ နိုင်ငံခြား သားဖြစ်တာကြောင့် သူမကို နိုင်ငံတော်သမ္မတ မဖြစ်အောင် ကာကွယ်တားဆီထားတဲ့ ဖွဲ့စည်းပုံ အခြေခံဥပဒေ တစ်ကွက် ကို ရှောင်တိမ်းပြီး နိုင်ငံတော်သမ္မတအထက်မှာ နေရာယူလို့ရတဲ့ တိုင်းပြည်ရဲ့ အာဏာအရှိဆုံး နိုင်ငံတော်အတိုင်ပင်ခံ ပုဂ္ဂိုလ် ရာထူးတစ်နေရာကို ဖန်တီးပေးခဲ့ပါတယ်။

    ဒါပေမဲ့ ဒေါ်အောင်ဆန်းစုကြည်ကတော့ ဦးကိုနီရဲ့ ဖွဲ့စည်းပုံ အခြေခံဥပဒေကို ဖယ်ရှားပစ်မယ့် အကြံအစည်ဟာ “သိပ်ပြီး အန္တရာယ်ရှိတယ်” လို့ ထင်မြင်ယူဆတယ်လို့လည်း လစ်တနာက ပြောပါတယ်။ ဖွဲ့စည်းပုံအခြေခံဥပဒေ ပြင်ဆင်ရေးသဘောထား ဆက်ရှိနေဆဲဖြစ်တယ်လို့ ပါတီအရာရှိကြီးတွေက ပြောခဲ့ပေမဲ့၊ ဦးကိုနီသာလျှင် ဒီကြိုးပမ်းမှုတွေကို ပြိုင်ဘက်ကင်းကင်းနဲ့ အတုမရှိ ဦးဆောင်နိုင်တဲ့ အရည်ချင်းရှိတယ်လို့ ကျွမ်းကျင်သူ တော်တော်များများက ယုံကြည်နေကြပါတယ်။

    Human Rights Watch ရဲ့ အာရှဆိုင်ရာအဖွဲ့ဝင် ရစ်ချတ် ၀ီယာက ပြောရာမှာ “သူတို့ရဲ့ နည်းပညာရှင်နဲ့ ဥပဒေအကြံ ပေး အဓိကလူတစ်ယောက် ဆုံးရှုံးသွားရတာဟာ ဖွဲ့စည်းပုံ အခြေခံဥပဒေဆိုင်ရာ ပြင်ဆင်ရေးအတွက် လုပ်ငန်းတော်တော် များများကို နှောင့်နှေးသွားစေမှာတော့ အသေချာပါပဲ။”

    ဦးကိုနီဟာ မကြခဏဆိုသလို စာနယ်ဇင်းသမားတွေနဲ့ ပြည်သူ့ဖိုရမ်တွေမှာ သူရဲ့ အိုင်ဒီယာတွေကို ချပြလေ့ရှိကြောင်း၊ နိုင်ငံခြားသတင်းထောက်တွေတောင် သူက အင်္ဂလိပ်လို ပြောဆိုရှင်းပြတတ်ကြောင်း၊ သိရပါတယ်။ ပြီးခဲ့တဲ့ စက်တင်ဘာ လလောက်တုန်းက သူခြိမ်းခြောက်ခံနေရတယ်လို့ ခံစားရကြောင်း ဦးမျိုးဝင်းကို အတွင်းစကား အသိပေးခဲ့ပါသေးတယ်။

    “စစ်တပ်နဲ့ ရင်းနှီးတဲ့ လူတစ်ယောက် ကျနော့်ဆီကို လာပြီး သူရရွှေမန်းပြီးရင် ဒီလူဟာ သူတို့ရဲ့ ဒုတိယအကြီးဆုံး ရန်သူပဲ”လို့ လာပြောကြောင်း ဦးမျိုးဝင်းက ဆိုပါတယ်။ ဦးရွှေမန်းဟာ ဖွဲ့စည်းပုံ အခြေခံဥပဒေ ပြင်ဆင်ဖို့ တွန်းအားပေးခဲ့တယ်ဆိုတဲ့  အကြောင်းပြချက်တွေနဲ့ ၂၀၁၅-ခုနှစ်မှာ စစ်တပ်က ကျောထောက်နောက်ခံပြုထား တဲ့ ကြံခိုင်ရေးပါတီကနေ ပထုတ်ခြင်းကို ခံလိုက်ရပါတယ်။

    အောက်တိုဘာလက လားရှိုးမြို့က အခမ်းနားတစ်ခုမှာ ဦးကိုနီ အမှာစကားပြောကြားရာမှာ တက်ရောက်လာသူ လူနှစ်ရာကျော်နဲ့အတူ ရောပြီး အရပ်ဝတ်တွေနဲ့ စစ်ထောက်လှမ်းရေးအရာရှိ ၁၀ ယောက်လောက် တက်ရောက်နားထောင်ခဲ့ပါတယ်။

    “သူဘယ်ရောက်နေလဲဆိုတာ သူတို့က အမြဲတမ်း သိနေတယ်ဗျ၊” လို့ ကိုမျိုးဝင်းက ပြောခဲ့ပါသေးတယ်။

    ဒါပေမဲ့ ဦးကိုနီကတော့ သူ့ရဲ့ကြောက်စိတ်ကို သူ့မိသားစုဝင်တွေ ရှေ့မှာ မပြသခဲ့ပါဘူး။ သူ့ရဲ့သား စင်္ကာပူမှာ ဆော့ဝဲလ် အင်ဂျင်နီယာ အလုပ်လုပ်နေတဲ့ သန့်စင်ဦးကတော့ ဆိုရှယ်မီဒီယာတွေပေါ်မှာ သူ့အဖေကို တိုက်ခိုက်တာတွေလုပ်နေတာတွေကိုတော့ သူ သတိထားမိတဲ့အကြောင်း၊ ဒါပေမဲ့ အခုလိုမျိုး ထိခိုက် နာကျင်တဲ့အထိ ဖြစ်သွားစေမယ်လို့တော့ သူမထင်ကြောင်း ပြောခဲ့ပါတယ်။

    “ဒီလောက် အွန်လိုင်းပေါ်ကနေ သူ့ကို အဆက်မပြတ် စော်ကားနေတာတောင်မှ သူဟာ တစ်ချက်ကလေးမှ ကျွန်တော် တို့ကို စိုးရိမ်ပူပန်စိတ် ဖြစ်သွားအောင် တစ်လုံးတပါဒမှ မပြောခဲ့ဘူး ခင်ဗျ ”လို့ သူ့သားက ပြောခဲ့ပါတယ်။

    ဦးကိုနီရဲ့ ဘာသာရေးယုံကြည်ချက်တွေကို ထိခိုက်စေမဲ့ တစ်ချို့ အာမနာပ ပြောစကားတွေကိုလည်း သူရင်ဆိုင်ခဲ့ရပါ တယ်။ မြန်မာလူဦးရေရဲ့ ငါးရာခိုင်နှုန်းတောင် မပြည့်တဲ့ မွတ်စလင်တွေဟာ မြင့်တက်လာနေတဲ့ ဗုဒ္ဓဘာသာ အမျိုးသား ရေး ၀ါဒီတို့ရဲ့ ပစ်မှတ်ထားခြင်းကို ခံနေရပါတယ်။ အဓိကအားဖြင့်တော့ ရခိုင်ဒေသရဲ့ အနောက်ဖက်ပိုင်းမှာပါ။ အဲဒီနေ ရာမှာ ရိုဟင်ဂျာလူမျိုးစုတွေဟာ နိုင်ငံသားဖြစ်ခွင့် ငြင်းပယ်ခံနေရပြီး စနစ်တကျ ဖိနှိပ်ညှင်းပမ်းမှုကို ခံနေရပါတယ်။

    ဦးကိုနီဟာ ရိုဟင်ဂျာ တစ်ယောက်တော့ မဟုတ်ပါဘူး။ ဒါပေမယ့် ဒီလူအဖွဲ့အစည်းက ရင်ဆိုင်နေရတဲ့ တရားမဲ့မှုတွေကိုတော့ သူက ပွင့်ပွင့်လင်းလင်း ထုတ်ပြောပါတယ်။ ၂၀၁၅ ရွေးကောက်ပွဲမှာ အမတ်နေရာအတွက် မွတ်စလင်တစ်ဦးတစ်လေမှ မရွေးချယ်ခဲ့တာနဲ့ ပတ်သတ်ပြီးတော့လည်း သူ့ပါတီကို ပြန်လည်ဝေဖန်ခဲ့ပါတယ်။ သူ့ပါတီရဲ့ ဒီလုပ်ရပ်ဟာ ဗုဒ္ဓဘာသာ အစွန်းရောက်သမားတွေကို ချွေးသိပ်ပေးလိုက်ပုံရပါတယ်။

    “တမင်တကာ ပုန်းရှိုးကွယ်ရှိုးနေနေတဲ့ မွတ်စလင်ရှေ့နေတွေ မြန်မာနိုင်ငံမှာာ များများစားစား ရှိမယ်လို့ ကျမ တွေးလို့ရပါတယ်။ သူ (ဦးကိုနီ) ကတော့ မားမားမတ်မတ် ရပ်တည်ပါတယ်”လို့ မြန်မာ့ ဖွဲ့စည်းပုံ အခြေခံဥပဒေနဲ့ ပတ်သတ်တဲ့ ကျွမ်းကျင်ပညာရှင်လည်းဖြစ်၊ သြစတြေးလျနိုင်ငံ ဆစ်ဒ နီမြို့က University of New South Wales law school တက္ကသိုလ်မှာ အကြီးတန်းကထိက တစ်ဦးလည်း ဖြစ်တဲ့ မယ်လီဆာ ခရော့ခ်ျ က ပြောပါတယ်။

    ဒါပမေယ့် ပြီးခဲ့တဲ့နှစ်ကစပြီး လွတ်လပ်စွာ ပြောဆိုခွင့်တွေဟာ နေရာကျဉ်းလာတယ်လို့ ဦးကိုနီက ယုံကြည်တဲ့ အကြောင်း  ခရော့ခ်ျ က ပြောပါတယ်။ နိုဝင်ဘာမှာ သူမက သူ့ကို ရန်ကုန်မြို့မှာ ကျင်းပတဲ့ ဖွဲ့ စည်းပုံအခြေခံဥပဒေဆိုင်ရာ ကိစ္စရပ်များနဲ့ ပတ်သတ်ပြီး  ပင်တိုင်ဆွေးနွေးသူအဖြစ် ဖိတ်ကြားတဲ့ အခါမှာ- ဒီပွဲမျိုးကို သူမကြာခဏ တက်လေ့ရှိပေမဲ့- ဒီတစ်ခေါက်မှာတော့ သူငြင်းဆန်ခဲ့ပါတယ်။

    “မြန်မာနိုင်ငံမှာက မမြင်ရတဲ့ အကွက်တွေရှိနေပြီး၊ ဒီအကွက်တွေကို ဘယ်တော့ နင်းမိမလဲဆိုတာ မသိနိုင်ပါတယ်။ အခုတော့ ဒီအချက်ကို ကောင်းကောင်း နားလည်းသွားပါပြီ” လို့ မယ်လစ်ဆာ ခရော့က ပြောပါတယ်။

    သူ အသတ်ခံလိုက်ရတဲ့နေ့ဟာ သူအင်ဒိုနီးရှားကနေ ပြန်ရောက်တဲ့ နေ့ဖြစ်ပါတယ်။ နိုင်ငံရေးရင်ကြားစေ့မှု အတွေ့ ကြုံတွေကို အပြန်အလှန် ဖလှယ်တဲ့အနေနဲ့ အစိုးရအဖွဲ့နဲ့အတူ သူလိုက်ပါသွားခဲ့တာ ဖြစ်ပါတယ်။ အဲဒီ အဖွဲ့ထဲမှာပဲ လိုက်ပါခဲ့ တဲ့ ကိုမြအေးဆိုတဲ့ မွတ်စလင် တက်ကြွလှုပ်ရှားသူ တစ်ယောက်ကတော့ ဦးကိုနီဟာ နိုင်ငံရေး ပြုပြင်ပြောင်းလဲမှုမှာ လိုအပ်ချက်တွေကို ပွင့်ပွင့်လင်းလင်းကြီးကို ထောက်ပြခဲ့တဲ့သူ တစ်ယောက်ဖြစ်ကြောင်း ပြောဆိုပါတယ်။

    သူတို့ နှစ်ယောက်စလုံးကို ယခင်ကတည်းက အစွန်းရောက်တွေရဲ့ ပစ်မှတ်ထားခြင်းကို ခံခဲ့ရပါတယ်။ သူတို့ဟာ မွတ် စလင်တွေ ဖြစ်နေတာကြောင့် သူတို့နှစ်ယောက် ပါဝင်နေတာကို ဘုန်းတော်ကြီးတွေက ဆန္ဒပြကြတဲ့အခါ အမျိုးသား ဒီမိုကရေစီ အဖွဲ့ချုပ်ဟာ ၂၀၁၄ ခုနှစ်က စာပေဟောပြောပွဲတစ်ခုမှာ သူတို့နှစ်ယောက်ကို ချန်ထားခဲ့ရပါတယ်။

    “မြန်မာပြည်မှာ နိုင်ငံရေးလုပ်တဲ့ သူတွေအတွက်တော့ ဘယ်တော့မှ လုံခြုံမှု့ မရှိဘူး”- လို့ ကိုမြအေးက ပြောပါတယ်။ “အခုတော့ ပိုဆိုးလာပြီပေါ့ဗျာ။”

    ဒေါ်အောင်ဆန်းစုကြည်ရဲ့ အစိုးရကတော့ သူ လုပ်ကြံခံလိုက်ရတာနဲ့ ပတ်သတ်ပြီး တုန့်ပြန်ပုံတွေက မတူခဲ့ပါဘူး။ သူ သေပြီး အဲဒီ မနက်မှာပဲ၊ ကမ္ဘာကြီး တစ်ခုလုံးက သတင်းစာခေါင်းကြီးပိုင်းတွေမှာ ဖေါ်ပြခဲ့ကြပေမဲ့ အစိုးရပိုင်တဲ့ မြန်မာ့အလင်း သတင်းစာ Global New Light of Myanmar newspaper ကတော့ ဒိုင်ရှိုလေး အတွင်းပိုင်း စာမျက် နှာမှာသာ ပါလာခဲ့ပါတယ်။ ဒေါ်စုကိုယ်တိုင်တောင် လူသိရှင်ကြား ကြေညာချက်ပေးဖို့ တစ်လလောက် ကြာခဲ့ပါတယ်။ ဦးကိုနီ သေဆုံးရခြင်းဟာ “ကြီးမားတဲ့ ဆုံးရှုံးမှု့တစ်ခု ” လို့ ခေါင်းစဉ်တပ်ခဲ့ပေမဲ့ တရားမျှတမှု ရရှိရေးအတွက်တော့ ကျယ်ကျယ်လောင်လောင် တောင်းဆိုမှုတွေ မလုပ်ခဲ့ပဲ အတိုချုံးလုပ်ပြီး ရပ်တန့်လိုက်ပါတယ်။

    မဟာမိတ်တွေကတော့ ဒေါ်အောင်ဆန်းစုကြည်ဟာ စစ်ဗိုလ်ချုပ်ကြီးတွေနဲ့ မိတ်ဖက်ဆက်ဆံရေး မပျက်လိုတာကြောင့် သူမကိုယ်တိုင် သတိကြီးကြီးထားနေရပြီး သူမရဲ့ တစ်ကိုယ်တော် လုံခြုံရေးအတွက်တောင် သူမကိုယ်တိုင် စိုးရိမ်နေရတာကြောင့်လို့ အကြောင်းပြပါတယ်။

    “သူမ များများစားစားတော့ လုပ်နိုင်ပုံ မရပါဘူး၊ သူမ ကိုယ်တိုင် အသံထွက်လိုက်ရင် မလိုလားအပ်တဲ့ ပြဿနာတွေ ဖြစ် သွားမယ်ဆိုပီး သူမ စဉ်းစားနေမှာပါ၊ ဒါပေမဲ တရားမျှတမှုအတွက်တော့ အသံထွက်သင့်ပါတယ်ဗျာ”လို့ ကိုမြအေးက ပြောခဲ့ပါတယ်။

    ဦးကိုနီကို သတ်ဖို့အတွက် အကြံအစီမှာ စစ်တပ်က ထဲထဲဝင်ဝင် ပါဝင်ပတ်သတ်သလား၊ မပတ်သတ်ဖူးလားဆိုတာကို တော့ ကံသေကံမ ဘယ်သူမှ မပြောနိုင်ပါဘူး။ တက်ကြွလှုပ်ရှားသူတွေကတော့ စုံစမ်းစစ်ဆေးရေး လုပ်တာနဲ့ပတ်သက်ပြီး အတော်လေးကို ဝေဖန်ခဲ့ကြပါတယ်။

    ပူးပေါင်းစုံစမ်းနေတဲ့ ရဲတပ်ဖွဲ့နဲ့ စစ်တပ်က သုံးပတ်လောက်ကြာပီးတဲ့နောက်မှာ ပထမဆုံး သတင်းစာရှင်းလင်းပွဲကို ပြု လုပ်ခဲ့ပါတယ်။ ပြည်ထဲရေး ၀န်ကြီး ကျော်ဆွေက တိတိကျကျ ပြောပြနိုင်ခြင်း မရှိပေမဲ့ မွတ်စလင်တွေကို သွယ်ဝိုက် ရည်ညွန်းကာ ဦးကိုနီ နဲ့ “ဘာသာတူ အုပ်စု”ထဲကလည်း သူ့ကို သတ်နိုင်ကြောင်း အံ့သြဖွယ် ပြောသွားခဲ့ပါသေးတယ်။

    ဦးကိုနီရဲ့ ဆွေမျိုးသားချင်းတွေက စုံစမ်းစစ်ဆေးတဲ့ကာလ မပြီးဆုံးသေးပဲနဲ့တော့ မဝေဖန်လိုကြောင်း ပြောကြားခဲ့ပါတယ်။  သူ့ဖခင်ကို လုပ်ကြံသတ်ဖြတ်မှုအတွက် တာဝန်ရှိတဲ့ လူသတ်တရားခံတွေနဲ့ပတ်သက်ပြီး တရားမျှတမှုကို မြင်ရနိုင်မလားလို့ မေးမြန်းရာမှာ သန့်ဇင်ဦးက “မျှော်တော့ မျှော်လင့်တာပေါ့ဗျာ” လို့ ပြန်လည် ဖြေကြားခဲ့ပါတယ်။

    (LA Times တွင် ဖော်ပြထားသည့် A brazen political killing shakes Myanmar, already teetering on the path to democracy ဆောင်းပါးကို ရဲမင်းထင်က ဆီလျော်အောင် ဘာသာပြန်ဆိုသည်)

     

  • ဦးကိုနီလုပ်ကြံခံရတဲ့ နောက်ကွယ်ကအကြောင်းအရင်းကို သူ့မိတ်ဆွေတွေ ဘယ်လိုမြင်လဲ

    ဦးကိုနီလုပ်ကြံခံရတဲ့ နောက်ကွယ်ကအကြောင်းအရင်းကို သူ့မိတ်ဆွေတွေ ဘယ်လိုမြင်လဲ

    မတ် ၁၄၊ ၂၀၁၇
    M-Media

    – ဇန်န၀ါရီ ၂၉ ရက်နေ့က ရန်ကုန်လေဆိပ်မှာ လုပ်ကြံခံလိုက်ရတဲ့ NLD ဥပဒေအကြံပေး တရားလွှတ်တော်ရှေ့နေ ဦးကိုနီဟာ ဖွဲ့စည်းပုံအခြေခံဥပဒေရေးရာ ကျွမ်းကျင့်သူဖြစ်ပြီး စစ်တပ်က နိုင်ငံရေးမှာ အာဏာရယူထားမှုကို လျှော့ချဖို့ ကြိုးစားနေတဲ့အချိန် ဒီလို လုပ်ကြံခံလိုက်ရတာဖြစ်တယ်လို့ မြန်မာ့အရေးကျွမ်းကျင်သူ ဘာတေးလ်လစ်တနာက ပြောကြားလိုက်ပါတယ်။

    လစ်တနာရဲ့ ဒီလိုပြောကြားမှုဟာ ဒီလုပ်ကြံမှုမှာ မပါဝင်ဘူးလို့ ငြင်းဆိုထားတဲ့ စစ်တပ်အပေါ် ရှိနေတဲ့ သံသယတွေကို မီးထပ်ထည့်ပေးလိုက်တာလည်း ဖြစ်ပါတယ်။

    စစ်တပ်က အာဏာယူထား

    ဒေါ်အောင်ဆန်းစုကြည်ရဲ့ အမျိုးသားဒီမိုကရေစီအဖွဲ့ချုပ် ဦးဆောင်တဲ့ အရပ်သားအစိုးရကို အာဏာလွှဲပြောင်းပေးခဲ့ပေမယ့် မြန်မာစစ်တပ်ဟာ ၂၀၀၈ ခုနှစ်က အတည်ပြုခဲ့တဲ့ ဖွဲ့စည်းပုံအခြေခံဥပဒေအရ အာဏာကို ကျယ်ကျယ်ပြန့်ပြန့် ရယူထားဆဲပါ။

    ဖွဲ့စည်းပုံအခြေခံဥပဒေက စစ်တပ်ကို လွှတ်တော်မှာ ၂၅ ရာခိုင်နှုန်း အာမခံပေးထားသလို၊ ဖွဲ့စည်းပုံအခြေခံဥပဒေ မည်သည့်ပြင်ဆင်ချက်ကိုမဆို ပယ်ချနိုင်တဲ့ ဗီတိုအာဏာလည်း ရရှိထားပါတယ်။ ပြည်ထဲရေးဝန်ကြီးဌာနကိုလည်း စစ်တပ်က ထိန်းချုပ်ထားပြီး ဒါဟာ တိုင်းပြည်မှာ အမြဲတမ်းရှိနေမယ့် ဗျူရိုကရေစီ ယန္တရားရဲ့ အ
    များစုကို လုပ်ပိုင်ခွင့်ရထားတာ ဖြစ်ပါတယ်။

    လုပ်ကြံခံလိုက်ရတဲ့ ဦးကိုနီကတော့ စစ်တပ်ရဲ့ ယိုပေါက်ကို တွေရှိခဲ့တာ ဖြစ်ကောင်းဖြစ်နိုင်ပါတယ်။

    ဦးကိုနီနဲ့ ဂျာနယ်လစ်ဇင်သင်တန်းအတွက် အလုပ်အတူတွဲလုပ်ခဲ့ပြီး၊ ရင်းနှီးတဲ့ မိတ်ဆွေလည်းဖြစ်တဲ့ မြန်မာ့အရေးကျွမ်းကျင်သူ ဂျာနယ်လစ် ဘာတေးလ် လစ်တနာကတော့ NLD က ထင်ရှားတဲ့ ဥပဒေအကြံပေးဟာ စစ်တပ်ရဲ့ ဗီတိုအာဏာကို ပရိယာယ်နဲ့ ဟန့်တားဖို့ အသုံးပြုနိုင်မယ့် ပျော့ကွက်တစ်ခုကို တွေ့ရှိခဲ့တယ်လို့
    ယုံကြည်နေပါတယ်။

    “လွှတ်တော်မှာ တစ်ကြိမ်တည်းမဲခွဲပြီး ဖွဲ့စည်းပုံအခြေခံဥပဒေကို ပယ်ဖျက်လို့မရဘူးလို့ ၂၀၀၈ အခြေခံဥပဒေမှာ ဖော်ပြမထားဘူးလို့ (ဦကိုနီက) ပြောခဲ့ပါတယ်” လို့ လစ်တနာက ဆိုပါတယ်။

    နောက်ပြီး ဖွဲ့စည်းပုံအခြေခံဥပဒေကို ဖျက်သိမ်းကာ အသစ်တစ်အုပ်နဲ့ အစားထိုးဖို့ လွှတ်တော်မှာ သာမန်ေ ထာက်ခံမဲအများစုသာ လိုအပ်တယ်လို့လည်း ပြောခဲ့ပြီး၊ ဦးကိုနီဟာ အဲဒီကိစ္စအတွက် လုပ်ဆောင်နေတာဖြစ်တယ်လို့လည်း လစ်တနာက ဖွင့်ဟခဲ့ပါတယ်။

    ဒေါ်အောင်ဆန်းစုကြည်ကတော့ ဒီအစီအစဉ်ဟာ ‘သိပ်အရဲစွန့်လွန်းနေတယ်’ လို့ ယူဆပြီး ဖြည်းဖြည်းချင်းပြုပြင်ပြောင်းလဲတဲ့ ကြိုးပမ်းမှုမျိုးကို ပိုလိုလားတယ်လို့ လစ်တနာက ပြောပါတယ်။ ဒါပေမယ့် ဦးကိုနီကတော့ သူ့အယူအဆပေါ်မှာ ဆက်လက် ရပ်တည်နေပါသတဲ့။

    ဒီလုပ်ကြံမှုကို စုံစမ်းစစ်ဆေးတဲ့ ရဲတပ်ဖွဲ့က ဦးကိုနီကို မကျေနပ်တဲ့သူတွေဟာ ပြီးခဲ့တဲ့နှစ်က လက်ဖက်ရည်ဆိုင်တစ်ခုမှာ ဦးကိုနီကို သတ်ဖြတ်ဖို့ စီစဉ်ခဲ့တယ်လို့ ဆိုပါတယ်။ ဒီအမှုနဲ့ပတ်သက်လို့ လူတော်တော်များများကိုလည်း ရဲတပ်ဖွဲ့က ဖမ်းဆီးခဲ့ပါတယ်။

    သတိပေးချက်

    ဦးကိုနီကို လုပ်ကြံလိုက်တာဟာ သတိပေးဖို့ ရည်ရွယ်တာဖြစ်တယ်လို့ လစ်တနာက ယုံကြည်နေပါတယ်။

    “သူ သတ်ဖြတ်ခံရမှုဟာ အခြေခံဥပဒေကို ပြင်ဆင်ဖို့ စိတ်ကူးနေတဲ့ ဒါမှမဟုတ် စဉ်းစားနေတဲ့ ဘယ်သူ့ကိုမဆို အင်မတန် သိသာတဲ့ အချက်တစ်ခု ပြလိုက်တာပါ။ ဒါ့ကြောင့်ပဲ နေ့ခင်းကြောင်တောင်ကြီး လေဆိပ်မှာ လုပ်ထည့်လိုက်တာပေါ့”

    ဒီလို သတ်ဖြတ်မှုဟာ NLD ပါတီအတွင်း ကြောက်ရွံ့မှု ဖြစ်လာစေတယ်လို့လည်း လစ်တနာက ဆိုပါတယ်။

    NLD ကတော့ ဒီမှတ်ချက်ကို ငြင်းဆိုပါတယ်။ ပါတီရဲ့ ပြောရေးဆိုခွင့်ရှိသူက ဦးကိုနီအသတ်ခံရမှုအတွက် ပါတီတွင်း ကြောက်ရွံ့မှုရှိလာတယ်ဆိုတာကို ငြင်းဆိုပြီး ဦးကိုနီကို ဆုံးရှုံးလိုက်ရတာက ပါတီအတွက် ထိခိုက်ဆုံးရှုံးမှုကြီးတစ်ခုလို့ ၀န်ခံခဲ့ပါတယ်။

    “လုံးဝ မကြောက်ပါဘူး။ (ဦးကိုနီသေဆုံးမှုဟာ) ကြီးမားတဲ့ ဆုံးရှုံးမှုပါ။ တော်တော်ကြီးမားတဲ့ ဆုံးရှုံးမှုပါပဲ”

    ပါတီနဲ့ စစ်တပ်ရဲ့ ဆက်ဆံရေးဟာ အရင်ကလိုပဲဖြစ်ဖြစ်ပြီး နိုင်ငံရေးအနေအထားအတွက် NLD ဟာ ‘လုံးဝ’ ကြောက်ရွံ့နေမှာမဟုတ်ကြောင်း၊ ‘ဖွဲ့စည်းပုံပြင်ဆင်ဖို့ မျှော်လင့်ချက်ကို ဘယ်တော့မှ စွန့်လွှတ်မှာ မဟုတ်ကြောင်း’ ဦးဝင်းထိန်က ထည့်သွင်းပြောကြားခဲ့ပါတယ်။

    အခြေခံဥပဒေ ကျွမ်းကျင်သူ

    နယူးယောက်အခြေစိုက် လူ့အခွင့်အရေးအဖွဲ့ Human Rights Watch က အာရှဆိုင်ရာ ဒုတိယ ဒါရိုက်တာ ဖီလ် ရောဘတ်ဆန်က ဦးကိုနီဟာ စစ်တပ်ကျောထောက်နောက်ခံပြု ၂၀၀၈ ဖွဲ့စည်းပုံအခြေခံဥပဒေကို NLD ထဲမှာ အပြည့်အ၀ နားလည်ထားသူ အနည်းငယ်ထဲက တစ်ဦးဖြစ်တယ်လို့ ဆိုပါတယ်။

    “ရှင်းရှင်းပြောရရင်ဗျာ – ဦးကိုနီဟာ ပညာရှင်တစ်ယောက်ပေါ့။ အခြေခံဥပဒေကို ကိုင်တွယ်ဖို့နဲ့ ပတ်သက်ပြီး NLD ဟာ သူ့နေရာမှာ ဘယ်သူ့ကိုမှ အစားမထိုးနိုင်ပါဘူး။ လက်ရှိ မြန်မာနိုင်ငံရေး အခင်းအကျင်းကို ကြည့်မယ်ဆိုရင် ၂၀၀၈ အခြေခံဥပဒေက အရာအားလုံးရဲ့ ဗဟိုချက်ပါပဲ” လို့ ရောဘတ်ဆန်က FCCT ကို ပြောကြားခဲ့ပါတယ်။

    HIS Janes က လေ့လာဆန်းစစ်သူ တိုနီ ဒါးဗစ်က ဦးကိုနီဟာ စစ်တပ်ရဲ့ လွှမ်းမိုးမှုကို ခြိမ်းခြောက်နေတဲ့ အန္တရာယ်တစ်ခုအဖြစ် ကျယ်ကျယ်ပြန့်ပြန့် မှတ်ယူခံရတယ်လို့ ဆိုပါတယ်။

    “ဒီလူဟာ (စစ်တပ်ရဲ့) ဘဏ်အကောင့်တွေ၊ သူတို့ရဲ့ အနာဂတ်ကို ခြိမ်းခြောက်နေသူအဖြစ်သာ မှတ်ယူခံရတာာ မဟုတ်ပါဘူး၊ သူတို့ရဲ့ ကျဆုံးသွားတဲ့ ရဲဘော်ရဲဘက်တွေ၊ သူတို့ရဲ့ ဖခင်တွေ (၁၉၄၈ ခုနှစ်) လွတ်လပ်ရေး ရကတည်းက ရှုမြင်ခဲ့သလို တိုင်းပြည်အနာဂတ်ရဲ့ ခြိမ်းခြောက်မှုအဖြစ် မှတ်ယူခံရတာပါ”

    နောက်ပြီး ဦးကိုနီ လုပ်ကြံခံလိုက်ရခြင်းဟာ မြန်မာ့နိုင်ငံရေး အခင်းအကျင်းမှာ ‘မျှော်လင့်ချက်မရှိတဲ့ အနေအထား’ ကို ညွှန်ပြနေတာဖြစ်တယ်လို့လည်း ရောဘတ်ဆန်က ပြောကြားခဲ့ပါတယ်။

    နောက်ထပ် အထွေထွေရွေးကောက်ပွဲကတော့ ၂၀၂၀ မှာ ပြုလုပ်မှာ ဖြစ်ပါတယ်။

    Ref : VOA

  • ဦးကိုနီ အသတ်ခံရခြင်းအပေါ် ဒေါ်အောင်ဆန်းစုကြည်၏ နှုတ်ဆိတ်နေမှု အံ့အားသင့်စရာဖြစ်

    ဦးကိုနီ အသတ်ခံရခြင်းအပေါ် ဒေါ်အောင်ဆန်းစုကြည်၏ နှုတ်ဆိတ်နေမှု အံ့အားသင့်စရာဖြစ်

    ဖေဖော်ဝါရီ ၆၊ ၂၀၁၇
    M-Media

    – မွတ်စလင် အထင်ကရ အကြံပေးရှေ့နေတစ်ဦး အသတ်ခံရသည့်အပေါ်တွင် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဖက်မှ လူသိရှင်ကြား ရေငုံနှုတ်ပိတ်နေ နေခဲ့ခြင်း အပေါ် တိုင်းပြည်၏ မတူကွဲပြားသည့် ဘာသာဝင်များအကြား ရပ်တည်ပြောကြားရန် သူမ၏ ၀န်လေး နေမှု့နှင့် တိုင်းပြည်၏ အင်အား အကြီးဆုံး စစ်တပ်အပေါ်တွင် သူမဘက်မှ ကာဗာပေးနေမှု့တို့အား  မေးခွန်း ထုတ်စရာများ မြင့်တက်လာခဲ့သည်။

    ဦးကိုနီမှာ ရန်ကုန်အပြည်ပြည်ဆိုင်ရာ လေဆိပ်တွင် ဇန်န၀ါရီလ နှစ်ဆယ့်ကိုးရက်နေ့၌ လုပ်ကြံ ပစ် သတ်ခြင်းကို ခံလိုက်ရသည်။ ပစ်ခတ်သူအား အခင်းဖြစ်နေရာ၌ပင် လက်ရဖမ်းဆီး မိခဲ့ပြီး လုပ်ကြံ ပစ်ခတ်သည့် အကြမ်းဖက်သမားက မွတ်စလင်တစ်ယောက်အား သတ်ပေးလျှင် သူ့အား ကားဝယ်ဖို့ ပိုက်ဆံပေးမည်ဟု အသိ တစ်ယောက်က ကမ်းလှမ်းခဲ့သောကြောင့် အခုလို သတ်ဖြတ်ရခြင်း ဖြစ်ကြောင်း ရဲအား ၀န်ခံပြောကြားခဲ့သည်။ နောင်တွင် ဆက်စပ်တရားခံများကိုလည်း ထပ်မံ ဖမ်းဆီး ရမိခဲ့သည်။

    ရှေ့နေတစ်ဦးနှင့် အာဏာရပါတီ  အန်အလ်ဒီ ၏ ဥပဒေဆိုင်ရာ အကြံပေးတစ်ဦးလည်း ဖြစ်သော ဦးကိုနီမှာ ယခင်သမ္မတဟောင်း ဦးသိန်းစိန် လက်ထက်ကတည်းက ပြဌာန်းလာခဲ့သော မျိုးစောင့် ဥပဒေဆိုင်ရာ ကန့်သတ်ချက်များအပေါ်တွင် ပွင့်ပွင်းလင်းလင်း ဝေဖန်ခဲ့သူ တစ်ယောက် အဖြစ် နံမည်ကြီးခဲ့သူ တစ်ယောက်ဖြစ်ပြီး ဘာသာရေး အမုန်းတရားများ တားဆီးသည့် ဥပဒေကြမ်းကို လည်း ပြဌာန်းနိုင်အောင် ကူညီအားပေးခဲ့သူ တစ်ယောက် ဖြစ်သည်။

    မကြာသေးခင်နှစ်များအတွင်းက ရခိုင်ဒေသ မြောက်ပိုင်းရှိ ရိုဟင်ဂျာ မွတ်စလင် တို့ အပေါ်တွင် ဖိနှိပ်နေသည့်အတွက်လည်း ကမ္ဘာတစ်ဝှမ်းလုံးက ကျယ်ကျယ် လောင်လောင် ဝေဖန်မှု့ များနှင့် မြန်မာအစိုးရမှာ ရင်ဆိုင်ကြုံတွေ့နေရချိန်လည်း ဖြစ်သည်။ ထိုအချိန်တွင်၊ တိုင်းပြည်၏ မွတ်စလင်များ အပေါ်တွင် ဗုဒ္ဓဘာသာ လူများစုကြီးက လူမှု့ရေး။ နိုင်ငံရေး တုန့်ပြန်မှု့များဖြင့် ရင်ဆိုင်နေရချိန်လည်း ဖြစ်သည်။

    ယင်းကိစ္စနှင့် ပတ်သတ်၍ ဒေါ်အောင်ဆန်းစုကြည်၏ တုံဏှိဘာဝေ လုပ်နေခြင်းက သူမ၏ ပြည်တွင်း မှာရော၊ နိုင်ငံရပ်ခြားမှာပါ ရှင်းရှင်းလင်းလင်း မြင်လာရသည်။ ဇန်န၀ါရီလ သုံးဆယ်ရက်နေ့တွင် ကျင်းပပြုလုပ်ခဲ့သည့် ဦးကိုနီ၏ နာရေးဈာပဏကိုလည်း သူမကိုယ်တိုင် မတက်ရောက်ခဲ့။ ယုတ်စွ အဆုံး သူမသည် ဦးကိုနီ၏ မိသားစုများကိုပင် သွားရောက် မတွေ့ဆုံခဲ့။ နိုင်ငံတော် သမ္မတရုံးကတော့ “တိုင်းပြည် မငြိမ်မသက်ဖြစ်အောင် ကြံရွယ်လုပ်ဆောင်ခြင်း” ဟု ခေါင်းစဉ် တပ်ခဲ့ပြီး ပြည်သူလူထုအား တည်တည်ငြိမ်ငြိမ်ဖြင့် ရင်ဆိုင်ကြရန် တိုက်တွန်း နှိုးဆော်သည့် စာတစ်စောင် သာ ထုတ်ပြန်ခဲ့သည်။ သို့သော် စုကြည် ကိုယ်တိုင်ကမူ ယင်းကိစ္စနှင့် ပတ်သတ်လာလျှင် ခပ်မဆိတ်သာ နှုတ်ဆိတ်လို့ နေခဲ့ ပါသည်။

    ဦးကိုနီ ကိုယ်တိုင်ကတော့ စစ်အစိုးရ စီမံရေးဆွဲခဲ့သည့် ဖွဲ့စည်းပုံ အခြေခံဥပဒေဆိုင်ရာ မူကြမ်းတွင် သူမ ဘယ်လိုမှ မဖြစ်နိုင်တော့သည့် သမ္မတ ရာထူးနေရာ၌ ဒေါ်အောင်ဆန်းစုကြည်အား နိုင်ငံတော် အတိုင် ပင်ခံရာထူး တစ်နေရာအဖြစ် ပြီးခဲ့သော မတ်လက ဂွင်ဆင်ပေးခဲ့၍ မြန်မာ့ အာဏာရ ခေါင်း ဆောင် ဖြစ်လာခဲ့သည်။ သူမအပေါ်တွင် နိုင်ငံရေးအရ အနစ်နာခံပံ့ပိုးပေးထားခဲ့သော သူတစ်ယောက်၏ မျက်နှာကိုတောင်မှမထောက်၊ သူမဖက်က အေးစက်စက် နိုင်လှသည့် သဘောထားကို ကြည့်၍ သူမသည် တိုင်းပြည်အတွင်း မွတ်စလင် ဆန့်ကျင်ရေး လှုပ်ရှားမှု့များအပေါ် အပြီးတိုင် ချေမှုန်းပစ်ရန် စိတ်ပါပုံ မရကြောင်း ထင်ရှားလေသည်။

    အရပ်သားအစိုးရမှာမူ လူထု လုံခြုံရေးကိစ္စနှင့် ပတ်သတ်လာလျှင် အကန့်သတ်များနဲ့သာ ရှိနေ ကြောင်း ဖြစ်သွားသည့် အဖြစ်ပျက်များက မီးမောင်းထိုးပြနေပါသည်။ ရဲဌာနများကို ထိန်းချုပ်ထား သည့် ပြည်ထဲရေး ၀န်ကြီးဌာနမှာလည်း စစ်တပ်၏ အုပ်စိုးမှု့ အောက်တွင်သာ ရှိနေသည်။ တပ်မတော် ကတော့ လုပ်ကြံသတ်ဖြတ်မှု့အား စုံစမ်းစစ်ဆေးရာ၌ အပြည့်အ၀ ပါဝင်ပူးပေါင်း ဆောင်ရွက်ပါမည်ဟု သတင်းထုတ်ပြန်ခဲ့သည်။ သို့သော် နောက်ဆုံး ရရှိထားသည့် သတင်းများအရ ရဲဘက်မှ သတင်းထုတ် ပြန်ချက်များမှာလည်း အွန်လိုင်းပေါ်ဝယ် အခြားသော အကောင့်များအကြားတွင် သံသယဖြစ်ဖွယ် ပေါက်ကြားနေမှု့ဖြင့် လူသတ်မှု့ကိစ္စတွင် ကိုင်တွယ်နေသည့် လုပ်ထုံးလုပ်နည်းများနှင့် ပတ်သတ်၍ မေးခွန်းထုတ်စရာများ မရေတွက်နိုင်အောင်ပင် ရှိနေသည်။

    ဦးကိုနီမှာ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးအတွက် အန်အလ်ဒီပါတီ၏ အမာခံ ရဲဘော် ရဲဘက် တစ်ယောက်လည်း ဖြစ်သည်။ ထို့ပြင် စစ်တပ်အတွင်းမှာပင် သူအား စိုးရိမ်ပူပန်မှု့များ ဒီရေ အလား တိုးပွားလာခဲ့သည်မှာ ကြာလှပြီ။ စစ်တပ်ဦးဆောင်သည့် စုံစမ်း စစ်ဆေးရေး တစ်ရပ်မှာ  တကယ်ပဲ ဘက်မလိုက်ဖြစ်ရဲ့လားဆိုတာကိုတော့ တစ်ချို့က မေးခွန်းထုတ်နေကြပါ၏ ။

    (Nikkei သတင်းဌာနမှ Suu Kyi’s silence on Muslim adviser’s murder raises eyebrows ဆောင်းပါးကို ဒေါ်ရိတ်ကြီး ဘာသာပြန်သည်။)