“ရခိုင်ပြည် ကျောက်နီမော်နှင့် တောင်ကုတ်မြို့များတွင် ဖြစ်ပွါးခဲ့သော လူသတ်မှုများနှင့် ပက်သက်၍ အမှုမှန်ပေါ်ပေါက်ရေး ပြန်လည်စစ်ဆေးပေးပါရန် နိုင်ငံတော် သမ္မတကြီး ဦးသိန်းစိန်သို့ တင်ပြတောင်းဆိုခြင်း”
သို့
ဦးသိန်းစိန်
နိုင်ငံတော် သမ္မတ
သမ္မတရုံး၊ နေပြည်တော်
မှ
ဦးကျော်ဦး
အမှတ် ၂၃၂-၈၃ လမ်း၊ ၂၇-၂၈ လမ်းကြား
မန္တလေးမြို့။
ရက်စွဲ။ ။ ၂၀၁၂ ခု အောက်တိုဘာ (၂၇) ရက်
အကြောင်းအရာ။ ။ ရခိုင်ပြည်နယ် ကျောက်နီမော်ကျေးရွာနှင့် တောင်ကုတ်မြို့များတွင် ဖြစ်ပွါးခဲ့သော လူသတ်မှုများကို အမှုမှန်ပေါ်ပေါက်ရေး၊ တရားခံ အစစ် အမှန် ဖေါ်ထုတ်ရေးအတွက် အထူးခုံရုံး ဖွဲ့စည်း၍ နိုင်ငံတော်အဆင့် တရားသူကြီးများဖြင့် အများပြည်သူ ရှေ့မှောက်တွင် ထင်သာမြင်သာရှိစွာ ပြန်လည် စစ်ဆေးပေးပါရန်-
သမ္မတကြီးခင်ဗျား-
ရိုသေ လေးစားစွာ စာရေးတင်ပြ တောင်းဆိုပါသည်။
၁။ ကျွန်တော်သည် မြန်မာနိုင်ငံသား အစ္စလာမ်ဘာသာဝင်တစ်ဦး ဖြစ်ပါသည်။ ကျွန်တော်၏ မိဘ ဘိုးဘွားမှစ၍ မြန်မာနိုင်ငံသားများ ဖြစ်ကြပြီး ကျွန်တော် ယခုနေထိုင်သောမြေနေရာတွင် မန္တလေးမြို့ စတင်တည်ထောင်စဉ်ကပင် နေထိုင်ခဲ့ပါသညါ။ ကျွန်တော်၏ ဘိုးဘေးများသည် မင်းတုန်းမင်းလက်ထက် မင်းမငထမ်းများ ဖြစ်ပါသည်။ ကျွန်တော်တို့၏ မူလ ဘိုးဘေးအဆက်အသွယ်များသည် လွန်ခဲ့သော နှစ်ပေါင်း ၅၀၀ ကျော် အင်းဝခေတ်ကတည်းက အင်းဝမြို့တောင်ဘီလူးရပ်တွင် နေထိုင်ခဲ့ကြပါသည်။ အင်းဝမြို့တောင်ဘလူး(တောင်ဘီလူး) ရပ်ကွက်တွင် ယနေ့အထိ ဗလီတွင်းဟု အရပ်ကခေါ်နေသည့် ရေတွင်းတစ်တွင်း ရှိပါသည်။ ထိုရေတွင်းနှင့် မလှမ်းမကမ်းတွင် အင်းဝခေတ်က ကျွန်တော်တို့၏ ဘိုးဘေးများ ဝတ်ပြုခဲ့သည့် ရှေးဟောင်းဗလီ၏ အုတ်မြစ်အုတ်ရိုးများ ရှိနေပါသည်။ တောင်ဘလူရပ်မှ မြန်မာ့ရိုးရာ ယွန်းပညာရှင် ကိုဇော်မင်းထွန်း၏ အိမ်အနီးတွင် အင်းဝခေတ် တောင်ဘလူဗလီ၏ အုတ်ရိုးအစအန အကြွင်းအကျန်များ ယနေ့တိုင် တွေ့ရှိနိုင်ပါသေးသည်။ အင်းဝမြို့မြစ်သာရပ်တွင်လည်း ကျွန်တော်တို့၏ ရှေးဟောင်းမျိုးဆက်များ ယနေ့တိုင်နေထိုင်လျှက် ရှိကြပါသည်။ ဤသို့ ရှည်လျားစွာ တင်ပြနေရခြင်းမှာ ယခု သမ္မတကြီးထံ စာရေးနေသူသည် သမ္မတကြီး အုပ်ချုပ်နေသည့် နိုင်ငံ၏ နိုင်ငံသားစစ်စစ် တစ်ဦးဖြစ်ကြောင်း သိစေလို၍ ဖြစ်ပါသည်။
၂။ သမ္မတကြီးထံ ယခုလို စာရေးသား တင်ပြရခြင်းမှာလည်း သာမန်ရေးရိုးရေးစဉ် လုပ်ငန်းသဘော ရေးနေခြင်းမဟုတ်ပါ။ ယခု အသက်အရွယ်အထိ ကျွန်တော်သည် နိုင်ငံတော် အကြီးအကဲ အပါအ၀င် အုပ်ချုပ်ရေး အာဏာပိုင် အဆင့်ဆင့်ထံ စာရေးတင်ပြသည်ဟူ၍ မရှိခဲ့ဘူးပါ။ ထိုသို့ မရေးခဲ့ခြင်းမှာ ရေးစရာအကြောင်း မရှိ၍ မဟုတ်ပါ။ ကျွန်တော့် တစ်သက်တာကြုံတွေ့ခဲ့ရသော နိုင်ငံရေး၊လူမျိုးရေး၊ သာသနာရေး၊ အမျိုးသားရေး ကိစ္စများနှင့် ပက်သက်၍ နိုင်ငံတော်သို့ တင်ပြစရာ၊ အသိပေးစရာများ ကြုံခဲ့ ရှိခဲ့ပါသည်။ သို့သော် ကျွန်တော်ရေးသည့်စာ အမှိုက်ခြင်းထဲ ရောက်မှာကို သိထားသောကြောင့် မရေးခဲ့ခြင်း ဖြစ်ပါသည်။ ယခုသမ္မတကြီးမှာ ပြုပြင်ပြောင်းလဲရေးကို ကမ္ဘာသိ ကြွေးကြော်ပြီး ကမ္ဘာကလက်ခံအောင်လည်း လုပ်ပြသော၊ ယခင်ခေါင်းဆောင်များနှင့် ဘယ်လိုမှ မယှဉ်နိုင်သော သမ္မတကြီး ဖြစ်ပါသည်။
သမ္မတကြီး၏ အောင်မြင်မှုများအတွက် နိုင်ငံသားတစ်ယောက် အနေနှင့် ရင်ထဲ အသဲထဲက ဂုဏ်ယူမိပါသည်။
သမ္မတ သက်တမ်း ကုန်ဆုံးသည်အထိ ယခု အရှိန်အဟုန်အတိုင်း အောင်မြင်မှု သရဖူ ဆောင်းနိုင်ရန် မျှော်လင့် ဆုတောင်းမိပါသည်။
သမ္မတကြီးကို မိဘသဖွယ် သဘောထားပြီး အားကိုးတကြီး တင်ပြနေခြင်း ဖြစ်သည်ကိုလည်း လက်ခံစေချင်ပါသည်။
၃။ သမ္မတကြီးခင်ဗျား။ ဒီနေ့ဟာ ကျွန်တော်တို့ အစ္စလာမ် ဘာသာဝင်များရဲ့ နေ့ထူးနေ့မြတ် အီးဒ်နေ့ဖြစ်ပါတယ်။ ကျွန်တော်တို့ မွတ်စလင်မ်များအတွက် တစ်နှစ်မှာ နှစ်ရက်ဘဲရှိတဲ့ တရားဝင် ပျော်ပွဲရွှင်ပွဲရဲ့ ရက်တစ်ရက် ဖြစ်ပါတယ်။ ဒါပေမယ့် ကျွန်တော်တို့ မပျော်နိုင်ပါဘူး။ ကျွန်တော်တို့ ဆိုရာမှာ မြန်မာနိုင်ငံ တစ်နံတစ်လျားမှာ ရှိနေတဲ့ မွတ်စလင်မ်အားလုံးကို ဆိုလိုတာပါ။ နိုင်ငံတော်က အီးဒ်လုပ်ဖို့ ခွင့်ပြုတယ်လို့ ဆိုတယ်။ ကျွန်တော်တို့ရဲ့ အဖွဲ့အစည်းခေါင်းဆောင်များက လုံခြုံရေးမရှိလို့ အီးဒ်မလုပ်ပါနဲ့လို့ ကြေညာတယ်။ တကယ်လဲ အစ္စလာမ်ကို ဦးတည်ထိုးနှက်နေတဲ့ လှုပ်ရှားမှုများကို နေရာ အတော်များများမှာ တွေ့နေရပါတယ်။ ဒီလို ထိလွယ်ရှလွယ် အနေအထားမှာ ဘာသာရေး အဖွဲ့ကြီးက အီးဒ်မလုပ်ပါနဲ့လို့ ကြေညာတာလဲ အပြစ်ပြောလို့ မရပါဘူး။
၃။ ကျွန်တော်တို့ ဘာကြောင့် ဒီအဖြစ်မျိုး ကြုံရတာလဲ။ ဒီကနေ့ မနက်မိုးလင်းကတည်းက ကျွန်တော့်ခေါင်းထဲမှာ ဒီမေးခွန်းပဲ ရှိနေပါတယ်။ ကျွန်တော်တို့ ဘာအပြစ်လုပ်မိသလဲ။ ကျွန်တော်တို့ ဘာမှားနေသလဲ။ ကျွန်တော်တို့ ဘယ်လောက်များ ကြီးလေးတဲ့ ပြစ်မှုတွေ ကျူးလွန်မိလို့ ခုလို မလုံမခြုံဘ၀ကို ရောက်ရတာလဲ။
ကျွန်တော်ကိုယ်တိုင် ယခုအသက် ၅၀ ကျော်သည်အထိ ရာဇ၀တ်မှု တစ်စုံတစ်ရာကြောင့် ပြစ်ဒဏ်ကျခံခဲ့ဖူးခြင်း မရှိဖူးပါ။ နိုင်ငံသားကောင်းပီသစွာ တစ်သက်တာ နေထိုင်ခဲ့ပါတယ်။ မိဘကအစ ဆွေမျိုးသားချင်း အများအပြားဟာ နိုင်ငံ့ဝန်ထမ်းများ ဖြစ်ပြီး ရာဇ၀တ်မှု အမျိုးမျိုးနဲ့ ကင်းသူများ ဖြစ်ပါတယ်။ ကျွန်တော့် ပတ်ဝန်းကျင် ကျွန်တော့်အသိုင်းအ၀ိုင်းမှာလည်း ဥပဒေလေးစား လိုက်နာသူများ၊ ကောင်းရောင်း ကောင်းဝယ် သမာအာဇီဝလုပ်ကိုင် စားသောက်သူများချည်း ဖြစ်ပါတယ်။ သူတို့အားလုံးလည်း ဒီကနေ့ မပျော်နိုင်ကြပါဘူး။
၎။ ဒီကနေ ဖြစ်နေတဲ့ အခြေအနေအရပ်ရပ်ဟာ ကျွန်တော် ယခုတင်ပြတဲ့ မသီတာထွေးအသတ်ခံရမှုကို အခြေခံပါတယ်။ မသီတာထွေး အသတ်ခံရတဲ့အတွက် တောင်ကုတ်မြို့မှာ အပြစ်မဲ့တဲ့ အစ္စလာမ်ဘာသာဝင် နိုင်ငံသား (၁၀)ဦး အသတ်ခံရပါတယ်။ အဲဒီအပြစ်မဲ့နိုင်ငံသား (၁၀) ဦးဟာ ရက်ရက်စက်စက် အသတ်ခံရပြီးနောက် မပြီးသေးဘဲ သူတို့အကြောင်း သတင်းစာမှာ ဖေါ်ပြရာမှာ “မူစလင်ကုလား” တွေလို့ ဒုတိယအကြိမ် ရက်ရက်စက်စက် အစော်ကား ခံကြရပါတယ်။ အပြစ်မဲ့ အသတ်ခံရသူတွေကို “မူစလင်ကုလား”တွေလို့ ရေးတာ သိပ်ရင့်သီးလွန်းပါတယ်လို့ တင်ပြတော့ “ပြည်တွင်းနေ မွတ်စလင်မ်များ” ဆိုပြီး ပြင်ပေးတယ်။ ပြည်တွင်းနေ မွတ်စလင်မ် ဆိုတဲ့ စကားရဲ့ အဓိပ္ပါယ်က စဉ်းစားကြည့်ရင် “မူစလင်ကုလား” ဆိုတာထက် ပိုပြီး ဆိုးရွားပါတယ်။ အပြစ်မဲ့ ရက်ရက်စက်စက် အသတ်ခံရပြီးတဲ့နောက်မှာ မြန်မာနိုင်ငံသား (၁၀)ဦးဟာ “နိုင်ငံမဲ့တွေ” အဖြစ် ကြေညာခံရတယ်လို့ ကျွန်တော်တို့ အဓိပ္ပါယ် ကောက်လို့ ရပါတယ်။ တတိယမြောက် ရက်စက်စော်ကားခံရတာပါ။
သူတို့က ဘာအပြစ်ကြောင့် အသတ်ခံရတာလဲဆိုရင် အစ္စလာမ်ဘာသာကိုးကွယ်မိလို့ အသတ်ခံရတာပါလို့ ဖြေရမှာပါ။ ဘာကြောင့်လဲဆိုတော့ ခရီးသည်တင်ကားပေါ်မှာပါတဲ့ ခရီးသည်တစ်ပြုံကြီးထဲက အစ္စလာမ်ဘာသာကိုးကွယ်တဲ့ သူတို့ (၁၀)ယောက်ကို အသေအချာရွေးချွယ်ပြီး ကမ်းကုန်အောင်ရက်စက်တဲ့ နည်းလမ်းတွေနဲ့  သတ်ဖြတ်ခဲ့တာဖြစ်လို့ ပါဘဲ။ မြို့ ပေါ်မှာ လူစုလူဝေးနဲ့  လုပ်ခဲ့တဲ့ ဒီလူသတ်ပွဲကြီးအတွက် မျက်မြင်သက်သေ မရှိဘူးဆိုတာလဲ အတော်ထူးဆန်းအံ့သြဖွယ်ပါဘဲ။ ကြိုတင်ကြံစည်တိုင်ပင်ထားလို့ (သို့မဟုတ်) ကြိုတင်နှုတ်ပိတ်ထားလို့ သာ ဒီလောက် ပိရိတာဖြစ်တယ်။
ဒီလိုလူဗိုလ်ပုံအလယ်မှာ အပြစ်မဲ့တဲ့လူ(၁၀)ယောက်၊ (၁၁)ယောက်ကို မျက်မြင်သက်သေမရှိအောင် သတ်နိုင်ခြင်းဟာ နောက်ပိုင်း ယနေ့ ထိ လူစုလူဝေးနဲ့  အနိုင်ကျင့် လုယက်သတ်ဖြတ်မှုတွေကို လက်ရဲဇက်ရဲဖြစ်အောင် မီးစိမ်းပြလိုက်ခြင်းသာ ဖြစ်တယ်လို့ ဆိုရင် ဘယ်သူမှငြင်းနိုင်မှာ မဟုတ်ပါဘူး။ ဒီအမှုရဲ့  တရားခံအစစ်အမှန်တွေနဲ့  နောက်ကွယ်က သွေးထိုးလှုံ့ ဆော်သူတွေကို တရားခွင် မတင်နိုင်မခြင်းလည်း ရခိုင်ပြည်ဟာ အေးချမ်းမှာ မဟုတ်ပါဘူး။ ဒီလိုဘဲ ကျွန်တော်အနေနဲ့  တိတိကျကျ ယုံကြည်လို့  သမ္မတကြီးထံ တင်ပြတောင်းဆိုနေခြင်းဖြစ်ပါတယ်။
၅။ သတင်းခေတ်မှာ ရှေ့ ဆင့်နောက်ဆင့်ဖြစ်ပွားတဲ့ ဒီအမှုနှစ်ခုဟာ ကမ္ဘာကို ဂယက်ရိုက်သွားခဲ့ပါတယ်။ အဲဒီလို ကမ္ဘာကစောင့်ကြည့်နေတဲ့ ရက်ပိုင်းမှာဘဲ မသီတာထွေးကို သတ်တဲ့ အဓိကတရားခံ ဆိုသူဟာ ကိုယ့်ကိုယ်ကို သတ်သေသွားတယ်လို့  ကြေညာပါတယ်။ ဒီလို အဓိကတရားခံ သွေးရိုးသားရိုးမဟုတ်တဲ့ ပုံစံနဲ့  သေဆုံးခြင်းအပေါ် ဥပဒေပညာရှင်တော်တော်များများ သံသယရှိကြပါတယ်။ ထောင်နဲ့ ချီတဲ့ လူစုလူဝေးတွေရဲ့  စွက်ဖက်နှောင့်ယှက်တဲ့ ကြားက ကြားနာစစ်ဆေးရတဲ့ တရားစီရင်ရေးဟာလဲ လွတ်လပ်တဲ့ တရားစီရင်ရေး ဖြစ်နိုင်မဖြစ်နိုင် များစွာ မေးခွန်းထုတ်စရာဖြစ်ပါတယ်။ ကျွန်တော်ကိုယ်တိုင်က ဥပဒေပညာရှင်မဟုတ်လို့  ဥပဒေကြောင်းအရ အချက်အလက်ကျအောင်တော့ တင်ပြနိုင်မှာ မဟုတ်ပါဘူး။ ဒါပင်မဲ့ ကမ္ဘာက စိတ်ဝင်စားနေတဲ့ အမှုတစ်ခုရဲ့  အဓိကတရားခံသေဆုံးတဲ့ ကိစ္စကို ဒီလောက်နဲ့ ပြည်ဖုံးကာချလိုက်တာတော့ ဥပဒေပညာရှင်များ သံသယ၀င်မယ်ဆိုလည်း ၀င်ထိုက်တယ်လို့  ကျွန်တော် ယူဆပါတယ်။
၆။ သမ္မတကြီးမှာ လုပ်ပိုင်ခွင့်တွေ အများကြီးရှိပါတယ်။ တိုင်းပြည်ရဲ့ သမိုင်းကြောင်း ပြောင်းသွားလောက်အောင် အကျိုးဆက်ကြီးမားတဲ့ ဒီအမှုအခင်းနှစ်ခုကို ပြန်လည်စစ်ဆေးဖို့  လောက်တော့ သမ္မတကြီးအနေနဲ့  အမိန့် ပေးပိုင်ခွင့်ရှိတယ်လို့  ကျွန်တော်ယုံကြည်ပါတယ်။ ဒီလိုလုပ်တာဟာ တရားစီရင်ရေးကို ၀င်ရောက်စွက်ဖက်တာမဟုတ်ဘဲ တရားစီရင်ရေးကို ၀င်ရောက် ထိန်းကျောင်း တည့်မတ်ပေးတာလို့  ကျွန်တော် သဘောပေါက်ပါတယ်။ ဒီလိုအမှုနှစ်ခုကို နည်းလမ်းတကျ အမှန်တရားပေါ်ပေါက်ရေးအတွက် ထင်သာမြင်သာရှိစွာ ပြန်လည်စစ်ဆေးဖို့  အမိန့် ချတဲ့အတွက် သမ္မတကြီးမှာ နိုင်ငံရေးအရ ကြီးမားတဲ့ထိခိုက်နစ်နာမှုမရှိဘူးလို့ လဲ ကျွန်တော် ရိုးသားစွာ နားလည်မိပါတယ်။ ဒီလိုပြန်လည်စစ်ဆေးလိုက်မယ်ဆိုရင် ဒီလုပ်ရပ်ဟာ တိုင်းပြည်အတွက် အသေအလဲလိုအပ်နေတဲ့ အမှန်တရားတစ်ခု အချိန်မီ ပေါ်ထွက်အောင် ကြိုးပမ်းခဲ့တဲ့ သမ္မတကြီးရဲ့  ကြိုးပမ်းအားထုတ်မှုတစ်ရပ် ဖြစ်သွားမှာပါ။ ရိုးသားဖြူစင်သူဆိုတဲ့ သမ္မတကြီးရဲ့  ကျော်ဇောလှတဲ့ ဂုဏ်ပုဒ်ကို မှတ်ကျောက်တင် အတည်ပြု ပေးမဲ့ ကြိုးပမ်းမှုဖြစ်သွားမှာပါ။ ဒါသာမက သမ္မတကြီးရဲ့  တစ်သက်တာ စွမ်းဆောင်အောင်မြင်မှုတွေ ထဲမှာ သမိုင်းဝင်တဲ့ စွမ်းဆောင်မှုဖြစ်သွားမှာပါ။ ဘာကြောင့်လည်းဆိုတော့ မြန်မာနိုင်ငံရဲ့ ပစ္စက္ခသမိုင်းဟာ သမ္မတကြီး ကိုယ်တိုင်လက်နဲ့  ရေးတဲ့သမိုင်းပါ။ ဒီသမိုင်းထဲမှ ရခိုင်ပြည်ရဲ့အခန်းကို ဖယ်ထားချန်လှပ်ထား ကျော်သွားလို့  မရပါဘူး။
၇။ ဒီအမှုနှစ်ခုကို ပြန်လည်စစ်ဆေးတဲ့အတွက် ရရှိမဲ့အကျိုးရလဒ်တွေကို ကျွန်တော်နေတဲ့ အကျယ်တ၀ံ့ရေးလိုလှပါတယ်။ ဒါပင်မဲ့ သမ္မတကြီးရဲ့ တန်ဖိုးရှိလှတဲ့ အချိန်နာရီ မိနစ်တွေကို ထောက်ထားပြီး ဒီမျှဘဲ တင်ပြလိုက်ပါတယ်။
၈။ အမှုမှန်ပေါ်ပေါက်ဖို့ လိုအပ်ပါလျက် ကြိုးစားခြင်းမရှိဘဲ ဒီအမှုနှစ်ခုကို ဒီအတိုင်းပဲ ထားလိုက်မယ်ဆိုရင် ဒီအမှုများကို အကြောင်းပြုပြီး နောက်ဆက်တွဲဖြစ်နေတဲ့ ပဋိပက္ခများဟာလည်း ဆက်ပြီးဖြစ်နေအုံးမှာပဲ။ ရခိုင်ပြည်မှာ ဒီနေ့အထိ ပဋိပက္ခတွေ ဖြစ်နေဆဲပါ။ လူသားဆိုတဲ့ ဂုဏ်ပုဒ်ကိုပင် မထောက်ထားတော့ဘဲ အညှာတာကင်းစွာ လုယက်သတ်ဖြတ်မီးရှို့ နေဆဲပါ။ ဒီကသောင်းကနင်းဖြစ်ရပ်တွေထဲက မကြားမ၀ံ့မနာသာ သတင်းဆိုးတွေကိုလဲ နေ့ စဉ်ကြားနေရဆဲပါ။ ဒီသတင်းဆိုးတွေ ဘယ်အထိ မှန်တယ် မှားတယ် ကျွန်တော် မသုံးသပ်နိုင်ပါ။ သေချာတာကတော့ ဒီကနေ့ ဖြစ်နေသမျှ အားလုံးဟာ သံသယဖြစ်ဖွယ် စစ်ဆေးခံရတဲ့ လူသတ်မှုတစ်ခုကို အကြောင်းပြုနေခြင်း ဖြစ်ပါတယ်။ ထို့ပြင် ရခိုင်ပြည်ပြင်ပမှ အခြားတိုင်းနှင့် ပြည်နယ်များတွင် နေထိုင်လျှက်ရှိသော ကျွန်တော်တို့ မြန်မာမွတ်စလင်မ်များသည်လည်း ရခိုင်ပြည် ကသောင်းကနင်းဖြစ်မှု၏ ရိုက်ခတ်မှုဒဏ်ကို ခံစားနေရပါတယ်။ ငလျင်ရဲ့ အဖျားအနား လှုပ်ခတ်မှုကို ကြည့်ရုံနဲ့ ငလျင်ရဲ့ ဗဟိုချက်မ ဘယ်လောက်ပြင်းထန်မယ်ဆိုတာ စာနာခံစားကြည့်လို့ ရပါတယ်။ ပြောရမယ်ဆိုရင် ဒီကနေ့ ရခိုင်ပြည်က အပြစ်မဲ့ လူသားတွေဟာ သူတို့ မကျူးလွန်တဲ့ ရာဇ၀တ်မှုတစ်ခုရဲ့ နောက်တိုး တရားခံများအဖြစ် ပြစ်ဒဏ်ခံရလျှက် ရှိပါတယ်။
၉။ တပြိုင်နက်မှာဘဲ ဒီအမှုတွေကို ပြန်လည် စစ်ဆေးပြီး လုံလောက်တဲ့ အရေးယူ ဆောင်ရွက်မှုတွေ မပြုမချင်း၊ တခြားတိုင်းနဲ့ ပြည်နယ်များမှာ နေထိုင်ကြတဲ့ ကျွန်တော်တို့ မြန်မာမွတ်စလင်မ်များဟာလည်း သမ္မတကြီး ဦးဆောင် တည်ထောင်တဲ့ ဒီမိုကရက်တစ် လူ့ဘောင်ကြီးထဲမှာ အားကိုးရာမဲ့ မျက်နှာငယ်ရတဲ့ ဘ၀၊ လုံခြုံမှု မရှိတဲ့ ကျီးလန့်စာစားဘ၀၊ မျှော်လင့်ချက်မဲ့ အနာဂတ် ပျောက်ဆုံးတဲ့ဘ၀များနဲ့ ဆက်လက်ရင်ဆိုင်ကြရဦးမှာဘဲ ဆိုတာကို ၀မ်းနည်းကြေကွဲစွာ အသိပေးတင်ပြလိုက်ရပါတယ်။
လေးစားစွာဖြင့်
ကျော်ဦး
EMDY -၃၅၁၉၁၇
အမှတ်(၂၃၂) ၈၃လမ်း၊ ၂၇x၂၈လမ်းကြား မန္တလေးမြို့ 
ခေတ္တ- အမှတ်(၁၀၃) ၊ ၅ရပ်ကွက် ၊ ရကက(၃)
ပြင်ဦးလွင်မြို့ 