ဒီဇင်ဘာ ၈၊ ၂၀၂၀
M-Media

-အမေရိကန်-ဂျာမန် ဆေးကုမ္ပဏီ Pfizer/BioNTech က ထုတ်လုပ်ပြီး ၉၀ ရာခိုင်နှုန်း ထိရောက်မှုရှိတဲ့ ကိုဗစ်ကာကွယ်ဆေးကို ဒီကနေ့ ယူကေမှာ စတင် ထိုးနှံခဲ့ပါတယ်။

လာမယ့်တစ်ပတ်မှာ အသက် ၉၁ နှစ်ပြည့်မယ့် မာဂရတ် ကီနန်ကို စတင်ထိုးနှံခဲ့တာပါ။ ယူကေဟာ ပထမအသုတ်အဖြစ် ကာကွယ်ဆေး ၈ သိန်းကနေ လကုန်ပိုင်းမှာ ၄ သန်းအထိ ထိုးပေးဖို့ စီစဉ်ထားပါတယ်။

အသက် ၈၀ ကျော်အရွယ်တွေ၊ အချို့ ကျန်းမာရေးဝန်ထမ်းတွေကို ဦးစားပေးမှာ ဖြစ်ပါတယ်။

“ကိုဗစ်ကာကွယ်ဆေးကို ပထမဆုံး ထိုးနှံရသူဖြစ်တဲ့အတွက် အရမ်းကျေနပ်ပါတယ်။ အဘွား တောင့်တသမျှထဲက အကောင်းဆုံးနဲ့ အစောဆုံး မွေးနေ့လက်ဆောင်လည်း ဖြစ်ပါတယ်။ တစ်နှစ်လုံးတစ်ယောက်တည်း နေလာရပြီးတဲ့နောက် နှစ်သစ်မှာ မိသားစုနဲ့ အချိန်တွေကို ကုန်ဆုံးနိုင်တော့မှာပါ” လို့ မာဂရတ် ကီနန်က ပြောကြားခဲ့ပါတယ်။

Pfizer/BioNTech ကာကွယ်ဆေးကို ယူက​ကေ ပထမဆုံး အသုံးပြုတဲ့နိုင်ငံ ဖြစ်ပါတယ်။ ယူကေကျန်းမာရေးဝန်ကြီး မတ် ဟန်ကော့က သွားရမယ့်ခရီးလမ်းက ရှည်လျားလွန်းပြီး အခုမှ တာထွက်ပဲရှိသေးတယ်လို့ ပြောကြားခဲ့ပါတယ်။

“ဒီဗိုင်းရပ်စ်က ဆိုးရွားတယ်။ စည်းမျဉ်းစည်းကမ်းတွေအတိုင်း လိုက်နာဖို့ လိုအပ်ပါတယ်”

ယူကေဝန်ကြီးချုပ် ဘောရစ်ဂျွန်ဆင်က ကပ်ရောဂါကာလအတွင်း စွမ်းစွမ်းတမံ ဆောင်ရွက်ခဲ့ကြတဲ့ ကျန်းမာရေးဝန်ထမ်းတွေ၊ ကာကွယ်ဆေးရရှိအောင် အားထုတ်ကြိုးပမ်းခဲ့ကြသူတွေ၊ စေတနာ့ဝန်ထမ်းတွေကို ကျေးဇူးတင်တယ်လို့ ပြောကြားခဲ့ပါတယ်။

Pfizer/BioNTech ကာကွယ်ဆေးဟာ ၂ ကြိမ်ထိုးရမှာဖြစ်ပြီး ယူကေက လူ သန်း ၂၀ အတွက် ကာကွယ်ဆေးအလုံးရေ သန်း ၄၀ ဝယ်ယူထားပါတယ်။

Ref: BBC

စက်တင်ဘာ ၁၇၊ ၂၀၂၀
M-Media

အိန္ဒိယတွင် ကိုဗစ်ကူးစက်သူ ၅ သန်းကျော်သော်လည်း အစိုးရက ကန့်သတ်မှုများ ပြန်မလုပ်သေး

စက်တင်ဘာ ၁၇၊ ၂၀၂၀
M-Media

အိန္ဒိယနိုင်ငံမှာ Covid-19 ကူးစက်သူအရေအတွက်ဟာ ၅ သန်းကျော်သွားခဲ့ပြီး အမေရိကန်ပြီးရင် ကမ္ဘာပေါ်မှာ ဒုတိယကူးစက်မှုအများဆုံးတိုင်းပြည် ဖြစ်လာပါတယ်။

ဗိုင်းရပ်စ်ပြန့်နှံ့မှုကလည်း ကမ္ဘာအမြန်ဆုံးဖြစ်နေပြီး တစ်နေ့တာကူးစက်မှု ၉ သောင်းကျော်အထိ ရှိလာပါတယ်။ သေဆုံးသူက ၈ သောင်းကျော်သွားခဲ့ပြီး နိုင်ငံတစ်ဝှမ်း ဆေးရုံတွေမှာ အောက်ဆီဂျင်ပြတ်လတ်မှုနဲ့လည်း ကြုံတွေနေ့ရပါတယ်။

မတ်လက Lock Down ကာလမှာ လူသန်းနဲ့ချီ အလုပ်ပြုတ်သွားတာကြောင့် စီးပွားရေးကုစားနိုင်ဖို့အတွက် ကူးစက်မှုမြင့်တက်နေပေမယ့်လည်း ကိုဗစ်ကန့်သတ်မှု​တွေကို အစိုးရက ဆက်လက်ဖြေလျော့ပေးနေပါတယ်။

နိုင်ငံတစ်ဝှမ်း လုပ်ငန်းခွင်နဲ့ စျေးဆိုင်တွေ ပုံမှန်အတိုင်း ပြန်ဖွင့်နေပြီဖြစ်သလို အရက်ဆိုင်တွေနဲ့ ကိုယ်ကာယ လေ့ကျင့်ရေးစင်တာတွေကိုလည်း ဖွင့်ခွင့်ပေးထားပါတယ်။

ကိုဗစ်ကာကွယ်ဆေးကို အငွေ့ရှုသွင်းသည့်နည်းဖြင့် စမ်းသပ်မည်

• Covid-19 ကာကွယ်ဆေးကို ဆေးရည်ထိုးသွင်းတဲ့နည်းမဟုတ်ဘဲ အငွေ့ရှူသွင်းတဲ့နည်းနဲ့ ခန္ဓာကိုယ်ထဲဝင်ရောက်စေကာ ဗိုင်းရပ်စ်တိုက်ဖျက်နိုင်တဲ့ ကိုယ်ခံအား ထုတ်ပေးနိုင်ခြင်း ရှိ၊ မရှိ စမ်းသပ်ဖို့ လန်ဒန်မြို့မှာရှိတဲ့ Imperial College က စီစဉ်နေပါတယ်။

အောက်စဖို့ဒ်ကထုတ်လုပ်ပြီး မကြာသေးခင်က စမ်းသပ်မှု ခေတ္တ ရပ်ဆိုင်းလိုက်ရတဲ့ ကာကွယ်ဆေးနဲ့ ဇွန်လကစတင်ကာ လူသားတွေမှာ စမ်းသပ်နေတဲ့ Imperial College ထုတ် ဆေးသစ်တို့နဲ့ ဒီနည္းလမ္းကို စမ္းမွာပါ။

စမ်းသပ်မှုမှာ စေတနာ့ဝန်ထမ်းအဖြစ် ပါဝင်မယ့် လူ ၃၀ ကို ပန်းနာရင်ကြပ်ရောဂါသည်တွေကို ကုသတဲ့နည်းလမ်းမျိုးနဲ့ ကာကွယ်ဆေးကို ရှုသွင်းစေမှာ ဖြစ်ပါတယ်။

သု​သေတနခေါင်းဆောင် ဒေါက်တာ ခရစ်ချွဲက ကာကွယ်ဆေးကို အသက်ရှုလမ်းကြောင်းတစ်လျှောက် တိုက်ရိုက်ထိတွေ့စေခြင်းက ကြွက်သားကနေတစ်ဆင့် ထိုးသွင်းတာထက် ပိုပြီးထိရောက်မှုရှိလားဆိုတာကို အဓိကထား ဖော်ထုတ်သွားမယ္လို႔ ပြောကြားခဲ့ပါတယ်။

Ref: BBC

စက်တင်ဘာ ၉၊ ၂၀၂၀
M-Media

-စမ်းသပ်ထိုးနှံထားတဲ့ လူနာတစ်ဦးမှာ ကျန်းမာရေးမကောင်းဖြစ်လာတာကြောင့် အလားအလာကောင်းတယ်လို့ သတ်မှတ်ခံထားရတဲ့ ကာကွယ်ဆေးတစ်ခု စမ်းသပ်မှုကို အောက်စဖို့ဒ်တက္ကသိုလ်က ရပ်ဆိုင်းလိုက်ပါတယ်။

အဲဒီကာကွယ်ဆေးကို ယူကေက အောက်စဖို့ဒ်တက္ကသိုလ်နဲ့ ဆေးဝါးကုမ္ပဏီ AstraZeneca တို့ ပူးပေါင်းထုတ်လုပ်တာဖြစ်ပြီး ယူကေ၊ ဘရာဇီးလ်၊ တောင်အာဖရိကနဲ့ အမေရိကန်တို့မှာ ထောင်နဲ့ချီတဲ့လူတွေကို နောက်ဆုံးအဆင့် စမ်းသပ်မှုကို လုပ်ဆောင်နေတာပါ။

ဒီဆေးဟာ လက်ရှိ ကမ္ဘာတစ်ဝှမ်း စမ်းသပ်ထုတ်လုပ်သမျှထဲမှာ အလားအလာအရှိဆုံး ကိုဗစ်ကာကွယ်ဆေးအဖြစ် သတ်မှတ်ခံထားရတာ ဖြစ်ပါတယ်။

ဒီဆေးအထိုးခံထားရတဲ့သူတွေထဲက တစ်ဦးမှာ ဆိုးရွားတဲ့ဆေးတုန့်ပြန်မှုကို​ တွေခဲ့ရပြီးတဲ့နောက် စမ်းသပ်မှုကို ပြီးခဲ့တဲ့ရက်ပိုင်းမှာ ရပ်ဆိုင်းခဲ့တာပါ။ AstraZeneca ကုမ္ပဏီရဲ့ ပြောရေးဆိုခွင့်ရှိသူ အမျိုးသမီး မီရှဲလ် မီဇဲလ်က ဒီလိုရပ်ဆိုင်းတာဟာ လုပ်ထုံးလုပ်နည်းအတိုင်း လုပ်ဆောင်တာဖြစ်ပြီး၊ ဆေးအန္တရာယ်ကင်းမှုအတွက် သုံးသပ်မှု လုပ်ဆောင်သွားမယ်လို့ ပြောကြားခဲ့ပါတယ်။

ရုရှားဟာ ပြီးခဲ့တဲ့လက ကိုဗစ်ကာကွယ်ဆေးတစ်ခုကို တရားဝင်အတည်ပြုကာ ထိုးနှံခွင့်ပေးခဲ့ပါတယ်။ ဒါပေမယ့် ကျွမ်းကျင်သူတွေက ဒီဆေးကို အသုံးပြုနိုင်ဖို့အတွက် လုံလောက်တဲ့ စမ်းသပ်မှုတွေ မလုပ်ဆောင်ခဲ့ဘူးလို့ ထောက်ပြခဲ့ပါတယ်။

တရုတ်နိုင်ငံကလည်း မနေ့က ကိုဗစ်ကာကွယ်ဆေး အနည်းဆုံး ၃ မျိုးလောက်ကို ထုတ်ပြခဲ့ပြီး အန္တရာယ်ကင်းကာ ထိရောက်မှုရှိတယ်လို့ ပြောကြားခဲ့ပါတယ်။

Ref: Aljazeera