Tag: UHtayNaing

မိုးပေါ်မှအပ်တစ်ချောင်းနှင့်  မြေပြင်မှအပ်တစ်ချောင်းထိတွေ့ရန်ထက် လူ့ဘဝ ရလာဖို့မှာ ပို၍မလွယ်ကူကြောင်း သိကြပါသည်။ ရရှိလာသောလူ့အသက်ကို  မိမိ အသက်နှင့်ရင်းပြီး   ကယ်တင်ခဲ့သည့်လုပ်ရပ်သည်  အင်မတန်လေးစားဂုဏ်ယူဖွယ်ကောင်းသည်ဆိုလျှင် မှားမည်မထင်ပါ။ နေရာအနှံ့၊  ဒေသအနှံ့အပြားတွင်  သဘာဝဘေးအန္တရာယ်ကျရောက်မှုကို လည်းကောင်း၊  ရောဂါဘယဖြစ်ပွားမှုကိုလည်းကောင်း၊   ရုတ်တရက်ပေါ်ပေါက်လာသော ဘေးအန္တရာယ်များကိုလည်းကောင်း လူသားအချင်းချင်း  စာနာထောက်ထား
သောစိတ်ဓာတ်ဖြင့် သူ့နည်းသူ့ဟန်ကယ်တင်ကာ ကောင်းကျိုးပြုလျက်ရှိကြသည်။ စာရေးသူ၏ပတ်ဝန်းကျင်တွင် ကြုံတွေ့ခဲ့ရသော မှတ်ကျောက်တင်ခံနိုင်သည့် ဖြစ်ရပ်မှန်ဖြစ်စဉ်တစ်ခုအား တင်ပြလိုပါသည်။
၁၀-၄-၂၀၁၂ ရက်တွင်  မော်လမြိုင်မှရန်ကုန်သို့ထွက်ခွာလာသည့် အမှတ် (၁၇၆)အစုန်ရထားသည် ဒါးပိန်ဘူတာသို့မရောက်မီ ၁၀း၁၂ နာရီအချိန်၌ ပေ ၁၂၀ အရှည်ရှိတံတားပေါ်တွင်   ဖြစ်စဉ်တစ်ခုဖြစ်ပွားခဲ့ပါသည်။ မော်လမြိုင်ဘူတာမှ ည ၁၂ နာရီအချိန်ထွက်ခွာလာသော   ထားဝယ်-မော်လမြိုင်-ရန်ကုန်ရထားသည် စက်ခေါင်း၏ နောက်တွင် တွဲ ၁၀ တွဲ ချိတ်ဆက်လျက် စက်ခေါင်းမောင်း၏ဦးဆောင် မောင်းနှင်ခေါ်ယူမှုအောက်တွင် သတ်မှတ်အမြန်နှုန်းဖြင့် ခုတ်မောင်းလျက်ရှိရာ ရထားသံလမ်းပေါ်မလွတ်ကင်းသည့် လူ/တိရစ္ဆာန်များတွေ့ရှိရပါက  ဥဩဆွဲသတိပေးခြင်းဖြင့် ဘေးအန္တရာယ်ကင်းရှင်းစွာ မောင်းနှင်ခဲ့ပေသည်။

ရထားလာသည်ကို တွေ့မြင်ကြားသိလျှင်လည်း ရထားသံလမ်းပေါ်တွင်ရှိနေသော လူ/တိရစ္ဆာန်များသည် ရထားရောက်မလာမီအချိန်အတွင်း   ရှင်းလင်းသွားသည်သာဖြစ်ပါသည်။   သို့ရာတွင် တစ်ကြိမ်တစ်ခါ၌  ရထားလမ်းပေါ်မှဆင်းမသွားသည့်လူနှစ်ဦးကို  စက်ခေါင်းမောင်းသည် ခပ်လှမ်းလှမ်းမှတွေ့မြင်ရချိန်တွင် ရထားအားအရှိန်လျှော့ပြီး စက်ခေါင်းဘရိတ်နှင့်အရေးပေါ်ဘရိတ်   (Emergency Brake)တို့ကိုအသုံးပြုကာ  ရထားရပ်တန့် နိုင်ရေးဆောင်ရွက်ခဲ့ရသည်။ ရထားမောင်းနှင်ရာတွင် အရေးပေါ်အခြေအနေမှအပ Emergency Brake ကို အသုံးပြုခဲသည်။ ထိုသို့အသုံးပြုပါက အရှိန်နှင့်သွားနေသော ရထားသည် တွဲဆိုင်းများ၏ တုံ့ဆိုင်း/တွန်းကန်မှုများကြောင့် တွဲဆိုင်းများပြတ်၍
အန္တရာယ်ဖြစ်တတ်သောကြောင့် ဖြစ်ပါသည်။ တစ်ဖက်ရထားလမ်းပေါ်တွင်ရှိသော လူနှစ်ယောက်၏အခြေအနေမှာလည်း   ကန့်သတ်ချက်ရှိနေပြန်ပါသည်။ ဤကန့်သတ်ချက်မှာ ရထားကိုအဝေးမှ စောစီးစွာမမြင်ခဲ့ခြင်း၊ ပေ ၁၂၀ အရှည်ရှိသော တံတားအလယ်တွင် ရောက်ရှိနေခြင်း၊  ဘေးသို့ရှောင်ရန်နေရာမရှိဘဲ  တံတားပေါ်မှ ၁၂ ပေခန့်အမြင့်ရှိ ရေထဲသို့ခုန်ချရမည်ဖြစ်ခြင်း၊ တံတားအောက်ရှိ ချောင်းရေအနက် မည်မျှရှိသည်ကို မခန့်မှန်းနိုင်ခြင်းစသည့် ကန့်သတ်ချက်များရှိနေပါသည်။ ပိုဆိုး
သည်မှာ (နောင်မှသိရသည်မှာ) ၄င်းနှစ်ဦးအနက် တစ်ဦးမှာအသက် (၆၂)နှစ်အရွယ် အဘွားဖြစ်သူနှင့် တစ်ဦးမှာ အသက် (၈) နှစ်ခန့်အရွယ်ရှိ မြေးတော်စပ်သူတို့ ဖြစ်နေခြင်းပင်။
 ၄င်းမြေးအဘွားနှစ်ဦးသည် မိန်းမသားဖြစ်သည့်အပြင် သက်အရွယ်ကြီးရင့်သူ နှင့်လူမမည်အရွယ် ကလေးငယ်ဖြစ်နေသဖြင့် တံတားပေါ်မှခုန်ချရန် မည်သို့မျှ မစွမ်းသာတော့ဘဲ  ရထားတိုက်ခံရတော့မည့် အခြေအနေကိုသိရှိကာ  ကြောက်ရွံ့တုန်လှုပ်သည့်စိတ်ဖြင့် မြေးအဘွားနှစ်ဦး တစ်ဦးနှင့်တစ်ဦးတင်းကျပ်စွာဖက်ထားကာ ၄င်းတို့ ထံသို့ တဖြည်းဖြည်းနီးကပ်လာသည့် ရထားစက်ခေါင်းအား မျှော်လင့်ချက်ကင်းမဲ့စွာကြည့်နေခဲ့သည့်မြင်ကွင်းမှာ ရုပ်ရှင်မဟုတ်၊ တကယ့်အဖြစ်အပျက်ဖြစ်ခဲ့ပါသည်။ ရထား၏သဘောသဘာဝမှာလည်း  မော်တော်ကားလို  ချက်ချင်းဘရိတ်ဖမ်းရပ်တန့်၍မရ၊ အတိုင်းအတာတစ်ခုရောက်မှသာ ရပ်တန့်နိုင်ပေသည်။ စက်ခေါင်းမောင်း၏ သတိ ကြီးစွာမောင်းနှင်မှုနှင့်  ဘရိတ်ဖမ်းမှုကြောင့်  အရှိန်ရပ်တန့်သွားသော်လည်း  တံတားပေါ်တွင်သွားနေသော ရထား၏မိုင်နှုန်းမှာ ခုနစ်မိုင်နှုန်းခန့်ကျန်ရှိနေသဖြင့် မြေးအဘွားနှစ်ဦးမဖယ်လျှင်  တိုက်သွားမည့် အခြေအနေတွင်ရှိခဲ့ပါသည်။  ဤသို့ဆိုလျှင် စက္ကန့်ပိုင်းအတွင်းမှာ သွေးသံတရဲရဲဖြင့် အနိဋ္ဌာရုံမြင်ကွင်း ဖြစ်ပေါ်လာနိုင်ပေသည်။ ဤအခြေအနေတွင်   စက်ခေါင်းမှူးလက်ထောက် (စက်ခေါင်းမောင်းအကူ)သည် ကိုယ်ချင်းစာစိတ်ဖြင့်  စက်ခေါင်းအတွင်းမှထွက်၍  စက်ခေါင်း၏လက်ကိုင်တန်း (Hand Rail)မှတစ်ဆင့် စက်ခေါင်းရှေ့ရှိ  တွဲချိတ်သည့်နေရာ(Buffer Handပေါ်သို့ ခက်ခဲစွာတွယ်ဖက်တက်ရောက်ပြီး ရထားရှေ့မှသံလမ်းပေါ်သို့ခုန်ဆင်းကာ ရထား ရှေ့မှပြေး၍  မြေးအဘွားနှစ်ဦးအား  တံတားပေါ်မှ တွန်းဖယ် ကယ်တင်ခဲ့ပေသည်။ ဤနေရာတွင် စက်ခေါင်းမှူးလက်ထောက်သည် တွေဝေနေလျှင်သော်လည်းကောင်း၊ ဆုံးဖြတ်ချက် နောက်ကျနေလျှင် သော်လည်းကောင်း မြေးအဘွားနှစ်ဦး၏ကံကြမ္မာမှာ မတွေးဝံ့ပေ။ ၄င်းကိုယ်တိုင်လည်း  ရထားရှေ့မှကြိုပြေးရသည်ဖြစ်ရာ  ခလုတ်တိုက်လဲလျှင် သော်လည်းကောင်း၊ ဟန်ချက်ပျက်၍  ရထားပေါ်မှကျလျှင်သော်လည်းကောင်း၊ ရထားရှေ့မှလွတ်အောင် မပြေးနိုင်လျှင်သော်လည်းကောင်း မြေးအဘွားကိုကယ်တင်ဖို့ အခွင့်အရေးထက်  မိမိကိုယ်တိုင်ပင်လျှင်  ရထားကြိတ်ခံရမှုကြောင့်  အရိုးတခြား၊ အသားတခြားဖြစ်သွားနိုင်ပေသည်။
မြေးအဘွားနှစ်ဦးနှင့် စက်ခေါင်းမှူးလက်ထောက်သည် ရေထဲကျသွားသော်လည်း  ကံတရားအရသော်လည်းကောင်း၊   ဝိုင်းဝန်းဆယ်ယူပေးမှုအရသော်လည်းကောင်း အသက်ရှင်ရန် အခွင့်အလမ်းများပါသည်။ ရထားလမ်းပေါ် ရထားအကြိတ်ခံ ရလျှင်ကား အသက်ရှင်ရန်အခွင့်အလမ်းမရှိနိုင်ပေ။ ဤဖြစ်စဉ်တွင်လည်း စက်ခေါင်းနောက်တွဲမှ  လုံခြုံရေးလိုက်ပါလာသော  ရထားရဲများနှင့်ခရီးသည်များမှ  ရေထဲသို့ကျသွားသော အဘွားအို၊ မြေးမလေးနှင့် စက်ခေါင်းမှူးလက်ထောက်တို့ကို ဝိုင်းဝန်း
ဆယ်ယူကူညီပေးမှုကြောင့် သုံးဦးစလုံးအသက်ချမ်းသာရာရခဲ့ပါသည်။ ရထားသည်လည်း မြေးအဘွားနှစ်ဦးရပ်နေသည့်  နေရာကိုကျော်လွန်ပြီး ပေ ၄၀ အကွာနေရာ တံတားတစ်ဖက်ကမ်းသို့ရောက်သည့်နေရာတွင် ရပ်တန့်သွားခဲ့ပါသည်။
ဖြစ်စဉ်ကိုလေ့လာပါက ရထားလမ်းတစ်လျှောက်နေထိုင်သူ ပြည်သူများသည် ရထားလမ်းနှင့်တံတားများဖြတ်ကူးရာတွင် သတိနှင့်ဖြတ်ကူးရန်၊ ရထားလမ်းပတ်ဝန်းကျင်၌သွားလာရာတွင်  တစ်ကြိမ်တစ်ခါသာမဟုတ်ဘဲ   အမြဲတမ်းသတိပြုသွားလာနိုင်ပါရန် နှိုးဆော်အပ်ပါသည်။ ပြည်သူများလိုက်နာဆောင်ရွက်သင့်သည့် အချက်များကိုလည်း  မြန်မာ့မီးရထားဘူတာရုံများနှင့်  ကျေးရွာအုပ်ချုပ်ရေးမှူးရုံးများတွင် အသိပေးကြေညာထားပြီးဖြစ်ရာ ပြည်သူများမှဘေးအန္တရာယ်ကင်းရှင်းရေးအတွက် လိုက်နာကြပါရန် မေတ္တာရပ်ခံအပ်ပါသည်။
ရထားစက်ခေါင်းမောင်းများသည်လည်း ယခုစက်ခေါင်းမောင်းကဲ့သို့ အမြဲသတိရှိမောင်းနှင်ပြီး ရထားလမ်းပေါ်မှ  လူများ၏အသက်ကိုကယ်တင်နိုင်ရန်၊  ရထားဖြင့်စီးနင်းလိုက်ပါလာသည့်  ခရီးသွားပြည်သူများ၏အသက်သည်လည်း  စက်ခေါင်းမောင်း၏လက်ထဲတွင်ရှိပေရာ  လမ်းကြောင်းတစ်လျှောက်  တွေ့ကြုံလာမည့်အန္တရာယ် များကိုသတိရှိစွာဖြင့် ရင်ဆိုင်ဖြေရှင်းခြင်း၊ ကြိုတင်ကာကွယ်သွားခြင်းဖြင့် ခရီးသည်များ ဘေးအန္တရာယ်ကင်းရှင်းမှုကို ဆောင်ရွက်သွားကြရပေမည်။
စက်ခေါင်းမှူးလက်ထောက်(စက်ခေါင်းမောင်းအကူ)ကဲ့သို့ အရေးကြုံလာလျှင် “ကိုယ်ချင်းစာနာစိတ်၊ မီးရထားစိတ်ဓာတ် ” ဖြင့် အသက်ပေး၍ ကာကွယ်ပေးလိုသည့်စိတ်ဓာတ်များလည်း ရှိနေရန်လိုအပ်ပါသည်။ အားလုံးမှ ဤသို့သော စိတ်ဓာတ်ဖြင့် စည်းလုံးညီညွတ်စွာဆောင်ရွက်သွားမည်ဆိုလျှင်  မြန်မာ့မီးရထားသည်  စိတ်ပိုင်း၊ ရုပ်ပိုင်းဆိုင်ရာများ ရှေ့သို့တက်လှမ်းတိုးတက်လာနိုင်မည်ဖြစ်ပေသည်။
ဖြစ်စဉ်တွင်  အသက်စွန့်ကယ်တင်ခဲ့သော  စက်ခေါင်းမှူးလက်ထောက်နှင့် စက်ခေါင်းမောင်းတို့အားဂုဏ်ပြုသောအားဖြင့်    ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီးက ဆုငွေ ငါးသိန်းချီးမြှင့်ခဲ့သလို မြန်မာ့မီးရထားကလည်း မေလ ၁ ရက်နေ့တွင်  ကျရောက်မည့် (၁၃၅)နှစ်မြောက်  မြန်မာ့မီးရထားနှစ်ပတ်လည်နေ့ အခမ်းအနားတွင် ဂုဏ်ပြုမှတ်တမ်းလွှာနှင့် ဆုကြေးငွေများထိုက်တန်စွာ  ချီးမြှင့်သွားမည်ဖြစ်ပါသည်။
စက်ခေါင်းမှူးလက်ထောက်ကဲ့သို့သော ဦးဆောင်လမ်းပြပေးခဲ့သည့် ပုဂ္ဂိုလ်မျိုးအား “ မြန်မာ့ မီးရထား၏ သူရဲကောင်း” ၊ “ မမ” သူရဲကောင်း အဖြစ် ဂုဏ်ပြုပြောဆို လိုပေသည်။ စာရေးသူအနေဖြင့် မိမိနိုင်ငံတွင် “မမ” သူရဲကောင်းများ အများအပြားပေါ်ထွက်လာစေကြောင်းဆန္ဒပြုရင်း …။ ။