News @ M-Media

Tag: UKyawHlaAung

  • VOA – အသက် ၇၄ နှစ်အရွယ် ရှေ့နေ ဦးကျော်လှအောင် စစ်တွေထောင်က ပြန်လွတ်

    VOA – အသက် ၇၄ နှစ်အရွယ် ရှေ့နေ ဦးကျော်လှအောင် စစ်တွေထောင်က ပြန်လွတ်

    VOA (မြန်မာပိုင်း) မှ ကူးယူဖော်ပြသည်။

    MSF-staffArrested UKyaw Hla Aung
    ဓါတ်ပုံအညွှန်း – အလ်ကိုင်ဒါနဲ့ ဆက်သွယ်သည့်ဟု မီဒီယာများတွင် ဝါဒဖြန့်ခံရပြီး ၂၀၁၂ ခုနှစ် ဇွန်လ ၁၁ရက်နေ့မှာ ဖမ်းဆီးခံရ ရာမှ ၂၀၁၂ ခုနှစ် သြဂုတ်လ၁၂ ရက်နေ့တွင် ပြန်လွတ်လာခဲ့စဉ်က ( ဓါတ်ပုံ- မဇ္ဈိမ)

    မနေ့က စစ်တွေထောင်ကနေ လွတ်မြောက်လာတဲ့ MSF ၀န်ထမ်းဟောင်း ရှေ့နေ ဦးကျော်လှအောင်ကတော့ လူမျိုးရေး၊ ဘာသာရေး၊ ကျား-မ ခွဲခြားမှုမရှိတဲ့ တရားဥပဒေစိုးမိုးရေး မြန်မာနိုင်ငံမှာ လိုအပ်နေတယ်လို့ ဗွီအိုအေကို ပြောပါတယ်။

    လွတ်လာပြီးနာရီပိုင်းအတွင်း မအင်ကြင်းနိုင်က ဆက်သွယ်မေးမြန်းတော့ သူက အခုလို စပြောခဲ့ပါတယ်။

    ဖြေ။              ။ “ကျနော့်ကို စက်တင်ဘာ ၂၆ ရက်နေ့က ၁ နှစ်ခွဲထောင်ဒဏ်ချလိုက်တယ်။ ကျနော့်ကိစ္စ ရှေ့နေနဲ့ အယူခံ၊ ပြည်နယ်လွှတ်တော်ကို အယူခံတွေ ဘာတွေတင်တယ်။ ဒါပေမဲ့ ဒီ ၇ ရက်နေ့က ဘာထွက်လဲဆိုတော့ အစိုးရက သမ္မတရုံးက ထောင်ထဲမှာ နေပြီးတော့ ၆ လကျန်တဲ့သူတွေပေါ့ ဥပမာ – ၁ နှစ်ကျော်နေခဲ့ရမယ်။ ၆ လ ကျန်ရမယ်။ အဲ့လိုလူတွေ လွှတ်ရမယ်ဆိုပြီးတော့ ကျနော်က အဲ့ဒါနဲ့ လွတ်တာပါ။ ဒါပေမဲ့ ကျနော်တို့က လက်မှတ်ထိုးခဲ့ရတယ်။ ၄၀၁ – ၄၀၁ ကို ကျနော်တို့ လက်မှတ်ထိုးရတယ်။ နောက်အမှုဖြစ်ရင် အခုကျန်တဲ့ပြစ်ဒဏ်တွေပါ ကျနော်တို့က ခံရမှာ။ အဲ့လိုမျိုး လက်မှတ်ထိုးပြီးတော့မှ ကျနော်တို့ကို လွှတ်ပေးလိုက်တာ။”

    မေး။             ။ အဲတော့ ဟုတ်ကဲ့အန်ကယ်လ် အခု မြင်ရတဲ့အခြေအနေ၊ လွတ်လာတဲ့အခြေအနေ အန်ကယ်လ့်အမြင် ပြောပြပေးပါဦး။

    ဖြေ။              ။ “အခု လွတ်တာက ကျနော်တို့ကို စိစစ်တယ်လေ။ စိစစ်ပြီးမှ ကျနော်တို့ကို ၇ နာရီလောက်မှာ သူတို့အကျဉ်းဦးစီးဌာနကားနဲ့ ဘူမေရွာအထိ ပို့ပေးတယ်။ ပို့ပြီးတော့ ကျနော်က သက်ကယ်ပြင်မှာနေတယ်။ ကျန်တဲ့သူတွေကဆိုရင် မြို့ထဲမှာလေ။ ၂၀၁၂ ခုနှစ်မှာ ဖျက်ပစ်လိုက်တယ်ဆိုတော့ ကျနော်က အခု သက်ကယ်ပြင်မှာ ရောက်နေတယ် မိသားစုက။ ဆိုတော့ အဲ့ဒီမှာပဲ ကျနော်တို့ကားကြိုတယ်။ ကြိုတဲ့ကားနဲ့ပဲ ကျနော် အိမ်ကိုရောက်တယ်။ ရောက်ပြီးတော့ အခု မိသားစုနဲ့အတူ ရှိပါတယ်။”

    မေး။             ။ ဟုတ်ကဲ့ ဆိုတော့ ထောင်ထဲမှာ ကျန်းမာရေးအခြေအနေ ဆိုးရွားတဲ့ ထောင်ထဲမှာ ရင်ဆိုင်ခဲ့ရတဲ့ အခြေအနေလေးတွေရော ပြောပြပေးပါဦးရှင့်။

    ဖြေ။              ။ “ထောင်ထဲမှာကောင်းပါတယ်။ ကျနော့်ကို ကောင်းကောင်းမွန်မွန် ထားပါတယ်။ တအား သူတို့က လေးလေးစားစား ထားပါတယ်။ ဘာလို့လဲဆိုတော့ ကျနော်က ရှေ့နေတယောက်ဖြစ်တယ်။ နောက်တခုက ကျနော် နေမကောင်းဘူး။ အသက်ကလည်း ကြီးပြီဆိုတော့ အဲ့ဒီထောင်ပိုင်က တအား ကျနော့်ကို ဂရုစိုက်တယ်၊ ကျန်းမာရေးကိုလည်း ဆရာဝန်တွေက ဂရုစိုက်တယ်။”

    မေး။             ။ ဟုတ်ကဲ့ အန်ကယ်လ့်ကို ချခဲ့တဲ့ ပုဒ်မနဲ့ပတ်သက်ပြီးတော့ရော ရှင်းပြပေးလို့ရမလား။

    ဖြေ။              ။ “ဖမ်းတဲ့အချိန်မှာ ကျနော်က အစည်းအဝေးခေါ်ပြီးတော့ သူတို့ကို ခဲနဲ့ပေါက်ခိုင်းတယ်ဆိုပြီး အဲ့လိုမျိုး သူတို့ဘက်က စွဲချက်တင်တယ်။ ၁၄၈/၁၅၀၊ ၃၉၅ အဲ့ဒီမှာ — ပုဂ္ဂိုလ် အရာရှိတယောက်မှာ တယ်လီဖုန်းပျောက်သွားတယ်။ အဲ့ဒါတွေကို ၃၉၅ အဲ့ဒါတွေနဲ့ စွဲတာပါ။ ဒါပေမဲ့ ကျနော့်အမှုမှာနေပြီးတော့ အရင်ကတည်းက ဖမ်းထားတဲ့ ဦးကျော်မင်းနဲ့ သူ့သားကိုလေ လာပြီးတော့ တရားခံ ထည့်ပစ်လိုက်တယ်။ ထည့်ပစ်လိုက်တယ်ဆိုတော့ ကျနော်က ရှေ့နေမငှားနိုင်ဘူး။ ရှေ့နေမငှားနိုင်ဘူးဆိုတာက ဒီစစ်တွေမှာရှိတဲ့ ရှေ့နေတွေဆိုတာက ကျနော့်တို့ရဲ့ အမှုတွေကို မလိုက်ဘူး။ မလိုက်ဆိုတော့ ဦးကျော်မင်းတို့ ပထမအမှုကို ရန်ကုန်ကနေ သူတို့ငှားတဲ့ ရှေ့နေက လိုက်တယ်ဆိုတော့ အဲ့ဒီရှေ့နေကပဲ ဒီအမှုကိုလည်း လိုက်ပေးတယ်။ ရန်ကုန်က တရားလွှတ်တော်ရှေ့နေ ဦးလှမျိုးမြင့်ပါ။ လိုက်ပေးတယ်ဆိုတော့ ဦးကျော်မင်းတို့က အမှုနံပါတ် ၃၆ မှာ လွတ်သွားတယ်။ ဇွန်လ ၂၀ ရက်နေ့ကတည်းက လွတ်သွားတယ်။ ဒီအမှုမှာကျတော့ သူတို့ မလွတ်နိုင်ဖြစ်နေတယ်။ ကျနော်နဲ့ ၂၆ ရက်နေ့မှာ ကျနော်တို့ကို တရားသူကြီးက ပုဒ်မ ၁၄၇/၁၅၀ နဲ့ ၁ နှစ်ခွဲချလိုက်တယ်။ အဲ့ဒီ ပုဒ်မ ၁၄၇/၁၅၀ မှာက စုစုပေါင်းထောင်ဒဏ် အများဆုံးမှ ၂ နှစ်ပဲရှိတယ်။ ၁ နှစ်ခွဲချလိုက်တယ်ဆိုတော့ ကျနော်တို့မှာ ကျန်တာက ၃ လလောက်ပဲကျန်တယ်။ ဦးကျော်မင်းတို့သားအဖမှာဆိုရင် ၄ လလောက်ပဲကျန်တယ်။ ဆိုတော့ အဲ့လိုမျိုးဖြစ်တာပါ။ ဆိုတော့ ဒီ အနည်းဆုံး ၆ လထဲမှာ ကျနော်တို့ ၀င်သွားတာပေ့ါ။ ၀င်သွားတဲ့အခါ ကျနော်တို့ ဒီနေ့ လွတ်လာတာပါ။”

    မေး။             ။ ဟုတ်ကဲ့ အန်ကယ်လ်ကိုယ်တိုင်လည်း ရှေ့နေဖြစ်တဲ့အတွက် လက်ရှိ မြန်မာနိုင်ငံမှာ ဖြစ်နေတဲ့ ဥပဒေရေးရာကိစ္စတွေမှာ အန်ကယ်လ့်ရဲ့ သုံးသပ်ချက်လေးပေါ့နော် ပြောပေးလို့ရမလားရှင့်။

    ဖြေ။              ။ “အဲ့ဒါတွေသာ ပြောရမယ်ဆိုရင်တော့ အရှည်ကြီးပဲ။ ဥပဒေစိုးမိုးရေးက သိပ်မရှိပါဘူး။ အန်ကယ်လ်လည်း တရားရုံးမှာ ၀န်ထမ်းတယောက်အနေနဲ့ လုပ်ခဲ့ပါတယ်။ အန်ကယ်လ်က ၁၉၆၁ ကနေပြီးတော့ အန်ကယ်လ်က စပ်ရှင်မင်းကြီးလုပ်တာ အဆက်ဆက် လုပ်ခဲ့တယ်။ အဲ့ဒီတုန်းကဆိုရင် တရားဥပဒေမှာ လူမျိုးရေးခွဲခြားမှုမရှိဘူး။ အသက်အရွယ် ခွဲခြားမှု မရှိဘူး။ ယောကျာ်း မိန်းမ ခွဲခြားမှု မရှိဘူး။ အခုကျတော့ လူမျိုးရေးခွဲခြားမှုက တအားကို များတယ်ဆိုတော့ကာ တရားဥပဒေစိုးမိုးမှု မရှိဘူးပေါ့။”

    http://burmese.voanews.com/content/interview-with-u-kyaw-hla-aung/2476220.html

  • မတရား ဖမ်းဆီးထောင်ချ ခံထားရသည့် ဦးကျော်လှအောင် အကြောင်း တစေ့တစောင်း

    ဇန်နဝါရီ ၅ ၊ ၂၀၁၃
    M-Media

    ဦးကျော်လှအောင် (ရခိုင်-မွတ်စလင်) ၏ ဘဝတစ်လျှောက်တွင် ရင်ဆိုင်ခဲ့ရသည့် မတရားမှု တချို့

    1531642_714673878545566_2069862504_n

    ဦးကျော်လှအောင်သည် စာရေးတစ်ဦးအဖြစ် စစ်တွေခရိုင်တရားမရုံး နှင့် စက်ရှင်တရားသူကြီးရုံးတို့တွင် ၁၉၆၁-ခုနှစ်မှ စတင် အမှုထမ်းဆောင်ခဲ့သည်။ ၁၉၆၅-ခုနှစ်တွင် သူသည် လက်ရေးတို စာရေး တစ်ဦးအဖြစ် တာဝန်ထမ်းဆာင်ခဲ့သည်။ ၁၉၈၃-ခုနှစ်၊ စက်တင်ဘာလ ၇-ရက်နေ့တွင် သူသည် ၎င်းရာထူးမှ အငြိမ်းစား ယူခဲ့ပြီး ၁၉၈၄-ခုနှစ်မှ စတင်ကာ အထက်တန်းရှေ့နေတစ်ဦးအဖြစ် ဆောင်ရွက်ခဲ့သည်။

    ၁၉၈၆ခုနှစ်တွင် တောင်သူလယ်သမားတစ်စု၏ မြေယာသိမ်း အမှုတွင် မြန်မာနိုင်ငံမြေသိမ်းမှု ဥပဒေနှင့်အညီ အသနားခံစာ ရေးသားပေးခဲ့သည်။ ထိုစဉ်က စစ်တွေမြို့၊ ပြည်သူ့ကောင်စီမှ မကျေနပ်၍ ၁၉၈၆-ခုနှစ် သြဂုတ်လ ၂၅-ရက်နေ့တွင် အရေးပေါ်စီမံမှုအက်ဥပဒေ ပုဒ်မ ၅/ည အရ အမှုဖွင့်ပြီး ဖမ်းဆီးချုပ်နှောင်ခံခဲ့ရသည်။

    ပထမဦးဆုံး ဖမ်းဆီးခံရပြီး တိုက်ခန်းတစ်ခုထဲတွင် ပုသိမ်ဆရာတော် နှင့် အတူနေခဲ့ပြီး ပုသိမ်ဆရာတော်မှ တခြား ရခိုင်အကျဉ်းသားများကို ခေါ်ဆောင်၍ ဦးကျော်လှအောင် အား လိုအပ်သည်များ ကူညီဆောင်ရွက် ပေးရန် မိန့်ကြားခဲ့သည်။

    ၎င်းအမှုကို စစ်တွေမြို့နယ်တရားရုံးတွင် ရင်ဆိုင်နေစဉ် (၁၉၈၈ အရေးအခင်းကာလ) ၁၉၈၈ခုနှစ်၊ သြဂုတ်လ ၂၅-ရက်နေ့တွင် စစ်တွေ အကျဉ်းထောင်ထဲရှိ အကျဉ်းသားများ၏ ဆူပူအုံကြွမှုဖြစ်လာခဲ့သည်။ စစ်တွေအကျဉ်းထောင် အုတ်နံရံကို အကျဉ်းသားတချို့မှ ဖောက်ထွင်းခဲ့ပြီး အကျဉ်းထောင်အာဏာပိုင် များမှ အကျဉ်းသား တချို့ကို သေနတ်ဖြင့် ပစ်ခဲ့သည်အထိ ဖြစ်ခဲ့သည်။ ထိုစဉ်က ဦးကျော်လှအောင် မှာ တိုက်ခန်းငယ်တစ်ခုတွင် တစ်ဦးတည်း နေရသည့် အချိန်ဖြစ်သည်။ ညနေ ၄-နာရီခန့် အချိန်တွင် ကျောင်းသားခေါင်းဆောင်များနှင့် ဒေသခံ လူကြီးတချို့၏ တောင်းဆိုမှုအရ အကျဉ်းသားများကို စနစ် တကျ လွတ်ပေးခဲ့ရသည်။

    ဦးကျော်လှအောင် နှင့် ဦးဘသိန်းခင် (ကန်းတောင်းကြီးမှ ရခိုင် ဗုဒ္ဓဘာသာ တစ်ဦး) တို့ကို ကျောင်းသား လူငယ်တချို့က ညသန်းခေါင် အချိန်တွင် ပုလုပ်တောင်ရပ်ကွက် (ယခု ရဲနွယ်စုရပ်ကွက်)ရှိ ဦးကျော်လှအောင်၏ နေအိမ်သို့ ပို့ပေးခဲ့သည်။ ထိုစဉ်က ဦးကျော်လှအောင် အပေါ် ပုဒ်မ ၅/ည ဖြင့် စွဲဆိုထားသောအမှုမှာ မပြီးပြတ်သေးဘဲ စွဲချက်တင်ထားသော အဆင့်တွင်သာ ရှိသေးသည်။

    အရေးအခင်းကာလအပြီး တရားရုံးများတွင် ပြန်လည် ရုံးထိုင်လာသောအခါ ၎င်း ၅/ည အမှုမှာ စစ်တွေမြို့ ပြည်နယ်တရားရုံးတွင်ရောက်ရှိနေပြီး ၎င်းအမှုကို ဆက်လက်ရင်ဆိုင်ဖြေရှင်းရန် ဦးကျော်လှအောင်မှ ပြည်နယ်တရားသူကြီးအား အကျိုးအကြောင်းပြောပြရာ ၎င်းအမှုတွင် အချုပ်လွှတ်ထုချေခွင့်ပြုထားခဲ့သည်။

    ၁၉၈၉ခုနှစ်တွင် ဦးကျော်လှအောင် နှင့် သူ့လုပ်ဖော်ကိုင်ဖက်တချို့ပူးပေါင်းပြီး မွတ်စလင်မ် လူထုအတွက် တန်းတူအခွင့်အရေးရရှိရေးကို ရှေးရှု့ပြီး အမျိုးသား လူ့အခွင့်အရေး ဒီမိုကရက်တစ်ပါတီကို ထူထောင်၍ ရွေးကောက်ပွဲဝင်ရန်စီစဉ်ခဲ့သည်။ ဦးကျော်လှအောင်သည် ၁၉၉၀ပြည့်နှစ်၊ ရွေးကောက်ပွဲမတိုင်မီ စစ်တွေမြို့ မဲဆန္ဒနယ် အမှတ် (၁)မှ လွှတ်တော်ကိုယ်စားလှယ်လောင်းအဖြစ် ယှဉ်ပြိုင်ရန်စီစဉ်ခဲ့ပြီး မဲဆွယ်နေစဉ်ကာလ ၁၉၉၀-ခုနှစ်၊ ဧပြီလ ၁၀-ရက်နေ့တွင် ထပ်မံ ဖမ်းဆီးခြင်းကို ခံခဲ့ရသည်။

    ၎င်း ရင်ဆိုင်ခဲ့သည့် အရေးပေါ်စီမံမှု အက်ဥပဒေ ပုဒ်မ ၅/ည အပါအဝင် တခြား ပြစ်မှုဆိုင်ရာ ဥပဒေပုဒ်မ ၂၂၄ အရ တစ်မှု နှင့် ပြည်သူပိုင်ပစ္စည်း ကာကွယ်ရေး အက်ဥပဒေပုဒ်မ ၆/၁ အရ အမှုဖွင့်ပြီး အရေးယူ ထားသည်။

    ယင်းသို့ အဖမ်းခံနေရစဉ် စစ်ခုံရုံးအမှတ်-၃၆/နပ-စခ/၉၀ တွင် ပုဒ်မ ၅/ည အရ အမှုတွဲကို ပြည်နယ်တရားရုံးမှ ဆွဲယူပြီး ၁၉၉၀-ခုနှစ်၊ မေလ ၂၁-ရက်နေ့တွင် ထောင်ဒဏ် ၁၄-နှစ်ကျခံစေရန် အမိန့်ချမှတ်ခြင်း ခံခဲ့ရသည်။

    ဦးကျော်လှအောင်ကို စစ်ခုံရုံးမှ ထောင်ဒဏ်ချပြီး တခြား ရခိုင်ခေါင်းဆောင်များ နှင့် မွတ်စလင်မ်တချို့ ကိုလည်း ထောင်ဒဏ် ၅-နှစ်၊ ၇-နှစ် နှင့် ၁၀-နှစ် အသီးသီးချခဲ့သည်။ ၎င်းထဲတွင် ယခင်စစ်တွေ အမှတ်(၂) ရဲစခန်းမှ စခန်းမှူးဟောင်း ဦးမောင်ညွန့်စိန်၊ စစ်တွေမြို့မှ ရခိုင်ခေါင်းဆောင် ဦးသာထွန်းအောင်၊ တောင်ကုတ်မြို့နယ်မှ ရခိုင်ခေါင်းဆောင် တစ်ဦးလည်းဖြစ် စီးပွါးရေးလုပ်ငန်းရှင် တစ်ဦးလည်းဖြစ်သူ ဦးကျောက်တောင် အပါအဝင် တခြားရခိုင်ခေါင်းဆောင်များလည်း ထောင်ထဲတွင် အတူတူ ရင်းရင်းနှီးနှီး နေခဲ့ကြသည်ဟုဆိုသည်။

    ၎င်းရခိုင်ခေါင်းဆောင်များ၏ တိုက်တွန်းချက်အရ ဦးကျော်လှအောင် ရရှိမည့် စစ်တွေ အမှတ် (၁)နယ်မှ မဲများကို ရခိုင်ပါတီတစ်ခုသို့ လွှဲပေးရန် စီစဉ်ခဲ့ရာ အမျိုးသားလူ့အခွင့်အရေး ဒီမိုကရက်တစ်ပါတီတွင်း အများသဘောဆန္ဒအရ ၎င်းမဲများကို ကမန်အမျိုးသားပါတီမှ ရှေ့နေဦးရွှေယ အား ပေးခဲ့သည်။ ဤသို့ဖြင့် စစ်တွေမြို့ အမှတ် (၁) နယ်မှ ဦးရွှေယ မဲအနိုင်ရရှိခဲ့သည်။

    ဦးကျော်လှအောင် အား စွဲဆိုထားသည့် ပြစ်မှုဆိုင်ရာ ဥပဒေပုဒ်မ-၂၂၄ အရ စွဲဆိုသော အမှုနှင့် ပြည်သူပိုင် ပစ္စည်းကာကွယ်ရေး အက်ဥပဒေပုဒ်မ ၆(၁)အရ စွဲဆိုသော အမှုများကို ပြည်နယ်တရားရုံးသို့လွှဲပေးလိုက်၊ ပြည်နယ်တရားရုံးမှ တဖန် မြို့နယ်တရားရုံးသို့ လွှဲပေးလိုက် စသဖြင့် ကြန့်ကြာခဲ့ပြီး နောက်ဆုံးတွင် စစ်တွေမြို့နယ် တရားသူကြီးရုံးတွင် အမှုအမှတ်-၁၇၀၈/၉၂ တွင် ပုဒ်မ ၂၂၄အရ နှင့် အမှုကြီး အမှတ်-၁၇၀၉/၉၂ အမှုတွင် ပြည်သူပိုင်ပစ္စည်း ကာကွယ်ရေး အက်ဥပဒေ ပုဒ်မ ၆(၁)အရ စစ်ဆေးပြီး ၁၉၉၂ခုနှစ်၊ နိုဝင်ဘာလ ၃၀-ရက်နေ့တွင် အလုပ်နှင့် ထောင်ဒဏ် (၆)လ စီကျခံစေရန် နှင့် ပြစ်ဒဏ်နှစ်ခုစလုံးကို တစ်ပေါင်းတည်း ကျခံစေရန် စီရင်ချက် ချခဲ့သည်။

    ထိုစဉ်က ပုဒ်မ ၅/ည ဖြင့် စစ်ခုံရုံးမှ ပြစ်ဒဏ်စီရင်ချက်ချထားသည်ဖြစ်၍ စစ်တွေ အကျဉ်းထောင် အတွင်းရှိ တိုက်ခန်းတွင် သီးခြားချုပ်နှောင်ထားသဖြင့် အထက်ပါအမှုနှစ်မှုမှ စီရင်ချက်ကို အယူခံဝင်ရန် အခွင့်အလမ်း မရှိခဲ့ပေ။ ထိုအချိန်တွင် နိုင်ငံရေးပုဒ်မ ၅/ည ဖြင့် အပြစ်ပေး ခံရသူများကို တင်းကြပ်စွာ တိုက်ခန်း၌ ထားရှိသောကြောင့် မိမိ၏မိသားစုအပါအဝင် ရှေ့နေများနှင့် အတွေ့မခံရသည့် အချိန်အခါဖြစ်၍ အယူခံဝင်ရန် အခွင့်အလမ်းလုံးဝ မရနိုင်ခဲ့ပေ။ အယူခံဝင်ရန်ကာလစည်းကမ်းကျော်လွန်သွားပြီးချိန်၊ အကျဉ်းထောင်တွင်းရှိ တိုက်ခန်းတွင် လေးနှစ်ကျော် နေပြီးမှ ထောင် အရာရှိများက အေးအေးဆေးဆေး ငြိမ်သက်စွာ နေလာသူများကို နေရာခွဲကာ ထောင်ဆေးရုံသီးသန့်ဆောင်တွင် ပြောင်းရွှေ့နေစေခဲ့သည်။ တခြား အကျဉ်းသားများ၏ အယူခံလွှာများကို ရေးသားပေးရန် တာဝန်ပေးခြင်းခံရသဖြင့် အယူခံလွှာများကို ရေးသားပေးခဲ့ရသည်။

    ဦးကျော်လှအောင် ထောင်ထဲတွင်ရှိနေစဉ် ၈၈-ကျောင်းသားခေါင်းဆောင် ကိုမင်းကိုနိုင် ကို အချုပ်ခန်း တစ်ခုတွင် သီးသန့်ထားရှိပြီး ညအချိန်တွင် ထောင်ဝန်ထမ်း တစ်ဦးက စောင့်ကြည့် ရသည်ဟုဆိုသည်။ ကိုမင်းကိုနိုင်၏ ထောင်တွင်းနေထိုင်မှု အခြေအနေကို ဦးကျော်လှအောင်က ၎င်းထောင်ဝန်ထမ်းမှ တစ်ဆင့် မေးမြန်းလေ့ရှိခဲ့ကြောင်း၊ အခြေအနေ အရပ်ရပ်ကို ကိုမင်းကိုနိုင်မှ မေးမြန်းရာ ထောင်ဝန်ထမ်းမှ တစ်ဆင့် ရှင်းပြပေးလေ့ရှိသည်ဟု သိရသည်။

    ၁၉၉၄-ခုနှစ်၊ အမျိုးသားညီလာခံစတင်ချိန်တွင် ယခင် တပ်မတော်အစိုးရမှ ဆယ်နှစ်အထက် ထောင်ဒဏ် ကျခံခဲ့ရသူများကို ဆယ်နှစ်သို့ လျော့ချပေးခဲ့ရာ ဦးကျော်လှအောင် ကျခံခဲ့ရသည့် နှစ်များမှ လေးနှစ် လျော့ချခဲ့သည်။ ၁၉၉၇ခုနှစ်၊ သြဂုတ်လ ၂၈-ရက်နေ့တွင် စစ်တွေအကျဉ်းထောင်မှ လွတ်မြောက်လာ ခဲ့သည်။ ၁၉၉၈-ခုနှစ်မှ နယ်စည်းမထား ဆရာဝန်များအဖွဲ့ စစ်တွေရုံးတွင် အုပ်ချုပ်ရေးမှူးအဖြစ် မိသားစု စားဝတ်နေရေးအတွက် တာဝန်ထမ်းဆောင်ခဲ့သည်။

    ၎င်းအဖွဲ့တွင် တာဝန်ထမ်းဆောင်နေစဉ်ကာလ ၂၀၁၂-ခုနှစ်၊ ဇွန်လ ၁၀-ရက်နေ့တွင် ရခိုင်အစွန်းရောက် တချို့က ကောလာဟလ သတင်းတစ်ခု အင်တာနက် စာမျက်နှာ တစ်ခုတွင် တင်ခဲ့သည်။ ဦးကျော်လှအောင်အား ၄င်း၏နေအိမ်မှ လက်နက်သေတ္တာ ၂-လုံးရရှိ၍ ရဲဘက်မှ ဖမ်းဆီးထားကြောင်း ဖြစ်သည်။ ထိုသတင်း ဖတ်ရှုပြီး မိသားစုထံ ဖုန်းဆက်ကြည့်ရာ ဦးကျော်လှအောင် မှာ ၄င်း၏နေအိမ်တွင် အိပ်စက် အနားယူနေကြောင်း၊ မည်သည့်ပြဿနာမျှ မဖြစ်ခဲ့ ကြောင်း သိခဲ့ရသည်ဟုဆိုသည်။ ကောလာဟလ သတင်းထွက်လာချိန်က မြန်မာစံတော်ချိန် ည ၉-နာရီ ၄၅-မိနစ် (21:45 နာရီ) ဖြစ်ပြီး ဦးကျော်လှအောင် နေအိမ်တွင် အိပ်နေသည်ဟု သတင်းရရှိသည်မှာ ည ၁၀ နာရီ (22:00 နာရီ) ဖြစ်သည်။ နောက်ဆုံး သူတို့မိသားစု သိခဲ့ရသည်မှာ အစွန်းရောက်များက စစ်တွေမြို့ရှိ မွတ်စလင်မ် ရပ်ကွက်များကို တိုက်ခိုက်ရန် ကြိုတင်စီစဉ်ထားသည် ဖြစ်သည်။ ၄င်း အလုပ် လုပ်ကိုင်ခဲ့သော အဖွဲ့အစည်းမှ ကောလာဟလကို ချေပရန်ကြိုးစားခဲ့သော်လည်း မအောင်မြင်ခဲ့ပေ။

    ၂၀၁၂ခုနှစ်၊ ဇွန်လ (၁၁) ရက်နေ့ နေ့လည်အချိန်တွင် ရခိုင်အစွန်းရောက် ၅၀၀ ကျော် ၎င်းရပ်ကွက်သို့ လာပြီး ဦးကျော်လှအောင်၏ နေအိမ်ကို ဖြိုဖျက်ခဲ့ရာ ၄င်းတို့မိသားစုဝင်များ ခြံနှင့်ကပ်လျက် ဗလီ ကျောင်းခြံဝင်း ဘက်သို့ ထွက်ပြေးသွားခဲ့ရသည်။ တခြား ရွာသူ ရွာသားများလည်း ထိုနည်းတူ ထွက်ပြေး ခဲ့ရသည်။ ဦးကျော်လှအောင် အား ရဲအရာရှိများ လာရောက် ဖမ်းဆီးခဲ့ပြီး ၎င်း၏နေအိမ်အပါအဝင် တခြားနေအိမ်များကိုလည်း ပြိုဖျက်ခဲ့သည်။

    မိသားစုဝင်များအပါအဝင် ရပ်ကွက်ရှိ မွတ်စလင်မ်အားလုံးအား လုံခြုံရေးရဲများက ကာကွယ်ပေးခဲ့သည်။ လုံခြုံရေးရဲများက မွတ်စလင်မ်အားလုံးကို ကျန်ရှိနေသေးသော နေအိမ်နှစ်လုံးတွင် တစ်ည အိပ်ခွင့်ပြုခဲ့သည်။ နောက်တစ်နေ့ နေ့လည်တွင် အစွန်းရောက် ၄၀၀-၅၀၀ ဦးရေရှိသော အုပ်စုတစ်ခုမှ ဝိုင်းအုံလာရာ လုံခြုံရဲများ နှင့် စစ်တပ်မှ တင်းကြပ်စွာကာကွယ် ပေးခဲ့သည်။ ၎င်းအစွန်းရောက်များမှ မွတ်စလင်မ်လူငယ်များကို သတ်ဖြတ်ရန် လာသည်ဖြစ်သော်လည်း ရပ်ကွက်မှ ရခိုင်လူမျိုးတချို့အပါအဝင် လုံခြုံရဲ နှင့် စစ်တပ်မှ သတ်ဖြတ်ရန် ခွင့်မပြုခဲ့ပေ။

    မွတ်စလင်မ်များ၏ တောင်းဆိုချက်အရ လည်းကောင်း၊ စစ်တပ်အကြီးအကဲများ၏ ဆုံးဖြတ်ချက်အရလည်းကောင်း ၎င်းရပ်ကွက်မှ မွတ်စလင် မ်အားလုံးကို မွတ်စလင်မ် လူဦးရေများသည့် သဲချောင်းကျေးရွာသို့ စစ်တပ်ကားများဖြင့် ရွှေ့ပြောင်းပေးခဲ့သည်။

    ဦးကျော်လှအောင်မှာ ဒီကိစ္စများကို ဘာတစ်ခုမှ မသိခဲ့သလို၊ မိမိ၏မိသားစုဝင်များ၏ အခြေအနေကိုလည်း သိခွင့်မရခဲ့ဟုဆိုသည်။ ကံကောင်းစွာဖြင့် ၄င်း၏ မိသားစုဝင်များနှင့် တခြားမွတ်စလင်မ်များကို ရဲနှင့် စစ်တပ်မှ အကာအကွယ်ပေးခဲ့ပြီး လုံခြုံရာ အရပ်သို့ ရွှေ့ပြောင်းပေးခဲ့သည်။

    ရဲများ၏ အကာအကွယ်ရရှိခြင်းမှာ ၄င်းရပ်ကွက်သည် ရဲတပ်ရင်းအခြေစိုက်ရာ နှင့် နီးကပ်စွာ တည်ရှိသလို တပ်မတော်မှ ဗိုလ်ကြီးအဆင့် ပုဂ္ဂိုလ်တစ်ဦး ဦးကျော်လှအောင်၏ နေအိမ်နှင့်ကပ်လျက်အိမ်တစ်အိမ်တွင် နေထိုင်ခဲ့ဖူးသည်။ တစ်ခြားတစ်ဘက်တွင် ရဲများကို စစ်ရေးပြ သင်တန်းပြခဲ့သည့် ရဲတပ်ကြပ်ကြီး တစ်ဦးမှာ မွတ်စလင်မ် ဖြစ်ရာ သူ့တပည့်များမှ အစွမ်းကုန် အကာအကွယ်ပေးခဲ့ခြင်းဖြစ်သလို၊ အနီးအနားရှိ ရခိုင် လူမျိုးအများစုမှာလည်း မွတ်စလင်မ်များ နှင့် ရင်းနှီးသူများဖြစ်ခြင်းတို့ကြောင့် ဖြစ်သည်။

    ဦးကျော်လှအောင် အား ဥပဒေပုဒ်မ ၅၀၅/ခ ဖြင့် တရားစွဲဆိုခဲ့သည်။ အာဏာပိုင်များက ၎င်း၏နေအိမ်မှ အေလ်ကိုင်ဒါ နှင့်ဆက်နွယ်သည့် စာရွက်တစ်ခုရရှိသည် ဟုပြောသည်။ ဖမ်းဆီးမခံရခင် ကောလာဟလ သတင်းမှာ ရေးသားခဲ့သည်ကတစ်မျိုး၊ ဖမ်းဆီးပြီးတော့ အာဏာပိုင်များ၏ စွပ်စွဲမှုက နောက်တစ်မျိုး ဖြစ်နေသည်။ စွပ်စွဲပြောဆိုမှု နှင့် ကောလာဟလ တို့မှာ ကွာဟနေသည်ကို တွေ့ရှိရသည်။ အမှန် စင်စစ် ၎င်းရပ်ကွက်မှ အာဏာပိုင်များက မည့်သည့် တရားမဝင်စာရွက်စာတမ်းမျှ မရရှိခဲ့ပေ။

    ဦးကျော်လှအောင်၏ မိသားစုဝင်များသည် ငြိမ်းချမ်းရေးလိုလားသော လူမျိုးဘာသာပေါင်းစုံနဲ့ ချစ်ခင် ရင်းနှီးစွာနေထိုင်ခဲ့သူများဖြစ်ကြောင်း သက်သေသာဓကပေါင်း များစွာ ရှိနေပြီး အေလ်ကိုင်ဒါဆိုတဲ့ စကားလုံးကိုတောင် စာလုံး မပေါင်းတတ်သူများ ဖြစ်နေသည်။ အဘယ်ကြောင့်ဆိုသော် ၎င်းတို့ မိသားစု ဝင်များမှာ ဤကဲ့သို့သော အမည်ဝေါဟာရများနှင့် ရင်းနှီးကျွမ်းဝင်မှု မရှိသောကြောင့် ဖြစ်သည်။

    အမှန်တွင် ၂၀၀၁-ခုနှစ်၊ စက်တင်ဘာလ (၁၁) ရက် အမေရိကန်ပြည်ထောင်စုတွင် ကမ္ဘာ့ ကုန်သွယ်ရေး အဆောက်အအုံကို တိုက်ခိုက်ပြီး အစွန်းရောက်ဝါဒကို ရခိုင်ပြည်နယ်တွင် ပထမဦးဆုံး ရှုတ်ချပြောဆိုသူမှာ ဦးကျော်လှအောင် ဖြစ်သည်။ ဦးကျော်လှအောင်သည် မွတ်စလင်မ်များကို အစွန်း ရောက်အုပ်စုအား အားပေးထောက်ခံမှု မလုပ်ကြရန် စည်းရုံးခဲ့သူတစ်ဦးဖြစ်ပြီး၊ “ရခိုင်ဗုဒ္ဓဘာသာများ၊ ဗမာဗုဒ္ဓဘာသာများနှင့် ခရစ်ယာန်များကိုလည်း ထာဝရဘုရားသခင် (အလ္လာအရှင်မြတ်)မှ ဖန်ဆင်းခဲ့သည်။ မွတ်စလင်မ် မဟုတ်သူများကို ခွဲခြားဆက်ဆံရန် မည်သို့မျှ လက်ခံနိုင်မည် မဟုတ်ကြောင်း” ထပ်တလဲလဲ ဟောပြောစည်းရုံးလေ့ရှိခဲ့သူ Liberal ဝါဒကို ဆွဲကိုင်ထားသူ တစ်ဦးလည်းဖြစ်သည်။
    1503366_707368589276095_532245666_n
    မနှစ်က ဦးကျော်လှအောင် ဖမ်းဆီးခံရပြီး နိုင်ငံတကာအဖွဲ့အစည်းတချို့မှ အစိုးရကို ဖီအားပေးခဲ့ရာ သမ္မတ ဦးသိန်းစိန်မှ ၄င်း၏ အမှုတွဲ နှင့် ကိုယ်ရေးရာဇဝင်ကို နေပြည်တော်သို့ ပို့ဆောင်ရန် ပန်ကြားခဲ့ သည်ဟုသိရသည်။ ထောင်အာဏာပိုင်များက အမှုတွဲ နှင့် ကိုယ်ရေးရာဇဝင်များကို ပို့ပေးခဲ့သည်။ သမ္မတ ဦးသိန်းစိန် က  အစိုးရမဟုတ်သော အဖွဲ့အစည်းမှ ဝန်ထမ်းများကို ပြန်လွတ်ပေးရန် လွတ်ငြိမ်းချမ်းသာခွင့် အမိန့်ပေးခဲ့ရာ ဦးကျော်လှအောင် မှာ ၂၀၁၂-ခုနှစ်၊ သြဂုတ်လ ၁၆-ရက်နေ့တွင် လွတ်မြောက်လာခဲ့သည်။

    ၎င်းလွတ်မြောက်သွားခြင်းက ၄င်းအပေါ်တွင် မည်သည့်စွဲချက်မျှ မရှိကြောင်းနှင့် ကောလာဟလများကို အတည်ပြု သက်သေပြရန် မည်သည့် သက်သေအထောက်အထားမျှ မရှိကြောင်းကို ဖော်ပြနေသည်။

    ထောင်မှ လွတ်မြောက်လာပြီး နယ်စည်းမထားဆရာဝန်များအဖွဲ့တွင် ယခင်က လုပ်ကိုင်လျက်ရှိသော အလုပ်မှ ၄င်း၏အသက်အရွယ်အိုမင်းမှုနှင့် အာဏာပိုင်များ၏ ဖီအားတချို့ကြောင့်၂၀၁၂ခုနှစ်၊ သြဂုတ်လ တွင် အငြိမ်းစားယူလိုက်ပြီဖြစ်သည်။ အဖွဲ့အစည်းများကို အစွန်းရောက်များမှ ဖီအားပေးမှုကြောင့် ၄င်း၏မိသားစုဝင်များမှာလည်း သူတို့၏စားဝတ်နေရေးအတွက် မည်သည့် အဖွဲ့အစည်း၌မှ အလုပ်လုပ်ကိုင် နိုင်ရန် အခွင့်အလမ်း မရရှိပေ။

    1467222_702160569796897_1118236379_n

    ရန်ကုန် အမေရိကန်သံရုံးမှ သံအမတ်ကြီး စစ်တွေသို့သွားရောက်စဉ် ဦးကျော်လှအောင်မှ ၄င်းအား “ဘင်္ဂါလီ ဆိုတဲ့ အသုံးကို ဘင်္ဂါလာဒေရှ့်နိုင်ငံ အရှေ့ပါကီစတန်မှ ခွဲထွက်အပြီး ရခိုင်ပြည်ရှိ မွတ်စလင်မ်များ အတွက် သုံးဒါဖြစ်ကြောင်း၊ အရှေ့ပါကီစတန်ရှိတုန်းက ဘင်္ဂါလီ အသုံးကို မသုံးဘဲ အာရ်ကာနီစ် မွတ်စလင်မ် Arakanese Muslims ဟုသာ သုံးခဲ့ကြောင်း” ပြောသည်ကို ဒေသအာဏာပိုင်များမှ သဘော မကျခဲ့ပေ။ အာဏာပိုင် တချို့ မကျေမနပ်ဖြစ်ပုံရသည်။ တခြားကိစ္စတစ်ခုကတော့ နိုင်ငံခြားအဖွဲ့အစည်းများ လာရင် ဦးကျော်လှအောင်နှင့် တွေ့ဆုံသည်ကိုလည်း ဒေသ အာဏာပိုင်တချို့က မနှစ်သက်ခြင်း ဖြစ်သလို၊ လူ့အခွင့်အရေး ချိုးဖောက်ခံရမှု အကြောင်းကို အမှန်အတိုင်းထုတ်ဖော်ပြောမည်ကို ဒေသ အာဏာပိုင်များမှ မလိုလားခြင်းဖြစ်နိုင်မည်ဟု ယူဆရသည်။

    ၂၀၁၃-ခုနှစ်၊ ဧပြီလ ၂၆-ရက်နေ့တွင် အာဏာပိုင်များမှ လူစာရင်းကောက်ခံရာတွင် ဘင်္ဂါလီဟု ထည့်ပြီး အတင်းလက်မှတ်ထိုးခိုင်းရာ လူငယ်တချို့မှအော်ဟစ်သပိတ်မှောက်ခဲ့ကြပြီး ခဲများဖြင့် ပစ်ဖောက်သည် ဟုသိရသည်။ ဒီဖြစ်ရပ်က ဦးကျော်လှအောင် နေခဲ့သော ယာယီနေအိမ်အနီးအနားတွင် မဟုတ်ဘဲ တခြား တစ်နေရာတွင် ဖြစ်ခဲ့သည်ဟုဆိုသည်။ အာဏာပိုင်များမှ လူဦးရေစာရင်းကောက်ခံမှုကို ခေတ္တာ ရပ်နားထား သည်ဟုဆိုသည်။ မွတ်စလင်မ် ရပ်ကွက်လူကြီးတချို့ကို ဖမ်းဆီးစစ်ဆေးခဲ့ပြီး တချို့မှာ အခုထိ လွတ်မလာ ခဲ့ပေ။ တစ်ရက်တည်းတွင် တခြားရပ်ကွက်တစ်ခုဖြစ်သော ဘောဒူဖ တွင် ရဲနှင့်လူတချို့ပြဿနာဖြစ်ခဲ့ပြီး ရဲတစ်ဦးကို လူတချို့က ရိုက်ပုတ်ခဲ့သည်ဟုသိရသည်။ ၄င်းရဲက မွတ်စလင်မ်အိမ်တစ်အိမ်ထဲသို့ ပြေးဝင်ခဲ့သည်ဟုဆိုသည်။ ၄င်းရဲကို အသက်ဘေးမှ ကာကွယ်ပေးခဲ့သော အိမ်ပိုင်ရှင်သည် ဦးကျော်လှအောင်၏ တူတစ်ဦးလို ဖြစ်နေသည်။ ၄င်းက ဦးကျော်လှအောင်အား ဦးလေးဟု ခေါ်သည်။

    ရဲကို ရိုက်ပုတ်ခဲ့သော မွတ်စလင်မ် အုပ်စုက ၄င်းအိမ်ကို ဝိုင်းအုံကာ မီးရှို့ရန် ကြိုးစားခဲ့ရာ အိမ်ပိုင်ရှင်မှ ဦးကျော်လှအောင်အား ဖုန်းဆက် အကူအညီတောင်းခဲ့သည်။ ထိုအချိန်တွင် ဦးကျော်လှအောင်သည် ကျန်းမာရေး မကောင်း၍ ယာယီ အိမ်တွင် အနားယူနေချိန်ဖြစ်ပြီး ဖုန်းမှတဆင့် ပြဿနာဖြစ်ပုံကို သိခဲ့ရသည်။ ဦးကျော်လှအောင်မှ ဖုန်းဆက်ပြီး မွတ်စလင်မ်လူငယ်များအား အစွန်းရောက်မှုကို ရှောင်ရှား ရန် နားလည်အောင် ရှင်းပြပြီး တားမြစ်ခဲ့သည်။ ဦးကျော်လှအောင်၏ ဖုန်းမှတဆင့် တားမြစ်မှုကြောင့် လူငယ်များ နောက်ဆုတ်သွားခဲ့ပြီး ၄င်းအိမ်ကို မီးမရှို့ခဲ့သလို၊ ၄င်းရဲကိုလည်း အာဏာပိုင်များထံသာ လွှဲပေးခဲ့သည်။ သို့သော် အာဏာပိုင်များမှ ဦးကျော်လှအောင် ကို ဒီကိစ္စမှာ နားလည်မှုလွဲခဲ့ပြီး သံသယဖြစ်ခဲ့သည်။ ထိုနေ့မှစ၍ ဦးကျော်လှအောင် အား ဖမ်းဆီးရန် အကြိမ်ကြိမ်ကြိုးစားခဲ့ရာ ၄င်းမှာ အတွေ့မခံခဲ့ပေ။ မွတ်စလင်မ်တို့၏ ဥပုသ်လတွင် ကျန်းမာရေး မကောင်း၍ ယာယီနေအိမ်တွင် အနားယူ နေစဉ် ဇူလိုင်လ ၁၅-ရက်နေ့တွင် စခန်းမှူး နှင့် အရပ်ဝတ်နဲ့ ရဲနှစ်ဦး လာရောက်ခေါ်ဆောင် သွားခဲ့သည်။ ရဲအရာရှိများ၏ပြောပြချက်အရ ၄င်းအား စစ်ဆေး မေးမြန်းမည်သာဖြစ်ပြီး နေအိမ်သို့ ပြန်လည် ပို့ပေးမည်ဟု ပြောဆိုခဲ့သည်။
    နိုင်ငံတကာအဖွဲ့အစည်းတချို့မှ ဦးကျော်လှအောင် အား မတရားဖမ်းဆီးထားခြင်းနှင့်ပတ်သက်ပြီး ကြေငြာချက်၊ အစိုးရအပေါ် တိုက်တွန်းချက် နှင့် သတင်းတချို့ထုတ်ပြန်ခဲ့သည်။

    ဦးကျော်လှအောင် အား အာဏာပိုင်များမှ ဥပဒေပုဒ်မ ၁၄၈၊ ၁၅၀ နှင့် ၃၃၃ တို့ဖြင့် တရားစွဲဆိုထားခဲ့ပြီး နောက်ပိုင်းတွင် ဥပဒေပုဒ်မ အများအပြားတပ်ကာ စွဲချက်တင်ထားသည်။ ၄င်းဥပဒေပုဒ်မများမှာ ၁၄၈၊ ၁၅၀၊ ၃၃၂၊ ၃၃၃၊ ၃၉၅၊ ၅၀၅/ခ နှင့် ၁၀၉ တို့ဖြစ်သည်။

    ၄င်း၏ အမှုကို နေပြည်တော်သို့ ပြောင်းရွှေ့လိုက်သော်လည်း မည်သည့်ဆုံးဖြတ်ချက်မှ မချဘဲ ချုပ်နှောင် ထားသည်ဟု သိရသည်။ ထောင်တွင်းနေ အခြေအနေမှာတော့ ကောင်းမွန်စွာထားသည်ဟု ဆိုသည်။

    ဦးကျော်လှအောင်မှာ ယခုဆိုလျှင် အသက် ၇၅နှစ် ရှိနေပြီဖြစ်သည်။

    *  မှတ်ချက် – ဦးကျော်လှအောင်၏ မိသားစုဝင်တစ်ဦးမှ ရေးသားထားခြင်းဖြစ်သည်။

  • ဦးကျော်လှအောင်အား မီဒီယာများတွင် မဟုတ်မမှန် ရေးသားချက် ၄င်း၏ သားများ ရှင်းလင်းပြောကြား

    ဇူလိုင် ၂၁၊ ၂၀၁၃
    M-Media
    ဇာဏီ

    သက္ကယ်ပြင်တွင် မတရားစွတ်စွဲ ဖမ်းဆီးခံရသော ရှေ့နေဦးကျော်လှအောင်နှင့်ပတ်သက်၍ ပြည်တွင်းမီဒီယာများ၊ အင်တာနက်စာမျက်နှာများပေါ်မှ ရေးသားချက်များအား ဦးကျော်လှအောင်၏ သားများမှ ပြန်လည်ချေပရှင်းလင်းချက်

    3

    သက္ကယ်ပြင် ။           ။              သက္ကယ်ပြင်တွင် မတရားစွတ်စွဲ ဖမ်းဆီးခံရသော ရှေ့နေဦးကျော်လှအောင်နှင့် ပတ်သက်၍ ပြည်တွင်းမီဒီယာများ၊ ဖေ့ဘွတ်စ် စာမျက်နှာများပေါ်မှ ရေးသားချက်များအား ဦးကျော်လှအောင်၏ သားများမှ ပြန်လည်ချေပရှင်းလင်းချက်တစ်ချက်ရပ် ယနေ့ ဇူလိုင်လ ၂၁-ရက်နေ့တွင် ထုတ်ပြန်ပြောကြားလိုက်ပါတယ်။

    ယင်း ပြန်လည်ချေပရှင်းလင်းချက်တွင် ပြည်တွင်းမီဒီယာများသို့ ဦးတည်လိပ်မူထားပြီး အင်တာနက် စာမျက်နှာများထက်တွင် ရေးသားနေသော website များ၊ ဖေ့ဘွတ်စ် စာမျက်နှာတွင် ရေးသားနေသည့် သတင်းစာမျက်နှာများ အားလုံးသို့လည် ရည်ရွယ်ကြောင်း သိရသည်။

    အဆိုပါ  ချေပရှင်းလင်းချက်တွင် ပြည်တွင်းရှိ တစ်ချို့သောမီဒီယာများတွင် ဦးကျော်လှအောင်၏ သတင်းများဖော်ပြရာ ရှေ့နေဦးကျော်လှအောင်အား ဘင်္ဂါလီဟု မဟုတ်မမှန်ရေးသားထားသည်ကို ဦးကျော်လှအောင်၏ မိသားစုဝင်များမှ လုံးဝ ကန့်ကွက်ကြောင်း၊ သစ်ထူးလွင် website တွင် မဟုတ်မမှန်ရေးသားထားသည်ကိုလည်း ဦးကျော်လှအောင်၏ သားဖြစ်သူမှ သစ်ထူးလွင် website သို့ ကန့်ကွက်ကြောင်း စာရေးသားပေးပို့ထားပြီး ဦးကျော်လှအောင်သည် ဘင်္ဂါလီလူမျိုး မဟုတ်ကြောင်း ထပ်လောင်းပြောကြားထားသည်။

    ဦးကျော်လှအောင်မှာ လူ့အခွင့်အရေးအတွက် ရှေ့တန်းမှ ပါဝင်ဆောင်ရွက်နေသူတစ်ဦးဖြစ်ပြီး ၁၉၉၀-ရွေးကောက်ပွဲတွင် အမျိုးသား လူ့အခွင့်အရေးနှင့် ဒီမိုကရက်တစ်ပါတီ တည်ထောင်ကာ ဒု-ဥက္ကဌအဖြစ် တာဝန်ယူပြီး လွှတ်တော်ကိုယ်စားလှယ်တစ်ယောက်အဖြစ် ၀င်ရောက်ယှဉ်ပြိုင်ခဲ့စဉ်က နိုင်ငံသား/တိုင်းရင်းသား ဖြစ်ခြင်းကို စိစစ်ခံရပြီးမှ စစ်တွေ အမှတ်(၁) မဲဆန္ဒနယ်တွင် ၀င်ရောက်ယှဉ်ပြိုင်ခဲ့သူ တစ်ဦးဖြစ်သည်။ ရွေးကောက်ပွဲတွင် ဦးကျော်လှအောင် မပါဝင်နိုင်စေရန် ရွေးကောက်ပွဲမကျင်းပမီ တစ်ပတ်အလိုတွင် ဖမ်းဆီးထိန်းသိမ်းထောင်ချခံခဲ့ရသော်လည်း ၎င်းရရှိမည့် မဲများအား ကမန်အမျိုးသားပါတီမှ ရှေ့နေ ဦးရွှေယအား ပေးရန် ဦးကျော်လှအောင်မှ လမ်းညွှန်စီစဉ်ပေးမှုကြောင့် ရှေ့နေ ဦးရွှေယမှာ မဲအပြတ်အသတ်ဖြင့် အနိုင်ရရှိခဲ့သည်။

    4

    ၁၉၉၀-ခု ရွေးကောက်ပွဲမတိုင်မီတွင် ရှေ့နေဦးကျော်လှအောင်အား ရခိုင် ဒီမိုကရေစီ အဖွဲ့ချုပ်မှ ၀င်ရောက် ယှဉ်ပြိုင်ပေးရန် ၎င်း၏ဆရာဖြစ်သူ ရှေ့နေကြီး ဦးမောင်သာဇံ (ယခု ရန်ကုန်တိုင်းဒေသကြိး ရခိုင် တိုင်းရင်းသားရေးရာ ၀န်ကြီး ဦးဇော်အေးမောင်၏ အဖိုးအရင်းဖြစ်သူ)မှ တောင်းဆိုခဲ့သော်လည်း ဦးကျော်လှအောင်မှ ငြင်းဆိုခဲ့သည်။ ထိုကဲ့သို့ ငြင်းဆိုခဲ့ပြီး မကြာမီ အဖမ်းခံရသဖြင့် စစ်ခုံရုံးမှ ထောင်ဒဏ် ၁၄-နှစ် ချမှတ်ခံရခြင်းဖြစ်ကြောင်း မီဒီယာများ သိစေရန် ချေပရှင်းလင်းပြောကြားခဲ့ပါသည်။

    ဦးကျော်လှအောင်၏ ပင်စင်စာအုပ်နှင့် ၁၉၉၀-ခု ရွေးကောက်ပွဲ၌ ဦးကျော်လှအောင် ပါဝင်ယှဉ်ပြိုင်ရာတွင် ရှေ့နေကြီး ဦးမောင်သာဇံမှ ထောက်ခံစာကိုလည်း ပူးတွဲ ဖော်ပြခဲ့ပါသည်။

    ဦးကျော်လှအောင်အား မတရားသဖြင့် ဖမ်းဆီးခံရခြင်းအပြင် မဟုတ်မမှန် စွတ်စွဲရေးသား ပြောဆိုချက်များကိုလည်း ဦးကျော်လှအောင်၏ မိသားစုဝင်များမှ ထပ်မံ၍ ပြန်လည်ချေပ ရှင်းလင်းမှုများ ဆက်လက်ပြုလုပ်သွားမည်ဟု M-Media မှ ဆက်သွယ်မေးမြန်းစဉ်တွင် ဦးကျော်လှအောင်၏ သားဖြစ်သူမှ ပြောကြားခဲ့ပါသည်။

    1

    2

  • ရိုဟင်ဂျာနှင့် လဝကများ ဧပြီ-၂၆ ကဖြစ်တဲ့ ပြဿနာ ရှေ့နေ ဦးကျော်လှအောင်အား ကြိုးကိုင်သူဟု စွပ်စွဲ ဖမ်းဆီး

    ဇူလိုင် ၁၉၊ ၂၀၁၃
    M-Media
    သတင်း – ငွေသော်တာ (S.S.H)

    MSF-staffArrested UKyaw Hla Aung
    ၂၀၁၂ ခုနှစ်က အလ်ကိုင်ဒါနဲ့ ဆက်သွယ်သည့်ဟု မီဒီယာများတွင် ဝါဒဖြန့်ခံရပြီး ဖမ်းဆီးခံရ ရာမှ ပြန်လွတ်လာစဉ် ဓါတ်ပုံ- မဇ္ဈိမ

    စစ်တွေ  ။      ။      ရခိုင်ပြည်နယ်၊ စစ်တွေမြို့၊ သက်ကယ်ပြင်ကုန်း ကျေးရွာတွင် လက်ရှိနေထိုင်သူ ဦးကျော်လှအောင် အသက် (၇၄)နှစ်အား ၂၀၁၃-ခုနှစ် ဇူလိုင်လ (၁၅)ရက်၊ နေ့လည် ၁၂နာရီအချိန်တွင် စစ်တွေ အမှတ်(၁) ရဲစခန်း၊ စခန်းမှူး အရပ်သား နှစ်ယောက်မှ ၉ဃ/ ၁၅၅၉ SURF အပြာရောင်ကားဖြင့် လာရောက် ဖမ်းဆီးခဲ့ကြောင်း သတင်းရရှိသည်။

    ၂၀၁၃-ခုနှစ် ဧပြီ ၂၆-ရက်နေ့တွင် ဖြစ်ပွားခဲ့သော ရိုဟင်ဂျာ ဒုက္ခသည်များကို လ၀ကမှ သန်းခေါင်းစာရင်း ကောက်ယူရာတွင် ဘင်္ဂါလီဟု သုံးနှုန်းခဲ့မှုကြောင့် ရိုဟင်ဂျာများနှင့် လ၀က ၀န်ထမ်းများ ပဋိပက္ခ ဖြစ်ပွားခဲ့ကြောင်း သိရသည်။ ၎င်းကိစ္စတွင် ဦးကျော်အောင်လှအား နောက်ကွယ်မှ ကြိုးကိုင်သူ အဖြစ် စွပ်စွဲကာ ဖမ်းဆီးရန် ကြိုးပမ်းလျှက်ရှိကြောင်း သိရသည်။ ဦးကျော်လှအောင်အား လာရောက် ဖမ်းဆီးသည့် အချိန်၌ ကျန်းမာရေး ချို့တဲ့မှုကြောင့် ကောင်းမွန်စွာ လမ်းမလျှောက်နိုင်ကြောင်းကို သူ၏ မိသားစုဝင် တစ်ဦးက ပြောကြားခဲ့သည်။

    “နိုင်ငံခြားက ဧည်သည် ရောက်နေတယ်။ ဦးကျော်လှအောင်နဲ့ တွေ့ချင်တယ်” လို့လိမ်လည် ပြောနေချိန်မှာ စခန်းမှူး ၀င်ရောက်လာပြီး “စစ်ဆေးမေးမြန်းစရာ ရှိတယ်” ဆိုကာ ခေါ်ဆောင်သွားပါတယ်။ ဦးကျော်လှအောင်က အသက်ကြီးပြီ ဖြစ်သဖြင့် လမ်းကောင်းကောင်း မလျှောက်နိုင်ဘူး။ ဒါကြောင့် အရင်တုန်းက နိုင်ငံတကာ သံအမတ်တွေ၊ အရာရှိတွေ လာရောက် တွေ့ဆုံလေ့ ရှိပါတယ်။ နိုင်ငံတကာ NGO အရာရှိများနှင့် ဒုက္ခသည် အရေးကိစ္စများကို ဦးကျော်လှအောင်မှ ဆွေးနွေး အကြံပြုချက်များ ပြုလုပ်လေ့ ရှိပါသည်ဟု မိသားစုဝင် တစ်ဦးက ပြောဆိုခဲ့ပါသည်။ အဆိုပါ ကိစ္စနှင့် ပတ်သက်၍ ဒေသခံများအား ဆက်သွယ်မေးမြန်းခဲ့ရာ –

    ” မနက် ၁၀-နာရီမှာ ကားတစ်စီးရောက်လာပြီးတော့ ဦးကျော်လှအောင် နေအိမ်ကို ၀င်သွားခဲ့ပါတယ်။ သူအရင်တုန်းက မြို့ထဲမှာ နေတယ်။ ဘာသာရေး အထိကရုဏ်း ဖြစ်ပြီးတဲ့နောက်မှ သက်ကယ်ပြင်ကုန်း ကျေးရွာကို ပြောင်းရွှေ့နေထိုင်ခဲ့တာပါ။ သူ့ကိုအရင်တစ်ခါလည်း လာရှာတာကို သိရပါတယ်။ လ၀က ကိစ္စမှာ နောက်ကွယ်က ကြိုးကိုင်သူလို့ ထင်မြင်ပြီး လာဖမ်းသွားတာ ဖြစ်ပါတယ်။ နိုင်ငံခြား ဧည့်သည် တစ်ဦးရောက်နေတယ်။ ရှေ့နေ ဦးကျော်လှအောင်ကို တွေ့ချင်တယ်” လို့ဖုန်းဝင်လာပြီး စောင့်နေတုန်းမှာ ၀င်ရောက် ဖမ်းဆီးခဲ့တာပါ။ သူတို့ စီးလာတဲ့ ကားအမျိုးအစားကလည်း နိုင်ငံခြား ဧည်သည့်ကား ဖြစ်နေတယ်လို့ သူနှင့် အနီးကပ် နေထိုင်သူ တစ်ဦးက M-Media သို့ရင်ဖွင့်ပြောကြားခဲ့သည်။

    ဦးကျော်မြင့်ကို ဖမ်းဆီးထားတဲ့ အမှုထဲ ရောထည့်ပြီး ဖမ်းတာ ဖြစ်သည်ဟု သိရသည်။

    စစ်တွေမြို့တွင် နိုင်ငံတကာမှ အဖွဲ့အစည်းများ၊ သံတမန်များ ရောက်ရှိလာလျှင် မွတ်စလင်မ် ဒုက္ခသည်များ၏ အခြေအနေမှန်ကို ရှေ့နေ ဦးကျော်လှအောင်မှ တစ်ဆင့် မေးမြန်း စုံစမ်းလေ့ရှိသည်ဟု သိရှိရသည်။ အမေရိကန် သံအမတ်ကြီး ဒီရစ်မစ်ချယ်က ရောက်ရှိစဉ်ကလဲ ရှေ့နေ ဦးကျော်လှအောင်အား ဖိတ်ခေါ်၍ ဆွေးနွေးခဲ့ကြောင်း သိရသည်။

    အဆိုပါ အကြောင်းအရာများနှင့် ပတ်သက်၍ ဒေသခံများကို စုံစမ်းမေးမြန်းရာ –

    ” ရိုဟင်ဂျာများကို နောက်ကွယ်မှ ကြိုးကိုင်သည်ဟု ယူဆပြီး ဖမ်းတာလို့ ထင်ပါတယ်။ မေလ ၂၆ ရက်နေ့က ပဋိပက္ခအပြီးနှင့် ပတ်သက်၍ ၁၉၈၂ ဥပဒေကို အကောင်အထည်ဖော်ရန် လူဦးရေ စာရင်းကောက်ခံရာ၌ ဒုက္ခသည် စခန်းရှိ ရိုဟင်ဂျာများအား ဘင်္ဂါလီ ဟုသတ်မှတ်ခြင်းအား ရိုဟင်ဂျာတို့က လက်မခံပေ။ လူမှု အဖွဲ့အစည်းတွေ၊ ဒေသခံတွေ၊ ဒုက္ခသည်တွေ အကုန်လုံးက လက်မခံတဲ့ အတွက် ပဋိပက္ခ ဖြစ်ခဲ့တာပါ။ မွတ်စလင် ပညာတတ် လူကြီး ဖြစ်သဖြင့် ကြိုးကိုင်သည်ဟု ဦးကျော်လှအောင်ကို သက်ဆိုင်ရာက ထင်တယ်။

    ပထမ အရေးအခင်းတုန်းကလည်း အထောက်အထား ခိုင်လုံမှု မရှိဘဲ သူတို့ သဘောနဲ့ စွဲချက်တင်ခဲ့တယ်။ သူတို့ဟာ သူတို့ကြိုက်သလို ပြင်ဆင်ပြီး နယ်ထိန်း ခင်မောင်လှက ထွက်ဆိုပုံမှာ ” ဦးကျော်လှအောင်က အယ်လ်ကိုင်တာနဲ့ ဆက်သွယ်တယ်” ဟုပြောကြားခဲ့တယ်။ ကုလသမဂ္ဂမှ လူကြီးများ၏ တောင်းဆိုမှုကြောင့် သမ္မတကြီး အမိန့်ဖြင့် ပထမ အကြိမ်တွင် လွှတ်ပေးခဲ့ပါတယ်။ အဲဒီတုန်းကလည်း တရားသေ မဟုတ်ဘဲ တရားရှင် လွှတ်ပေးခဲ့တာပါ။ နောက်ပိုင်းတွင် အာဏာပိုင်များက ဦးကျော်လှအောင်အား လာရောက်ခြိမ်းခြောက်ခဲ့သည်။ အမေရိကန် သံအမတ်ကြီး ဒီရစ်မီချယ်တို့၊ အီရန် သံအမတ်ကြီး အပါအ၀င် လူ့အခွင့်အရေးဆိုင်ရာ အကြီးအကဲတွေ လာရောက် တွေ့ဆုံတဲ့အခါ ယခင်မြို့နယ်မှူး ဦးကံကြီးက လာရောက် ခြိမ်းခြောက် ခဲ့ပါတယ်။ နိုင်ငံခြား အဖွဲ့အစည်းများနှင့် တွေ့ဆုံခြင်းအား တားမြစ်ခဲ့တယ်။ RNDP လူကြီး ဦးမြအောင်က ”  ဦးကျော်လှအောင် ခင်ဗျား အသက်လည်း ကြီးပြီ၊ ဆက်ပြီး နိုင်ငံရေး မလုပ်နဲ့” လို့ တားမြစ်ခဲ့ပါတယ်။

    “အိမ်ယာမဲ့ ဒုက္ခသည်တွေဟာ မိုးတွင်းမှာ သူများအိမ်ကပ်ခိုလုံရာမှ ယခု လယ်ကွင်းတွေမှာ ကောက်ရိုး တည်ထိုးပြီးနေတယ်။ ဒါဟာ အစိုးရ သိက္ခာကျအောင် လုပ်တယ်။ ခင်ဗျားတို့ ဘာမှ မလုပ်ပေးဘူးလား” လို့မေးတယ်။ ရွာသားများကလည်း မိမိတို့ မထောက်ပံ့ နိုင်စွမ်းကြောင်း၊ ရွက်ဖျင်တဲ အလုံအလောက် မရကြောင်း စသည့်ဖြင့် ပြောကြားခဲ့သည်။  လ၀က နယ်စပ် လုံခြုံရေး ဗိုလ်မှူးကြီး ထိန်လင်း၊ ဥပဒေချုပ် ဦးလှသိန်း၊ ၀န်ကြီးချုပ် ဦးလှမောင်တင် တို့က အစိုးရ သိက္ခာ ကျစေသည်ဟု ပြောကြား ခဲ့သည်။ လူဦးရေ စာရင်း အတိအကျ ကောက်ရန် သူတို့ အဖွဲ့က ပြောသောအခါ ရိုဟင်ဂျာတွေဟာ ” သူတို့ကို လူမျိုး သတ်မှတ်ပေးပါ” ဟုတောင်းဆိုခဲ့တယ်။ လူမျိုး (——ကွက်လပ်———-) ထားမည်ဟု ၎င်းတို့ အဖွဲ့က ပြောသောအခါ ရွာသားများက လက်မခံကြပေ။

    ဧပြီ ၂၆-ရက်က ဒေသခံ အာဏာပိုင်နဲ့ န.စ.က ပူးပေါင်းပြီးတော့ သန်းခေါင်းစာရင်း လာရောက် ကောက်ခံတဲ့အခါ လက်မခံသဖြင့် ရုန်းရင်းဆန်ခတ် ဖြစ်ပြီး သူတို့ အဖွဲ့မှ တစ်ယောက် ဒဏ်ရာရသဖြင့် သန်းခေါင်းစာရင်း ကောက်ခံခြင်း ခေတ္တ ရပ်စဲခဲ့သည်။ အဲဒီနောက် ဗိုလ်မှူးကြီး ထိန်လင်းရောက်လာပြီး ရွာသားများအား ဆဲဆို ကြိမ်းမောင်းခဲ့တယ်။ ” မင်းတို့ ကုလားတွေကို အကုန်မီးရှို့ သတ်မယ်” လို့ပြောဆိုခဲ့တယ်။ အဲဒီ့နောက် အစည်းအဝေး ခေါ်တယ်။ ဦးကျော်မြင့်၊ ဦးဘသာ အပါအ၀င် လူငါးယောက် တက်ရောက်ခဲ့ရာမှ  ဦးကျော်မြင့်နှင့် ဦးဘသာတို့အား ဖမ်းဆီးထားခဲ့တယ်။ ပြီးတော့ UN ကုလသမဂ္ဂ ပါဝင်တဲ့ သတင်းစာ ရှင်းလင်းပွဲ တစ်ခုလုပ်ခဲ့ရာ ” ဒီပဋိပက္ခ ဇစ်မြစ်နဲ့  ရှောင်ရန် အချက်” ကိုမေးရာ သက်ဆိုင်ရာက တစ်စုံတစ်ရာ ဖြေကြားခြင်း မရှိခဲ့ပေ။ နောက်တစ်ရက်တွင် နောက်နှစ်ယောက်ကို ထပ်ပြီး ဖမ်းတယ်။ ဦးစံလင်းနှင့် ဦးကျော်ခင်တို့ကို ဖမ်းဆီး ခေါ်ဆောင်သွားခဲ့တယ်။

    ဒုက္ခသည် စခန်းရှိ ကလေးငယ် တစ်ဦးကောက်ရသော ဖုန်းကို ဦးလှမြင့် ဆိုသူအား သွားပေးခဲ့ရာ ဦးလှမြင့်က ခရိုင်မှူးကို ဆက်သွယ်၍ ပြန်ပေးခဲ့တယ်။ အဲဒီအခါ ဦးလှမြင့်ကို ဖုန်းခိုးမှုနဲ့ ဖမ်းဆီးခဲ့တယ်။ ဦးကျော်လှအောင်ဟာ နာမည်ကြီး ရှေ့နေ တစ်ယောက်၊ NGO ၀န်းထမ်းဟောင်း တစ်ယောက်၊ သမိုင်းသိ ပုဂ္ဂိုလ် တစ်ယောက်၊ နိုင်ငံရေး သမား လွှတ်တော် ကိုယ်စားလှယ်ဟောင်း တစ်ယောက် ဖြစ်ခဲ့တာကြောင့် သူ့ကို ပစ်မှတ်ထားပြီး ကြိုးကိုင်တယ်လို့ ထင်မြင်ကြတာပါ။ အာဏာပိုင် အဖွဲ့အစည်းတွေဟာ ဦးကျော်လှအောင်ကို ဖမ်းဆီးဖို့ ကြိုးစားနေတာ တစ်လကျော်ကြာခဲ့ပြီ ဖြစ်ကြောင်း ရွာသားများက သိခဲ့ကြသည်” ဟုဒေသခံ တစ်ဦးက ပြောကြားခဲ့သည်။

    ၁၉၉၀-ခုနှစ် စစ်တွေမြို့တွင် အမျိုးသား ဒီမိုကရက်တစ်နှင့် လူ့အခွင့်အရေးပါတီ ၌ ဦးကျော်လှအောင်မှာ ဒုဥက္ကဌ နေရာ၌ တာဝန်ယူ ပေးခဲ့ပြီး အမှတ်(၁) စစ်တွေ အမတ် မဲဆန္ဒနယ် အနေနဲ့ ယှဉ်ပြိုင်ခဲ့သည်။ ထိုရွေးကောက်ပွဲ တစ်ပတ်အလို မဲနိုင်မှာ သေချာသည့် အတွက် တခြားရခိုင် ပါတီများက တိုင်းမှူး ဗိုလ်ချုပ်မြသန်းကို ၀ိုင်းဝန်း တိုင်ကြားခဲ့သဖြင့် ဦးကျော်လှအောင်အား စစ်ခုံရုံး တင်၍ ပါတီ နိုင်ငံရေး အမှုအပါအ၀င် ၁၉၈၆-ခု စစ်တွေ တက္ကသိုလ် စီမံကိန်းကြောင့် မတရား မြေနေရာသိမ်းခံရသော လယ်သမားများဘက်မှ အမှုလိုက်ပေးခဲ့ခြင်းကိုပါ ပေါင်းပြီး ထောင်ဒဏ် (၁၂)နှစ် ချပေးခြင်း ခံခဲ့ရပါတယ်။

    ရှေ့နေဦးကျော်လှအောင် ပိုင်ဆိုင်သည့် မဲများကိုလည်း ကမန် အမျိုးသား ပါတီမှ ဦးရွှေယကို ပေးလိုက်သောကြောင့် ဦးရွှေယသည် ၁၉၉၀- ပြည်နှစ်တွင် ရခိုင်ပြည်နယ် လွှတ်တော် အမတ် ဖြစ်လာခဲ့သည်။ ရှေ့နေ ဦးကျော်လှအောင်သည် ၁၉၉၈-ခုနှစ် သြဂုတ်လတွင် လွတ်ငြိမ်းချမ်းသာခွင့်ဖြင့် လွတ်လာခဲ့သော်လည်း ရှေကနေလိုင်စင်ကို အသိမ်းခံခဲ့ရသည်။ ထိုနောက် နယ်သာလန် နိုင်ငံ အခြေစိုက် M SR Holland (Doctor Without Borders ) နယ်စည်းမထား ဆရာဝန် အဖွဲ့ AZG တွင် အုပ်ချုပ်ရေး အရာရှိ အဖြစ် အလုပ်လုပ်ကိုင်လျှက် ရှိရာမှ ၂၀၁၂-ခုနှစ် ဇွန်လ ၁၁ရက် ရခိုင် အကြမ်းဖက်မှုများတွင် Freedom News အင်တာနက် ၀က်ဘ်ဆိုက်ဒ် အပါအ၀င် ရခိုင် ၀က်ဘ်ဆိုဒ်များမှ ည ၁၀နာရီ ၄၅ မိနစ် အချိန်တွင် အလ်ကိုင်ဒါနှင့် ပတ်သက်သည့် စာရွက် စာတမ်းများနှင့် လက်နက် သေတ္တာ နှစ်လုံး ဦးကျော်လှအောင် အိမ်မှာ တွေ့ရသည်ဟု မဟုတ်မမှန် သတင်းများ လွှင့်ခဲ့သည်။ ဇွန်လ- ၁၂ရက် ညနေ ၃နာရီ ၃၀ အချိန်ခန့်တွင် ရခိုင် အကြမ်းဖက် သမားများ ဦးကျော်လှအောင် နေအိမ်ကို ရောက်လာပြီး လုယက် ဖျက်ဆီး အကြမ်းဖက်ခြင်း ပြုလုပ်ကြသည်။ ညနေ ၅နာရီ အချိန်ခန့်တွင် ရဲနှစ်ယောက်နှင့် ဦးခင်မောင်လှက ဦးကျော်လှအောင်အား ဖမ်းဆီး ခေါ်ဆောင်သွားခဲ့သည်။

    ၂၀၁၂- သြဂုတ်လ ၁၂ရက်တွင်သောမတ်ကင်တားနား အပါအ၀င် လူ့အခွင့်အရေး လှုပ်ရှားမှုတို့၏ တောင်းဆိုမှုကြောင့် သမ္မတ၏ လွတ်ငြိမ်းချမ်းသာခွင့်ဖြင့် ပြန်လည် လွတ်မြောက်ခဲ့သည်ဟု လေ့လာတွေ့ရှိရသည်။